გამაფრთხილებელი ისტორია უცხოელი ინვესტორებისთვის, რომელიც, საქართველოს, შესაძლოა, 10 მილიონი დაუჯდეს


მთავარი თემა

გამაფრთხილებელი ისტორია უცხოელი ინვესტორებისთვის, რომელიც, საქართველოს, შესაძლოა, 10 მილიონი დაუჯდეს

13 მარ. 2019, 18:30:52

„ოთხ წელიწადზე მეტია, ჩვენ, შპსაიკონია კაპიტალისამერიკელ ინვესტორებს, შეგვიჩერდა კანონიერი სამშენებლო ბიზნესი ძლიერი კანონგარეშე და კორუმპირებული ზეგავლენით საქართველოში.

მას შემდეგ, რაც 2015 წელს დავიწყეთ ჩვენი პირველი სამშენებლო პროექტის განვითარება თბილისში, ჩვენ დაგვიპირისპირდა ოპონენტების პატარა, მაგრამ ძლიერი ჯგუფი, რომელმაც სცადა, უკანონოდ დაუფლებოდა ჩვენი მიწის ნაკვეთს იმისთვის, რომ გამოეყენებინა იგი პირადი ინტერესებისა და კერძო სარგებლობისთვის. ამ ოპონენტებში, რომლებიც ცხოვრობენ მეზობელ კორპუსში, შედის, ასევე, საქართველოს უზენაესი სასამართლოს ყოფილი მოსამართლე გიორგი შავლიაშვილი და მისი ცოლი იაკო გოლეთიანი, რომელიც არის სასამართლოს თანამშრომელი.

გიორგი შავლიაშვილი გაკიცხული იყო წარსულში პროფესიული გადაცდომისთვის საქართველოს სახალხო დამცველის მიერ და სახელგატეხილი მოსამართლე ლევან მურუსიძის ცნობილი თანამზრახველია, რომელსაც ბრალი 2006 წელს ბანკის ახალგაზრდა თანამშრომლის მკვლელების დაცვაში ედება. გარდა ამისა, შავლიაშვილი პირადად დაემუქრა შპსაიკონია კაპიტალისაღმასრულებელ დირექტორს თბილისის მერიაში მოსმენის დროს, დაპირდა რა, რომ (ამერიკელები) ვერასოდეს ააშენებენ (მათ) მიწაზე“, _ აღნიშნულია წერილში, რომელიც „გურია ნიუსს“ ამერიკელმა ბიზნესმენმა, შპს „აიკონია კაპიტალის“ დამფუძნებელმა სეთ ედვარდ ჩარიმ გამოუგზავნა.

ამავე წერილში ხაზგასმულია, რომ ამერიკასა და საქართველოს შორის პოზიტიური ურთიერთობის მიუხედავად, ისეთმა ამერიკელმა ინვესტორებმა, როგორსაც „აიკონია კაპიტალი“ წარმოადგენს, „განიცადეს უკიდურესი ფინანსური დანაკარგები, ზარალი და პირადი უსართხოებისადმი მუქარებიც კი, ამჟამინდელი მთავრობის ნების არარსებობის გამო, უზრუნველეყო კანონის უზენაესობა და დაცვა”.

სულ თავიდან რომ დავიწყოთ, კომპანია „აიკონია კაპიტალს“ თბილისის ძველ იპოდრომთან ამერიკული ცათამბრჯენი უნდა აეშენებინა, რომლის დასრულება წელს იგეგმებოდა, თუმცა, მშენებლობა არც კი დაწყებულა.

როგორც სეთ ედვარდ ჩარი ამბობს, 2015 წლის შემდეგ „აიკონია კაპიტალის“ პროექტი შეფერხდა და მთავრობა ვერ ახერხებს ამ შეფერხების მიზეზების კანონიერების ახსნას.

დახმარებისთვის ხელისუფლების პირთა მიმართ შეტანილი ოფიციალური საჩივრები და თხოვნები ან იგნორირებულ იქნა ან არაეფექტური და მინიმალური რეაგირება მოჰყვა.

2016 წლიდან _ დღემდე, საქართველოს სასამართლოების გადაწყვეტილებით, პროექტი გაიყინა, ჩვენი ოპონენტების საჩივრების პასუხად. სასამართლოს ყველა ინსტანციაში, მიუხედავად იმისა, რომ ჩვენი ადვოკატი წარადგენდა უამრავ მტკიცებულებას და დასკვნებს ნახევრად _ სამთავრობო ლევან სამხარაულის ექპერტიზის ბიუროდან, ჩვენი ბიზნესის გაყინვა კვლავ და კვლავ გრძელდებოდა სასამართლოების მიერ, რასაც არ მოჰყვებოდა არანაირი ოფიციალური განმარტება იმაზე, თუ რატომ ან რა გავაკეთეთ არასწორად. უფრო მეტიც, რამდენიმე მოსამართლემ დაწერა, რომ ჩვენი ბიზნესი კვლავ უნდა შეჩერდეს საქმესთან დაკავშირებით მათიპირადი გრძნობებისგამო, იმის ნაცვლად, რომ მოეტანათთ მტკიცებულებები, არგუმენტები ან პრეცედენტები სათანადო ქართული კანონმდებლობის შესაბამისად. ყველა მცდელობა, რომ შეგვეცვალა სასამართლოს მოსაზრება, ან საპირისპიროდ გვეჩივლა ჩვენი ოპონენტებისთვის, სარჩელებით ჩვენი შევიწროების გამო, უარყოფილ იქნა”, _ აღნიშნავს სეთ ედვარდ ჩარი.

როგორც კომპანიაში ამბობენ, მათი „ოთხწლიანი ტერორი არ შემოფარგლულა მხოლოდ მართლმსაჯულებაზე უარით და სასამართლოებში აღმაშფოთებელი, მიკერძოებული ქცევით”:

სინამდვილეში, ჩვენ განვიცადეთ და ჩავიწერეთ შევიწროების და მუქარების მრავალი შემთხვევა ჩვენს საკუთარ ტერიტორიაზე ჩვენი ოპონენტების და მათთან დაკავშირებული პირების მხრიდან“, _ ამბობს ჩარი და მისი სიტყვების დასტურად „გურია ნიუსს“ რამდენიმე ვიდეო მასალას უგზავნის.

ვიდეოფაილებში ასახულია ადგილობრივი მოსახლეობის დაპირისპირება კომპანიის წარმომადგენლებთან, ისმის გარკვეული ტიპის მუქარებიც.

„აიკონია კაპიტალში“ აღნიშნავე,ნ რომ მიუხედავად პოლიციის მრავალჯერ გამოძახებისა, ფაქტებზე სამართლებრივი რეაგირება არ მომხდარა.

სეთ ედვარდ ჩარი ყვება, რომ ამ წლების მანძილზე ყველა სამართლებრივ გზას მიმართა, თუმცა უშედეგოდ. ბიზნესმენი მიიჩნევს, რომ ამ ყველაფერში, ხელისუფლების ზოგიერთ წარმომადგენელთან ერთად, სასამართლოს მაღალჩინოსნებიც არიან ჩარეულნი და ეს მიაჩნია იმის ერთ-ერთ მიზეზად, რომ სასამართლოში მიმდინარე პროცესებში მხარედაც კი არ არის ჩართული.

„ოფიციალურად, მომჩივნები არიან ჯამბულ ბახტაძე, მერაბ კახიანი და გიორგი ჯიქია. თუმცა, მათ უკან სხვა ადამიანები დგანან. ღიად არ ჩანს, თუმცა, აქ გარკვევით იკვეთება უზენაესი სასამართლოს ყოფილი მოსამართლის, გიორგი შავლიაშვილის ინტერესები, რომელიც მურუსიძის ახლო მეგობარია“, _ ამბობს ამერიკელი ბიზნესმენი, რომელიც სასამართლოს სთხოვდა, რომ სასამართლო პროცესებში, რომლის მოპასუხე თბილისის მერიის არქიტექტურის სამსახურია, ის მხარედ ჩაერთოთ, რაც სასამართლომ არ დააკმაყოფილა.

ჩვენ შევეცადეთ დეტალები გიორგი შავლიაშვილთან დაგვეზუსტებინა, თუმცა, უშედეგოდ _ მასთან დაკავშირება ვერ მოხერხდა.

დაკავშირება ვერ შევძელით ვერც მის მეუღლესთან, ია გოლეთიანთან, რომელიც ამჟამად უზენაეს სასამართლოში მოსამართლის თანაშემწის თანამდებობას იკავებს. გოლეთიანს შეტყობინება სოციალურ ქსელშიც გავუგზავნეთ, თუმცა, ამ დრომდე არ გამოგვხმაურებია.

რაც შეეხება ოფიციალურ მოსარჩელეებს, რომლებიც მიიჩნევენ, რომ  თბილისში, ცინცაძის ქუჩაზე 25-სართულიანი კორპუსი არ უნდა აშენდეს, მაგალითად, ჯამბულ ბახტაძე ამბობს, რომ მიწის ნაკვეთი უჩუმრად გაასხვისეს:

„2010 წელს, როცა ცინცაძის ქუჩაზე ბინა შევიძინე, დამტკიცებული გენგეგმა შევისწავლე. აქ იყო სკვერი, შადრევანი, პარკინგის ადგილი. თურმე, 2014 წელს ეს ადგილი, 2 400 კვ.. ამოუჭრიათ და ჩვენი სახლის წინ, სადაც პატარა გზამ უნდა გაიაროს, 7 მეტრში 25-სართულიანი მონსტრი უნდა აშენდეს.

13-სართულიან სახლში ვცხოვრობ, რომელიც ჩაბარებულიც კი არ არის. ეს მიწა ჩაბარების წინ უნდა გადაეცათ და სახლი ჩაბარდებოდა. ახლა მისი ჩაბარების პერსპექტივაც არ არის. აღმოჩნდა, რომ ავტოსადგომზე მისასვლელი გზაც კი გაუსხვისებიათ. ვინ რა გაყიდა, რატომ გაყიდა და . შ. არაფერი ვიცით“, _ აღნიშნა ბახტაძემ საზოგადოებრივი მაუწყებლისთვის მიცემულ ინტერვიუში გასულ წლის მიწურულს და იმედი გამოთქვა, რომ მერიის ახალი ხელმძღვანელობა და მაჟორიტარი დეპუტატი ამ საკითხს გადაწყვეტდნენ, რადგან საქმის ძირფესვიანად შესწავლას შეპირდნენ.

მომჩივანი მხარის ადვოკატი უჩა ზაქაშვილი მედიასთან ამბობს, რომ  დავა სკვერთან კი არა, პარკინგის ჩასასვლელთან დაკავშირებით მიმდინარეობს. რამდენიმე მეზობლის საჩივრის გამო ოთი წლით შეჩერებული მშენებლობის საქმე სასამართლო სისტემის მხრიდან ხელშეუვალია და დაზარალებულ ბიზნესმენს ვერავინ უხსნის, თუ რატომ უნდა დათმოს კანონიერად შეძენილ მიწის ნაკვეთზე თაუერის აშენებისთვის დახარჯული სახსრები და წლები. მითუმეტეს, მშენებლობის შესახებ რამდენიმე საექსპერტო დასკვნა და რაც მთავარია, მერიის ნებართვა არსებობს.

ამ დავაში, რომლის ერთ მხარეს ამერიკელი ინვესტორი და მერია დგას, მეორე მხარეს კი, დაზარალებულის თქმით, მეზობლად მცხოვრები მოსამართლე, ზიანდება სახელმწიფო: ინვესტორებისთვის საქართველოში ბიზნესის წამოწყება საფრთხის შემცველია, რადგან სასამართლო მიუკერძოებლობა ეჭვქვეშ დგება.

თბილისის მერიის არქიტექტურის სამსახურში ამბობენ, რომ სასამართლოს გადაწყვეტილების მოლოდინში არიან:

„მიწის ნაკვეთის სამშენებლო გამოყენების პირობები 2011 წელს შეთანხმდა. შემდეგ, 2016 წლის თებერვალში, გაიცა მშენებლობის ნებართვა. ამავე წელს ადგილობრივმა მოსახლეობამ გაასაჩივრა მერიაში, რის შემდეგაც ბათილად იქნა ცნობილი გაცემული ნებართვა.

ადმინისტრაციულმა ორგანომ მიიჩნია, რომ პროექტი არ აკმაყოფილებდა სამშენებლო ნორმების რიგ მოთხოვნებს _ უფრო კონკრეტულად კი, საუბარია სახანძრო მოთხოვნებზე. ამის შემდეგ, თბილისის არქიტექტურის სამსახურს დაევალა სრულყოფილი კვლევის ჩატარება და ახალი ინდივიდუალური სამართლებრივი აქტის გამოცემა. 2017 წელს, ტერიტორიის მესაკუთრემ კვლავ მოგვმართა, წარმოადგინა კორექტირებული პროექტი, რომელშიც გათვალიწინებული იყო სახანძრო უსაფრთხოების ნორმები და შესაბამისად, გაიცა ნებართვა, რაც კვლავ გაასაჩივრა მოსახლეობამ და ამ ეტაპზე, სასამართლოში მიმდინარეობს სასამართლო დავა.

რამდენადაც ვიცი, მალე უნდა გამოცხადდეს გადაწყვეტილება და მანამდე ჩვენ მეტ კომენტარს ვერ გავაკეთებთ. ჩვენ ვიმოქმედებთ სასამართლოს მიერ მიღებული კანონიერ ძალაში შესული გადაწყვეტილების შესაბამისად“, _აღნიშნა „გურია ნიუსთან“ საუბრისას თბილისის მერიის არქიტექტურის სამსახურის პრესსამსახურის წარმომადგენელმა ქართლოს თეთრაულმა.

ამ თემას, რომელიც ტელეკომპანია „რუსთავი 2“-ის ეთერითაც გაშუქდა, საგანგებო ბრიფინგზე უპასუხა თბილისის საკრებულოს ფრაქცია „ქართული ოცნება _ დემოკრატიული საქართველოს“ თავმჯდომარის მოადგილემ ვახტანგ შაქარიშვილმა:

“რუსთავი 2“-ის ეთერში გავიდა სიუჟეტი, სადაც კომპანია „აიკონია კაპიტალსის“ წარმომადგენელი, სეთ ედვარდი თითქოსდა მის მიმართ გახორციელებულ ზეწოლაზე საუბრობდა. მინდა, საზოგადოებას ვუთხრა, რომ ეს არის ისეთივე ტყუილი და ბლეფი, როგორი ლეგენდაცაა ამ ადამიანის ბიზნესმენობა. მე ვარ არჩეული მაჟორიტარი, ვიცავ მოსახლეობის და ჩვენი ქალაქის ინტერესებს და ამას ვაკეთებ მხოლოდ სამართლებრივი გზებით, განსხვავებით იმ ადამიანებისგან, რომლებიც რეალურად ამ საქმის უკან დგანან _ ეს გახლავთ გიორგი რურუა და მისი ბიზნესპარტნიორები. გიორგი რურუა საჯაროდ აკეთებს შეურაცხმყოფელ და მუქარის შემცველ განცხადებებს ჩემს წინააღმდეგ და იქ მცხოვრები ადამიანების მისამართით. 90-იანი წლების კრიმინალები და სააკაშვილის ზონდერები კვლავ აგრძელებენ ძალადობას ადამიანებზე და ძალადობას ამ ქალაქზე. მათ სურთ, იპოდრომზე 25-სართულიანი საცხოვრებელი კორპუსის მშენებლობა, რომელიც ქალაქმშენებლობით და ქალაქგეგმარებით ყველა ძირითად პრინციპებს ეწინააღმდეგება. კორუფცია და კანონის გვერდის ავლა მათი სტილია. სავარაუდოდ, სამშენებლო ნებართვა, რომელიც სასამართლოს ორმა ინსტანციამ შეაჩერა, სწორედ ამ გზით მოიპოვეს.

მოვუწოდებთ ამ ჯგუფს, ნუ ატყუებენ საზოგადოებას და თავი დაანებონ ადგილობრივ მცხოვრებლებზე ზეწოლას. მე ყველა კანონიერი საშუალებით დავიცავ ჩემი ამომრჩევლის და ჩვენი ქალაქის ინტერესებს“, _ განაცხადა ვახტანგ შაქარიშვილმა, რომელის ბრიფინგს ცინცაძის ქუჩის მცხოვრებლებიც ესწრებოდნენ.

ბრიფინგზე შაქარიშვილს არ უსაუბრია, თუ რა ზარალი შეიძლება მიადგეს სახელმწიფოს ინვესტორის მხრიდან კომპენსაციის მოთხოვნისას. არც ის თქმულა, რომ საქმის პოლიტიკურ შეფერილობაზე მეტად, მნიშვნელოვანია, ნებისმიერმა ინვესტორმა დაუყოვნებლივ და დასაბუთებულად მიიღოს უარის თქმის კანონიერი და მიუკერძოებელი არგუმენტები.

ახლა ყველაზე მნიშვნელოვანი: ბიზნესზე გაუთავებელი უკანონო თავდასხმებისა და მთავრობის მხრიდან შესაბამის რეაგირებაზე უარის თქმის გამო, კომპანია Iconia Capital-მა 2018 წლის 5 ნოემბერს, მოახდინა საქართველოს წინააღმდეგ სამართლებრივი დავის პროცედურების ოფიციალური ინიცირება და საქართველოს მთავრობაში შეიტანა საარბიტრაჟო შეტყობინება,რომელიც მომზადდა გაეროს საერთაშორისო ვაჭრობის სამართლებრივი კომისიის (UNCITRAL) საარბიტრაჟო წესების შესაბამისად. 

აღნიშნული განცხადებით, რომელიც გამყარებულია 500-ზე მეტი გვერდის მოცულობის მტკიცებულებებით, კომპანია ითხოვს 10 მილიონი აშშ დოლარის ოდენობის თანხას, ფინანსური ზარალის კომპენსაციის სახით:

„1994 წელს ამერიკის შეერთებულ შტატებსა და საქართველოს შორის ხელმოწერილ იქნა ორმხრივი საინვესტიციო ხელშეკრულება, რომელიც უზრუნველყოფს საქართველოში მოქმედი ამერიკელი ინვესტორების უფლებების დაცვას. ამ საერთაშორისო ხელშეკრულების საფუძველზე, საქართველოს აქვს ვალდებულება, თუ პრივილეგირებულად არა, სულ მცირე, სამართლიანად მოეპყრას ამერიკელ ინვესტორებს ისევე, როგორც შესთავაზოს ინვესტორებს და მათ პროექტებს ქვეყანაში უსაფრთხოება. თუკი საქართველო დაარღვევს ამ გარანტიებს, ხელშეკრულება შეიცავს ცალსახა დებულებებს საქართველოსგან ფინანსური კომპენსაციის მოთხოვნის შესახებ საერთაშორისო სასამართლოს გზით.

დამანგრეველი ფინანსური ზიანის შედეგად, რაც ჩვენმა ინვესტორებმა განიცადეს, რომლებმაც რისკის ქვეშ დააყენეს საკუთარი სიცოცხლის განმავლობაში გაკეთებული დანაზოგები იმისთვის, რომ ინვესტირება მოეხდინათ საქართველოში, და ვინაიდან არანაირი იმედი არ გვაქვს, ოდესმე მივაღწიოთ სამართალს ან დაცვას ადგილობრივად, იძულებულნი ვიყავით, წავსულიყავით საბოლოო ზომაზე თავის დასაცავად.

ამდენად, 2018 წლის 5 ნოემბერს ჩვენ ოფიციალურად წამოვიწყეთ სამართლებრივი პროცედურა საქართველოს მთავრობის წინააღმდეგ, მის მიმართ არბიტრაჟის შესახებ შეტყობინების რეგისტრაციით გაეროს საერთაშორისო სავაჭრო სამართლის სასამართლოში (UNCITRAL). ჩვენი სარჩელი, რომელიც გარკვევით არის ჩამოყალიბებული და ეყრდნობა ოფიციალური დოკუმენტების, მტკიცებულების, ფოტოების, ვიდეოების და ექსპონატების 500-ზე მეტ გვერდს, ითხოვს ფინანსურ კომპენსაციას 10 მილიონი აშშ დოლარის ოდენობით“, _ ამბობს სეთ ედვარდ ჩარი.

მისივე თქმით, მართალია, უკან ვერ დაიბრუნებს ცხოვრების იმ ოთხ წელს, რომელიც მისი და დანარჩენი ინვესტორების უფლებებისთვის ინტენსიურ ბრძოლაში საქართველოში დაკარგა, თუმცა, დარწმუნებულია, რომ ფინანსურ კომპენსაციას სრული ოდენობით მიიღებს:

„დაე, ეს ისტორია იყოს გაფრთხილება ამერიკელი ან ნებისმიერი უცხოელი ინვესტორისთვის, ვინც ფიქრობს მათი დიდი შრომით მოპოვებული ფულის დაბანდებას საქართველოში. ისევე, როგორც ბევრი სხვა რამ, რაც ზედმეტად კარგი ჩანს იმისთვის, რომ რეალობა იყოს, საქართველოში არსებული მწარე რეალობა ხშირად არის დამანგრეველი იმედგაცრუება ნებისმიერი იმ ინვესტორისთვის, რომელიც მოელის გამჭვირვალე და სამართლიან გარემოს ოპერირებისთვის“, _ აღნიშნავს ამერიკელი ინვესტორი.

“გურია ნიუსი“ ამ თემაზე მუშაობას განაგრძობს და მოკვლევის შედეგებს პერიოდულად გააცნობს მკითხველს.




 ახალი ამბები
  • გარდაიცვალა ოზურგეთის საპატიო მოქალაქე არსენ კეჭაყმაძემეცნიერებათა დოქტორი, ოზურგეთის საპატიო მოქალაქე არსენ კეჭაყმაძე 88 წლის ასაკში გარდაიცვალა. არსენ კეჭაყმაძის გარდაცვალების შესახებ ინფორმაციას სოციალურ ქსელში ზვიად კვაჭანტირაძე ავრცელებს. “არსენ კეჭაყმაძე აღარ გვყავს.... გამორჩეულად მაგარი კაცი. მეცნიერებათა დოქტორი. წლების განმავლობაში, საბჭოთა პერიოდში არსებული ანასეულის საკავშირო ჩაის მრეწველობის სამეცნიერო-კვლევითი ინსტიტუტის დირექტორი... ყველა მისი ტიტული და რეგალია, რაც გრძელი და საინტერესო ცხოვრების გზაზე მიუღია დაუღალავი შრომის საფასურად ძალიან მნიშვნელოვანია, თუმცა, ჩვენს ხსოვნაში ბატონი არსენი, უპირველესად დარჩება, როგორც ოზურგეთის ერთერთი ყველაზე ელვარე კოლორიტი და უსაყვარლესი, უნიჭიერესი კაცი, ჩვენი საყვარელი ოზურგეთის დიდი მოამაგე, საუცხოო იუმორის გრძნობით დაჯილდოებული ადამიანი. ძალიან მიყვარდა ბატონი არსენი და არა მხოლოდ, როგორც ჩემი მეგობრის მამა. მასთან ურთიერთობა მქონდა დამოუკიდებლადაც და ყოველთვის მიხაროდა ჩვენი შეხვედრა“, _ წერს ფეისბუქზე ზვიად ... ...
  • ლომჯარია - ადამიანის უფლებების დაცვის სტანდარტებთან მიმართებით ვაქცინაციის გეგმასთან შენიშვნები არ გვაქვსჩვენ შევაფასეთ, რამდენად შეესაბამებოდა ვაქცინაციის ეროვნულ გეგმაში მოცემული პრიორიტეტული მიმართულებები თუ კატეგორიები საერთაშორისო სტანდარტებს და ადამიანის უფლებების დაცვის სტანდარტებთან მიმართებით გეგმასთან შენიშვნები არ გვაქვს, – ამის შესახებ საქართველოს სახალხო დამცველმა, ნინო ლომჯარიამ პრემიერ-მინისტრთან კოვიდვაქცინაციის პროცესის შეუფერხებელი უზრუნველყოფის მიზნით შექმნილი სპეციალური კომისიის წევრების შეხვედრის შემდეგ განაცხადა, რომელიც დღეს მთავრობის ადმინისტრაციაში გაიმართა. ომბუდსმენის ინფორმაციით, სახალხო დამცველი უშუალოდ იყო ჩართული ვაქცინაციის ეროვნული გეგმის შემუშავების პროცესში. „ჩვენ შევაფასეთ, რამდენად შეესაბამებოდა გეგმაში მოცემული პრიორიტეტული მიმართულებები თუ კატეგორიები ჯანმრთელობის მსოფლიო ორგანიზაციისა და გაერო-ს ორგანიზაციების მიერ აღიარებულ პრიორიტეტულ ჯგუფებს და გათვალისწინებული იყო თუ არა ის პრინციპები, რაც საერთაშორისო სტანდარტებით გათვალისწინებული უნდა იყოს ვაქცინაციის დაწყების დროს. ეს ეხება თანაბარ ხელმისაწვდომობას, პრიორიტეტულობას, უსაფრთხოებას, მოსახლეობის ინფორმირებულობას და ა.შ. ჩვენ ამ ეტაპზე გეგმასთან დაკავშირებით შენიშვნები არ გვაქვს ადამიანის უფლებების დაცვის სტანდარტებთან მიმართებით, თუმცა დავაკვირდებით უშუალოდ ვაქცინაციის პროცესსაც, რამდენად წარიმართება ის გეგმის შესაბამისად და მაქსიმალურად ვეცდებით, საზოგადოებას მივაწოდოთ ობიექტური ინფორმაცია ყველა იმ საკითხზე, რაც ეხება ვაქცინების უსაფრთხოებას და მთელ ამ პროცესს“, – აღნიშნა ... ...
  • პროტესტი ქესალოში: ვის უნდა გადაუხადონ გლეხებმა მიწის იჯარა _ მღვდელს თუ სახელმწიფოსრამდენიმე დღეა დღეა სოფელ მეორე ქესალოში ადგილობრივი გლეხების უკმაყოფილება ისმის. ისინი ორგანიზებულები არიან და სახელმწიფოსგან მათი სოფლის შემოგარენში მდებარე სასოფლო სამეურნეო მიწის ნაკვეთით შეუფერხებელი სარგებლობის პირობების შექმნას ითხოვენ.   „ადამიანის უფლებების სწავლების და მონიტორინგის ცენტრი“ (EMC) ამ საკითხთან დაკავშირებით განცხადებას ავრცელებს, რომელშიც ნათქვამია, რომ ადგილობრივებს სასულიერო პირი, მამა არსენი უცხადებს, რომ მიწა მისია და გადასახადიც მას უნდა გადაუხადონ. “ადგილობრივების თქმით, ისინი უკვე მეორე წელია იხდიან დაახლოებით 12 ჰა მიწაზე ქონების გადასახადს, თუმცა მათ მიწით სარგებლობის უფლება არ ეძლევათ, ადგილობრივი სასულიერო პირის ჩარევის გამო. კერძოდ, როგორც ადგილობრივები ჩვენთან აცხადებენ, მათ მამა არსენი  უცხადებს, რომ ეს მიწები მის საკუთრებაშია და მიწის სარგებლობის ღირებულებაც სწორედ მას უნდა გადაუხადონ. აღსანიშნავია, რომ სადავო მიწის ნაკვეთი, ისევე როგორც მეზობელი მიწის ნაკვეთები ეკონომიკის სამინისტროს ბალანსზეა აღრიცხული და სახელმწიფო საკუთრებას წარმოადგენს. გლეხები გვიზიარებენ, რომ ბოლო 4-5 წლის განმავლობაში ისინი ამ მღვდელს მიწის სარგებლობის ღირებულებას ისედაც უხდიდნენ. ორი წლის წინ მათ ამ მანკიერი პრაქტიკის შეწყვეტა და სახელმწიფოსთან მიწის სარგებლობის ლეგალური პროცესი წამოწყება მოინდომეს. თუმცა, მათი თქმით, ადგილობრივი მღვდლის გავლენების გამო, წინა  წელს მათ მიწის დამუშავება ვერ მოახერხეს. წელს ისინი უკან დახევას აღარ აპირებენ. სიტუაცია ადგილზე რამდენიმე დღის წინ გამწვავდა, მას შემდეგ, რაც ადგილობრივმა გლეხებმა მიწის დამუშავება ტრაქტორით დაიწყეს და სასულიერო პირებმა მათ სამუშაოების შეჩერება მოსთხოვა. უკმაყოფილო გლეხებს კი მიუთითა, რომ მათი მიწები არა აქ, არამედ საზღვრის იქით არის (მიუთითა აზერბაიჯანზე). გლეხები ამ განცხადებამ კიდევ უფრო გააღიზიანა. ისინი უთითებენ, რომ საქართველოს მოქალაქეები არიან და მათი სამშობლოც ეს არის. გლეხების თქმით, მათი წინაპრები ამ მიწებს ტრადიციულად იყენებდნენ სოფლის მეურნეობისთვის.  გლეხების თქმით, ეს სასულიერო პირი პრეტენზიას მეზობელ მიწის ნაკვეთებზეც აცხადებს. ადგილზე უკვე მეორე დღეა მობილიზებულია  პოლიცია. ადგილზე იმყოფება მარნეულის მერიის ზედამხედველობის სამსახურის თანამშრომლებიც, რომელიც საქმეს სწავლობენ. ამ დრომდე ადგილობრივებთან შესახვედრად არ გამოჩენილან სხვა პოლიტიკური თანამდებობის პირები. სოფელი მეორე ქესალო მარნეულის მუნიციპალიტეტში მდებარეობს და აქ 500-მდე ოჯახი ცხოვრობს. ადგილობივი მოსახლეობა სოფლის მეურნეობაშია ჩართული და სწორედ ამ გზით მიღებული პროდუქტები და მათი ვაჭრობით მიღებული შემოსავალი არის მათი საარსებო წყარო. საკარმიდამო მიწები კი მათ მეურნეობის ორგანიზების შესაძლებლობას არ აძლევს. ზემოხსენებულ მიწის ნაკვეთს ადგილობრივი გლეხები კოლექტიურად და თანაბრად ამუშავებენ. სოფელ მეორე ქესალოში არსებული პრობლემა კიდევ ერთხელ აჩვენებს მიწის რეფორმის დაუსრულებელ და უსამართლო პროცესს, რომელიც სხვადასხვა რეგიონში ადგილობრივ გლეხებს ხშირად მიწის, როგორც ბაზისური ბუნებრივი რესურსის გარეშე ტოვებს. ადგილობრივ გლეხებს სოფელ მეორე ქესალოშიც არ აქვთ (საერთო) საკუთრებაში რეგისტრირებული ადგილობრივი სასოფლო სამეურნეო მიწები და სამწუხაროდ, არც მათი სარგებლობის პროცესია სამართლებრივად მოწესრიგებული სახელმწიფოს მიერ. ზემოთ აღნიშნულის გათვალისწინებით EMC მოუწოდებს სახელმწიფოს: გაითვალისწინოს გლეხების სოციალური ინტერესი და მათი უფლება მიწაზე, როგორც ბაზისურ ბუნებრივ რესურსზე და დააკმაყოფილოს მათი ინტერესი ადგილობრივი სასოფლო სამეურნეო მიწებით სარგებლობაზე და სამართლებრივად მოაწესრიგოს ეს პროცესი; სიტუაციის განმუხტვის მიზნით უზრუნველყოს პოლიტიკური თანამდებობის პირების ჩართვა ამ პროცესში და ადგილობრივებთან მოლაპარაკებების დაწყება, რათა  მათ მოისმინონ და გადაჭრან ადგილობრივი გლეხების საჭიროებები და წუხილები. ამასთან, არსებითად მნიშვნელოვანია, შექმნილ პროცესს არ მიეცეს რელიგიური დატვირთვა და შექმნილი განწყობების განსამუხტად სახელმწიფომ ადგილობრივებთან ადამიანის უფლებებზე და სოციალურ სამართლიანობაზე დაფუძნებული რიტორიკა გამოიყენონ”. ფოტოები: ... ...
  • მეხანძრე-მაშველებმა რუსთავში, ცეცხლმოკიდებული კორპუსიდან ბავშვები გამოიყვანესრუსთავში საცხოვრებელ კორპუსში გაჩენილი ხანძარი ამ დროისთვის ლიკვიდირებულია.შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შემოვიდა შეტყობინება, რომ რუსთავში, მე-7 მიკრო რაიონში ერთ-ერთ საცხოვრებლ კორპუსში შეინიშნებოდა ძლიერი დაკვამლიანება და ღია ცეცხლი.შეტყობინებაზე რეაგირება მოახდინა საგანგებო სიტუაციების მართვის სამსახურმა. ადგილზე მისული სახანძრო-სამაშველო ჯგუფების გადმოცემით, იწვოდა საცხოვრებელი ნივთები დაახლოებით 10 კვ/მ ფართობზე. მეხანძრე-მაშველებმა ძლიერი დაკვამლიანების გამო, უსაფრთხოების მიზნით, მეზობელი ბინიდან გამოიყვანეს ქალი და მისი მცირეწლოვანი შვილი. მათ სიცოცხლეს და ჯანმრთელობას საფრთხე არ ემუქრება.შემთხვევის შედეგად არავინ დაშავებულა. ადგილზე მუშაობდა 3 სახანძრო-სამაშველო ... ...
  • თიბისის სტუდენტური პროგრამის - „თიბისი კემპის" გამარჯვებულების ვინაობა ცნობილია (R)თიბისისა და თიბისი კაპიტალის სტუდენტური პროგრამის - „თიბისი კემპის" მეორე ნაკადის გამარჯვებულების ვინაობა ცნობილია. პირველი ადგილი - კავკასიის უნივერსიტეტის, ბიზნესსკოლის სტუდენტებმა - სანდრო ჭანტურიძემ, ნინა სანდლერმა და რატი კალანდარიშვილმა, მეორე ადგილი კი, - თავისუფალი უნივერსიტეტის სტუდენტებმა - საბა ამირიძემ, გიორგი კვენეტაძემ და ვახტანგ ღლონტმა დაიკავეს. ჟიურის რჩეულ აღნიშნულ 2 გუნდს სპეციალური ჯილდო - თიბისის აქციები გადაეცა. თიბისისთვის მნიშვნელოვანია, პროექტის ფარგლებში, ახალგაზრდებში საინვესტიციო საბანკო საქმის ცნობადობა გაზარდოს და აღნიშნული მიმართულებით ახალი თაობის განათლებას შეუწყოს ხელი. „თიბისი კემპი", მთელი საქართველოს მასშტაბით, 12 უნივერსიტეტის ფინანსების ფაკულტეტის IV კურსის სტუდენტების სასწავლო პროგრამაში იყო ინტეგრირებული და მსურველების მასში ჩართვა ნებაყოფლობით შეეძლოთ. სტუდენტებმა, სემესტრის განმავლობაში, პროგრამის სხვადასხვა ეტაპი გაიარეს: პირველ ეტაპზე თიბისი კაპიტალის საჯარო ლექციებს ესწრებოდნენ. შემდეგ, ერთად განიხილეს ბიზნეს-ქეისები, რომლებიც მათ დავალებასთან იყო კავშირში. ბოლო ეტაპზე კი, ჟიურის წინაშე, რომელიც თიბისი კაპიტალის მენეჯმენტისგან შედგებოდა, საბოლოო საინვესტიციო პროექტი წარადგინეს. არსებული ვითარებიდან გამომდინარე, ყველა შეხვედრა ონლაინ რეჟიმში ჩატარდა. "თიბისი კემპის ფარგლებში შესაძლებლობა მოგვეცა, უკეთ გავცნობოდით ფინანსურ ბაზრებს, მოგვესმინა საინტერესო ლექციები და რაც მთავარია, თეორიაში შეძენილი ცოდნა პრაქტიკაში გამოგვეყენებინა. გარდა კომპანიების შესახებ უამრავი ინფორმაციის მოძიებისა, საბაზრო ტრენდებისა და ინვესტორთა მოლოდინის გაანალიზებისა, ამ პროექტმა საკუთარ შესაძლებლობებში დაგვარწმუნა, რაც, ვფიქრობ, ერთ-ერთი ყველაზე მნიშვნელოვანი შენაძენია", - საბა ამირიძე, სტუდენტი. „პროექტი - „თიბისი კემპი" უკვე მეორედ ჩატარდა და ის თიბისისთვის ისეთ პრიორიტეტულ მიმართულებებს აერთიანებს, როგორებიცაა ახალი თაობა და განათლება. პროგრამის მიზანი ახალგაზრდებში საინვესტიციო საბანკო საქმის პოპულარიზებაა. პროექტის ფარგლებში, სტუდენტები რეალურ სამუშაო გამოცდილებას იღებენ, უკეთ ეცნობიან ფინანსურ ბაზრებსა და ინვესტორების მოლოდინებს. მეორე ნაკადის გამარჯვებულები ფინანსისტების ახალი თაობაა, რომლებიც, დარწმუნებული ვარ, მომავალში გამორჩეული და კონკურენტუნარიანი კადრები იქნებიან. მოხარულები ვართ, რომ მათი პირველი ნაბიჯებისა და წარმატების თანამონაწილეები და მხარდამჭერები ვართ. პროგრამის შედეგებიდან და სტუდენტების დაინტერესებიდან გამომდინარე, პროგრამა მომავალშიც აუცილებლად გაგრძელდება", - მერი ჩაჩანიძე, თიბისი კაპიტალის ... ...

არქივი

ტესტები

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....