იქ, სადაც თევზჭერა აკრძალულია, თევზის მომსპობი ნარჩენით სავსე სარკოფაგია გაჭრილი

მთავარი თემა

იქ, სადაც თევზჭერა აკრძალულია, თევზის მომსპობი ნარჩენით სავსე სარკოფაგია გაჭრილი

2019 ივლ 5 13:49:13

ახლახან, "გურია ნიუსი" წერდა გარემოს დაბინძურების უმძიმესი ფაქტის შესახებ ოზურგეთის მუნიციპალიტეტის სოფელ ნატანების ტერიტორიაზე, შეკვეთილთან ახლოს, სადაც ციტრუსოვანთა ნარჩენით ქობულეთელმა, ბიზნესმენმა რამაზ გოგიტიძემ ტურისტულ სეზონს "სიურპრიზი" უძღვნა.

მიუხედავად იმისა, რომ დღეისთვის ციტრუსოვანთა ნარჩენით ავსებული სარკოფაგები, "გურია ნიუსში" გამოქვეყნებული სტატიის შემდეგ დაფარეს, ახლომახლო ღელეები დაბინძურებულია. როგორც ადგილობრივმა მწყემსებმა გვაჩვენეს, ბაყაყებიც აღარ არის მასში ცოცხალი. უფრო მეტიც _ ეს ღელეები ჩაედინება ჩოლოქში, ჩოლოქს კი ზღვაში შეაქვს სიბინძურე და საშიში ნარჩენი.

ჩვენ ნატანების ტერიტორიაზე მორიგ ასეთ სარკოფაგს გადავეყარეთ, ოღონდ აქ უფრო საშიში სიტუაცია დაგვხვდა _ ქოხმახებიანი ეზოს ჭიშკარზე დიდი ასოებით წერია: "თევზჭერა და ნადირობა აკრძალულია", გვერდით პატარა თუნუქზე კი ცარცით წერია კიტა ბუაჩიძის ცნობილი ტრაგიკომედიის ფრაზა-სათაურის ტექსტი: "ეზოში ავი ძაღლია". ეს, ერთი შეხედვით, უწყინარი, მაგრამ გამაფრთხილებელი ფრაზა ჩვენთვის ორმაგად საშიში აღმოჩნდა, როცა ჭიშკარში შესვლისას ავი ძაღლი, რომელიც მანამდე არსად ჩანდა, მართლა გამოგვიდგა, "მასპინძელო" კი ამაოდ ვიძახეთ.

ჭიშკართან შევჩერდით და ძაღლი ყურადღების მიღმა დავტოვეთ. ინტუიციამ გაჭრა და კარგა ხნის ლოდინის შემდეგ, ის ეზოს უკანა მხარეს წავიდა ყეფით. მოვახერხეთ ჭიშკრის გაღება და იქვე, ტრიფოლიატის ტოტებით შემოსაზღვრული სარკოფაგის გადაღება, რომელიც ციტრუსოვანთა ისეთივე საშიში, მყრალი ნარჩენითაა სავსე, როგორზეც ვწერდით. უკვე აღნიშნული ადგილიდან ეს მორიგი საშიში კერა, ერთ კილომეტრ მანძილზე თუ იქნება. დაახლოებით, 700 კვ.მ-მდე ფართობი საგანგებო ავზად ამოთხრილი, ჯერ ღობითაა შემოსაზღვრული, შემდეგ კი ბოლო რიგად ტრიფოლიატის ბადე აქვს შემოვლებული.

სავარაუდოდ, ამ ყველაფრის შემოქმედმა, ვიზუალურად კარგად დამალა სარკოფაგი. თუმცა, სუნს ვერაფერი მოუხერხა, რომელიც სუნთქვას აუტანელს ხდის და დაუფარავი, ღიად დატოვებული მასა ყარს.

არსებული "სამალავი", მართალია, გზისპირასაა, რომელიც სოფელ ნატანების შიდა გზას წარმოადგენს, თუმცა, ეკალ-ბარდით დაფარული ეზოს შემოგარენიდან, თუ საგანგებოდ არ მიხვედი ახლოს, არ ჩანს. ახლოს მოსახლეობა არ არის _ მხოლოდ საყანე ფართობებია. მალე ძაღლი ისევ გამოგვიდგა და თავი ძლივს დავაღწიეთ.

სახლი, რომელიც ერთსართულიანია და კარ-ფანჯრები სანახევროდაც არ აქვს, მიტოვებულის შთაბეჭდილებას ტოვებს.

ირგვლივ ამაოდ ვეძებდით ხმის გამცემს. ბოლოს, გზაზე ერთი გამვლელი ქალბატონი გამოჩნდა, თავსაბურავით და სამუშაო ტანსაცმლით, რომელიც რუხაძის გვარით გაგვეცნო, სახელი არ გვითხრა და არც ფოტოს გადაღებაზე დაგვთანხმდა. აგვიხსნა, რომ აქ ასეთ სახლებში მომთაბარე მენახირეები ცხოვრობენ და მათი გვარ-სახელები არ იცის, არც ის იცის, ვინ გააკეთა აქ ციტრუსოვანთა საშიში ნარჩენის ამხელა მასა.

_ მე რა ვიცი? აქ ახლოს მოსახლეობა არ არის. მწყემსებს თუ ნახავთ, სხვას ვერავის. რას ეძებთ, ვინ ჩაასხა? ეზოს შიგნითაა ამოთხრილი, _ გვითხრა ქალბატონმა.

_ ეს რომ საშიში ნარჩენია, აბინძურებს წყალს, გარემოს, აუტანელი სუნი დგას, ეს არ გაწუხებთ?

_ რა ვიცი... ცხვირზე ხელი მეიჭირე, აქ რომ გაივლი. ეზოში აღარ შეხვიდე, თორემ მაგ ძაღლს მეორედ ვერ გადაურჩები. სულ ყეფს აქ და იმიტომ აწერია ჭიშკარზეც. ჯაჭვი კარგად გასკვენით _ გარეთ არ გამოძვრეს. აბა, ღობეზე ვერ გადმოვა, კარგი გაკეთებულია, _ "დაგვარიგა" ქალბატონმა.

_ თქვენ ისე საუბრობთ, იცით, ამ ეზოში ვინც საქმიანობს... არასდროს დაგინახავთ?

_ არ ვიცი, რა ჩემი საქმეა, _ გვითხრა მან და სასწრაფოდ გაგვეცალა.

სავარაუდოა, რომ აღნიშნული წარწერა, რომელსაც ახალი ელფერი არ აქვს, დიდი ხანია, არსებობს და გასულ წლებშიც აქ მდებარე სარკოფაგს უფრო მალავდა და იცავდა, ვიდრე პატრონს, რომელიც არსად ჩანს.

ოზურგეთის მუნიციპალიტეტის მერიის სამართლებრივი და ზედამხედველობის სამსახურის, ზედამხედველობის განყოფილების უფროსმა შუქრი გაბრიჩიძემ ჩვენთან განაცხადა, რომ ამის შესახებ ინფორმაციას არ ფლობს და აუცილებლად დაინტერესდება:

_ მაგ მხარეში გარემოს დაცვის ხალხი სულ დადის და შეუმჩნეველი დარჩათ? არ ვიცი. დავინტერესდები, _ გვითხრა მან.

ჩვენ გარემოს დაცვითი ზედამხედველობის დეპარტამენტის აჭარა-გურიის რეგიონული სამმართველოს გურიის განყოფილების უფროსს ალექსი გოგალაძეს არაერთხელ დავურეკეთ, თუმცა, როგორც წესი, ის ზარებს არ პასუხობს. უპასუხოდ დატოვებული ზარების საკითხზე "გურია ნიუსი" აუცილებლად მიმართავს სამინისტროს.

ერთადერთხელ, როცა ალექსი გოგალაძე გვესაუბრა, თავმომწონედ განაცხადა, რომ ხშირად დადის რეგიონში, ახდენს რეაგირებას, იცის ყველა პრობლემის შესახებ. თუმცა, საკითხავია, რა იცის _ ის ხომ არა, ათი თვის განმავლობაში ქობულეთიდან შემოტანილი მომწამვლელი მასა ღია სარკოფაგში რომ ეყარა, გარემო ყარდა და მხოლოდ "გურია ნიუსის" ჩარევის შემდეგ დაიმარხა, თუმცა, საშიში შედეგი კიდევ დიდხანს დარჩება გარემოში?

როგორც ჩანს, გარემოს დაცვის სამინისტროს, აქ, რეგიონში საკმაოდ ზერელე და საქმისადმი უპასუხისმგებლო დამოკიდებულების მქონე ხელმძღვანელი ჰყავს.

"გურია ნიუსი" აგრძელებს პასუხების მოპოვებას არსებულ ყველა კითხვაზე, რომელსაც ჩვენს მკითხველს უახლოეს დროში შევთავაზებთ.




 ახალი ამბები
  • თეთრიწყაროში დასაქმებისა და პროფესიული განათლების ფორუმი გაიმართათეთრიწყაროში დასაქმებისა და პროფესიული განათლების ფორუმი გაიმართა. ფორუმის მიზანს, ადგილობრივი სამუშაოს მაძიებლების პროფესიული გადამზადების კოლეჯებთან და დამსაქმებლებთან დაკავშირება, ხოლო დამსაქმებლებისთვის ახალი კვალიფიციური კადრების მოძიება წარმოადგენდა.   ღონისძიებაში პროფესიული განათლების 11 კოლეჯმა და 23-მა მსხვილმა კომპანიამ, მათ შორის,   ევროკავშირის მიერ მხარდაჭერილი და RDFG-ის ხელშეწყობით განხორციელებული სოფლის განვითარების პროექტების წარმომადგენლებმა მიიღეს მონაწილეობა.  დამსაქმებლებმა სამუშაოს მაძიებლებს 300-მდე აქტიური ვაკანსია შესთავაზეს.  RDFG-ის თავმჯდომარემ ვანო გრიგოლაშვილმა ფორუმის მონაწილებს ევროკავშირის მიერ მხარდაჭერილი დასაქმების ხელშეწყობისა და პროფესიული გადამზადების პროგრამების შესახებ მიაწოდა ინფორმაცია. სოციალური მომსახურების სააგენტოს დირექტორის მოადგილემ ლევან გოგოძემ კი, დასაქმების თანამედროვე გამოწვევებზე, სახელმწიფო სტრატეგიასა და პროგრამებზე ისაუბრა. გარდა ამისა, სხვადასხვა სფეროში დასაქმებულმა წარმატებულმა ადამიანებმა, ფორუმის მონაწილეებს თავიანთი ისტორიები გაუზიარეს, თუ როგორ შეიძლება  გახდე კონკურენტუნარიანი შრომის ბაზარზე. ღონისძიების მიმდინარეობისას,  ევროკავშირის მიერ მხარდაჭერილი პროექტის „სოფლის მდგრადი განვითარება თეთრიწყაროს მუნიციპალიტეტში“ ფარგლებში, პროფესიული მომზადება-გადამზადების კურსების 30 უფასო ვაუჩერი გათამაშდა. გამარჯვებულებმა  პროფესია  საკუთარი ინტერესების შესაბამისად შეარჩიეს. ევროკავშირის მიერ დაფინანსებული პროექტი „სოფლის მდგრადი განვითარება თეთრიწყაროს მუნიციპალიტეტში“ ევროკავშირის პარტნიორი ასოციაციის „სამხარეო განვითარება მომავალი საქართველოსთვის“ (RDFG) მიერ ხორციელდება. პროექტი, მიზნად თეთრიწყაროს მუნიციპალიტეტში ცხოვრების ხარისხის გაუმჯობესებას ისახავს, რაც ინოვაციური სოციო-ეკონომიკური მოდელების დანერგვითა და გადაწყვეტილების მიღების პროცესში სამოქალაქო, კერძო და საჯარო სექტორის წარმომადგენლების ჩართვის მეშვეობით მიიღწევა. ამ მიზნით, RDFG თანამშრომლობს აგრო-ტექონოლოგიების ასოციაციასთან (ATA) და ლიეტუვის ადგილობრივი განვითარების ჯგუფების ქსელთან (VVGT). ევროკავშირი საქართველოს სოფლისა და სოფლის მეურნეობის განვითარებას ხელს უწყობს სოფლისა და სოფლის მეურნეობის განვითარების ევროპის სამეზობლო პროგრამის, ENPARD-ის ფარგლებში. საქართველოში პროგრამა 2013 წლიდან, 179.5  მილიონი ევროს ბიუჯეტით ხორციელდება და მის მიზანს სოფლად სიღარიბის შემცირება წარმოადგენს. პროგრამა ეხმარება საქართველოს მთავრობას, ასევე, ადგილობრივ თემებთან მომუშავე არასამთავრობო ... ...
  • “მინდა წესიერად და ადამიანურად მოიქცნენ“ - რა ხდება ფანჩატურში“ვიცი, თქვენ დაწერეთ, რომ ქალაქ ოზურგეთში, ჭავჭავაძის ქუჩაზე ერთ-ერთი კორპუსის ეზოში მდებარე ფანჩატურიდან  ორი სკამი  და ერთი მაგიდა აიღეს. ახლა  დგას და ნახეთ, რა მ დგომარეობა არის. საშინელება ხდება და სიბინძურეა, ამას აკეთებს ახალგაზრდობა და ძალიან მტკივა გული. არ გეუბნები ამას ნიშნის მოგებით, მინდა წესიერად და ადამიანურად მოიქცნენ.“ - თქვა “გურია ნიუსთან“ საუბრის დროს ერთ-ერთმა ადგილობრივმა. ოზურგეთში, ერთ-ერთი კორპუსის ეზოში მდებარე ფანჩატურში და მის ირგვლივ მართლაც ისეთი მდგომარეობა, რომლის ნახვა განწყობას გაგიფუჭებს. ამავე თემაზე: http://gurianews.com/article/mtavari/sazogadoeba/davisvenet-kalak-ozurgetshi-panchaturidan-skamebi-da-magida-aighes ... ...
  • “დაანებონ ლიხაურს და შემოქმედს თავი“ _ აშენდება თუ არა ლიხაურში ქვესადგური“ყველა ლიხაურს რატომ უტევს? ხვალ 17 ოქტომბერს,12 სთ ზე,კომპანია "სლრ ცუნსულტინგ" მართავს შეხვედრას სოფ.ლიხაურში. თემა-მძლავრი ელექტრო გადამცემი სადგურის მშენებლობა და გარემოზე დაკვირვების განხილვა. მსურს მოგახსენოთ, რომ სოფელი ლიხაური არის, უნიკალური ბუნების, ხეობის და უძველესი ისტორიის მქონე ტურისტული ზონა. ოზურგეთის ერთ-ერთი მარგალიტი. მჭიდროდ დასახლებული სოფელი. აქ, მის ტერიტორიაზე ასეთი სადგურის მშენებლობა, ყოვლად დაუშვებელია. ააშენონ ლიხაურის ტერიტორიის გარეთ. ყველა როგორ უტევს სოფელ ლიხაურს. ხან კლდის ნგრევა, კარიერები, ახლა სადგური გვაკლია. ავსახლდეთ სოფლიდან? ელექტრო მაგნიტურ გამოსხივებას სად გავექცეთ?“ - ეს ინფორმაცია სოციალურ ქსელში, გადავარჩინოთ გურიის მდინარეებს ერთ-ერთმა დამფუძნებელმა ირმა გორდელაძემ გაავრცელა. შეხვედრა სოფელ ლიხაურში მართლაც შედგა, მაგრამ დარბაზში ცარიელი სკამები უფრო ჭარბობდა, ვიდრე ხალხი. როგორც სოფელში აღნიშნეს, მოსახლეობა ინფორმირებული არ იყო და სწორედ ეს აჩენს ეჭვის საფუძველს, რომ ლიხაურისთვის კარგი არ კეთდება. შეხვედრაზე ითქვა, რომ  სოფელ ლიხაურში 220 კილოვატიანი ქვესადგურის მშენებლობა იგეგმება. თინა დობორჯგინიძე, ლიხაურის საჯარო სკოლის პედაგოგი: ისე ნურავინ იფიქრებს, რომ ჩვენ განვითარების წინააღმდეგი ვართ. ძალიან კარგად ვიცით, რომ სახელმწიფოს აქვს თავისი ინტერესები, თუმცა... სახელმწიფო ადამიანებისთვის არსებობს უპირველეს ყოფვლისა. ადამიანებს ამ ჰესის წინააღმდეგი არის იმიტომ, რომ ჩვენ ბევრჯერ მოგვიაწია ლიხაურის დაცვა, ფაქტიურად ომში ვიყავით ჩართული. ეს იყო კარიერების თემა, ეს იყო ციხის თემა, ეს იყო მიწის თემა და არაერთი საკითხი, რომელიც ჩვენი სოფლისთვის მიუღებელია. რატომ? ლიხაური არის ერთ-ერთი საუკეთესო სოფელი გურიაში და მას პატრონობა ჭირდება და არა დაქცევა, განადგურება.  ირმა გორდელაძე: “ლიხაური არის ტურისტული ზონა და ეს ქვესადგური სხვა ადგილას ააშენონ, სადაც ადამიანებს და ბუნებას არ შეეხებიან. დაგვანებონ  ლიხაურს და შემოქმედს თავი, ამ ბოლო დროს ძალიან ამ სოფლებს გადაეკიდნენ და ყველას მივმართავთ, ნუ მიდიხარ ხალხის საწინააღმდეგო მხარეს. ვანო მუმლაძე, "სლრ ცუნსულტინგ საერთაშორისო პროექტების უფროსი ინჟინერი: “ეს პროექტები ხალხის კეთილდღეობისთვის კეთდება. ჩვენი შეხვედრა ემსახურება მხოლოდ ერთ მიზანს, რაც შეიძლება ინფორმირებული იყოს მოსახლეობას და მათ უნდა გავაცნოთ რამხელა მნიშნელოვანია ამ პროექტების განხორციელება ქვეყნისთვის და გურიის რეგიონისთვის.“ მთავარი კითხვა შედგება თუ არა სოფელ ლიხაურში 220 კილოვატიანი ქვესადგურის მშენებლობა ამ ეტაპისთვის პასუხის გარეშე ... ...
  • დუისში საქველმოქმედო სამედიცინო აქცია ჩატარდება (R)მიმდინარე წლის 19 ოქტომბერს, ვეტერანების საქმეთა სახელმწიფო სამსახურის ორგანიზებით და საერთაშორისო ასოციაციის, "საქართველოს ქალები მშვიდობისა და სიცოცხლისათვის" (თავმჯდომარე, მაია კვეზერელი-კოპაძე) მხარდაჭერით, ახმეტის მუნიციპალიტეტის სოფელ დუისში, ადგილობრივ ვეტერანებს და მათი ოჯახის წევრებს თბილისის წამყვანი კლინიკებიდან მოწვეული ექიმები_ (პედიატრი, კარდიოლოგი, ენდოკრინოლოგი, ოფთალმოლოგი, ოტორინოლარინგოლოგი, გინეკოლოგი, რადიოლოგი) კონსულტაციებს და ლაბორატორიულ კვლევებს ჩაუტარებენ. ბენეფიციარებს ასევე, უფასოდ დაურიგდებათ ფართო სპექტრის მედიკამენტები. ბენეფიციარების მიღება იწარმოებს 10:00 საათიდან. მისამართი: სოფელი დუისი, ამბულატორიის შენობა.ვეტერანების საქმეთა სახელმწიფო სამსახური საერთაშორისო ასოციაციასთან "საქართველოს ქალები მშვიდობისა და სიცოცხლისათვის" უკვე მესამე წელია თანამშრომლობს. ამ ხნის განმავლობაში, უწყებასთან ერთად, ასოციაციამ, საქართველოს სხვადასხვა რეგიონში, არა ერთი მნიშვნელოვანი პროექტი განახორციელა;ვეტერანებისა და მათი ოჯახის წევრებისთვის კვლავაც ჩატარდება უფასო სამედიცინო გამოკვლევები და დიაგნოსტირება, რომლის შესახებაც ვეტერანების საქმეთა სახელმწიფო სამსახურის რაიონული და რეგიონული წარმომადგენლები წინასწარ შეატყობინებენ უწყების ბენეფიციარებს. უფასო სამედიცინო მომსახურებით ისარგებლებენ როგორც თბილისის, ისე საქართველოს სხვადასხვა რეგიონის ... ...
  • "ექვთიმეს სურვილები გვქონოდეს საქართველოში" _ სახალხო დღესასწაული სოფელ ლიხაურში17 ოქტომბერს, ოზურგეთის მუნიციპალიტეტის სოფელ ლიხაურში  ტრადიციული „ექვთიმობა“   წელს იმით გახდა ნიშანდობლივი, რომ  ექვთიმე თაყაიშვილის სახელობის სახლ-მუზეუმში ოზურგეთისა და ზუგდიდის მუნიციპალიტეტების საკრებულოებს შორის ურთიერთთანამშრომლობის მემორანდუმი გაფორმდა.  დოკუმენტს ხელი მოაწერეს  ოზურგეთისა და ზუგდიდის საკრებულოების თავმჯდომარეებმა დავით დარჩიამ და მამუკა წოწერიამ. აქ განმარტეს, რომ ეს სასიხარულო მოვლენაა, რადგან  მუნიციპალიტეტის საკრებულოებს შორის,   ასეთი  სახის ურთიერთობა, თვითმმართველობის ისტორიისთვის ახალია და პირველად ხდება. _ მემორანდუმის ფარგლებში სამომავლოდ დაგეგმილია ერთობლივი მრავალი  ერთობლივი პროექტის გახორციელება, _ თქვა ოზურგეთს საკრებულოს თავმჯდომარემ დავით დარჩიამ. ზუგდიდის მუნიციპალიტეტის საკრებულოს დელეგაციის წევრებმა, ოზურგეთის ადგილობრივ ხელისუფლებასთან ერთად,  მოინახულეს რეაბილიტაციის პროცესში მყოფი ოზურგეთის სახელმწიფო  თეატრი, ეწვივნენ  ოზურგეთის სურათების გალერეას,  კოლეჯ „ჰორიზონტს“, ფოლკლორის ცენტრს და  ბოლოს  დაესწრნენ „ექვითმეობის“ დღესასწაულს. ექვთიმე თაყაიშვილის სახლ-მუზეუმის დირექტორი რუსლან ურუშაძე მიესალმა სტუმრებს, მათ ესაუბრა საქართველოში დაკარგულ  და მერე სასწაულებრივად აღდგენილ მინანქრის ხელოვნებაზე,  აჩვენა მათ  მეორე სუკუნის ძეგლზე აღმოჩენილი  მინანქრის ხელოვნებით შესრულებული ხატის ასლი,  რომელიც ათი წლის წინ საპატრიარქომ სპეციალურად დაამზადა ექვთიმეს სახლ-მუზეუმისთვის.   ასევე ისუბრა ექვთიმე თაყაიშვილის არა როგორც განძის მცველის, არამედ მისი, როგორც  პილიტიკური  და საზოგადო მოღვაწის უდიდეს დამსახურებაზე : _ ექვთიმე თაყაიშვილმა მოახერხა და საქართველოს კულტურის გვირგვინი დაადგა ..   და ეს გვირგვინი  ჩვენს ქვეყანას დღემდე ადგას!  ექთიმეს სურვილები გვქონოდეს საქართველოში, ოჯახებში დ მთელ მსოფლიოში, _ თქვა მან ემოციური გამოსვლის დროს. ვრცლად ამ საინტერესო ღონისძიების შესახებ, ჩვენს მკიხველებს უახლოეს საგაზეთო სტატიაში ... ...

არქივი

ზაფრანი

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...

ერთ დროს უსახლკარო ვარსკვლავები

თინეიჯერულ ასაკში ჯიმ ქერი ოჯახთან...

კოკა-კოლას სასარგებლო თვისება

დღესდღეობით თითქმის ყველამ იცის კოკა-კოლას...

რატომ უნდა დადოთ საწოლთან გაჭრილი ლიმონი

ლიმონი ვიტამინი C-ს წყაროა. გარდა...

სიზმრის ახსნა

კბილის გატეხვა ან ამოღება -...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...