დაბზარული კედლები, დაზიანებული სახურავი _ ორმილიონნახევარიანი "დიდი შენაძენის" პრობლემები

მთავარი თემა

დაბზარული კედლები, დაზიანებული სახურავი _ ორმილიონნახევარიანი "დიდი შენაძენის" პრობლემები

2017 ივნ 20 12:03:34

„ჩოხატაურის კულტურის სახლის მშენებლობა დაგეგმილი იყო 70-იან წლებში, შემდეგ ის მიწასთან გაასწორეს და აქ არაფერი იგეგმებოდა. ეს არის ძალიან დიდი შენაძენი ჩოხატაურის რაიონისთვის, მთლიანად გურიისთვის და საქართველოსთვის, რადგან ჩვენთვის ძალიან მნიშვნელოვანია რაიონებში კულტურული ცხოვრების აღორძინება და განვითარება.

აქ ბავშვები ივლიან, იქნება წარმოდგენები, შესაძლებელია კინოფილმების ჩვენებაც. ასევე, ძალიან მნიშვნელოვანია, რომ ზაფხულის პერიოდში, აქედან წასული ოჯახები დაბრუნდნენ და იყოს სრული კულტურული ცხოვრება, ბავშვებს შესაძლებლობა ჰქონდეთ, ნახონ ფილმები, დაესწრონ წარმოდგენებს. ეს ძალიან მნიშვნელოვანია ადგილობრივებისთვის, რადგან შესაძლებელია, ბევრი წრე მოეწყოს, აქ იქნება ბავშვების განათლება კულტურის მიმართულებით და მინდა, ჩოხატაურელებს მივულოცო ეს დიდი შენაძენი", _ ეს განცხადება საქართველოს პრემიერ მინისტრმა გიორგი კვირიკაშვილმა გასული წლის 19 ნომებერს, ჩოხატაურში ხელოვნების სასახლის გახსნაზე გააკთეა.

 გახსნიდან რამდენიმე დღეში, შპს "ვექტორის" მიერ ორი მილიონ ოთხას ოთხმოცდაცხრამეტ ათას ლარად აშენებულ სასახლეში "გურია ნიუსმა" უამრავი ხარვეზი აღმოაჩინა.

ფანჯრები, რომლებიც არ იღება, ვენტილაცია მხოლოდ ფოიესა და დარბაზში; "თაგვების საპატივცემულოდ" დატოვებული საჰაერო კარებსა და იატაკს შორის _ რომ არაფერი ვთქვა იმაზე, რომ შენობას არც საგრიმიორო აქვს, არც გასახდელი და არც სარეპეტიციო დარბაზი.

აქ მომუშავეთა პროტესტი თავიდანვე გამოიწვია ვერანდებმა, სადაც მოსახვედრად ე. წ. კარს უნდა გადაახტნენ. კარს _ პირობითად, რადგან რეალურად ფანჯრის რაფაა, რომლის სიმაღლე 50 სანტიმეტრს აღწევს. თუ გადახვედით, იქ მხოლოდ ორმეტრიანი კედლები დაგხვდებათ _ შესაბამისად, ჩოხატაურის ხედებით დატკბობას ვერ მოახერხებთ. შენობას ვერანდები უკანა მხარესაც აქვს, სადაც მხოლოდ ხელოვნების სასახლის დირექტორის ოთახის გავლის შემდეგ მოხვდებით. თუ არ გაგიმართლათ და ვერანდაზე გასული ვერავინ დაგინახათ, გამოსვლას იმ უბრალოდ მიზეზით ვეღარ შეძლებთ, რომ კარი შიგნიდან იკეტება, ხოლო გარე მხარეს სახელური არ აქვს. სამაგიეროდ, აქვს ღია "ჟოლობი" _ სახურავიდან ჩამოსული წყალი პირდაპირ ვერანდაზე ჩამოდის (მილის გარეშე), რომელიც შემდგომ კედლის ბოლოში გაკეთებული "ნახვრეტით" ეზოში გადის, სადაც ასევე არ არსებობს სანიაღვრე არხები და წყალი ეზოში დგება.

მიუხედავად იმისა, რომ მშენებლებმა ამ ყველაფრის გამოსწორების პირობა დადეს და ინსპექტირების ჯგუფმაც შესაბამისი რეაგირება დაანონსა, გაირკვა, რომ პრობლემებმა მოკლების ნაცვლად, იმატეს _ შენობაში წყალი ჩადის, დაზიანებულია ფასადი, შიდა კედლებს უკვე ბზარი აქვს. ვერანდებზე არსებული თუნუქი უკვე დაჟანგულია და იატაკის კერამიკული ფილებიც ბევრ ადგილზეა გატეხილი. დარბაზში არსებულ სკამებზე ნუმერაცია ჩამოცვენილია.

როგორც ხელოვნების სასახლის დირექტორმა თემურ კოროშინაძემ გვითხრა, ყველა ხარვეზი დასურათებულია და მშენებელ კომპანიას გაეგზავნა, რომელსაც ვალდებულება აქვს 2 წლის განმავლობაში ყველა პრობლემა გამოასწოროს.

თუმცა, ეს პრობლემები დღეს არ დაწყებულა და შესაბამისად, ყოველდღე მატულობს

როგორც კულტურის ცენტრის  სამეურნეო ნაწილის გამგე ტარიელ ცენტერაძე ამბობს, შენობაში წყალი უკვე აღარ ჩამოდის, რადგან დაზიანებული სახურავი პირადად შეაკეთა.

_ რამდენიმე დღის წინ ვიყავი ბათუმში. შევხდი კომპანიის ხელმძღვანელს, გადავეცი ფოტოები, რომლებზეც ყველა ხარვეზია აღბეჭდილი და მითხრეს, რომ მალე ყველაფერი მოგვარდება, _ აღნიშნავს ჩვენთან საუბრისას ცენტერაძე.

ცენტერაძისთვის უცნობია, როდის იქნება ეს “მალე“.  კონკრეტულ თარიღს ვერც ჩოხატაურის მუნიციპალიტეტის გამგებელი ირაკლი კუჭავა გვისახელებს, რომელიც “გურია ნიუსის“ ვებგვერდზე გამოქვეყნებულ ფოტოზეც აკეთებს კომენტარს, რომელზეც სახურავიდან ჩამოსული წყლისგან გაფუჭებული ოთახის ჭერი კარგად ჩანს:

ხელოვნების სასახლეში წყალი არ ჩამოდის. ექსპლუატაციაში შესვლის შემდეგ, წყალმა სახურავიდან მართლაც გამოჟონა, მაგრამ ეს ხარვეზი მშენებელი კომპანიის მიერ აღმოიფხვრა, თუმცა აღნიშნულმა გამოიწვია თქვენს ფოტოზე აღბეჭდილი დაზიანებები, რომელთა აღმოფხვრა კომპანიის ვალდებულებაა და შეასრულებს კიდეც. არშესრულების შემთხვევაში, ამოქმედდება საჯარიმო სანქციები. იმედია, აქამდე საქმე არ მივა. ამ განცხადების საფუძველს არა მხოლოდ სახელშეკრულებო პირობებით გათვალისწინებული ვალდებულებები მაძლევს, არამედ კომპანიის ხელმძღვანელების განწყობაც, რომლებსაც რამდენიმე დღის წინ ვესაუბრე,” _ გვითხრა კუჭავამ.

_ ბატონო ირაკლი, ეს პრობლემები ხომ ერთი დღის არ არის?! როგორც ხელოვნების სასახლის თანამშრომლებმა გვითხრეს, ხარვეზების ამსახველი ფოტოები პირადად ჩაუტანეს მშენებელი კომპანიის ხელმძღვანელს. რატომ არ მიწერეთ ამის შესახებ ოფიციალურად კომპანიას და დაზიანებული სახურავი კულტურის ცენტრის თანამშრომელმა რატომ შეაკეთა?

_ ვინ შეაკეთა, იქნებ დაგვიკონკრეტოთ...

_ ტარიელ ცენტერაძემ ჩვენთან საუბრისას აღნიშნა, რომ მან შეაკეთა... უფრო მეტიც, მან პირადად ჩაიტანა ფოტოები ბათუმში. კანონი სხვა რამეს ითვალისწინებს.

 _ ცენტერაძე მშენებლობის ზედამხედველი იყო და აქედან გამომდინარე, როგორც ჩანს, კომპანიასთან მოილაპარაკეს.

_  რას ნიშნავს მოილაპარაკეს? ის კულტურის ცენტრის თანამშრომელია, გამგეობა უხდის ხელფასს და კომპანიის გაფუჭებული საქმე მას რატომ ეხება?

იმას ნიშნავს, რომ, ალბათ, კომპანიამ დაიქირავა და გასამრჯელო გადაუხადა ანდა ენთუზიაზმით შეასრულა. ჩვენ კომპანიასთან გვაქვს საქმე და არა კულტურის ცენტრის თანამშრომლებთან.

_ საქმეს მაგაშია… რატომ არ თხოვთ კომპანიას  ხარვეზების დროულად გამოსწორებას, ვალდებულებების შესრულებას კანონის შესაბამისად?

_  კიდევ გიმეორებთ, რომ კომპანიასთან შესაბამისს სამსახურებს აქვს კომუნიკაცია და ხარვეზები აღმოიფხვრება. წინააღმდეგ შემთხვევაში, ამოქმედდება ხელშეკრულებით გათვალისწინებული სანქციები. მინდა ყველამ იცოდეს, რომ ხელოვნების სასახლე შეუფერხებლად ფუნქციონირებს და ალამაზებს ჩვენს მუნიციპალიტეტს.

 ჩოხატაურის მუნიციპალიტეტის გამგებლისგან განსხვავებით, შპს “ვექტორის“ ხელმძღვანელი სოსო მამულაშვილი ამბობს, რომ მან პრობლემების შესახებ არაფერი იცის და აღნიშნავს, რომ არ არის ვალდებული კითხვებზე  პასუხი გაგვცეს:

_ ბატონო სოსო, თქვენ მიერ რამდენიმე თვის წინ აშენებულ შენობაში წყალი ჩავიდა, კედლებიდან ბათქაშები უკვე ცვივა. თუნუქი დაჟანგულია... ხარვეზების გამოსწორებას კულტურის ცენტრის თანამშრომელი ცდილობს და არ თქვენ. რითი დაიმსახურეთ ასეთი სასათბურე პირობები?

_ არ ვიცი, არ ვარ საქმის კურსში.

_ თქვენთვის ხარვეზების შესახებ ინფორმაცია არავის მოუწოდებია?

_ დეფექტები რომ არის კი ვიცი, მაგრამ ვინ აკეთებს არ ვარ საქმის კურსში.

_ თუ იცით, რომ დეფექტებია,  რატომ არ ასწორებთ? რატომ არ ასრულებთ ვალდებულებებს?

_ ვაკეთებთ. „ფოკუზნიკი“ ხომ არ ვარ, ერთ დღეში გავაკეთო?!!

_ პრობლემები რამდენიმე დღის კი არა, რამდენიმე თვისაა...

_ ცოტა ლოგიკა ჩამოგეყალიბებინათ.

_ ჩვენი ლოგიკის დაწუნებას, კითხვებზე პასუხი გაგვცეთ არ ჯობს?

_ რას ნიშნავს არ ვაკეთებ, ხელი ავიქნიო და “ფოკუზი“ იქნება?

_ ბატონო სოსო,  წყალი რამდენიმე თვის წინ ჩამოვიდა.

_ წყალი რომ ჩამოვიდა, გაკეთებულია.

_ თუმცა, ეს თქვენ არ გაგიკეთებიათ _ სამუშაო შეასრულა ადამიანმა, რომელიც კულტურის ცენტრში მუშაობს და რომელსაც ბიუჯეტიდან ვუხდით ხელფასს. არადა, ამის გაკეთების ვალდებულება თქვენ გაქვთ...

_ რაებს ლაპარაკობთ, საერთოდ აზრზე ხართ?

_ აზრზე რომ ვართ, იმიტომაც გისვამთ შეკითხვებს...

_ კითხვები დაუსვით იმას.... _ გვითხრა მამულაშვილმა და ტელეფონი გაგვითიშა.

ამ საუბრიდან რამდენიმე წუთში კი ისევ დაგვიკავშირდა:

_ თქვენ გგონიათ, ვისაც კითხვებს დაუსვამთ, ყველამ აუცილებლად უნდა გაგცეთ პასუხი? _ კითხვა დასვა მამულაშვილმა და ჭკუის დარიგებასაც არ მოერიდა.

_ ბატონო სოსო, საუბარია ორ მილიონნახევარ ლარზე,  ხალხის ფულზე და ჩვენ ვალდებულები ვართ გავარკვიოთ, როგორ დაიხარჯა ეს ფული..

_ ააა, ეს მართლა თქვენი ფულია?! იცით, ჩემი პირადი ფული რამდენია დახარჯული?!

 _ რას ნიშნავს თქვენი პირადი ფული? „ატკატზე“ საუბრობთ?!

_  ვერ ხართ თქვენ თქვენს “მატორზე“, _ ჩვეულ „ტაქტიკას“ მიმართა მშენებელმა და ტელეფონი ისევ გათიშა.

 ამ ყველაფერთან ერთად, აღსანიშნავია კიდევ ერთი დეტალი _ ჩოხატაურის მუნიციპალიტეტის გამგეობის მიღება-ჩაბარების კომისიამ გასულ წელს ეს შენობა ექსპერტიზის დასკვნის შემდეგ ჩაიბარა.

ჯერ კიდევ გასულ წელს, ტენდერში გამარჯვებული შპს "საქართველოს ექსპერტთა კოლეგიის“ ექპერტები ჩვენთან საუბრისას ამბობდნენ, რომ მშენებლობის დროს  მნიშვნელოვანი ხარვეზები აღმოაჩინეს და შესაბამისად, მშენებელს თანხაც _ დაახლოებით 50 000 ლარიც დააკლეს:

_ მშენებელს არ ჰქონდა ის სამუშაო შესრულებული, რაც მითითებული იყო და ამიტომ დააკლდა თანხა. ჩვენ თითქმის 1 თვის განმავლობაში ვმუშაობდით მანდ და იმ ხნის განმავლობაში ბევრი ხარვეზი გამოსწორდა ჩვენი მითითებით. რაც არ გამოსწორდა, იმაზე თანხა დააკლდათ, _ ამბობდა  ჩვენთან საუბრისას კომპანიის ხელმძღვანელი გოჩა გუბელაძე.

თუმცა, ჩაბარებიდან რამდენიმე თვეში ფაქტები ცხადყოფს, რომ პრობლემები იმაზე მეტია, ვიდრე ჩანს. პირველ რიგში კი ის, რომ კანონი ყველასთვის არ კანონობს და  შპს „ვექტორს“ სასათბურე  პირობებს უქმნიან, რომლითაც ხელოვნების სასახლის თანამშრომელთა აზრით, შესაბამისი უწყებები უნდა დაინტერესდნენ.

 

 




 ახალი ამბები
  • "ლაჩარი, არარაობა" - ეკა ბესელია ვანო ზარდიაშვილს პასუხობსეკა ბესელია ვანო ზარდიაშვილის მიერ ცოტა ხნის წინ გაკეთებულ იმ განცხადებას ეხმაურება, სადაც ოცნების დეპუტატი ამბობს, რომ ბესელია ე.წ. ვირთხაა, რომელსაც ნოდარ მელაძესთან "ოცნებიდან" ინფორმაცია გაჰქონდა. საპარლამენტო უმრავლესობის ყოფილმა წევრმა „ქართული ოცნების“ დეპუტატს ლაჩარი და არარაობა უწოდა. ბესელია ბიძინა ურჩევს, რომ თუ მას ვანო ზარდიაშვილის მსგავსი სპიკერები სჭირდება, მის მოთმინებას ნუ გამოცდის. „ოცნებიდან“ წასული დეპუტატი ამბობს, რომ მისი პირადი ცხოვრების კადრების გავრცელების საქმეზე მას ახლა უფრო მეტი კითხვა აქვს, ვიდრე აქამდე ... ...
  • "ზარდიაშვილმა, დღეს აღიარა ჩემი ფარული მიყურადების ფაქტი" - მელაძე "რუსთავი 2"-ის საინფორმაციო სამსახურის ხელმძღვანელი ნოდარ მელაძე, ვანო ზარდიაშვილის მიერ გავრცელებულ განცხადებას ბესელიაზე "ფეისბუქის" გვერდზე ეხმაურება. "დეპუტატ ვანო ზარდიაშვილის თქმით, ჩემი, "რუსთავი 2'-ის საინფორმაციო სამსახურის უფროსის წყარო იყო ეკა ბესელია, რომელიც ახდენდა ჩემს ინფორმირებას იმ სკანდალურ თემებთან დაკავშირებით, რომელიც "კურიერისთვის" მომზადდა, მათ შორის "ქართული ოცნების" დეპუტატების ბიზნესინტერესებსა და შესაძლო კორუფციულ გარიგებებზე. ამ ინტერვიუთი დგინდება. 1.ჩემი, როგორც საინფორმაციო სამსახურის უფროსის საქმიანობის გამო, მმართველი პარტია ახორციელებს, ჩემს უკანონო ფარულ მიყურადებას, იმის დასადგენად, თუ საიდან ხდება ინფორმაციის მოპოვება. 2. იმის გამო, რომ ჩემი სატელეფონო მოსმენების ან სხვა სახის ფარული მიყურადების შესახებ ვერ იქნებოდა გაცემული სასამართლოს სანქცია, იმიტომ, რომ არასდროს!!! ჩემი სახელი არ ფიგურირებდა არც ერთ სისხლის სამართლის საქმეში, ხდება უკანონო ფარული მიყურადება. 3. ფარული მოსმენას ახორციელებს სახელმწიფო უსაფრთხოების სამსახური, შესაბამისად, დგინდება, რომ სუს-ი მისმენს უკანონოდ და საუბრის შინაარსის შესახებ ხდება მმართველი პარტიის დეპუტატების ინფორმირება. მივმართავ არასამთავრობო ორგანიზაციებსა და სახალხო დამცველს, მოახდინონ შესაბამისი რეაგირება, დეპუტატის განცხადებაზე, რომელმაც დღეს, პრაქტიკულად, აღიარა "რუსთავი 2"-ის საინფორმაციო სამსახურის უფროსის ფარული მიყურადების ფაქტი. პ.ს. ანუ ეთერში 100% სიზუსტით ვყვებოდით ყველაფერს, რომ ამტკიცებდით იგონებთო", _ წერს ... ...
  • ევროსასამართლოს გადაწყვეტილების აღსრულება - პაატა სალია განმარტებებს აკეთებსსტრასბურგის სასამართლოს მიერ მიღებული გადაწყვეტილებასთან დაკავშირებით, განმარტებები გააკეთა „რუსთავი 2“-ის გენერალურმა დირექტორმა. სალიას განცხადებით,  იუსტიციის სახლს, არანაირი საფუძველი არ ჰქონია იმისათვის, რომ არ აღესრულებინა ევროსასამართლოს გადაწყვეტილება. სალია ამბობს, რომ განცხადებები, თითქოს იუსტიციის სამინისტროს სამი თვის ვადაში არ შეეძლო აღესრულებინა ევროსასამართლოს გადაწყვეტილება, სპეკულაციურია. "პირველ რიგში, შეგახსენებთ იმას, რომ სტრასბურგის სასამართლომ მიიღო გადაწყვეტილება, რომლითაც სამაუწყებლო კომპანია "რუსთავი 2"-ის სარჩელი და სამაუწყებლო კომპანია "რუსთავი 2"-ის იმდროინდელი რეგისტრირებული მესაკუთრეების, ყარამანიშვილების და ტელეკომპანია საქართველოს სარჩელები არ დაკმაყოფილდა. ცალკე აღნიშვნის ღირსია და ეს არის მნიშვნელოვანი დღევანდელი განმარტების, რომ "რუსთავი 2"-ის სარჩელი, რომელზე დაკავშირებითაც იქნა გამოყენებული უზრუნველყოფის ღონისძიება, შეგახსენებთ, ყველას, რომ ეს უზრუნველყოფის ღონისძიება გამოყენებულ იქნა იმ საფრთხის თავიდან ასაცილებლად, რის თაობაზეც ძალიან ბევრი სპეკულაცია მოვისმინეთ თავის დროზე და ეს საფრთხე იყო თითქოს არხი შეიძლება დახურულიყო და არსებობდა გამოხატვის თავისუფლების, სიტყვის თავისუფლების საფრთხე. სასამართლო გადაწყვეტილებით დადასტურდა და გამოირიცხა ამგვარი საფრთხის არსებობდა. მართალია, უპრეცენდენტო ღონისძიება იქნა გამოყენებული თავის დროზე სასამართლოს მიერ, ვგულისხმობ სტრასბურგის სასამართლოს, თუმცა, მოგეხსენებათ ალბათ, რომ დროებითი ღონისძიების გამოყენებისას მტკიცების სტანდარტი უფრო ნაკლებია, ვიდრე საქმის დასაშვებობის ან არსებითი განხილვისას. შესაბამისად, განიხილა რა, "რუსთავი 2"-ის სარჩელის დასაშვებობა სასამართლომ, მიიჩნია, რომ ეს სარჩელი არ არის დასაშვები. სასამართლომ ასევე, გადაწყვეტილებაში, სადაც შავით თეთრზე წერია, მიუთითა, რომ უნდა გაუქმდეს ის დროებითი ღონისძიება, რომელიც იყო ერთადერთი დამაბრკოლებელი გარემოება საქართველოში მიღებული გადაწყვეტილების დასარეგისტრირებლად და ქიბარ ხალვაშის ამ კომპანიის მესაკუთრედ აღრიცხვასთან დაკავშირებით. არსებობს ასევე, მიღებული წერილი იუსტიციის სამინისტროს მიერ, რომელიც მან გაასაჯაროვა, სადაც ცალსახად არის მითითებული, რომ ეს დროებითი ღონისძიება გაუქმდა. შესაბამისად, ყველანაირი სპეკულაცია ამასთან დაკავშირებით არის ყოველგვარ საფუძველს მოკლებული, ჩვენი მოქმედება პირველ რიგში, ქიბარ ხალვაშის და მისი წარმომადგენლის მოქმედება, წარგვედგინა უზენაესი სასამართლოს კანონიერ ძალაში შესული გადაწყვეტილება იუსტიციის სახლში, იყო აბსოლუტურად სწორი და კანონიერი. ვერცერთი ის პირი, ვინც დღეს კომენტარები გააკეთა, ვერ მიუთითებს იმაზე, რომ რომელიმე საკანონმდებლო ნორმის დარღვევა მოხდა ამ კუთხით. ამიტომ, ძალიან ვთხოვ ყველას, თავი შეიკავონ დაუსაბუთებელი განცხადებებისგან, თავი შეიკავონ ისეთი განცხადებებისგან, რომელმაც შეიძლება არხის ინტერესებს ზიანი მიაყენოს", _ განაცხადა პაატა ... ...
  • "ეკა ბესელია იყო მელაძესთან მიბმული ვირთხა, რომელსაც გაჰქონდა ინფორმაციები" _ ზარდიაშვილი"დასტურდება, რომ ეკა ბესელია იყო ნოდარ მელაძესთან მიბმული ე.წ. ვირთხა, რომელსაც გააქვს ხოლმე შიგნიდან ინფორმაციები", _ ამის შესახებ ოცნების დეპუტატმა ვანო ზარდიაშვილმა განაცხადა. ზარდიაშვილის თქმით, ბესელიას საბოლოოდ ჩამოეხსნა ნიღაბი. „ის ინფორმაციების გაჟონვა, რომელიც "ქართულ ოცნებაში" ხდებოდა ხოლმე უკვე დადგენილია. ჩემი აზრით, უკვე უდავოა ეს ფაქტი. ეს იყო ეკა ბესელია. მას ჰქონდა პირდაპირი კავშირი ნოდარ მელაძესთან, რომლის მეშვეობითაც ჟონავდა ხოლმე უმრავლესობის სხდომებიდან ინფორმაცია. ამის დამადასტურებლად მე გეტყვით ერთ ფაქტს. იმ ცნობილი უმრავლესობის სხდომიდან, სადაც ეკა ბესელიასთან მიმართებაში დაისვა კორუფციასთან მის სიახლოვესთან კითხვები, რატომღაც იმ უმრავლესობის სხდომაზე ამ ინფორმაციას არ გაუჟონია. მხოლოდ და მხოლოდ გამოვიდა ის ინფორმაცია, რომ ვითომ ირაკლი კობახიძემ მოუხადა ეკა ბესელიას ბოდიში. არადა იმ შეხვედრაზე ჩვენმა ერთ-ერთმა კოლეგამ ბესელიას, კორუფციულ საკითხებთან დაკავშირებით დაუსვა კითხვა. რატომღაც ამ ინფორმაციამ არ გაჟონა. შესაბამისად, არ აწყობდა ეკა ბესელიას ამ ინფორმაციის გაჟონვა და უკვე ნათელია, რომ აქამდეც ყველა ინფორმაცია უმრავლესობის სხდომიდან და მიმდინარე პროცესებიდან გაჰქონდა ეკა ბესელიას. ნოდარ მელაძის საშუალებით. "რუსთავი 2"-მა იცოდა შიდა მიმდინარე პროცესები და ყველაფერი ჟონავდა. დასტურდება, რომ ეკა ბესელია იყო ნოდარ მელაძესთან მიბმული ე.წ. ვირთხა, რომელსაც გააქვს ხოლმე შიგნიდან ინფორმაციები. საბოლოო ჯამში, ნიღაბი ჩამოეხსნა ამ ქალბატონს, რომელიც როგორც გუნდის შიგნით, ასევე გუნდის გარეთ მხოლოდ კორუფციული ინტერესებიდან მოქმედებს და მას სხვა ინტერესი არ გააჩნია. მან ქვეცნობიერად ვერც კი გაიგო, თავის პარტიის ფერად აირჩია დოლარის ფერი და ასე ეხვეწება თემიდას, რომ იქნებ ფული აშოვნინოს, მაგრამ ვერ მიიღებს ეკა ბესელია სასამართლოდან ფულის შოვნას. მისი სახე არის ნათელი“, _ განაცხადა ვანო ... ...
  • "მეტი სერიოზულობაა საჭირო, ვიდრე ასეთი სატყუარების გადაგდება" _ ბესელია შსს-ს ინფორმაციაზედეპუტატმა ეკა ბესელიამ შსს-ში ცოტა ხნის წინ გამართულ ბრიფინგზე გაჟღერებული ინფორმაციის შესახებ კომენტარი გააკეთა. ბესელიას თქმით, მეტი სერიოზულობაა საჭირო, ვიდრე ასეთი სატყუარების გადაგდება, სომხეთის ციხეში მყოფი ამ პატიმრის თაობაზე რამდენიმე თვეა, ვიცოდით „მგონი ცოტა მეტი სერიოზულობაა საჭირო, ვიდრე ასეთი სატყუარების გადაგდება, რადგან სომხეთის ციხეში მყოფი ამ პატიმრის თაობაზე რამდენიმე თვეა, ვიცოდით. მახსოვს, „რუსთავი 2“-ის ეთერში გავიდა ინტერვიუ სწორედ ამ პატიმართან, რომელიც ძალიან უცნაურ რაღაცებს ამბობდა. არ ვიმეორებ იმ ფრაზებს, რაც მაშინ თქვა, რასაც და ვისაც ასახელებდა. მაშინ ეს არავინ ჩათვალა სერიოზულად. ამ პატიმრის თაობაზე ცნობილია რამდენიმე თვეა, აქამდე მაშინ რატომ არ იყო მისთვის ბრალი წარდგენილი? როცა საგამოძიებო მასალებს გავეცანი, ვიკითხე, დაკითხული იყო თუ არა ეს პატიმარი, მითხრეს, რომ ელოდებოდნენ სომხეთიდან მასალებს, რომ ჩვენი გამომძიებელი არ შეუშვეს და მას არ მისცეს უფლება, დაეკითხათ ეს პატიმარი, რაც ასევე უცნაურია, რატომ არ მისცეს ამის უფლება საქართველოს მხრიდან გამომძიებელსა და პროკურორს. რამდენიმე დღის წინ კიდევ გადავამოწმე იყო თუ არა სომხეთიდან რაიმე ინფორმაცია ამ პატიმართან დაკავშირებით და პროკურატურამ მითხრა, რომ ეს პატიმარი ჩვენებას არ იძლეოდა. მთავარი კითხვა დავსვი, იყო თუ არა ეს პირველი წყარო, საიდანაც მოხდა ამ უკანონო ქმედების განხორციელება და მითხრეს, რომ ეს არ არის პირველი წყარო და რომ პირველწყაროს ვერ ადგენდნენ. ყველაფერი, რაც ჩამოვთვალე, ეს იძლევა საფუძველს, რომ ეს ინფორმაცია სერიოზულად მივიღოთ? მე ახალი არაფერი მომისმენია პირადად. ამ პატიმრის თაობაზე ვიცოდი. გამოძიებასთან მაქვს კითხვა, ამდენი თვის განმავლობაში ბრალი რატომ არ ჰქონდა წარდგენილი, თუ ადასტურებდა ეს ადამიანი, რომ მან უკანონოდ გაავრცელა“, – განაცხადა ეკა ბესელიამ. შეგახსენებთ, რომ შსს-მ გამოავლინა და პასუხისგებაში მისცა პირი, რომელმაც დეპუტატის პირადი ცხოვრების ამსახველი კადრები საჯარო სივრცეში პირველმა ატვირთა და გაავრცელა. შსს-ში აცხადებენ, რომ ვიდეოჩანაწერი 2019 წლის იანვრარში მკვლელობისთვის ამჟამადაც პატიმრობაში მყოფმა საქართველოს მოქალაქემ დ.ა.-მ ინტერნეტით გაავრცელა სომხეთის ... ...

არქივი

ზაფრანი

რა თანხას ითხოვენ ვარსკვლავები ავტოგრაფის სანაცვლოდ

ბრიტანულმა გამოცემამ "Daily Mail" ვარსკვლავების...

„დაწყევლილი” ნახატები

1) სვეტლანა ტელეცის - “წვიმის...

ანჯელინა ჯოლის ბრძოლა სიგამხდრესთან

ჟურნალ "ვოგის" ცნობით 44 წლის...

საუკეთესო საყვარლები ესპანელი მამაკაცები ყოფილან

სხვადასხვა ქვეყნის 15 ათასი ქალის...

ქალებს მამაკაცებში ინტელექტი და ცნობადობა იზიდავთ

ცოტა ხნის წინ რამდენიმე ევროპულმა...
კარმიდამო ჩემი

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...