"არ გავჩერდებით!" აქციამ სუფსის კარიერთან პერმანენტული ხასიათი მიიღო

მთავარი თემა

"არ გავჩერდებით!" აქციამ სუფსის კარიერთან პერმანენტული ხასიათი მიიღო

10 მარ. 2020, 15:37:03

ოზურგეთის მუნიციპალიტეტის სოფელ სილაურში, მდინარე სუფსის კალაპოტში კარიერული წარმოების შეჩერებასთან დაკავშირებით, 5 მარტის შემდეგ, ადგილობრივთა აქცია კვლავ გაგრძელდა.

ადგილობრივები კარიერზე მომუშავე კომპანიის ხელმძღვანელის და გარემოს დაცვის სამინისტროს გურია-აჭარის რეგიონის წარმომადგენელთა მოსვლას ითხოვდნენ.

7 მარტს, დილიდან ბაილეთის და სილაურის მცხოვრებლები კვლავ შეიკრიბნენ ორი სოფლის საზღვარზე, მდინარე სუფსის ხიდთან, სადაც კარიერისკენ მიმავალი გზაა და ათეულობით მძიმე სატვირთო მანქანას, რომლებსაც ხრეში გადაქონდათ, გზა გადაუკეტეს. ადგილზე იმყოფებოდნენ ჟურნალისტები, რეგიონის პოლიციის წარმომადგენლები, ოზურგეთის მუნიციპალიტეტის საკრებულოს წევრი სილაურიდან გოჩა კილაძე, ასევე, გარემოს დამცველები: ირმა გორდელაძე და ლევან მგელაძე (ოზურგეთის საკრებულოს დამოუკიდებელი დეპუტატი).

შპს "ქიუ ემ სის" წარმომადგენელი კობა ლექვინაძე აქციის მონაწილეებთან მალე მოვიდა.

_ ყველაფერი კეთდება კანონის სრული დაცვით. ადრე ვინ რას აკეთებდა, მე ნუ მომაწერთ. ერთი თვეც არაა, რაც აქ მოვედი. მანამდე სხვა მუშაობდა. რატომ გგონიათ, რომ ვინმე კანონს არღვევს? დღეში ოთხჯერ და ხუთჯერ ამოდიან აქ გარემოს დამცველები. შემაწუხებელია, მეტი რომ არაფერი, მაგრამ წესი წესია. სალიცენზიო ტერიტორია იმიტომ არსებობს, რომ იქ მე მაქვს კანონიერი მოპოვების უფლება, ყველაფერი კეთდება კანონის სრული დაცვით, _ უთხრა მან აქციის მონაწილეებს. თუმცა, ადგილობრივები ამ საუბრით მხოლოდ გაღიზიანდნენ და კატეგორიულად მოითხოვეს, მტკიცებულების სახით, დოკუმენტაციის წარმოდგენა, რომ ხრეშის ამოღებისას კანონი არ ირღვევა.

_ კანონი არ ირღვევა კი არა, გაარღვიეს სუფსის კალაპოტი და ლამის, მთა-გორიანად შუაზე გადაჭრან აქაურობა. ვის სჭირდება ამათი დემაგოგია? მობრძანდნენ აქ გარემოს დაცვის სამინისტროს წარმომადგენლები, "შპარგალკებით" შეიარაღებულ კომპანიებს რომ გვიგზავნიან ნახევარი საუკუნის წინ დაბეჭდილი რუკებით, შედით და ამოგლიჯეთ გულ-მუცელი სუფსასო. მობრძანდნენ აქ! სუფსა მალე გადაირევა და ხალხი კი გადარიეს მაგათ უკვე. მოსყიდვაზეც არ ეშლებათ ხელი, "პიარშიკებიც" ჰყავთ სოფელში, _ თქვეს ადგილობრივებმა _ ტარიელ ნაჭყებიამ და იური დარჩიამ.

გარემოს დამცველმა ირმა გორდელაძემ მოითხოვა დოკუმენტაცია, რამდენად კანონიერად ხდება ხრეშის ამოღება.

_ აუცილებლად უნდა შევხვდეთ! თქვენი საბუთები არანაირად არ არის წესრიგში. შპს "ნატა 2000-მა" თქვენ გაგიფორმათ ხელშეკრულება, რადგან მას ჰქონდა დაყადაღებული ლიცენზიები, სწორედ კანონისდარღვევით მუშაობის გამო. აუცილებლად გვჭირდება ის საბუთები, რის საფუძველზე მოგცათ თქვენ ლიცენზია წიაღისეულის სააგენტომ, რადგან ის ქვა-ღორღი, რაც უნდა ამოიღოთ, 270 ათასი ტონა წელიწადში, ამ კალაპოტს არ გააჩნია. 120 მანქანა გადის აქედან დღეში, კატასტროფული მდგომარეობაა. ამიტომ მიძვრებით ფსკერში, კეთდება აუზები, რომ სასწრაფოდ ჩაიტანოს მდინარემ ნატანი და მაქსიმალურად ამოართვათ მერე ეს ფსკერი. თქვენ უკვე ძალიან დაარღვიეთ კანონი, რადგან მდინარის ტრაექტორია ხელოვნურად შეცვალეთ, ჩადიხართ დიდი სიღრმეზე და ამას დაგიმტკიცებთ! _ უთხრა გორდელაძემ ლექვინაძეს, რასაც მათ შორის ასეთი დიალოგი მოჰყვა:

_ რამდენ მეტრზე ვარ ჩასული?

_ ათ მეტრზე ხართ და ამას დაგიმტკიცებთ.

_ სამ მეტრზე მეტ სიღრმეზე არ ჩავდივართ. მოდით, დავნაძლევდეთ მაშინ. კოვში არის ექვსმეტრიანი, ათ მეტრზე როგორ ჩავალთ? _ თქვა ლექვინაძემ და გორდელაძეს ხელი გაუწოდა.

_ ბატონო იაკობ, სამზე მეტი ხომ არის ექვსი? თქვენ ძალიან დააზიანეთ მდინარის ფსკერი, დაგიმტკიცებთ!

_ მაშინ დააყენეთ თქვენი წარმომადგენელი. ეს გზა სახელმწიფო მნიშვნელობის გზაა. კეთდება სახელმწიფო მნიშვნელობის პროექტი. თუ დაზიანდება, გააკეთებს სახელმწიფო, გაითვალისწინეთ ისიც, რომ საარჩევნო წელია. ასე არ შეიძლება! _ სახელმწიფო ინტერესები მოიშველია ლექვინაძემ.

აქციის მონაწილეებმა: ნუგზარ გორგაძემ, მიხო ქილიფთარმა, ნარგიზ რიჟამაძემ, გულნარა ფუტკარაძემ და სხვებმა კატეგორიულად მოსთხოვეს ლექვინაძეს, მოეტანა დოკუმენტაცია, რამდენად სამართლიანად მოიპოვებენ მდინარის კალაპოტში მასალას.

_ მეტი არაფერი გვაინტერესებს _ დოკუმენტაცია! ვის იგდებთ თქვენ აბუჩად? ანკესს გადააგდებდი და თევზი მოსული იყო. ახლა სად ნახავ თევზს, ან ყანა სადაა?! წაიღო კალაპოტშეცვლილმა და ფსკერგამორთმეულმა მდინარემ მიწაც და საყანეებიც, _ ამბობდნენ ისინი.

აქციის მსვლელობისას ათეულობით სატვირთო მანქანა, დატვირთული თუ დაუტვირთავი, რომლებიც მაინც ცდილობდნენ გადაადგილებას, მდინარე სუფსის ხიდთან და ასევე, კარიერის ამოსასვლელ გზაზე გააჩერეს.

იაკობ ლექვინაძემ არაერთხელ სცადა, ერთმანეთს დათანხმებოდნენ, გასცა დაპირებებიც შესაძლებლობის ფარგლებში, თუმცა, აქციის მონაწილეები არ დათანხმდნენ შემოთავაზებულ პირობებს.

მოსახლეობის მიმართვაზე, ორი დღის განმავლობაში კარიერზე არ შესულიყვნენ და შეეჩერებინათ მუშაობა სათანადო დოკუმენტაციის წარმოდგენამდე, ლექვინაძემ უარი განაცხადა:

_ მუშაობას ვერ შევაჩერებთ და თუ დანაშაულს ჩავდივარ, გპირდებით, პასუხს ვაგებ. აგერ ვარ, არსად გავრბივარ, _ თქვა მან.

აქციის მონაწილეები კატეგორიულად ითხოვდნენ გარემოს დაცვის სამინისტროს აჭარა-გურიის წარმომადგენელთა მოსვლას, რომელთაც არაერთხელ დაურეკეს, თუმცა, ისინი დღის განმავლობაში არ გამოჩენილან.

"რავა მოვლენ?! დინამიტს აფეთქებენ, ან "კაჭკით" სილა მიაქვს ვიღაცას სუფსის სანაპირიდანო რომ დაურეკო, იმ წუთს დაგვაცხრებიან და დაგვაჯარიმებენ. ახლა რატომ ითრევენ ფეხს? არ მოესვლებათ აქ. მოდიან და ვითომ კარიერს ამოწმებენ. მაგფერი "ექსპერტობით" რომ გამოირჩეოდნენ, იმიტომ არის რვა კაცი დაჭერილი მაგ გარემოს დაცვიდან. ხალხის მოსატყუებლად ყველა მაგარია", _ ბრაზობდნენ აქციის მონაწილეები.

დღის ბოლომდე, შპს "ქიუ ემ სის" წარმომადგენელი და აქციის მონაწილეები ვერაფერზე შეთანხმდნენ _ მოსახლეობის წარმომადგენლები კვლავ კატეგორიულად ითხოვდნენ წიაღის სააგენტოსა და გარემოსა და სოფლის მეურნეობის სამინისტროს წარმომადგენელთა ჩამოსვლას.

_ აუცილებლად მოვიდნენ ადგილზე, შეამოწმონ, დაასურათონ სუფსის კალაპოტი, სადაც კარიერია და დადონ დასკვნა, მიადგა თუ არა გარემოს ზიანი, დაზიანებულია თუ არა მდინარის კალაპოტის ფსკერი. ჩვენ დარწმუნებული ვართ, რომ მდინარე სუფსის ფსკერი სერიოზულად არის დაზიანებული და აქაურობა გაჩანაგებულია. თუ საწინააღმდეგო დამტკიცდება და აღმოჩნდება, რომ გარემოს არანაირი ზიანი არ მიდგომია, პროტესტს შევწყვეტთ. ოღონდ, ვინმემ ჩვენი მოტყუება არ გაბედოს, როგორც ეს აქამდე ხდებოდა, _ თქვეს აქციის მონაწილეებმა "გურია ნიუსთან". მათივე თქმით, საპროტესტო აქციას პერმანენტულად გააგრძელებენ და კვლავ გადაკეტავენ კარიერიდან ამომავალ გზას მანამ, სანამ მათი მოთხოვნები არ იქნება შესრულებული.

"გურია ნიუსი" ოპერატიულად მიაწვდის მკითხველს ინფორმაციას სუფსის კარიერზე განვითარებული მოვლენების შესახებ.




 ახალი ამბები
  • კახა ოქრიაშვილმა ცეზარ და იაგო ჩოჩელებთან ერთად პარტია შექმნამაჟორიტარმა დეპუტატმა კახა ოქრიაშვილმა და ბიზნესმენებმა ცეზარ და იაგო ჩოჩელებმა პარტია შექმნეს. ამის შესახებ განცხადებას კახა ოქრიაშვილის პრესსამსახური ავრცელებს. „პოლიტიკურ სივრცეში ახალი პარტია - „პროგრესი და თავისუფლება“ შეიქმნა. პარტია ცენტრალური საარჩევნო კომისიის მიერ უკვე დარეგისტრირდა საარჩევნო სუბიექტად. ახალი პარტიის სახელი მოქმედი მაჟორიტარის, კახა ოქრიაშვილისა და ძმების, ცეზარ და იაგო ჩოჩელების სახელს უკავშირდება“, - ნათქვამია გავრცელებულ ... ...
  • ვინ მიიღო მაღალი შეფასება ჩოხატაურში _ უცხო ენის გამოცდის შედეგები გამოქვეყნდაცოტა ხნის წინ გამოქვეყნდა ეროვნული გამოცდების უცხო ენის შედეგები. "გურია ნიუსი" გაგაცნობთ ამ წუთისთვის ჩვენს ხელთ არსებული შედეგებს _ მაღალქულიან აბიტურიენტებს, რომელთა შესახებ ინფორმაცია სკოლებიდან მივიღეთ. 80-დან 77 ქულით ლიდერის პოზიციაზე იმყოფება ჩოხატაურის ყოვლადწმიდა ღვთისმშობლის საჯარო სკოლის კურსდამთავრებული ნინი მგალობლიშვილი. მისივე კლასელმა, ელისაბედ სიხარულიძემ 75 ქულა მიიღო. მომდევნო პოზიციაზე 74-74 ქულით პირველი საჯარო სკლის კურსდამთავრებულები სოფო მრელაშვილი და ქეთევან ჯიქია იმყოფებიან. 73 ქულა აქვს ასევე პირველსკოლელ მარიამ ტიშჩენკოს; ქრისტინე გუდავაძეს _ 70 (პირველი საჯარო სკოლა); სალომე ანდღულაძეს _ 69 (სამრევლო სკოლა); რუსუდან ლომთათიძე _ 66 ქულა (პირველი საჯარო სკოლა); ნინი ცინცაბაძეს _ 63 ქულა (სამრევლო სკოლა); ქეთი ჩხიკვაძეს _ 62 ქულა (სამრევლო სკოლა); გიორგი მეფარიშვილს _ 62 ქულა  (პირველი საჯარო სკოლა); ინა მეფარიშვილს _ 61 ქულა (პირველი საჯარო სკოლა); ია დოლიძეს _ 61 ქულა (სამრევლო სკოლა); მარიამ ანთიძეს _ 60 ქულა  (ხიდისთავის საჯარო სკოლა); ცოტნე გოცაძეს _ 60 ქულა (სამრევლო სკოლა); მარიამ ჩხიკვაძეს _ 60 ქულა (პირველი საჯარო სკოლა); ერეკლე მამალაძეს _ 60 ქულა (პირველი საჯარო სკოლა); თეა დოლიძეს _ 57 ქულა  (პირველი საჯარო სკოლა); მარიამ მდინარაძეს _ 55 ქულა (პირველი საჯარო სკოლა);  ლუკა კიკვაძეს _ 54  (პირველი საჯარო სკოლა); მარიამ ბარამიძეს _ 53 ქულა  (პირველი საჯარო სკოლა); დიმიტრი სიხარულიძეს _ 50 ქულა (პირველი საჯარო სკოლა); სალომე მახარაძეს _ 50 ქულა (პირველი საჯარო სკოლა); ანა უნგიაძეს _50 ქულა (სამრევლო სკოლა).  შეგახსენებთ, რომ ეს არ არის აბიტურიენტთა შედეგების შესახებ სრული ინფორმაცია. "გურია ნიუსმა" განათავსა მხოლოდ მათი სია, რომელიც სააგენტოს მოაწოდეს და მას მალე დაემატება სხვა სკოლებიდან მიღებული ... ...
  • სამტრედიელმა ნინო გეგეშიძემ ინგლისურის გამოცდაში უმაღლესი, 80 ქულა მიიღოსამტრედიის #11 საჯარო სკოლის კურსდამთავრებულმა  ნინო გეგეშიძემ ინგლისური ენის გამოცდაში მაქსიმალური - 80 ქულა მოიპოვა. მან ქართული ენისა და ლიტერატურის, ისტორიისა და ინგლისური ენის გამოცდა ჩააბარა. ქართულში 70-დან 63 ქულა მოიპოვა, ისტორიაში 60-დან 48, ინგლისურში კი, როგორც უკვე აღვნიშნეთ 80-დან 80 ქულა. ნინო სწავლის გაგრძელებას თბილისის სახელმწიფო უნივერსიტეტის ფსიქოლოგიის ფაკულტეტზე ... ...
  • კორონავირუსის შემთხვევების მატების გამო, სვანეთში რეგულაციები ამოქმედდებაკორონავირუსით ინფიცირების მზარდი შემთხვევების გამო სვანეთში რეგულაციები ამოქმედდება,_ აღნიშნული განხადება ჯანდაცვის მინისტრმა, ეკატერინე ტიკარაძემ გააკეთა. „ამ მომენტისთვის, რეგულაციები ამოქმედდება სვანეთში, დანარჩენი რიცხვები არ გვაძლევს იმის საფუძველს, რომ ქვეყნის მასშტაბით გარკვეული გამკაცრებები გვქონდეს. კვლავ გვექნება მიზნობრივი ტესტირება, ბევრად უფრო გაფართოებული და მივყვებით იმ სტრატეგიულ გეგმას, რომელიც დღემდე გვქონდა დასახული“, _ განაცხადა ტიკარაძემ. მინისტრის განცხადებით, გადაუდებელი დახმარების სამსახური და ეპიდემილოგიური სამსახური მობილიზებულია სრულად, ადგილზე იმყოფება უკვე 5 ბრიგადა, რომელიც კვლევებს დეტალურად აწარმოებს. „მაქვს  შეხვედრა საბჭოში და მივიღებთ გადაწყვეტილებას დამატებითი ქმედების შესახებ, თუ რა ღონისძიებებს გავატარებთ“, - განაცხადა მინისტრმა. დღეს, კორონავირუსის 25 ახალი შემთხვევიდან 17 სამეგრელო-ზემო სვანეთში ... ...
  • ხიდისთავში ურნები ნაგავს ვეღარ უთავდებაჩოხატაურში, ხიდისთავში მოსახლეობა გადავსებულ სანაგვე ურნებსა და მიმოფანტული ნაგავის გამო წუხს. ერთ-ერთმა ადგილობრივმა მაცხოვრებელმა ამ დილას ფოტო მოგვაწოდა, რომელზეც გადავსებული ნაგავშემკრები კონტეინერები, დაბლა დაყრილი ნაგავი და ნაგვის ნარჩენებს დაწაფებული საქონელია ასახული. ცალკე თემაა, რა  პრობლემა შეიძლება შეუქმნას პირუტყვს ნაგვის ნარჩენებმა, თუმცა, ამჟამად დავინტერესდით _ რამდენი ნაგვის მანქანა ემსახურება ჩოხატაურის მუნიციპალიტეტს, რა  სიხშირით გააქვთ ნაგავი ხიდისთავიდან და რას უკავშირდება ასახული სურათი. ჩოხატაურის მუნიციპალიტეტის მერის წარმომადგენელი ხიდისთავში, დავით ვასაძე ამბობს, რომ ნაგვის გატანა ყოველდღე ხდება. ვასაძე შექმნილ ვითარებას დამსვენებლების დიდ რაოდენობას უკავშირებს. „ნაგვის ურნა თითქმის ყველა დღე იცლება, რადგან ბევრი დამსვენებელია ჩამოსული და მალ-მალე ივსება“, _ გვითხრა ვასაძემ. ა(ა)იპ კომუნალურ სამსახურ ,,სხივში“ ამბობენ, რომ სამუშაოდ ორშაბათი მძიმე დღეა. ჩოხატაურის მუნიციპალიტეტს, ფაქტობრივად, 3 მანქანა ემსახურება, საიდანაც ამჟამად ერთი ბახმაროშია, ერთს აკეთებენ, ერთი კი დილიდან დაკავებულია სოფლებიდან ნაგვის გატანით. „ხალხი იმდენია ჩამოსული, ურნები ვეღარ უთავდება. მოვითხოვეთ დამატებითი 150 ურნა, მაგრამ არ ჩანს. ამ წუთებში მიმდინარეობს დასუფთავება და მაქსიმუმ, 40 წუთში იქნება დასუფთავებული. ნაგვის გატანა  ხდება დილის საათებში. მანქანამ მოიარა დაბა, იყო წასული  ერკეთში, ბუკისციხეში. ორშაბათი მძიმე დღეა. კვირას იყო ბაზარი და ბაზრის ტერიტორიაც ხომ უნდა დასუფთავდეს, ამიტომ დროის ფაქტორი იწელება. სულ ჩოხატაურის მუნიციპალიტეტს 4 მანქანა გვყავს, ერთი ძველია.  ბახმაროს სეზონი რომაა, ცოტა რთულადაა საქმე. ერთი მანქანაა ბახმაროზე მიმაგრებული, ახლა ერთი მანქანა მუშაობს აქ, მეორე მანქანა ეზოში დგას, აკეთებენ. ორშაბათობით ორივე მანქანას ვამუშავებთ, მაგრამ ეს გამოიწვია იმან, რომ მეორე მანქანა კეთდება“, _ გვითხრა ა(ა)იპ "სხივის" დირექტორმა მერაბ ... ...

არქივი

ტესტები

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ყველაზე, ყველაზე...

იცი თუ არა გეოგრაფია

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...