"ეს არის, ჯანსაღი მედია გარემოს ნგრევისკენ მიმართული ქმედება"

მთავარი თემა

"ეს არის, ჯანსაღი მედია გარემოს ნგრევისკენ მიმართული ქმედება"

25 თებ. 2017, 12:49:03

21 თებერვალს, ჰაკერებმა გატეხეს "გურია ნიუსის" ვებგვერდი, წაშალეს ყველა ინფორმაცია და ბაზები.

ამ დანაშაულს შინაგან საქმეთა სამინისტროს კიბერდანაშაულთან ბრძოლის სამმართველო ორი მუხლით იძიებს, მაგრამ ამ ეტაპზე საქმე გახსნილი არ არის. 

რას შეიძლება უკავშირდებოდეს "გურია ნიუსზე" ჰაკერული თავდასხმა და ხომ არ არის ეს თავისუფალი მედიის წინააღმდეგ მიმართული კამპანიის ერთი ნაწილი? – ჩვენ ამ კითხვებით მედია ექსპერტების კომენტარები ჩავწერეთ.

ნინო დანელია, მედია ექსპერტი:

_ "გურია ნიუსზე" ჰაკერულ თავდასხმას, რამაც ამ საინფორმაციო გამოცემის თითქმის სრული პარალიზება გამოიწვია, ვაფასებ დამოუკიდებელ და თავისუფალ მედიაზე თავდასხმად, რომელიც აზიანებს მედია გარემოს საქართველოში.

ყოველთვის ვამბობ, რომ რეგიონულ მედიას რთულ პირობებში უწევს მუშაობა, სარეკლამო შემოსავალი მცირეა, რეგიონული ხელისუფლების ზეწოლა _ დიდი.

როცა ამ პირობებში თითზე ჩამოსათვლელი დამოუკიდებელი და პროფესიული რეგიონული მედია გვყავს და ერთ-ერთზე ასეთი შეტევა ხორციელდება, ეს დიდი პრობლემაა არა მხოლოდ "გურია ნიუსისთვის", არამედ, ზოგადად, მედია გარემოსთვის. "გურია ნიუსმა"  სულ ახლახან მიიღო ევროკავშირის ჯილდო საუკეთესო სტატიისთვის და ეს ბევრს ნიშნავს თქვენ მიერ შექმნილი პროდუქტის დასახასიათებლად.

ხელისუფლებამ ყველა ზომას უნდა მიმართოს და გამოიძიოს ეს დანაშაული. კარგი იქნება, თუკი დონორებიც შეძლებენ მედიის კიბერუსაფთრხოების დაცვის ხელშეწყობას.

ზვიად ქორიძე, მედია ექსპერტი:

_ ჰაკერული შეტევით მივიღეთ ის, რომ მედია საშუალება "გურია ნიუსს" შეუფერხდება მუშაობა. არის სერიოზული რისკი, რომ ვერ აღადგინოს არქივი და ვერ აღადგინოს ბაზები, რომლებიც მას გააჩნია.

ცალსახად ნებისმიერი ასეთი ტიპის ჰაკერული მოქმედება თუ, რა თქმა უნდა, დადასტურდა, რომ ეს არის ჰაკერული ქმედება, ჩემი აზრით, არის მიმართული კონკრეტული მედია საშუალების და მთლიანად მედია გარემოს დანგრევისკენ. ამიტომ ალბათ, ყველაზე ადეკვატური რეაქციები, რაც ქონდა ყველას, ვინც არის დაინტერესებული ქვეყანაში მედიის განვითარებით და მედია გარემოს სიჯანსაღით დაინტერესებული, არის ის, რომ დროულად იყოს გამოძიებული ეს ჰაკერული შეტევა _ რა მიზანი ჰქონდა კონკრეტულ ადამიანებსა და ადამიანების ჯგუფს, რომლებიც ცდილობდნენ, გაენადგურებინა მედია საშუალების მთელი მონაცემები და ამით გარკვეულწილად დაეზარალებინა მომხმარებელი.

რეალურად, ეს დანაშაული არ არის მიმართული კონკრეტული ერთი ადამიანის ან ადამიანთა ჯგუფის  წინააღმდეგ _ ეს არის მიმართული საზოგადოების წინააღმდეგ ასეთი ტიპის დანაშაული და ეს მკაცრად უნდა იყოს გამოძიებული.

ეს არის, ერთი მხრივ, თავისუფალი, ჯანსაღი მედია გარემოს ნგრევისკენ მიმართული ქმედება და მეორე მხრივ, ეს არის საზოგადოების, მისი ინფორმირებულობის წინააღმდეგ მიმართული აქცია. ამიტომაც ასეთი ტიპის დანაშაული არ უნდა ხდებოდეს, მაგრამ თუ ხდება, ის დროულად უნდა იყოს გამოძიებული, საზოგადოება დროულად უნდა იყოს ინფორმირებული და, რა თქმა უნდა, დამნაშავეც  უნდა იყოს დასჯილი.

_გახსენედებათ თუ არა მედიასაშუალების წინააღმდეგ განხორციელებული მსგავსი შემთხვევა და გამოძიებულია თუ არა ის?

_ჰაკერული თავდასხმების რამდენიმე შეტევა იყო, მაგრამ, ყოველ შემთხვევაში, ასე დადასტურებული ინფორმაცია, რომ მედიასაშუალების მთელი მონაცემთა ბაზები ყოფილიყო განადგურებული, არ მახსენდება. მახსოვს 2008 წელს, ძალიან სერიოზულად დააზიანეს გაზეთ "ბათუმელების" ვებგვერდი, ბევრი რამ წაიშალა მაშინ, სხვა შემთხვევა მე არ მახსენდება.

ამიტომაც მგონია, რომ თუ დანაშაული არ იქნა დროულად გამოძიებული და დასჯილი დამნაშავე, ეს შეიძლება წამახალისებელი აღმოჩნდეს ჰაკერებისთვის. აქ მნიშვნელოვანია არა  კონკრეტულად პერსონალიზაცია იმ ჰაკერის, ვინც ჩაიდინა ეს, არამედ ის, თუ რა მოტივები და რა ინტერესი ჰქონდა ამ ადამიანს, როდესაც იგი მედიასაშუალების ვებგვერდს აზიანებდა და აზარალებდა თავისუფალი მედიის გარემოს და საზოგადოების უფლებას, რომ იყოს ინფორმირებული.

ნათია კუპრაშვილი, რეგიონულ მაუწყებელთა ასოციაციის აღმასრულებელი დირექტორი:

_ როცა ვსაუბრობთ ,,გურია ნიუსზე", ვსაუბრობთ ერთ-ერთ ყველაზე წარმატებულ და გავლენიან მედიაზე, რომელიც ყოველდღიურ რეჟიმში ქმნის განახლებად მედიაპროდუქტს. ამიტომ, შეუძლებელია ასეთი მედიაორგანიზაციის ვებზე შეტევა განვიხილოთ რიგით ჰაკერულ თავდასხმად. კიბერდანაშაულთან ერთად, სახეზეა ჟურნალისტურ საქმიანობაში ხელშეშლის ფაქტი, რაც საჭიროებს სამართალდამცავთა მხრიდან დროულ და ეფექტურ გამოძიებას.

პარალელურად, საჭიროა მედიის მხარდამჭერი ინსტიტუტების ყურადღებაც შექმნილ პრობლემაზე, რომ "გურია ნიუსმა" დროულად შეძლოს სრულფასოვანი და შეუფერხებელი ფუნქციონირება.

გიორგი მგელაძე, საქართველოს ჟურნალისტური ეთიკის ქარტიის საბჭოს თავმჯდომარე:

_ ვფიქრობ, რომ შემაშფოთებელი ფაქტია. ვიმედოვნებ, 21-ე საუკუნეში სამართალდამცავებს აქვს ყველა რესურსი მსგავსი დანაშაული გამოიძიოს. მით უფრო, როცა მედიას, ჟურნალისტურ საქმიანობაში ხელშეშლას აქვს ადგილი. საზოგადოების მაღალი ინტერესია მსგავსი დანაშაულის დროულად გამოძიება. მოვუწოდებ, სამართალდამცავებს, ეფექტური გამოძიება აწარმოონ. მსგავსი დანაშაულის გახსნა და დამნაშავეების დასჯა პრევენციის ძალის მატარებელი იქნება.

ვფიქრობ, რომ ყველა სახელმწიფო დაწესებულება მაქსიმუმს უნდა აკეთებდეს, რომ არ მოხდეს მედიის საქმიანობაში ხელშეშლა და თუ ეს მაინც მოხდება, დამნაშავემ პასუხი აგოს.




 ახალი ამბები
  • დახმარებას ისინიც მიიღებენ, ვინც დოკუმენტაცია სრულად ვერ წარადგინა- პრემიერი ვითდასაქმებულების დახმარებაზესაქართველოს პრემიერ-მინისტრმა გიორგი გახარიამ მთავრობის სხდომაზე განაცხადა, რომ თვითდასაქმებულების დახმარების ერთჯერადი პროგრამა სრულდება. „თვთდასაქმებულების დახმარების თვალსაზირისით პროგრამა რამდენიმე თვის წინ დავიწყეთ. ამ პერიოდში საქართველოს მთავრობას დახმარების თხოვნით 250 000-მა ადამიანმა მომართა, დახმარება მიიღო 170 000-მა მოქალაქემ, ვისაც დოკუმენტაცია სრულად ქონდა შევსებული და აკმაყოფილებდა დადგენილების მოთხოვნებს. მივიღეთ გადაწყვეტილება 80 000 ადამიანს, ვინც ვერ დააკმაყოფილა საჭირო დოკუმენტაციის წარსადგენი მოთხოვნა, დაერიცხოს ერთჯერადად 300 ლარი“,_ განაცხადა პრემიერმა. პრემიერის განცხადებით, ეს ადამიანები დახმარებას სექტემბრამდე ... ...
  • გაიცანით გოგონა ჩოხატაურიდან, რომელმაც ქართულში 70-დან 70 ქულა მიიღოქართულ ენასა და ლიტერატურაში მაქსიმალური 70 ქულიდან 70-ივე მიიღო ჩოხატაურის ყოვლადწმიდა ღვთისმშობლის სამრევლო სკოლის მოსწავლე ნინი მგალობლიშვილმა. როგორც ნინიმ გვითხრა, ყველაზე მეტად ქართულის გამოცდაზე ღელავდა. "მეოთხე ვარიანტი ვწერე. ქართულზე ყველაზე მეტად ვნერვიულობდი და აქედან გამომდინარე, ძალიან რთული იყო. ახლა ისტორიის და უცხო ენის ქულებს ველოდები. ივანე ჯავახიშვილის სახელობის თბილისის სახელმწიფო უნივერსიტეტში ვაპირებ ჩაბარებას, ფსიქოლოგიის ფაკულტეტზე", _ გვითხრა ნინიმ. "გურია ნიუსი" წარმატებას უსურვებს ნინის და ყველა  ... ...
  • თბილისში ერთ-ერთი სასურსათო მაღაზია გაძარცვესთბილისში, ალექსანდრე ყაზბეგის გამზირზე ერთ-ერთი სასურსათო მაღაზია გაძარცვეს. არსებული ინფორმაციით, მაღაზიიდან ძვირადღირებული ალკოჰოლური სასმელებია წაღებული. მომხდართან დაკავშირებით 1 პირია დაკავებული. გამოძიება სისხლის სამართლის კოდექსის 178-ე მუხლით მიმდინარეობს, რაც ძარცვას ... ...
  • როდემდე გაუხანგრძლივდათ 1-ელ მაისამდე საქართველოში შემოყვანილ სატრანსპორტო საშუალებებს განბაჟების ვადა 2020 წლის 1-ელ მაისამდე საქართველოს ტერიტორიაზე შემოყვანილ სატრანსპორტო საშუალებებს განბაჟების ვადა გაუხანგრძლივდათ. ამის შესახებ შინაგან საქმეთა სამინისტროს მომსახურების სააგენტოს მიერ გავრცელებულ განცხადებაშია ნათქვამი. „შინაგან საქმეთა სამინისტროს მომსახურების სააგენტო გაცნობებთ, რომ საქართველოს მთავრობის უწყებათაშორისო საკოორდინაციო საბჭოს რეკომენდაციების გათვლისწინებით და ფინანსთა სამინისტროს გადაწყვეტილებით, კორონავირუსის გავრცელების პრევენციული ღონისძიებებიდან გამომდინარე, 2020 წლის 1-ელ მაისამდე საქართველოს ტერიტორიაზე შემოყვანილ სატრანსპორტო საშუალებებს განბაჟების ვადა გაუხანგრძლივდათ 2020 წლის პირველ სექტემბრამდე. მომსახურების სააგენტო მოუწოდებს მოქალაქეებს, რომლებსაც სატრანსპორტო საშუალებები შემოყვანილი ჰყავთ 2020 წლის პირველ მაისამდე, რიგისა და საჯარიმო სანქციების თავიდან აცილების მიზნით, დროულად მიმართონ მომსახურების სააგენტოს და 31 აგვისტოს ჩათვლით განახორციელონ საბაჟო პროცედურები. მომსახურების სააგენტო, მოქალაქეთა უსაფრთხოების მიზნით, სრულად ითვალისწინებს საქართველოს მთავრობის უწყებათშორისი საკოორდინაციო საბჭოს რეკომენდაციებს და სერვისებით სარგებლობის ყველა მსურველს მოუწოდებს, რომ ადგილზე სერვისების მისაღებად სააგენტოში გამოცხადდნენ პირბადით“,_ ნათქვამია ... ...
  • „დაჯექი! ორიანი!“ _ ოზურგეთის საკრებულოს „ოცნების“ დეპუტატმა „ნაციონალ“ მჟავანაძეს „დვოიკა“ დაუწერა5 აგვისტოს, ოზურგეთის მუნიციპალიტეტის საკრებულოს მორიგ სხდომაზე, პირველ საკითხად,   მერიის მიერ ინიცირებული დადგენილების პროექტი:  "გარე ვაჭრობის რეგულირების წესის დადგენის შესახებ“  _ განიხილეს. საკითხის ირგვლივ იკამათეს დეპუტატებმა. კერძოდ, დეპუტატმა ლავრენტი ბიგვავამ პრინციპულად მოითხოვა, გარე ვაჭრობის წესში კონკრეტულად იქნეს მითითებული, ქალაქის რომელ ადგილზე არ შეიძლება გარევაჭრობა და არა მხოლოდ ის, სად იქნება ვაჭრობა  დაშვებული. _ წინააღმდეგ შემთხვევაში, ვიფიქრებთ, რომ აქ რაღაც სხვა მიზანი დევს, _ განაცხადა ბიგვავამ. გარევაჭრობის წესთან დაკავშირებით,  თავისი პოზიცია გამოხატეს საკრებულოს ოპოზიციონერმა დეპუტატებმა.  განსაკუთრებით  აქტიურობდა  „ნაციონალი“ დეპუტატი დავით მჟავანაძე. მან კორუმპირებული უწოდა ოზურგეთის მერს,  კონსტანტინე შარაშენიძეს, რომელიც, მისი განმარტებით, წინა მერს, სიორიძეს  დაემსგავსა ამ საქმეში და ცდილობს, არ ჩამორჩეს. _ მოგესალმებით. მე პატარა შეფასებასავით გავაკეთებ... კრიმინალური საკითხია ცოტა. ოზურგეთის მერმა გამოისყიდა გურიის ქუჩაზე მიწის ნაკვეთი. მერე ნათესავზე გადააფორმა. გამოყარეს იქედან ადამიანები. ადამიანებს არ მიეცით ვაჭრობის  საშუალება, დაულპეთ ათასობით ლარის პროდუქცია. თქვენთვის  ეს არაფერს არ ნიშნავს! მერი კორუმპირებულია. ვინ აგებს პასუხს? _ არ ცხრებოდა მჟავანაძე. _ გვაცალეთ, დავით, ჩვენ და მოვიყვანთ უკეთესს, _ უთხრა მჟავანაძეს   „ქართული ოცნების“ დეპუტატმა აროშიძემ. _თქვენმა მოყვანილმა მერმა არაფერი არ დატოვა ოზურგეთში.  ცენტრალური სკვერებიდან  შეისყიდა ყველაფერი.  მუზეუმის კიბე და ტუალეტიც გაყიდულია. ჩვენ ეს მოვიყვანეთ, მაგრამ დაემსგავსა მას და უნდა, გაასწროს _ ერთმანეთს ეჯიბრებიან, _ განაცხადა მჟავანაძემ სიორიძის და შარაშენიძის შედარებითი დახასიათებისას. _დაჯექი! ორიანი! _მიმართა მჟავანაძეს „ქართული ოცნების“ დეპუტატმა მარიკა ჩხიკვიშვილმა, რასაც დეპუტატების მხრიდან სიცილი მოჰყვა: „ახლა უწერს „დვოიკას“ შარაშენიძეს და არჩევნებზე თავგანწირული უჭერდა მხარს“, _ ხუმრობდნენ ... ...

არქივი

ტესტები

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...