ბიუჯეტიდან უცნობი ადამიანების ჭამა-სმაში გადახდილი ათასობით ლარი _ ფაქტები სამართალდამცავებისთვის

მთავარი თემა

ბიუჯეტიდან უცნობი ადამიანების ჭამა-სმაში გადახდილი ათასობით ლარი _ ფაქტები სამართალდამცავებისთვის

27 მაი. 2019, 12:45:01

ოზურგეთის მუნიციპალიტეტის მერი კონსტანტინე შარაშენიძე იმ ჩინოვნიკების კატეგორიას განეკუთვნება, რომელიც საჯარო ინფორმაციის გაცემაზე უარს ამბობს. ასეთი შემთხვევა "გურია ნიუსს" უკვე მრავლად აქვს, რის გამოც ჩვენ სასამართლო დავაც დავიწყეთ.

სანამ პროცესები გაიმართება და სასამართლოს ძალით მივიღებთ კანონით გათვალისწინებულ დოკუმენტაციას, რომლის საშუალებით უნდა გავარკვიოთ, როგორ ხარჯავს ბიუჯეტის ფულს მერია, მანამ ჩვენ შევძელით შარაშენიძის და მისი სამსახურების მიერ ხალხის ფულის ხარჯვის დოკუმენტაციის ნაწილის მოპოვება ჩვენი წყაროების დახმარებით.

ეს დოკუმენტები, გარკვეულწილად სცემს პასუხს კითხვას, თუ რატომ არ სურს შარაშენიძეს ინფორმაციის გაცემა, განსაკუთრებით კი წარმომადგენლობითი ხარჯების ნაწილში. ფაქტები ცხადჰყოფენ, რომ ოზურგეთის მერიაში სმა-ჭამაში დიდი ფულს იხდიან _ თანაც ისე, რომ არავინ იცის, ვისი ქეიფისთვის იხდიან გადასახადების გადამხდელები ასეულობით ათას ლარს.

მივყვეთ მაგალითებს _ 2018 წლის 19, 20 და 21 თებერვალს, ოზურგეთში ჩატარდა ეროვნული ჩემპიონატი ბერძნულ-რომაულ ჭიდაობაში ჭაბუკთა შორის.

კონსტანტინე შარაშენიძის #740 (22 თებერვალი, 2018 წელი) ბრძანების თანახმად, ჩემპიონატზე ჩამოსული 70 პირის _ მსაჯების, მწვრთნელების, ჭიდაობის ფედერაციის წარმომადგენლების გამასპინძლებისთვის წარმომადგენლობითი ხარჯების მუხლიდან 3 534,74 ლარია გადახდილი.

ეს თანხა რომ ნამდვილად გადახდილია, დასტურდება ინვოისით და მიღება-ჩაბარების აქტით, თუმცა, არც ოზურგეთის მერიაში არ არსებობს ჩამოსული და სუფრაზე მყოფი სტუმრების ზუსტი რაოდენობის დოკუმენტალური ინფორმაცია. უცნობია ასევე, რამდენი ადამიანი იმყოფებოდა მუნიციპალიტეტის აღმასრულებელი და საკანომდებლო ორგანოდან ამ სუფრაზე.

ცნობილია მხოლოდ ის, რომ 3 534,74 ლარი გადახდილია შპს "ელეგანტისთვის", რომელიც ფლობს საბანკეტო დარბაზ "თამარიონს".

ასევე, არ არსებობს დოკუმენტი, თუ რამდენი ადამიანს უმასპინძლა ოზურგეთის მერიამ 2018 წლის 3 ივნისს რესტორან "ჩაქუხაში", სადაც "ძალოსნობის ფედერაციიდან მოწვეული სტუმრების გამასპინძლებისთვის" 1 203 ლარი და 44 თეთრია გადარიცხული.

გასულ წელს, ნოდარ დუმბაძის 90 წლის იუბილესთან დაკავშირებული მე-2 საერთაშორისო თეატრალური ფესტივალის ჩატარების უზრუნველსაყოფად, ოზურგეთის ალექსანდრე წუწუნავას სახელობის სახელმწიფო დრამატული თეატრის დასაფინანსებლად დაგეგმილი ფესტივალის ჩატარებისთვის, 2018 წლის 11 ივნისს, კულტურული ღონისძიებების ხელშეწყობის პროგრამიდან 62 000 ლარი გადარიცხეს.

მერიის მიერ ატვირთულ დოკუმენტაციაში ამ თანხის კანონიერად ხარჯვის დეტალური დოკუმენტაცია არ იძებნება. 62 000 ლარის ხარჯვას მხოლოდ მოხსენებითი ბარათი, თანხის გადახდის ქვითარი და 2018 წლის 31 ოქტომბერს გაფორმებული მიღება-ჩაბარების აქტი ადასტურებს.

როგორც ირკვევა, თეატრს მერიისთვის არც ხარჯთაღრიცხვა წარუდგენია და არც ჩატარებული აქტივობები. მიღება-ჩაბარების აქტებსა და ინვოისებში მხოლოდ ზოგადი ციფრებია და სწორედ ასე ზოგადად და ყოველგვარი კონტროლის გარეშე დაიხარჯა გადასახადის გადამხდელების მიერ გადახდილი 62 ათასი ლარი. ფესტივალის ორგანიზატორი, ვასილ ჩიგოგიძე ამჟამად საქართველოში არ იმყოფება და მასთან დაკავშირება შეუძლებელი აღმოჩნდა. მერიაში კი ვერ ვიპოვეთ პირი, რომელსაც ამ საკმაოდ მნიშვნელოვან კითხვებზე პასუხი აქვს!

საკმაოდ ბევრ კითხვას ბადებს კულტურული ღონისძიებების ხელშეწყობის პროგრამიდან გიორგი სალუქვაძის სახელობის ფოლკლორული კონკურს-ფესტივალისადმი მიძღვნილი ღონისძიებების ჩატარების უზრუნველსაყოფად გაწეული ხარჯები.

2018 წლის 5 ივლისიდან 9 ივლისის ჩათვლით, მერის #3932 ბრძანების თანახმად (2018 წლის 4 ივლისი) აღნიშნული ღონისძიებისთვის ბიუჯეტიდან 38 000 ლარი გამოიყო.

 ამის შესაბამისად, გაფორმდა 4 ხელშეკრულება. ერთ-ერთი _#270, 2018 წლის 4 ივლისს დადებულია ი. მ. ბიჭიკო ხელაძესთან. დოკუმენტის თანახმად, ხელაძეს 18 450 ლარად უნდა მოეწყო სცენა თავისი გახმოვანებით და განათებით..

მოგვიანებით, ხელშეკრულებაში ცვლილება შევიდა, რომლის თანახმადაც, 2018 წლის 6 ივლისს, დაბა ურეკში აპარატურის მომსახურების გაწევა საჭირო აღარ აღმოჩნდა და სამუშაოს ღირებულება 3 000 ლარით შემცირდა.

ხელაძესთან ხელშეკრულება ერთ პირთან მოლაპარაკების წესით გაფორმდა. ამის მიზეზად იგი მის მიერ შეთავაზებულ დაბალ ფასს ასახელებს, თუმცა, იმ მომსახურებას, რომელიც ხელაძემ მერიას გაუწია, გაცილებით იაფად შეიძენთ სხვა პირებისგან, რომელთა შესახებ ინტერნეტში ინფორმაცია მრავლადაა.

"გურია ნიუსმა" რამდენიმე მათგანთან დეტალები გადაამოწმა და ყველაზე დიდი თანხა, რაც ხელაძის მიერ შეთავაზებულ სცენასა და აპარატურაში მოგვთხოვეს, 10 000 ლარი იყო.

აქვე იმასაც გეტყვით, რომ გასულ წელს, ხელაძის მიერ გაკეთებულ სცენაზე 2 მეტრით დიდი და 3-ჯერ მეტი სიმძლავრის აპარატურის ქირაობა, თავისი ინსტრუმენტებით და დიჯეისთვის საჭირო მოწყობილობებით "ბახმარო სანსეტის" ფესტივალის ორგანიზატორებს 13 500 ლარი დაუჯდათ. თანაც ეს ყველაფერი ზღვის დონიდან 2050 მეტრზე, საკმაოდ რთულ გზაზე იქნა ატანილი, აწყობილი და შემდეგ უკან ჩამოტანილი!

სწორედ ამ ფონზე ამტკიცებს ბიჭიკო ხელაძე, რომ მომსახურებას იაფად ყიდის:

_ თუ სხვა ამბობს 25 000 ლარს, მე ვამბობ 20 000 ლარს. ამიტომაც ურჩევნიათ მე შემიკვეთონ, _ გვითხრა ხელაძემ, რომელსაც თავდაპირველად სცენის ქირაობის თხოვნით დავურეკეთ და გვიპასუხა, რომ სცენა არ ჰქონდა და მხოლოდ აპარატურის მოქირავება შეეძლო.

თუმცა, მას შემდეგ, რაც 2018 წლის ღონისძიება გავახსენეთ, გვითხრა, რომ სცენა მის "შინაურებს" აქვთ და შეუძლია ჩამოტანა.

ჩვენ დავინტერესდით, რამდენად სწორი იყო ინფორმაცია იმის შესახებ, რომ ხელაძემ მერიიდან ჩარიცხული თანხის ნაწილი უკან, "ატკატის" სახით დააბრუნა:

_ ამ თანხიდან რა იყო დასაბრუნებელი?! _ გვითხრა მან.

_ რა თანხა უნდა იყოს, რომ უკან დააბრუნოთ?

_ არ ვაბრუნებ არაფერს. მხოლოდ ის ვიგულისხმე, რომ იაფად ვუწევ მომსახურებას მუნიციპალიტეტს, _ განმარტავს ინდმეწარმე.

ხელაძის მსგავსად, აღნიშნული ღონისძიების ჩატარებისთვის 4 ივლისს გაფორმდა

#271 ხელშეკრულება ს. ს. "ქობულეთის საკურორტო პოლიკლინიკასთან’’ 6 750 ლარზე, რომლის თანახმადაც, ამ სასტუმროში 30-კაციანი დელეგაცია უნდა დაბინავებულიყო. ამ თანხაში სტუმრების სამჯერადი კვებაც შედიოდა.

აღნიშნულ სააქციო საზოგადოებას ქობულეთში სასტუმრო "სოლიდარობა" აქვს, რომლის ვებსაიტს ინტერნეტში ვერ იპოვით. თუ ძებნაში რამდენიმე საათს გაატარებთ და ქობულეთის სასტუმროების ჩამონათვალს სათითაოდ ჩაყვებით, მაშინ ჩვენსავით გაგიმართლებთ, თუმცა, სასტუმროსთან დაკავშირება იოლი არ გეგონოთ _ რამდენიმე ნომერზე არ გიპასუხებენ და ბოლოს თუ გიპასუხებენ, ჩვენსავით თქვენც გეტყვიან, რომ ერთი ადამიანის სასტუმროში განთავსება, მხოლოდ ივლისის თვეში 75 ლარია, ხოლო სამჯერადი კვების სურვილის შემთხვევაში 45 ლარის დამატება მოგიწევთ (ეს თანხა ივლისსა და აგვისტოში იზრდება).

არადა, მერიაში არსებული მიღება-ჩაბარების აქტის თანახმად, ერთი ადამიანის მომსახურება 45 ლარს შეადგენს, რაც კითხვის ნიშნებს ბადებს _ პირველ რიგში, თუ რატომ მიაქირავეს ასე იაფად სასტუმრო ოზურგეთის მუნიციპალიტეტის მერიას იმ დროს, როცა ოზურგეთში ათეულობით სასტუმროა _ მათ შორის, შავიზღვისპირეთში (ურეკი, შეკვეთილი) და რომლის პოპულარიზაციისთვის თანხები დამატებით იხარჯება. შესაბამისად, საეჭვოა ის ფაქტი, რომ ოზურგეთის მერმა, სხვა მუნიციპალიტეტის ეკონომიკაზე და პოპულარიზაციაზე იფიქრა და არა იმ მუნიციპალიტეტისაზე, რომლის არჩეული ხელმძღვანელიც თავად არის.

ამას ემატება ისიც, რომ არ იძებნება ინფორმაცია იმ პირებზე, რომლებიც შარაშენიძის გადაწყვეტილებით, ქობულეთის სასტუმროში განათავსეს და  6750 ლარი გადაუხადეს გამარტივებული შესყიდვის წესით.

შესყიდვების სააგენტოს ვებგვერდზე განთავსებულ დოკუმენტებში ასეთი ტიპის ინფორმაცია არ არის, არადა, არსებობის შემთხვევაში უნდა იყოს!

დეტალების დაზუსტება სასტუმროში ვცადეთ, თუმცა, გვითხრეს, რომ ინფორმაციას ორშაბათამდე ვერ მოგვაწვდიან, რადგან მეილთან წვდომა არ აქვთ (?!).

ამ თანხების ხარჯვის დეტალებზე საუბარი ორშაბათამდე გადადო ოზურგეთის მერიის კულტურის სამსახურის უფროსმა მარინა ჯაფარიძემაც. მისი თქმით, დოკუმენტაციას დეტალურად უნდა გადახედოს, რადგან შარშანდელი ამბები კარგად არ ახსოვს. კითხვაზე, რატომ განათავსეს სტუმრები ქობულეთში, ჯაფარიძემ მხოლოდ ის გვითხრა, რომ ეს მათი არჩევანი იყო და სასტუმრო თავად შეარჩიეს. თუმცა, რის საფუძველზე მისცეს მათ ამის საშუალება და რატომ, ვერ გვიპასუხა!

ჩვენი ზარი უპასუხოდ დატოვეს ოზურგეთის მერმა კონსტანტინე შარაშენიძემ და მერიის საფინანსო სამსახურის უფროსმა გია მამაკაიშვილმა. არადა, ამ უკანასკნელთან დეტალების დაზუსტება ყველაზე საინტერესო იყო, რადგან ამ ფესტივალის ორგანიზატორის _ "არტ გურიას" წარმომადგენლის მერაბ მორჩილაძის განცხადებით, მონაწილე პირების სია საფინანსო სამსახურში დატოვა!

მერაბ მორჩილაძემ, ჯაფარიძის მსგავსად გვითხრა, რომ სტუმრებმა სასტუმრო თავად შეარჩიეს:

_ ეს ადამიანები მხოლოდ ფესტივალზე არ ჩამოდიან. 10-15 დღე რჩებიან და თავად არჩევენ კურორტს, _ ამბობს მორჩილაძე.

მისივე თქმით, ფესტივალის მონაწილეები (ერთი ადამიანი ფესტივალში მონაწილეობისთვის 20 ევროს იხდის) სასტუმროში საკუთარი სახსრებით თავსდებიან და მუნიციპალიტეტმა მხოლოდ ანსამბლის ხელმძღვანელების თანხა გადაიხადა:

_ 350 უცხოელი სტუმარი იყო და ჩვენ მხოლოდ 30 ადამიანს _ ანსამბლის ხელმძღვანელებს გადავუხადეთ თანხა. ეს საერთაშორისო პრაქტიკაა, _ განმარტა მორჩილაძემ და აღნიშნა, რომ ფესტივალის მთავარი მიზანი გიორგი სალუქვაძის სახელის და ოზურგეთის, როგორც ფოლკლორის ქალაქის პოპულარიზაციაა:

_ ბატონო მერაბ, ოზურგეთის პოპულარიზაციაზე საუბრობთ და ამ დროს სხვა მუნიციპალიტეტში ათავსებთ სტუმრებს. ეს ნორმალურად მიგაჩნიათ?

_ ანსამბლის ხელმძღვანელებმა ანსამბლებთან ერთად უნდა იცხოვრონ. როგორც გითხარით, მათ თავად აარჩიეს გასაჩერებელი ადგილი და ჩვენ ვერაფერს შევცვლიდით.

_ იმ სასტუმროში, სადაც 6 750 ლარი გადაიხადეთ, 300 ადამიანი ვერ ეტევა და თქვენ როგორ განათავსეთ ხელმძღვანელებთან ერთად ანსამბლები?

_ ერთ გაყოლებაზეა იქ სასტუმროები და ახლოს იყვნენ, _ აღნიშნა მორჩილაძემ.

მორჩილაძემ ჩვენთან საუბრისას ისიც აღნიშნა, რომ ურეკში, ფესტივალის გახსნაზე აპარატურა ლანჩხუთიდან იქირავეს. მისივე თქმით, იგივე აპარატურა იყო სხვა დღეებშიც! (არადა, ხელშეკრულება ოზურგეთში მცხოვრებ ხელაძესთანაა გაფორმებული. ავტ.)

მერაბ მორჩილაძე ამბობს, დეტალური ინფორმაცია ხარჯების შესახებ მერიის საფინანსო სამსახურს წარუდგინა, თუმცა, როგორც უკვე აღვნიშნეთ, მამაკაიშვილი ჩვენს სატელეფონო ზარებს არ პასუხობს.

შეუძლებელი აღმოჩნდა დაკავშირება ი. მ. დავით შარაძესთან, რომელსაც, ასევე, 2018 წლის 4 ივლისს გაუფორმეს #272 ხელშეკრულება სატრანსპორტო მომსახურებაზე, რომელშიც 8 875 ლარია გადახდილი. შესყიდვების სააგენტოს ვებგვერდზე ატვირთულ მიღება-ჩაბარების აქტში, რომელსაც ხელს მერიის მხრიდან სამსახურის უფროსი მარინა ჯაფარიძე აწერს, ბევრი საინტერესო დეტალია _ მაგალითად, 7 ივლისს გახორციელებულ რეისის დასახელებაში წერია "ქობულეთი-ცხემლისხიდი-ქობულეთი" . 9 გზიდან, მხოლოდ 2 შემთხვევაში წერია 2 გზა _ დანარჩენი თითო გზაა. ასევე, საინტერესოა, რომ 80-ადგილიან ავტობუსში (თბილისი-ქობულეთის რეისი) 500 ლარია გადახდილი, ხოლო 50-ადგილიანში _ 490 ლარი. მარტივად რომ ვთქვათ, ეს ის საქმეა, რომელიც, იურისტების განმარტებით, საგამოძიებო უწყებებმა უნდა შეისწავლონ, რადგან დოკუმენტები ბევრ კითხვის ნიშანს ბადებს.

კითხვებს აჩენს ასევე, ამავე ღონისძიებისთვის, ასევე 2018 წლის 4 ივლისს,

ი. მ. მარინა მდივანთან გაფორმებული ხელშეკრულება 6 800 ლარზე, რომლის ფარგლებში მოწვეულ ანსამბლებს, დელეგაციის წევრებს და ადგილობრივ დამსწრე პირებს (სულ 400 კაცი) გაუმასპინძლდნენ. ეჭვებს აჩენს ის, რომ არც მერიაში და შესაბამისად არც შესყიდვების სააგენტოს ვებგვერდზე არ იძებნება ჩამოსული სტუმრების ვინაობის და რაოდენობის დამადასტურებელი დოკუმენტაცია.

როგორც უკვე აღვნიშნეთ, ყველა პირთან თანხები ჩარიცხულია ანგარიშფაქტურების და მიღება-ჩაბარების საფუძველზე.

დოკუმენტებში წერია, რომ მომსახურება შესრულდა, თუმცა, როგორ და რანაირად _ არა.

შესაბამისად, იურისტების განმარტებით, ეს დეტალები სამართალდამცავებმა უნდა დაადგინონ, რადგან ეს სწორედ მათი ვალდებულებაა!

 

 




 ახალი ამბები
  • „ასე ცხოვრება შეუძლებელია!“ _ სოფელში წლების წინ წარმოქმნილი და დღემდე მოუგვარებელი პრობლემები„მე გაწუხებთ შეწუხებული მოქალაქე. ნამდვილად მსურს, ზაფხული გავატარო ჩოხატაურის რაიონში, სოფელ შუა ამაღლებაში. იქ გავიზარდე, მაგრამ ძალიან შეწუხებული ვარ. როგორც მაწვდიან ინფორმაციას, არ არის წყალი, დასალევიც კი! რომელ ჰიგიენაზე მელაპარაკება ჩოხატაურის მთავრობა. იქნებ, თქვენ დაინტერესდეთ ამ თემით. მართალია, მე თბილისში ვცხოვრობ, მაგრამ მომავალ კვირას ჩამოვალ გურიაში და  აუცილებლად მივმართავ პრეტენზიით ჩოხატაურის მერიას. არჩევნები მოდის, დაიწყებენ კარდაკარ  სიარულს ხმების კარგად მოსაგროვებლად. იქნებ, თქვენ გამოაფხიზლოთ ჩოხატაურის ეს უმოქმედო და უნიათო მთავრობა! ბავშვები ვერ ჩამოგვიყვანია. ელემენტარულად, რომ დავბანოთ, იმის საშუალებაც არაა სოფელში. დასალევ წყალს, ჯანდაბას, ვიყიდით!“ _ ეს წერილი „გურია ნიუსის“ ფეისბუქის ოფიციალურ გვერდზე ქსელის მომხმარებელმა თეა ჩხატარაშვილმა მოგვწერა და გვთხოვა, ადგილზე მივსულიყავით და სოფლის, კონკრეტული უბნის მცხოვრებლებს შევხვედროდით. „გურია ნიუსი“ შუა ამაღლებაში 30 ივნისს იმყოფებოდა. მოსახლეობამ, რომელიც საკმაოდ მრავლად დაგვხვდა შეკრებილი, უწყლობით შექმნილ პრობლემასთან ერთად, იმ პრობლემებზეც ისაუბრა, რომელიც, მათი თქმით, წლებია აწუხებთ. ნონა გოგოლაძე: ჩვენი პრობლემა, ძირითადად, უწყლობასთანაა დაკავშირებული. ყველაფრისთვის წყალი სჭირდება ადამიანს. სოფელში ვცხოვრობთ, საქონელი გვყავს, ფრინველები. ჭა კი გვაქვს, მაგრამ შრება ზაფხულში ჭები, ამოდის 100-200 ლიტრი წყალი და 200 ლიტრი ნამდვილად არ არის საკმარისი. შარშან დავწერეთ განცხადება, შევაგროვეთ ხელმოწერები და გავუგზავნეთ ბატონ ირაკლი კუჭავას და პასუხი მოგვივიდა, რომ, როცა მუნიციპალიტეტს ექნება საშუალება, რომ დაგაკმაყოფილოთ წყლით, მაშინ დაგაკმაყოფილებთო და ველოდებით დღემდე“. მამუკა ყაჭეიშვილი: ადრე გვქონდა წყალი, მაგრამ უხარისხო მილებით გაკეთდა და მალევე გაფუჭდა. ქვიშნარაზეა „ბასეინი“. ავდიოდით იქ გავაკეთებდით, ჩამოვიდოდით, ისევ გაფუჭდებოდა და თავიდან იწყებოდა. ბოლოს სულ გაფუჭდა და წლებია, სოფელს წყალი აღარ მიეწოდება. წინა წელს თავადაც ბრძანდებოდა აქ ბატონი ირაკლი. ჭაბურღილს გავაკეთებთო,  _ გვითხრა, მაგრამ რად გვინდა ჭაბურღილი, როცა სოფელში წყლის რესურსი არის, რომლითაც შესაძლებელია, მთელი სოფელი უწყვეტად მომარაგდეს. გვითხრა, სოფლის პროგრამიდან თანხა არაა საკმარისიო და კერძო ინვესტორი კიდევ აქ ვინ შემოვა, რომ ფული ჩადოს, მერე რას ამოიღებს აქედან. ვითხოვთ, თანადაფინანსებით, ჩვენი დახმარებით მაინც მოგვიგვარონ ეს პრობლემა, თორემ ასე ცხოვრება არ შეიძლება! დოდო სიხარულიძე: „ადგილს, სადაც „ბასეინებია“ განთავსებული, ტბორისთავს ეძახიან. იქ არის 5 „ბასეინი“, თითო რამდენიმე ტონიანი. ავზები ჰერმეტულადაა დახურული და დატოტილია, საიდანაც სხვადასხვა მიმართულებით გამოედინება წყალი. სოფელში 300 კომლი ვცხოვრობთ და წყლის რესურსი იმდენია, რომ თითო ოჯახზე ტონა წყალი მაინც მოდის. ეს სოფელს მთლიანად აკმაყოფილებდა, მაგრამ დღეს, სოფლის ცენტრის ქვევით წყალი აღარაა.  სოფლის ხელმძღვანელებმა უნდა დააყენონ საკითხი მუნიციპალიტეტის ხელმძღვანელებთან. თუმცა, ჩვენც მივწერეთ შარშან და აქ გვაქვს პასუხიც“. ლალი ელიაშვილი: აქ ვისაც ხედავთ, ყველა „ოცნების“ მხარდამჭერები ვართ, მარტო ჩვენ კი არა, ჩვენი ოჯახებით. არჩევნები მოდის, რამდენ ხმას მიიღებენ ამ უბნიდან, ნახავენ. ჯერ ერთი, რაც გაკეთდა, ყველაფერი უხარისხოდაა გაკეთებული. გზა გააკეთეს ვითომ, ისიც უხარისხოდ, თან _ სანახევროდ. ამის ქვემოთ, საერთოდ არ ვცხოვრობთ თურმე ხალხი, _ გვითხრა ქალბატონმა ლალიმ, რომელსაც ჩატარებული სამუშაოების უხარისხობით შეწუხებული თავისივე მეზობელი, თამილა ჯიბუტი შეეკამათა. _ ზევით რომ ვცხოვრობ, რა არის მერე, როგორაა გაკეთებული?! მოგწონთ თქვენ?! წვიმაში მესტუმრეთ და ნახავთ ჭიშკართან გავლას თუ შეძლებთ. ამას ჯობდა 200 მეტრი გაეკეთებინათ და ხარისხიანად. ნამდვილად უკეთესი იქნებოდა. მე რომ ვუთხარი გამგებელს, თუ მოგეწონა ჩვენთან გაკეთებული გზაო, სახლში მომაკითხეს, რატომ თქვიო. გივი ჩიგოგიძე: “სუფსიდან ამოღებულ ხრეშს გვამადლიან, ერთი-ორი გაწვიმება და წყალს ისევ სუფსაში ჩააქვს, რასაც დაყრიან. ახლა გათხარეს არხები, ჩაყარეს მილები, მაგრამ რა აზრი აქვს _ მილი ზევითაა, არხი _ ქვევით; თან არხი გზის ცალ მხარეს გაჭრეს“. ნანა ჟღენტი: „უხარისხოდ რომაა საქმე გაკეთებული ჩვენი ბრალიცაა _ რომ არ დაადგება სოფლის მაცხოვრებელი იმ ტრაქტორისტს და სატვირთოს მძღოლს თავზე მუშაობის დროს. იმას სულ არ აინტერესებს _ მოვიდა, დაყარა, წავიდა, აიღო ფული _ იმას სხვა არაფერი აინტერესებს, მაგრამ მე  და შენ რომ ვცხოვრობთ აქ და არ მოგვწონს ის, რასაც ყრის, უნდა გამოვიდეთ და ვუთხრათ, ეს ქვა შენი სახლის წინ დაყარე ან ვინც გამოგატანა, იმას დაუყარეო, ან რომ არ გამოვატარებთ მაგ ლოდებით სავსე მანქანას გზაზე, მეორედ ასე არ გააკეთებენ. არჩევნები მოდის და შეიძლება მაგათთვის 10 და 20 ხმა არაფერს ნიშნავს, მაგრამ სოფლიდან 1 კაციც რომ არ გამოცხადდეს, გეძებენ და გირეკავენ, სად ხარ, ამოდიო და მოგაკითხავენ და ისე წაგიყვანენ. მარა აქ პრობლემა რომ გვაქვს, მაშინ არავის ვახსენდებით. გამოდით მამაკაცებმა გარეთ და ნახეთ, აბა, თუ გაგიბედავენ ამ ლოდების სახლის წინ დაყრას“. ირაკლი ვაშაკიძე: „აქ წყალი მოდიოდა ძალიან კარგად. დიდი ხნის წინ, კომუნისტების დროს ჩაყარეს აქ მილები. ანალოგიური მილებით გაკეთდა წყალი ხიდისთავში, რომელსაც დღეს ცვლიან ხიდისთავში. ამდენ ხანს ვარგოდა, ყოველ შემთხვევისთვის, წყალს ატარებდა და სოფელს პრობლემა ამ მხრივ არ შექმნია. ჩვენთან  იმავე ხარისხის მილებზე თქვეს უხარისხოაო. მოვიდა ადგილობრივი ხელისუფლება, სხვაც თუ იყო ჩართული ამ საქმეში ვერ გეტყვით, ცუდია, უნდა ამოვიღოთო და ისე სწრაფად გააკეთეს ეს, ვერ გეტყვით. არც ის ვიცი, სად წაიღეს შემდეგ ეს მილები. მოვიტანთ ახალსო და მართლაც მოიტანეს, მაგრამ ეს არ იყო ახალი _ რომელიღაც სოფლის და მგონი არა ამ რაიონის გამონაცვალი „ტრუბები“. მოიტანეს ფორმალურად, როგორც იყო ჩაალაგეს. ეს „ტრუბები“ ისედაც დამპალი იყო და 2 წელიწადში საერთოდ გაფუჭდა. წყლის წნევას ვერ გაუძლო და დასკდა. მე ხშირად არ ვიყავი სახლში და ჩემზე მეტად ეს ადამიანები იტანჯებოდნენ _ წავიდოდნენ იმ სათავეში, გადაკეტავდნენ, გააკეთებდნენ. მერე კიდევ თავიდან იწყებოდა. თითქმის ყოველდღე ხდებოდა ეს! ის მილები რომ ყოფილიყო, წყალი დღესაც გვექნებოდა. არჩევნების დროს გვაყვედრიდნენ _ „ბასეინი“ გაგიკეთეთო, _ იძახდნენ. იმ „ბასეინით“ ჩვენ არ გვისარგებლია. ის მილები, რომ ყოფილიყო, რომელზეც უკვე მოგახსენეთ, წყლის პრობლემა დღეს არ გვექნებოდა. ეს ამ ხელისუფლებამდე იყო _ ჯართის ჩაბარების აქტიური დრო რომ იყო, მაშინ. ამას ადგილობრივი ხელისუფლება აკეთებდა. დაგიძახებდნენ, მიხვიდოდი, რაღაცას დაგელაპარაკებოდნენ, ვითომ ხალხის მოთხოვნით კეთდებაო, ვიღაცა რაღაცას გამოგიგზავნისო. მთავარი იყო გასულიყო იქიდან. ხალხი სჭირდებოდათ იმისთვის, რომ ვითომ ხალხმაც იცისო და მორჩა _ გამქრალი იყო. ხალხისთვის ბნელა და ბნელოდა, თორემ მაგათთვის სულ ნათელი იყო. წყალი არაა, გზას, თქვენც ხედავთ, როგორი გაკეთებულია. ცოტას დაველოდები, თუ გააკეთებენ, მაგათ ჩხუბს ვერ დავუწყებ _ ვერც ადგილობრივს და ვერც რაიონს. მე გავაკეთებ მერე ჩემი ეზოს გასწვრივ. ვიყიდი ხრეშს, მოვიტან და დავყრი, მაგრამ იცოდნენ, რომ იმათ დიდ მანქანებს იმ გზაზე მერე არ გამოვატარებ. ეს იცოდნენ!“ სოფელს უნდა მიხედოს ადგილობრივმა ხელისუფლებამ. ადამიანებმა, რომლებიც ჩვენ ავირჩიეთ, მოგვხედონ, _ ამბობდნენ შეკრებილი ადამიანები და კიდევ ერთ პრობლემაზე  _ მდინარე სუფსაზე არსებულ კარიერზე საუბრობენ. ირაკლი ვაშაკიძის თქმით,  მათი სოფლის საძოვრების გასწვრივ, მდინარე სუფსის კალაპოტი რამდენიმე ადგილას შეცვლილია. _ სუფსა მისი კალაპოტიდან მოწყვიტეს, ზოგან ასი მეტრზე და უფრო მეტზეც შემოჭრილია ჩვენი ფართობებისკენ. ის მდინარე რომ ადიდდება არც საყანე ფართობები დაგვრჩება და არც საძოვრები. ახალი ტყე მოდის, ვნატრობდით, როდის წამოვაო, ყველაფერს გადალეკავს. ისეც შემცირებულია საძოვრები. იყვნენ ვლადიმერ სიხარულიძე და სხვები მოსული და ვეტყვითო, _ დაგვპირდნენ. ეტყოდნენ, ალბათ, მაგრამ სად ჩანს, სადაა შედეგი, _ ამბობს ირაკლი ვაშაკიძე. ადგილობრივმა ახალგაზრდებმა კიდევ ერთ, მათთვის მნიშვნელოვან პრობლემაზე ისაუბრეს. მათი თქმით, სოფლის მოსაზღვრედ მდებარე ქვის სატეხი საამქროდან მდინარე სუფსა ისე ჭუჭყიანდება, რომ ბანაობა შეუძლებელია. _ ზაფხულია, მდინარეში უნდა იბანაო, მაგრამ ჩვენთვის ესეც არაა. გორას გადასახვევზე რომ „დრაბილკაა“, ისე აჭუჭყიანებს წყალს, რომ მდინარეში შესვლა შეუძლებელია. ჩვენ რომ მანქანით წყალში გავიაროთ, მაშინვე დაგვაჯარიმებენ, წყალი ჭუჭყიანდებაო, ამათგან წყლის დაბინძურება შეიძლება? _ ეს მაინტერესებს. ან თითონ ამ კომპანიამ ის მაინც გაგვიკეთოს, რომ რაღაც მომენტში შეაჩერონ მუშაობა, ან _ დილით, ან _ საღამოთი, რომ ბანაობის შესაძლებლობა გვქონდეს, _ გვითხრა გივი ჩიგოგიძემ. შეკრებილი მოსახლეობა იმ საფრთხეებზე საუბრობს, რასაც, მათივე თქმით, მდინარეზე ინერტული მასალის მოპოვების გამო გაჩენილი ღრმა ორმოები უქმნით. „გარდა ამისა, მდინარეზე, ნაპირთან ახლოსაც და წყალში დამბები გაჩნდა, ქვიშის ამოღების შედეგად. იქ ჩვენი საძოვრებია, საქონელი რომ შიგ ჩავარდეს, რა ვქნათ, ჩვენ ამ საქონლებით ვარსებობთ. ან ზამთარში, თოვლი რომ წაეფარება, შეუმჩნეველი გახდება ეს ადგილი,  ზედ რომ მონადირემ გაიაროს და ჩავარდეს, ვერ ამოვა და ხომ უბედურება დატრიალდება. ან როდის და სად მონახავენ“, _ ამბობენ ისინი. როგორც მუნიციპალიტეტის მერმა ირაკლი კუჭავამ „გურია ნიუსთან“ საუბრისას თქვა, ამ კონკრეტულ უბანში ძალიან ბევრი სამუშაო ჩატარდა, მათ შორის, სოფლის პროგრამის ფარგლებში. სოფელ შუა ამაღლებაში არსებული პრობლემების შესახებ უფრო დაწვრილებით სასაუბროდ „გურია ნიუსი“ სოფლის მაჟორიტარ დეპუტატს ჩოხატაურის საკრებულოში ვლადიმერ სიხარულიძეს დაუკავშირდა. სიხარულიძის თქმით, ის კარგად იცნობს სოფლის ამ კონკრეტული უბნის პრობლემებს. მისივე განმარტებითაც, სოფლისთვის ძალიან ბევრი სასიკეთო საქმე გაკეთდა. “მთელი სოფლის პროგრამა, რაც იყო, მივმართეთ მაგ კუთხეში. თქვენ შეიძლება არ იცით, მაქ როგორი გზა იყო და რამხელა მონაკვეთი გაკეთდა. მაქ გზის ცალ მხარეს, კლდის კედელი იყო ჩამოშლილი და ის გავაკეთეთ, გასულ წელს გაკეთდა ის საყრდენი კედელი. წელსაც, მთელი სოფლის პროგრამა გაკეთდა და დაპროექტდა ისე, თითონ მაგ ხალხმა მიიღო მონაწილეობა, როგორც უნდოდათ. ვინც აკეთებს, მაგ უბნელია, შემდეგ თუ თითონ ერთმანეთში ვერ მორიგდნენ, ეგ სხვა საკითხია. მთლიანი თანხა რაც იყო წავიდა მაგ უბანში და მოხმარდა გზას. ახლა რაც შეეხება არხებს, იმის მიხედვით გაკეთდა, როგორც არის სტანდარტი. ეგ გაკეთებულია პროექტის მიხედვით. სოფელს აქვს 5 ავზი _ 150, 50, 80, 12 და 27კბ/მ მოცულობის. რაც შეეხება წყალსადენს, 23 კმ. მილი ამორტიზირებული და მთლიანად შესაცვლელი, სათავე ნაგებობები მოსაწყობია, ამიტომ ეს საკითხი დაყენებულია მუნიციპალური განვითარების ფონდში და ამ საკითხზე ჩვენ ვმუშაობთ. ეს პროექტი ჯდება, დაახლოებით, 850 000 ლარი. შესაბამისი მასალები გაგზავნილია სამხარეო ადმინისტრაციაში, ინფრასტრუქტურის სამინისტროში, მგფ-ში. აქ კანონმდებლობის პრობლემებია და სხვა არაფერი, ჩვენ ვმუშაობთ ამ საკითხებზე, მაგრამ როდის იქნება, კონკრეტული თარიღის დასახელება არ შემიძლია, რადგან, როგორც გითხარით, მინიმუმ, 850 000 ლარია საჭირო, რომ ტექნიკური წყალი წამოვიდეს, პირველ ეტაპზე საუბარია ტექნიკურ წყალზე. მაგ უბანში, რომელზეც საუბარი გვაქვს, გაკეთდა 2 ხიდი, ასევე რაღაც მონაკვეთზე _ ბეტონის გზა. სოფლის მაგ უბანში ყველაზე მეტი სამუშაოებია ჩატარებული. გზის მოხრეშვა კი მიმდინარეობს, მაგრამ რამდენიც არ უნდა დაყარო, სანამ ბეტონის გზა ბოლომდე არ დაიგება, ეს პრობლემა ვერ მოგვარდება. ამაზეც მიდის მთელი რიგი სამუშაოები, მაგრამ როცა პრობლემებზე საუბრობენ, იმაზე რატომ არაფერი თქვეს, ამდენი რამე რომ გაკეთდა მაგ უბნისთვის“. სიხარულიძის თქმით, უსაფუძვლოა ადგილობრივ მცხოვრებთა საყვედური სხვა კუთხითაც. სოფლის დეპუტატის განმარტებით, კარიერზე დასაქმებული მძიმეწონიანი მანქანები აღნიშნულ გზაზე არ გადაადგილდებიან. „კარიერზე დასაქმებული მანქანები მაგ გზით არ სარგებლობენ. მაქ გახსნილია სახელმწიფო კარიერი. კარიერის მანქანა ერთხელ შევიდა, ისიც იმიტომ რომ საჩუქრად მოგვცეს ქვიშა-ხრეში და თავისივე მანქანებით შეგვიყვანა ყანებში გზა“. მოსახლეობას ჰქონდა გარკვეული პრეტენზიები, მივედით შევახვედრეთ მოსახლეობას. კარიერი მოქცეულია მხოლოდ თავის საზღვრებში. მაგათ სასაყვედურო ხელისუფლების მიმართ, ნამდვილად არ აქვთ. მაქ მართლა ძალიან ბევრი რამ გაკეთდა. წყლის პრობლემა კი მთელ სოფელშია, კიდევ ერთხელ ვიმეორებ არის კანონმდებლობის პრობლემა და აქ ლიცენზირებული კიდევ არავინ მოვა, რომ ნახევარი მილიონი ჩადოს შუა ამაღლების წყალსადენში და მერე ის თანხა ამოიღოს. ვიმეორებ, რომ მაგათ არც სოფლის და არც მუნიციპალიტეტის ხელმძღვანელებისგან ყურადღება არ აკლიათ. მაქსიმუმი კეთდება, რაც შეგვიძლია და პრობლემა 5-იანი ასფალტი რომ დააგო, იტყვიან 7-იანი გვინდოდაო, ბეტონი რომ დააგო 13-იანი _ 5-იანი გვინდოდაო. მე შემიძლია თითონ გაჩვენოთ, რამდენი საქმეა გაკეთებული მაგ უბანში, _ ამბობს ვლადიმერ ... ...
  • "მიზნად ისახავს ქვეყანაში აზრის გამოხატვის კონტროლს"- ორგანიზაციები სუს-ის გამოძიებაზესახელმწიფო უსაფრთხოების სამსახურის მიერ „საბოტაჟის" მუხლით წარმოებულ გამოძიებას, რომელიც  „მთავარი არხის" ეთერში გასულ სიჟეტს ეხება, არასამთავრობო ორგანიზაციები შეგაშფოთებელს უწოდებენ. როგორც მათ მიერ გავრცელებულ განცხადებაშია ნათქვამი: „ხელმომწერი ორგანიზაციები უკიდურესი შეშფოთებით ვეხმიანებით სახელმწიფო უსაფრთხოების სამსახურის მიერ „საბოტაჟის" მუხლით წარმოებულ გამოძიებას.  გამოძიების ფარგლებში „მთავარი არხის" სიუჟეტზე აქცენტირება, შემაშფოთებელია და აჩენს განცდას, რომ ხელისუფლება ერთი მხრივ, მიზნად ისახავს კონკრეტული მედიის დემონიზირებას, ხოლო მეორე მხრივ, ქვეყანაში აზრის გამოხატვის კონტროლსა და მასზე გამყინავი ეფექტის მოხდენას ცდილობს. აღნიშული შეიცავს კრიტიკული მედიის დამოუკიდებლობაში აშკარა და უხეში ჩარევის ნიშნებს, რაც საფრთხეს უქმნის დემოკრატიული და თავისუფალი საზოგადოების არსებობას. გავრცელებული ინფორმაციით, სუს-მა „საბოტაჟის" მუხლით გამოძიება 2020 წლის 16 მარტს უწყებაში შესული ოპერატიული ინფორმაციის საფუძველზე დაიწყო. გამოძიების ფარგლებში უსაფრთხოების სამსახური  დაინტერესდა 2020 წლის 20 ივნისს, ტელეკომპანია „მთავარი არხის" გადაცემა „შაბათის მთავარში" გასული სიუჟეტით, რომელიც ეხებოდა მარნეულის მუნიციპალიტეტში პანდემიის წინააღმდეგ სახელმწიფოს მიერ მიღებული ზომების პირობებში ხელისუფლების წარმომადგენელთა მიერ უფლებამოსილებების შესაძლო ბოროტად გამოყენებას. გამოიკითხა სიუჟეტის ყველა ფიგურანტი და რესპოდენტი, ხოლო 2 ივლისს გავრცელებული ინფორმაციით, თბილისის საქალაქო სასამართლომ „მთავარი არხიდან" რეპორტაჟის დაუმონტაჟებელი ვიდეო მასალის გამოთხოვის თაობაზე უწყების შუამდგომლობა დააკმაყოფილა. სახელმწიფო უსაფრთხოების სამსახური განცხადებაში „მთავარი არხის" ქმედებებში „დეზინფორმაციას" და „საბოტაჟის" შემადგენლობას, დადგენილ ფაქტად უთითებს. გვსურს შევახსენოთ სახელმწიფოს უწყების წარმომადგენლებს, რომ გამოხატვის თავისუფლება წარმოადგენს დემოკრატიული და სამართლებრივი სახელმწიფოს როგორც საფუძველს ასევე მიზანს. იგი, ის ფუნდამენტური ფუნქციური ელემენტია, რომელიც საზოგადოების განვითარებას, ხელისუფლების თვითნებობის შეზღუდვას და ადამიანის პიროვნულ განვითარებას განაპირობებს. ამ უფლების სათანადო უზრუნველყოფის გარეშე პრაქტიკულად შეუძლებელია სხვა უფლებების სრულყოფილი რეალიზაცია. იმის სავალდებულოდ განსაზღვრა, თუ რა შინაარსის აზრის/ინფორმაციის გავრცელება არის დაუშვებელი, გულისხმობს პირთა გონებისათვის „ინფორმაციული ფილტრის" დაყენებას. დემოკრატიული სახელმწიფო უდავოდ გულისხმობს თავისუფალ საზოგადოებას, თავისუფალ ინფორმაციულ სივრცეს, გარემოს, სადაც ყველასთვის უზრუნველყოფილია აზრთა თავისუფალი გაცვლა-გამოცვლა, თავისუფალი პაექრობა. დემოკრატიული და პლურალისტული საზოგადოების ჩამოყალიბება შეუძლებელია პრესისა და მასობრივი ინფორმაციის საშუალებების სარედაქციო პოლიტიკის თავისუფლებისა და სამართლებრივი დაცვის მაღალი სტანდარტების უზრუნველყოფის გარეშე. პრესის თავისუფლება მოიცავს არამხოლოდ მასობრივი ინფორმაციის საშუალებებით ინფორმაციის გავრცელების უფლებას, არამედ საზოგადოების უფლებას მიიღოს, გაიზიაროს ან უგულებელყოს მასობრივი ინფორმაციის საშუალებებით გავრცელებული ინფორმაცია. საბოტაჟი არის საქართველოს სისხლის სამართლის კოდექსით გათვალისწინებული დანაშაული, რომლის ჩადენის საკითხიც აქტუალური ხდება მხოლოდ მაშინ, როდესაც სახეზეა სახელმწიფოსთვის ან საზოგადოებისთვის ფუნდამენტური მნიშვნელობის მქონე დაწესებულებისთვის  მიყენებული  ხელშესახები ზიანი - მისი ნორმალური ფუნქციონირებისთვის ხელის შეშლა. იმ შემთხვევაშიც კი თუკი ცალსახად დადგინდება, რომ ტელეკომპანია „მთავარი არხის" ეთერში გასული სიჟეტი შეიცავს არსებითად მცდარ ფაქტებს, მასზე რეაგირება, არა სისხლისსამართლებრივი რეპრესიული მანქანის, არამედ, მაუწყებლის თვითრეგულირების მექანიზმის ამოქმედებაა ან/და კონკრეტული ადრესატის შემთხვევაში უფლების სამოქალაქო წარმოებით სასამართლოს გზით დაცვაა, რაც ჩვენი საზოგადოების მონაპოვარსა და ქვეყანაში სახელმწიფოს ჩარევებისგან თავისუფალი მედიის არსებობის უმნიშვნელოვანეს გარანტიას წარმოადგენს. სახელმწიფო უსაფრთხოების სამსახურის გამოძიების შინაარსს განსაკუთრებულ პრობლემურობას, საარჩევნო წელი და 2020 წლის მოახლოებული საპარლამენტო არჩევნები ანიჭებს, რა დროსაც კრიტიკული მედიის შეუფერხებელ ფუნქციონირებას სასიცოცხლო როლი ენიჭება არჩევნების თავისუფლად და სამართლიანად შეფასებისთვის. მოვუწოდებთ ხელისუფლებას, თავი შეიკავოს კრიტიკული მედიის დამოუკიდებლობაში ნებისმიერი სახის ჩარევისგან და უარი თქვას მედიისა და გამოხატვის თავისუფლების წინააღმდეგ სისხლისსამართლებრივი რეპრესიის გამოყენებაზე“,_ ნათქვამია განცხადებაში, რომელსაც ერთობლივად ავრცელებს საქართველოს დემოკრატიული ინიციატივა (GDI), სამართლიანი არჩევნებისა და დემოკრატიის საერთაშორისო საზოგადოება (ISFED) და ადამიანის უფლებათა ცენტრი ... ...
  • მოსაცდელი სოფელში, სადაც ტრანსპორტი არ დადის _ „ძროხა მაინც გადეიყუდრებს“„ჩემს სოფელში ყველაზე დიდი სისულელის გაკეთებას აპირებენ. თან მაგრად მეცინება. სოფელში აკეთებენ "მოსაცდელს" (სამგზავრო ტრანსპორტს რომ ელოდები) და შეგახსენებთ რომ ლანჩხუთის ცენტრიდან ჩემი სოფელი არის ერთი კილომეტრის მანძილზე და სოფელში  სამგზავრო ტრანსპორტი არ დადის. ყველა ტაქსით ვსარგებლობთ, რადგან არ ღირს ძვირი და სახლში გაკითხავს. პ.ს უწყლო აუზში ცურვის არ იყოს“, _ წერს სოციალურ ქსელში ლანჩხუთელი ნინა ბარამიძე. როგორც ირკვევა, საუბარია გვიმბალაურის ადმინისტრაციულ ერთეულში შემავალ სოფელ ჯუნეწერზე, სადაც, ნინა ბარამიძის ინფორმაციით,  სოფლის პროგრამის ფარგლებში, გადაწყდა მგზავრთა მოსაცდელის გაკეთება.  როგორც ბარამიძე განმარტავს,  იმ თანხით, რომელიც აღნიშნული პროგრამიდან მოსაცდელის გაკეთებას უნდა მოხმარდეს, სოფლისთვის უფრო მნიშვნელოვანი რამის გაკეთებაა შესაძლებელი და ადგილობრივ ხელმძღვანელობას  პროექტში ცვლილების შეტანას სთხოვს. „მხოლოდ სკოლის ავტობუსი დადის, რომელიც სახლში აკითხავს ბავშვებს და ამ შემთხვევაშიც არაა საჭირო მოსაცდელი. თან მოსაცდელი კეთდება ერთი და წარმოიდგინეთ, რომ ააშენონ სოფლის შუაში, იქ როგორ მივიდეს სოფლის თავში ან ბოლოში მცხოვრები ბავშვი. წვიმისას ხომ გაილუმპება. მაგ თანხიდან სოფლისთვის უფრო მნიშვნელოვანი რაღაცეების გაკეთებაც შეიძლებოდა“, _ განმარტავს ბარამიძე.  მისივე ინფორმაციით, კრებას, რომელზეც მოსაცდელის გაკეთება გადაწყდა, დაახლოებით, 20-30 ადამიანი ესწრებოდა და დიდი ალბათობით, სწორედ მათ გამოთქვეს თანხმობა მოსაცდელის გაკეთებაზე. „სოფლის შეკრება მოეწყო, რომელსაც, დაახლოებით, 20-დან 30 კაცამდე ესწრებოდა, იქ თანახმა იყო მგონი ყველა (კიდევ არ მინდა დავკონკრეტდე) და მე რომ შევკრიბე ჭკუა საკითხავი ხალხი, იქედან ყველა წინააღმდეგი იყო. წყალი და გზა არ გვაქვს და სულ არ არის საჭირო ამ ეტაპზე. როცა ყველა სხვა პრობლემა მოგვარდება და არ გვეცოდინება ფული სად წევიღოთ, კი, ბატონო!“ _ ამბობს ბარამიძე და მუნიციპალიტეტის ხელმძღვანელობას მიმართავს, რომ თუკი შესაძლებლობა იქნება, მოსაცდელის ნაცვლად სხვა რამ გაკეთდეს: „მოსაცდელი სხვა რაღაცით ჩავანაცვლოთ, თუნდაც სანიაღვრე არხით“, _ წერს ის.  ჯერჯერობით, უცნობია, რა ბედი ეწევა ჯუნეწერში მოსაცდელის გაკეთების იდეას, თუმცა, ფაქტია, რომ სოციალურ ქსელში გაჟღერებულმა ამ ამბავს არაერთი კომენტარი მოჰყვა: „მაგაზე უარესს რომ არ აკეთებენ, არ გიკვირთ?! თვარა ამას ეიტანს კაცი. ავტობუსი თუ არ იქნება, ვინცხა წვიმაში მაინც გადეიყუდრებს. რო გაწვიმდეს ჯუნეწრელები ჯოკერს გარეთ ხო არ ითამაშებენ.  პაწე პრაქტიკულად მიუდექით მაგ ამბავს და ფუნქცია შეუცვალეთ მოსაცდელს. მშვენიერი საბირჟაო იქნება, შუქსაც თუ შეიყვანენ მთლად უნიკალური. ერთი გადახურული ყველა სოფელს უნდა ქონდეს. წვიმაში ძროხები და ღორები მაინც შეაფარებენ თავს“, _ წერენ ... ...
  • ვეტერანების საქმეთა სახელმწიფო სამსახურის განცხადება (R)მიმდინარე წლის 2 ივლისს, რამდენიმე ტელემაუწყებლის მიერ მომზადებული სიუჟეტი "გადახარჯულ საწვავზე", რომელიც ვეტერანების საქმეთა სახელმწიფო სამსახურსაც ეხებოდა, რბილად რომ ვთქვათ, ციფრებით არაკეთილსინდისიერი მანიპულირებაა! სრული პასუხისმგებლობით ვაცხადებთ: ვეტერანების საქმეთა სახელმწიფო სამსახურს, არასდროს, არც ერთ ეტაპზე, კანონით განსაზღვრული საწვავის ლიმიტისთვის არ გადაუჭარბებია. უფრო მეტიც, ბოლო თვეებში, კორონა ვირუსის პანდემიასთან დაკავშირებული შეზღუდვების გამო, თითქმის, განახევრდა საწვავზე ლიმიტით მონიჭებული ხარჯვითი ნაწილი. აქვე გვინდა გაცნობოთ, რომ ბენეფიციართა სოციალური და სამართლებრივი თანადგომის გარდა, ვეტერანების საქმეთა სახელმწიფო სამსახურს, განესაზღვრა ახალი ფუნქციები _ მოზარდ თაობაში  ეროვნულ-პატრიოტული სულისკვეთების ასამაღლებლად დამატებითი ღონისძიებების გატარება და სახელმწიფოს მიერ დაანონსებული საერთო - სამობილიზაციო სისტემის რესურსებით უზრუნველყოფა. მოთხოვნის შესაბამისად, ზემოთ აღნიშნულ საკითხებთან დაკავშირებით,  ჩვენი სამსახური გამოთქვამს ინფორმაციის მიწოდების მზაობას კანონით გათვალისწინებული უფლებამოსილების ფარგლებში. ... ...
  • ცდილობენ, ადამიანის ტრაგედიები პოლიტიკური კონიუნქტურისთვის გამოიყენონ- პრემიერი შაქარაშვილის საქმეზე„სამწუხაროა, რომ ეს რთული პრობლემა ვერ გადავლახეთ და ხშირ შემთხვევაში ზოგიერთები ცდილობენ, ადამიანის ტრაგედიები პოლიტიკური კონიუნქტურისთვის გამოიყენონ. ეს თემა დავხურეთ. ეს რომ არ მოხდეს, შესაბამის საგამოძიებო უწყებებს აქვთ პირდაპირი ვალდებულება ჩვენი საზოგადოების წინაშე, რომ უმოკლეს ვადაში არ დატოვონ არც ერთი კითხვის ნიშანი. ბოლო კითხვა, რაც შეიძლება იყოს, შეიძლება დაუსაბუთებელი, მაგრამ ბოლო მოქალაქესაც რომ ჰქონდეს კითხვა, ამ კითხვაზე სასწრაფოდ უნდა იყოს გაცემული პასუხი. მე პირადად და ჩვენ ამის ძალიან მძიმე გამოცდილება გვაქვს და ჩვენ ჩვენი გაკვეთილები უნდა ვისწავლოთ. შესაბამისად, უახლოეს საათებსა და დღეებში საზოგადოების მხრიდან დასმულ ყველა კითხვას შესაბამისმა საგამოძიებო უწყებებმა პასუხი უნდა გასცენ. ეს არის მათი ვალდებულება და მოვალეობა და დარწმუნებული ვარ, ასეც იქნება“, - განაცხადა პრემიერმა ფეხბურთელ გიორგი შაქარაშვილის გარდაცვალების საქმის გამოძიებასთან დაკავშირებით ჟურნალისტების მიერ დასმულ ... ...

არქივი

ტესტები

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ ყველაზე, ყველაზე...

იცი თუ არა გეოგრაფია

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...