დაუხარჯავი 7 მილიონი და ციფრები, რომლებიც ადასტურებს, რომ უმრავლესობის ლიდერს ატყუებენ

მთავარი თემა

დაუხარჯავი 7 მილიონი და ციფრები, რომლებიც ადასტურებს, რომ უმრავლესობის ლიდერს ატყუებენ

2019 მაი 7 14:45:44

"ევროპული საქართველოს" წევრმა, სერგო რატიანმა, 30 აპრილს, საქართველოს პარლამენტის ტრიბუნიდან, მუნიციპალიტეტების საქმიანობაზე ისაუბრა და აღნიშნა, რომ თვითმმართველობები ბიუჯეტის ხარჯვას ვერ ახერხებენ.

რამდენიმე მუნიციპალიტეტის ჩამონათვალში, ოზურგეთიც მოხვდა:

 "ძალიან დიდი ნაშთები დარჩათ მუნიციპალიტეტებს. ოზურგეთში, განსაკუთრებით დიდია ეს თანხა _ 7 მილიონზე მეტი ვერ დაიხარჯა და, ფაქტობრივად, ჩაიშალა ტენდერები. ვერ წარმომიდგენია, რას აკეთებენ აქ მაჟორიტარი დეპუტატები, რომლებიც უნდა ფიქრობდნენ და ლობირებდნენ იმას, რომ მეტი თანხა მოიზიდონ საკუთარ საარჩევნო ოლქებში, რამე გაკეთდეს და ამ დროს 7 მილიონი რჩება დაუხარჯავი. ეს ინფორმაცია კობა ზაქარეიშვილმა ("ევროპული საქართველოს" მაჟორიტარობის კანდიდატი. ავტ.) მოგვაწოდა. მიხეილ გოგოტიშვილი (პარტიის ადგილობრივი ორგანიზაციის ლიდერი. ავტ.) საუბრობს ასევე, იმაზე, რომ თუ ეს თანხა 2018 წელს იყო 7 მილიონი, 2017 წელს იყო 4 მილიონი. ტრადიციაა _ როცა ტენდერები იშლება, გაუხარჯავია თანხები. ამის სანაცვლოდ მიხეილ გოგოტიშვილი სთავაზობდა "ქართულ ოცნებას" და საკრებულოს, 30 ლარით გაეზარდათ პენსიები ადგილობრივი მცხოვრებლებისთვის. ეს იყო შესაძლებელი და, რასაკვირველია, ეს არ მოხდა", _ განაცხადა სერგო რატიანმა.

მის ამ განცხადებას განცხადებითვე უპასუხა ოზურგეთის მაჟორიტარმა დეპუტატმა, უმრავლესობის ლიდერმა არჩილ თალაკვაძემ:

"ახლა ვარკვევთ, ვინ ჩაიყვანა ოზურგეთში სერგო რატიანი და ვინ შეიყვანა ეს წესიერი ადამიანი შეცდომაში, რადგან, რაც მან თქვა ოზურგეთის მუნიციპალიტეტზე, დეზინფორმაცია იყო", _ თქვა თალაკვაძემ.

მისივე თქმით, რეალურად, როგორც მუნიციპალური ბიუჯეტის, ასევე, რეგიონული განვითარების ფონდიდან გამოყოფილი თანხების ათვისების და პროექტების გახორციელების მხრივ, ოზურგეთის მუნიციპალიტეტი ერთ-ერთი საუკეთესოა:

"აღსანიშნავია ისიც, რომ 2019 წელს საქართველოს რეგიონებში გასახორციელებელი პროექტების ფონდიდან დასაფინანსებელი ლიმიტით განსაზღვრული პროექტების დაკონტრაქტების გეგმა 100%-ით შესრულდა, გამომდინარე აქედან, წელს ოზურგეთი საქართველოს მთავრობისგან სხვა ინფრასტრუქტურული პროექტების გასახორციელებლად დამატებით თანხებს მიიღებს. ოზურგეთის მუნიციპალიტეტმა 2018 წელსაც რეგიონული განვითარების ფონდიდან გამოყოფილი თანხებიც სრულად აითვისა", _ განაცხადა ოზურგეთის მაჟორიტარმა დეპუტატმა.

სანამ თალაკვაძე იმას გაარკვევდა, "ვინ შეიყვანა შეცდომაში" სერგო რატიანი, ამ უკანასკნელმა თალაკვაძეს და საზოგადოებას, კონკრეტული ციფრები წარუდგინა, რომელიც მოწმობს, რომ შეცდომაში არა "ევროპული საქართველოს" წევრი, არამედ, უმრავლესობის ლიდერი შეიყვანა ვიღაცამ.

"ჩემს განცხადებას ოზურგეთის მუნიციპალიტეტის წარმომადგენელმა და პარლამენტის წევრმა არჩილ თალაკვაძემ უპასუხეს _ თითქოსდა, ჩემმა მეგობრებმა შეცდომაში შემიყვანეს.

ფაქტების კიდევ ერთხელ გადამოწმების შემდეგ, მინდა მივაწოდო საზოგადოებას ინფორმაცია: ოზურგეთის საკრებულოს მუნიციპალიტეტის 2019 წლის 13 მარტის #8 დადგენილებით: ოზურგეთის მუნიციპალიტეტის საბიუჯეტო სახსრების ნაშთმა 2019 წლის 1 იანვრის მდგომარეობით შეადგინა 7 409 887,7 ლარი. მათ შორის: საკუთარი ნაშთი _ 5 021 666,80 ლარი; ევროკავშირის გრანტის ნაშთი _ 41 295,79 ლარი; მიზნობრივი ტრანსფერის ნაშთი _ 20 454,78 ლარი; საქართველოს მთავრობის #1993 განკარგულება (29.10.2018 წ.) _ 263 086,77 ლარი; საქართველოს მთავრობის #957 (03.05.2018 წ) განკარგულება (სტიქია) _ 1 051 755,14 ლარი; საქართველოს მთავრობის #2168 (09.11.2018 წ) განკარგულება (სტიქია) _ 459 695, 28 ლარი; საქართველოს მთავრობის #1525 (21.07.2017 წ) განკარგულება (სტიქია) _ 158 717,71 ლარი; საქართველოს მთავრობის #840 (19.04.2018 წ.) განკარგულება (სტიქია) _ 41 440,95 ლარი; საქართველოს მთავრობის #265 (19.02.2016 წ.) განკარგულება (სოფლის პროექტები) _ 5 096,93 ლარი; საქართველოს მთავრობის #136 (18.01.2018 წ.) განკარგულება (რეგიონული პროექტები) – 346 677,55 ლარი.

განსაკუთრებით შემაშფოთებელია, რომ არ არის გახარჯული და, შესაბამისად, 2018 წელს არ შესრულდა სტიქიით დაზარალებულთა მიმართ ვალდებულებები; სკოლების სარეაბილიტაციო სამუშაოები; არ მოხდა ევროკავშირის გრანტის თანხის ათვისება.

ამასთან, ოზურგეთის მუნიციპალიტეტის 2018 წლის ბიუჯეტის შესრულების ანგარიშში ვკითხულობთ: წარმომადგენლობითი და აღმასრულებელი ორგანოების დაფინანსება (გეგმა _ 4 864,3 ათ. ლარი, შესრულება _ 4 705,0 ათ. ლარი, გეგმის 96,72 %); თავდაცვა, საზოგადოებრივი წესრიგი და უსაფრთხოება (გეგმა _ 148,0 ათ. ლარი, შესრულება _ 148,0 ათ. ლარი, გეგმის 100 %);  ინფრასტრუქტურის მშენებლობა, რეაბილიტაცია და ექსპლუატაცია (გეგმა _ 20 509,8 ათ. ლარი, შესრულება _ 15945,2 ათ. ლარი, გეგმის 77,74 %); განათლება (გეგმა _ 3 988,1 ათ. ლარი, შესრულება _ 3 688,6 ათ. ლარი, გეგმის 92,49 %); კულტურა, რელიგია, ახალგაზრდული და სპორტული ღონისძიებები (გეგმა _ 3 674,6 ათ. ლარი, შესრულება _ 3 474,0 ათ. ლარი, გეგმის 94,54 %); მოსახლეობის ჯანმრთელობის დაცვა და სოციალური უზრუნველყოფა (გეგმა 1 615,0 ათ. ლარი, შესრულება _ 1 410,8 ათ. ლარი, გეგმის 87,4%).

აქედან ცხადად ჩანს, რომ 4 564 600 ლარი დააკლდა ინფრასტრუქტურულ პროექტებს", _ აღნიშნულია სერგო რატიანის მიერ გავრცელებულ განცხადებაში, სადაც დეპუტატი, ასევე აღნიშნავს, რომ თალაკვაძეს ატყუებენ:

"არჩილ, კოლეგავ, გატყუებენ! ამასთან, მზად ვარ, ფაქტების გადამოწმება გავაგრძელო," _ წერს რატიანი.

ის, რომ ოზურგეთის ბიუჯეტში დიდი ნაშთი დარჩა, ჩვენი მკითხველისთვის უცხო არ არის _ ამის შესახებ "გურია ნიუსმა" რამდენიმე სტატია მოამზადა.

როგორც რატიანი აღნიშნავს, მას ფაქტების გადამოწმებაში ჩვენი სტატიები დაეხმარა.

ჩვენ შევეცადეთ, გაგვერკვია, რატომ არ კითხულობს მედიაში გამოქვეყნებულ სტატიებს ოზურგეთის მაჟორიტარი დეპუტატი და რატომ უარყოფს ფაქტებით დადასტურებულ ინფორმაციას იმის შესახებ, რომ ოზურგეთის მუნიციპალიტეტის ბიუჯეტმა, გასულ წელს 7 მილიონ ლარზე მეტი ვერ დახარჯა. ასევე, გვსურდა გაგვერკვია, ვის და რატომ დააფარა ხელი საკუთარი განცხადებით უმრავლესობის ლიდერმა, თუმცა, თალაკვაძემ ჩვენ სატელეფონო ზარებს არ უპასუხა. უმრავლესობის ლიდერმა უპასუხოდ დატოვა სოციალურ ქსელში, საჯაროდ გაკეთებული მიმართვაც, რომელშიც ისიც აღვნიშნეთ, რომ სტიქიისგან დაზარალებული მოსახლეობა, 2 წელზე მეტია, დახმარების მოლოდინშია და გაურკვეველია, რატომ არ ხერხდება მათთვის დახმარების გაწევა მაშინ, როცა ბიუჯეტში შესაბამისი თანხა გამოყოფილია.

თალაკვაძის მსგავსად, უშედეგო აღმოჩნდა ჩვენი რამდენიმე მცდელობა მოგვეპოვებინა ოზურგეთის მერის, კონსტანტინე შარაშენიძის კომენტარი და გაგვეგო, რატომ ვერ მოახერხა მერიამ 7 მილიონის დახარჯვა იმ უამრავი პრობლემის ფონზე, რაც მუნიციპალიტეტში დგას.

აღსანიშნავია კიდევ ერთი დეტალი _ ოზურგეთის მუნიციპალიტეტის მერიამ ეს ნაშთი 2018 წლის ბიუჯეტში საერთოდ არ ასახა და საზოგადოებამ წელს გაიგო, რომ თვითმმართველმა ორგანომ 7 მილიონის დახარჯვა ვერ მოახერხა.

ოზურგეთის საკრებულოს თავმჯდომარის მოადგილe გიორგი ღურჯუმელიძე ამბობს, რომ თალაკვაძემ რატიანის პოლიტიკურ განცხადებას გასცა პასუხი. მისივე თქმით, ნაშთთან დაკავშირებით, საკრებულოს წევრებმა შესაბამისი შეფასებები გააკეთეს.

_ ბატონო გიორგი, ფაქტები ცხადჰყოფს, რომ შეცდომაში არა სერგო რატიანი, არამედ არჩილ თალაკვაძეა შეყვანილი. დოკუმენტები ადასტურებენ, რომ მუნიციპალიტეტმა 7 მილიონი ლარი ვერ დახარჯა. როგორ ხსნით იმას, რომ უმრავლესობის ლიდერი საპირისპიროს ამტკიცებს და საერთოდ, რატომ ვერ შეძლო მუნიციპალიტეტმა ამ თანხის დახარჯვა?

_ ვერ დაგეთანხმებით. ბატონმა არჩილმა უპასუხა სერგო რატიანის პოლიტიკურ განცხადებას, სადაც ის აღნიშნავდა, რომ ოზურგეთის მუნიციპალიტეტში ინფრასტრუქტურული მიმართულებით ჩამორჩენაა და თითქოს არაფერი კეთდება. არჩილ თალაკვაძემ თავის პასუხში თქვა, რომ ოზურგეთის მუნიციპალიტეტს ამ წლების განმავლობაში ყველაზე მნიშვნელოვანი და მეტი ინფრასტრუქტურული პროექტი აქვს და ასევე, აქვს ბიუჯეტის მაღალი შესრულება _ ეს ნამდვილად ასეა.

_ ნამდვილი და დადასტურებული ისაა, რომ 7 მილიონის ნაშთი არსებობდა და 2018 წლის ანგარიში მერიამ ისე გააკეთა, რომ ნაშთი ბიუჯეტში არ აუსახავს. საკრებულო, საზოგადოება შეცდომაში შეიყვანეს _ მარტივად რომ ვთქვათ, დამალეს...

_ რაც შეეხება 7 მილიონი ლარის ნაშთს 2018 წლის ბიუჯეტში, გაგიმარტავთ, რომ ბიუჯეტის შესრულების კვარტალური ანგარიშის და წლიური ანგარიშის განხილვის დროს, საკრებულოს წევრების მიერ მოხდა ამ საკითხის შეფასება, სადაც გაკეთდა განმარტებები: 2 მილიონი ლარის ფარგლებში სტიქიის სალიკვიდაციო ღონისძიებების გასახორციელებლად მიღებულ თანხებზე 2018 წელს მოხდა კონტრაქტორებთან ხელშეკრულებების გაფორმება და ეს იყო გარდამავალი შესასრულებელი სამუშაოები; ხოლო 5 მილიონი ლარი ასახული იყო, როგორც თვის ანგარიშში, ასევე, კვარტლის ანგარიშში. შესაბამისად, ეს ანგარიშები საკრებულოში შემოვიდა იანვარში და ამ საკითხზე საკრებულოს ჰქონდა ადეკვატური პოზიცია.

დასმულ კითხვებზე მერიამ განმარტა, რომ ეს თანხა არის 2018 წლის დამტკიცებულ ბიუჯეტში დაუგეგმავი ქონების გადასახადიდან მიღებული შემოსავალი. შემოსავლების ასეთი ზრდა, 2014 წლიდან გაწეული მუშაობის შედეგია. ამ გადასახადის დეკლარირება საგადასახადოში ხდება ყოველი წლის 15 ნოემბრისთვის და შესაბამისად, თანხის გახარჯვა ვერ მოხდებოდა. ეს თანხა აისახა 2019 წლის ბიუჯეტის კორექტირების დროს 9 იანვარს. ამ საკითხის შეფასებისას, როგორც საკრებულომ, ასევე, საკრებულოსთან არსებულმა საზოგადოებრივმა დარბაზმა გამოთქვა შენიშვნები და მერიას მისცა რეკომენდაცია ბიუჯეტის შემოსულობების დაგეგმვაში არსებული ეს მნიშვნელოვანი ხარვეზი გაითვალისწინოს. მუშაობის პერიოდში და უზრუნველყონ მაქსიმალური სიზუსტით სავარაუდო შემოსულობების განსაზღვრა, _ გვითხრა ღურჯუმელიძემ, რომელიც, როგორც მისი პასუხები ცხადჰყოფს, უმრავლესობის მოტყუებული ლიდერის დაცვას და მისი უხერხული მდგომარეობიდან გამოყვანას შეეცადა, თუმცა, ყველანაირი მცდელობის მიუხედავად, მათემატიკა ზუსტ მეცნიერებად რჩება!




 ახალი ამბები
  • თბილისში მიტოვებული ჩვილი იპოვესთბილისში, საბურთალოს რაიონში მიტოვებული ჩვილი იპოვეს. თვითმხილველების თქმით, ახალშობილი სტუდენტმა დღეს იპოვა. ჩვილი კალათაში იყო მოთავსებული და თან დედის წერილი ახლდა. როგორც შინაგან საქმეთა სამინისტროში აცხადებენ, საქმეზე გამოძიება სისხლის სამართლის კოდექსის 127-ე მუხლით დაიწყო, რაც სიცოცხლისათვის საშიშ მდგომარეობაში ჩაყენებას გულისხმობს. უწყების ინფორმაციით, ჩვილი კლინიკაშია გადაყვანილი და მის სიცოცხლეს საფრთხე არ ... ...
  • არასრულწლოვანთა პორნოგრაფიის დამზადება და ტრეფიკინგი _ დაკავებულია დამნაშავეთა ჯგუფისაქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის, გენერალური პროკურატურის, ევროპოლის, ამერიკის შეერთებული შტატებისა და ავსტრალიის სამართალდამცავი უწყებების თანამშრომლებმა, ერთობლივად გატარებული ინტენსიური ოპერატიულ-საგამოძიებო ღონისძიებების შედეგად, არასრულწლოვნის ვაჭრობისა და არასრულწლოვნის გამოსახულების შემცველი პორნოგრაფიული ნაწარმოების დამზადება-გასაღების ქსელი გამოავლინეს და ორგანიზებული დანაშაულებრივი ჯგუფის 11 წევრი დააკავეს. აღნიშნული პირების მიერ ჩადენილი დანაშაული 17-დან 20 წლამდე ან უვადო თავისუფლების აღკვეთას ითვალისწინებს. ქართველი და უცხოელი სამართალდამცველები რამდენიმე თვის განმავლობაში ატარებდნენ ინტენსიურ ოპერატიულ-სამძებრო და საგამოძიებო მოქმედებებს. შედეგად, მოსამართლის განჩინების საფუძველზე, დაკავებული არიან: აშშ-ის მოქალაქე, 1961 წელს დაბადებული კ.უ., ავსტრალიის მოქალაქე, 1959 წლის დაბადებული პ.ლ. და საქართველოს მოქალაქეები: 1985 წელს დაბადებული მ.ც., 1984 წელს დაბადებული ს.კ., 1981 წელს დაბადებული გ.ბ., 1978 წელს დაბადებული ბ. ც., 1982 წელს დაბადებული ი.ა., 1981 წელს დაბადებული ქ.ო., , 1989 წელს დაბადებული ს.კ., 1981 წელს დაბადებული დ.ბ. და 1984 წელს დაბადებული გ.ბ. დაკავებულთა შორის არიან პორნოგრაფიული ნაწარმოების დამზადებაში ჩაბმული არასრულწლოვანი ბავშვების მშობლები, მათი ნათესავები და ახლობლები, ასევე, უკანონო ფოტოსალონის მფლობელები და თანამშრომლები. გამოძიებამ დაადგინა, რომ დაკავებულ აშშ-ის და ავსტრალიის მოქალაქეებს, თბილისში, ნაქირავებ ბინებში კონსპირაციულად მოწყობილი ჰქონდათ ფოტოსალონები და უცხოეთში რეალიზაციის მიზნით არასრულწლოვნების გამოსახულების შემცველ პორნოგრაფიულ ნაწარმოებს ამზადებდნენ, რაშიც მათ ქართველი თანამზრახველები ეხმარებოდნენ. ბრალდებულებს დანაშაულებრივ საქმიანობაში, მშობლების თანხმობით, ჩაბმული ჰყავდათ 8-დან 14 წლამდე ასაკის 10-მდე არასრულწლოვანი გოგონა. დანაშაულებრივი ჯგუფის ორგანიზატორები მოზარდების მშობლებს ფოტოების გადაღების სანაცვლოდ 500-დან 3000 ლარამდე თანხას უხდიდნენ. ანგარიშსწორება ხორციელდებოდა ხელზე ან საბანკო ტრანზაქციის გზით. გამოძიებით, ასევე, დადგინდა, რომ აშშ-ს მოქალაქე კ.უ. დანაშაულებრივი გზით მოპოვებული თანხის განაღდებას თბილისში არსებულ სხვადასხვა სავაჭრო ცენტრში განთავსებული კრიპტომატებიდან ახდენდა. პოლიციამ, მოსამართლის განჩინების საფუძველზე უკანონო ფოტოსალონებში ჩატარებული ჩხრეკის შედეგად, ნივთმტკიცებად ამოიღო: ძვირადღირებული ფოტოაპარატები, განათების საშუალებები, რეკვიზიტები და კომპიუტერული ტექნიკა. გარდა აღნიშნულისა, ასევე, ამოღებულია კომპიუტერულ ტექნიკაში, დისკებსა და ფოტოაპარატებში მოთავსებულ მეხსიერების ბარათებზე არსებული არასრულწლოვანთა პორნოგრაფიული ფოტო და ვიდეომასალები. დაზარალებული არასრულწლოვნების უფლებების დაცვის მიზნით, ტარდება შესაბამისი ფსიქო-სოციალური ღონისძიებები. გამოძიება გრძელდება საქართველოს სსკ-ის 255-ე მუხლის მე-3 ნაწილით, 143 პრიმა-2 მუხლის მე-2 ნაწილის „ბ“ ქვეპუნქტით, მე-3 ნაწილის „გ“ ქვეპუნქტით და ამავე მუხლის მე-4 ნაწილის „ა“ ქვეპუნქტით, რაც წინასწარი შეცნობით არასრულწლოვნის გამოსახულების შემცველი პორნოგრაფიული ნაწარმოების დამზადება-გასაღებას, ასევე, ორგანიზებული ჯგუფის მიერ ორი ან მეტი არასრულწლოვნის მიმართ განხორციელებულ ტრეფიკინგს გულისხმობს. აღნიშნულ საქმესთან დაკავშირებით საკუთარი პოზიცია დააფიქსირა ამერიკის შეერთებულმა შტატებმა. კერძოდ, საქართველოში აშშ-ის საელჩოს ინფორმაციით, საერთაშორისო დონეზე კოორდინირებული, რამდენიმე ქვეყნის ჩართულობით განხორციელებული ეს სამართალდაცვითი ღონისძიება, უნდა იყოს გაფრთხილება ყველასთვის, ვინც ბავშვებს ზიანს აყენებს, რომ სამართალდამცავი ორგანოები, საერთაშორისო დონეზე, ერთობლივი ძალისხმევით, ყოველთვის შეძლებენ მათ იდენტიფიცირებას, დაკავებას და პასუხისგებაში მიცემას. ამასთან, ამერიკის საემიგრაციო და საბაჟო უწყების (ICE) შიდა უსაფრთხოების საგამოძიებო სამსახური (HSI) ყოველთვის და ყველგან აღასრულებს თავის ვალდებულებას, რომ დაიცვას ბავშვები მსოფლიოს ნებისმიერ ადგილას იმ ადამიანებისგან, ვინც ბოროტად სარგებლობს ბავშვთა ... ...
  • კახიშვილი თუ შოთაძე?_ ვინ დაიკავებს მთავარი პროკურორის სავარძელსდღეს მედიაში გავრცელებული ინფორმაცია იმის შესახებ, რომ მთავარი პროკურორის თანამდებობაზე ირაკლი შოთაძისა და კახა კახიშვილის კანდიდატურები მოიაზრებოდა, არ დასტურდება. შეგახსენებთ, რომ მედიაში გავრცელებული ინფორმაციით, მთავარი პროკურორის შალვა თადუმაძის უზენაეს სასამართლოში გადასვლის შემდეგ სახელისუფლებო გუნდი მის შემცვლელად ორ კანდიდატურას გახილავდა. ერთ-ერთი ვერსიით, მთავარი პროკურორის ადგილს მთავრობის ადმინისტრაციის უფროსი კახა კახიშვილი დაიკავებდა.  მეორე ვერსიით კი, როგოც მედიასაშუალებები წერდა, არ არის გამორიცხული ამ პოსტზე ყოფილი მთავარი პროკურორი ირაკლი შოთაძე დააბრუნონ, რომელიც თანამდებობიდან სარალიძის მკლვლელობის საქმის სკანდალის გამო აქციების ფონზე გადადგა, თუმცა, აღნიშნული ინფორმაცია არ ... ...
  • „ევროპულმა საქართველომ“ შეწყალებების საქმეზე პროკურატურას მიმართა"ევროპულმა საქართველომ" პრეზიდენტის მიერ შეწყალებულთა საქმეზე გამოძიების დაწყების მოთხოვნით საქართველოს გენერალურ პროკურატურას მიმართა. ირმა ნადირაშვილი აცხადებს, რომ წყაროს მიერ მიწოდებული ინფორმაციით, სავარაუდოდ ადგილი ჰქონდა კორუფციას და ამაში პრეზოდენტის საპარლამენტო მდივანი დიმიტრი გაბუნია იყო ჩართული. ნადირაშვილის თქმით, საკითხზე გაბუნია აუცილებლად უნდა დაიკითხოს. "სალომე ზურაბიშვილმა შეიწყალა სხვადასხვა დანაშაულის ჩამდენი, მათ შორის განზრახ მკვლელობისთვის მსჯავრდებული სამი პირი - რამაზ დევაძე, ასლან ბეჟანიძე და ზურაბ ნადირაძე (ძებნილი). საქართველოს საადვოკატო წრეებთან დაახლოებული პირისგან, წყაროს გაუთქმელობის პირობით მივიღე ინფორმაცია, რომ სალომე ზურაბიშვილის პრეზიდენტობისას თითოეულ კონკრეტულ შემთხვევაში, როდესაც საქმე ეხება ამა თუ იმ პირის შეწყალებას, დაინტერესებული ადამიანები უკავშირდებიან პრეზიდენტის საპარლამენტო მდივანს, დიმიტრი გაბუნიას და მასთან გადიან ფინანსურ საკითხებს, თუ რა ფასად შეიძლება ესა თუ ის პირი იყოს შეწყალებული. ჩემ წყაროს არ აქვს დაზუსტებული ინფორმაცია, არის თუ არა ამ კორუფციულ სქემაში ჩართული უშუალოდ პრეზიდენტი ზურაბიშვილი, თუმცა ვარაუდობს, რომ მისი გვერდის ავლით ასეთი საკითხების მოგვარება არის შეუძლებელი. აღნიშნული წარმოადგენს ინფორმაციას შესაძლო დანაშაულების შესახებ, კერძოდ - სამსახურებრივი უფლებამოსილების ბოროტად გამოყენება, ქრთამის აღება,ქრთამის მიცემა, სამსახურებრივი გულგრილობა",- აცხადებს ნადირაშვილი. ირმა ნადირაშვილი გამოძიების დაუყოვნებლივ დაწყებას მოითხოვს და პროკურატურას მოუწოდებს, რომ გონივრულ ვადებში ჩაატარონ შესაბამისი პროცესუალური მოქმედებები და მოახდინონ კანონით დადგენილი რეაგირება დანაშაულის შესახებ გავრცელებულ ინფორმაციაზე. დიმიტრი გაბუნია ყველა ბრალდებას უარყოფს და ამბობს, რომ მას სისხლის სამართლის საქმეებზე საადვოკატო ლიცენზია არ აქვს.  რეზიდენმა პატიმრების შეწყალებაზე 18 სექტემბერს მორატორიუმი გამოაცხადა.  პრეზიდენტ სალომე ზურაბიშვილს მკვლელობის მუხლით გასამართლებული მსჯავრდებულების შეწყალებასთან დაკავშირებით აკრიტიკებენ. პრესაში გამოითქვა მოსაზრება, თითქოს კონკრეტული მსჯავრდებულების შეწყალებას დიმიტრი გაბუნია ლობირებდა.  საუბარია 2014 წელს პოლიციელ თარაშ მუკბანიანის მკვლელობისთვის, 2004 წელს დავით ოთხმეზურის მკვლელობისა და 1994 წელს გიორგი ქოიავას მკვლელობისთვის მსჯავრდებულების შეწყალებაზე.  სალომე ზურაბიშვილის გაპრეზიდენტების შემდეგ, პრეზიდენტის ადმინისტრაციასთან მოქმედი შეწყალების კომისია რამდენიმე წევრმა დატოვა. მაშინ ადმინისტრაციაში განაცხადეს, რომ კომისიის დაკომპლექტებაზე მუშაობა დაიწყეს, თუმცა ჯერჯერობით კომისია არ მოქმედებს. კრიტიკის ფონზე 6 სექტემბერს სალომე ზუაბიშვილი გამოვიდა ინიციატივით, რომ შეწყალების გამოყენების უფლება დროულად დაიხვეწოს. 2019 წლის მარტში ცნობილი გახდა, რომ შეწყალების კომისია იუსტიციის სამინისტროში ... ...
  • საქართველოს ბანკმა ახალი პროდუქტი- იპოინვესტიცია წარადგინა (R)საქართველოს ბანკმა მომხმარებლისათვის ახალი პროდუქტის- იპოინვესტიციის წარდგენის შესახებ განაცხადა. იპოინვესტიცია არის უძრავი ქონების შეძენის კიდევ ერთი, ახალი შესაძლებლობა მათთვის, ვისაც უკვე აქვს იპოთეკური სესხი. იმისათვის რომ, არსებული ფინანსური ვალდებულების მიუხედავად, მომხმარებელს ჰქონდეს ღირებული ინვესტიციის განხორციელებისა და ფინანსური სარგებლის მიღების შესაძლებლობა, საქართველოს ბანკი მათ სთავაზობს იპოინვესტიციას. იპოინვესტიციით შესაძლებელია ახალი უძრავი ქონების შეძენა მისი გაქირავების მიზნით. ასეთ შემთხვევაში, ბანკი სესხის აღებისას, მომხმარებელს შემოსავლად ჩაუთვლის იმ სამომავლო ქირის თანხას, რაც მან შესაძენი ბინის გაქირავებით უნდა მიიღოს. რაც მთავარია, მომხმარებელი პირველი 6 თვის განმავლობაში სრულიად თავისუფალია როგორც ძირის, ასევე სესხის პროცენტის გადახდისგან. ამ დროის განმავლობაში კი ის მშვიდად შეძლებს მოაწყოს სახლი, გააქირავოს ის და მიიღოს ფინანსური სარგებელი. იპოინვესტიციის შესახებ, დამატებითი ინფორმაციისთვის ეწვიეთ ვებგვერდს: www.sb.ge  ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...