გაურკვევლობა, ეჭვები და პირადი მიზნები _ სკანდალი „გურიას“ ირგვლივ გრძელდება

მთავარი თემა

გაურკვევლობა, ეჭვები და პირადი მიზნები _ სკანდალი „გურიას“ ირგვლივ გრძელდება

2018 იან 30 20:01:03

უკვე კარგა ხანია საფეხბურთო კლუბ ლანჩხუთის „გურიას“ სამომავლო პერსპექტივების შესახებ მსჯელობა მიდის. მუნიციპალიტეტის ხელმძღვანელობა სხვადასხვა ვარიანტების ძიებაშია, მაგრამ რეალურად გადაწყვეტილების მიღება, რთული ჩანს.

ვინ ჩაიბარებს კლუბს? ამ კითხვაზე პასუხი ჯერაც არ ჩანს, მაშინ, როცა კულუარებში რამდენიმე პერსონის ირგვლივ მიდის საუბრები.

ორშაბათს გავრცელებული ინფორმაციით, კლუბით  ვინმე ყენიაა დაინტერესებული, რომელიც საფეხბურთო სამყაროში ცნობილი ადამიანი ყოფილა და როგორც ამბობენ, რამდენიმე წლის წინ გრიგოლეთის ბაზის ბედითაც დაინტერესებულა. მეორე დღეს სწორედ ამ პიროვნებას დაუკავშირეს გიორგი ჯორბენაძეც, რომელიც, გავრცელებული ინფორმაციით, უკვე დაინიშნა კიდეც კლუბის აღმასრულებელ დირექტორად.

ჯორბენაძის ფეხბურთთან კავშირებზე მწირი ინფორმაცია არსებობს. გავრცელებული ინფორმაციით, ის საპარლამენტო არჩევნების დროს ნინო წილოსანის შტაბში საქმიანობდა, ხოლო ადგილობრივი არჩევნებისთვის „ქართული ოცნების“ ლანჩხუთის სიის პირველ სამეულშიც კი მოიაზრებოდა. მაშინ მას წილოსანის კადრად მოიხსენიებდნენ.

თუმცა, საბოლოოდ,  ჯორბენაძე მაშინ სიაში საერთოდ ვერ მოხვდა და მას შემდეგ მის პერსონაზე არაფერი გვსმენია. ამიტომაც ერთგვარად მოულოდნელი იყო კლუბის შესაძლო მესვეურებს შორის მისი გვარის გამოჩენა, მაშინ, როცა სულ სხვა ადამიანებზე და ჯგუფებზე მიდიოდა ამ თემასთან დაკავშირებით აქტიური მსჯელობა.

ინფორმაციის გადასამოწმებლად მუნიციპალიტეტის მერს, ალექსანდრე სარიშვილს დავუკავშირდით, რომელმაც უარყო ინფორმაცია ჯორბენაძის დანიშვნის შესახებ. თუმცა, დაადასტურა, რომ ერთ-ერთი, ვინც კლუბში მოსვლითაა დაინტერესებული, ზემონახსენები ყენიაცაა.

„ჯერ არავინ დანიშნულა კლუბის დირექტორად, მაგრამ გადაწყვეტილებას რამდენიმე დღეში მივიღებთ. გიდასტურებთ, რომ კლუბში მოსვლით დაინტერესებულთა შორის ყენიას კანდიდატურაც ფიგურირებს.  მე, პირადად, არანაირი ინფორმაცია მაქვს წარსულში რა ინტერესები ჰქონდა ამ პიროვნებას გრიგოლეთის ბაზასთან მიმართებაში. თუმცა, ერთის თქმა გადაჭრით შემიძლია, რომ გრიგოლეთის ბაზა არის და იქნება მუნიციპალიტეტის საკუთრება და მას ვერავინ ვერ წაიღებს“, _ ამბობს სარიშვილი.

რაც შეეხება კლუბის დირექტორატს,  იგი სრული შემადგენლობით  „გურიას“ ლიგა პრო ორში ჩამოქვეითების შემდეგ დაითხოვეს, ხოლო გასული წლის 28 დეკემბრიდან კი კლუბის აღმასრულებელი დირექტორის თანამდებობაც ვაკანტური გახდა.  სწორედ ვლადიმერ გვარჯალაძე იყო ერთადერთი მენეჯერი, ვინც პოსტს წლის ბოლომდე, ახალი დირექტორის დანიშვნამდე ინარჩუნებდა.

როგორც ამბობენ, ლადო გვარჯალაძის რამდენიმე დღით ადრე დაწერილი განცხადება, მერმა ახალი წლის წინა დღეებში იმიტომ დააკმაყოფილა, რომ ამ თანამდებობაზე ჟურნალისტ მამუკა ქანთარიას დანიშვნა ჰქონდა გადაწყვეტილი, რომელიც წლებია მედია ოფიცრის პოსტს იკავებდა კლუბში.  მეტიც, კანდიდატურის შესათანხმებლად საქმის კურსში მხარის გუბერნატორიც ყოფილა, რომელსაც, გავრცელებული ინფორმაციით, ქანთარია-სარიშვილი ერთად შეხვდნენ. როგორც ამბობენ, მწვანე შუქი ქანთარიას კანდიდატურისთვის ფეხბურთის ფედერაციასაც აუნთია, მითუმეტეს, რომ მის უკან კახა ებრალიძის გუნდი მოიაზრებოდა. სწორედ ამის შემდეგ მერს გადაწყვეტილება მიუღია, რომ ბრძანება დაეწერა და „გურია“ მამუკა ქანთარიას გუნდისთვის  ოფიციალურად ჩაებარებინა. თუმცა, ჩვენი წყაროს ინფორმაციით, ეს გადაწყვეტილება სარიშვილმა  დეპუტატ ნინო წილოსანის ზარის შემდეგ  გააუქმა.

თავად ლანჩხუთის მერი ამბობს, რომ მას მართლაც ჰქონდა შეხვედრა და კონსულტაციები  მამუკა ქანთარიასთან, თუმცა, მისი დანიშვნის საბოლოო გადაწყვეტილებას კატეგორიულად უარყოფს.

 „ბევრთან, ვინც კლუბში მოსვლითაა დაინტერესებული, მქონდა შეხვედრები, მათ შორის მამუკა ქანთარიასთანაც. მე და მამუკას ამ საკითხზე გვქონდა საუბარი და იქ არ ყოფილა გუბერნატორი. არც ბრძანება დამიწერია მისი აღმასრულებელი დირექტორის პოსტზე დანიშვნის თაობაზე. ასე რომ ყოფილიყო, დღეს ის იქნებოდა აღმასრულებელი დირექტორი“, _ ამბობს ალექსანდრე სარიშვილი.

„გურია ნიუსი“ კომენტარისთვის თავად მამუკა ქანთარიასაც დაუკავშირდა.

_ დღეს ლანჩხუთში ბევრი ჭორაობს, რომ ერთ დღეში მოესწრო თქვენი დირექტორად დანიშვნა და გათავისუფლება...

_ მე არ გამიგია ეს ჭორები.  არც ჩემი დანიშვნისა და  გათავისუფლების ბრძანება მინახავს.

_ გქონდათ შეხვედრა ლანჩხუთის მერთან ამ საკითხთან დაკავშირებით?

_ ბევრს შევხვდი, მაგრამ ამ ეტაპზე მეტ კომენტარს არ გავაკეთებ. მეც ცოტა გაუგებრობაში ვარ მოხვედრილი.

_ გუბერნატორსაც შეხვდით?

_ დამაცადეთ რამდენიმე დღე...

_ ანუ არ უარყოფთ...

_ (იცინის)არც ვადასტურებ.

_ მერი ამბობს, რომ ყველას შეხვდა, ვისაც კლუბში მოსვლა სურს და მათ შორის თქვენც...

_ ეს არ უნდა ეთქვა ბატონ ალეკოს, რადგან მე არავისთვის მითხოვია კლუბის დირექტორობა. არც არასდროს მსურდა და ახლაც არ მსურს. თუ მერი ასე ამბობს, მე წავიკითხავ მის სრულ კომენტარს და მერე მექნება პასუხი.

_ თუ მერის კომენტარი არ მოგეწონა, მაშინ გექნებათ პასუხი?  წესით უნდა ფლობდეთ ინფორმაციას, როგორ ხდება დირექტორის დანიშვნა, რადგან გნიშნავდნენ, ესე იგი, შიდა სამზარეულოც იცით...

_ ვფიქრობ, არაკორექტული იქნება ჩემი მხრიდან ამ დეტალების გახმაურება, მაგრამ მე თუ ისე გამომიყვანენ, რომ „გურიას“ დირექტორობისთვის ვიბრძოდი, ეს მათი მხრიდან ძალიან ცუდი განმარტებაა. ისედაც არასამართლიანად მოიქცნენ ჩემ შემთხვევაში.

_ და რა გამოდის, რადგან აღარ გნიშნავთ, ეტყობა, დაგიწუნათ და ხომ არ იცით, რატომ?

_ ეს მერს უნდა ჰკითხოთ. თუმცა, მე არ მიმიღია ამ „აუქციონში“ მონაწილეობა, შემომთავაზეს. ორდღიანი ფიქრის შემდეგ  დავთანხმდი და 29 დეკემბრიდან დირექტორის მოვალეობა უნდა შემესრულებინა. მაინც მათქმევინეთ, მერე რა მოხდა, მე არ ვიცი, არც არავის უთქვამს რამე.

ზოგადად, გადაჭრით ძნელია იმის მტკიცება, დაიწერა თუ არა მართლაც ქანთარიას დანიშვნის  ბრძანება, თუმცა, „გურიასთან“ მიმართებაში ნინო წილოსანის გავლენის შესახებ ლანჩხუთში ბევრს საუბრობენ.  სხვათა შორის, დეპუტატის სახელს უკავშირებენ  „გურიას“ თაობაზე მერაბ ჟორდანიასთან მოლაპარაკების ჩაშლას. მაშინ ექსგამგებელმა ზაზა ურუშაძემ სფფ-ს ყოფილ პრეზიდენტთან მოლაპარაკებებიც წამოიწყო, ხელშეკრულებაც მომზადებული იყო, თუმცა, შუა გზაზე ეს პროცესი შეწყდა. როგორც მაშინ ამტკიცებდნენ, ამის უკან ნინო წილოსანი იდგა. 

მაშინ მისი მისამართით გავრცელებულ მსგავს ბრალდებებს დეპუტატი იმთავითვე უარყოფდა და ამბობდა: „ჟორდანიასა და ყველა სხვა მსურველის გასაგონად ვიტყვი, რომ კონკრეტული საინვესტიციო პირობების გარეშე, ვინმემ არ იფიქროს, კლუბი გადაეცეს სამართავად. მსურველებმა კეთილი ინებონ, არსებული დავალიანება აღიარონ და, მინიმუმ, მილიონიანი ინვესტიცია ჩადონ ყოველწლიურად გუნდში. ასეთი მაგალითები ქართულ ფეხბურთში ყოფილა და ეს მიდგომა ნორმალური და აუცილებელიცაა“.

საინტერესოა, ოფიციალურად რა წინადადებები ექნება იმას, ვინც გუნდში მოვა, თუნდაც არსებული დავალიანების ან ინვესტიციების მოზიდვის მხრივ. ყოველშემთხვევაში, მავანის დაინტერესება, როცა კლუბს ნახევარ მილიონამდე ვალი აქვს გასასტუმრებელი, ეჭვს აჩენს _  ხომ არ მოხდა კლუბის ნგრევა სპეციალურად და ხომ არ მიუშვეს სადავეები, რომ მერე კლუბის ღირებულ ქონებას-გრიგოლეთის ბაზას შეექმნას საფრთხე. ზოგის აზრით, ბაზის მიმართ პირადი ინტერესი  ნინო წილოსანს აქვს.

თუმცა, თავად დეპუტატი გრიგოლეთის ბაზასთან დაკავშირებით მისი მისამართით გაჟღერებულ ბრალდებებს სრულ აბსურდად აფასებს.

„საჯარო თემებში ნებისმიერი პირადი ინტერესის არსებობას ვეწინააღმდეგები შინაგანად. შესაბამისად, იმ განცხადებაზე, რომ თითქოს პირადი ინტერესი მქონდეს გრიგოლეთის ბაზასთან დაკავშირებით, ჩემი მხრიდან ერთადერთი შეფასება მაქვს _ ის აბსურდულია“, _ განმარტავს ნინო წილოსანი.

დეპუტატი  „გურია ნიუსთან“ საუბრისას ადასტურებს, რომ მისთვის ლანჩხუთის „გურია“ და მისი წარმატება პრიორიტეტული საკითხია, თუმცა, ამტკიცებს, რომ საბოლოო გადაწყვეტილებას ნებისმიერ საკითხზე მუნიციპალიტეტის მერი დამოუკიდებლად იღებს.

„არჩევნებიდან მოყოლებული დღემდე, მუდმივად მეკითხებიან აზრს და მთხოვენ, ვიზრუნო ლანჩხუთის ამ დიდი სიამაყის სწორი მიმართულებით განვითარებაზე. ამიტომ, რა თქმა უნდა, ამ საკითხის ირგვლივ მიმდინარე პროცესების შესახებ ინფორმირებული ვიყავი. ასევე, მქონდა ჩემი აზრი მამუკა ქანთარიასა და კახა ებრალიძის შესახებ და ჩემი პოზიცია იყო დადებითი.  თუმცა, გუნდის ხელმძღვანელობის შერჩევისას, როცა სხვა კანდიდატებთან ერთად ამ ორი პიროვნების საკითხიც განიხილებოდა, მნიშვნელოვანი იყო ისეთი ფაქტორები, როგორიც  არის კანდიდატების პროფესიონალიზმი, ნდობის ხარისხი, მენეჯერული უნარები და ასე შემდეგ. აქვე მინდა დავძინო, რომ ადგილობრივი თვითმმართველობის როლის დაკნინება დაუშვებელია და არავითარ შემთხვევაში არც საკუთარ თავს და არც სხვას მივცემ უფლებას ეჭვქვეშ დააყენოს მერის მხრიდან გადაწყვეტილების მიღების უნარი. ამ საკითხში გადაწყვეტილების მიმღებია სწორედ მერი და ჩემი როლი მხოლოდ რეკომენდაციის მიცემით შემოიფარგლება“, _ამბობს დეპუტატი „გურიაში“ მის შესაძლო გავლენებთან დაკავშირებით.

რაც შეეხება ზემონახსენებ ყენიას, დეპუტატის თქმით, მასთან არანაირი შეხება არ ჰქონია  და მის ლობირების თემასაც აბსურდულს უწოდებს. რაც შეხება გიორგი ჯორბენაძის საკითხს, ამბობს, რომ მასთან თანამშრომლობის გამოცდილება არ აქვს და შესაბამისად, ვერც რაიმე რეკომენდაციას გაუწევს.




 ახალი ამბები
  • ბიძინა ივანიშვილს არ დაურღვევია თავისი პირობა, ჩვენ მივიღეთ ეს გადაწყვეტილება - დიმიტრი ხუნდაძე"ბიძინა ივანიშვილს არ დაურღვევია თავისი პირობა, ჩვენ მივიღეთ ეს გადაწყვეტილება,"- ეს განცხადება "ქართული ოცნების" მაჟორიტარმა დეპუტატმა დიმიტრი ხუნდაძემ, "კურიერის" პიორდაპირ ეთერში გააკეთა. ხუნდაძე აცხადებს, რომ პარტიის თავმჯდომარემ პროპორციულ საარჩევნო სისტემაზე გადასვლის სიკეთეში მაჟორიტარების დარწმუნება ვერ შეძლო. "მთავარია ქვეყნის სტაბილურობა, ყველაფრის მიღწევა შესაძლებელია. მთავარია, ქვეყანას ჰქონდეს სტაბილური გარემო და სწორედ ეს არ აწყობთ, თქვენ ხედავთ, რომ "ნაციონალური მოძრაობა" თავიდან ბოლომდე დესტრუქციაზეა აწყობილი. ბიძინა ივანიშვილს არ დაურღვევია თავისი პირობა, ჩვენ მივიღეთ ეს გადაწყვეტილება. იყო უმრავლესობის შეხვედრის სამი რაუნდი, სადაც ლიდერიც და გუნდის დანარჩენი წევრებიც შეეცადნენ, რომ ჩვენი დამოკიდებულება შეეცვალათ, მაგრამ არა ხელების გადაგრეხვით, ან რაიმე მუქარით, არამედ შიდა გუნდური წესებით და ერთმანეთის პატივისცემით. ვერ მოხდა შეთანხმება, ამიტომ მოხდა გამოსავალი ამ თითქოსდა და გამოუვალი მდგომარეობიდან, რომელიც ლიდერმა გუნდთან ერთად მოძებნა, რომ იქნებოდა თავისუფალი კენჭისყრა. არა ხელების გადაგრეხვა, არამედ პასუხისმგებლობა თითოეული დეპუტატის. მე ეს პასუხისმგებლობა ავიღე, მაჟორიტარებმა აიღეს და ამას აქვს, რა თავისი პოზიტიური სიკეთე. თუნდაც ის, რომ თითოეულ რეგიონს თავისი წარმომადგენელი ეყოლება. რაც პროპორციული სისტემით არ ეყოლებოდა,"- განაცხადა დიმიტრი ხუნდაძემ "კურიერის" ... ...
  • აქციის მონაწილეებმა რუსთაველის გამზირზე კარვები გაშალესამ წუთებში აქციის მონაწილეებმა რუსთაველის გამზირზე კარვები გაშალეს. შეგახსენებთ, რომ დღეს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. თამარ ჩუგოშვილმა ვიცესპიკერის თანამდებობა, ასევე, საპარლამენტო უმრავლესობა რამდენიმე დეპუტატთან ... ...
  • "ქართული ოცნების 14 ნოემბერი, ხელიდან გაშვებული შესაძლებლობა" _ გიორგი კვირიკაშვილისაქართველოს ყოფილი პრემიერ-მინმისტრი გიორგი კვირიკაშვილი დღეს განვითარებულ მოვლენებს ფეისბუქის საკუთარ გვერდზე ეხმიანება. კვირიკაშვილის თქმით, ეს იყო  პოლიტიკური პრაგმატიზმისგან დაცლილი გადაწყვეტილება. "ქართული ოცნების 14 ნოემბერი - არსებულ პოლიტიკურ მოცემულობაში სახელმწიფოებრიობისგან, რაციონალიზმისგან და პოლიტიკური პრაგმატიზმისგან დაცლილი გადაწყვეტილება - კიდევ ერთი ნაბიჯი ხელისუფლების დელეგიტიმაციისკენ და საზოგადოებრივი და პოლიტიკური პოლარიზაციისკენ - ხელიდან გაშვებული ... ...
  • "ესენი იყვნენ ყველაზე სამარცხვინო დეპუტატები იყვნენ ქართული ოცნების რიგებში" _ ზვიად კვაჭანტირაძეამ დეპუტატებმა, რომლებმაც ე. წ. გმირობა გამოიჩინეს, ამ ადამიანებს ცხოვრებაში ნაბიჯები არ გადაუდგამთ, _ ეს განცხადება ამ წუთებში დეპუტატმა ზვიად კვაჭანტირაძემ გააკეთა. კვაჭანტირაძის თქმით, ეს დეპუტატები ყველაზე სამარცხვინო დეპუტატები იყვნენ ქართული ოცნების რიგებში. "ამ დეპუტატებმა, რომლებმაც ე. წ. გმირობა გამოიჩინეს, ცხოვრებაში ნაბიჯები არ გადაუდგამთ. ეს დეპუტატები ყველაზე სამარცხვინო დეპუტატები იყვნენ ქართული ოცნების რიგებში. ამ ადამიანებმა თუ მოაწყვეს “აჯანყება”… ჩანს, რომ ეს იყო კონტროლირებადი ვითარება, მით უმეტეს, ის დეპუტატები, რომლებმაც კანონპროექტის წინააღმდეგ მისცეს ხმა, თავიდან ბოლომდე სუს-ის კონტროლირებადები არიან. მე ვფიქრობ, რომ რა სისტემითაც არ უნდა ჩატარდეს არჩევნები, ქართული ოცნება განწირულია დამარცხებისათვის. ბატონო ბიძინა, 15 მაჟორიტარს თუ ვერ უვლით, ქვეყანას როგორ მოუვლით? განაცხადა აქციაზე მისულმა ზვიად ... ...
  • "მოახდინეთ თქვენი ზეგავლენა ამ პროცესებზე" _ მარგველაშვილი მეგობარ პრეზიდენტებს მოუწოდებსთქვენ წაგართვეს ყველაზე მნიშვნელოვანი, თქვენი თავისუფალი არჩევანი,, _ ეს განცხადება ამ წუთებში, თბილისში პარლამენტის წინ მიმდინარე აქციაზე საქართველოს ყოფილმა პრეზიდენტმა, გიორგი მარგველაშვილმა გააკეთა. მარგველაშვილმა მოუწოდა მოსახლეობას მივიდნენ აქციაზე დემოკრატიის დასაცავად.   "თქვენი თავისუფალი არჩევანია, აირჩიოთ ის ვინც მოგწონთ, მნიშვნელობა არ აქვს , ვინ მოგწონთ და როგორი მოგწონთ. დღეს ამის მცდელობა არის, თქვენი საარჩევნო მანდატი ჩაიდონ ჯიბეში. მე მივმართავ იმ ადამიანებს, ვინც არიან ტელევიზორებთან, ვინ უყურებს ამ ყველაფერს _ არ არსებობს თავისუფლების მოპოვება, თავისუფლების დაცვის გარეშე, არცერთი ჩვენგანი არ მოიპოვებს თავისუფლებას, თუ თავის წვლილს არ შეიტანს თავისუფლების დაცვაში. თითოეულმა მოქალაქემ უნდა შეიტანოს თავისი წვლილი და არუნდა გაჩერდეს პოლიტიკური პროცესი მანამ სანამ ჩვენ არ ვიქნებით დარწმუნებულები, რომ ჩვენი ხმის უფლება იქნება გარანტირებული. მე მოვუწოდებ იმ ადამიანებს, ვინც დღეს ჩვენ გვიყურებს,  ხვალ, ზეგ, მასზეგ იდგნენ აქ იმისთვის, რომ დაიცვან ჩვენი დემოკრატია, სხვანაირად არ შედგება თავისუფალი საქართველო, სხვანაირად ჩვენ ვიქნებით სხვადასხვა კლანებისა და ინტერესების მუდმივ ტყვეობაში. დღეს ბრძოლა არ ეხება პოლიტიკოსებს, არამედ რიგით მოქალაქეებს, მათ უფლებას და ისინი უნდა გააქტიურდნენ. მე დღეს მივმართავ ჩემს ასობით მეგობარს, ათობით დედაქალაქში. თქვენ უნდა იცოდეთ, რომ ის თავისუფალი და დემოკრატიული საქართველო, რომელიც თქვენ მოგწონდათ ჩემო ევროპელო, ამერიკელო, დასავლელო მეგობრებო, ცდილობენ, რომ საქართველოს დაუმთავრონ მომავალი. განსაკუთრებით, მივმართავ ჩემს მეგობარ პრეზიდენტებს, გამოიყენეთ თქვენი ძალაუფლება და უნარი, თქვენი კავშირები და მოახდინეთ გავლენა ამ პროცესზე. ან ქართული დემოკრატია გაიმარჯვებს, ან ეს ქვეყანა დაემსგავსება იმ მრავალ ქვეყანას, სადაც ავტორიტარიზმი და ტოტალიტარიზმი არის ცხოვრების წესი. არ არის ეს ქართველი ხალხის არჩევანი და არა ვართ ჩვენ ამის ღირსი. მე ვუერთდები ამ აქციას და ბოლომდე ვიქნები თქვენი სულისკვეთების და თქვენი ბრძოლის მხარდამჭერი, ღმერთმა დალოცოს საქართველო,"- განაცხადა გიორგი ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

არის თუ არა თქვენ საცხოვრებელ ადგილას სასმელი წყალი?