გაჩეხილი წაბლის ხეები ოზურგეთში და დეპუტატის პასუხი

მთავარი თემა

გაჩეხილი წაბლის ხეები ოზურგეთში და დეპუტატის პასუხი

2019 თებ 26 11:48:59

"გურია ნიუსის" წყაროს ინფორმაციით, ოზურგეთში, ანასეულის ტერიტორიაზე, მრავალ ჰექტარ ფართობზე ვანდალურად გაიჩეხა წაბლის და ნაძვის მრავალწლოვანი ხეები, რომლებიც, ძირითადად, ეზოს შესაღობად გამოიყენა მფლობელმა. ნაწილი კი საშეშედ დახერხილი, ერთ მიტოვებულ ეზოშია თავმოყრილი. ჩვენივე წყაროს ცნობით, ფართობი ოზურგეთის მუნიციპალიტეტის საკრებულოს დეპუტატს ლავრენტი ბიგვავას ეკუთვნის.

წყარო გვეუბნება იმასაც, რომ ბიგვავა არაერთხელ იყო საკრებულოს დეპუტატი, ასევე, სხვადასხვა დროს მუშაობდა მრავალ საპასუხისმგებლო თანამდებობაზე, თავადაც ანასეულში ცხოვრობს და არანაირად არ გაუჭირდებოდა ამ ფართობის მიზომვა.

"გურია ნიუსი" აღნიშნულ ტერიტორიაზე მივიდა, სადაც ვანდალური სურათის მნახველი გახდა _ საკმაოდ ვრცელ, შეღობილ ფართობში მოჭრილია ათეულობით მრავალწლიანი წაბლის ხე. გარკვეული ნაწილი საშეშე მორებად არის დახერხილი და ერთი სახლის (რომელშიც ახლა არავინ ცხოვრობს) ეზოშია თავმოყრილი. საშეშედ მომზადებული მასალა, როგორც ერთი შეხედვითაც ჩანს და ადგილობრივებიც ამბობენ, სრულიად საღი, უდეფექტოა და საცოდაობაა ასეთი მასალის შეშად გამოყენება.

"ნახეთ, რამხელა და რამდენი წაბლის ხეა მოჭრილი. რა ენაღვლება მაგის მქნელს, წაბლის მერქანი შეშადაც თავსაყრელი ექნება და სამასალედაც", _ გვეუბნებიან ნარუჯელები, რომლებიც ნარუჯაში, ანასეულის მიმდებარედ ცხოვრობენ.

შეღობილი ფართობის გასწვრივ მდებარე გზის მარცხენა მხარეს, მთელ სიგრძეზე ყრია მოთხრილი ხეების ფესვები და ნაკაფი ტოტებისა და ბუჩქების მასა ერთმანეთშია არეული. ტერიტორიის დათვალიერებისას შევხვდით ადგილობრივ მკვიდრებს, რომლებიც საშეშე მორებად დახერხილ ნაძვის (კრიპტომერია) ხის მასალას საკუთარი მინი-ტრაქტორის ძარაზე აწყობდნენ.

კითხვაზე, ვინ იყვნენ და რატომ მიჰქონდათ მორებად დაჭრილი ნაძვი, ნარუჯაში მცხოვრები ცოლ-ქმარი, ილარიონ და თამარ კახაძეები გაბრაზდნენ:

"ამხელა ფართობზე სავსე იყო ნაძვები და წაბლის ხეები. მოჭრეს, რაც უნდოდათ, წაიღეს და იხმარეს, დანარჩენი გზის მეორე მხარეს გადაყარეს და ჩვენ ამ გადაყრილს შეშად ვიყენებთ. ნარჩენებიც არ  გვეკუთვნის?" _ გვითხრეს მათ,

_ გაჩეხეს ყველაფერი. ეს ნარჩენები მიგვაქვს, რომ ავადმყოფი ქალი სიცივით არ მომიკვდეს. ჩვენ კი არ მოგვიჭრია, მთელმა ნარუჯამ იცის, აქ რამხელა ფართობი გაიჩეხა. 70 წლის ვარ და 47 წელი ამ ჩაიში ჩავკვდი. პოლიცია აქ დღეში ათჯერ დადის და ის არ ეუბნება არაფერს, შენ ვინ ხარ? მოგაძრობენ თავს! საჭირო რომ იყოს, პოლიცია არ დაიჭერდა? _ თქვა ბატონმა ილარიონმა, რომელსაც ცოლი უბრაზდებოდა.

_ გადმოყარე ეს შეშა ტრაქტორიდან და სახლში წამოდი. ოქროს ფასს დაგვიჯენენ თავისსავე მოჭრილს, მოვშორდეთ აქაურობას, _ უთხრა ქალბატონმა მეუღლეს.  ილარიონ კახაძემ კი ჩვენ მოგვმართა:

_ წადით და ბიძინას მოკითხეთ, რომ თხრის და მიაქვს ხეები, აქ რას ეძებთ?!

"გურია ნიუსი" ოზურგეთის მუნიციპალიტეტის საკრებულოს დეპუტატს, ლავრენტი ბიგვავას დაუკავშირდა:

_ კი, ვიცი ამ ფართობის შესახებ. ეს არის სასოფლო-სამეურნეო დანიშნულების მიწა. ჩემი ნათესავი ქვრივი ქალისაა. იჯარით აქვს აღებული. ვეხმარები. მანდ რამდენიმე ხე შეისხეპა. მხოლოდ ის მოიჭრა, რომელიც გამხმარი იყო.

_ ბატონო ლავრენტი, ადგილობრივები ამბობენ, რომ ეს ათი ჰექტარი ფართობი არის თქვენი და იქ წაბლის მრავალწლოვანი ხეები თქვენ გაჩეხეთ. ჩვენ ვნახეთ მოჭრილი ხეები, გვაქვს ფოტო და ვიდეომასალა...

_ არაა სწორი _ ოთხი ჰექტარია. აქ ხეებს როგორ მოვჭრიდი? მხოლოდ გავსხეპეთ. აქ მე კი არ დამიწყია მოჭრა. ჩემი ახლო ნათესავია, გოჩა ვასაძე, ვისაც მისცეს. ერთი გაუბედურებული ტყე იყო. იჯარით აიღო და მოამზადა იმისთვის, რომ მოცვი და ტყემალი დარგოს.

_ მოცვის ნერგს უკვე ხალხს აღარ აძლევენ. ვიცი ადამიანები, რომლებმაც ფართობი მოამზადეს და ნერგები არ მისცეს. თქვენთვის როგორ გახდა ხელმისაწვდომი?

_ ეგ მაგათი პრობლემაა, ვინც აღარ აძლევს. ტყემალს ან სხვა რაიმეს დარგავს.

_ ბატონო ლავრენტი, თქვენ ხართ საკრებულოს წევრი, ხალხისგან არჩეული. ეს ყველაფერი, რასაც მეუბნებით, თავად გჯერათ?

_ თქვენ რა გგონიათ, ჩემია? გოჩა ვასაძე ჩემს გვერდზე გაიზარდა, ვეხმარები მას და დედამისს. მე ჩემი მიწის ფართობი ვერ მომიწესრიგებია და იქ ვერ გამიშენებია. ახლა "ვჩალიჩობ", იქნებ, კრედიტი ავიღო.

_ აქ ჩვენმა ობიექტივმა ათეულობით ძირი წაბლის ხის გადანაჭერი დააფიქსირა, სრულიად  ჯანმრთელი...

_ ხე წვეროდან იწყებს გახმობას. ეს იყო გაუვალი ტყე, იჯარით გვაქვს აღებული. მარტო ბუჩქნარი გავჩეხეთ და ტოტებია დასხეპილი ან ახალამოსული ნაძვები.

_ ახალ ამოსული კი არა, მორებად დაჭრილი ნაძვის ხეებს ტრაქტორზე აწყობდნენ ადგილობრივები...

_ ახლა, შესაძლოა, თვითონ მოჭრეს იქ. არიან ასეთებიც, იპარავენ.

_ ღობისთვის უამრავი სარია დამზადებული წაბლის ხისგან, რითაც ფართობი გაქვთ შეღობილი. თუ დამპალი იყო, რანაირად გამოდგა?

_ რომელიც ვარგისი იყო, ის კი გამოვიყენე.

_ ვისია ის მიტოვებული სახლი, რომლის ეზოშიც წაბლისგან საშეშედ დახერხილი მორებია თავმოყრილი? ან ეს შეშა ვისია?

_ რა ვიცი, ვისია?! ხომ გეუბნებით, ნათესავი ქვრივი ქალისაა ეს ფართობი.

_ ქვრივმა ქალმა როგორ იმუშავა ამდენი? ადგილობრივები ამბობენ, რომ თქვენია...

_ ვიცი, რომ ვიღაცეები გეტყოდნენ. ეშლება, ვინც გეუბნება, ცდება. ეს ნათესავისაა და ახლა მიფორმებს ხელშეკრულებას, რომ გადმომაბაროს. ვერ უვლის თვითონ. შესაძლოა, მისი შვილი ჩამოვიდეს, მოცვის დარგვა უნდა, ტყემალსაც რგავს მაგ ფართობში, _ გვითხრა საკრებულოს დეპუტატმა.

"გურია ნიუსი" ესაუბრა ოზურგეთს მუნიციპალიტეტის მერიის ზედამხედველობის სამსახურის უფროსს, შუქრი გაბრიჩიძეს. ის საკითხის გარკვევაში დახმარებას შეგვპირდა, ჯგუფიც გამოგვაყოლა აღნიშნულ ადგილზე, თუმცა, ნაძვისა და წაბლის ხეების ჭრასთან დაკავშირებით ასეთი განმარტება გააკეთა:

_ კონკრეტულად რომელ ფართობზე საუბრობთ, არ ვიცი. გეტყვით ერთს, რომ ასეთი კანონმდებლობა აქვს სახელმწიფოს _ როცა გასხვისდება ფართობი, მესაკუთრეს აქვს უფლება, თავის ეზოში რაც სურს, ის მოჭრას. ეკონომიკის სამინისტრო ასხვისებს და მაშინ არ უნდა გასცეს ფართობი. ჩვენ ვაკონტროლებთ, თუ ქარსაფარი ზოლია, არ მოიჭრას ან ნამდვილად საკუთრებაში მოჭრა თუ არა ამა თუ იმ პირმა ხეები, _ თქვა გაბრიჩიძემ.

 ჩვენ ასევე დავუკავშირდით გარემოს დაცვითი დეპარტამენტის აჭარისა და გურიის რეგიონული სამსახურის უფროს სპეციალისტს ვალერიან ჯინჭარაძეს:

_ ჩვენი თანამშრომლები გასულები არიან ადგილზე და ყველაფერს გაარკვევენ, გაეცნობიან საიჯარო ხელშეკრულებას. ჯერ არ გვინახავს. თუ რაიმე სამართალდარღვევაა და უკანონოდ არის მოჭრილი ან მოთხრილი ხეები, დაისჯება, ვინც მოჭრა.

_ აქამდე არაფერი იცოდით ამის შესახებ?

_ არაფერი ვიცოდი. დღეს დარეკეს ჩვენმა თანამშრომლებმა.

_ დღეს, დილით იქ ჩვენ ვიყავით.

_ შესაძლოა, თქვენ რომ იყავით, იმიტომ დარეკეს. გპირდებით, ყველაფერი დაითვლება _ რამდენია მოთხრილი, მოჭრილი და იქნება რეაგირება, _ გვითხრა ჯინჭარაძემ.

"გურია ნიუსი" გააგრძელებს ამ საქმის ირგვლივ დოკუმენტურ მოკვლევას.




 ახალი ამბები
  • გორში ავარიას 16 წლის ბიჭი ემსხვერპლაგორში ავარიას 16 წლის ბიჭი ემსხვერპლა. ავტოსაგზაო შემთხვევის შედეგად დაშავებულია კიდევ ერთი ადამიანი, რომელიც სასწრაფო დახმარების ბრიგადამ საავადმყოფოში გადაიყვანა. შინაგან საქმეთა სამინისტრომ გამოძიება 276-ე მუხლით დაიწყო. ... ...
  • სამტრედიის N3 საჯარო სკოლის გუნდი ,,წიგნების თაროს“ მე-8 სეზონში მიიღებს მონაწილეობასახალგაზრდებში მეტად პოპულარული სატელევიზიო  ლიტერატურული შოუს ,, წიგნების თაროს“  მე-8 სასკოლო სეზონის შესარჩევი ტური  დასრულდა. საქართველოს მასშტაბით 32  სკოლა შეირჩა. რჩეულთა შორის  სამტრედიიდან მხოლოდ ერთი გუნდი მოხვდა, N3 საჯარო სკოლის გუნდი. ელენე ალფაიძე, მარიამ  რუხაძე და ანი  ჯღამაძე,   მე-11 კლასის წარჩინებული მოსწავლეები არიან. ისინი აქტიურად არიან ჩართულნი როგორც სასკოლო,  ასევე, კლასგარეშე ღონისძიებებში. ,,წიგნების თაროში“  მონაწილეობას  სიხარულით შეხვდნენ, თუმცა,  ორმაგ პასუხისმგებლობაზე საუბრობენ, მათ ხომ არა მარტო სკოლის, არამედ  მშობლიური ქალაქის ინტერესების დაცვაც ევალებათ. ,,თაროელები’’ საინტერესო  სეზონს გვპირდებიან. წარმატებები ... ...
  • კონკურსში, „სუფთა რეგიონი“ , ოზურგეთის მუნიციპალიტეტი დაჯილდოვდასაქართველოს მწვანეთა მოძრაობა/დედამიწის მეგობრების ორგანიზებით,  კონკურსის „სუფთა რეგიონი" გამარჯვებულების დაჯილდოების ღონისძიება გაიმართა. ოზურგეთის მუნიციპალიტეტი ნომინაციაში, "ნარჩენების მართვის სისტემის გაუმჯობესებაში შეტანილი წვლილისთვის" სიგელით  დაჯილდოვდა. 27 იანვარს, თბილისის საკრებულოში, საქართველოს მწვანეთა მოძრაობა/დედამიწის მეგობრები-საქართველოს ორგანიზებითა და თბილისის საკრებულოს მხარდაჭერით, პროექტის „დავიცვათ საქართველოს სისუფთავე“ ფარგლებში, კონკურსის „სუფთა რეგიონი“ გამარჯვებულების დაჯილდოების ღონისძიება გაიმართა. აღნიშნული კონკურსი გასულ წელს გამოცხადდა.  ოზურგეთის მუნიციპალიტეტი ნომინაციაში, "ნარჩენების მართვის სისტემის გაუმჯობესებაში შეტანილი წვლილისთვის" სიგელით  დაჯილდოვდა. კონკურსის იდეა პირველად გაჩნდა 2015 წელს „დავასუფთაოთ საქართველო“ კამპანიის ფარგლებში. კონკურსის ფარგლებში შექმნილმა სპეციალურმა კომისიამ (გარემოს დაცვისა და სოფლის მეურნეობის სამინისტრო, საზოგადოებრივი ორგანიზაციების წარმომადგენლები), შემოსული მასალების საფუძველზე გამოავლინა 2019 წლის ნომინაციების გამარჯვებულები.  გამარჯვებულთა შორის ოზურგეთის მუნიციპალიტეტიცაა - შესარჩევი კომისიის გადაწყვეტილებით სიგელი გადაეცა ოზურგეთის მუნიციპალიტეტს - ნარჩენების მართვის სისტემის გაუმჯობესებაში შეტანილი წვლილისთვის.  კონკურსი ჩატარდა პროექტის „დავიცვათ საქართველოს სისუფთავე" ფარგლებში, რომელსაც ახორციელებს არასამთავრობო ორგანიზაციები „დავიცვათ საქართველოს სისუფთავე" (KGT), საქართველოს ბუნების მკვლევართა კავშირი „ორქისი", „საქართველოს მწვანეთა მოძრაობა/დედამიწის მეგობრები - საქართველო", საქართველოს გარემოს დაცვისა და სოფლის მეურნეობის სამინისტროსთან და მის სტრუქტურულ ერთეულთან თანამშრომლობის ფარგლებში, შვედეთის მთავრობის მხარდაჭერით.  ... ...
  • საფრანგეთში ქართველი მორაგბე გარდაიცვალაფრანგული „გროლეს“ ქართველი მორაგბე ბექა ბურდიაშვილი ავტოსაგზაო შემთხვევის შედეგად დაიღუპა. აღნიშნული ინფორმაცია ფრანგული გუნდის ვებგვერდმა დაადასტურა. 27 წლის მორაგბე, რომელიდ ფედერალ 1-ის ბინადარ გუნდში 2014 წლიდან ირჯებოდა, სტადიონისკენ საკუთარი ავტომობილით მიემართებოდა და ხეს დაეჯახა, რის შედეგადაც, გარდაიცვალა. ფრანგული მედიის ცნობით, ავარიის მიზეზი ნისლი და მოლიპული გზის ზედაპირი გახდა. მანქანაში ბექა მარტო იმყოფებოდა, მისი გარდაცვალების გამო კი, „გროლესა“ და „ლავორის“ შეხვედრა გადაიდო. წყარო: ... ...
  • რა მდგომარეობაა ჩოხატაურში გრიპის ვირუსთან დაკავშირებით და შეწყდება თუ არა სასწავლო პროცესიზამთრის დადგომასთან ერთად, გაციებით გამოწვეული და გრიპისმსგავსი დაავადებების შემთხვევები მატულობს. მათ შორის, ცირკულაცია უკვე გრიპის ვირუსმაც დაიწყო. ავადმყოფობა კი ერთ-ერთი მიზეზია, რის გამოც, ბავშვები სკოლას და საბავშვო ბაღს აცდენენ. როგორც „გურია ნიუსისთვის“ ცნობილი გახდა, ჩოხატაურის მუნიციპალიტეტის სკოლებში გაკვეთილებს მოსწავლეთა დიდი ნაწილი არ ესწრება. როგორც ჩოხატაურის საგანმანათლებლო რესურსცენტრის ხელმძღვანელმა, შორენა სიხარულიძემ „გურია ნიუსთან“ საუბრისას აღნიშნა, მიუხედავად იმისა, რომ მოსწავლეები სასწავლო პროცესს აცდენენ, სკოლებში სწავლის შეწყვეტის საშიშროება არ დგას. „მცირეოდენი გაცდენები გვაქვს, მაგრამ ეს არ არის ის ზღვარი, რომლის გამოც, სკოლამ უნდა შეწყვიტოს პროცესი. სკოლების ნაწილში ჩავარდნებია, მაგრამ, ძირითადად, სკოლებში სწავლა ნორმალურად მიმდინარეობს. თითო- ოროლა ბავშვი აკლია კლასებში, ცხადია, მაგრამ ეს არ არის საგანგაშო მაჩვენებელი. მაგალითად, ამაღლების საჯარო სკოლამ გვითხრა, რომ მეცხრე კლასში ბავშვების უმრავლესობა არ იყო“, _ გვითხრა შორენა სიხარულიძემ. როგორც  ა(ა)იპ ბაღების გაერთიანება „მომავალის“ დირექტორი,  ნინო ბარამიძე ამბობს, სასწავლო პროცესის განახლებამდე საბავშვო ბაღებში დეზინფექცია ჩატარდა, მაგრამ არის ბაღები, სადაც ვირუსის გამო ბავშვები არ დადიან. ბარამიძის ინფორმაციით, გრიპის გამო დღეს არცერთი ბავშვი არ მივიდა სოფელ სამების საბავშო ბაღში. „სასწავლო პროცესი 20 იანვარს განვაახლეთ. 17-18-ში სრული დეზინფექცია ჩავატარეთ და დავიწყეთ სასწავლო პროცესი, მაგრამ ვირუსი რამდენიმე ბაღში დაფიქსირდა. გამკაცრებული გვაქვს წესები და ბავშვები სადაც არ მოდიან, აქვთ ვირუსი. დღეს სოფელ  სამების ბაღში ერთი ბავშვიც არ ყოფილა. სააღმზრდელო პროცესის შეჩერებისა და ბაღების დათხოვნის საფრთხე არ არის. იქ სადაც ბავშვები არ დადიან იმ დღეს სააღმზრდელო პროცესი თავისთავად არ არის“,_ ბარამიძე. რამდენად არის გავრცელებული  ჩოხატაურის მუნიციპალიტეტში გრიპის ვირუსი და რამდენად ხშირია მიმართვიანობა_ ამ კითხვით ჩოხატაურის კლინიკებს მივმართეთ. შპს „ჯანმრთელობის სახლი გურიაში“-ს მთავარი ექიმი თემურ კოროშინაძე ჩვენთან საუბრისას ამბობს, რომ მიმართვიანობა შედარებით გაზრდილია. განსაკუთრებით კი ბავშვებში. საავადმყოფოში ამ დროისთვის 6 პაციენტი ფილტვების ანთებით მკურნალობს. „მომართვიანობა შედარებით გაზრდილია, განსაკუთრებით ბავშვებში. განსაკუთრებული შემთხვევა ისეთი, რომ რეფერალი ყოფილიყო საჭირო გრიპთან დაკავშირებით, არ გვქონია. დაწესებულებაში 6 პაციენტი გვიწევს ფილტვების ანთებით, 2 ხვალ გაეწერება, ამჯერად, საუბარია მოზრდილებზე“, _ გვითხრა თემურ კოროშინაძემ. ჩოხატაურის „მედალფას“ სამედიცინო ცენტის ხელმძღვანელი ანტონ ხუნდაძე კი ამბობს, რომ კლინიკაში გრიპის ვირუსის გართულებული ფორმებით მიმართვა ზამთრის არდადეგების დროს უფრო ხშირი იყო. „წინა თვეში უფრო მეტი მომართვიანობა იყო გრიპის ვირუსის გართულებებით, ვიდრე ახლა. გრიპის ვირუსს მკურნალობენ ბინაზე ოჯახის ექიმების მეშვეობით“, _ გვითხრა ... ...

არქივი

კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

მეცნიერები ვარაუდობენ, რომ კიბო, შესაძლოა, გადამდები იყოს

ვებგვერდ wize.life-ზე გამოქვეყნებული ინფორმაციის მიხედვით...

მიწაზე მიყინული კნუტები კაცმა ყავით გადაარჩინა

BBC-ის ინფორმაციით, მიწაზე მიყინული კნუტები...

სასარგებლო რჩევები ცნობილი ქალებისგან

ანჯელინა ჯოლი ზოგჯერ, როცა თავის...

ბიონსეს სილამაზის საიდუმლო

მართალია მომღერალი ვეგეტარიანელი არაა, მაგრამ...

ცნობილი ვარსკვლავების ყოველდღიური დილის რეჟიმი

ჯენიფერ ენისტონი ჯენიფერ ენისტონის დილა...