გაზრდილი ფასები და გაღარიბებული მოსახლეობა

მთავარი თემა

გაზრდილი ფასები და გაღარიბებული მოსახლეობა

10 იან. 2019, 12:20:02

საქართველოს სტატისტიკის ეროვნული სამსახურის ინფორმაციით, ქვეყანაში ინფლაციის დონე  1.5%-ით გაიზარდა.

უწყების მიერ გამოქვეყნებული ოფიციალური მონაცემების მიხედვით, გაძვირებულია საკვები პროდუქტები, გაზრდილია კომუნალური გადასახადები; ფასებმა მნიშვნელოვნად მოიმატა მედიკამენტებზე და ეს ყველაფერი მოსახლეობა მძიმედ აისახა.

ჩოხატაურში ბაზრობა ყოველ კვირას იმართება. როგორც წესი, ამ დღეს დაბის ბაზარი, როგორც მოვაჭრეებით, ასევე მომხმარებლებითაა სავსე.

საკვირაო ბაზარს მხოლოდ ჩოხატაურში მცხოვრებლები არ სტუმრობენ _ აქ ხშირად დადიან ოზურგეთიდან, ლანჩხუთიდან და იმერეთიდანაც კი.

თუმცა, წელს, როგორც საახალწლო, ასევე, საშობაო ბაზრობა მკვეთრად განსხვავებული აღმოჩნდა _ 6 იანვარს, შობის წინა დღეს, ბაზარში ხალხი, პრაქტიკულად, არ ყოფილა:

_ ფული არ აქვს ხალხს _ ძალიან უჭირს ყველას. სადღესასწაულო დღეებში კლიენტის მომსახურებას ვერ ვასწრებდი, ფეხის დასადგმელი ადგილი არ იყო ბაზარში. ახლა რაც ხდება, თქვენც ხედავთ. რამდენიმე საათია აქ ვდგავარ და 12 ლარი მაქვს ნავაჭრი, _ გვითხრა ხილით მოვაჭრე ქალბატონმა.

მასთან საუბარში სხვა გამყიდველებიც ჩაერთნენ. ყველამ ერთი და იგივე გვითხრა _ ადამიანებს საკვების საყიდელი ფული არ აქვთ.

_ წლებია, დაპირებებს ვისმენთ ხელისუფლებისგან, რომ ყველაფერი კარგად იქნება, თუმცა, მის შესრულებაზე არავინ ფიქრობს. რაც დრო გადის, მით რთული სიტუაციაა, _ გვითხრეს ბაზარში, სადაც მართლაც უჩვეულო სურათი იყო.

დღესასწაულის წინა დღეს, ბაზარში მდებარე ხორცის მაღაზიებიდან მხოლოდ 3 თუ 4 მაღაზია იყო ღია.

_ რა აზრი აქვს ხორცის შემოტანას? მყიდველი არ არის. ახალი წლის წინა დღეებში თითქმის ყველა მაღაზია ღია იყო და ზარალის მეტი არაფერი მოიტანა. ხორცის კი არა, პურის საყიდელი ფული აქვს ხალხს, _ გვითხრეს მოვაჭრეებმა.

თითქმის ცარიელი იყო სხვა დახლებიც, რის მიზეზადაც ადგილობრივები მოსახლეობის გაღარიბებას ასახელებენ:

_ ხვალ შობაა და მეც მინდა ჩემს შვილებს ნორმალური სუფრა მოვუმზადო. 4 შვილი მელოდება სახლში, რომლებსაც დავპირდი, რომ ღვეზლებიც ექნებოდათ, ხორციც და კანფეტიც, თუმცა, დანაპირებს ვერ ვუსრულებ. ჩვენი ოჯახის ერთადერთი შემოსავალი სოციალური დახმარებაა, რომელიც 200 ლარს შეადგენს. ეს თანხა პურს და შაქარს არ ყოფნის. ვეცადე გამენაწილებინა და ჩემს შვილებსაც ეგრძნოთ დღესასწაული, მაგრამ ვერ შევძელი. ხორცი 14 ლარი ღირს, ყველი _ 12 ლარი, ერთი ცალი კვერცხის ფასი 40 თეთრია. პურის ფქვილი გაძვირდა, შაქარიც. კანფეტის ყიდვას ვინ ამბობს, ღვეზელი რომ გამოვუცხო ბავშვებს, ისიც კი არ შემიძლია, _ გვითხრა ქალბატონმა, რომელიც გამყიდველს სთხოვდა, 4 ცალი ვაშლი აეწონა.

რესპონდენტთან საუბრის დროს, ხორცის მაღაზიიდან ატირებული ბებო გამოვიდა:

_ სახლში მე და ჩემი ქმარი ვართ. ჩვენი შემოსავალი მხოლოდ პენსიაა. ამ თვეში რაც ავიღეთ, წამლებში დავხარჯეთ. 20 ლარი საშობაოდ შემოვინახე. 200 გრამი ხორცის ყიდვა მინდოდა და გამყიდველმა არ მომყიდა, მაგისთვის ბარკალს ვერ დავჭრიო. არადა, ჩემს მოხუცს დავპირდი, რომ შობას ხორციან სუპს გავუკეთებდი, _ ემოციის დამალვა უჭირდა ქალბატონს.

საკვირაო ბაზარში რამდენიმე საათის ყოფნის მიუხედავად, ისეთი რესპონდენტი, რომელთა ჯიბეზე ინფლაცია ასე მკვეთრად არ ასახულა, ვერ ვიპოვეთ.

გამოკითხვამ ცხადჰყო, რომ საშუალო და დაბალი ფენა ჩვენს ქვეყანაში პრაქტიკულად შიმშილობს.

აღსანიშნავია, რომ ეს პრობლემა დღეს არ დაწყებულა _ ბოლო სამი წელია, ყველანაირ გამოკითხვებში ყველაზე მნიშვნელოვან ეროვნულ საკითხებში სამუშაო ადგილების არარსებობა, ფასების ზრდა, ინფლაცია და სიღარიბე სახელდება.

2018 წლის ზაფხულში, Unicef-ის მიერ ჩატარებული კვლევის მიხედვით, ქვეყანაში სიღარიბის დონე გაიზარდა.

"მოსახლეობის კეთილდღეობის კვლევის" ბოლო ეტაპზე მიღებული მონაცემების მიხედვით, საქართველოში სიღარიბის მაჩვენებლები გაიზარდა", _ აღნიშნული იყო კვლევაში და ხაზგასმული იყო, რომ სახელმწიფო ბიუჯეტიდან ჯანდაცვასა და სოციალურ დახმარებაზე მთავრობის მიერ გაწეული ხარჯები 2017 წელს, 2016 წელთან შედარებით, შემცირდა.

"სავარაუდოდ, სიღარიბის ზრდა გამოწვეული იყო ეკონომიკური ზრდის შენელებული ტემპით და გაზრდილი სამომხმარებლო ფასებით", _ აღნიშნულია დოკუმენტში, რომლის გამოქვეყნებიდან რამდენიმე თვე გავიდა და მას შემდეგ სამომხმარებლო ფასები თითქმის ყველა სახის პროდუქტზე მკვეთრადაა გაზრდილი.

აღსანიშნავია, რომ ეს ის კვლევაა, რომელიც პრემიერ გიორგი კვირიკაშვილის გადადგომის ოფიციალურ მიზეზად დასახელდა.

სწორედ Unicef-ის მიერ გამოქვეყნებული დოკუმენტი და მასში ხაზგასმული გაზრდილი სიღარიბის მაჩვენებელი დაასახელეს ოფიციალურმა პირებმა მთავრობის მეთაურის გადადგომის მიზეზად. მაშინ ისიც თქვეს, რომ ახალი პრემიერი და ახალი გუნდი რეალობას უკეთესობისკენ შეცვლიდა.

თუმცა, იმ რეალობას, რაც დღეს ჩვენს ქვეყანაშია, უკეთესობის არაფერი ეტყობა და როგორც უკვე აღვნიშნეთ, პირიქით _ საქმე უარესადაა.

იმის გასაგებად, თუ როგორ აპირებს ხელისუფლება ამ პრობლემის დაძლევას, რამდენიმე უწყებას და პოლიტიკოსს მივმართეთ, თუმცა, უშედეგოდ _ ამ დროისთვის ამ თემაზე კომენტარის გაკეთება არავის არ სურს.

ექსპერტები კი აღნიშნავენ, რომ ქვეყანაში სწორი ეკონომიკური პოლიტიკის დროულად გატარებაა საჭირო:

"თუ გაძვირდა მედიკამენტი, მე ეს გაცილებით მეტად მაწუხებს, მით უმეტეს, თუ მე ვარ პენსიონერი და დამოკიდებული ვარ ჩემს პენსიაზე და ჩემი ძირითადი მოხმარების საგნები არის  მედიკამენტები და საკვები პროდუქტები. შესაბამისად, მე ნაკლებად ვნერვიულობ იმას, რომ ტანსაცმელი გაიაფდა და მსუბუქი ავტომობილები. საჭიროა სწორი ეკონომიკური პოლიტიკა, სწორი რეფორმების გატარება და ფიქრი იმაზე, რომ მეტი ინვესტიცია მოიზიდო ქვეყანაში და ამით წასწიო წინ ქვეყნის ეკონომიკა", _ აღნიშნა მედიასთან საუბრისას არასამთავრობო ორგანიზაცია "საზოგადოება და ბანკების" გამგეობის თავმჯდომარემ, გიორგი კეპულაძემ.




 ახალი ამბები
  • სატვირთო ავტომანქანების მძღოლების მონიტორინგი მკაცრდებასაქართველო სატვირთო ავტომანქანების მძღოლების მონიტორინგს ამკაცრებს. ამის შესახებ ჟურნალისტებს ქუთაისში ვიზიტის დროს ეკონომიკისა და მდგრადი განვითარების მინისტრმა, ნათია თურნავამ განუცხადა. მისი თქმით, ეს კორონავირუსის გავრცელების პრევენციას უკავშირდება. ,,ჩვენ ვხედავთ ამ რისკს. ჩვენ ისევე როგორც სხვა ყველა რისკს, ამასაც ვმართავთ. საგანგებო შტაბის და ჯანდაცვის სამინისტროს მონაწილეობით მკაცრდება მონიტორინგი მძღოლებზე, მათ შორის მასიური ტესტირება დაწყებულია უკვე და ეს არის ის ჯგუფი, რომელზეც ამიერიდან კიდევ უფრო მეტად გამკაცრდება კონტროლი“, - განმარტა ... ...
  • ლანჩხუთში დასუფთავების აქცია გაიმართა (R)ლანჩხუთში დასუფთავების აქცია გაიმართა. კერძოდ გრიგოლეთში, დასუფთავდა როგორც სანაპირო ზოლი ასევე, მიმდებარე ტერიტორია. სხვადასხვა სახის ნარჩენის გატანა სპეციალური ტექნიკის საშუალებით განხორციელდა. აქციაში გურიის მხარის რწმუნებული ზურაბ ნასარაია, ლანჩხუთის მუნიციპალიტეტის მერი ალექსანდრე სარიშვილი, საჯარო მოხელეები და ა(ა)იპ „კეთილმოწყობისა და მომსახურების ცენტრის“ თანამშრომლები მონაწილეობდნენ. „ დღევანდელი აქცია არ იქნება ერთჯერადი, გვინდა, რომ მსგავსმა ღონისძიებამ პერმანენტული სახე მიიღოს და უფრო მეტი ადამიანი ჩაერთოს. ეს არის მნიშვნელოვანი და აუცილებელიც, რათა დამსვენებელს დახვდეს გაუმჯობესებული გარემო“, - განაცხადა ზურაბ ნასარაიამ. "საკურორტო სეზონის მოახლოებასთან ერთად გრიგოლეთის სანაპირო ზოლის დასუფთავება ყოველდღიურად მოხდება, დაემატება ნარჩენების შესაგროვებელი ნაგვის ურნები ლოკაციის ადგილებში. მერიის შესაბამისი სამსახურები, ყველაფერს აკეთებენ იმისათვის, რომ დამსვენებლებს სათანადო პირობები შევუქმნათ“, - აღნიშნა ალექსანდრე სარიშვილმა. ... ...
  • "ძალიან გთხოვთ, პანიკას ნუ მივეცემით" _ ამირან გამყრელიძე ძალიან გთხოვთ, პანიკას ნუ მივეცემით, შემთხვევების მატება დასაშვებია და შესაძლებელია იყოს, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განაცხადა. მან, იმ ფონზე, რომ საზოგადოებრივი ტრანსპორტი ამუშავდა, მოსახლეობას წესების მკაცრად დაცვისკენ მოუწოდა. ამასთანავე, გამყრელიძემ განაცხადა, რომ ჩვენ კვლავ მოგვიწევს „კოვიდ 19“-თან ერთად თანაცხოვრება, რადგან ის ამ წლის ბოლომდეც არსად წავა. „ჩვენ ვამბობდით, რომ შეზღუდვების შემსუბუქების პერიოდში, ყველა ქვეყანაში მოხდა ეს და მოხდება ჩვენთანაც, რომ შემთხვევების მატება დასაშვებია და შესაძლებელია იყოს. ამიტომ კიდევ ერთხელ მოვუწოდებ მოსახლეობას, რომ ამ შემსუბუქების პერიოდში აუცილებელია, რომ ყველამ დავიცვათ ის რეკომენდაციები, რასაც დაავადებათა კონტროლის ცენტრი გაძლევთ. არ ვიყოთ ძალიან ახლოს, ყველა უნდა იყოთ ნიღბით. ამუშავდა საზოგადოებრივი ტრანსპორტი, მობილობის ყველაზე ძლიერი მექანიზმი ანუ მობილობა სერიოზულად გაიზარდა. გუშინ მე ვაკვირდებოდი ქალაქში რომ გადავაადგილდებოდი, რამდენად არის დაცული წესები და ძალიან გამიხარდა, რომ ბევრ ავტობუსში, თუმცა არა მიკროავტობუსში და გასაფრთხილებელია ეს ხალხი, პატიოსნად იყო დაცული წესები. დღეს მომიწია ერთ დიდ საჯარო დაწესებულებაში მისვლა და გამიხარდა, რომ ძალიან მოწესრიგებული იყო ადამიანთა მიღების, რიგში დგომისა და შესაბამისად, დამცავი საშუალებებით აღჭურვა. მოვუწოდებ საზოგადოებას, პანიკის არანაირი საფუძველი არ არის, ჩვენთან ეპიდსიტუაცია სრულად მართვადია. გვექნება ახალი შემთხვევები 3, 5, 10, 15 - არ არის ეს დიდი პრობლემა, ეს მართვადია და ყველა ადამიანი ძალიან ადრეულ ეტაპზე გამოჯანმრთელდება. ძალაში რჩება ის სლოგანი, რომ ჩვენ უნდა ვისწავლოთ თანაცხოვრება კოვიდთან ერთად“. მოგვიწევს ეს. კოვიდი დღეს, ხვალ, ზეგ არ გაქრება, არც ამ წლის ბოლომედ არ გაქრება, ამიტომ უნდა დავიცვათ წესები,“- განაცხადა ამირან ... ...
  • აფეთქება თურქეთში _ დაღუპულია საქართველოს მოქალაქეთურქეთში, ერთ-ერთ საწარმოში აფეთქების შედეგად საქართველოს მოქალაქე დაიღუპა, _ აღნიშნულის შესახებ ინფორმაციას თურქული მედია ავრცელებს. მედიის ცნობით, დაღუპული 45 წლის მამაკაცია. როგორც თურქული მედია იუწყება, აფეთქება გუშინ, ადგილობრივი დროით დილის თერთმეტ საათზე, სტამბოლის ერთ-ერთ სამრეცხაოში მოხდა. ფაქტს საქართველოს საგარეო საქმეთა სამინისტროში ადასტურებენ და ამობენ, რომ საკონსულო კონტაქტზეა ოჯახის ... ...
  • გიორგი ვაშაძე: „ქართულ ოცნებას“ საბოლოო ბილეთი უნდა გამოვუწეროთ და სახლში გავუშვათ„ქართულ ოცნებას“ ჩვენ უნდა აუცილებლად გამოვუწეროთ საბოლოო ბილეთი და გავუშვათ სახლში", _ ამის შესახებ „ახალი საქართველოს“ ლიდერმა გიორგი ვაშაძემ განაცხადა. „29 ოქტომბერს ჩვენ მოვისმინეთ, რომ ბიძინა ივანიშვილი თავის თავზე იღებს წყალტუბოს პროექტს და სამწუხაროდ, ეს არის კიდევ ერთი ბლეფი, რომელიც ყველამ მოვისმინეთ. ჩვენ უნდა გავაკეთოთ ერთი არჩევანი, ან საქართველო - რეგიონის ლიდერი, ან ივანიშვილის საქართველო, რომელიც არის მუდმივად გაჭირვებული, მუდმივად გვატყუებენ, მუდმივად ვართ უკიდურეს სიღარიბეში და ქვეყანას არანაირი პერსპექტივა არ აქვს. ეს სასტუმრო არის ივანიშვილისა და „ქართული ოცნების“ სახე და ასეთი სასტუმრო ათობით არის აქ, ასეთი გაჩერებული პროექტი ათობითაა. იმასაც გეტყვით, რომ თავის დროზე, 350 მილიონი დოლარი უნდა დახარჯულიყო წყალტუბოს რეაბილიტაციისთვის, გააჩერეს ეს პროექტი. ახლა მითხრეს, რომ საკრებულოს ყოფილი თავმჯდომარე, საერთოდ, ციხეში ზის იმიტომ, რომ ინვესტორებზე მუშაობდა და გადაკვეთა მან, როგორც ჩანს, პირადად ივანიშვილის ინტერესები და დასაჯეს, 11 წელის მიუსაჯეს თურმე ამ ადამიანს. ეს ბლეფი ხომ უნდა დამთავრდეს ქვეყანაში? ეს კატასტროფაა, რაც აქ ხდება! მინდა საზოგადოებას ვუთხრა, რომ „ქართულ ოცნებას“ ჩვენ უნდა აუცილებლად გამოვუწეროთ საბოლოო ბილეთი და გავუშვათ სახლში იმიტომ, რომ ამხელა პოტენციალის ქვეყანა არ შეიძლება, ასეთი ღარიბი და მშიერი იყოს,“- განაცხადა გიორგი ... ...

არქივი

ტესტები

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?