"გურიაში მეორადი თხილის ეპოქაა!"

მთავარი თემა

"გურიაში მეორადი თხილის ეპოქაა!"

2018 სექ 17 13:30:22

გურიაში წელს განსაკუთრებით ირთობენ თავს სარკასტული ყბისაქცევებით. თემა, მათი აზრით, საუცხოოა _ "რა გვიჭირს, ძამა, წელს მეორადი თხილი, ფაროსანას დაგემოვნებული წაბლი და ხილეული უხვად გვაქვს, ერთბაშად რომ ასეთ პატივს გცემს განგება, რა ჯობს?! ისე, რეიზა დევისაჯეთ, ნეტაი, პაწა ამაზე ფიქრიც კაია", _ საუბრობენ ოზურგეთის ცენტრში, თხილის მიმღებ პუნქტებთან თავმოყრილი გურულები და იუმორთან ერთად, ბრაზიც გაერევა ხოლმე მათ დიალოგში: "ამ მეორადი თხილითაც კარგად ითბობენ ხელს ვიღაცეები, მაგრამ ეგეც ჯანდაბას, ოღონდ, ვაითუ, სწორედ მაგიტომ კაიხანს არ მიხედონ ხეირიანად ამ ჩვენს მარჩენალ კულტურას და ხომ დავიღუპეთ". "ხეირიან მიხედვაში", ხარისხიან შესაწამლ პრეპარატებს გულისხმობენ და დიდი ეჭვი აქვთ, რომ წელს, ძირითადად, სიდამპლის საწინააღმდეგო პრეპარატები ვადაგასული და უხარისხო იყო.

რა არის მეორადი თხილი და რა დატვირთვის მატარებელია ეს ახლახან გაჩენილი ტერმინი, რომელსაც, სულ ცოტა ხნის წინ, მხოლოდ ტანსაცმლის თუ ავეჯის მისამართით გამოიყენებდნენ ჩვენში?

თხილის სიდამპლემ ისე იმსხვერპლა გურულების პლანტაციები, მიუხედავად არა ერთგზის შეწამვლისა, ჯერჯერობით, მინიმალური შედეგიც არ ჩანს და ხალხი ბაღებში მოსაკრეფად არც ჩასულა. ბევრგან ტონობით თხილი ყრია, რადგან თითქმის ყველა დამპალი და უვარგისია. გლეხკაცი იმედგაცრუების შიშმა სერიოზულად აიტანა.

დღეისთვის ოზურგეთში, ე. წ. "მეორადი თხილის" მიღებაც ხდება და ერთი კილოგრამი 20 ან 30 თეთრია. სხვაობა ასეთ მინიმალურ ფასშიც კი იმაში მდგომარეობს, რომ 30 თეთრად ღირებულ თხილში, ყოველი ათიდან ორი მაინც უნდა იყოს საღგულიანი. ათიდან თუ ყველა უვარგისია, მაშინ ერთი კილოგრამი 20 თეთრი ღირს.

_ ამ 20-თეთრიან თხილშიც კი ხეირს ნახულობენ, რადგან თავად, მინიმუმ, 80 თეთრად ყიდიან "გარჩეულ" დამპალ გულს. სამეგრელოში სპეციალური ქარხანა ხდის ზეთს, შემდეგ კი, უფრო ხარისხიანი გადამუშავებისთვის თურქეთში გააქვთ. ჩვენ ვიკითხოთ, თორემ, "ქორვაჭრები" და ამ ყიდვა-გაყიდვაში დახელოვნებული მაფიოზები მაინც ხეირობენ, _ ბრაზობს მოსახლეობა, რომელიც, ჯერჯერობით, პლანტაციებში ჩატოვებულ დამპალ თხილს ნაკლებად აქცევს ყურადღებას, მაგრამ მალე, როგორც ვარაუდობენ, ხალხი თხილის შეგროვებას მაინც დაიწყებს.

_ კომუნისტები ერთ კილოგრამ ჩაიში შვიდ თეთრს გვიხდიდნენ და წამხდარ საქმეზე, 30 თეთრად რომ ჩავაბაროთ და ორი პური მაინც წავიღო სახლში, რა უჭირს?! თუ ის დამპალი თხილიც უკვე ვირთხებმა არ წაიღეს, _ ამბობენ გურულები.

ერთ-ერთი მათგანი, ოზურგეთის მუნიციპალიტეტის სოფელ გაღმა დვაბზუს მკვიდრი ერაბ რუსიეშვილი ფაროსანასგან შეჭმულ წაბლზე გვესაუბრება:

_ თხილი ჯანდაბას, ვიცით, რომ დალპა და ფაროსანას მიზეზით არ მომხდარა ეს. წაბლი ხომ ნამდვილად გასინჯა და საკმაოდ მოასწრო განადგურება?! იძახდნენ, წაბლს ვერაფერს ავნებს და მოვაშენოთო. აგერ, ბატონო, ნახეთ, ბუდეში გახვეულიც შეჭამა და ლობიოს და კიტრს დატოვებდა? ისე, ლობიოც თუ სანატრელი გახდებოდა ჩვენს ყანებში, აღარ მეგონა, _ გვეუბნება მერაბ რუსიეშვილი და ფაროსანასგან დაზიანებულ წაბლის ნაყოფს გვაჩვენებს.

ჩაბარებისას წაბლსაც ისე არჩევენ, როგორც თხილს

იმავეს ამბობს სოფელ გურიანთის მკვიდრი მაგული ლომთათიძე:

_ თხილის საქმე რომ წახდა, ფაროსანა წაბლს მაინც ვერ დააზიანებსო,  _ ამბობდნენ. თუმცა, კარგადაც შეეჭიდა და წაბლიც ნახევრად მოსპო, _ გვეუბნება ის და გვაჩვენებს ნაყოფს, რომელიც, ერთი შეხედვით, მატლისგან დაზიანებული გეგონება.

ჩაბარების წინ კაკალიც უნდა გაიტეხოს

ერთი კილოგრამი წაბლის ფასი, დღეისთვის 2-2,50 ლარია და უმეტესად, ხილის მსგავსად, მისი გადარჩევაც ხდება, ოღონდ, ცნება "მეორადი წაბლი", ჯერ არ დამკვიდრებულა.

_ მოსალოდნელი ყველაფერია _ ჩვენც მეორადი ადამიანები ვართ. აბა, რა ხეირია ჩვენს ცხოვრებაში? ჯერ უბედური წლები გავიარეთ, მერე თითქოს წამოვიწიეთ, ამოსუნთქვა დაგვეტყო თხილის საშუალებით. ახლა ისე წავიქეცით, მეორედ წამოდგომა გაგვიჭირდება. მეტი არაა კაცის ცხოვრება, კი დამთავრდა წუთისოფელი, _ გვეუბნება ცისო სალუქვაძე და ლიხაურიდან ქალაქში გასაყიდად ჩამოტანილი თხილი უკან მიაქვს.

რაც შეეხება კაკალს, კარგად გარჩეული, გარეცხილი და გამშრალი თუ არის, ერთ კილოგრამს ერთ ლარად იბარებენ, სხვა შემთხვევაში კი 85 თეთრი ღირს. გურულებს ეშინიათ, ფაროსანამ კაკალიც არ დააზიანოს.

ფერმერი და აგრონომი აკაკი ღლონტი მიიჩნევს, რომ ფაროსანა ნაკლებად დააზიანებს წაბლს და შესაძლოა, უფრო კენწეროსკენ მყოფი, უკვე ბუდეგახსნილი ნაყოფი გააფუჭოს:

_ მე მაქვს წაბლის პლანტაცია. აქა-იქ იყო დაზიანებული, თუმცა, უმნიშვნელოდ. მით უფრო, ქიმიური პრეპარატით არ შემიწამლავს, რადგან ბიოფერმერი ვარ და პრესტიჟს ვუფრთხილდები. ფაროსანა უფრო სიმაღლეში ეტანება, მიწასთან ახლოს არ აზიანებს სანაყოფე კვირტს თუ უკვე მწიფე ხეხილოვნებს და ბოსტნეულს.

ფაროსანასგან დაზიანებული წაბლი

მინდა, როგორმე, ჩემი მეურნეობა მექანიკური ბრძოლით და ბიოპრეპარატებით დავიცვა. ვიტყვი ერთს: 50 მილიონი რომ იყო გამოყოფილი ფაროსანასთან საბრძოლველად, 100 ათასი მაინც ხომ შეიძლებოდა ბიოფერმერებისთვის მიეცათ? სულ 300 ბიოფერმერია საქართველოში. დღეისთვის მრავალი პრობლემა შეექმნა ფერმერებს, თუმცა, ხელის ჩაქნევა რას მოგვცემს? მიეჩვევა ხალხი იმასაც როგორმე, რომ თხილი უნდა გასხლას, შეწამლოს, ნიადაგი გადაბაროს, მოაკირიანოს, გაანოყიეროს სისტემატურად და არა მოხასიათებით.

მე ვაპირებ, ჩემს ბიოფერმერულ მეურნეობაში შევქმნა სადემონსტრაციო ნაკვეთი. არავისგან არაფერს ვითხოვ. გავაკეთებ და ყველას ვაჩვენებ თავიდან ბოლომდე, როგორი მუშაობაა საჭირო, რომ საღი და საუკეთესო თხილის მოსავალი მივიღო. საერთოდ, ჩვენში თვალსაჩინოება უფრო ჭრის, ყოველგვარ გაგონილზე. ასჯერ მოყოლილს ერთხელ ნანახიც ჯობსო, ესეც ჩვენი შემეცნებიდან ნაკარნახევია.

მე ყოველთვის ოპტიმისტურად ვარ განწყობილი და მჯერა, რომ თხილს ეშველება, ფაროსანასაც ბოლო მოეღება. ვისაც გული შეტკივა, რაღაცას აკეთებს, კრიტიკასაც არ იშურებს და შედეგებსაც აჩვენებს ადამიანებს, _ ამბობს აკაკი ღლონტი.




 ახალი ამბები
  • რუსთავი-თბილისის გზაზე ავარიას 6 თვის ბავშვი ემსხვერპლარუსთავი-თბილისის გზაზე ერთმანეთს "ტოიოტასა" და "კიას" მარკის ავტომობილები შეეჯახა. ავტოსაგზაო შემთხვევის შედეგად 6 თვის ბავშვი დაიღუპა. როგორც „ინფო რუსთავი“ იუწყება, მცირეწლოვანი ბავშვი მშობლებთან ერთად სწორედ "ტოიოტას" მარკის ავტომობილში იმყოფებოდა. დაშავებული ბავშვი სასწრაფო-სამედიცინო დახმარების ჯგუფმა კლინიკა ნიუ-ჰოსპიტალსში გადაიყვანა, თუმცა, მისი გადარჩენა ვერ მოხერხდა. შემთხვევის ადგილზე მობილიზებული იყო საპატრულო პოლიციისა და სასწრაფო დახმარების ... ...
  • მეკვერნიე „ჩაქირა“: უნიკალური ჯიშის ძაღლი გურიაში, სავარაუდოდ, მხოლოდ ერთ კაცს ჰყავსმეკვერნიე ჯიშის ძაღლი „ჩაქირა“ ძველად  გურიაში საკმაოდ გავრცელებული ყოფილა და მას კვერნაზე სანადიროდ იყენებდნენ. შემდეგ კი გადაშენებულა და ახლა მხოლოდ მაკვანეთელ ილია თოიძეს ჰყავს. _ის თავს ევლება მეკვერნიე „ჩაქირას“, საოცარ ამბებს გიამბობთ, უვლის, ცდილობს გამრავლდეს და ყველას ჰყავდეს.  ეს ძაღლი  საუცხოო მონადირეა. გადაშენების პირას მყოფი, _ გვატყობინებს სოფელ ლიხაურის საჯარო სკოლის პედაგოგი, ირმა გორდელაძე. „გურია ნიუსი“ მალე  ილია თოიძესთან საინტერსო ინტერვიუს ... ...
  • საიდან მოდის და რას უკავშირდება ნოტების სახელები7 მუსიკალური ნოტი დო-რე-მი-ფა-სოლ-ლა-სი ყველასთვის კარგად არის ცნობილი, მაგრამ ცოტამ თუ იცის, რატომ ჰქვიათ ამ ნოტებს ასეთი სახელები და რას ნიშნავს თითოეული მათგანი. ნოტების სახელწოდების წარმოშობა დაკავშირებულია ნაწარმოებთან “Uტ ქუეანტ ლახის”, რომელიც კათოლიკური ჰიმნია და იოანე ნათლისმცემელს ეძღვნება. დო-რე-მი-ფა-სოლ-ლა-სი იოანე ნათლისმცემლისადმი მიძღვნილი ჰიმნის ლათინური ლოცვის პირველი მარცვლებია, თუმცა თავდაპირველად იყო ასე – უტ-რე-მი-ფა-სოლ-ლა-ჰექსაქორდი. სი მოგვიანებით გაჩნდა. უტ კი დო-თი მოგვიანებით მუსიკისმცოდნე დონმა შეცვალა თავისი გვარის პირველი მარცვლით. შვიდივე მუსიკალურ ნოტს თავისი სახელწოდება აქვს: დო – DOMINUS – ღმერთი,  რე – RERUM – მატერია, მი – MIRACULUM – სასწაული,   ფა – FAMILIAS PLANETARIUM – პლანეტების ოჯახი, ანუ მზის სისტემა,    სოლ – SOLIS – მზე,  ლა – LACTEA VIA – ირმის ნახტომი,  სი – SIDERAE – ზეცა.  წყარო : ... ...
  • $7 000 000 - აშშ, საქართველოში ახალ საგანმანათლებლო პროგრამას განახორციელებსაშშ-საქართველოს სტრატეგიული პარტნიორობის ფარგლებში, ვაშინგტონში მორიგი შეხვედრა გაიმართა. კულტურული გაცვლებისა და ხალხთაშორისი ურთიერთობების სამუშაო ჯგუფის შეხვედრაზე, საქართველოს საგარეო საქმეთა და განათლების მინისტრების მოადგილეები წარდგნენ. სახელმწიფო დეპარტამენტში გამართულ შეხვედრაზე განათლების, კულტურისა და სტრატეგიული კომუნიკაციების შესახებ იმსჯელეს. განათლების მინისტრის მოადგილის განცხადებით, შეხვედრაზე საუბარი შეეხო ოკუპირებული ტერიტორიებსა და საოკუპაციო ხაზის გასწვრივ არსბულ ვითარებას. ირინე აბულაძის თქმით, ქართულმა მხარემ, ამერიკელ პარტნიორებს სრული ინფორმაცია მიაწოდა გამოწვევების შესახებ, რაც ოკუპირებულ რეგიონებში, განათლების უფლების მხრივ დგას. მისი თქმით, შეხვედრაზე ასევე საუბარი შეეხო საქართველოს მთავრობის სამშვიდობო ინიციატივებს განათლების ხელმისაწვდომობის კონტექსტში. „ამერიკა რჩება საქართველოსთვის ძირითად სტრატეგიულ პარტნიორად, როგორც ქვეყნის სუვერენობის, ასევე განათლების ხარისხის განვითარების მიმართულებით.“_ განაცხადა აბულაძემ. აბულაძის თქმით, შეხვედრაზე საუბარი შეეხო პროფესიული განათლების ხელშეწყობის მიზნით, გაცვლითი პროგრამების წამოწყების იდეას. დღესვე ცნობილი გახდა, რომ ამერიკული მხარე, საქართველოში, $7 000 000 აშშ დოლარის ღირებულების საგანმანათლებლო პროგრამას განახორციელებს. „USAID” – ის დაფინანსებული პროექტი, ქართული საჯარო სკოლების დაწყებითი საფეხურის მასწავლებელთა გადამზადებას ითვალისწინებს. ამასთან, ამერიკული მხარის ინიციატივით, საქართველოში, „Fulbright“-ის პროგრამის გაფართოვება იგეგმება. „ფულბრაითის“ პროგრამის ფარგლებში, წელს უკვე 11 ქართველი სტუდენტი მიიღებს ამერიკაში განათლებას. 2020 წლის გაზაფხულიდან კი, როცა შეთანხმებას მოეწერება ხელი, საქართველოს, ამერიკიდან „ფულბრაითის“ 10-მდე სტიპენდიანტი ეწვევა, რომლებიც საქართველოს უნივერსიტეტში ინგლისურ ენას ასწავლიან. წყარო : ამერიკის ... ...
  • ქარი, თოვლი და ყინვა _ ტემპერატურა -20 გრადუსამდე დაეცემასინოპტიკოსთა ცნობით, საქართველოს მთელ ტერიტორიაზე დღეიდან ტემპერატურა მკვეთრად დაეცემა. დღეს საქართველოს ზოგიერთ რაიონში ითოვებს. 25-27 იანვარს, ღამით გაძლიერდება ქარი და ყინვა. ჰაერის ტემპერატურა ღამის საათებში დასავლეთ საქართველოს დაბლობ რაიონებში -4, -6, აღმოსავლეთ საქართველოს ბარში ზოგან -8, მთაში -15, მაღალმთაში -20 გრადუსამდე დაიკლებს. 25 იანვარს, დღისით დაბლობსა და ბარში +1, +6 გრადუსი იქნება, ხოლო 26-27 იანვარს +7, +12 გრადუსამდე მოიმატებს. თბილისში ჰაერის ტემპერატურა 25-27 იანვარს ღამის საათებში -1, -3 გრადუსამდე დაიკლებს, დღისით კი +8, +10 გრადუსამდე ... ...

არქივი

ზაფრანი

მიწაზე მიყინული კნუტები კაცმა ყავით გადაარჩინა

BBC-ის ინფორმაციით, მიწაზე მიყინული კნუტები...

სასარგებლო რჩევები ცნობილი ქალებისგან

ანჯელინა ჯოლი ზოგჯერ, როცა თავის...

ბიონსეს სილამაზის საიდუმლო

მართალია მომღერალი ვეგეტარიანელი არაა, მაგრამ...

ცნობილი ვარსკვლავების ყოველდღიური დილის რეჟიმი

ჯენიფერ ენისტონი ჯენიფერ ენისტონის დილა...

რატომ უნდა დაიბანოთ გაზიანი წყლით

კორეულ კოსმეტიკასა და თავის მოვლის...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...