რატომ იხდის პირველკურსელი 13-წლიან სასჯელს

მთავარი თემა

რატომ იხდის პირველკურსელი 13-წლიან სასჯელს

28 აპრ. 2013, 20:50:30

საბა მღვდელაძე, ნიკა ბერუაშვილი, ზაზა შავლიაშვილი, ვასილ გიგუაშვილი, ბადრი მიქატაძე და როლანდ ნიკოლოზაშვილი.

15 ოქტომბერს, გამოძიებამ იმავე უნივერსიტეტის პირველკურსელი ლევან აბაშიძე დააკავა და სამი სხვადასხვა დანით ექვსი ახალგაზრდის დაჭრაში დასდო ბრალი. გამოძიებამ დაჭრილები დაზარალებულად სცნო, მოგვიანებით კი მათ მიმართ საქმე ხულიგნობის მუხლით აღძრა და ყველა მათგანი დააპატიმრა. ახალგაზრდები ამბობენ, რომ გამოძიებამ მათი დაპატიმრების გადაწყვეტილება მას შემდეგ მიიღო, რაც მათ უარი თქვეს ხელი დაედოთ ლევან აბაშიძისთვის. თბილისის საქალაქო სასამართლოს მოსამართლემ ზვიად ესებუამ ერთადერთი მოწმის _ "მაჭახელას" დაცვის სამსახურის თანამშრომლის მამუკა ტატიშვილის ჩვენების საფუძველზე, 18 წლის ლევან აბაშიძეს 13 წლით თავისუფლების აღკვეთა მიუსაჯა.

ბრალდების ძირითადი მოწმე მამუკა ტატიშვილი ინციდენტის დღეს, კახა სვანიძესთან და თემურ წივილაძესთან ერთად, რესტორან "მაჭახელას" დაცვისთვის განკუთვნილ ჯიხურში მორიგეობდა. ტატიშვილმა მოჩხუბრები გააშველა და როგორც აცხადებდა, საკუთარი თვალით ნახა დაჭრის პროცესი.

ინციდენტის დღესვე, გამომძიებელმა მოწმე ტატიშვილი ტექნიკური უნივერსიტეტის ინფორმატიკისა და მართვის სისტემის ფაკულტეტზე მიიყვანა და და 700 სტუდენტის პირადი ბარათი წარუდგინა. მოწმემ 345-ე ბარათზე იცნო პირი, რომელმაც "მაჭახელასთან" დანით დაჭრა ახალგაზრდები.

ამის შემდეგ, მამუკა ტატიშვილს ამოსაცნობად წარედგინა ოთხი პიროვნება, რომელთაგან მან ლევან აბაშიძე ამოიცნო.

აბაშიძის ადვოკატი ალექსანდრე ალადაშვილი ამბობს, რომ ამოცნობა კანონის უხეში დარღვევით ჩატარდა: "კანონის მიხედვით, ამოცნობის დროს, პირს წარედგინება 3 ამოსაცნობი პირი ყოველგვარი პირადი მონაცემების გარეშე. ტატიშვილმა ჯერ კიდევ ტექნიკურ უნივერსიტეტში შეიტყო სავარაუდო დამნაშავის ვინაობა, ნახა მის ფოტო, რის შემდეგაც მიიყვანეს პოლიციაში და უპრობლემოდ ამოაცნობინეს აბაშიძე."

ადვოკატმა "მაგთიდან" და "ჯეოსელიდან" გამოითხოვა მათი მომსახურე ანძების ადგილმდებარეობის ნუსხა, რის შედეგადაც დადგინდა, რომ ინციდეტის დროს, ლევან აბაშიძე და მისი მეგობარი ოთარ შანიძე შემთხვევის ადგილიდან რამდენიმე კილომეტრის დაშორებით, "ბუკიას" ბაღთან იმყოფებოდნენ.

"აბაშიძეს აბრალებენ, რომ ექვსი კაცი დაჭრა. ორი ექსპერტიზა ჩავატარეთ, მათ შორის, სამხარაულშიც და დადასტურებულია, რომ გამოყენებული იყო სამი სხვადასხვა ტიპის დანა, ადამიანს კი მხოლოდ ორი ხელი აქვს. რაც ყველაზე მთავარია, ყველა დაზარალებულმა ერთხმად განაცხადა, რომ ლევან აბაშიძე შემთხვევის ადგილზე არ ყოფილა. გარდა ამისა, სასამართლო პროცესზე ლევან აბაშიძის ამოცნობა ვერ შეძლო დაცვის ორმა თანამშრომელმა.

დაზარალებული ბიჭები უკვე პატიმრები იყვნენ და აბაშიძის პროცესზე ბადრაგმა მოიყვანა. ისინი გვერდიგვერდ დასხეს. ტატიშვილს ვკითხე, რომელი იყო მათ შორის აბაშიძე. მიპასუხა, აქედან არც ერთიო. ამ პასუხმა პროკურორი ძალიან ააღელვა. მოსამართლე ესებუამ საქმის განხილვა მაშინვე შეწყვიტა, რაზედაც პროტესტი განვაცხადე და იქვე ვუთხარი, რომ მეორე დღეს მოწმე ტატიშვილი ჩვენებას შეცვლიდა. მომდევნო პროცესზე აბაშიძე უკვე მარტო დასვეს, თუმცა, ტატიშვილმა ზუსტად ვერც მეორე დღეს დაადო ხელი. რაღაცას ამბობდა გაურკვევლად _ ეს ვინც ჩაიდინა, დარბაზში ზისო, აქ ზისო. მოკლედ, სასამართლო კი არა, ნამდვილი ცირკი იყო," _ ამბობს ადვოკატი ალექსანდრე ალადაშვილი.

"სტრასბურგელი" პატიმრების ფსიქიატრიულში წამება

ზაზა შავლიაშვილმა, რომელიც ინციდენტის დროს მძიმედ დაიჭრა, ციხე რამდენიმე თვის წინ, ახალი ხელისუფლების მიერ გამოცხადებული ამნისტიის შედეგად დატოვა. ხულიგნობის ბრალდებით მან (ხულიგნობა იმაში გამოიხატა რომ უცნობს, რომელიც მას დანით დაესხა თავს, ხმამაღლა შეაგინა) ციხეში წელიწადზე მეტი დაჰყო.

"პოლიციაში გვითხრეს, აბაშიძეს ხელს თუ არ დაადებთ, ყველას დაგიჭერთო. ჩვენ არ ვიცოდით, ვინ იყო თავდამსხმელი და, შესაბამისად, პოლიციას არ დავთანხმდით. 5 იანვარს, ღამით მომაკითხეს სახლში და დამაკავეს. გამომძიებელმა მენთეშაშვილმა მე და ჩემს მეგობრებს კიდევ ერთხელ გაგვიმეორა, რომ ან ხელს დავადებდით აბაშიძეს, ან ყველას ციხეში გაგვიშვებდა. ჯერ დაზარალებულებად გვცნეს, მერე კი ბრალდებულებად ვიქეცით იმიტომ, რომ ხელი არ დავადეთ ადამიანს, რომელსაც არ ვიცნობდით. მოკლედ, ერთ საქმეში დაზარალებულებიც ვიყავით და ბრალდებულებიც.

მიუხედავად იმისა, რომ 35 ნაკერი მედო მუცელზე, ძალიან ცუდად ვიყავი და განსაკუთრებული მკურნალობა მჭირდებოდა, ციხის რესპუბლიკურ საავადმყოფოში გადაყვანაზე კი უარს მეუბნებოდნენ. ციხის ექიმი არც კი შემოდიოდა ჩემს საკანში, ხელს მაყოფინებდა "კარმუშკიდან" და ისე მიკეთებდა ნემსს, როდესაც გაუსაძლისი ტკივილები მქონდა. იყო შემთხვევა, როდესაც ექიმმა აბანოში გამიყვანა და მითხრა, აქვე გაგიჭრი ფეხზე მდგომს და გავიგებ, რა გჭირს მაგ მუცელშიო, რაზეც, რა თქმა უნდა, უარი ვუთხარი.

ბოლოს, როგორც იქნა გადამიყვანეს ციხის საავადმყოფოში. ამასობაში, საქმე სტრასბურგის სასამართლოში გავასაჩივრე და პრობლემები მომემატა. ციხეში წესად ჰქონდათ ე. წ. "სტრასბურგელი" პატიმრების ფსიქიატრიულში გადაყვანა დღეში, ზოგჯერ რამდენჯერმეც კი. ღამის პირველ საათზე ჩემი ფსიქიატრიულში გადაყვანა ერთადერთ მიზანს ემსახურებოდა _ სტრასბურგის სასამართლოდან გამომეტანა საჩივარი. ციხის რესპუბლიკური საავადმყოფოს დირექტორმა ფსიქიატრულში პირდაპირ მომთხოვა, საჩივრის გამოტანა," _ ამბობს შავლიაშვილი.

გახულიგნებული დაზარალებულები

საბა მღვდელაძე ერთ-ერთი იყო ექვსიდან, ვინც "მაჭახელას" წინ მძიმედ დაიჭრა. მისი დაკითხვა გამომძიებელმა ჯერ კიდევ საავადმყოფოში სცადა, თუმცა, პაციენტის მძიმე მდგომარეობის გამო ექიმმა ამის უფლება არ მისცა. სახლში გაწერის შემდეგ დაზარალებული ე. წ. "დოლიძის განყოფილებაში" დაიბარეს და ლევან აბაშიძის ამოცნობა სთხოვეს.

"გამომძიებელმა მითხრა, დამნაშავე დაკავებული გვყავს და ამოცნობას თუ შეძლებო. ამაზე ვუპასუხე, რომ წინასწარ გარანტიას ვერ მივცემდი და ამოცნობას თუ ჩაატარებდნენ, ალბათ, ამოვიცნობდი. გამომძიებელმა მკითხა, ლევან აბაშიძეს თუ იცნობო? ვუთხარი, რომ ეს სახელი პირველად მესმოდა. გამომძიებელმა მაჩვენა აბაშიძის პირადობის მოწმობის ასლი _ ფოტოზე გამოსახული პირი არ მეცნობოდა. ეს ბნელი სურათიაო და პირადობის მოწმობის დედანი მანახა. მე კვლავ ვერავინ ვიცანი. მას შემდეგ არავინ დამკავშირებია."

4 იანვარს, საბა მღვდელაძეს გამომძიებელმა შუაღამისას დაურეკა, ექსპერტიზის პასუხები მოგვივიდა და სასწრაფოდ უნდა გაგაცნოთო. საბა იხსენებს, რომ იმ საღამოს მიღებული დაზიანებების გამო თავს ძალიან ცუდად გრძნობდა, სასწრაფო გამოიძახა და ყოველ წუთს ელოდებოდა ექიმის მისვლას.

"გამომძიებელმა მითხრა, პრობლემა არ იქნება, ჩემი ბიჭები მოგაკითხავენ, განყოფილებაში ჩამოგიყვანენ და თუ დაგჭირდა, ექიმიც იქვე მოგემსახურებაო. პოლიციაში წამიყვანეს იმ პირობით, რომ 20 წუთში უკან დამაბრუნებდნენ. მამა თან გამომყვა, მაგრამ ის შენობაში არ შემოუშვეს. რამდენიმე წუთში გამომძიებელმა მენთეშაშვილმა მამაჩემს უთხრა, რომ დამაპატიმრეს და სახლში ვეღარ წავიდოდი."

საბა მღვდელაძე იხსენებს, რომ პოლიციის განყოფილებაში მას უცნობი ქალი დახვდა, რომელიც მას ფსიქოლოგად გაეცნო. ქალმა ურჩია, თუ დაზარალებულის სტატუსით გინდა დარჩე, აბაშიძეს დაადე ხელი, ისედაც ყველაფერი ვიცით და დამალვას აზრი არ აქვსო. საბას განყოფილებაში დაპირებული ექიმი არ დახვდა, ცოტა ხანში ის ცუდად გახდა და ღებინება დაეწყო. დაკავებული მეგობრებთან ერთად დიღომში პოლიციის მთავარ სამმართველოში გადაიყვანეს.

იმ ღამეს, საბა მღვდელაძის ჯანმრთელობის მდგომარეობა უკიდურესად დამძიმდა და ის "მიხაილოვის" საავადმყოფოში გადაიყვანეს. მღვდელაძეს სასწრაფო ოპერაცია გაუკეთდა და ნაწლავური ტუბერკულოზი დაუდგინდა. მესამე დღეს საბა მღვდელაძეს აცნობეს, რომ მის მიმართ სისხლის სამართლებრივი დევნა შეწყდა.

მღვდელაძე ტუბდისპანსერში მკურნალობდა, როდესაც ექიმისგან შეიტყო, რომ პოლიცია ეძებდა. სწორედ ამ პერიოდში მას სასამართლოდან აცნობეს, რომ აბაშიძის საქმეზე დაზარალებულად იყო ცნობილი: "ჯერ ისევ მკურნალობის კურსს გავდიოდი, სიარული მიჭირდა. დედამ კარი გარედან ჩაკეტა და მაღაზიაში ჩავიდა. უცებ კარზე ბრახუნი ატყდა, ათამდე კბილებამდე შეიარაღებული პოლიციელი იდგა და კარის გაღებას მთხოვდა. წინააღმდეგ შემთხვევაში ისინი კარის შემომტვრევით დამემუქრნენ."

საბა მღვდელაძე მეორედ დააპატიმრეს და გლდანის ციხეში გადაიყვანეს. მკურნალობის გაგრძელების უფლება მას მხოლოდ 11 დღის შემდეგ მისცეს, თუმცა, მისი თქმით, წამლების დალევას აზრი უკვე აღარ ჰქონდა.

დაზარალებულების მტკიცებით, ლევან აბაშიძე პირველად თბილისის საქალაქო სასამართლოში ნახეს, სადაც ისინი ციხის ბადრაგმა დაზარალებულის სტატუსით მიიყვანა: "ლევან აბაშიძე პირველად სასამართლოში ვნახეთ. არც ერთს არ გვეცნობოდა. ვკითხე, რატომ ხარ დაჭერილი,-მეთქი. არ ვიციო, იმ პერიოდში მეგობრის ტელეფონიდან დავრეკე ბუკიას ბაღიდან და ალბათ, მაგიტომო," _ იხსენებს საბა მღვდელაძე.

სასამართლომ ლევან აბაშიძე დამნაშავედ ცნო, გამომძიებელმა კი დაზარალებულებს ახალი ულტიმატუმი წაუყენა _ ეღიარებინათ ხულიგნობა.

მოტყუებით აღიარებული ხულიგნობა

"ჩვენ უარი ვთქვით იმის აღიარებაზე, რაც არ ჩაგვიდენია. ჩვენი სასამართლო უკვე დაწყებული იყო, როდესაც გიგუაშვილს და ნიკოლოზაშვილს ახალი ადვოკატი გამოუჩნდა. მან ბიჭებს აღიარება ურჩია და მართლაც, ნიკოლოზაშვილი ჯარიმით გაუშვეს. ამ ადვოკატმა ჩვენი და ჩვენი მშობლების დარწმუნებაც სცადა: უნდა აღიაროთ, რომ იმ დღეს ლევან აბაშიძეს ეჩხუბეთ და გაგიშვებენო. ამაზე უარი ვთქვით. რამდენიმე დღეში კვლავ შემოგვთავაზა, უბრალოდ, აღიარეთ, რომ იჩხუბეთ, თუ არ გინდათ სულ ნუ დაასახელებთ აბაშიძის გვარსო. ეს წინადადება ჩვენთვისაც მისაღები აღმოჩნდა, ოღონდაც თავი დაგვეღწია ციხისთვის და ვაღიარეთ ხულიგნობა. ბოლო წუთამდე ველოდით, რომ სასამართლო გაგვიშვებდა, მაგრამ ამის ნაცვლად მოსამართლე გვეჩხუბა, ხომ არ გგონიათ, თქვენი ამ აღიარებით რამეს შევცვლიო. გაშვების ნაცვლად სასამართლომ ექვს-ექვსი თვე მოგვაკლო," _ ამბობს საბა მღვდელაძე.

ლევან აბაშიძის ადვოკატი ალექსანდრე ალადაშვილი აცხადებს, რომ ამ საქმის გამომძიებელი, პროკურორი და მოსამართლეები დასაჭერები არიან: "ამ საბრალდებო დასკვნის ავტორს ან შვილი არ ჰყავდა, ან ნამუსი არ ჰქონდა? რას ერჩოდა ამ ბავშვებს? მათ თავს დაესხნენ უცნობი პირები, სცემეს, დაჭრეს და გამოძიებამ ისინი ჯერ დაზარალებულებად სცნო, შემდეგ კი ციხეში გაუშვა მხოლოდ იმიტომ, რომ მათ ტყუილად არ დაადეს ხელი ლევან აბაშიძეს. ყველა მოწმე, მათ შორის დაზარალებულებიც, ითხოვდნენ, ეჩვენებინათ დაკავებული და ჩაეტარებინათ ამოცნობა. ზოგიერთი მათგანი სამჯერ დაკითხეს. ისინი ყველა დაკითხვის დროს ითხოვდნენ ამოცნობის ჩატარებას, თუმცა, გამოძიება ისე დამთავრდა, ამოცნობა არ მომხდარა. ბოლოს კი თქვეს, ახლა ვეღარ ვიცნობთ, ამდენი დრო გავიდაო.

ამ საქმის პროკურორი ნანა ჯაყელი, რომელიც დააწინაურეს და თბილისის პროკურატურაში გადაიყვანეს; პროცესზე გამომსვლელი პროკურორი ქეთევან ჩაჩავა, რომელიც ასევე დააწინაურეს და მთავარ პროკურატურაში გადაიყვანეს; მოსამართლე ესებუა და სააპელაციო კოლეგიის წევრები, ბებიაშვილი და სხვები ყველანი ციხეში უნდა წავიდნენ. პროკურორმა ჯაყელმა პირდაპირ მითხრა, თქვას აბაშიძემ, ვინ დაჭრა ის ბიჭები და გავუშვებო. ლევან აბაშიძე საერთოდ არ ყოფილა შემთხვევის ადგილზე და ვისთვის დაედო ხელი?

ამ ადამიანების მუშაობა არ შეიძლება. მათ პასუხი უნდა აგონ ამ საქმისთვის _ მათ ლევან აბაშიძეც დაღუპეს და ეს ახალგაზრდებიც," _ ამბობს ადვოკატი "გურია ნიუსთან" და დიდი იმედით ელოდება ხარვეზების დამდგენი კომისიის შექმნას, სადაც ლევან აბაშიძის განაჩენს გაასაჩივრებს.

ახალი ამბები

"დედა-შვილი საავადმყოფოში ამ დრომდე მძიმე მდგომარეობაში არიან"ბაღდათში, სოფელ დიმში მომხდარი ავტოსაგზაო შემთხვევის შედეგად დაშავებული დედა-შვილის მდგომარეობა ამ დრომდე მძიმეა. ამის შესახებ "გურია ნიუსს" ოჯახის ნათესავი ესაუბრა: "გოგონას ოპერაცია უკვე ჩაუტარდა და ვლოცულობთ, რომ გადარჩეს. რაც შეეხება დედას, ის აპარატზეა შეერთებული. უბედურება მოხდა და ფაქტობრივად, ოჯახი განადგურდა”. შეგახსენებთ, ავტოსაგზაო შემთხვევა სოფელ დიმში 25 ოქტომბერს მოხდა _ ავტომობილი, რომელშიც ოჯახის წევრები ისხდნენ, სავალი გზის ნაწილიდან გადავარდა. მომხდარის შედეგად, ოთხი მგზავრი ადგილზე გარდაიცვალა, ორი კი მძიმედ ... ...
“აი ია, ძია იაკობ, აი იაო” _ დღეს იაკობ გოგებაშვილის დაბადების დღეაიაკობ სიმონის ძე გოგებაშვილი, ქართველი პედაგოგი, მეცნიერული პედაგოგიკის ფუძემდებელი საქართველოში, პუბლიცისტი, საბავშვო მწერალი და საზოგადო მოღვაწე 1840 წლის 27 ოქტომბერს, სოფელ ვარიანში, ღარიბი მღვდლის ოჯახში დაიბადა. იაკობი ჯერ გორის, შემდეგ თბილისის სასულიერო სასწავლებელში სწავლობდა. 1855 წელს შევიდა თბილისის სასულიერო სემინარიაში, 1861 წელს კი — კიევის სასულიერო აკადემიაში. პარალელურად უნივერსიტეტში საბუნებისმეტყველო დისციპლინებში ისმენდა ლექციებს, მაგრამ ჯანმრთელობის მდგომარეობის გამო, იძულებული გახდა 1863 წელს სამშობლოში დაბრუნებულიყო. 1864 წელს გოგებაშვილი თბილისის სასულიერო სასწავლებლის მასწავლებლად, ხოლო 1868 წელს მის ინსპექტორად დაინიშნა. ამავე დროს, იგი აქტიურად ჩაება ეროვნულ-განმათავისუფლებელ მოძრაობაში, რომელსაც ილია ჭავჭავაძე და აკაკი წერეთელი მეთაურობდნენ. გოგებაშვილის პროგრესულმა პედაგოგიურმა მოღვაწეობამ სინოდისა და მეფის ხელისუფალთა უკმაყოფილება გამოიწვია და 1874 წელს, იგი, როგორც პოლიტიკურად არასაიმედო, მოხსნეს თანამდებობიდან. ამის შემდეგ, გოგებაშვილი სახელმწიფო სამსახურში აღარ შესულა და მთელი სიცოცხლე საზოგადო მოღვაწეობას მიუძღვნა. გოგებაშვილი დაუღალავად იბრძოდა სახალხო სკოლების შექმნა-დამკვიდრებისათვის საქართველოში. იცავდა რეალური განათლების უპირატესობას ფორმალურთან შედარებით. განსაკუთრებით დიდია ღვაწლი ქართველთა შორის წერა-კითხვის გამავრცელებელი საზოგადოების დაარსებასა და საქმიანობაში. იაკობ გოგებაშვილის პირადი არქივი დაცულია საქართველოს ხელნაწერთა ეროვნულ ცენტრში გოგებაშვილის პედაგოგიური მოძღვრება ქართული კულტურის წიაღში საზღვარგარეთისა და რუსეთის პროგრესული პედაგოგიკის მემკვიდრეობის ათვისებისა და შემოქმებითად გადამუშავების შედეგად აღმოცენდა; მსოფლმხედველობა რუსეთის რევოლუციურ-დემოკრატიული იდეების გავლენით ჩამოყალიბდა. მისთვის, როგორც კონსტანტინე უშინსკისათვის რუსეთში, მთავარი პედაგოგიკის პრინციპი იყო ხალხურობის პრინციპი, რომელიც ერის ინტერესების შესაბამის სახალხო განათლებას, ეროვნული კულტურის აღორძინებასა და მშობლიურ ენაზე სწავლებას გულისხმობდა, ამასთან რუსული ენის შესწავლის აუცილებლობასაც. გოგებაშვილმა ჩვენში პირველმა წამოაყენა აღმზრდელობითი სწავლების იდეა, ხოლო სწავლების პრინციპებად — შეგნებულობა და აქტიურობა, სისტემატურობა და თანამიმდევრობა, მისაწვდომობა და თვალსაჩინოება. პედაგოგიკისა და ცალკეულ საგანთა მეთოდიკის ყველა მნიშვნელოვანი პრობლემა განხილულია გოგებაშვილის შრომებში: „ბურჯი ეროვნებისა“, „ხე ნაყოფით იცნობება“, „ახალი ნაბიჯი ხალხის განათლებაში“, „ბრმა წინამძღოლობა ხალხის განათლებაში“, „ახალი სამოსწავლო გეგმის შესახებ“, „სახალხო მასწავლებლის ღვაწლი და უკიდურესი გაჭირვება მისი“, „განათლების მდგომარეობა საქართველოში“, „მშობლიურ ენაზე სწავლების საკითხები“ და სხვა. განსაკუთრებით აღსანიშნავია გოგებაშვილის სასკოლო სახელმძღვანელოები. „ქართული ენის ანბანი და პირველი საკითხავი წიგნი მოსწავლეთათვის“ (1865), „ბუნების კარი“ (1868), „დედა ენა“ (1876), „რუსკოე სლოვო“ (1887), რომლებმაც დიდი როლი ითამაშეს ახალი ქართული სალიტერატურო ენის განვითარებასა და დამკვიდრებაში და რომელთა პრინციპზეა შედგენილი ქართული სკოლების დაწყებითი კლასებში მოქმედი ქართული და რუსული ენის სახელმძღვანელოები. მოზარდებს სამშობლოსათვის თავდადებასა და სიყვარულს შთააგონებს, ცნობილი მოთხრობა „იავნანამ რა ჰქნა“ (1890) ჰუმანიზმს, პატრიოტიზმს, ხალხთა მეგობრობას ქადაგებს. 1910 წელს გამოვიდა მწერლის რჩეულ პედაგოგიკის და პუბლიცისტურ თხზულებათა ერთტომეული. თავისი საბავშვო მოთხრობებით და კრიტიკული მიმოხილვებით გოგებაშვილმა დიდი ამაგი დასდო საყმაწვილო ჟურნალებს „ნობათს“, „ჯეჯილსა“ და „ნაკადულს“. გოგებაშვილი არ იშურებდა სახსრებს სახალხო განათლებისათვის; იგი მატერიალურად ეხმარებოდა ღარიბ მოსწავლეებს, ცალკეულ საზოგადო მოღვაწეებს, პოეტებს, მწერლებს და სხვება, სისტემატურად უგზავნიდა ფულს რუსეთსა და საზღვარგარეთის უმაღლეს სასწავლებლებში მოსწავლე ქართველ სტუდენტებს, ციმბირში გადასახლებულ საზოგადოებრივ-პოლიტიკურ მოღვაწეებს. სიკვდილის წინ მან მთელი თავისი ქონება ქართველთა შორის წერა-კითხვის გამავრცელებელ საზოგადოებას გადასცა. “დედა ენა” ის წიგნია, რომლითაც ქართველი ბავშვი წერა-კითხვის სწავლას იწყებს არა ანბანის ათვისებით, როგორც ეს სხვა ენებს ახასიათებს, არამედ ორად ორი ასო-ბგერით და პირველივე წუთებიდან ბავშვი არა მხოლოდ სიტყვის, არამედ სრული წინადადების შედგენას იწყებს. ეს ჯადოსნური ასოებია “ა” და “ი”. არსებობს ლეგენდა. იაკობ გოგებაშვილს დიდხანს უფიქრია, როგორი უნდა ყოფილიყო წიგნი, რომლითაც ბავშვი ცოდნის სამყაროს ეზიარებოდა. ადრე გაზაფხულის ერთ მშვენიერ დღეს, როდესაც მწერალი მდელოზე იჯდა და ფიქრს მისცემოდა, პატარა გოგონას ხმა გაუგონია, რომელიც მისკენ ყვავილით ხელში მირბოდა: – “აი ია, ძია იაკობ, აი იაო”, – იძახდა გოგონა. “დიდი სიხარულით მივეცით პირველი ადგილი სიტყვას “ია” თავი სურათით. იმიტომ, რომ ანბანის სწავლის დაწყებისათვის მეტად მოხერხებული სიტყვაა და ბევრი ღირსება აქვს. პირველი ღირსება ის გახლავთ, რომ ეს სიტყვა შედგება ორის ხმოვნის ასოსაგან, რომელიც გამოსათქმელად ადვილნი არიან, დასაწერად არა ძნელნი და შემდეგი გაკვეთილებისათვისაც ფრიად საჭირონი, რადგანაც ამ ასოების შემწეობით ადვილად სდგება სიტყვები და ფრაზები და უამათოდ კი მათი შედგენა შეუძლებელი იქნებოდა, მეორე ღირსება ის არის, რომ მარტო ამ ორის ასოების შემწეობით ადვილად სდგება ორი სიტყვა და მათგან ფრაზა. ამის გამო ბავშვი პირველსავე გაკვეთილიდან სწავლობს არა მარტო ორ ასოსა, არამედ მაშინვე ჰკითხულობს სიტყვებს და ფრაზას, ამ ასოებისგან შემდგრას. ამის გამო ეს უძვირფასესი რამ არის ანბანის დაწყებისათვის. ბევრი ენა მოკლებულია ამ გვარს მოხერხებულ სიტყვას…”, – წერს გოგებაშვილი. წყარო: ... ...
ქვეყანა კატასტროფულ მდგომარეობაშია, უმძიმესი ზამთარი და გაზაფხული გველოდება _ ჭიჭინაძექვეყანა კატასტროფულ მდგომარეობაშია, უმძიმესი ზამთარი და გაზაფხული გველოდება, _ ამის შესახებ პოლიტიკური გაერთიანება "ტრიბუნას" ლიდერმა, დავით ჭიჭინაძემ განაცხადა. "ხალხი ყოველდღე ღარიბდება, „ოცნების“ ხელისუფლება კი, სახელმწიფო სახსრების ხარჯზე, იმ „ შავი“ ფულით, რომელსაც ბიუჯეტიდან იპარავენ, საარჩევნო კამპანიას ატარებს. „ოცნება“ თავად ითვისებს და საარჩევნო კამპანიაზე ხარჯავს იმ დახმარებასაც, რასაც უცხოელი პარტნიორები ხალხისთვის გზავნიან. ტენდერში გამარჯვებული ე.წ. შემომწირველების შემოწირულობებიც სახელმწიფოს ფულით არჩევნების ჩატარების ერთ-ერთი გზაა. მოკლედ, სწორედ ასეთი უაზრო ხარჯვების და მოსყიდვების გამო, არჩევნების შემდეგ, უმძიმესი პერიოდი დადგება და ამას თითოეული ჩვენთაგანი საკუთარ თავზე , საკუთარ შემოსავალზე, საკუთარ მაცივარზე იგრძნობს, _ აცხადებს „ტრიბუნას“ ლიდერი დავით ჭიჭინაძე. ... ...
მუხაშავრია: “ქართული ოცნების” წარმომადგენელი ნაძალადევის ოლქში გასაიდუმლოებულ შეხვედრებს ატარებს (R)“ქართული ოცნების” წარმომადგენელი ნაძალადევის ოლქში, მიხეილ ყაველაშვილი, დახურულ, გასაიდუმლოებულ შეხვედრებს ატარებს ამ ოლქში მდებარე სკოლებში და საბავშვო ბაღებში და დაწესებულებების პერსონალს - სკოლის მასწავლებლებს, საბავშვო ბაღის აღმზრდელებს, მზარეულებს -ავალდებულებს იარონ კარდაკარ და ამომრჩევლები დაარწმუნონ რომ შემოხაზონ მხოლოდ 41. მიხეილ ყაველაშვილი ასევე პირადად ხვდება ხანდაზმულ ადამიანებს და მათ სოციალური დახმარების დანიშვნას სთავაზობს, მაშინაც კი, როდესაც მათ ასეთი არ სჭირდებათ. ასევე პირადად მაწვდიან ინფორმაციებს იმის თაობაზე, რომ საგანმანათლებლო დაწესებულების თანამშრომლები ძალიან აქტიურად არიან ჩაბმული კანონსაწინააღმდეგო პოლიტიკურ საქმიანობაში, რაც მოგეხსენაბათ არალეგალური და დაუშვებელია. თან, ეს ყველაფერი ხდება ძალიან ინტენსიური ტემპით და მოსახლეობა ამით შეწუხებულია. მივმართავ განათლების მინისტრს, ბატონ მიხეილ ჩხენკელს, დაუყოვნებლივ გასცეს განკარგულება რათა შეწყდეს საგანმანათლებლო დაწესებულებების თანამშრომელთა პოლიტიკურ ღონისძიებებში მონაწილეობა და მათი საარჩევნო კამპანიაში ჩართვა, თუ რა თქმა უნდა მისი განკარგულებით არ ხდება ეს უკანონობა. ჩემის მხრივ კი, გპირდებით ყველას, რომ მსგავსი უკანონო საქციელებისთვის პასუხს მოვთხოვთ ყველას, ამა წლის პირველი ნოემბრიდან“,_ აცხადებს ლია მუხაშავრია, პოლიტიკური მოძრაობა „დავით ჭიჭინაძე - ტრიბუნას“ წევრი. (R) ... ...
როდის გახსნის პანდემიის გამო დახურულ ქუთაისის ბაზას WizzAir "ქუთაისის ბაზას, რომელიც პანდემიის ფონზე დავხურეთ, მომდევნო წლის ზაფხულის სანავიგაციო სეზონზე გავხსნით“, - ამის შესახებ BMG-ს უნგრული ავიაკომპანია WizzAir-ის კორპორატიული კომუნიკაციების მენეჯერმა ანდრაშ რადომ განუცხადა. ცნობისთვის: ზაფხულის სანავიგაციო სეზონი მარტის ბოლოს იწყება და ოქტომბრის ბოლომდე გრძელდება. მისი თქმით, ავიაკომპანია ბაზის გახსნას და ოპერირების განახლებას ზამთრის სეზონზე აპირებდა, თუმცა ამის შესაძლებლობა არ მიეცათ. „ფრენების აღდგენა არ არის დამოკიდებული მხოლოდ ჩვენზე ან ერთ რომელიმე ქვეყანაზე, ეს არის ორმხრივი პროცესი და ყველას პირობა, როგორც - საქართველოს, ასევე მეორე ქვეყნის უნდა დაკმაყოფილდეს. ჩვენი მხრიდან მზაობა იმისა, რომ გავზარდოთ ფრენების სიხშირე და მიმართულებები, რა თქმა უნდა, არის და ვიფრენთ, როგორც კი ამის შესაძლებლობა გვექნება. ვმუშაობთ კიდევაც რეისების გაზრდასა და დამატებაზე მათ შორის საქართველოში, თუმცა პროცესებს სჭირდება დრო და ძველი პოზიციების დაბრუნებას ეტაპობრივად ვეცდებით”, - აღნიშნა ანდრაშ რადომ. ამასთან, როგორც BMG-ისთან ინტერვიუში ავიაკომპანიის კორპორატიული კომუნიკაციების მენეჯერმა თქვა, მათ რამდენიმე ქვეყანაში სტრატეგია შეცვალეს და ფოკუსი შიდა ფრენებზე გააკეთეს, მათ შორისაა იტალია, სადაც ყველაზე დიდი მოთხოვნა სწორედ შიდა გადაადგილებაზე მოდის, ამიტომაც ზოგიერთ ქვეყანაში დაიხურა ბაზა, ზოგან კი, პირიქით - მეორე და მესამე გაიხსნა. „პანდემიის ფონზე ფრენების უმეტესობა შიდა გადაადგილებაზე მოდიოდა და ამიტომ დადგა საჭიროება, გაგვეხსნა ახალი ბაზები; ასევე, ჩვენ მუდმივად ძიებაში ვართ ახალი მიმართულებების და სწორედ ამის მიზეზია ახალი ბაზის გახსნა სხვადასხვა ქვეყანაში, მათ შორის იტალიაში, გერმანიასა და საბერძნეთში, ხოლო გაუქმებული ფრენების გამო, ქუთაისის ბაზის დროებითი დახურვის გადაწყვეტილება მივიღეთ, თუმცა არ ვაპირებთ გაჩერებას; ახლაც და შემდეგაც ვიფრენთ იმდენს, რამდენის უფლება და საშუალებაც გვექნება. რაოდენობის გაზრდაზე კი, მუდმივად ვმუშაობთ. მეორე მხრივ, ვმუშაობთ ახალი თვითმფრინავების შეძენა-მომარაგების მიმართულებით, ვაახლებთ ავიაპარკს და როცა დასრულდება პანდემია და დაიწყება როგორც საავიაციო, ასევე, ტურიზმის სექტორის აღდგენა, მზარდ მოთხოვნას მომზადებულები დავხვდებით “, - აღნიშნა WizzAir-ის კორპორატიული კომუნიკაციების მენეჯერმა ანდრაშ რადომ. ცნობისთვის: დაბალბიუჯეტიანი ავიაკომპანია Wizz Air-ი ევროპის სხვადასხვა მიმართულებებიდან ქუთაისის საერთაშორისო აეროპორტის მიმართულებით რეისების ეტაპობრივად ანახლებს. ავიაკომპანიამ რიგა-ქუთაისი-რიგას საჰაერო ხაზზე ოპერირება რამდენიმე კვირის უკან განაახლა, ხოლო ნოემბრიდან ფრენებს დორტმუნდი-ქუთაისი-დორტმუნის და ვილნიუსი-ქუთაისი-ვილნიუსის საჰაერო ხაზებზე განაახლებს. ბილეთები ავიაკომპანიის ვებგვერდზე უკვე ხელმისაწვდომია. შეგახსენებთ: უნგრულმა ავიაკომპანია Wizz Air-მა ქუთაისში ბაზა 2016 წლის სექტემბერში გახსნა. 2020 წლის ივლისში, BMG-ის ავიაკომპანიის კორპორატიული კომუნიკაციების უფროსმა ანდრაშ რადომ განუცხადა, რომ ბაზამ საქმიანობა 2020 წლის გაზაფხულზე შეაჩერა და ავიაკომპანიამ მასში არსებული თვითმფრინავების რეალოკაცია მოახდინა. მაშინ ავიაკომპანიაში თქვეს, რომ ქუთაისის ბაზას საქართველოში ფრენების განახლებისთანავე არ აღადგენდნენ და ეს მხოლოდ სიხშირეების მატების შემდეგ მოხდებოდა. უფრო ვრცლად აღნიშნულის შესახებ შეგიძლიათ წაიკითხოთ ბმულზე. წყარო: ... ...