იფარავს თუ არა ეკლესია დამნაშავეებს _ "პოლიციაში არ დავრეკავ"

gurianews.com

მთავარი თემა

იფარავს თუ არა ეკლესია დამნაშავეებს _ "პოლიციაში არ დავრეკავ"

2017 დეკ 6 12:26:17

1 დეკემბერს, თბილისში, ხორავას ქუჩაზე მომხდარი სასტიკ მკვლელობაში ბრალდებული ერთ-ერთი არასრულწლოვანი  სამართალდამცველების მიერ 3 დღის განმავლობაში იძებნებოდა.

იგი, გასულ ორშაბათს სამართალდამცავებს თავად ჩაბარდა, თუმცა, მის ამ ნაბიჯამდე გავრცელდა ინფორმაცია, რომ ბრალდებული გ. ჯ. თავს ერთ-ერთ სამონასტრო კომპლექსს აფარებდა.

ამ თემაზე განმარტების გაკეთება პატრიარქის მოსაყდრეს, მეუფე შიოსაც მოუხდა:

მე არ მაქვს ინფორმაცია და არ მგონია, რომ ერთ-ერთმა ბრალდებულმა თავი ეკლესიას შეაფარა. უწმინდესი ძალიან განიცდის ამ ამბავს, ყოველი ჩვენგანისთვის, ჩვენი ერისთვის ეს არის საზარელი და სასტიკი ტრაგედია. ასეთი რამე არ უნდა ხდებოდეს. ღმერთმა აცხონოს მათი სულები“, _ აღნიშნა ჟურნალისტებთან საუბრისას მეუფემ.

სწორედ ამ კომენტარის გაკეთებიდან რამდენიმე საათში გამოცხადდა გ. ჯ  პოლიციაში, რომელიც, „გურია ნიუსის“ მიერ მოპოვებული ექსკლუზიური ინფორმაციით, მართლაც მონასტერს აფარებდა თავს.

ეს ფაქტი ჩვენთან საუბრისას იმ ტაძრის მსახურმა დაადასტურა, სადაც არასრულწლოვანი ძებნილი 2 დღის განმავლობაში იმყოფებოდა. მისივე ინფორმაციით, გ. ჯ. თავდაპირველად დასავლეთ საქართველოს ერთ-ერთ სამონასტრო კომპლექსში იყო, ხოლო მოგვიანებით, სასულიერო პირის დახმარებით აღმოსავლეთ საქართველოში, სხვა კომპლექსში გადაიყვანეს.

ის, რომ დანაშაულში ბრალდებულ პირები ეკლესიას თავს ხშირად აფარებენ, უცხო არავისთვის არის. თუმცა, ამ თემაზე ღიად არავინ საუბრობს. არადა, არა ერთი შემთხვევა არსებობს იმისა, რომ სამართალდამცავებს მკვლელობაში და ყაჩაღობაში ეჭვმიტანილი პირი სწორედ მონასტრიდან გამოსული დაუკავებიათ.

სამართალდამცველები ჩვენთან პირად საუბრებში ამბობენ, რომ ამის შესახებ ინფორმაცია აქვთ, თუმცა, კონკრეტული მოქმედება არ შეუძლიათ:

_ სამონასტრო კომპლექსში ჩხრეკის ჩატარების უფლება არ გვაქვს. რომც გვქონდეს თუნდაც დადასტურებული ინფორმაცია, ვერ მივალთ და ვერ დავიჭერთ. ამისთვის საჭიროა საპატრიარქოს თანხმობა. მთელი რიგი პროცედურებია გასავლელი _ სასამართლო დადგენილება უნდა აიღო, საპატრიარქოში წარადგინო, მათ ნებართვა უნდა მოგცენ, რასაც, ბუნებრივია, დრო სჭირდება და დამნაშავე ადვილად მოახერხებს გაქცევას, _ აღნიშნა ჩვენთან საუბრისას შინაგან საქმეთა სამინისტროს ერთ-ერთმა მაღალჩინოსანმა, რომელიც მიიჩნევს, რომ ეს არასწორი მიდგომაა:

_ როცა საუბარია დამნაშავეზე, რომელმაც ჩაიდინა მკვლელობა, ყაჩაღობა ან სხვა დანაშაული და მას შენ მფარველობ, დანაშაულის  თანამონაწილე ხარ. ჩვენს ქვეყანაში არსებობს კანონი, რომელსაც ყველამ უნდა სცეს პატივი, ყველამ უნდა დაიცვას, თუმცა, სამწუხაროდ ასე არ ხდება, _ აღნიშნავენ სამართალდამცავები.

როგორც აღმოჩნდა, ეს პრობლემა გურულ პოლიციელებსაც აწუხებთ. როგორც გვითხრეს, შემოქმედის ეპარქიის რამდენიმე მონასტერში დანაშაულში ბრალდებული ან ძებნილი პირები ხშირად შეუფარებიათ.

გვითხრეს ისიც, რომ რამდენიმე წლის წინ, ჩოხატაურის ერთ-ერთი მონასტრიდან წამოსულ ერთ-ერთ პირს, რომელიც რამდენჯერმე იყო ნასამართლევი, პოლიციელებმა ჩოხატაური-ოზურგეთის გზაზე, ავტომანქანაში იარაღი აღმოუჩინეს. ყოფილა შემთხვევა, როცა ამავე მონასტრიდან წამოსული და გზაში დაკავებული პირი ძებნილი ყოფილა.

უდაბნოს მონასტრის წინამძღვარი მამა მარკოზი, რომელსაც სპეციალური ნებართვა აქვს და აღსარების ჩასაბარებლად ციხეშიც კი შედის, ჩვენთან საუბრისას ამბობს, რომ დამნაშავეებს არ მფარველობს.

კითხვაზე, რამდენად სწორად მიაჩნია, როდესაც ეკლესია იფარებს სამართალდამცავების მიერ ძებნილ დამნაშავეებს, გვპასუხობს, რომ ეს არასწორია.

მისივე თქმით, თუ მასთან ტაძარში ძებნილი მივა, ეცდება, რომ პოლიციაში მისვლაზე დაითანხმოს.

_ მამაო, ხშირად საუბრობენ, რომ დამნაშავეები, რომლებსაც პოლიცია ეძებს, თავს უდაბნოს მონასტერს აფარებენ... როგორც გვითხრეს, მონასტერში შესვლის უფლებას თქვენ პოლიციას არ აძლევთ...

_ ასეთი რამ არასდროს მოხდარა.

_ სამართალდამცველები ამბობენ, რომ ბევრჯერ ყოფილა შემთხვევა, როცა თქვენი  მონასტრიდან წამოსული ადამიანები დაუკავებიათ...

_ ჩემს დამოკიდებულებასთან მაგას არავითარი მნიშვნელობა არ აქვს. არასდროს ამიკრძალავს არვისთვის, პოლიციისთვის განსაკუთრებით, რომ შემოსულიყო და თავისი საქმე გაეკეთებინა.

_ ყოფილა შემთხვევა, როცა შემოსულან?

_ კი, როგორ არა. თუმცა, არავინ დაუჭერიათ. შემოსულან ინფორმაციის ნიადაგზე, დაუთვალიერებიათ და წასულან.

_ მამა მარკოზ, თქვენია აზრით, რა იწვევს ეჭვებს იმის შესახებ, რომ ეკლესია დამნაშავეებს მფარველობს?

_ არ ვიცი. ეტყობა,  რაღაც მიუვალია ადგილებია. ჰგონიათ, რომ აქ მოდიან და თავს აფარებენ ალბათ, არ ვიცი. ბევრი მოსულა ისეთი ადამიანი, რომელსაც კრიმინალური წარსული ჰქონდა, მაგრამ რა მოხდა? ჩვენ ხელს არ ვუშლით ასეთ ადამიანებს. მაგისთვის არის უფალი მოსული, რომ ცოდვილები მოაქციოს  და გონს მოიყვანოს. კრიმინალს კი ნამდვილად არ ვმფარველობთ და ვეწინააღმდეგებით ყველანაირად. თუ ვინმე მოსულა, ვალდებულები ვართ, რომ დავაყენოთ იმ გზაზე, რომ წავიდეს, ჩაბარდეს და მოინანიოს.

_ იმ შემთხვევაში, თუ ძებნილი მოვიდა და შეფარება გთხოვათ, როგორ მოიქცევით _ შემოუშვებთ მონასტერში თუ პოლიციაში დარეკავთ?

_ არ ვიცი, ეგ როგორ ჩამეთვლება, მაგრამ  პოლიციაში არ დავრეკავ, თუმცა, მოვუწოდებ, თვითონ მივიდეს და ჩაბარდეს _  იქ არ გავაჩერებ, _ თქვა ჩვენთან საუბრისას მამა მარკოზმა.

ჯიხეთის ტაძრის წინამძღვარი მამა ანდრია ამბობს, რომ ყველაფერი შეიძლება მოხდეს:

_ ეს ცხოვრება სცენაა. ყველა თავის როლს თამაშობს _ თქვენც, მეც, პრეზიდენტიც, მაღაზიის გამყიდველიც.  ყველა იბრძვის არსებობისთვის. მთავარია, რომ ადამიანი მართალი იყოს. ვერ გეტყვით, ვინ ვის იფარავს, მაგრამ ცხოვრებაში ყველაფერი ხდება. დავბერდი უკვე და ამ ცხოვრებაზე მეცინება. ყველაზე მეცინება აბსულუტურად _ მართალზეც, დამნაშავეზეც, _ ამბობს მამა ანდრია.

_ ისიც სასაცილოა, თუ დამნაშავეს ეკლესია შეიფარებს?

_ ალბათ, კეთილ საქმეს აკეთებენ.

_ თქვენ ფიქრობთ, რომ ეს კეთილი საქმეა?

_ სიკეთე ის არის, ადამიანს რომ შია და საჭმელს მისცემ, მწყურვალს წყალს დაალევინებ. ყველას თავისი ჯვარი აქვს ამ ცხოვრებაში. ახლა იმერეთიდან მოვდივარ (საუბარი ჩაწერილია 5 დეკემბერს) და რადიოში გადმოსცეს უკრაინაში სააკაშვილის დაკავების და გამოშვების ამბავი. ავტომანქანაში ერთი ადამიანი იჯდა და დაჭერილ სააკაშვილს აგინებდა. როგორც კი გაიგო, რომ გაათავისუფლეს უცებ დაიწყო მისი ქება. შაურიანს აქვს ორი მხარე. ჩანს, ერთი მხარე როგორია _ მეორეა ყველაზე საინტერესო, უკანა მხარე, _ გვითხრა მამა ანდრიამ.

კითხვაზე, რას იზამს მაშინ, თუ მასთან დამნაშავე მივა და შეფარებადს თხოვს, ასე გვპასუხობს:

_ ნამდვილად არ შევიფარებ და ვეტყვი, რომ ცოდვისთვის პასუხი აგოს, სასჯელი მოიხადოს.

_ პოლიციაში დარეკავთ?

_ არასდროს არ მიფიქრია, რომ „ჩამშვები“ ვყოფილიყავი.

_ ფიქრობთ, რომ ეს „ჩაშვებაა“?

_ კი, ასე მგონია. საერთოდ, ვფიქრობ, რომ ყველაფერზე თავის არიდება ჯობს. სხვის საქმეში ჩარევა იცით, რას ნიშნავს? ნაკელში რომ ჩადგე და გახეხო. უკეთესია, მოერიდო, სუნი არ აგივიდეს იმის, რაც იმან ქნა. ყველაზე მთავარია, რომ ადამიანი ღმერთის წინაშე მართალი იყოს. ყველაზე მართალი ადამიანი ყველასგან გარბის. ადამიანმა მხოლოდ ღმერთთან უნდა იმეგობროს _ ეს კი ლოცვითაა შესაძლებელი.

_ მამაო, რატომ არის „ჩაშვება“ თუკი მკვლელობისთვის ძებნილს მართლმსაჯულებას ჩააბარებთ? თქვენ, როგორც ადამიანს, ხომ გაქვთ ვალდებულება, რომ დანაშაული არ დაფაროთ?! ასე ე. წ. „ქურდული მენტალიტეტისკენ“ ხომ არ მივდივართ, რომლის აღმოფხვრა ნორმალური საზოგადოებისთვის აუცილებელია?

_ 40 წელია, ეკლესიაში ვარ. რამდენიმე ხნის წინ, დიდუბის ეკლესიაში შევედი და ერთი ქალბატონი მეკითხება, რომელი წყობა და რომელი მთავრობა ჯობსო. მე ვუთხარი ძალიან სწორი პასუხი _ კომუნისტების დრო კომუნისტებისთვის იყო კარგი, შევარდნაძის დრო _ შევარდნაძისტებისთვის; მიშას დრო _  „ნაციონალებისთვის“ და „მეოცნებეების“ დრო იმათთვისაა სასურველი, ვინ ოცნებობდა,-მეთქი.

_ კონკრეტულ კითხვაზე არ მპასუხობთ _ თუ დამნაშავეზე ვიტყვით, რომ დამნაშავეა, თუ მოძალადეს ვამხელთ, ეს იმას ნიშნავს რომ „ჩამშვებები“ ვართ?

_ მე რომ „ჩამშვები“ ვყოფილიყავი, სხვა კუთხიდან მივიდოდი ეკლესიაში. მე მაგ კუთხიდან არ მოვსულვარ _ ღმერთის სადიდებლად მოვედი ეკლესიაში.

_ მამაო, ღმერთის დიდება და მსახური იმას ნიშნავს, რომ თვალი დავხუჭოთ დანაშაულზე?

_ დამნაშავე უნდა დაისაჯოს აუცილებლად. ამის მომხრე ვარ. მან უნდა გამოისყიდოს დანაშაული, _ ამბობს ჯიხეთის ტაძრის წინამძღვარი.

მამა ანდრიას თქმით, არასდროს ქონია შემთხვევა, მისთვის დამნაშავეს თავშესაფარი ეთხოვოს.

ერთი გახსოვდეთ _ ღმერთს თავისი ხალხი ჰყავს და როცა ღმერთს თავისი ხალხი არ ეყოლება, ეს ქვეყანა დაიღუპება, _ ამბობს სასულიერო პირი.

ჯუმათის სამონასტრო კომპლექსის წინამძღვარი მამა მიქაელი მიიჩნევს, რომ „ეს ძალიან ფაქიზი საკითხია და ასე უცებ პასუხის გაცემა რთულია“:

რა თქმა უნდა დამნაშავე ყოველთვის უნდა ჩაბარდეს, მღვდელი ვალდებულია რომ დამნაშავეს აუხსნას ეს, _ გვითხრა მამა მიქაელმა.

_ მამაო, ეს არის თემა, რომელზეც ყველა კულისებში საუბრობს და ხმამაღლა თქმას ერიდებიან, თუმცა, ფაქტია, რომ ამ მიმართულებით პრობლემებია... პოლიცია აღნიშნავს, რომ მონასტრებში შესვლის უფლება არ აქვთ და იქ არ უშვებენ...

_ თუკი ასეთ რამეს ამბობენ, მაშინ უნდა დააკონკრეტონ. როცა ზოგადად საუბრობენ და ილანძღებიან, მოძღვრების უფლებები ილახება.

_ თქვენთან, ჯუმათის მონასტერში ყოფილა პოლიცია შემოსული?

_ ჩვენთან ყველა შემოდის ტაძარში და ლოცულობს.

_ ჩვენ ვგულისხმობთ კონკრეტულ საგამოძიებო მოქმედებებს. დამნაშავე უძებნიათ მონასტერში?

_ ახლა სხვაგან ვარ და ნამდვილად არ მახსოვს _ შეიძლება იყო, შეიძლება _ არა.

მამა მიქაელის თქმით, ბოლო დროს განვითარებული მოვლენები და ის ფაქტი, რომ არასრულწლოვანის მკვლელობის ბრალდებით ძებნილი მონასტერმა შეიფარა, მისთვის უცნობია:

_ მონასტერში ტელევიზორი არ გაქვს. შესაბამისად, არ ვიცი, რა მოხდა, ვინ ვინ შეიფარა, _ აღნიშნა მამა მიქაელმა.

იურისტები განმარტავენ, რომ სასულიერო პირები ჩვეულებრივი მოქალაქეები არიან და კანონის შესაბამისად, მათაც აქვთ ვალდებულება დანაშაულის და დამნაშავის ადგილმდებარეობის შესახებ სამართალდამცავებს აცნობონ.

სპეციალისტების თქმით, რომ ამ მიდგომებით, რასაც მართლმადიდებელი ეკლესია ამ კატეგორიის დამნაშავეების მიმართ იჩენს, არასწორია და ეს ნორმალური, დემოკრატიული საზოგადოების ჩამოყალიბებას ხელს უშლის.



 ახალი ამბები
  • მიხეილ სააკაშვილი სასამართლო დარბაზიდან გაათავისუფლესპიჩორის რაიონულმა სასამართლომ უკრაინის პროკურატურის მოთხოვნა, მიხეილ სააკაშვილისთვის შინა პატიმრობის შეფარდების შესახებ, არ დააკმაყოფილა და იგი სასამართლო დარბაზიდან გაათავისუფლა.  პეჩორის რაიონული სასამართლოს მოსამართლემ გადაწყვეტილება რამდენიმე წუთის წინ ... ...
  • "გამომიყავით დაცვის ორი წევრი და დამიჯერეთ, ვერ მომკლავენ" _ მიხეილ სააკაშვილი„აქ დგას მსოფლიო მედია და ისინი უკრაინის სირცხვილს აშუქებენ. ფულს, რომელსაც ჩემს თვალთვალში ხარჯავდით, გამომიყავით დაცვის ორი წევრი და დამიჯერეთ, ვერ მომკლავენ", _ უთხრა პეჩორის სასამართლოზე ბოლო შესვენების გამოცხადების წინ მოსამართლეს. უკრაინის ოპოზიციის ლიდერის თქმით, პუტინი მას სიამოვნებით გაცვლისდაკავებულ უკრაინელ აგენტებში. მისივე განცხადებით, მისი დაკავებით ვიღაცამ პუტინს საჩუქარი გაუკეთა. „მე ვარ მიხეილ სააკაშვილი, პოროშენკომ და ლუცენკომ უდიდესი შეურაცხყოფა მომაყენეს, რადგან ამ 2-მა სუბიექტმა მე ეფესბეს აგენტი მიწოდა. ეს ყველაფერი უარესია, თუ მე "ეფესბეშნიკი" ვარ, ეს უნდა დაამტკიცოთ სასამართლოში. ამ შემთხვევაში მე პუტინი სიამოვნებით გამცვლის დაკავებულ უკრაინელ აგენტებში, დაამტკიცეთ ეს მალე და ყველა უკრაინელ ტყვეს გაათავისუფლებენ. ჩემს წასაყვანად პუტინი რამდენიმე თვითმფრინავსაც კი გამოაგზავნის, ნუთუ არ გესმით, ვის ბრძანებებს ასრულებთ. სააკაშვილი კიევის ციხეში არის პუტინის საუკეთესო ოცნება. "ეფესბე" უკეთეს ოპერაციას ვერ დაგეგმავდა, ვიდრე სააკაშვილის ციხეში ყოფნაა. თქვენ ხართ იარაღი მტრის ხელში, მე ვარ პირველი ადამიანი, რომელმაც პუტინის რუსეთის შესახებ გაეროში სიმართლე თქვა, საქმე გვაქვს სახელმწიფო ღალატთან და მტრის სასარგებლოდ მუშაობასთან. ვიღაცამ გადაწყვიტა, პუტინისთვის ასეთი საჩუქარი გაეკეთებინა,“ - განაცხადა მიხეილ ... ...
  • "ადამიანის უფლებები არის საერთო-სახელმწიფოებრივი ამოცანა" _ გიორგი კვირიკაშვილიჩვენი ხელისუფლების უმთავრესი მონაპოვარი სწორედ ადამიანის უფლებებისა და თავისუფლებების მიმართულებით მიღწეული პროგრესია, მაგრამ, რა თქმა უნდა, არ შეიძლება, ჩვენ დავკმაყოფილდეთ მხოლოდ და მხოლოდ ამ შედეგებით, რომლებიც დღეს გაგვაჩნია და დაწყებული თანმიმდევრული რეფორმები ჩვენს ქვეყანაში შეუქცევადად უნდა გაგრძელდეს, - ამის შესახებ საქართველოს პრემიერ-მინისტრმა გიორგი კვირიკაშვილმა პარლამენტში, ადამიანის უფლებათა დაცვის დღისადმი მიძღვნილ მიღებაზე სიტყვით გამოსვლისას განაცხადა. მთავრობის მეთაურმა ყველას მიულოცა ადამიანის უფლებათა დაცვის დღე, 10 დეკემბერი, რომელიც იმის ხაზგასმაა, რომ ადამიანი, მისი უფლებები და თავისუფლებები მთელი ცივილიზებული სამყაროსთვის უმთავრესი ღირებულებაა. „მომავალ წელს ადამიანის უფლებათა საყოველთაო დეკლარაციას 70 წელი უსრულდება. 1948 წელს მიღებულ ამ უმნიშვნელოვანეს დოკუმენტს ჯერაც არ დაუკარგავს აქტუალობა და მისი სულისკვეთება და პრინციპები დღესაც ისევე მნიშვნელოვანია, როგორც ეს იყო 70 წლის წინ. ჩვენი ხელისუფლება ერთგულია ამ ღირებულებების და ადამიანი ჩვენი ხელისუფლებისთვის უმთავრესი პრიორიტეტია. ჩვენ კარგად ვიცით, რომ დემოკრატიული სახელმწიფოს აშენება შესაძლებელია მხოლოდ იქ, სადაც თითოეული ადამიანის უფლებებია დაცული. დღევანდელი ღონისძიების მთავარი მიზანი სწორედ ის არის, რომ კიდევ ერთხელ გავუსვათ ხაზი, თუ რამდენად მნიშვნელოვანია მთელი ჩვენი ხელისუფლებისთვის, მთავრობისთვის და პარლამენტისთვის, ადამიანის უფლებების დაცვა და კანონის უზენაესობის პრინციპების განმტკიცება ქვეყნის დემოკრატიული განვითარების პროცესში. ჩვენი საერთო მიზანია ადამიანის უფლებათა მდგომარეობის გაუმჯობესებისკენ მუდმივი სწრაფვა. დღეს თამამად შეგვიძლია ვთქვათ, რომ პროგრესი, რომელსაც ჩვენ ბოლო წლების განმავლობაში მივაღწიეთ, თვისობრივად განსხვავებულ რეალობას ქმნის ჩვენს ქვეყანაში. ეს ჩვენი ხელისუფლების მყარი პოლიტიკური ნების შედეგია და ამას ჩვენი მოქალაქეები, ყოველდღიურად და ყველა სფეროში ხედავენ. ეს არაერთხელაა დადასტურებული ჩვენი საერთაშორისო პარტნიორების მხრიდანაც, რაც გვაძლევს საშუალებას, რომ დღეს ჩვენ ქვეყანაზე საუბრობენ თანამედროვე, დემოკრატიულ და განვითარებულ ქვეყანათა კონტექსტში“, - განაცხადა პრემიერ-მინისტრმა. გიორგი კვირიკაშვილის თქმით, განსაკუთრებული წუხილის საგნად რჩება ის ფაქტი, რომ დღეს, საქართველოს ყველა მოქალაქეს, არ აქვს საშუალება, მიღწეული პროგრესით თანაბრად ისარგებლოს. „შეშფოთებას იწვევს აფხაზეთისა და ცხინვალის ოკუპირებულ რეგიონებში მცხოვრები ქართველების მიმართ ეთნიკური კუთვნილების საფუძველზე დისკრიმინაციული მოპყრობის გაძლიერება და აქ, პირველ რიგში, უნდა აღვნიშნოთ გალის რაიონი; მშობლიურ ენაზე განათლების ხელმისაწვდომობის აკრძალვა; თავისუფალი გადაადგილების, საკუთრებისა და სხვა ფუნდამენტური უფლებების შეზღუდვა; უკანონო დაკავებები და მავთულხლართებით შუაზე გაყოფილი კარ-მიდამოები - ეს ყველაფერი არის ოკუპაციის პოლიტიკის შედეგები და რა თქმა უნდა, ეს არ არის სრული ჩამონათვალი. საქართველოს აქვს ვალდებულება, იზრუნოს ოკუპირებულ ტერიტორიებზე მცხოვრები ადამიანების საჭიროებებზე. და ჩვენ ვაკეთებთ ყველაფერს, იქნება ეს დიპლომატიური, პოლიტიკური თუ სამშვიდობო ძალისხმევა, რათა აფხაზეთისა და ცხინვალის რეგიონებში მცხოვრები მოსახლეობის უფლებები იყოს დაცული, განურჩევლად მათი ეთნიკური კუთვნილებისა და გაუმჯობესდეს ადგილზე არსებული რთული ჰუმანიტარული ვითარება“, - განაცხადა პრემიერმა. მთავრობის მეთაურმა მადლობა გადაუხადა საერთაშორისო და დონორ ორგანიზაციებს, რომლებიც ხელისუფლებას მუდმივად ეხმარებიან ადამიანის უფლებათა დაცვის სფეროში რეფორმების გატარებაში; ასევე, განსაკუთრებული მადლობა გადაუხადა ადამიანის უფლებათა დაცვის გაეროს ოფისს საქართველოში და ყველას, თითოეულ ადამიანს, ვისაც მნიშვნელოვანი წვლილი შეაქვს საქართველოში ადამიანის უფლებების დაცვის საქმეში. გიორგი კვირიკაშვილმა წარმატებული საქმიანობა უსურვა ახლად არჩეულ სახალხო დამცველ ნინო ლომჯარიას, რომელიც დღევანდელ ღონისძიებაზე იმყოფებოდა. "ჩვენმა პოლიტიკურმა გუნდმა მიიღო გადაწყვეტილება, მხარი დაეჭირა სამოქალაქო საზოგადოების მიერ წარმოდგენილი კანდიდატისთვის სახალხო დამცველის თანამდებობაზე. მინდა, მივულოცო ქალბატონ ნინო ლომჯარიას ეს უდიდესი პასუხისმგებლობა. მინდა, წარმატება გისურვოთ, ქალბატონო ნინო, ამ ძალიან მნიშვნელოვან და საპასუხისმგებლო პოზიციაზე", - მიმართა პრემიერმა სახალხო დამცველს. მთავრობის მეთაურმა ადამიანის უფლებათა სფეროში რეფორმების გაგრძელების პროცესში ფართო ჩართულობის მნიშვნელობაზე გაამახვილა ყურადღება. "ხელისუფლება ვერ იქნება წარმატებული საზოგადოების ჩართულობის გარეშე და, რა თქმა უნდა, ოპოზიციის ჩართულობის გარეშე. ადამიანის უფლებები არის საერთო-სახელმწიფოებრივი ამოცანა და მე დიდი იმედი მაქვს, ამ რეფორმების გზაზე ჩვენ ვითანამშრომლებთ ყველასთან, რათა მივაღწიოთ კიდევ უფრო თვალსაჩინო შედეგს", - აღნიშნა გიორგი კვირიკაშვილმა. ღონისძიებას აღმასრულებელი და საკანონმდებლო ხელისუფლების, საერთაშორისო და არასამთავრობო ორგანიზაციების, დიპლომატიური კორპუსის, საქართველოს მართლმადიდებელი ეკლესიისა და სხვა რელიგიური კონფესიების წარმომადგენლები ... ...
  • ,,პრეზიდენტის არჩევის წესს დიდ მნიშვნელობას არ ვანიჭებ“ _ დავით ჭიჭინაძე,,ქართული ოცნების“  წევრი დავით ჭიჭინაძე  პრეზიდენტის არჩევის წესთან დაკავშირებით აცხადებს, რომ სხვა საპარლამენტო რესპუბლიკების მსგავსად, პრეზიდენტს ხალხის მიერ არჩეული პარლამენტი უნდა ირჩევდეს. როგორც მმართველი გუნდის წარმომადგენელი ამბობს, პრეზიდენტის არჩევის ფორმა მისთვის მნიშვნელოვანი არა არის, რადგან პრეზიდენტის უფლებები შეკვეცილია და ძირითადად,  ქვეყანაში საშინაო და საგარეო ფაქტორებზე პასუხისმგებელი პარლამენტი და მთავრობაა. ,,ყველა საპარლამენტო რესპუბლიკაში პრეზიდენტს პარლამენტი ირჩევს და საქართველოშიც პარლამენტმა რომ აირჩიოს რა დაშავდება. პარლამენტს ირჩევს ხალხი და ხალხის მიერ არჩეული პარლამენტი უნდა ირჩევდეს პრეზიდენტს. ჩვენი ქვეყანა არის საპარლამენტო რესპუბლიკა და საპარლამენტო რესპუბლიკაში მთავრობა და პარლამენტი პასუხისმგებელია ქვეყნის ეკონომიკურ განვითარებასა და სტაბილურობაზე. პრეზიდენტის უფლებები კი შეკვეცილია, ამიტომ სიმართლე გითხრათ, მე პრეზიდენტის არჩევის წესს დიდ მნიშვნელობას არ ვანიჭებ. უნდა გითხრათ, რომ მედიაში გავიგე იმის შესახებ, რომ პრეზიდენტს საარჩევნო კოლეგია აირჩევს, აქამდე ჩემთვის ცნობილი იყო პარლამენტის თავმჯდომარის, ირაკლი კობახიძის, პოზიცია იმასთან დაკავშირებით, რომ ის მხარს საარჩევნო კოლეგიის ნაცვლად, პარლამენტის მიერ პრეზიდენტის არჩევის წესს  უჭერდა. ჩვენი პარლამენტი დემოკრატიულად არჩეულია და ვერაფერს ვხედავ ცუდს იმასთან დაკავშირებით, რომ პრეზიდენტი პარლამენტმა აირჩიოს, თუმცა კიდევ ერთხელ ვამბობ, რომ ამას ჩემთვის დიდი მნიშვნელობა არ აქვს, რადგან ქვეყანაში არსებულ პროცესებზე პასუხისმგებელი მთავრობა და პარლამენტია“, _ განაცხადა დავით ... ...
  • ოზურგეთის საფინანსო-საბიუჯეტო სამსახური ძველი კადრებით დაკომპლექტდაოზურგეთის მუნიციპალიტეტის მერიაში საფინანსო-საბიუჯეტო სამსახურის უფროსად, მობილობის წესით, გია მამაკაიშვილის კანდიდატურა შეირჩა და მან სამსახურის უფროსის პოსტი შეინარჩუნა.  ამავე სამსახურში თანამდებობები შეინარჩუნეს _ ბიუჯეტირებისა და დაგეგმარების განყოფილების უფროსმა პავლე ჭყონიამ და ბუღალტრული აღრიცხვისა და სახაზინო მომსახურების განყოფილების უფროსმა ნინო დარჩიამ. ჯერჯერობით, ორი სამსახურის უფროსია დანიშნული _ იურიდიული და საფინანსო-საბიუჯეტო სამსახური.  უცნობია, ვინ დაიკავებს ოზურგეთის მერიაში სხვა სამსახურების უფროსების პოსტს. უახლოეს დღეებში დასრულდება საკადრო პოლიტიკის გატარება მუნიციპალიტეტის ... ...

არქივი

ზაფრანი

ტეილორ სვიფტი კვლავ გამოარჩიეს

ამერიკული ტელეარხის (VH1) აზრით, მომღერალი...

„სათამაშო“ ტანკი

როდესაც ჩინეთის არმიის 31 წლის...

"რასისტი გედი"

ბრიტანეთის ერთ-ერთი ყველაზე ავტორიტეტული საგანმანათლებლო ...

დათვების „სკოლა“

ლიტველი ფოტოგრაფები ფინეთის ერთ-ერთ ნაკრძალში...

ჯუზეპე ვერდის უცნაური ახირება

დიდი იტალიელი კომპოზიტორი ჯუზეპე ვერდი...

„მძარცველი“ თოლიები

მასაჩუსეტსელი ფოტოგრაფი ქურდბაცაცა თოლიების მორიგ...
კარმიდამო ჩემი

ველური ბრინჯის სამკურნალო თვისებები

ველურ ბრინჯს აქვს განუმეორებელი სასიამოვნო,...

როგორ ვებრძოლოთ გრიპს

როგორც კი ვირუსი ორგანიზმში შეაღწევს,...

ძირხვენები ჯანმრთელობის სამსახურში

ძირხვენები, თავიანთი სამკურნალო თვისებებით, დადებითად...

ყურძნის სასარგებლო თვისებები

ყურძენი საუკეთესოა არა მარტო გამოსაჯანმრთელებლად,...

ხალხური სამკურნალო საშუალებები

ღვიძლი ერთადერთი ორგანოა, სადაც ხდება...

"ბიზნესზე არც მიფიქრია" _ გურული ვაზის ჯიშების ოცწლიანი ძიების ფინალი

ოზურგეთის მუნიციპალიტეტის სოფელ შემოქმედში, ვაზის...

"მესიზმრება, რომ ყვავილებთან მძინავს"

ლუიზა ფანცულაიას ხონის მუნიციპალიტეტში ყვავილების...

ვუშველოთ თხილს _ სოკო, ნაცარი და ფაროსანა ერთობლივად გავანადგუროთ

დღეისთვის საგანგაშო მდგომარეობაში მყოფი თხილის...

მოვამზადოთ ნაგალა (ჯუჯა) საძირეები

შემოდგომის მიწურულს, როცა სხვადასხვა კულტურების...

აბზინდას ნახარში მავნებლების წინააღმდეგ

აბზინდა ბუნებაში კარგად გავრცელებული მცენარეა...

ჩიფსი მავნებელი ყოფილა

ჯანდაცვის მსოფლიო ორგანიზაციამ ჩიფსები და...

როგორ შევინარჩუნოთ ჯანმრთელობა

ზამთრის მოახლოებასთან დაკავშირებით იმუნიტეტი სუსტდება...