"ჩვენი კეთილდღეობა წყალია და "ტრუბაში" თავი ჩაყავით თქვენ"

მთავარი თემა

"ჩვენი კეთილდღეობა წყალია და "ტრუბაში" თავი ჩაყავით თქვენ"

2019 ივლ 31 16:08:56

26 ივლისს ოზურგეთის მუნიციპალიტეტის სოფელ ვაკიჯვარში, შპს "უნივერსალ ენერჯი ქორფორეიშენის" მიერ, მდინარე ნატანებზე ჰიდროელექტროსადგურის "ნატანები 3"-ის მშენებლობის და ექსპლოატაციის პროექტის სკოპინგის ანგარიშის საჯარო განხილვა უნდა შემდგარიყო.

დილიდანვე სოფლის ცენტრში ადგილობრივი მოსახლეობის წარმომადგენლები შეიკრიბნენ. სტუმრების მოლოდინში მოქალაქეები ცდილობდნენ, სიმშვიდე შეენარჩუნებინათ, თუმცა, ყველას მღელვარება ეტყობოდა.


_ ჩვენი ცხოვრებით და შემეცნებით აქაურები ვართ, ამ მიწის ბატონ-პატრონები, ყველა კუთხე-კუნჭული ვიცით. პირველ რიგში, ვიტყვით, რომ ჩვენ გაგვაჩნია ცივილური მოსმენის კულტურა, თუმცა, წყობიდან ნურავინ გამოგვიყვანს. რას გვპირდება ეს ინვესტორი?! აქ არის ღელეები, ასე ეძახიან, თორემ ის ჩვენი წყაროს წყლებია, რომელიც მერე ჩაიკეტება. სოფელს ისეც არ ჰყოფნის წყალი. ის თუ წაგვართვეს და მილში მოაქციეს, ჩვენ აქ რა გვინდა? გზას რა მოუვა? ჩვენი ფლორა და ფაუნა იქ არის, საძოვრები და სავარგულებიც იქვეა, ფუტკარი, დათვი, შველი, ტურა, მგელი... ეგ ხეობა ჩვენი სოფლის სახეა. თუ ვინმე კარგ საქმეს გააკეთებს და როგორც საჭიროა, ისე დაასაქმებს ხალხს, კარგია, მაგრამ რაღაც არ გვგონია, ასე იყოს, _ გვითხრა შეხვედრის დაწყებამდე სოფლის მკვიდრმა რომან გოლიაძემ.

მალე კომპანიის წარმომადგენლებიც მოვიდნენ. შეხვედრაზე მოვიდა ოზურგეთის მუნიციპალიტეტის მერი კოტე შარაშენიძე, რომელსაც, ყველას გასაკვირად, აქციაში ჩართულმა პატარა ბავშვებმა ჰკითხეს, თქვენ ვის მხარეს ხართ, ბატონო მერო?

_ თქვენს მხარეს ვარ მე, _ უპასუხა შარაშენიძემ.

 ვაკიჯვარელებმა პროექტის მენეჯერს, გიორგი მარგებაძეს დასაწყისშივე შეაწყვეტინეს სიტყვა (მარგებაძეს ანალოგიური პროტესტი ამ გაზაფხულზე სოფელ შემოქმედის მცხოვრებლებმაც მოუწყვეს და არც იქ დაანებეს ბჟუჟზე ასაშენებელი ჰესის პროექტის განხილვა. ავტ.)

_ ჯერ მომისმინეთ, რას გეუბნებით. ხომ უნდა იცოდეთ, რას გთავაზობთ? ჩვენ აქ იმიტომ არ მოვსულვართ, რომ თითის წვერებზე ვიაროთ! არ გატყუებთ, ვართ ბოლომდე გახსნილები. გავიაროთ ერთად სკოპინგის ანგარიში, გეტყვით, რაა სკოპინგი (სკოპინგი _ პროცედურა, რომელმაც უნდა განსაზღვროს ინფორმაციის ტიპი. ავტ), _ გიორგი მარგებაძემ "გაანათლა" ვაკიჯვრელები (როგორც თავად წაიჩურჩულეს), _ მოგისმენთ, ვინ რას იტყვით, ჩავიწერთ გვარს და სახელს, ვის რა და როგორ სურს, მივიღებთ თქვენს ინფორმაციას, რომელიც უნდა შეგროვდეს და შესწავლილი იქნას. მერე გავიაროთ გარემოზე ზემოქმედების ანგარიში... გვაქვს სოციალური პაკეტები _ბუნებრივი გაზი გინდათ? მზად ვართ, ეკონომიკის სამინისტროს წინაშე დავაყენოთ თქვენი მოთხოვნები და სანამ გაზი არ შემოვა, ჩვენ ჰესის მშენებლობას არ დავიწყებთ, _ სწრაფად და მრავლად ჩამოარიგა დაპირებები მარგებაძემ.

_ სათითაოდ ჩაიწერთ, ვინ რას იტყვის? სკოპინგი ყოფილა ეს. დაგვაკვირდებით მერე, ხომ? ხელმოწერა რომ მოგართვათ ყველამ ერთად? ერთსულოვნად? ასე არ გინდათ და სკოპინგი გინდათ მაინცდამაინც? _ გაისმა დარბაზიდან.

 მოძრაობა "გადავარჩინოთ გურიის მდინარეების" ერთ-ერთმა დამფუძნებელმა, ირმა გორდელაძემ კითხვები დასვა:

_ დღეს გამოთქმულ შენიშვნებს, ვინ გაითვალისწინებს, როცა, გამოქვეყნებული განცხადების მიხედვით, ვადა სწორედ ამ პრეზენტაციის დღეს, 26 ივლისს იწურება, _ იკითხა გორდელაძემ.

_ გარდა ამისა, მითხარით, როცა ინვესტორსა და ეკონომიკის სამინისტროს შორის მემორანდუმი გაფორმებულია და ამის შემდეგ იწყებს გარემოს დაცვის სამინისტრო დაკვირვებას, ეს, ასე ვთქვათ, პროექტის "გაპრავება" არ არის? _ იკითხა მან.

გარემოს დაცვითი ზედამხედველობის დეპარტამენტის მონიტორინგის სამსახურის თანამშრომელმა გურამ ყაფლანიშვილმა პასუხად თქვა, რომ არა ერთი შემთხვევა ყოფილა, როცა მემორანდუმი გაფორმებულა, თუმცა, შემდეგ არაფერი გაკეთებულა:

_ ენერგეტიკის სამინისტროსა და კომპანიას შორის მემორანდუმის გაფორმება არ ნიშნავს იმას, რომ უკვე გაცემულია მშენებლობის დაწყების ნებართვა. ამ მემორანდუმში რომ მოსახლეობის ინტერესები და მოთხოვნები უნდა იქნას გათვალისწინებული, ჩვენც ამიტომ ვართ აქ. მე ვარ მხოლოდ შუამავალი სამინისტროდან, რომ ეს ყველაფერი გითხრათ, _ თქვა ყაფლანიშვილმა.

_ შუამავალი თუ ხარ, მიბრუნდი ახლა, წადი და ჩაუტანე სამინისტროში ამბავი, რომ არ აგაშენებინებთ აქ ჰესს! _ სასწრაფოდ უპასუხეს მას დარბაზიდან.

სახალხო დამცველის წარმომადგენელმა გურიაში თამარ ოგანესოვამ დასვა კითხვა, თუ რატომ არ იყო ათი დღით ადრე გამოქვეყნებული ინფორმაცია სამინისტროს და შემდეგ მუნიციპალიტეტის ვებგვერდზე, სადაც 24 ივლისს აიტვირთა და შესაბამისად, საჯარო განხილვა არ მომხდარა. თუმცა, ყაფლანიშვილმა განაცხადა, რომ ინფორმაცია იყო გამოქვეყნებული და მუნიციპალიტეტის მერიამ ეს აცნობა ვაკიჯვრის მოსახლეობას.

გიორგი მარგებაძემ არა ერთხელ სცადა სიტუაციის შემობრუნება და აღელვებული ვაკიჯვრელების დათანხმება, თან მიუთითა, რომ ამ ტყეებში ხშირად დადის, ადგილობრივებზე მეტადაც კი:

_ ხუთჯერ ვიყავი იმ ტყეებში. თქვენ სულ არ დადიხართ, ზოგი ნამყოფიც არ არის იქ. ვიცი, რა ხდება _ გზა სულ არ არის. ვაპირებთ, გავაკეთოთ, რასაც მოგვთხოვთ. არ გაქვთ სწორი ინფორმაცია. პირიქით, სოფლის საკეთილდღეოდ გაკეთდება ყველაფერი _ დასაქმდებით, თურქეთში ჩაის და კახეთში ატმის საკრეფად აღარ დაგჭირდებათ წასვლა. ვერ ვხვდები, რატომ არ გინდათ ვაკიჯვარში რომ დავხარჯოთ 15 მილიონი დოლარი და საქმე გაკეთდეს?! დიდი სარგებელი ექნება თქვენს სოფელს, თქვენს კეთილდღეობაზე ვზრუნავთ, _ მიმართა მარგებაძემ ვაკიჯვრელებს.

_ რაო? ჩვენ არ დავდივართ ტყეში და შენ დადიხარ ჩვენს ხეობაში? ვინ მოგიპატიჟათ და რას დაეთრევით? როდის აქეთ ზრუნავთ ჩვენს კეთილდღეობაზე? ჩვენი კეთილდღეობაა წყალი, უპირველეს ყოვლისა და "ტრუბაში" თავი ჩაყავით თქვენ, ნატანებისწყალს კი ვერ ჩაუშვებთ! ისიც იცოდეთ, არ დავდივართ ჩვენ თურქეთში ჩაის საკრეფად! გაგვიშვა ახლა კახეთში ატამზე... "პრაფესორი"... ვის უნახავს ვაკიჯვრელი კაცი კახეთში ატამს კრეფდეს? ჩვენ დავისაქმებთ საკუთარ თავს, ოღონდ თქვენ მოგვშორდით, _ რეპლიკებში ერთმანეთს ენაცვლებოდნენ ვასო სვანიძე, ნატალია თალაკვაძე, ბაჩანა ნიჟარაძე, ნანული გიორგაძე და სხვები.

გიორგი მარგებაძეს ვაკიჯვრელმა დავით მდინარაძემ კონკრეტული კითხვა დაუსვა:

_ რას გვიკეთებ? დენს გვიტოვებ?

_ ხომ იცით, რომ ასეთი რამ არ ხდება? მაგისთვის დამიჭერენ... გაზის შემოყვანაში დაგეხმარებით, _ უთხრა მარგებაძემ.

_ გაზს სახელმწიფო გვიკეთებს და თქვენ რას იბრალებთ? დენს არ მაძლევ ჩემი მდინარიდან და რომ გქონდეს, გაზს მომცემ? _ სასწრაფოდ უპასუხა მდინარაძემ.

დარბაზი არაერთხელ ახმაურდა, ბოლოს კი ადგილობრივები ყვირილით წამოიშალნენ:

 _ "არაფერი გამოგივათ! ვაკიჯვარი საკურორტო სოფელია და არ აგაოხრებინებთ", "არ გვინდა ჰესი", "ტყე იჩეხება"... "მდინარე მილში ემწყვდევა", "ხეობა დაშრება და გამოიფიტება", "კლიმატი შეიცვლება"... "ტურიზმის ნიშნები გამოჩნდა და ისიც ჩაკვდება"... "სოფელს აღარ ექნება საკურორტო პერსპექტივა"... `"ბავშვებს ნუ წაართმევთ ვაკიჯვარს"... _ ამ და სხვა უამრავმა რეპლიკით ვაკიჯვრელებმა დარბაზი დატოვეს.

შეხვედრაზე თავისი მოსაზრება კვლავ გამოთქვა ირმა გორდელაძემ:

_ ეს ყველაფერი არ უნდა კეთდებოდეს ეკოლოგიური კატასტროფების ხარჯზე. ნახეთ, რა დღეშია კარიერების მოქმედების შედეგად ჩვენი მდინარეები. ვაკიჯვრელებო, თქვენი გადასაწყვეტია, ფოჩიანი კამფეტები და ჰესი გინდათ, თუ მდინარეებისა და მთლიანად სოფლის გადარჩენა, _ მიმართა მან ადგილობრივებს.

მარგებაძე გაღიზიანდა და გორდელაძეს კორუფციაში დასდო ბრალი: _ შენ ფულს გიხდიან და იმიტომ ყვირი, _ უთხრა გორდელაძეს, რასაც დარბაზში ხმაური მოჰყვა, გორდელაძემ კი საკუთარი სოლიდური ხელფასის დათვლა ურჩია მარგებაძეს, რის "გასამყარებლადაც ვაკიჯვრის ტყეებში დარბის".

 ვაკიჯვრელებს ვერც საკონსულტაციო კომპანია "გამა კონსალტინგის" თანამშრომელმა ჯუგული ახვლედიანმა დაახევინა უკან:

_ ვერავინ იტყვის, რომ გარკვეული გავლენა არ იქნება, თუმცა, ეს იქნება უმნიშვნელო და დასაშვები, რაც ზიანს არ მოიტანს. ამასთან, თქვენ შეგიძლიათ, კომპანიას წაუყენოთ თქვენი მოთხოვნები, რომელიც აიღებს ვალდებულებას ამ მოთხოვნების დაკმაყოფილებაზე, _ ურჩია მან ვაკიჯვრელებს, თუმცა, ამაოდ.

_ თუ არ გვინდა, მაინც მოხვალ? _ ჰკითხეს ბოლოს მარგებაძეს.

_ კვლავ იქნება შემოთავაზება პროექტის განსახილველად. ჩვენ შენება გვინდა, _ თქვა მან.

ასე ჩაიშალა პროექტის განხილვა ვაკიჯვარში.

ოზურგეთის მუნიციპალიტეტის საკრებულოს ლეიბორისტმა დეპუტატმა დავით მამალაძემ, რომელიც ვაკიჯვრელებს უჭერდა მხარს, "გურია ნიუსთან" ასეთი კომენტარი გააკეთა:

_ ქურდულ მენტალიტეტს კი არ ვემხრობი, მაგრამ ვიტყვი ერთს: 50-იან წლებში, როცა ქურდი ოჯახში შეიპარებოდა, იყო ასეთი ტენდენცია _ ჯერ მაცივარს გამოაღებდა და თუ ბლომად იყო ყველაფერი, მერე "საქმიანობდა", გაჭირვებულისგან კი უკან ბრუნდებოდა... ეს მილიარდერი კომპანია კი შემოუვარდა შინ არაფრის მქონე ხალხს და თავისი მოგების გულისთვის ზღაპრებს უყვება _ თურმე, დაასაქმებს 75 კაცს ორ წელიწადში, თვეში 400 ლარად. დიდი შეღავათია. კიდევ კარგი, ხალხი გამოფხიზლდა, აზროვნებს და დადგება დღე, მიხედავენ საკუთარ თავს, _ თქვა მამალაძემ.




 ახალი ამბები
  • "ბალახს ცეცხლი წაუკიდა, გამოსვლა ვერ მოასწრო და შიგ ჩაიწვა!"_ ტრაგედია კასპშიკასპში, სოფელ დოესში უბედური შემთხვევის შედეგად 70 წლამდე ასაკის მამაკაცი გარდაიცვალა. როგორც "გურია ნიუსს" მერის წარმომადგენელმა აღნიშნულ თემში, ტარიელ ოხანაშვილმა უთხრა, "მამაკაცი ნაკვეთს ასუფთავებდა. ბალახს რომ ცეცხლი წაუკიდა, გამოსვლა ვეღარ მოასწრო და შიგ ჩაიწვა". შსს-მ მომხდარ ფაქტზე გამოძიება სისხლის სამართლის კოდექსის 188 მუხლით ... ...
  • კორონავირუსზე ეჭვის გამო ბათუმის მატარებელი თბილისიდან ვერ გადისთბილისი-ბათუმის მატარებელი უკვე ერთი საათია თბილისიდან ვერ გადის. ამის მიზეზი სასწრაფო დახმარების სამსახურში შესული შეტყობინება გახდა. როგორც  საქართველოს რკინიგზაში განგვიცხადეს, თბილისი-ბათუმის მატარებლის მგზავრების ნაწილმა მიიჩნია, რომ ერთ-ერთ მგზავრს, რომელიც მათი აზრით, ჩინეთის მოქალაქეა, სავარაუდოდ გრიპის ნიშნები ჰქონდა რის გამოც სასწრაფო დახმარება გამოიძახეს და მატარებელი დატოვა. ისინი ბაქანზე იცდიან. თუმცა ამ დროისთვის დადასტურებული არ არის არც მგზავრის მოქალაქეობა და არც ის, იმყოფებოდა თუ არა ის ჩინეთში  ბოლო პერიოდში. რკინიგზაში აცხადებენ, რომ სასწრაფო დახმარების ორი ბრიგადა უკვე ადგილზეა და მგზავრებს შესაბამისი შემოწმება ჩაუტარდება. ჯერჯერობით უცნობია როდის დაიძვრება მატარებელი ბათუმის მიმართულებით. სასწრაფოში გვითხრეს, რომ მგზავრებს სიცხეს უზომავენ და პირველადი დაკვირვებით არაფერი საგანგაშო არ არის. წყარო: ... ...
  • მაია მერკვილაძე: შემომითვალეს, ახალ ამბებში რედაქტორად აღარ ვიქნები“მოკლედ, ვიცი გაინტერესებდათ, შემომითვალეს, ახალ ამბებში რედაქტორად აღარ ვიქნები. ნინო ხაჟომია მოდის რედაქტორად.“ - ასეთი სახის განცხადება სოციალურ ქსელში აჭარის საზოგადოებრივი ტელევიზიის ახალი ამბების რედაქტორმა მაია მერკვილაძემ გაავრცელა. მაია მერკვილაძის ამ განცხადებას უცებ მოჰყვა მისი კოლეგების და ჟურნალისტების კომენტარები. “ ასე და ამგვარად, გრძელდება აჭარის ტელევიზიის გაპარტახება! ბიძინას ბორდი და კოხრეიძე მარტო აღარ არიან გამპარტახებლების რიგებში უკვე, ახალ ხალხს იმატებენ! მაიას საინფორმაციოდან გაყვანა, მისი ამ საქმისგან ჩამოცილება არის დანაშაული. ვისაც მასთან არ უმუშავია, ჩემი სიტვების მნიშვნელობას, ბოლომდე ვერ გაიგებს!“ - წერს სოციალურ ქსელში “მთავარი აჭარაში“ წამყვანი და ჟურნალისტი ლაშა ზარგინავა. “მაია მერკვილაძე ახალი ამბების სამსახურიდან გაჰყავთ. ამ დრომდე ხელშეკრულებას არ აჩვენებენ. დირექტორმა მმართველებს გააცნო ინფორმაცია იმის შესახებ რომ მაიკოს არათუ 20-იანის რედაქტორის, ან უბრალოდ რედაქტორის არამედ საერთოდ სხვა პოზიციის ხელშეკრულებას შესთავაზებენ, გაუგებარი, ბუნდოვანი პერსპექტივით და არარსებული რესურსით. აბა ეხლა დაგვაბრალოს იქნებ უმაღლესმა საბჭომ, ბორდმა, დირექტორიანად კივილი და წივილი.“ - ასე შეაფასა მაია მერკვილაძის განთავისუფლება აჭარის ტელევიზიის ახალი ამბები წამყვანმა და ჟურნალისტმა თეონა ბაკურიძემ. აჭარის საზოგადოებრივი მაუწყებლის დირექტორის, გიორგი კოხრეიძე “მთავარ არხთან“ მიცემული ინტერვიუს დროს ამბობს, რომ მაია მერკვილაძისთვის ახალი შემოთავაზება აქვს. “წინასაარჩევნო პერიოდია და ვალდებულება გვაქვს, რომ გაკეთდეს დებატების სახის გადაცემები ანუ თოქ-შოუ. აქედან გამომდინარე ვაძლევ სრულ თავისუფლებას, რომ ეს საარჩევნო პროექტი გააკეთოს მან.“ - თქვა გიორგი კოხრეიძემ. ჟურნალისტის კითხვაზე, თუ ამ წინადადებას არ დათანხმდა მაია მერკვილაძე მაშინ რა მოხდება - გიორგი კოხრეიძემ უპასუხა: “მაშინ ვშორდებით, რაც მე არ მინდა.“ - აღნიშნა გიორგი კოხრეიძემ. როგორც ჩვენთვის ხდება ცნობილი მაია მერკვილაძე გიორგი კოხრეიძის შემოთავაზებას არ დათანხმდება. “უსამართლო გადაწყვეტილება მიიღო აჭარის ტელევიზიის დირექტორმა.“ - ამბობს მაია ... ...
  • 24 თებერვალი ირაკლი ჩარკვიანის გარდაცვალების დღეა2006 წლის 24 თებერვალს ქართველი მუსიკოსი, მწერალი ირაკლი ჩარკვიანი გარდაიცვალა. სოციალურ ქსელში გელა ჩარკვიანი, ირაკლი ჩარკვიანის მამა სტატუსს აქვეყნებს, რომელსაც “გურია ნიუსი“ უცვლელად გთავაზობთ. “ჩაწერა მაქვს „რუსთავი 2“-ზე, დათო გოგიჩაიშვილთან. ნახევარ საათში უნდა გავიდე, – მითხრა ქეთათომ ტელეფონით. – იქნებ მოხ­ვიდეთ და ჩვენთან იყოთ, სანამ დავბრუნდები. ირაკლი ღამე თავს კარგად არ გრძნობდა. ახლა ჩაეძინა, მაგრამ მაინც მეშინია“. პარასკევის დილა იყო. ჩემს მდივანს, შორენა კობერიძეს დავურეკე და ვუთხარი, შემაგვიანდება-მეთქი. თეთრი „ტოიოტა კოროლა“ ეზოში მელოდებოდა. ომარ არუთინოვს ვთხოვე, ირაკლისთან ვერაზე მივეყვანე და გარაჟში ჩემს ზარს დალოდებოდა. ქეთათო რომ გავიდა, სავარძელში ჩავჯექი და კინოსცენარის კითხვას შევუდექი. იმ დღეებში გია ბაზღაძემ შემომთავაზა ქართულად გამეხმოვანებინა ერთი უცხოური საბავშვო კინოს პერსონაჟი. ამ ფილმის ჩვენებას გია თავისთან, რუსთაველის კინოთეატრში აპირებდა და რატომღაც გადაწყვიტა, რომ „კინო­გმირს“ ყველაზე უფრო ჩემი ხმა და ინტონაცია მოუხდებოდა. დავთან­ხმდი, რადგან ამ საქმეში გარკვეული გამოცდილება მქონდა და, რაც მთავარია, წინანდელივით დაკავებული აღარ ვიყავი – სიტყვებს აღარ ვწერდი და არაფრის თარგმნა აღარ მიხდებოდა. ფილმების გახმოვანებასთან კარგი მოგონებები მაკავშირებდა. დიღომში კინოსტუდია „ქართული ფილმის“ ძველებური ყაიდის ვეება მიკროფონებთან არაერთხელ ვმდგარვარ დოდო აბაშიძესთან, თენგიზ არჩვაძესთან, რამაზ ჩხიკვაძესთან და სხვა ცნობილ მსახიობებთან ერთად. რეზო ჩხეიძის „ნერგებში“ ამერიკელი ტურისტების ეპიზოდი თითქმის მთლიანად მე და ილო თუმაჯანოვმა გავახმოვანეთ. მერაბ კოკოჩაშვილის „მწვერვალში“ გია ყანჩელის დაწერილი ინგლისური სიმღერაც კი ვიმღერე. კიდევ იყო ნანა მჭედლიძის „პირველი მერცხალი“ და „შერეკილები“, რომლის დიალოგები, ელდარ შენგელაიას თხოვნით, ინგლისურად ვთარგმნე და ქართულ ტექსტს დავადე. მაგრამ ბოლო 30 წლის განმავლობაში კინოსთან შეხება აღარ მქონია და ახლა, ამდენი პოლიტიკით დაღლილს, კინოპერსონაჟის აუდიო-თამაში უთუოდ გამახალისებდა. რამდენიმე გვერდი წავიკითხე და ცოტათი მომწყინდა – მხატვრულის კითხვას გადაჩვეული ვიყავი. ფურცლები იატაკზე დავდე. ავდექი და კედელზე დაკიდებული ირაკლის ნახატებისა და ფოტოების თვალიერება დავიწყე. მერე დიდ ოთახში გავედი და მძინარე ირაკლის დავხედე. მშვიდად, მეტრონომის სიზუსტით სუნთქავდა. ერთ ბეჭზე საბანი არ ეხურა და ხელი დავადე. სიცხე არ ჰქონდა. კედლებზე სურათები აქაც იყო და სანამ ყველა, ალბათ ასჯერ ნანახი, ისევ დავათვალიერე, ოთახი არ დავტოვე. კვლავ სავარძელში ჩავეშვი, თუმცა სცენარი იატაკიდან აღარ ავიღე. სახლში წავიკითხავ-მეთქი, ირაკლის პატარაობა გამახსენდა, როგორ ვეთამაშებოდი „შემოქმედებით“ თამაშებს – რითმობანას, პარადოქსობანას, ოქსიმორონობანას და აბსურდობანას. „აბა, გარითმე ხალი!“ უმალ პასუხობდა – „მსხალი“. „აბა, კიდევ?“ „ნალი, თვალი, ალი, ქალი, მთვრალი“. „გეყოფა“. „აბა, მოიგონე პარადოქსი“. „ისეთი მშიერი ვარ, რომ ხინკალსაც კი არ შევჭამ“. „კარგია. ახლა ოქსიმორონი მინდა სიტყვაზე ტკბილი“. დაფიქრდებოდა, „ვიცი! ვიცი! ტკბილი სევდა, ტკბილი ტკივილი“. „აბა, რაიმე აბსურდული ფრაზა მოიგონე, ისეთი როგორც ყვავი ჩხიკვის მამიდა“. „ბიძაშვილის ვირის ზმნიზედა. ხომ მაგარია?“ „კარგია“, – მოვუწონებდი და ის ბედნიერი ხტუნვა-ხტუნვით ეზოში გავარდებოდა, სადაც მისი თანატოლები უფრო ბიჭურ თამაშებს შესთავაზებდნენ. მერე ის საშინელი საღამო გავიხსენე, როცა ირაკლი და გეგა, მაგრად ნაცემები, წყნეთის კინოდან ჩვენს აგარაკზე ამოვიყვანეთ და ისიც, როგორი დაზაფრულები ისხდნენ ირაკლი და კოსტე, როცა გაიგეს, რომ გეგამ თვითმფრინავი გაიტაცა, ისე, რომ მათთვის არაფერი უთქვამს; და სულ ახლახან ქეთათოსთან ერთად რომ გვეწ­ვია და ნანას და მე გამოგვიცხადა, – მალე გოგო გვეყოლება და გადავ­წყვიტეთ რეტრო სახელი დავარქვათ – ნანაო. პატარა ნანამ გვასახელა – თავის წითურ ძაღლთან, კაფკასთან ერთად ის წარმატებით ასრულებდა როლს „მაესტრო TV“-ის მიერ გადაღებულ რეალიტი შოუში, რომელიც ერთი თვის განმავლობაში დეტალურად აშუქებდა ირაკლისა და ქეთათოს ყოველდღიურ ცხოვრებას. ამ დღეს ნანა ბებიასთან, გულიკოსთან იყო, რომელსაც დულიტოს ეძახდა, ისე როგორც მე – დელას. უკანა­ენისმიერებს, ვერც მჟღერსა და ვერც ყრუს, ბავშვი ვერ წარმოთქვამდა. ამით თავის მეორე, თანამოსახელე ბებია ნანას ჰგავდა, რომელიც თურმე ადრეულ ბავშვობაში кукла-ს ნაცვლად тутла-ს ამბობდა. ამგვარ მოგონებებში გავატარე საათ-ნახევარი. მალე ქეთათო უნდა დაბრუნებულიყო. წამოვდექი და კვლავ იმ ოთახში შევედი, სადაც მძინარე ირაკ­ლი მეგულებოდა. იმავე პოზაში იწვა და ოთახიდან გასვლა დავაპირე. კართან ვიდექი. არც გავდიოდი და არც უკან ვიხედებოდი. ძალიან არ მინდოდა დამენახა ის თითქმის შეუმჩნეველი ცვლილება, რომელიც შევამჩნიე და არ შევიმჩნიე, ის ზარდამცემი, უსასრულოდ მცირე სხვა­ობა, ახლად მკვდარს ცოცხლისგან რომ განასხვავებს. რამდენ ხანს შემეძლო მეტყუებინა თავი... მივედი და იმავე ბეჭზე ხელი დავადე. არ სუნთქავდა. მერე მკერდს ჩავუყევი. მხოლოდ გულის სიახლოვეს აღმოვაჩინე პაწაწინა თბილი წერტილი. სასწრაფოს ექიმმა გარდაცვალება დაადასტურა. ქეთათო ჯერ კიდევ სტუდიაში იყო, იქ შევატყობინე და „რუსთავი 2“-მა ირაკლის სიკვდილის ამბავი breaking news-ის სახით გაუშვა ეთერში... ამას მოჰყვა სხვა ტელევიზიების სიუჟეტები, ათას­გვარი ვერსიებით და უწყვეტი ზარების ნაკადი ჩემს მობილურზე. ნანა მიღებული შოკისგან სიცოცხლის ბოლომდე სრულად ვერ გამოვიდა. მის გაუსაძლის ტკივილს ისიც ერთვოდა, რომ სახსრის მოტეხილობისა და ხელოვნურით ჩანაცვლების შემდეგ დამოუკიდებლად სიარული ჯერ არ შეეძლო. სულ ლოგინში იწვა და ტიროდა. ცრემლს მეც ვერ ვიკავებდი, განსაკუთრებით, როცა ვიხსენებდი ირაკლის სასაცილომდე არარეალურ ბიზნეს-პროექტებს, რომელთა განხორციელებით აპირებდა, გამდიდრებას თუ არა, საკუთარი ოჯახის შენახვას მაინც. ამგვარი იდეების გენერირებას მან მას შემდეგ უმატა, რაც გაჩნდა პატარა ნანა, მისი ერთ-ერთი ბოლო, და ბაბუა-ბებიების აზრით საუკეთესო ნაწარმოები. ჩემთვის დღესაც ორი ირაკლი არსებობს: ერთი – ჩემი და ნანას პირმშო. ის ჩემს მეხსიერებაში მარად ბავშვად დარჩება. სწორედ ამ ბავშვის – ირაკლის სიკვდილი განვიცადე ასე მწარედ 2006 წლის 24 თებერვალს. მეორე – მიამიტი და იმავდროულად უჩვეულო ნიჭით დაჯილდოებული შემოქმედი. ის არ მომკვდარა. „სათქმელი თქვა და უბრალოდ კარი გაიხურა“. სამძიმრის სათქმელად ჩვენს პეკინის 14-ის ბინაში, ნათესავებისა და ნაცნობ-მეგობრების გარდა, საქართველოში არსებული ყველა პოლიტიკური ძალის ხელმძღვანელები მოვიდნენ. სანდრა სააკაშვილი ყოველდღე ჩვენთან იყო და მწოლიარე ნანას საათობით ეჯდა. როცა სადარბაზოში შევარდნაძის დაცვის თანამშრომელი შევნიშნე, მივხვდი, რომ მალე ექს-პრეზიდენტი გამოჩნდებოდა. შევი გადამეხვია, გასვლისას კვლავ შეხედა ირაკლის და თავი დახარა, როგორც მაშინ, მამაჩემის პანაშვიდზე. ცოტა ხანი გავიდა და ოთახში მიშა სააკაშვილი შემოვიდა. მელაპარაკა. მერე დიდხანს ჩუმად იყო. რაღაცაზე ფიქრობდა. წასვლისას ასე მითხრა – „სამსახურში გამოსვლას ნუ იჩქარებ, მაგრამ როცა გამოხვალ, აუცილებლად მნახე“. მაშინ მე პრეზიდენტის თანაშემწე და პრესსპიკერი ვიყავი. დღის განმავლობაში ვეცნობოდი მსოფლიო მედიაში გამოქვეყნებულ ჩვენთვის საინტერესო მასალას და საღამოობით შეკუმშული სახით მიშას ვაცნობდი. კვირაში რამდენჯერმე ქართველ და თბილისში აკრიდიტებულ უცხოელ ჟურნალისტებს ვხვდებოდი და მიმდინარე პოლიტიკური მოვლენების ჩვენეულ ხედვას ვუზიარებდი. ტელევიზიებში კვლავინდებურად ხშირად ვჩნდებოდი. სახელმწიფო ბიუჯეტი მნიშვნელოვნად იყო გაზრდილი და მოხელეთა შრომის პირობები შეუდარებლად გაუმჯობესებული. მიშა ერთი კვირის თავზე ვნახე. ყოველგვარი შესავლის გარეშე მით­ხრა, რომ წინათაც ფიქრობდა და აზრი არც ახლა შეუცვლია: „საქარ­თველოს ინგლისში შენ უნდა წარმოადგენდე“. ეს სიახლე ნანას ტრაგედიამდე რომ გაეგონა, სახე გაუბრწყინდებოდა და მეგობრებს ტელეფონზე რეკვით აიკლებდა. ახლა კი მხოლოდ თავი დამიქნია და თვალები ცრემლით აევსო. ლონდონში სექტემბერში წავედით. თან შვილიშვილები – ანა და გაგა – წავიყვანეთ. პატარა ნანა ჯერ მართლაც პატარა იყო და ლონდონში ყოფნა არაფერს არგებდა. ჩამოვიდა, როცა სკოლის ასაკს მიაღწია. ლონდონმა თავისი ქნა. დიპლომატიურმა მიღებებმა, მკაცრი დრეს­­კოდის ნორმების აღსრულების აუცილებლობამ, ახლად შეძენილი ნაცნობების მრავალეროვნულმა წრემ ნანა თანდათან თვალში გამოახედა. და როცა, ბუკინგემის სასახლეში დედოფლისათვის რწმუნებათა სიგელების გადაცემის აღსანიშნავად გამართულ vin d’honneur-ზე მან შამპანურით სავსე ჭიქა ასწია, მის უძირო თვალებში პირველად ამ თვეების განმავლობაში მოციმციმე ვარსკვლავები დავინახე“. - წერს გელა ჩარკვიანი სოციალურ ... ...
  • „პირბადეს ვეღარ იშოვი, სადეზინფექციო ხსნარებს ფასი დაადეს“ _რას გვატყობინებენ იტალიიდან_პულიის რეგიონი ბარის პროვინციაში,  რომელიც მილანიდან, კორონავირუსის ეპიცენტრიდან ათასი კილომეტრის დაშორებით იმყოფება, ჯერ არანაირი პრევენციის ზომები არ მიუღიათ.  ჩემი გოგონა სკოლაში დადის, როგორც მშობელს,  მომივიდა შეტყობინება, რომ არ დავტოვო ლოკაციის  ადგილი.  ამ ეტაპზე  სხვა არანარი გაფრთხილება არ შემოსულა.  უნდა გითხრა  ისიც , რომ აფთიაქში   ვერ იშოვი პირბადეს. სადეზინფექციო  ხსნარები, რასაც „ამაზონი“ გვჩუქნიდა, ფასები დაადეს და სამი შეკვრა  90 ევრო ღირს.  ახლა აქ დღის პირველი საათია. ამ წუთებშიც შევედი აფთიაქში და პირბადე უკვე არ არის. მითხრეს, რომ დილით რაც მიიღეს, უკვე გაყიდულია, - გვატყობინებს ემიგრაციაში მყოფი ჩვენი მეგობარი ხათუნა შარაძე.  კორონავირუსი ფაქტიურად  ვრცელდება  იტალიაში და ეს სამწუხარო ამბავია. ხათუნა შარაძემ  ასევე გვითხრა, რომ იტალიაში საქართველოს საელჩოს ვებგვერდზე განთავსებულია განცხადება ,  კორონა ვირუსთან დაკავშირებით: „ შექმნილი მდგომარეობიდან გამომდინარე, საქართველოს საელჩო მოუწოდებს იტალიაში და განსაკუთრებით კი მის 5 რეგიონში (ლომბარდია, ვენეტო, პიემონტე, ემილია რომანია და ლაციო) მცხოვრებ და ტურისტული მიზნებით მყოფ საქართველოს მოქალაქეებს გაითვალისწინონ  იტალიის მთავრობის მიერ,  ვირუსის მართვისთვის აუცილებელი რჩევები და განკარგულებები, განსაკუთრებული საჭიროების გარდა თავი შეიკავონ საჯარო თავშეყრის ადგილებში სიარულისგან და დაიცვან ჰიგიენური წესები.“ ... ...

არქივი

ზაფრანი

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...