სუფსაში, ტერმინალის შემდეგ, ცემენტის ქარხანა აშენდება

მთავარი თემა

სუფსაში, ტერმინალის შემდეგ, ცემენტის ქარხანა აშენდება

12 აპრ. 2011, 08:11:25

საზეიმო ცერემონიალში საქართველოს რეგიონული განვითარებისა და ინფრასტრუქტურის მინისტრი, საქართველოში გერმანიის სრულუფლებიანი ელჩი, "ჰაიდელბერგცემენტ ჯგუფის" დირექტორთა საბჭოს წევრი, კომპანიის მარკეტინგის მენეჯერი, გურიის გუბერნატორი და ლანჩხუთის მუნიციპალიტეტის ადგილობრივი ხელისუფლების წარმომადგენლები დაესწრნენ.

 

გავრცელებული ინფორმაციით, აქ ცემენტის ქარხანა უნდა აშენდეს, რასაც მოსახლეობა აპროტესტებს. როგორც ისინი ამბობენ, აღნიშნულმა კომპანიამ იქ რამდენიმე საცხოვრებელი სახლი შეისყიდა: _ ჩვენი ეჭვი გამართლდა და ცემენტის საწყობის მაგივრად, აქ ცემენტის ქარხანა კეთდება. მთლად გადათხარეს ყველაფერი, რკინიგზასაც გამოუთხარეს ძირი. თავიდან ამბობდნენ, რკინა-ბეტონის ქარხანა აშენდებაო, ახლა კი ცემენტის ქარხანაო. სუფსის ნავთობტერმინალსაც ასე გვამადლიდნენ, მაგრამ რა ხეირი ვნახეთ სუფსის მცხოვრებლებმა იქედან? ახლა ამ მტვერში ამოგვხდიან სულს. აქ ცხოვრება უკვე შეუძლებელი გახდა.

_ მე აქვე ვცხოვრობ და ჩემთვის არავის უკითხავს არაფერი. როცა მანქანები იცლება, საშინელი მდგომარეობაა, მუშები, რომლებიც ცლიან ვაგონს, როგორც ვიცი, უმძიმეს მდგომარეობაში არიან. 9 ლარად 4 ადამიანს აცლევინებენ მანქანას. ისე აყვავდა მაგათი საქმე, სუფსა რომ აყვავდა! გვახრჩობენ მტვერში, ისედაც მძიმე სოციალურ და ეკონომიკურ პირობებში ვგმინავთ, რით მოგვისპონ სიცოცხლე, იმას ფიქრობენ, ხალხზე ვინ ფიქრობს?!

გუბერნატორმა თქვა ერთხელ თავის გამოსვლაში, სუფსა-ლანჩხუთის განვითარების პერსპექტივა დიდიაო. სუფსა იძირება, მშივრებიც ვართ, ჩვენი გადაუჭრელი პრობლემა ყანაა, რომელსაც არ გვიღობავენ, გაპარტახებულ საყანე ფართობში შეჰყავთ გზა. რომელ ცემენტის ქარხანაზეა საუბარი? გზა გაგვიფუჭეს და ხრეშიც კი არ დაგვიყარეს. რომ გაწვიმდება, "ბოტები"უნდა გეცვას. ადგილობრივები დასაქმდნენო, რომ ამბობენ, ჩვენი კუთხიდან მხოლოდ ორი ადამიანი დაასაქმეს _ დარაჯი და ელექტრიკოსი.

ხალხი დაშინებულია, ეშინიათ, ერთად რომ დავმდგარიყავით, ამდენს ვერ გაბედავდნენ, _ ამბობენ სუფსაში.

ლანჩხუთის მუნიციპალიტეტის სოფელ სუფსის მაჟორიტარი დეპუტატი ნუგზარ ხავთასი "გურია ნიუსთან" საუბარში აღნიშნავს, რომ მან თავისი უარყოფითი პოზიცია ამ საკითხთან დაკავშირებით საწყის ეტაპზეც დააფიქსირა:

_ მე თავის დროზეც დავაფიქსირე, რომ აქ არ უნდა აშენებულიყო ქარხანა. ახლა გაიხსნა ტერმინალი და ამას მივესალმები. მომავალში რა გეგმებია, არ ვიცი, ცივილიზაციას ვინ შეაჩერებს? თუმცა, მოსახლეობისგან მოშორებით რომ ყოფილიყო, კარგი იქნებოდა. 14 ადგილობრივი ადამიანია დასაქმებული, მაგრამ რამდენადაც ვიცი, ხელფასით უკმაყოფილონი არიან. რა თქმა უნდა, ცემენტსა და მტვერში მომუშავეები, ცუდ დღეში იქნებიან. სარგებელი აქედან ის გვექნება, რომ ადგილობრივებს სამუშაოს მისცემენ და რაღაც ქველმოქმედებას მოვთხოვთ, _ ამბობს მაჟორიტარი.

აგრონომი მარინე სუნგულია "გურია ნიუსთან" საუბარში აღნიშნავს, რომ "ცემენტის მტვერი კანცეროგენური თვისებების მატარებელია და ორმაგ საშიშროებას წარმოადგენს ისეთი დასახლებებისთვის, სადაც სასოფლო-სამეურნეო კულტურები მოჰყავთ. ეს საშიშროება იქნება არა მხოლოდ სუფსისთვის, არამედ იმ მოსახლეობისთვისაც, რომლებიც აქ მოყვანილი სასოფლო-სამეურნეო კულტურებით ისარგებლებენ. განსაკუთრებით საშიშია ცემენტის ქარხნები, რადგან ქარხნის კვამლი ქარს გაცილებით დიდ ტერიტორიაზე შეუძლია გაავრცელოს."

"ჰაიდელბერგცემენტის" პრესშეფმა ნინო სუბელიანმა ჩვენს მიერ დასმული შეკითხვებიდან მხოლოდ ორ შეკითხვას უპასუხა:

_ რამდენი ადგილობრივი კადრია დასაქმებული ტერმინალზე?

_ 12 ადგილობრივია დასაქმებული.

_ როგორც ამბობენ, ტერმინალის შემდეგ, სუფსაში ცემენტის ქარხანა შენდება. რამდენად შეესაბამება ეს ინფორმაცია სიმართლეს?

_ შემდეგი წლისთვის დაგეგმილია ცემენტის ქარხნის (წისქვილის) მშენებლობა.

რაც შეეხება მთავარ შეკითხვას, აქვთ თუ არა გარემოზე ზემოქმედების შეფასების ანგარიში შესაბამისი სამსახურებიდან, სუბელიანმა იგი უპასუხოდ დატოვა.

არასამთავრობო ორგანიზაციის "მწვანე ალტერნატივა" წარმომადგენლის თქმით, სანამ არ ექნებათ გარემოზე ზემოქმედების შეფასების ანგარიში, კომენტარს ვერ გააკეთებენ.




 ახალი ამბები
  • დახურული ბაგა-ბაღები და აღსაზრდელთა განაწყენებული მშობლები1 მარტიდან საბავშვო ბაგა- ბაღებში სწავლის პროცესი განახლდა. მათთვის  გაიცა განსაკუთრებული რეკომენდაციები, რომლის დაცვა, როგორც პერსონალს, ასევე, მშობელს და ბავშვსაც მოუწევს. ამის მიუხედავად არსებობენ ბაღის აღსაზრდელები, რომლებიც 1 მარტს მაინც სახლში დარჩნენ. თბილისის მასშტაბით, 8 საბავშვო ბაღმა ვერ მოახერხა სწავლის განახლება, რადგან პერსონალს კორონა ვირუსი დაუდასტურდა. „სწავლის პროცესის დაწყებამდე წინასწარ გაიტესტა პერსონალი. თბილისი მასშტაბით 8 ბაღში გამოვლინდა ინფიცირების შემთხვევები და ეს ბაღები არ გახსნილა.  პერსონალის საიზოლაციო 12-დღიანი  ვადა რომ გავა, შემდეგ შეძლებს ბაღები სრულად ფუნქციონირებას. პერსონალი ორ კვირაში ერთხელ გაივლიან ტესტირებას, რაც მუდმივი პროცესი იქნება“, _  განმარტა ჩვენთან საუბრისას ბაგა-ბაღების სააგენტოს პრესსამსახურის ხელმძღვანელმა. აღსაზრდელების მშობლებს იმ პერიოდში, როცა ბაგა-ბაღები სასწავლო-სააღმზრდელო  პროცესი შეჩერებული  იყო ურიგდებოდათ არამალფუჭებადი, დაფასოებული პროდუქცია, რომელიც ამ ეტაპზე დახურული ბაღების შემთხვევაში, აღარ დაურიგდებათ. როგორც ბაგა-ბაღების სააგენტოს პრესსამსახურში გვითხრეს, თითო ბაღის დონეზე ვერ გადაწყდება  პროდუქტების გაცემის პროექტი, რადგან ბაღის კვება და პროდუქტების პაკეტის გაცემა სხვადასხვა  პრინციპით ხორციელდება. აქედან გამომდინარე, ბაგა-ბაღები პროდუქტებს აღარ გასცემს. ჩვენ დაგვიკავშირდა თბილისის ერთ-ერთი ბაღის აღსაზრდელის მშობელი. მისი თქმით, ბაღში დაფიქსირდა კორონავირუსი და არ განუახლებია სწავლის პროცესი, რაც ძალიან ცუდად მოქმედებს მისი  5 წლის შვილზე. „ბავშვს აქვს დეპრესია, არის საშინლად განერვიულებული. უნდა ბავშვებთან კონტაქტი, თამაში. მე და მამამისი ვცდილობთ ვეთამაშოთ, მაგრამ ბავშვებთან თამაშის დროს ივსება. ჩამორჩენაზე აღარაფერს ვამბობ. ბაღის ყოველდღიურობა და რეჟიმი აკლია. მითხრეს სავარაუდოდ, ორ კვირაში აღდგება სწავლა ჩვენს ბაღში. რა საჭირო იყო ერთი ადამიანის გამო ბაღის მთლიანად დახურვა, ვერ ვხვდები“, _ გვითხრა აღელვებულმა მშობელმა. სპეციალისტების განმარტებით, ამ ეტაპზე, მიზანშეწონილია, სასწავლო-სააღმზრდელო პროცესი შეჩერდეს იმ ბაღებში, სადაც კორონავირუსის შემთხვევებია გამოვლენილი. მათი თქმით, დაწესებულებებში ჩატარდება დეზინფექცია, მოსამსახურე პერსონალს ჩაუტარდება კოვიდტესტირება და ფუნქციონირებას გააგრძელებს იმ შემთხვევაში, თუ არ გამოვლინდება ახალი კორონავირუსით ინფიცირების შემთხვევა და რეგულაციების ყველა სტანდარტი დაცული ... ...
  • შორიდან აქვს ნასროლიო, თავს არ მოიკლავდა - დაღუპული ჯარისკაცის დედის პირველი კომენტარი19 წლის ჯარისკაცის, ჯონი ძინძიბაძის დედა დარწმუნებულია, რომ მის შვილს სიცოცხლე თვითმკვლელობით არ დაუსრულებია და გამოძიების მუხლის შეცვლას მოითხოვს. ვაზიანის მეოთხე ბაზაზე, გაურკვეველ ვითარებაში დაღუპულ სამხედროს  სულ ცოტა ხანში გადაასვენებენ, მანამდე კი მისი ოჯახის წევრები მომხდარის იმ ვერსიას კატეგორიულად გამორიცხავენ, რომლის შესახებაც თავდაცვის უწყება და გარდაცვლილის ძმა ტრაგედიის პირველივე წუთებიდან საუბრობდნენ.  "თავს ეგ არ მოიკლავდა, იმდენად ბედნიერი იყო. დამირეკა გუშინწინ, რომ ახალი გოგო გაიცნო. ანი ჰქვია, კარგი ადამიანი, წესიერი გოგოო. მინდა რომ სახლში მოვიყვანო და გაგაცნოთო, ბედნიერი იყო... ერთი სული ჰქონდა, როდის მოვიდოდა. ჯარიდან გამოსვლას აპირებდა და მოყვანას", - ამბობს დაღუპული ჯარისკაცის და.  "დაამთავრა ჯარი და ვაზიანში გადავიდა, ამდენი ხანი არ მეცალა და ახლა გავიცანი კარგი გოგო და გაგაცნობო. მიდიოდა და მოდიოდა ჭკვიანად. არაფერი დაუშავებია. შორიდან აქვს ნასროლიო..." - ამბობს დაღუპული ჯარისკაცის დედა.  შეგახსენებთ, რომ თავდაცვის სამინისტროს ინფორმაციით, გუშინ გვიან ღამით, მე-4 ბრიგადის ტერიტორიაზე ჯარისკაცმა თავი მოიკლა.  წყარო: ... ...
  • ვაქცინის მოწოდების საკითხები - ჯანდაცვის მინისტრი კელი დეგნანს შეხვდაCOVID-19-ის ვაქცინის მოწოდების საკითხზე ჯანდაცვის მინისტრმა დღეს აშშ-ს ელჩთან საქართველოში, კელი დეგნანთან შეხვედრისას ისაუბრა. ინფორმაციას ჯანდაცვის სამინისტრო ავრცელებს. სამინისტროს ცნობით, კელი დეგნანმა და მინისტრმა იმ ღონისძიებებზე საუბრეს, რომელსაც ჯანდაცვის სამინისტრო ვაქცინის დროულად მიღების კუთხით ახორციელებს. "მნიშვნელოვანია ინფექციის გავრცელების დაბალი მაჩვენებლის შენარჩუნება. საქართველომ კარგად იმუშავა ინფექციის გავრცელების შემცირების კუთხით, დიდი მოცულობის ტესტირებით და სიფრთხილის ზომებით. ახლა ის ნაბიჯები, რასაც მთავრობა დგამს ეკონომიკის გახსნის კუთხით, ეკონომიკური სტაბილურობისთვის ძალიან მნიშვნელოვანია. ჩვენ ყველა დიდ ძალისხმევას ვდებთ, რომ მივიღოთ ვაქცინა ჩვენი მოსახლეობის ასაცრელად და ყველა ქვეყანა გარკვეულ სიძნელეებს აწყდება, რომ ვაქცინის საკმარისი რაოდენობა მიიღოს. საბედნიეროდ, ნელ-ნელა ახალი ვაქცინებიც შემოდის. სულ ახლახანს გამოჩნდა ჯონსონ-ჯონსონის ვაქცინა და იმედი გვაქვს, რომ უფრო მეტი ვაქცინის მოწოდება გახდება შესაძლებელი საქართველოსთვის, ბოსნიის, მოლდივის, უკრაინისთვის, იმ ქვეყნებისთვის, რომლებიც ყველაფერს აკეთებენ, რომ თავიანთი მოსახლეობისთვის საკმარისი რაოდენობის ვაქცინა მიიღონ“, - განაცხადა საქართველოში აშშ-ს ელჩმა კელი ... ...
  • "ამ საქმეს ბოლომდე მივაწვები"_ თამარ ბაჩალიაშვილის დედაგაურკვეველ ვითარებაში გარდაცვლილი 23 წლის თამარ ბაჩალიაშვილის დედა, თეონა თამაზაშვილი, დღეს, 4 მარტს თბილისის საქალაქო სასამართლოში გამოკითხვაზე იმყოფებოდა. მისი გამოკითხვაზე დაბარება მოწმე, მარიამ შარაშენიძის მიერ გავრცელებულ ინფორმაციას მოჰყვა, რომლის მიხედვითაც ბაჩალიაშვილს გარდაცვალებამდე რამდენიმე თვით ადრე მასთან მიმოწერა ჰქონდა. თეონა თამაზაშვილი ამბობს, რომ შარაშენიძის და მისი შვილის ურთიერთობის შესახებ არაფერი იცოდა და ასევე, უცნობია არის თუ არა მათი Facebook-ზე მიმოწერის ე.წ. სქრინები ნამდვილი. "უნდათ, გამომიყვანონ მდგომარეობიდან, რომ შევეშვა ამ საქმეს. მეკითხებოდნენ, ადვოკატებთან ერთად რას აკეთებდი, ადვოკატი რას გირჩევდაო. ახლოვდება სტრასბურგი და ბოლომდე მივაწვები ამ საქმეს",- თქვა თეონა ... ...
  • რატომ დაგვიანდა და როდის გაიცემა ანაზღაურება ოზურგეთის საბავშვო ბაღებშიოზურგეთის მუნიციპალიტეტის საბავშვო ბაღებში ანაზღაურების გაცემა დაგვიანდა. მომხდართან დაკავშირებით, ოზურგეთის მერია განცხადებას ავრცელებს, რომლის მიხედვითაც, გამომწვევ მიზეზად  ტექნიკური შეფერხება სახელდება. „ოზურგეთის მუნიციპალიტეტის საბავშვო ბაღებში, ანაზღაურების გაცემა დაგვიანდა 3-4 დღით ტექნიკური შეფერხების გამო, რომელიც ამჟამად აღმოფხვრილია და ანაზღაურება გაიცემა დღეს და ხვალ“,_ ნათქვამია ... ...

არქივი

ტესტები

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

გურიაში კივს საშიში დაავადება გაუჩნდა

გურიაში, კერძოდ კი, ოზურგეთში, კივის...

გავიხსენოთ "ძველებური" ნამცხვრები

ბოლო დროს, სოციალურ ქსელში, არაერთხელ...

თებერვლის ძირითადი სამუშაოები საკარმიდამო ნაკვეთებში

თებერვლიდან, საკარმიდამო ნაკვეთებში, ხეხილოვანთა ბაღებში,...

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...