ბახმარო მორიგი სკანდალის მოლოდინში _ რას იძიებს სუს-ი და რა შუაშია ყოფილი გუბერნატორი

მთავარი თემა

ბახმარო მორიგი სკანდალის მოლოდინში _ რას იძიებს სუს-ი და რა შუაშია ყოფილი გუბერნატორი

18 ივლ. 2018, 13:51:34

 "ბახმარო არის მართლაც უნიკალური კურორტი და ჩვენ ყოველმხრივ შევუწყობთ ხელს მის განვითარებას!" _ ეს განცხადება საქართველოს ყოფილმა პრემიერ-მინისტრმა გიორგი კვირიკაშვილმა დაბა ურეკის კულტურის სახლში, "ქართული ოცნების" რეგიონულ კონფერენციაზე სიტყვით გამოსვლისას გასულ წელს გააკეთა.

"ბახმარო არის მართლაც უნიკალური კურორტი და ჩვენ ყოველმხრივ შევუწყობთ ხელს მის განვითარებას.

მზად არის ბახმაროს განვითარების გენერალური გეგმა და განვითარება მოხდება არა ქაოტურად, არამედ კანონზომიერად და გეგმის მიხედვით", _ განაცხადა გიორგი კვირიკაშვილმა.

გეგმაში, რომელიც გამოქვეყნებულია საიტზე _ bakhmaro.info, ვკითხულობთ: "ბახმაროს სარეკრეაციო ტერიტორიის მიწათსარგებლობის გეგმის მიზანია, ეტაპობრივად, ბახმაროს მთელი წლის განმავლობაში აქტიური საკურორტო სეზონის მქონე, ოთხსეზონიანი, როგორც ადგილობრივი, ასევე, ქვეყნის მასშტაბის, ასევე, საერთაშორისო დონის კურორტად გარდაქმნა. შესაბამისი ინფრასტრუქტურით და მომსახურების საშუალებებით დაგეგმილი ზაფხულის და ზამთრის აქტიური დასასვენებელი, სამკურნალო-სარეკრეაციო და ტურისტული მიმზიდველი ადგილის განვითარება".

თუმცა, ეს ყველაფერი ფურცელზე _ რეალობა სულ სხვაა. როგორც "გურია ნიუსმა" გაარკვია, ბახმაროში ადგილი აქვს უკანონო მშენებლობებს, მიწებისა და სახლების უკანონო ლეგალიზებას.

ჩვენი წყარო ჰყვება, რომ კურორტის ადმინისტრაციის დახმარებით, ადამიანები ქონების უკანონოდ ლეგალიზებას ახერხებენ. წყაროს თქმით, სქემა ასეთია _ პოულობენ ძველ ნანგრევებს, რომელსაც მეპატრონე არ ჰყავს, რომელიც 2007 წლამდე გადაღებულ ორთოფოტოზე ჩანს და იქ დგამენ ძველ სახლებს. შემდეგ განაცხადი შეაქვთ ლეგალიზების კომისიაში, მიჰყავთ ორი მოწმე, რომლებიც კომისიას უმტკიცებენ, რომ სახლი ნამდვილად ჰქონდა განმცხადებელს და შემდგომ ამისა, გაიცემა დოკუმენტი, რომელიც რეესტრში ტარდება და პირი ქონების მფლობელი ხდება.

ჩვენ გავარკვიეთ ისიც, რომ ამ საქმით სახელმწიფო უსაფრთხოების სამსახურის ანტიკორუფციული სააგენტოა დაინტერესებული.

გვითხრეს ისიც, რომ სააგენტოს წარმომადგენლები სამშაბათს ბახმაროში იმყოფებოდნენ და ა(ა)იპ კურორტ "ბახმაროს" დირექტორთან, დავით საჯაიასთან კითხვებიც ჰქონდათ. სუს-ის წარმომადგენლების ბახმაროში ყოფნას დავით საჯაია ადასტურებს, თუმცა, ამბობს, რომ მათ არ შეხვედრია:

_ ვიცი, რომ იყვნენ, თუმცა, მე არ მინახავს. რამდენადაც ინფორმაცია მაქვს, ზედამხედველობის სამსახურთან ერთად იყვნენ, _ ამბობს "გურია ნიუსთან საუბრისას საჯაია.

მისივე თქმით, ინფორმაცია იმის შესახებ, რომ კურორტის ადმინისტრაციის დახმარებით ქონების უკანონო ლეგალიზება ხდება, არასწორია:

_ არ ვიცი, რა ეჭვები აქვს სუს-ს, მაგრამ სქემა, რომელზეც თქვენ მესაუბრებით, აბსურდია და მსგავსი რამ არ ხდება, _ გვითხრა საჯაიამ და მხოლოდ ის დაგვიდასტურა, რომ ბახმაროში უკანონო მშენებლობებს ადგილი აქვს.

მისი ინფორმაციით, უკვე გაიცა გაფრთხილებები და დაიწერა ჯარიმები. კურორტის დირექტორი ამბობს, რომ ეს დღეს და გუშინ არ დაწყებულა და პროცესი შარშანაც მიმდინარეობდა. თუმცა, როგორც "გურია ნიუსმა" გაარკვია, გასულ წელს და არც იმის წინა წლებში უკანონო მშენებლობების გამო ჯარიმა არ დაწერილა.

ჯარიმა, უკანონო მშენებლობისთვის ახლაც არ დაუწერიათ გურიის ყოფილი გუბერნატორის გია სალუქვაძის მეუღლისთვის, რომლის სახლიც, ჩვენი წყაროს თქმით, უკანონოდ აშენდა და რომლის საქმესაც სუს-ი უკვე სწავლობს.

საჯაია, რომელიც კურორტს 2012 წელსაც ხელმძღვანელობდა, ამბობს, რომ გია სალუქვაძის მეუღლის სახელზე გაფორმებული სახლი ბახმაროში ადრეც იდგა და უკანონოდ არ აშენებულა. თუმცა, ოფიციალური დოკუმენტებით სხვა რამ ირკვევა. თანმიმდევრობას რომ მივყვეთ, 2012 წლის 3 სექტემბერს, საჯარო რეესტრმა გასცა საკუთრების უფლების დამადასტურებელი დოკუმენტი (განცხადების ნომერი 882012603698; 29/08/2012).

ამონაწერში, მესაკუთრის განყოფილებაში მითითებულია, რომ უფლების დამადასტურებელი დოკუმენტი არის უძრავი ნივთის ნასყიდობის ხელშეკრულება, აღნიშნული ხელშეკრულებით კი მხოლოდ 100 კვ.მ მიწის ნაკვეთია ნაყიდი.

თუმცა, რეესტრმა ამ დოკუმენტის საფუძველზე მიწასთან ერთად ზედ არსებული შენობა-ნაგებობებიც დაარეგისტრირა (საკადასტრო კოდი 28 24 21 082).

ოფიციალური დოკუმენტით ასევე ირკვევა, რომ აღნიშნულ ნაკვეთზე სახლის მშენებლობის ნებართვა ჩოხატაურის მუნიციპალიტეტის მიერ გაცემული არ იყო.

ასევე, არ არსებობს ექსპლუატაციაში მიღების დოკუმენტი, რადგან თვითმმართველ ორგანოს არც ეს გაუცია.

საჯარო რეესტრში ამბობენ, რომ შენობის აშენების კანონიერების დადგენა სცილდება საჯარო რეესტრის კომპეტენციის ფარგლებს და წარმოადგენს ადგილობრივი მუნიციპალიტეტის უფლებამოსილებას:

"საჯარო რეესტრის მონაცემებით დგინდება, რომ მალხაზ დუმბაძემ, სარეგისტრაციო განცხადებით _ #882009266450 (31.08.2009), მიმართა ჩოხატაურის სარეგისტრაციო სამსახურს და ჩოხატაურის მუნიციპალიტეტის საკრებულოს თვითნებურად დაკავებულ მიწაზე საკუთრების უფლების აღიარების კომისიის მიერ გაცემული საკუთრების უფლების მოწმობის საფუძველზე მოითხოვა კურორტ ბახმაროში, გურიის ქუჩაზე მდებარე 100 კვ.მ მიწის ნაკვეთზე საკუთრების უფლების რეგისტრაცია.

რეგისტრაციისას, საკუთრების უფლების დამადასტურებელი დოკუმენტი (საკუთრების მოწმობა) და საკადასტრო აზომვითი ნახაზი დაინტერესებული პირის მიერ წარდგენილი იყო მხოლოდ მიწის ნაკვეთზე.

რეგისტრაციის შედეგად მომზადდა შესაბამისი ამონაწერი საჯარო რეესტრიდან და საკადასტრო გეგმა (საკადასტრო კოდი _ 28.24.21.082).

2012 წელს, დაინტერესებულმა პირმა მალხაზ დუმბაძემ სარეგისტრაციო განცხადებით _ #882012515145 მიმართა საჯარო რეესტრს და მოითხოვა რეგისტრირებულ უფლებაში ცვლილების რეგისტრაცია. მოთხოვნის დასადასტურებლად წარადგინა საკადასტრო აზომვითი ნახაზი, რომლის თანახმადაც მიწის ნაკვეთზე განლაგებულია შენობა-ნაგებობა _ სააგარაკო სახლი. აღნიშნულის საფუძველზე, დარეგისტრირდა ცვლილება ამონაწერში და საკადასტრო გეგმაზე აისახა შენობა-ნაგებობა (საკადასტრო კოდი _ 28.24.21.082).

2012 წლის 29 აგვისტოს, ქეთევან სალუქვაძემ მიმართა ჩოხატაურის სარეგისტრაციო სამსახურს და მოითხოვა მალხაზ დუმბაძესთან დადებული ნასყიდობის ხელშეკრულების საფუძველზე საკუთრების უფლების რეგისტრაცია. ხელშეკრულების მიხედვით ნასყიდობის საგანს წარმოადგენდა, როგორც მიწა, ასევე, მასზე განლაგებული შენობა-ნაგებობა (საკადასტრო კოდი _ 28.24.21.082).

საქართველოს სამოქალაქო კოდექსის 150-ე მუხლის პირველი ნაწილის თანახმად, ნივთის შემადგენელი ნაწილი, რომლის გამოცალკევებაც შეუძლებელია მთლიანი ნივთის ან ამ ნაწილის განადგურების ანდა მათი დანიშნულების მოსპობის გარეშე (ნივთის არსებითი შემადგენელი ნაწილი), ცალკე უფლების ობიექტად შეიძლება იყოს მხოლოდ კანონით გათვალისწინებულ შემთხვევებში. მეორე ნაწილის თანახმად, მიწის ნაკვეთის არსებით შემადგენელ ნაწილს განეკუთვნება შენობა-ნაგებობანი და ნივთები, რომლებიც მყარადაა დაკავშირებული მიწასთან და არ არის გამიზნული დროებითი სარგებლობისთვის, რაც ხელშეკრულებითაც შეიძლება განისაზღვროს. შესაბამისად, ის მიწის ნაკვეთი, რომელზეც აღმართულია შენობა-ნაგებობა, არ შეიძლება იყოს ცალკე უფლების ობიექტი, გარდა კანონით გათვალისწინებული შემთხვევებისა (იხ. უზენაესი სასამართლოს 2014 წლის 24 ივლისის #ას-667-634-2013 გადაწყვეტილება).

საქართველოს იუსტიციის მინისტრის 2010 წლის 15 იანვრის #4 ბრძანებით დამტკიცებული "საჯარო რეესტრის შესახებ" ინსტრუქციის მე-14 მუხლის პირველი პუნქტის თანახმად, რეგისტრაციის მიზნებისთვის მიწის ნაკვეთი არის გეომეტრიული ერთიანობის მქონე ტერიტორია (დაზუსტებული ან დაუზუსტებელი), რომელიც მოქცეულია საჯარო რეესტრში რეგისტრირებულ ერთიან უფლებრივ სივრცეში ან არსებობს მასზე უფლების ამგვარად რეგისტრაციის მოთხოვნის უფლება. მიწის ნაკვეთზე უფლება ვრცელდება, ასევე, მასზე განლაგებულ შენობა-ნაგებობაზე, თუ კანონმდებლობით სხვა არ არის გათვალისწინებული.

საჯარო რეესტრი, მიწის ნაკვეთის რეგისტრაციისას, მოქმედი კანონმდებლობის შესაბამისად, რეგისტრირებულ მონაცემებში ასახავს მასზე განთავსებულ შენობა-ნაგებობებსაც. კანონმდებლობის თანახმად, მიწის ნაკვეთზე შენობა-ნაგებობის არსებობა დგინდება დაინტერესებული პირის მიერ წარმოდგენილი, მოქმედი კანონმდებლობის საფუძველზე შედგენილი, საკადასტრო აზომვითი ნახაზის შესაბამისად. ამავე წესის დაცვით, საკადასტრო აზომვითი ნახაზის საფუძველზე დარეგისტრირდა შენობა-ნაგებობა მოცემულ მიწის ნაკვეთზე.

 ხოლო თუ რამდენად კანონიერადაა აშენებული შენობა-ნაგებობა, აღნიშნული სცილდება საჯარო რეესტრის კომპეტენციის ფარგლებს და წარმოადგენს ადგილობრივი მუნიციპალიტეტის უფლებამოსილებას.

დამატებით გაცნობებთ, რომ რეესტრის მონაცემების მიმართ, საქართველოს სამოქალაქო კოდექსის 312-ე მუხლის პირველი ნაწილის თანახმად, მოქმედებს უტყუარობისა და სისრულის პრეზუმპცია, ე. ი. რეესტრის ჩანაწერები ითვლება სწორად, ვიდრე არ დამტკიცდება მათი უზუსტობა.

"საჯარო რეესტრის შესახებ" საქართველოს კანონის 29-ე მუხლში განსაზღვრულია რეგისტრაციის შესახებ გადაწყვეტილების გასაჩივრების წესი. ამ ნორმის მე-3 პუნქტის თანახმად, მარეგისტრირებელი ორგანოს გადაწყვეტილება უფლების რეგისტრაციის, ასევე, მოძრავ ნივთსა და არამატერიალურ ქონებრივ სიკეთეზე უფლების რეგისტრაციაზე უარის თქმის, სარეგისტრაციო წარმოების შეჩერების ან შეწყვეტის შესახებ საჩივრდება სასამართლო წესით. რეგისტრაციის შესახებ მარეგისტრირებელი ორგანოს გადაწყვეტილება საჩივრდება სასამართლო წესით. ამდენად, იმ შემთხვევაში, თუ დაინტერესებული პირი არ ეთანხმება რეგისტრაციის შესახებ გადაწყვეტილებას/გადაწყვეტილებებს, მათი გაუქმების მიზნით, შესაძლებელია მიმართოს სასამართლოს", _ აღნიშნულია საჯარო რეესტრის ადმინისტრაციული უზრუნველყოფისა და საზოგადოებასთან ურთიერთობის სამსახურის საზოგადოებასთან ურთიერთობის განყოფილების მენეჯერის მანანა მჭედლიშვილის მიერ "გურია ნიუსისთვის" გამოგზავნილ წერილში.

გურიის ყოფილი გუბერნატორი გია სალუქვაძე ამ თემაზე საუბრისას ღიზიანდება და ამბობს, რომ მის მეუღლეს ყველაფერი კანონის ფარგლებში აქვს გაკეთებული. სალუქვაძე ადასტურებს, რომ სახლი მისი მეუღლის სახსრებით იმ პერიოდში აშენდა, როცა ის ციხეში იმყოფებოდა და "ჩვენ არ გვაქვს უფლება ამ თემაზე კითხვები დავუსვათ".

სალუქვაძე ამბობს, რომ მისი გუბერნატორობისას თვითმმართველ ორგანოს უკანონო მშენებლობების შესახებ მითითებებს აძლევდა და აღნიშნავს, რომ საგამოძიებო უწყებას მასთან ამ თემაზე კითხვები არ ჰქონია:

_ ამ თემაზე არავინ შემხმიანებია და მგონია, რომ ვერც შემეხმიანება და არც შემეხმიანება, _ აღნიშნავს ყოფილი გუბერნატორი

_ რატომ გგონიათ ასე?

_ იმიტომ, რომ ბახმაროში არც ერთი ნებართვა ჩემი თანხმობით გაცემული არ არის. პირიქით, მე ვიყავი ადამიანი, რომელიც დავდიოდი და მითითებებს ვაძლევდი უკანონო მშენებლობებთან დაკავშირებით.

_ მითითებას თუ აძლევდით, რატომ არ დააჯარიმეს ვინმე თქვენი გუბერნატორობის დროს?

_ მე არ ვიცი, რატომ. კადრებიც არის გადაღებული, როცა მე იქ ავედი. თუ გახსოვთ, გენერალური გეგმის გაკეთებაც ჩემს პერიოდში მოხდა. ეს იდგა ქაოტურად აშენებული სახლები, რომლის კანონიერების და უკანონობის გარკვევა საერთოდ რთული იყო. როცა ვხედავდი მხოლოდ და მხოლოდ ახალაშენებულს და როცა ხდებოდა უშუალო მშენებლობა. მაგალითად, შესასვლელთან მივეცი მითითებები.

_ მერე არ მოგიკითხავთ, რატომ არ მოხდა დაჯარიმება და დემონტაჟი?

_ როგორ არ მომიკითხავს?! როგორც ვიცი, დაჯარიმებული იყო გამგეობის მიერ.

_ ბატონო გია, ჩვენი ინფორმაციით, ანტიკორუფციულ სააგენტოს კითხვები აქვთ თქვენი მეუღლის საკუთრებაში არსებულ სახლთან დაკავშირებით, რომლის მშენებლობის ნებართვა მუნიციპალიტეტის მიერ გაცემული არ არის.

_ რა კავშირი შეიძლება აინტერესებდეს ანტიკორუფციულს, როცა 2012 წელს მე გახლდით ციხეში და გუბერნატორი გავხდი 2015-ში?! რას მიხსენებთ, რა ზღაპარს მიყვებით?!

_ ბატონო გია, სახლის მშენებლობის ნებართვა გაქვთ?

_ არანაირი უკანონო არ ყოფილა. ჩვენ გვქონდა ამონაწერი, პროექტი და ყველაფერი.

_ შეგიძლიათ ნებართვა გვანახოთ?

_ რატომ უნდა განახოთ? მე კერძო პირი ვარ და ვინ ხართ თქვენ?! ნებართვა რომ არ ყოფილიყო, საჯარო რეესტრი არ გაატარებდა.

_ საჯარო რეესტრი არ ითხოვს მშენებლობის ნებართვას დარეგისტრირების დროს...

_ რეესტრი თუ არ ითხოვს, თქვენ რატომ ითხოვთ, ვერ გავიგე.

_ ჩვენ ფაქტებს ვამოწმებთ და გავარკვიეთ, რომ მუნიციპალიტეტს ნებართვა არ გაუცია. კანონის თანახმად ლეგალიზება ეხება მხოლოდ იმ შენობა-ნაგებობებს, რომლებიც 2007 წლამდე არსებობდა _ მხოლოდ ამ შემთხვევაში ხდება მისი დაკანონება. თქვენი მეუღლის სახელზე გაფორმებული სახლი კი, ოფიციალური დოკუმენტების თანახმად, აშენებულია 2007 წლის შემდეგ.

_ თქვენ მეტი საქმე არ გაქვთ, რომ ციხეში მყოფ ყოფილ გუბერნატორს სახლზე ედავებით?! იმდენი რამე ხდება თქვენ ირგვლივ და ამაზე თვალს რომ ხუჭავთ, ეგაა პრობლემა. მე კერძო პირი ვარ!

_ ბატონო გია, თვალს რომ არაფერზე ვხუჭავთ, იმიტომაც ვსვამთ ამ კითხვებს, ვმუშაობთ თემაზე და გეკითხებით _ როცა ნახულობდით უკანონონო მშენებლობებს და მითითებებს იძლეოდით, მაშინ რატომ არ მოხდა თქვენს მითითებებში თქვენი მეუღლის სახლი, რომლის მშენებლობის ნებართვა არ არსებობს?

_ ჩემი მეუღლის სახლი რეგისტრირებულია საჯარო რეესტრში, არსებობს ყველა დოკუმენტი და ამ თემაზე მეტი აღარ დამირეკოთ. თუ უნდა, ანტიკორუფციულმა დამირეკოს, _ აღნიშნა ყოფილმა გუბერნატორმა.

სხვა თემაა ის, რომ გია სალუქვაძის მეუღლემ მიწის და სახლის რეგისტრაცია იმ დროს მოახერხა, როცა ბახმაროში ქონების დარეგისტრირებას ვერავინ ახერხებდა, უკანონოდ "დაკანონებული" მიწების გამო სისხლის სამართლის საქმე იყო აღძრული, თავად გია სალუქვაძე კი პოლიტდევნილის სტატუსით ციხეში იჯდა, მისივე თქმით, "ნაციონალური მოძრაობის" კრიტიკისთვის.

ჩვენი ინფორმაციით, ამ თემაზე სუს-ი არ მუშაობს _ საგამოძიებო უწყება მხოლოდ კორუფციული სქემებით და იმის გარკვევით არის დაკავებული, რატომ არ ხდებოდა ამ დრომდე უკანონო მშენებლობებზე ჯარიმების დაწერა და ხომ არ სარგებლობდნენ სხვადასხვა პირები პრივილეგიებით.

სუს-ს რომ ეს კითხვები აქვს, ჩვენთან საუბრისას ოფიციალურად დაადასტურა ჩოხატაურის მერიის ზედამხედველობის სამსახურის უფროსმა ვლადიმერ ლომთათიძემ. მისივე თქმით, ანტიკორუფციული სააგენტოს წარმომადგენლებს უკანონო მშენებლობასთან დაკავშირებით კითხვები დავით საჯაიასთანაც ჰქონდა და კურორტის დირექტორის და გამომძიებლების შეხვედრა ბახმაროში ნამდვილად შედგა.

ლომთათიძემ ისიც გვითხრა, რომ საგამოძიებო უწყების წარმომადგენლებს კითხვები ლეგალიზების პროცედურებთან დაკავშირებითაც ჰქონდათ. ზედამხედველობის სამსახურის უფროსი ამბობს, რომ "ლეგალიზების კომისია კანონის ფარგლებში მუშაობს" და ყოველგვარ კორუფციულ სქემაში მონაწილეობას კატეგორიულად გამორიცხავს.

ამ თემაზე სახელმწიფო უსაფრთხოების სამსახურში კომენტარს არ აკეთებენ; მედიასთან კონტაქტზე არც საქმის გამომძიებლები გამოდიან.

ჩოხატაურის მერი, ირაკლი კუჭავა ამბობს, რომ თუკი მას ექნება დადასტურებული ინფორმაცია მისი თანამშრომლების მხრიდან კანონდარღვევებზე, რეაგირებას აუცილებლად მოახდენს. ჩოხატაურის პირველი პირი ადასტურებს, რომ უკანონო მშენებლობებთან დაკავშირებით პრობლემები არსებობს:

"ამის შესახებ არა თუ ვფლობთ ინფორმაციას, ჩვენი შესაძლებლობის ფარგლებში ვმოქმედებთ კიდეც. ამაზე შემდეგი ციფრებიც მეტყველებს: ოთხ უკანონო მშენებლობის მწარმოებელ ფიზიკურ პირზე დაწერილია ბრძანება _ თითოეულის 25 000 ლარით დაჯარიმების თაობაზე. ეს გადაწყვეტილებები დაეგზავნათ სამართალდამრღვევ პირებს და მათი მხრიდან იგნორირების შემთხვევაში, გახორციელდება იძულებითი აღსრულება. დაჯარიმება დემონტაჟსაც ითვალისწინებს. 12 პირზე აღსრულებაშია გადაგზავნილი საქმე დემონტაჟის თაობაზე. გარდა ამისა, უკანონო მშენებლობის თოთხმეტ ფაქტზე მიმდინარეობს მოკვლევა, რომელიც, დიდი ალბათობით, დემონტაჟის გადაწყვეტილებით დასრულდება", _ აღნიშნა ჩვენთან საუბრისას კუჭავამ.

_ ბატონო ირაკლი, უკანონო მშენებლობების შესახებ "გურია ნიუსი" გასულ წელსაც წერდა. რატომ არ დააჯარიმეს მაშინ ის ადამიანები, რომლებმაც კანონი დაარღვიეს?

_ როგორც ზემოთ ვთქვი, უკანონო მშენებლობების ნაწილი, სწორედ გასულ წელს არის გამოვლენილი. ხშირად ძნელია ქონების ნამდვილი მეპატრონის დადგენა, დაქირავებული მშენებლები, როგორც წესი, მალავენ მეპატრონის ვინაობას. შესაბამისად, ამას დრო ჭირდება.

_ გაქვთ თუ არა ინფორმაცია ბახმაროს ადმინისტრაციის მხრიდან შესაძლო კორუფციულ სქემებში მონაწილეობის შესახებ? ამ სქემას ლეგალიზაციის კომისიას უკავშირებენ და, ჩვენი წყაროს თქმით, ადმინისტრაციის ხელმძღვანელობა ლეგალიზაციის კომისიასთან შეთანხმებით ახდენდა ახალი სახლების ძველად "გაფორმებას" და შემდეგ მის რეგისტრირებას...

_ მსგავსი დადასტურებული ინფორმაცია რომ გვქონდეს, როგორ ფიქრობთ, რეაგირების გარეშე დავტოვებდით? არაერთგზის იქნა შესაბამისი სამსახურები მკაცრად გაფრთხილებული... აქვე უნდა ითქვას, რომ მშენებლობები, რომლებსაც მოაგარაკეები აწარმოებენ, ზოგს ყველა უკანონო ჰგონია. მშენებლობის ნებართვა მხოლოდ საჯარო რეესტრიდან ამონაწერის საფუძველზე გაიცემა. ამას წინ უსწრებს ეკონომიკის სამინისტროში პროექტის შესაბამისობაზე გადაგზავნა და თანხმობის მიღება. ეს პროცესი საკმაოდ მკაცრად კონტროლდება, მით უმეტეს, საქართველოს მთავრობის მიერ მიღებული და მუნიციპალიტეტის საკრებულოზე დამტკიცებული ბახმაროს განაშენიანების გეგმის ძალაში შესვლის შემდეგ. საკმაოდ ბევრია შემთხვევა, როცა კერძო პირმა კერძო პირისგან შეიძინა მართლზომიერ მფლობელობაში არსებული ნაკვეთი და ზემოთ აღწერილი პროცედურების გავლით მიიღო მშენებლობის ნებართვა... ან კიდევ საჯარო რეესტრმა, წარდგენილი დასაბუთების საფუძველზე, დაარეგისტრირა ნაკვეთი. ასევე, 2007 წლამდე აშენებული სახლი ან ნანგრევი, რომელიც ორთოფოტოზე ფიქსირდება, ლეგალიზაციისა და შემდგომში ნებართვის გაცემის ქვემდებარეა. ამ კანონით ბევრმა ჩვენმა თანამოქალაქემ ისარგებლა.

_ ხომ არ ფიქრობთ, რომ კურორტი ყველა ხელისუფლების "აქილევსის ქუსლია"?

_ შეიძლება ითქვას, რომ ასე იყო მაშინ, როდესაც ბახმარო ანგარიშსწორების, მათ შორის, პოლიტიკური ანგარიშსწორების იარაღად გამოიყენებოდა. თქვენ კარგად გახსოვთ, მართლზომიერი თუ არამართლზომიერი მფლობელი, ყველა ერთ ქვაბში იხარშებოდა და ნაკვეთებს სახელმწიფოსთვის "ნებაყოფლობით" აბრუნებინებდნენ. ასეთ პირობებში აკრძალვა უფრო იოლია, ვიდრე რეგულაცია კანონის დაცვით. თუმცა, დარღვევებზე მკაცრი რეაგირებაა საჭირო. ჩვენ ამ მხრივ მუშაობის გააქტიურებას ვგეგმავთ შესაბამის კომპეტენტურ სამსახურებთან კოორდინაციაში.

_ და ადრე თუ ნებაყოფლობით აბრუნებინებდნენ, როგორც ამბობენ, ახლა უკანონოდ დარეგისტრირებაში ეხმარებიან თანხის სანაცვლოდ...

_ თქვენც კარგად მოგეხსენებათ, რომ _ "ამბობენ", სამართლებრივ არგუმენტად არ გამოდგება. დადასტურებულ დარღვევებზე ან კორუფციაზე, თუ ასეთი გამოვლინდება, ყველამ პასუხი უნდა აგოს, _ აღნიშნავს ჩოხატაურის მერი.




 ახალი ამბები
  • "ესებუა მოქმედი სამხედრო მოსამსახურე არაა" _ თავდაცვის სამინისტრო დოკუმენტს ავრცელებსთავდაცვის სამინისტრო ავრცელებს ინფორმაციას, რომელიც ადასტურებს, რომ „საქართველოს ბანკის“ ფილიალზე თავდასხმაში ბრალდებული პირი ბადრი ესებუა მოქმედი სამხედრო მოსამსახურე არ არის. „ნაციონალური მოძრაობის“ პარტიული ტელევიზიის - „მთავარი არხის“ მხრიდან გრძელდება დეზინფორმაციული კამპანია თავდაცვის ძალების წინააღმდეგ, თითქოს ზუგდიდში, ერთ-ერთი ბანკის ფილიალზე თავდამსხმაში ბრალდებული პირი მოქმედი სამხედრო მოსამსახურეა. მიუხედავად იმისა, რომ საჯარო განმარტება გავაკეთეთ, რომ აღნიშნული პირი არ არის მოქმედი სამხედრო მოსამსახურე, ეს ტელევიზია და ზოგიერთი ანგაჟირებული პოლიტიკოსი უგულებელყოფს ამ ფაქტს და შეგნებულად ავრცელებს სრულად საპირისპირო ინფორმაციას. საზოგადოებისა და თავდაცვის ძალების საუკეთესო ინტერესებიდან გამომდინარე, ვავრცელებთ ოფიციალურ დოკუმენტს, რომლითაც მტკიცდება, რომ თავდასხმაში ბრალდებული პირი ბადრი ესებუა არ არის მოქმედი სამხედრო მოსამსახურე“, - აცხადებს თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის დეპარტამენტის უფროსი ნიკოლოზ ... ...
  • პატარა გიორგი ბერიშვილს ჩვენი დახმარება სჭირდება ეს პატარა, ლამაზი ბიჭი გიორგი ბერიშვილია. გიორგის ერთი წლის წინ თავზე სიმსივნური წანაზარდი დაუფიქსირდა. პატარა ონის მუნიციპალიტეტის სოფელ გლოლაში ცხოვრობს. როგორც გიორგის დედა "გურია ნიუსთან" საუბრისას ამბობს, ექიმების თქმით, მკურნალობის ბოლო ეტაპზე არიან. "იაშვილის სახელობის ბავშვთა ცენტრალურ საავადმყოფოში ვმკურნალობთ. როგორც ექიმებმა გვითხრეს, სავარაუდოდ, მკურნალობის ბოლო ეტაპზე ვართ", _ გვითხრა გიორგის დედამ მარიამ ვაჩეიშვილმა.   მთელი წლის განმავლობაში მკურნალობის შედეგად ოჯახმა ყველა ფინანსური რესურსი ამოწურა და ახლა კეთილი ადამიანების იმედად არიან დარჩენილნი. შესაგროვებელი თანხა კი ბევრი არ არის. იმისთვის, რომ გიორგიმ მკურნალობის ეს ეტაპიც გაიაროს, მხოლოდ 1500 ლარია საჭირო. მოგმართავთ თხოვნით, გამოვიჩინოთ გულისხმიერება _ გიორგის ჯანმრთელობისთვის ყოველი ლარი მნიშვნელოვანია. გიორგის დასახმარებლად გახსნილია სპეციალური ანგარიში. GE25BG0000000162579635 _ Მიმღები მარიამ ვაჩეიშვილი; GE15TB7679445061100108 _ მიმღები ემზარი ბარამიძე. ან დარეკოთ ტელეფონის ნომერზე: (598) 417413 _ ... ...
  • არჩილ თალაკვაძე: "შემდგომ წლებში, ჩვენი მთავარი საზრუნავი ახალი სამუშაო ადგილები, ეფექტური სოციალური პოლიტიკა და განათლება...გთავაზობთ ინტერვიუს, რომელიც "გურია ნიუსმა" თქვენთვის ექსკლუზიურად ჩაწერა საქართველოს პარლამენტის თავმჯდომარე არჩილ თალაკვაძესთან. _ ბატონო არჩილ, სამწუხაროდ, გურიამ, კოვიდ-19-თან დაკავშირებით, "მწვანე ზონის" სტატუსი დაკარგა; როგორ აპირებს სახელმწიფო შეუმსუბუქოს მოსახლეობას პანდემიით გამოწვეული მძიმე ყოფა? _ ჩვენ გვაქვს გლობალური პანდემიით გამოწვეული კრიზისის მართვის გეგმა და სრული კონსოლიდაცია, რომ ყველა რესურსი შედეგიანად გამოვიყენოთ ჩვენი მოქალაქეების, საზოგადოების ჯანმრთელობისა და კეთილდღეობის დასაცავად. ჯანდაცვის სისტემა 24-საათიან უწყვეტ რეჟიმში მუშაობს და დღე-ღამეში რამდენიმე ათას შემთხვევაზე ახდენს რეაგირებას; ექიმების, ექთნების და ეპიდემიოლოგების მუშაობა ამ რთულ დღეებში სამაგალითოა. სოციალური დახმარების ღონისძიებები, პირველ რიგში, მივმართეთ მათთვის, ვინც დაკარგა სამსახური და შემოსავალი: 72000-ზე მეტ ადამიანს, ვინც სამსახური დაკარგა, სახელმწიფო 1200 ლარით დაეხმარა. 52000-ზე მეტ თვითდასაქმებულს 300-ლარიანი დახმარება ჩაერიცხა; 195000 სოციალურად დაუცველ ოჯახს დამატებით 600-ლარიანი დახმარება გადავეცით; ასევე, 600 ლარით დავეხმარეთ 22600 მრავალშვილიან ოჯახს და 40400 შეზღუდული შესაძლებლობების მქონე პირს. მიზნობრივად, 200-ლარიანი დახმარება გადავეცით საქართველოში ყველა ბავშვს, ვისმა ოჯახმაც განაცხადი გააკეთა. მიზნობრივი მხარდამჭერი ღონისძიებები პოსტ-კრიზისულ პერიოდშიც გაგრძელდება. კოვიდ19-ის პანდემია ჯერ კიდევ გრძელდება და ჩვენ ძალისხმევას არ დავიშურებთ, რომ გავუმკლავდეთ ამ გამოწვევას. _ "მწვანე ზონის" სტატუსი  აღარ აქვს, მაგრამ გურია ყოველთვის პოლიტიკურად აქტიური ზონაა; თქვენი აზრით, როგორია დღეს პოლიტიკური  ვითარება გურიაში?  _ ჩვენმა პოლიტიკურმა პარტიამ - "ქართული ოცნება - დემოკრატიული საქართველო", საზოგადოებას წარუდგინა საარჩევნო პროგრამა და მაჟორიტარობის კანდიდატი. ჩატარდა ბევრი შეხვედრა სოფლებსა და ქალაქებში. ოპოზიციური პარტიებიც ატარებენ წინასაარჩევნო შეხვედრებს და ხვდებიან თავის მხარდამჭერებს. ადგილზე არიან ეუთო/ოდირ-ის საერთაშორისო დამკვირვებლებიც. გურიაში წინასაარჩევნო კამპანია მშვიდად და კონსტრუქციულად მიმდინარეობს. _ მიგაჩნიათ, რომ პოლიტიკურმა პარტიებმა და ჯგუფებმა, მათ შორის, მმართველმა პარტიამ, ამომრჩეველს მაღალკონკურენტული, პროფესიონალი, ჯანსაღი პოლიტიკური წარსულის მქონე კანდიდატები წარუდგინეს? _ პარტია "ქართული ოცნება _ დემოკრატიული საქართველოს" მაჟორიტარობის კანდიდატი გურიის ოლქში ვასილ ჩიგოგიძეა. ვასილ ჩიგოგიძემ იცის გურიის საჭიროებები, საქმიანი ადამიანია, არაერთი სიკეთე აქვს გაკეთებული, უყვარს თავისი მხარე და პარლამენტიდან კიდევ უფრო მეტის გაკეთებას შეძლებს ხალხისთვის. ვფიქრობ, გურიაში ოპოზიციის კანდიდატებს ვასილ ჩიგოგიძე დამაჯერებლად მოუგებს და გაიმარჯვებს. წინასაარჩევნო პერიოდში, გურიაში არაერთი კვირა გავატარე და ოპოზიციური კანდიდატების ერთ ნაწილს პასიური კამპანია აქვს, მეორე ნაწილი კი დეზინფორმაციით არის დაკავებული, თითქოს "ქართული ოცნება" ფარულად მათაც უჭერს მხარს - ეს აბსურდია. "ქართული ოცნების" კანდიდატი გურიაში არის ვასილ ჩიგოგიძე და მას პარტიის სრული მხარდაჭერა აქვს 2020 წლის საპარლამენტო არჩევნებში. _ პოლიტიკური გამოცდილება გვიჩვენებს, რომ ბიზნესმენები პარლამენტში, ძალიან ხშირად პრობლემას ქმნიან საკუთარი ბიზნესინტერესებიდან, ბიზნესამბიციებიდან გამომდინარე; ასევე, პოლიტიკური "წესრიგის" და კანონების არცოდნის ან მიუღებლობის გამო.... საჭიროა თუ არა, პოლიტიკურმა პარტიამ გააანალიზოს ეს გამოცდილება? თუ საარჩევნო პროცესებში უპირატესობის მისაღწევად, აუცილებელია დავეთანხმოთ გავრცელებულ "თეორიას" _ "არჩევნებს იგებს ფული!" _ საქართველოს კანონმდებლობა არეგულირებს მოქალაქეთა პოლიტიკურ საქმიანობას. იქნება ფერმერი, ბიზნესმენი თუ ექიმი - ყველა მოქალაქეს აქვს პოლიტიკური უფლებები. პარლამენტის წევრის ბიზნეს საქმიანობას კანონი მკაფიოდ არეგულირებს და ამას აკონტროლებს როგორც საჯარო სამსახურის ბიურო, ასევე სამოქალაქო საზოგადოება. არჩევნებს პირველ რიგში, იგებს ხალხის ნდობა, გაკეთებული საქმეები, პოზიტიური დღის წესრიგი და საზოგადოებასთან სწორი კომუნიკაცია. _ ძალიან ხშირად, განსაკუთრებით მცირე პარტიები, რომლებიც მრავლად არიან პარტიულ ბიულეტენში წარმოდგენილნი, საუბრობენ გარიგებაზე  _ რომ მმართველი პარტია და მსხვილი ოპოზიციური პარტია პოლიტიკურ ველზე პოზიციების შესანარჩუნებლად ერთმანეთს "ამაგრებს"; დაპირისპირება ფორმალური,- "საგარეოა" და "საშინაოდ" ერთმანეთთან კავშირი სიამტკბილურია....  თუკი პოლიტიკურ  ოპონენტს "დამნაშავეს" უწოდებთ, რატომ არ  სამართლდება? ხომ არ მიანიშნებს ეს ხელისუფლების უღონობაზე? _ ეს არ არის სწორი შეფასება. სიმართლე ის არის, რომ "ქართულმა ოცნებამ" გაატარა ფუნდამენტური დემოკრატიული რეფორმები, მათ შორის საკონსტიტუციო და საარჩევნო რეფორმები, რომელიც ჯერ კიდევ 2018 წელს დასრულდა და კონსტიტუციაში მკაფიოდ ჩაიწერა, რომ ქვეყანა გადადის პროპორციულ საარჩევნო სისტემაზე. 2020 წლის არჩევნები 1%-იანი ბარიერით და არსებითად პროპორციული სისტემით ტარდება, რაც პირდაპირ არის პასუხი თქვენს კითხვაზე - არანაირი გარიგება არ სჭირდებათ პარტიებს ერთმანეთთან, ვინაიდან პირობები კონკურენტულია და ყველას, ვისაც აქვს ხალხის რეალური მხარდაჭერა, დამოუკიდებლად შეუძლია ბარიერის გადალახვა და შესვლა პარლამენტში. რიტორიკულია კითხვაც, თუ დანაშაულებრივ პოლიტიკას ატარებდა ნაციონალური მოძრაობა "რატომ არ სამართლდება?" რეალურად, "ნაციონალური მოძრაობის" ხელისუფლების 80-მდე მაღალჩინოსანი, რომელიც სასამართლომ დამნაშავედ ცნო, სასჯელს იხდის ან მოიხადა, მათი ნაწილი კი მიმალვაშია საზღვარგარეთ და ნახეთ, რომ 2019 და 2020 წელსაც რამდენიმე მათგანის ექსტრადირება მოხდა. 2020 წლის საპარლამენტო არჩევნებში ჩვენს საზოგადოებას აქვს შესაძლებლობა, რომ ასეთი ოპოზიციური ძალა და წარსულში მძიმე დანაშაულებში მხილებული მისი ლიდერები, პოლიტიკური ველიდან გაიყვანოს და მათი ადგილი ჯანსაღმა ოპოზიციამ დაიკავოს. "ქართულმა ოცნებამ" საზოგადოებასთან ერთად ეს დესტრუქციული და მძიმე პოლიტიკური ბიოგრაფიის მქონე პოლიტიკური პარტია "ნაციონალური მოძრაობა" 2012 და 2016 წლის არჩევნებში დაამარცხა. ახლა ისინი აღარ არიან ჩვენი მთავარი კონკურენტები _ მათ პრობლემა აქვთ საკუთარ წარსულთან. ვიმეორებ, საზოგადოებას აქვს ამ არჩევნებში შესაძლებლობა, რომ მილევად რეჟიმში მყოფი "ნაციონალური მოძრაობა" გაიყვანოს პოლიტიკური ველიდან და მისი ადგილი ჯანსაღმა ოპოზიციამ დაიკავოს. თქვენ მეკითხებით, რატომ სხედან ერთად მმართველი პარტიის და ოპოზიციის წარმომადგენლები სხდომათა დარბაზში? ან კომიტეტის სხდომებზე? ან საერთაშორისო კონფერენციებსა და სემინარებზე? ჩვენ პატივს ვცემთ თითოეული მოქალაქის მიერ გაკეთებულ არჩევანს და ვისაც არ მოსწონს ოპოზიციაში დესტრუქციული ჯგუფები, არ მოსწონს ის პოლიტიკური ლიდერები, ვინც პარლამენტზე და საკუთარ სახელმწიფოზე ძალადობრივ თავდასხმებს აწყობენ, რასაკვირველია ამ არჩევნებით შეუძლია უარი უთხრას მათ. ვფიქრობ, ჩვენი საზოგადოება მშვიდ, საქმიან და შედეგზე ორიენტირებულ პოლიტიკას იმსახურებს და "ქართული ოცნება" არის იმის გარანტია, რომ ქვეყანას სტაბილური პოლიტიკური სისტემა ექნება, რომელიც ქვეყანაში არა დაპირისპირებას, დესტაბილიზაციას და ძალადობას უწყობს ხელს, არამედ, ქვეყნისთვის მნიშვნელოვან საკითხებზე სწორ გადაწყვეტილებებს იღებს, აგვარებს პრობლემებს და უზრუნველყოფს პროგრესს. _ მოდით, დაპირებების შესახებაც ვისაუბროთ; წინა არჩევნებზე,"ქართული ოცნების" მხრიდან,  გურიაში რამდენიმე მნიშვნელოვანი დაპირება გაიცა  - განათლების, ინფრასტრუქტურის, წყალმომარაგების კუთხით...  ბუნებრივია, ზოგი შესრულდა, ზოგიც _ ვერა....ამომრჩეველს განსაკუთრებით შეუსრულებელი დაპირებები ამახსოვრდება. თქვენ, როგორც გურიის, ოზურგეთის მკვიდრს, რომელი აუხდენელი დაპირება გახსოვთ? _ ამ წლების განმავლობაში მართლაც მნიშვნელოვანი საქმის გაკეთება შევძელით მოქალაქეების მხარდაჭერით. გურიაში განსაკუთრებით გამოვყოფდი სოციალურ ინფრასტრუქტურას _ სკოლებს, ბაღებს, ამბულატორიებს, სასწრაფო სამედიცინო სამსახურის ბაზებს, საზოგადოებრივ ცენტრებს, მაგისტრალურ გზებს, გაზიფიკაციას, სპორტულ მოედნებს. გურიის რეგიონში მასშტაბური პროექტები გახორციელდა ბატონი ბიძინა ივანიშვილის და მისი ოჯახის ქველმოქმედებითა და დაფინანსებით _ შავი ზღვის სანაპირო ზონამ ახალი ეკონომიკური და კულტურული, ტურისტული და ეკოლოგიური მნიშვნელობა შეიძინა: საკონცერტო ცენტრი "ბლექ სი არენა", სასტუმრო "პარაგრაფი", დენდროლოგიური პარკი, მინიატურების პარკი და სხვა მნიშვნელოვანი პროექტები გურიას განვითარების ახალ პერსპექტივას აძლევს. სახელმწიფოს მხარდაჭერით გახორციელდა მნიშვნელოვანი საინვესტიციო და ბიზნეს პროექტები, რომელმაც ახალი სამუშაო ადგილები შექმნა _ ასეთია ორი სამკერვალო ფაბრიკა, თევზის თანამედროვე საწარმოები, მეფრინველეობის ფერმები, მოცვის ახალი პლანტაციები, თხილის და ჩაის თანამედროვე საწარმოები, რამდენიმე სასტუმრო და სხვა. კარგად გვესმის, რომ სიღარიბე კიდევ არა ერთ ოჯახში პრობლემად რჩება და შემდგომ წლებში ჩვენი მთავარი საზრუნავი სწორედ ახალი სამუშაო ადგილები, დასაქმება, ეფექტური სოციალური პოლიტიკა და განათლება იქნება. _ "ქართულმა ოცნებამ" წინასწარ დააანონსა, რომ პარლამენტს ისევ გურული თავმჯდომარე ეყოლება _ თქვენი პოლიტიკური ძალა თვლის, რომ კოალიციური შეთანხმებების აუცილებლობამდე საქმე არ მივა.... პოლიტიკაში პროგნოზები უმადური საქმეა, მაგრამ მაინც, როგორია თქვენი ყველაზე პესიმისტური  და ოპტიმისტური პროგნოზი? _ მხარდაჭერისთვის და ნდობისთვის საზოგადოების და ჩემი პოლიტიკური გუნდის მადლიერი ვარ. მეამაყება, რომ ამ 4 წლის განმავლობაში საქართველოს პარლამენტში ჩვენს მშობლიურ გურიას, თავისუფლებისმოყვარე და განათლებულ საზოგადოებას წარმოვადგენდი. სადაც ყველაზე მეტად გამოვადგები ჩემს ქვეყანას, მზად ვარ იქ ვიმუშაო _ თანამდებობა ჩემი თვითმიზანი არასოდეს ყოფილა. არ ვიცი, რას ამბობენ პოლიტიკური სინოპტიკოსები, მაგრამ მჯერა, რომ საზოგადოების მხარდაჭერით 2020 წლის საპარლამენტო არჩევნებში "ქართული ოცნება" დამაჯერებლად გაიმარჯვებს, ჩამოაყალიბებს უმრავლესობას პარლამენტში, დააკომპლექტებს მთავრობას და მეორე დღიდანვე განაგრძობს საზოგადოებისთვის საჭირო საქმის კეთებას.    _ "გურია ნიუსი" და ააიპ "Post ალიონი" ახორციელებს პროექტს "ვირჩევ დემოკრატიას!" - #მიეხმარასაქართველოს!" ეს პროექტი იმ ახალგაზრდების დასახმარებლადაა, ვინც პირველად მონაწილეობს არჩევნებში. რას ეტყოდით  მათ? _ ახალგაზრდების ხმა და მონაწილეობა მნიშვნელოვანია, რადგან საქართველო და მისი ხელისუფლება მომავალზეა ორიენტირებული. ჩვენ ვხსნით ახალ შესაძლებლობებს ახალგაზრდების განათლების, დასაქმების და პროფესიული განვითარებისთვის. "ქართული ოცნების" ახალ საპარლამენტო გუნდში არაერთი წარმატებული ახალგაზრდა ლიდერია და ჩვენი ქვეყნის მომავალი ახალგაზრდებს ... ...
  • ოზურგეთის ჭადრების ბაღი პოლიტიკურ ტრიბუნად გადაიქცაბოლო დღეებში, ოზურგეთში, ე. წ. "ჭადრების ბაღში" პოლიტიკურმა პარტიებმა პარლამენტარობის სამი კანდიდატი წარადგინეს . ჯერ "გაერთიანებული ოპოზიციის" დეპუტატობის კანდიდატი მანუჩარ კვირკველია, შემდეგ "ლელოს" დეპუტატობის კანდიდატი _ გიორგი სიორიძე და ბოლოს "ევროპული საქართველოს" მხარდაჭერების წინაშე დეპუტატობის კანდიდატი ხათუნა გოგორიშვილი წარადგინეს პარტიის ლიდერებმა. "დღეს მე თქვენით ვარ ამაყი და ბედნიერი. ბრძოლა და გამარჯვება ჩემი ცხოვრების წესი და ტრადიციაა. 31 ოქტომბერს არ ვატარებთ რიგით არჩევნებს _ ეს გაცილებით მეტია. ეს არჩევნები რეფერენდუმია, სადაც ხალხმა უნდა გადავწყვიტოთ ჩვენი ქვეყნის ბედი. ჩვენ ერთად დავძლევთ სიღარიბეს, უმუშევრობას, უსამართლობას. დადგა დრო, ერთად ვიცხოვროთ ისეთ საქართველოში, სადაც არც ერთ ოჯახს არ ექნება ხვალინდელი დღის შიში, აღარ იარსებებს უსამართლობის განცდა", _ თქვა "გაერთიანებული ოპოზიციის" კანდიდატმა მანუჩარ კვირკველიამ. "გაერთიანებული ოპოზიციის" მაჟორიტარობის კანდიდატის მხარდაჭერისკენ ამომრჩევლებს მიხეილ სააკაშვილმა ონლაინ მოუწოდა _ მან თქვა, საქართველოს დასაკარგი დრო აღარ აქვს და ხელისუფლებაში მოსვლის შემდეგ, 2-3 წელში უნდა ანაზღაურდეს ის ზარალი, რომელიც ქვეყანას, მისივე თქმით, "ქართულმა ოცნებამ" და კონკრეტულად, ბიძინა ივანიშვილმა მიაყენა: "ივანიშვილის დრო დამთავრებულია, ქართველი ხალხი იბრუნებს თავის ქვეყანას. აღარავინ აღარ იქნება არავის ყმა და ხელის ბიჭი, განსაკუთრებით, გურიაში, სადაც ივანიშვილმა გადაწყვიტა, რომ თავის ყმებად ექცია ყველა", _ თქვა მიხეილ სააკაშვილმა.  მიხეილ სააკაშვილმა ოზურგეთელებს მანუჩარ კვირკველიას მხარდაჭერისკენ მოუწოდა და 2008 წელს, ომის მძიმე დღეებში, კვირკველიას მიერ მოგებული ოლიმპიადა გაიხსენა: "კარგი ქართველი და კარგი გურულია, უყვარს თავისი კუთხე. ჩვენი სრული მხარდაჭერა მანუჩარს _ ის არის ერის სიამაყე. მანუჩარის გამარჯვება იქნება საქართველოს და გურიის გამარჯვება", _ მიმართა მიხეილ სააკაშვილმა ჭადრების ბაღში შეკრებილ ამომრჩეველს. ჭადრების ბაღში ოფიციალურად წარადგინეს "ლელოს" მაჟორიტარობის კანდიდატის გურიაში გიორგი სიორიძე, რომელმაც გამოსვლისას ხაზი გაუსვა, რომ ამ არჩევნებზე მთელი გურია ირჩევს ერთ მაჟორიტარ დეპუტატს და დიდი ალბათობით, ეს არჩევნები იქნება მაჟორიტარული ეპოქის დასასრული ქართულ პარლამენტარიზმში: "დასრულდება მაჟორიტარული ეპოქა, რომელიც ამ და ყველა წინა ხელისუფლების პირობებში იყო იმის ინსტრუმენტი, რომ დაუმსახურებლად ჰქონოდა, რაც შეიძლება მეტი საპარლამენტო მანდატი. დასრულდება ეპოქა, როცა ხელისუფლებები ქმნიდნენ მაჟორიტარის მახინჯ სტერეოტიპს, როცა მას რაიონის მოსახლეობას წარუდგენდნენ, როგორც ერთგვარ ყოვლისშემძლე ფეოდალს. ქართული საზოგადოებისა და დასავლელი პარტნიორების ძალისხმევით, ჩვენ მივიღეთ ის მოდელი, რომელიც გვაქვს _ 120/30-ზე და წელს გურია ირჩევს ერთ მაჟორიტარს. მე ვიღებ ამ ბრძოლას, შევდივარ ბრძოლაში და ვიბრძვი იმისთვის, რომ ვიყო სრულიად გურიის პირველი და უკანასკნელი მაჟორიტარი დეპუტატი საქართველოს პარლამენტში. ჩემთვის საპატიო და დიდი ტვირთი იქნება, რომ ვიყო ამ ხალხის ხმა პარლამენტში. ყველაფერი, რაც ჩემშია, არის გურული; ყველაფერი, რასაც ვფიქრობ, არის გურული; ყველაფერი, რასაც ვგრძნობ, არის გურული და ყველაფერი, რასაც ვამბობ და ვიტყვი თქვენი სახელით, იქნება გურული", _ თქვა გიორგი სიორიძემ. კიდევ ერთი შეხვედრა გაიმართა ჭადრების ბაღში _ "ევროპული საქართველოს" ლიდერებმა დავით ბაქრაძემ და გიგი უგულავამ მათ მხარდამჭერებს დეპუტატობის კანდიდატი გურიაში ხათუნა გოგორიშვილი წარუდგინეს. "დღეს გურიაში ძალიან ბევრი პრობლემაა _ უმუშევრობას ემატება მიგრაცია, ცარიელდება სოფლები და ქალაქები, ახალგაზრდები აღარ არიან აქ, ვერ პოულობენ სამსახურს, რადგან ნეპოტიზმია გაბატონებული. ამას ემატება სიღარიბე, სიდუხჭირე, აუტანელი ფასები წამლებზე, ყოველდღიურ პროდუქტებზე, რომლებიც ყოველდღე ძვირდება, მაგრამ მთავარი არის ის, რომ ამ ყველაფრის შეცვლა შეიძლება ძალიან მალე და ეს ცვლილებები შეიძლება დაიწყოს ძალიან მალე. ცვლილებები უნდა დავიწყოთ ყველამ ერთად. ერთად აუცილებლად შეცვლით ამ ქვეყანას. ცვლილებები დაიწყება 31 ოქტომბრიდან!" _ თქვა ხათუნა გოგორიშვილმა. გასულ კვირას ოზურგეთში იმყოფებოდნენ, ასევე, "ერთიანი საქართველოს" ლიდერი ნინო ბურჯანაძე, "ლეიბორისტული პარტიის" ლიდერი შალვა ნათელაშვილი და პარტია "მოქალაქეების" ლიდერი ალეკო ელისაშვილი. "შიმშილის ზღვარზე მყოფი სოციალურად დაუცველი ადამიანები, უსამართლოდ მოხსნილი სოციალურად დაუცველის სტატუსი, უმუშევრობა, რეგიონიდან გასული ახალგაზრდები და უიმედობა _ ეს ის პრობლემებია, რომელიც ოზურგეთის მოსახლეობას აწუხებს. მე და ჩემი გუნდი დავარწმუნებთ ამ ადამიანებს, რომ სწორედ ჩვენ გვაქვს ძალა და გამოცდილება, რომ ქვეყანაში ვითარება რეალურად შევცვალოთ", _ თქვა ნინო ბურჯანაძემ თავის ამომრჩეველთან შეხვედრის დროს. შალვა ნათელაშვილის თქმით, გურია ინტელექტით გამორჩეული კუთხეა. ექვთიმე თაყაიშვილის მშობლიური კუთხიდან კი საქართველოს ექვთიმეობა უსურვა და ოლიგარქიის მმართველობის დასრულებისკენ მოუწოდა ხალხს: "ექვთიმე თაყაიშვილმა ქვეყნის საგანძური გულით, ხელით ატარა და უკან დაგვიბრუნა. ახლა წარმოიდგინეთ, ივანიშვილისთვის რომ ჩაგვებარებინა საგანძური, რა დაგვიბრუნდება უკან?! მაშინვე გადაირიციხებოდა პანამის ბანკში... ამიტომ ჩვენ უნდა ვიყოთ ექვთიმისტები და 31 ოქტომბერს, ეს ქვეყნის მძარცველები უნდა გავუშვათ პოლიტიკურ მოუსავლეთში", _ თქვა შალვა ნათელაშვილმა. პარტია "მოქალაქეების" ლიდერმა ალეკო ელისაშვილმა და გურიის ოლქის მაჟორიტარობის კანდიდატმა ოთარ ქერქაძემ საგანგებო განცხადება გააკეთეს. ელისაშვილმა ქვეყანაში ეპიდსიტუაციის არასწორ პოლიტიკაზე ისაუბრა და გააკრიტიკა ხელისუფლება ქვეყანაში პანდემიის მეორე ტალღისთვის სრულიად მოუმზადებელი ვითარების გამო: "ეპიდემიის გონივრული მართვის ნაცვლად, საქართველოს მთავრობამ პოპულისტური და გაუაზრებელი ნაბიჯები გადადგა. ქვეყნის მთავარი კლინიცისტები პოლიტიკური კეკლუცობის საგნად გამოიყენეს".  ოთარ ქერქაძემ კი, მედიას დაუყოვნებლივ გასახორციელებელი ოთხპუნქტიანი გეგმა გააცნო:  "ახლა ყველაზე მნიშვნელოვანია, მაქსიმალურად მცირე ზარალით გამოვიდეთ არსებული სიტუაციიდან. ჩვენ ვფიქრობთ, რომ ამ ეტაპისთვის ყველაზე მნიშვნელოვანი ნაბიჯებია: რაც შეიძლება სწრაფად მომზადდეს ჰოსპიტალური სექტორი, განსაკუთრებით, საწოლფონდები რეანიმაციულ განყოფილებებში. დაუშვებელია უსიმპტომო პაციენტების კარანტინში ან კლინიკებში გადაყვანა, რადგან მათი ჰოსპიტალიზაცია, მოსახლეობის მასობრივ მიდინებას და კლინიკების პარალიზებას გამოიწვევს. ქვეყანაში უნდა მოხდეს სწრაფი და PCR ტესტების მარაგის შექმნა, რომელიც გამოყენებული იქნება ყველა მაღალი რისკის მქონე ჯგუფებში. მაქსიმალურად უნდა ამუშავდეს ონლაინ კონსულტაციების სისტემა, მოსახლეობის დეტალური ინფორმირების მიზნით, რაც შეამცირებს ჰოსპიტალური სექტორის გადატვირთვას", _ თქვა შეხვედრის დროს ოთარ ... ...
  • უმუშევრობა, ნეპოტიზმი, სოციალური სიდუხჭირე _ რა პრობლემების შესახებ საუბრობენ დეპუტატობის კანდიდატები "გურია ნიუსთან"31 ოქტომბერს საქართველოში საპარლამენტო არჩევნები უნდა ჩატარდეს. ჩვენ გადავწყვიტეთ, გურიაში მაჟორიტარი დეპუტატობის კანდიდატებისგან მოგვესმინა, რა პრობლემებზე ესაუბრებიან მათ ამომრჩევლები და არჩევნებში გამარჯვების შემთხვევაში, როგორ აპირებენ ქვეყანაში არსებული პრობლემების მოგვარებას. ხათუნა გოგორიშვილი, "ბაქრაძე, უგულავა, ბოკერია -ევროპული საქართველო _ მოძრაობა თავისუფლებისთვის": "ყველა შეხვედრაზე, ყველა სოფელსა და ქალაქში მთავარი პრობლემა, რომელსაც მოსახლეობა სვამს, არის უმუშევრობა. გურიაში უმუშევრობა მიგრაციასაც ნიშნავს ამავდროულად _ ახალგაზრდები სამსახურს ვერ შოულობენ და იცლება სოფლები. "ევროპული საქართველოს" საარჩევნო პროგრამის ეკონომიკური ნაწილის ერთ-ერთი მთავარი საკითხი არის გადასახადების შემცირება. ჩვენმა ექსპერტებმა დეტალურად დათვალეს, რომელი გადასახადი როგორ უნდა შემცირდეს, რათა უმოკლეს ვადაში მცირე და საშუალო ბიზნესს იმდენი ფული დარჩეს, რომ შეძლოს ახალი სამუშაო ადგილების შექმნა. სამუშაო ადგილების შექმნის "ევროპული საქართველოს" გეგმის მიხედვით, მომდევნო 4 წლის განმავლობაში, შეიქმნება დამატებით, სულ მცირე, 100 000 სამუშაო ადგილი.  "ქართული ოცნების" პირობებში მკვეთრად გაიზარდა ბიუროკრატია, კორუფცია, ნეპოტიზმი და გაუაზრებელი ეკონომიკურად მავნებელი ხარჯები. გამომდინარე იმ საერთაშორისო კონტაქტებიდან, რომელიც "ევროპული საქართველოს" ლიდერებს აქვთ ჩვენი სტრატეგიული პარტნიორი ქვეყნების წარმომადგენლებთან, თუ ვინმე შეძლებს ახალი უცხოური ინვესტიციების მოზიდვას, ეს სწორედ ჩვენი გუნდია, რომელიც ახალი კოალიციური მთავრობის შემკვრელი და მისი მნიშვნელოვანი შემადგენელი ნაწილი იქნება". ოთარ ქერქაძე, “ალეკო  ელისაშვილი - მოქალაქეები“ მაჟორიტარი-დეპუტატობის კანდიდატი გურიაში: ადამიანები იბრძვიან სიცოცხლის გადასარჩენად და ეს არ არის ახალი ამბავი. უამრავი პრობლემა აქვთ. ყველაზე დიდი პრობლემა არის უმუშევრობა. ასევე, ადამიანები ვერ ახერხებენ თავისი პროდუქციის რეალიზებას კორონავირუსის დროს. სოფელ აცანაში აქვთ თაფლი და თხილი, ვერ ახერხებენ ეს ადამიანები მათ რეალიზებას. ხელისუფლება კი დაკავებულია საარჩევნოდ ხმები მოიპოვონ და ამისთვის ყველაფერს აკეთებენ. ადამიანებს სჭირდებათ მეტი ყურადღება და პრობლემების მოგვარება. 2020 წლის 31 ოქტომბერს ეს ხელისუფლება დასრულდება და ის ადამიანები, რომლებიც მოვლენ ხელისუფლებაში, ერთხელ და სამუდამოდ მიხვდებიან, რომ ადამიანებს სჭირდება პრობლემების მოგვარება და დახმარება. მანუჩარ კვირკველია, საარჩევნო ბლოკი "ერთიანი ნაციონალური მოძრაობა"- გაერთიანებული ოპოზიცია _ "ძალა ერთობაშია": "მთელ საქართველოში, პრობლემები მრავალფეროვანი და მასშტაბურია, მაგრამ ჩვენთან, გურიაში, ამ პრობლემებს არ აქვს ზღვარი. უკიდურესია სიღარიბის მაჩვენებელი და მე უფრო მეტად მთრგუნავს ის, რომ შრომისუნარიანი ადამიანების დიდი ნაწილი გადახვეწილია საზღვარგარეთ. წინასაარჩევნო კამპანიის მანძილზე ბევრი პრობლემა მოვისმინე _ ჯერ კიდევ დაძლეული არ არის სავალი გზის, წყალმომარაგებისა და წყალარინების პრობლემები, თუმცა, ყველაზე მეტად ჩვენ ხალხს აწუხებს უმუშევრობა, ახალგაზრდებს არ აქვთ თვითრეალიზების შესაძლებლობა, უფრო მეტიც _ წლებია, ისინი ითხოვენ პროფესიულ სასწავლებლებს, სადაც მოკლე დროში მიიღებენ ცოდნას. პრობლემაა ისეთი სოციალური საკითხები, როგორიც არის უსამართლო სისტემა სოციალურად დაუცველ პირთა მიმართ. ბევრ სოციალურად დაუცველს უსაფუძვლოდ უხსნიან დახმარებას და ბევრი ნამდვილად დაუცველი ვერ ხვდება ამ ბაზაში. პრობლემაა ხარისხიანი სამედიცინო სერვისები და მედიკამენტების ხელოვნურად გაძვირებული ფასი. ახალგაზრდებს განათლებასთან წვდომის გარდა, უნდა ჰქონდეთ სპორტთან სიახლოვე, მაგალითად, სოფელ ნატანებში შესაძლებელია, აღდგეს სპორტული კომპლექსი, რომელსაც დიდი ტრადიცია გააჩნია და დღეს იგი ყურადღების მიღმაა დარჩენილი, გასათვალისწინებელია ისიც, რომ ეს ცენტრი მოემსახურება, მინიმუმ, 6 სოფელს და დარწმუნებული ვარ, ბევრი ახალგაზრდა დაკავდება ჯანსაღი ცხოვრების წესით. პრობლემების გადაწყვეტა უნდა დავიწყოთ 31 ოქტომბრიდან, უკვე პირველ ნოემბერს, ჩვენ, ყველანი ერთად უნდა ჩავდგეთ ქვეყნის სამსახურში და ცოდნით, გამოცდილებით, საჭირო კონტაქტების გამოყენებით ვემსახუროთ საკუთარ ხალხს. პირველ რიგში, აუცილებელია, გურიის ეკონომიკური პოტენციალის შესწავლა პროფესიონალურ დონეზე, ამის შემდეგ უნდა მომზადდეს სპეციალური საინვესტიციო წინადადებები ადგილობრივი და უცხოელი ინვესტორებისთვის. ხელისუფლების შეცვლის შემდეგ, როცა სახელმწიფო უწყებები გათავისუფლება პოლიტიკური ჩარევებისგან და სასამართლო გახდება სრულად თავისუფალი, რეალური გახდება ინვესტორების ქვეყანაში და რეგიონში მოწვევაზე მსჯელობა, თუმცა, როგორც უკვე გითხარით, ჩვენ წინასწარ უნდა გვქონდეს გამზადებული საინვესტიციო წინადადებები, ამისთვის კი აუცილებელია ზუსტად ვიცნობდეთ გურიას და მის ეკონომიკურ პოტენციალს". შოთა გოგიბერიძე, "დავით თარხან-მოურავი, ირმა ინაშვილი _ საქართველოს პატრიოტთა ალიანსი": "უფრო მეტად მესაუბრებიან გაჭირვებასა და უმუშევრობაზე. ამომრჩეველი ამბობს, რომ თხილის მოვლა-პატრონობა ძვირი უჯდებათ. უკვე მოდის ციტრუსის რეალიზების სეზონი, მაგრამ, დიდი ალბათობით, პროდუქციის გაყიდვა იმ ფასად, რაც ფერმერს უნდა, ვერ მოხერხდება, ადამიანებს ეს საკითხი ყველაზე მეტად აწუხებს და აუცილებელია, ხელისუფლებამ ამ საკითხს, რაც შეიძლება, მეტი ყურადღება მიაქციოს. ამას თან ერთვის ადამიანების სოციალურ მდგომარეობასთან დაკავშირებით წუხილი და განწყობა, შეიცვალოს ამ მიმართულებით მდგომარეობა. "პატრიოტთა ალიანსს" აქვს თავისი პროგრამა, რომლის მიხედვითაც, ყველა მიმართულებით მოხდება საკითხების ძირეულად შესწავლა და შემდეგ მოგვარება. ამომრჩეველს დეტალურად ვამცნობთ ჩვენ პროგრამას და იმ პრობლემების გადაჭრის გზებს, რომელიც აწუხებთ მათ". დავით მამალაძე, "შალვა ნათელაშვილი - საქართველოს ლეიბორისტული პარტია": "პრობლემის მეტი რა არის?! უამრავ პრობლემაზე მესაუბრებიან ამომრჩევლები. საქართველოს მცხოვრებთა 80%-ს ბანკის ვალები ახრჩობს. ასევე, არის უმუშევრობა და ადამიანს ხვალინდელი დღის იმედი ნაკლებად აქვს. როდესაც პარლამენტში მოვხვდებით, პირველ რიგში, კოალიციურ რეჟიმში უნდა მოხდეს ოლიგარქების და ბიზნესმენების მოშორება პოლიტიკისგან. მათ უნდა გააკეთონ ბიზნესი და გადაიხადონ გადასახადი კანონის ფარგლებში". ნინო შეწირული-გობრონიძე, "მოქალაქეთა პოლიტიკური გაერთიანება "ჩვენი საქართველო -სოლიდარობის ალიანსი": "წინასაარჩევნოდ თითქმის ყველა სოფელი შემოვიარეთ. დიდი პრობლემაა სიღატაკე. ადამიანებს, უბრალოდ, წამლის და პურის ყიდვის საშუალება არ აქვთ. სოციალური საკითხები ყველაზე მნიშვნელოვანია. ჩემი არჩევის შემთხვევაში, ეს ოთხი წელი იქნება ამოსუნთქვის წელი, ვინაიდან ხალხს, უბრალოდ, შია. სახელმწიფო მაქსიმალურად უნდა შეეცადოს, სოფლის მეურნეობის, ჯანდაცვისა და სოციალურ საკითხებში დაეხმაროს მოსახლეობას _ ეს სრულიად შესაძლებელია, თუკი იქნება პოლიტიკური ნება და სურვილი, რომ გურია ამოვიდეს სიღატაკიდან. ბოლო 30 წელია, ამ ქვეყანაში არ არის არც ერთი პოლიტიკური გაერთიანება, ვინც ხალხისკენ იხედება. მე ვათქმევინებ გურიის მოსახლეობას, რომ მათ აირჩიეს სახალხო დეპუტატი, რომელიც დაკავებული იქნება საქმით და არ ექნება დრო პოლიტიკური ქილიკისთვის. ზღაპრები და დაპირებები დაპირებებად დარჩა, ამიტომ თუ დროზე არ მიეხედა ქვეყანას, უბრალოდ, გავქრებით მსოფლიო რუკიდან. ეს ხმამაღალი სიტყვები არ არის _ ეს დღევანდელი რეალობაა. ადამიანები იბრძვიან სიცოცხლის გადასარჩენად და ეს არ არის ახალი ამბავი. უამრავი პრობლემა აქვთ. ყველაზე დიდი პრობლემა არის უმუშევრობა. ასევე, ადამიანები ვერ ახერხებენ თავიანთი პროდუქციის რეალიზებას კორონავირუსის დროს. სოფელ აცანაში აქვთ თაფლი და თხილი, რომელსაც ვერ ყიდიან. ხელისუფლება კი დაკავებულია საარჩევნოდ ხმების მოპოვებით და ამისთვის ყველაფერს აკეთებს. 2020 წლის 31 ოქტომბერს ეს ხელისუფლება დასრულდება და ის ადამიანები, რომლებიც მოვლენ ხელისუფლებაში, ერთხელ და სამუდამოდ მიხვდებიან, რომ ადამიანებს სჭირდებათ პრობლემების მოგვარება და დახმარება". ნინო ორაგველიძე, "ეკა ბესელია _ პ.პ. სამართლიანობისთვის": "პირველ რიგში, რაც შეხვედრები მქონდა, იქედან გამომდინარე ვიტყვი, რომ გურიაში მცხოვრებ ადამიანებს ძალიან უჭირთ. ყველაზე მეტად სოციალურ დახმარებაზე საუბრობენ და მეუბნებიან, რომ სოციალური ქულების მინიჭება არასამართლიანად მიმდინარეობს. ეს საკითხი აუცილებლად საჭიროებს დიდი ყურადღებას მიქცევას და მე, პირადად, ამ კუთხით უფრო მეტად ვაპირებ მუშაობას. ჩემი დეპუტატად არჩევის შემთხვევაში, პირველ რიგში, შეჭირვებული ადამიანების პრობლემების გადაჭრას შევუდგები". მაკა მგალობლიშვილი, "შეცვალე საქართველო": "ძირითადად, არის სოციალური პრობლემები. ასევე, კორონავირუსის დროს კულტურის სფეროს წარმომადგენლებმა დაკარგეს სამსახური, დაკეტილია ის დაწესებულებები, სადაც ისინი მუშაობდნენ და ამ კუთხით ხელისუფლება უფრო მეტს უნდა აკეთებდეს. დეპუტატად არჩევის შემთხვევაში, სწრაფ ტემპში მოხდება იმ პრობლემების შესწავლა, რომლებიც აწუხებთ ადამიანებს და მათი გადაჭრა". ვახტანგ ზენაიშვილი, "გირჩი": "გირჩს" რაიმე ცალკე შეთავაზება გურიისთვის არ აქვს. პრობლემა ყველასთვის ერთია: დესოვეტიზაცია. _ სახელმწიფოს ხელში არსებული აქტივების განკერძოება სპეციალურ საპრივატიზაცო "ფულზე", რაც ხალხურ ენაზე, საქართველოს თითოეულ მოქალაქეზე ქონების უფასოდ გადაცემას ნიშნავს.  _ საბჭოთა მართლმსაჯულების ფუნდამენტურად შეცვლა. უსამართლო კანონების მხილება და მათი გაუქმებისთვის ბრძოლა. როდესაც ძალადობა კანონის სახეს იღებს, დაუმორჩილებლობა მოვალეობაა. დანაშაულის დეფინიცია უნდა ჩამოყალიბდეს ნათლად, არ უნდა იძლეოდეს ინტერპრეტაციების საშუალებას: არ არის მსხვერპლი, არ არის დაზარალებული; არ არის მომჩივანი, არც დანაშაულია. აი, ერთ-ერთი მთავარი პრინციპი, რომელსაც სამართლიანი მართლმსაჯულება ეფუძნება. კანონთა სიმრავლე არ ნიშნავს წესრიგს და უსაფრთხოებას. პირიქით, კანონთა სიმრავლეში სამართალი იკარგება. ჩვენი განათლების სისტემა საბჭოურია. ჩვენ ვემხრობით მოცემულ ეტაპზე სახელმწიფოს გასვლას კერძო სკოლებიდან. ეს საჯარო სკოლებს კონკურენტულ მდგომარეობაში ჩააყენებს. მხოლოდ კონკურენცია ქმნის მოტივაციას, მაღალ ხარისხს. მხოლოდ კერძო საკუთრებაზე დაფუძნებული ღია ეკონომიკა აგვარებს პრობლემებს. სახელმწიფოს, პოლიტიკურ პარტიებს, არც ერთ ინსტიტუციას არ აქვს იმის ცოდნა, რა უნდა განვითარდეს გურიაში _ ჩაი, სტევია თუ მანქანათმშენებლობა. ეს ცოდნა აქვს ბაზარს. ორ მილიარდ ლარზე მეტი თანხა ჩაიდო სოფლის მეურნეობაში, შედეგი კი ნულია. ასე გაგრძელდება მანამ, სანამ კაბინეტში შედგენილი გეგმების გვჯერა, არ ვენდობით და ათასგვარი რეგულაციებით ვბორკავთ თავისუფალ საბაზრო ურთიერთობებს. ყველა მთავრობას აქვს ცდუნება, რომ იგი უკეთ დახარჯავს ფულს, ვიდრე წინა". ვასილ ჩიგოგიძე, "ქართული ოცნება _ დემოკრატიული საქართველო":  "წინასაარჩევნო კამპანიის ფარგლებში, ინტენსიურად ვხვდები გურიის სამივე მუნიციპალიტეტის მოსახლეობას. ვსაუბრობთ ჩვენი ხელისუფლების პირობებში ჩატარებულ მასშტაბურ სამუშაოებზე. გამოწვევები კვლავ რჩება, რასაც მომდევნო ოთხი წლის განმავლობაში, ჩვენს გუნდთან ერთად ეტაპობრივად გადავჭრით. შეხვედრებზე, მოსახლეობა, ძირითადად, შიდა გზების მოწესრიგებას და წყალმომარაგების საკითხის მოგვარებას გვთხოვს. მზად ვარ, ვიზრუნო თითოეული მოქალაქის კეთილდღეობისთვის და გურიის მომავალი წარმატებისთვის. დარწმუნებული ვარ, რომ ჩვენი პოლიტიკური გუნდი _ "ქართული ოცნება" საპარლამენტო არჩევნებში დამაჯერებლად გაიმარჯვებს ქვეყნის საკეთილდღეოდ". ლაშა ხეცურიანი, "ლევან ჩაჩუა, გურამ ფალავანდიშვილი _ ქართული იდეა": "ამომრჩეველს იმ პოლიტიკოსების და პარტიების ნდობა არ აქვთ, რომლებიც ყოველთვის დაპირებებს გასცემენ და არ ეხმარებიან ადამიანებს. მხოლოდ არჩევნების დროს არ უნდა ახსენდებოდეს  პოლიტიკოსს ადამიანი. ადამიანები ითხოვენ სამუშაო ადგილებს, მაგრამ ხელისუფლება ამ საკითხზე, როგორ დარდობს, ამას ყველანი კარგად ვხედავთ. ყოველდღე ძვირდება პროდუქტებსა და წამლებზე ფასები. ჩვენი პარტია ყველაფერს გააკეთებს იმისთვის, რომ ადამიანებს პრობლემები მოუგვარონ". რამაზ ზოიძე, "ქართული მარში _ ეროვნული მოძრაობა": "ძირითადი პრობლემა უმუშევრობა და ამ კუთხით დიდი სამუშაოები არის ჩასატარებელი. ხელისუფლების ამოსავალი წერტილი უნდა იყოს ამ პრობლემის მოგვარება და არაა ათასგზის დაპირება. სოფლებში არის უგზოობა და უწყლობა. არის პროექტები, რომელიც გახორციელდა, მაგრამ საქმე უხარისხოდაა გაკეთებული. ჩემი დეპუტატად არჩევის შემთხვევაში ძალ-ღონეს, არ დავიშურებ, რომ მოსახლეობას დავეხმარო და მათ პრობლემები მოვუგვარო". გიორგი სიორიძე, "ლელო _ მამუკა ხაზარაძე": "აქტიურ წინასაარჩევნო კამპანიას ვეწევი და შემიძლია, თამამად ვთქვა, რომ მთავარი, რასაც გურიის სამივე მუნიციპალიტეტში ერთნაირი გულისტკივილით აღნიშნავს მოსახლეობა, არის ხელისუფლების მხრიდან გამოჩენილი სრული უყურადღებობა მათი ყოფისა და პრობლემებისადმი. ეს არის მთავარი ფაქტორი, რაც შემდგომში განაპირობებს იმ პოლიტიკურ ნიჰილიზმს, რასაც ამომრჩევლებთან შეხვედრისას ყოველ ნაბიჯზე ვხვდები. მათ არ აქვთ იმის იმედი, რომ რომელიმე ხელისუფლება გამოიჩენს პოლიტიკურ შორსმჭვრეტელობას და მოსახლეობას არ შეხედავს, როგორც საარჩევნო საზარბაზნე ხორცს. მოსახლეობას არ აქვს განცდა და მოლოდინი, რომ რომელიმე ხელისუფლება ცენტრალურ თუ ადგილობრივ დონეზე, რეალურად დაინტერესდება მისი სოციალური თუ ინფრასტრუქტურული პრობლემებით და გამოიღებს ხელს მათ მოსაგვარებლად. ეს არის წინა ორი ხელისუფლების მიერ საკუთარი ხალხის წინაშე დაშვებული მიუტევებელი შეცდომების გამოძახილი და მომდევნო ხელისუფლებას, ანუ "ლელოს" ხელისუფლებას, სწორედ ამ მოცემულობის გათვალისწინებით მოუწევს ვითარების კარდინალურად გაუმჯობესებაზე ზრუნვის დაწყება. გარწმუნებთ, როგორც კი ჩვენი გუნდი დაიწყებს "მარშალის გეგმის" გახორციელებას, ანუ, არჩევნების მომდევნო დღიდანვე, მოსახლეობა, რომელსაც არასოდეს ღალატობს პოლიტიკური ალღო, მალევე დაინახავს ჩვენი ხედვების და ნაბიჯების მართებულობას და ის ნიჰილიზმიც სწრაფადვე დასრულდება, რაზეც ყველაზე დიდი გულისტკივილით აღვნიშნე თქვენთან საუბრის დასაწყისში".  გოჩა ძიმისტარიშვილი, დამოუკიდებელი კანდიდატი: "ვისაც ვხვდები, 10-იდან 8 ამომრჩევლის ერთადერთი პრობლემა არის ამ ხელისუფლების სახლში წასვლა. არც პრობლემას კითხულობენ და საერთოდ არ გვეკითხებიან, გაზი თუ გვექნება, წყალი თუ გვექნება. ამ ხელისუფლების, ბოდიში და პანღურით გადაგდება _ ესაა ჩემი პასუხი. მოსახლეობა ამბობს _ თქვენ ეს ხელისუფლება მოგვაცილეთ და ჩვენ ყველანაირ პრობლემას ავიტანთ. არჩევის შემთხვევაში, ეს ხელისუფლება უნდა გავუშვათ პოლიტიკურ მოუსავლეთში, ზოგი კი _ ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ ყველაზე, ყველაზე...

იცი თუ არა გეოგრაფია

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...