ბახვი _ მოვლენების ეპიცენტრით, ღატაკთა კვარტლით და წინასაარჩევნოდ დაპირებულის მოთხოვნით

მთავარი თემა

ბახვი _ მოვლენების ეპიცენტრით, ღატაკთა კვარტლით და წინასაარჩევნოდ დაპირებულის მოთხოვნით

2018 ოქტ 1 10:09:12

ოზურგეთის მუნიციპალიტეტის სოფელი ბახვში მიმავალს, გზის მარჯვენა მხარეს თვალში მოგხვდებათ ნაძვზე გაკრული აბრა: "ვიბარებ თხილს ქალაქის ფასში". თხილის ჩაბარების მსურველთა მოსაზიდად გაკეთებულ ლოზუნგებს შორის, შინაარსი შედარებით ორიგინალურ-კომიკურია, რადგან, როგორც აქაურები ამბობენ, ქალაქში არსებული ფასი ნიშნავს, უკან დაბრუნდე და თუ რამ მიგაქვს, ან გზაზევე გადაყარო ან ღორს დაუყარო...

"თუმცა, ეს აბრა ძველია და ქარი სანამ არ ჩამოაგდებს, იყოს მანდ. იქნებ, კი დოურჩეს გაისად ქალაქის ფასი ჩვენი სოფლის თხილს", _ თან ხუმრობენ, თან სოფლის ავ-კარგზე გულღიად, გულისტკივილით საუბრობენ:

"რა უნდა ხდებოდეს ბახვში? მუდამ მოვლენების ეპიცენტრად ცნობილ სოფელში ჯერ კიდევ არ დაუნიშნავთ მუნიციპალიტეტის მერის წარმომადგენელი, როგორც ძველებურად ვეძახით, "გამგებელი".

წყლის პრობლემა, დიდი ხანია, დგას და საკარმიდამოებში არსებული ჭები, ასე თუ ისე, გვიმსუბუქებს ყოფას. თუმცა, "კრანის" წყალი აუცილებელია დღეს. კი მოდის ვაკიჯვრიდან დენიკინისდროინდელი "ტრუბით", მარა ტექნიკური უფრო ჰქვია ამ წყალს, სასმელად არ ვიყენებთ. უმეტესად, მილები დაზიანებულია და ყველგან ჟონავს.

ჩვენი თემის სოფელ მშვიდობაურში ხომ არც გზაა და არც წყალი, შიდა გზებზე ვამბობთ, რომელზე გავლას, იხოხო, სჯობს.

ძალიან გაჭირვებული ვართ ყველა _ ხელფასი _ არა; სამუშაო _ არა; პენსია კაი ხნის მერე გვიწევს, თუ მივიტანეთ სული იქამდე; თხილი _ არა; ხილი _ არა და ჯანდაბა დარჩა.

ღატაკების უბანში წადით, იქნებ, იმათ შეეშველონ, ჩვენ კიდევ გავიტანთ თავს როგორმე", _ გვეუბნებიან სოფლის ცენტრში შემხვედრი ბახველები და ნახევრად ხუმრობით გვიბარებენ: "გამგებლის დანიშვნა ამ წელში თუ არ გვეღირსა, მერე ბახვის მანიფესტი დაგვჭირდება და თემის მოთხოვნების წაყენება მთავრობაში. მანამდე კი ბალახობს ეგერ ძროხა, ცენტრში არხეინად".

ეგრეთ წოდებული ღარიბთა კვარტალი, ზოგი სხვა სოფლის მსგავსად, ბახვშიც არსებობს, ორსართულიანი, დანგრევის პირას მისული კორპუსებით. თითოეულში უფრო მიუსაფარი ადამიანები ცხოვრობენ, უმუშევრები, პენსიონერები, ობლები.

მეორე კორპუსში მცხოვრები, ნინა სინჯიაშვილი მოკრძალებული ქალბატონია. მარტო ცხოვრობს. ღია ცის ქვეშ ცხოვრება არ ჰქვია მის ყოფას, როგორ თავად ამბობს, მაგრამ ჭერშიც წყალი მოჟონავს და აივნის იატაკიც ჩანგრევის პირასაა:

"გარეთ გასვლა მეშინია, რომ სარეცხი გავფინო. წვიმის დროს ოთახშიც თქრიალით ჩამოდის წყალი. არ მინდა, საგანგებოდ შევაწუხო ვინმე. იქნებ, მოახერხონ და სადაც დაზიანებულია სახურავი, იქ დაამაგრონ ვარგისი შიფერი. ასევე, იატაკიც იმ ადგილზე რომ გამიკეთონ, სადაც უფრო დაზიანებულია. ვიცი, ბევრი გაჭირვებულია და ყველას ახალი სახურავითა და იატაკით მდიდარი სახელმწიფოც ვერ უზრუნველყოფს. არჩევნების წინ შარაშენიძე თვითონ იყო აქ. "ოჰ, ეს რა არისო", _ თქვა. დახმარებაც აღმითქვა. ახლახან ვიღაცეები იყვნენ. ჩაინიშნეს ჩემი ვინაობა. მერიიდან ვართ და დაგეხმარებითო. არ ვიცი, შესაძლოა, არჩევნები რომ ახლოვდება, ამიტომ აღგვრიცხეს. წინა არჩევნებზე კი მივეცით მერობის კანდიდატს ხმა, _ გვეუბნება ქალბატონი ნინა და საკუთარ შრომით ბიოგრაფიაზე საუბრობს: _ აქ დაბადებული ვარ. ათი წლიდან თავაუღებლად ვშრომობდი მშობლებთან ერთად და ჩაის ყუთებსაც ვჭედავდი. სამწუხაროდ, მშობლებიც, მეუღლეც ადრე გარდამეცვალნენ და მერე ქვეყანა რომ დაინგრა, გაჭირვებულ ყოფაში ჩავვარდი. შრომას როგორ დავიზარებ, მაგრამ სადაა სამუშაო? წუწუნიც არ მინდა, იქნებ, ცოტათი მაინც დამეხმაროს სახელმწიფო, საქართველოს მოქალაქე ხომ ვარ?!" _ ამბობს ქალბატონი ნინა.

ამავე კორპუსში ობოლი ბავშვებიც ცხოვრობენ, რომლებიც მუნიციპალიტეტის მერთან გვაბარებენ, სტადიონის აშენებას დაგვპირდა არჩევნების წინ და სიტყვას თუ შეასრულებს, კარგი იქნებაო. მერე კი, კორპუსის გვერდით, ნანგრევებით მოფარული ის სივრცე დაგვანახეს, სადაც ადრე ჩაის ფაბრიკა ყოფილა და ახლა სტადიონის მოწყობა სურთ.

მეორე კორპუსში მცხოვრები ახალგაზრდა ცოლ-ქმარი _ ლია დოლიძე და გიორგი შავლოხაშვილი, უკიდურეს გაჭირვებასა და მძიმე ავადმყოფობაზე საუბრობენ.

ლია დოლიძე: "ორივე უმუშევარი, არაფრის მქონენი ვართ. აგვისტოში, ჩემმა მეუღლემ გულის ინფარქტი გადაიტანა. სასწრაფოდ  ქუთაისში გადავიყვანეთ. ასი ლარის მეტი არ მქონდა. ოპერაცია გაუკეთეს, გამოეწერა კიდეც, მაგრამ მალე კიდევ ინფარქტი მოუვა _ სულ გვირეკავენ საავადმყოფოდან, თანხა შემოიტანეთო.

ახლახან ოზურგეთის მუნიციპალიტეტის მერიას თხოვნით მივმართე. ვუთხარი ჩვენი უმძიმესი მდგომარეობის შესახებ. თუმცა, ცივი უარით გამომისტუმრეს _ ფული არ გვაქვს, ყველა ლიმიტი ამოწურულიაო. სახლის სახურავი ლამის, თავზე გვემხობა. წამოდით და ნახეთ, სახლის უკან ნაძვია წაქცეული და იქვე მდგარი მეორე ხე ამაგრებს, თორემ პირდაპირ ჩვენს საძინებელს დაეცემა. ესაა ყოფა?! ბანკის ვალები ცალკე თემაა. არჩევნებამდე იყო აქ შარაშენიძე, დაგვპირდა, გადაგიხურავთო, მაგრამ სადაა დაპირება? ხმები კი წაიღეს. კარგად გადაუღეთ ჩვენს საცხოვრებელ გარემოს. ასე უნდა გამოიყურებოდეს პრემია-დანამატების ქვეყანა?!"

გიორგი შავლოხაშვილი: "გული ხელით მიჭირავს. აწი მოვიდნენ აქ ხმებისთვის და კი ვიცი... ან სამუშაო იყოს ან ჯანმრთელობა, ან კიდევ ვინმეს ადამიანებად მივაჩნდეთ. ჩვენ არ ვართ ისეთი ხალხი, პატივი გვცეს კაცმა და დავივიწყოთ. ახლა  საავადმყოფოდან კი გამოვედი, მაგრამ, ვაი, ამ ყოფას _ ვიცი, მალე ისევ იქ მოვხვდები. არც მომხედავენ. ოპერაციის ვალი გადაუხდელი მაქვს და მართალებიც იქნებიან. რა გვეშველება?!"

სახლის ნაწილობრივ დახურვას ითხოვს აქვე მცხოვრები, 78 წლის ლინა ალევორიანი, რომელსაც შვილი გარდაცვლილი ჰყავს, რძალი საზღვარგარეთ სამუშაოდაა წასული და ობოლ შვილიშვილებს თავად პატრონობს. ისიც ამბობს, რომ არჩევნების წინ იყო დაპირება სახლის გადახურვის თაობაზე:

"ადრე იყო, ადამიანები ერთმანეთს ეხმარებოდნენ. ახლა ვინ რას გაჩუქებს? ყველა ღარიბია. მთავრობა თუ რაიმეს დაგვეხმარება, ეგაა. აქ პრეტენზიული ადამიანები არ ცხოვრობენ. ცოტა დაგვეხმარონ, თავზე რომ არ გვაწვიმდეს და იატაკში ფეხი არ ჩაუვარდეს ადამიანს", _ ამბობს ის.

"გურია ნიუსმა" აღნიშნული პირების და მათი მდგომარეობის შესახებ კითხვით მიმართა ოზურგეთის მუნიციპალიტეტის მერიას, საიდანაც მოკლე პასუხი მიიღო:

"ამ ადამიანებს 2018 წელს ოზურგეთს მუნიციპალიტეტის მერიისთვის არ მოუმართავთ, რაც შეეხება ბახვში მუნიციპალიტეტის მერის წარმომადგენლის დანიშვნას, უახლოეს პერიოდში გამოცხადდება კონკურსი, რომლის შედეგად შეირჩევა კანდიდატი".




 ახალი ამბები
  • ბახმარო თანამედროვე მუსიკალურო ფესტივალის სამზადისში _ ის, რაც არ უნდა გამოტოვოთSunset Fest Bakhmaro 2019-ის მზადება აქტიურად მიმდინარეობს. უკვე მოწყობილია კარვების ქალაქი, მოსასვენებელი კუთხეები, კაფე-ბარები. ამ წუთებში, ზღვის დონიდან 2050 მეტრზე საკონცერტო სცენის აწყობა მიმდინარეობს. ბახმაროში, ხვალ, 19 აგვისტოს ბევრი სიურპრიზი და დიდი მხიარულება გელით. ტრადიციული დოღის დასრულების შემდეგ, 17 საათზე, მზის ჩასავალი გორის მიმდებარედ (ასასვლელი ვერტოდრომიდან) თანამედროვე მუსიკის ფესტივალი გელოდებათ არაჩვეულებრივი შემსრულებლებით _ Bedford Falls, LOUD speakers, Kordz & Dro, Pitter J, Anushka Chkheidze, Lua და Kraumur თქვენს შესანიშნავ განწყობაზე დილამდე იზრუნებენ. შეაგროვე მთელი წლის სამყოფი ენერგია და მოგონებები. სუფთა ჰაერი, ნისლი, წიწვოვანი ტყე, კოცონები, ვარსკვლავებიანი ცა, კარვების ქალაქი, კარგი მუსიკა, ზაფხულის მზესთან დამშვიდობება _ ეწვიეთ 19 აგვისტოს ბახმაროს! არ გამოტოვოთ დიდი მხიარულება. ფესტივალი „ჩექინ ჯორჯიას“ ფარგლებში იმართება და მისი თანადამფინანსებელია საქართველოს განათლების, კულტურის, სპორტისა და მეცნიერების სამინისტრო. გენერალური სპონსორია „წყალი მარგებელი“. სპონსორები და მხარდამჭერები არიან: „ზედაზენი“; “New Road”; „ორბი ჯგუფი“; „ვასაძის პური“; „სანდომი“; „თქვენი მარკეტი“ ასკანგელი“, ‘გზამშენი 18“, „ლიდერფუდი“, „ბითი ჩერითი ჯგუფი“, „ბახმარო ჰოტელი“; ჩოხატაურის მუნიციპალიტეტის მერია; ლანჩხუთის მუნიციპალიტეტის მერია; „ენერგო პრო ჯორჯია“; საგანგებო სიტუაციების მართვის სამსახური; საგანგებო სიტუაციების კოორდინაციისა და გადაუდებელი დახმარების ცენტრი; ფესტივალის მედია პარტნიორი და საინფორმაციო მხარდამჭერია ... ...
  • „ნაბეღლავი“, „ბახმარო“, „გალფი“ _ ბახმაროში ტრადიციული დოღის სამზადისიახვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია. ტრადიციულ დოღს,  რომელიც მეორე წელია,  ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება, წელს ბევრი სიახლე ახლავს _ „ბახმაროს თასი 2019“ ღონისძიებისათვის კომპანია „წყალი მარგებელმა“ ახალი სპონსორები მოიძია, რის გამოც საპრიზო ფონდი გაზრდილია. _ წინა წელს დავიწყეთ ეს ღონისძიება ამ მასშტაბით და მაშინ დავპირდით  პირველ რიგში გურულებს და მთელ საქართველოს, რომ ბევრად დიდი მასშტაბი იქნებოდა წელს, რაც ვფიქრობ, რომ შევძელით.  ჩვენი გეგმა, რომ 10 წლის მანძილზე ბახმარო გავხადოთ არამარტო გურიის, არამედ მთელი საქართველოს სავიზიტო ბარათი.  დღეს ვნახე და ძალიან გამიხარდა, რომ დოღში მონაწილეთა რაოდენობა გაზრდილია _ მონაწილეები დაგვემატნენ ბათუმიდან, პანკისიდან,  რაც მისასალმებელია. ასევე, სასიხარული და მნიშვნელოვანია, რომ გაიზარდა ბიზნესის ჩართულობაც _  “საქართველოს ბანკის“ შემდეგ, დაგვემატა „გალფი“, „გლოვო“, „კროკო ბეთი“. ჩვენ ვართ ამ ქვეყნის ნაწილი და მთავარი ნაწილი შეიძლება ითქვას . ჩვენთვის ძალიან მნიშვნელოვანია ვიყოთ სახე ქვეყნის და ყველაფერი გავაკეთოთ ჩვენი ქვეყნისთვის, _ ამბობს კომპანია “წყალი მარგებლის“ დამფუძნებელი მიხო სვიმონიშვილი. სვიმონიშვილი იმედოვნებს, რომ წელს, ბახმაროს დოღს შარშანდელზე მეტი ადამიანი დაესწრება: _  წინა წელს 27 000 ათასი ადამიანი დაესწრო დოღს და ამდენი გაღიმებული ადამიანის ერთად ნახვა ბედნიერებაა. იმედი მაქვს, წელს, ეს რიცხვი მეტი იქნება, _ აღნიშნა სვიმონიშვილმა. კომპანია „გალფის“ ვიცე პრეზიდენტის ნინო ჯიბლაძის თქმით, „გალფისთვის მნიშვნელოვანია ჯანსაღი ცხოვრების წესი და ეკოლოგიურად პასუხისმგებელობიანი აქტივობების მხარდაჭერა“: _  წელს პირველად დავუჭირეთ მხარი ბახმაროს დოღს და მოხარულები ვართ, რომ გარდა საპრიზო ფონდში თანამონაწილეობისა, საჩუქრებს და პრიზებს დავაწესებთ ოთხივე გარბენის გამარჯვებულისათვის, _ თქვა ნინო ჯიბლაძემ. ერთი სიტყვით, „ნაბეღლავი“, წყაროს წყალი „ბახმარო“, მათი გენერალური მხარდამჭერი „საქართველოს ბანკი“ და ღონისძიების სპონსორები _ „გალფი, გლოვო და კროკო-ბეთი ხვალ, 19 აგვისტოს, ბახმაროში კარგ სანახაობას გპირდებიან. ზღვის დონიდან 2050 მეტრზე გამართული დოღი ასეთი იქნება: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულა გარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარი I ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი; I ადგილი 1000 ლარი; II ადგილი 500 ლარი; III ადგილი 300 ... ...
  • გადაიწევს თუ არა აბიტურიენტთა ჩარიცხვების ვადების გამოცხადებააბიტურიენტები სახელმწიფოს მიერ 2019 წელს სრულად დაფინანსებული საგანმანათლებლო პროგრამების ე.წ. უფასო ფაკულტეტების სიას ელოდებიან, რომელიც, ჯერჯერობით, არ ჩანს. განათლების, მეცნიერების, კულტურის და სპორტის სამინისტროში edu.aris.ge-ს განუმარტეს, რომ დოკუმენტს ახლო მომავალში გამოაქვეყნებენ და ვადებში ეტევიან. თუმცა, ფაქტია, რომ  აბიტურიენტებს საგანმანათლებლო პროგრამებში ცვლილებების შესატანად ცოტა დრო რჩებათ. საგულისხმოა, ისიც რომ გასულ წლებში უფასო ფაკულტეტების ჩამონათვალი აგვისტოს დასაწყისში უკვე გამოქვეყნებული იყო, მაგალითად: 2016 წელს სახელმწიფოს მიერ სრულად დაფინანსებული საგანმანათლებლო პროგრამების სია გამოქვეყნდა 28 ივლისს, 2017 წელს – 2 აგვისტოს, 2018 წელს – 6 აგვისტოს. უკავშირდება თუ არა სიის გამოქვეყნების დაგვიანება სამინისტროს მიერ უფასო ფაკულტეტების დაფინანსების წესში შესატან ცვლილებებს, ამ ეტაპზე უცნობია. შეგახსენებთ, რომ სამინისტრო პირველ ეტაპზე, 2019 წლისთვის უფასო ფაკულტეტების დაფინანსების მოდელში ცვლილებების შეტანას აპირებდა, მოგვიანებით კი მინისტრი მიხეილ ბატიაშვილი მის საერთოდ გაუქმებაზე ალაპარაკდა, რაც შემდეგ 2020 წლისთვის გადადო. ცნობისთვის! – აბიტურიენტებს უფასო ფაკულტეტების არჩევის ვადა, აპელაციის შედეგების გამოქვეყნებიდან შემდეგი დღის 18:00 საათამდე აქვთ. “ნაეკის” ინფორმაციით, აპელაციის შედეგების გამოქვეყნება, სავარუდოდ, მომავალი კვირის ბოლოს დასრულდება. სამინისტროში კი აცხადებენ, რომ ფაკულტეტების სია, ამ პერიოდისთვის გამოქვეყნებული ... ...
  • საქართველოს საგარეო უწყება საერთაშორისო თანამეგობრობას მიმართავსმივმართავთ საერთაშორისო თანამეგობრობას, ქმედითი ზომები მიიღოს საოკუპაციო ძალების უკანონო მოქმედებების შესაჩერებლად, – ამის შესახებ საქართველოს საგარეო საქმეთა სამინისტროს სპიკერმა, ვლადიმერ კონსტანტინიდმა საოკუპაციო ხაზიდან საქართველოს შვიდი მოქალაქის გატაცებასთან დაკავშირებით საუბრისას განაცხადა. მისი თქმით, საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში. „შეშფოთებას გამოვთქვამთ საოკუპაციო ძალების მიერ შიდა ქართლში საოკუპაციო ხაზის მიმდებარე ტერიტორიიდან შვიდი ადგილობრივი მცხოვრების გატაცების გამო. იმ პირობებში, როცა ბოლო დღეებში განსაკუთრებულად დაძაბულია მდგომარეობა სოფელ გუგუტიანთკარში ხელოვნური ბარიერების აღმართვის გამო, საოკუპაციო ძალების მიერ საქართველოს მოქალაქეების გატაცებისა და უკანონო დაკავებების პრაქტიკის გაგრძელება წარმოადგენს ქვეყანაში ვითარების დესტაბილიზაციის აშკარა მცდელობას. საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში“, – აცხადებს საგარეო საქმეთა სამინისტროს სპიკერი. ვლადიმერ კონსტანტინიდის თქმით, გააქტიურებულია ცხელი ხაზი; საქმის კურსში არიან ჟენევის საერთაშორისო მოლაპარაკებების თანათავმჯდომარეები, პროცესში ჩართულია ევროკავშირის სადამკვირვებლო მისია. „ჩვენ დაუყოვნებლივ გავააქტიურეთ ცხელი ხაზი; უკვე დავუკავშირდით ჟენევის საერთაშორისო მოლაპარაკებების თანათავმჯდომარეებს; პროცესში ჩართულია ევროკავშირის სადამკვირვებლო მისია. მოვუწოდებთ რუსეთის ფედერაციას, დაუყოვნებლივ შეწყვიტოს უკანონო ქმედებები საოკუპაციო ხაზზე და პატივი სცეს ნაკისრ საერთაშორისო ვალდებულებებს. მოვუწოდებთ რუსეთის ფედერაციას, რომ დაიწყოს 2008 წლის 12 აგვისტოს ცეცხლის შეწყვეტის შეთანხმების უპირობო შესრულება, რადგან საქართველოს ტერიტორიიდან ჯარების გაყვანა არის ადგილზე მდგრადი მშვიდობისა და უსაფრთხოების დამყარების ერთადერთი გზა. მივმართავთ ასევე საერთაშორისო თანამეგობრობას, რომ ქმედითი ზომები მიიღოს საოკუპაციო ძალების უკანონო მოქმედებების შესაჩერებლად“, – განაცხადა ვლადიმერ კონსტანტინიდმა. საოკუპაციო ხაზთან რუსმა სამხედროებმა საქართველოს შვიდი მოქალაქე დააკავეს. დაკავებულები სოფელ ახალუბნის მცხოვრებლები არიან. არსებული ინფორმაციით, მოქალაქეები წმინდა გიორგის სახელობის ეკლესიაში იყვნენ წასული, რომელიც საოკუპაციო ხაზთან ... ...
  • რუსმა სამხედროებმა სოფელ არცევთან საქართველოს კიდევ ერთი მოქალაქე დააკავესრუსმა სამხედროებმა საოკუპაციო ხაზთან, ოკუპირებული სოფელ არცევის მიმდებარე ტერიტორიიდან საქართველოს კიდევ ერთი მოქალაქე, სოფელ დიდი მეჯვრისხევის მკვიდრი დააკავეს. ამის შესახებ საქართველოს პირველ არხს სახელმწიფო უსაფრთხოების სამსახურში განუცხადეს. სუს-ის ინფორმაციით, დაკავებული ცხინვალის იზოლატორშია გადაყვანილი. საქართველოს მოქალაქეს ე.წ. საზღვრის უკანონო კვეთას ედავებიან. სუს-ის ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია. სახელმწიფო უსაფრთხოების სამსახურის ინფორმაციით, რუსი სამხედროების მიერ დაკავებული საქართველოს შვიდი მოქალაქე ცხინვალის იზოლატორში იმყოფება და ე.წ. სასამართლო პროცესს ელოდება. საოკუპაციო რეჟიმის წარმომადგენლები მათ ე.წ. საზღვრის უკანონო გადაკვეთაში სდებენ ბრალს. ე.წ. სასამართლო პროცესი, სავარაუდოდ, ხვალ ჩაინიშნება. სუს-ის ინფორმაციით, ცხელი ხაზის რამდენჯერმე გააქტიურების შემდეგ, გვიან ღამით შედგა დე-ფაქტოცხინვალის წარმომადგენლობასთან კომუნიკაცია, რომლებმაც დაადასტურეს საქართველოს შვიდი მოქალაქის ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...