"ჯერ ბათქაში ჩამოვარდა, ხვალ შეიძლება ჭერი ჩამოვარდეს"

gurianews.com

მთავარი თემა

"ჯერ ბათქაში ჩამოვარდა, ხვალ შეიძლება ჭერი ჩამოვარდეს"

2018 ოქტ 1 11:05:22

ოზურგეთის მუნიციპალიტეტის დაბა ნასაკირალის საჯარო სკოლის მეცხრე კლასის ოთახში ბათქაში ჩამოვარდა და პედაგოგს დაეცა. როგორც ადგილობრივები გვეუბნებიან, ეს პირველი ფაქტი არ არის, ამიტომ სკოლაში სასწრაფოდ და დაჩქარებული წესით სარემონტო სამუშაოებია ჩასატარებელი.

დაბა ნასაკირალის სკოლაში, ამ ეტაპზე, 395 მოსწავლე სწავლობს. სკოლის შენობა, სადაც ახლა სასწავლო პროცესი მიმდინარეობს, 1970 წელს შევიდა ექსპლუატაციაში.

სკოლის დირექტორის ზაზა ცეცხლაძის თქმით, კაპიტალური რემონტი დღემდე არ ჩატარებულა.

ამას ის პედაგოგებიც ადასტურებენ, რომელიც სკოლის გახსნის დღიდან მუშაობენ სკოლაში. რაც შეეხება კოსმეტიკურ რემონტს, "კომუნისტების დროს უფრო ხშირად ტარდებოდა, ახლა კი ისეთი მწირი ბიუჯეტი აქვს სკოლას, ვერ ხერხდება რემონტის ჩატარება", _ ამბობენ ისინი.

დირექტორის თქმით, ზაფხულში ადგილობრივი ხელისუფლების წარმომადგენლები

მოვიდნენ სკოლაში და ყველა ოთახი დაათვალიერეს. გამოითქვა მოსაზრება, რომ სარემონტო სამუშაოების ჩატარებას, ხომ არ ჯობდა ახალი შენობის აშენება, მაგრამ ამასთან დაკავშირებით არანაირი აქტივობა არ ყოფილა.

"სკოლის საქმეში ჩაერთო ოზურგეთის მუნიციპალიტეტის დეპუტატი პარლამენტში არჩილ თალაკვაძე და არსებული ინფორმაციით, სარეაბილიტაციო სამუშაოები მომავალი წლიდან იგეგმება.

ის ოთახი დავცალეთ, ჩვენი სახსრებით ვიყიდეთ წებოცემენტი, ცემენტი და გავარემონტებთ მეცხრე კლასის ოთახს. ამ ეტაპზე ჭერს გავამაგრებთ", _ ამბობს ჩვენთან საუბრის დროს სკოლის დირექტორი.

ნასაკირალის საჯარო სკოლაში დროულად შეკეთებას საჭიროებს საპირფარეშოც.

"სკოლაში, ასევე, სრულიად ამორტიზებულია ელექტროგაყვანილობა, საპირფარეშო ორგანყოფილებიანია და დასვენებაზე ხშირად რიგი დგას. როგორც გვითხრეს, ადგილობრივი ხელისუფლება საპირფარეშოს პრობლემის მოგვარებას აპირებს", _ გვითხრა სკოლის დირექტორმა.

ნასაკირალის საჯარო სკოლის მასწავლებელი აგრაფინა ტერჟონიანი ამბობს, რომ ერთხელ და სამუდამოდ უნდა მოგვარდეს შენობის პრობლემა.

"მე და ლაურა გოგიჩაიშვილი თანაკლასელები ვართ. ნასაკირალში დავამთავრეთ რვა კლასი, რის შემდეგ გადავედით ქალაქის #4 საჯარო სკოლაში. უმაღლესი განათლების მიღების შემდეგ დავუბრუნდით სკოლას პედაგოგებად და 46 წელია, ამ სკოლაში ვართ. განა ბევრს ვითხოვთ?! აუცილებელია სარეაბილიტაციო სამუშაოები, ყოველ წელს პრობლემები გვემატება _ ჯერ ბათქაში ჩამოვარდა, ხვალ შეიძლება ჭერი ჩამოვარდეს. სასწრაფოდ უნდა დაგვეხმაროს, ვისაც ეს ეხება".

ლაურა გოგიჩაიშვილის თქმით, სკოლაში ბევრი რამ გაკეთდა, მაგრამ მთავარი მაინც გაუკეთებელია:

"ჩემი მუშაობის პერიოდში შენობაში ახალი ფანჯრები ჩასვეს, კომპიუტერის ოთახი გაკეთდა, სპორტდარბაზში ახალჩატარებულია სარემონტო სამუშაოები, მაგრამ თუ ჭერი ჩამოვარდა, ეს ყველაფერი რაღა საჭირო იქნება?!

წლების წინ შეცვალეს სახურავი და ახლა იმედს ვიტოვებთ, რომ სარემონტო სამუშაოები დროულად ჩატარდება", _ თქვა ლაურა გოგიჩაიშვილმა.

ოზურგეთის საგანმანათლებლო რესურსცენტრის უფროსი ლელა იმედაშვილი "გურია ნიუსთან" საუბრისას ამბობს, რომ სამინისტროს წარმომადგენლებმა შეისწავლეს სკოლაში არსებული მდგომარეობა და გადაწყდა სკოლის სრული რეაბილიტაცია.

ოზურგეთის მუნიციპალიტეტის მერიის პრესსამსახურის ხელმძღვანელის ეკატერინე მგელაძის ინფორმაციით, "დაბა ნასაკირალის საჯარო სკოლაში ინციდენტის დღესვე ნასაკირალში ჩამოვიდნენ საქართველოს განათლების, მეცნიერების, კულტურისა და სპორტის სამინისტროს წარმომადგენლები, რომლებმაც დაათვალიერეს შენობა. მიღებულ იქნა გადაწყვეტილება სკოლის სრული რეაბილიტაციის შესახებ. შენობა მდგრადია და ექვემდებარება რეკონსტრუქციას. რაც შეეხება დაბა ნასაკირალის საჯარო სკოლაში არსებულ ლოკალურ პრობლემებს, ის მუნიციპალიტეტის დაფინანსებით მოგვარდება.

საპირფარეშოს რეაბილიტაციის საპროექტო-სახარჯთარიცხვო დოკუმენტაცია ოზურგეთის მუნიციპალიტეტის მერიას მზად აქვს და განათლების სამინიტროსთან დადებული მემორანდუმის ფარგლებში, თანხის ჩამორიცხვისთანავე დაიწყება მისი რეაბილიტაცია".

ნასაკირალის დეპუტატი ოზურგეთის საკრებულოში ბესო ქათამაძე ამბობს, 2016 წელს დაპირება გასცა დეპუტატმა არჩილ თალაკვაძემ და ჯერჯერობით, არაფერი გაკეთებულა არც ცენტრალური და არც ადგილობრივი ხელისუფლების მხრიდან:

"სამინისტროდან ჩამოდიან და მეტს არაფერს აკეთებენ. მრავალჯერ ითქვა, რომ დაიწყებოდა რეაბილიტაცია, მაგრამ ყველა კარგად ხედავს, რაც ხდება. როდესაც დაიწყება სარემონტო სამუშაოები და ჩემი თვალით დავინახავ ამ ყველაფერს, მაშინ დავიჯერებ, რომ დანაპირებს ასრულებენ", _ თქვა ბესო ქათამაძემ

ბესო ქათამაძის თქმით, პარლამენტარებმა ნინო წილოსანმა და არჩილ თალაკვაძემ არაერთხელ გასცეს დაპირება, რომ სკოლას რეაბილიტაცია ჩაუტარდებოდა. მისივე თქმით, წილოსანის ბიუროს წევრები რამდენჯერმე იმყოფებოდნენ სკოლაში:

"რა მდგომარეობა იყო სკოლაში, ნუთუ, არ უთქვამთ განათლების სამინისტროსთვის ან არ მიწერეს წერილი? რას ელოდებიან?" _ ამბობს ბესო ქათამაძემ.

დეპუტატი ნინო წილოსანი: "მე და ჩემი ბიუროს თანამშრომლები აქტიურად ვეცნობით ჩემი სამაჟორიტარო ოლქის ყველა სოფლის პრობლემებს, განსაკუთრებით კი, სკოლების და განათლების სფეროში არსებულს. ამიტომ, რა თქმა უნდა, მეც საქმის კურსში ვარ, რომ ნასაკირალის სკოლა საჭიროებს რეაბილიტაციას. ასეთ საკითხებზე მეც და ოზურგეთის მაჟორიტარი დეპუტატი არჩილ თალაკვაძე ინტენსიურად ვთანამშრომლობთ განათლების სამინისტროსთან.

რამდენიმე დღის წინ სკოლაში მომხდარი ფაქტის საფუძველზე განათლების სამინისტრომ მომენტალურად გააგზავნა ჯგუფი, რომელმაც ადგილზე შეისწავლა არსებული მდგომარეობა და უახლოეს დღეებში ექნებათ დეტალური სურათი. ამის შემდეგ კი დაუყოვნებლივ დაიწყება სამუშაოების ჩატარება იმ მონაკვეთებზე, სადაც ეს აუცილებელია უსაფრთხოებისთვის. ზოგადად, წელს სასწავლო დაწესებულებების მშენებლობა-რეაბილიტაციის პროცესის შეფერხება გამოიწვია სამთავრობო ცვლილებებმა, რადგან გარკვეული პერიოდი არ იყო ცნობილი, რომელი უწყება განახორციელებდა ამ სამუშაოებს. მომავალი წლისთვის ჩვენ აქტიურად გვექნება საუბარი იმაზე, რომ ამ სკოლის სრული რეაბილიტაცია გათვალისწინებული იქნეს მომავალი წლის ბიუჯეტში", _ თქვა ნინო წილოსანმა.




 ახალი ამბები
  • გვეძახდნენ, რომ მირზა სუბელიანს ვერ დავიჭერდით, მაგრამ მირზა სუბელიანი დღეს არის პატიმარი _ გახარია შს მინისტრი, გიორგი გახარია ფარული აუდიოჩანაწერების თემას ეხმაურება, სადაც ხორავას ქუჩის გამოძიების ფარგლებში დაკავებული, მირზა სუბელიანი და დეპუტატი ვიქტორ ჯაფარიძე ფიგურირებენ. აუდიოჩანაწერში მირზა სუბელიანი დეპუტატ ვიქტორ ჯაფარიძეს მისი შეტყობინებების შს მინისტრისთვის გადაცემას სთხოვს. გიორგი გახარია ოპონენტებს აკრიტიკებს, რომლებიც აცხადებდნენ, რომ ხელისუფლება მირზა სუბელიანს იცავდა და არ დააკავებდა. მინისტრის თქმით, სუბელიანი დაკავებულია და სასამართლო განაჩენს ელოდება. „შსს და მე არ ვვაჭრობთ ჩემი თანამშრომლების თანამდებობებით, ეს ერთი, მეორე, ასე გვეძახდნენ ზუსტად, რომ მირზა სუბელიანს ვერ დავიჭერდით, მაგრამ მირზა სუბელიანი დღეს არის პატიმარი და რამდენსაც გადაწყვეტს ქართული სასამართლო იჯდება ზუსტად იმდენი. მირზა სუბელიანის დაკითხვის საფუძველი გახდა ჩვენება ბოლო სასამართლო პროცესზე, როდესაც საერთოდ მოწმეებმა, რომლებიც იყენებდნენ დუმილის უფლებას, ბრალდებულებმა, საერთოდ ახსენეს ეს სახელი. შსს არის აბსოლუტურად პოლიტიკურად ნეიტრალური უწყება. დღეს მე არ მაქვს არანაირი უფლება და არანაირი სურვილი, დეტალებზე ვისაუბრო ამ საქმეზე, მხოლოდ და მხოლოდ, იმ მიზეზის გამო, რომ ვართ არჩევნების კონტექსტში და ეს ყველაფერი კეთდება არჩევნების კონტექსტიდან გამომდინარე. გარწმუნებთ, რომ ყველა ამ შეკითხვაზე იქნება როგორც სამართლებრივი პასუხი მიცემული, ასევე პოლიტიკური პასუხი მას შემდეგ, რაც შსს ქვეყანასთან ერთად ჩაატარებს მშვიდ, უსაფრთხო გარემოში არჩევნებს და მივიღებთ იმ შედეგს, რომელსაც ქართველი ხალხი გადაწყვეტს,“ - განაცხადა ... ...
  • "ისეთს დავარტყამ კიდევ, ვერ აეწყობიან" - მირზა სუბელიანი სისხლისღვრასა და ვენდეტაზე საუბრობს„კურიერმა“ კიდევ ახალი სკანდალური ფარული ჩანაწერი მოიპოვა, სადაც გლდანის ციხეში მირზა სუბელიანი დეპუტატ ვიქტორ ჯაფარიძეს ელაპარაკება. აუდიოფაილის მიხედვით, პროკურატურის ყოფილი მაღალჩინოსანი სისხლისღვრასა და ვენდეტაზე საუბრობს. მირზა სუბელიანის თქმით, აქვს ჩანაწერები, რომელიც ხელისუფლებას დაამხობს. აუდიოფაილიდან ირკვევა, რომ ის ხელისუფლების მაღალჩინოსნებზე გაბრაზებულია და საკუთარი თავი გადაზღვეული აქვს იმ მტკიცებულებებით, რომელიც 2014 წლამდე მოიპოვა.  "მირზა სუბელიანი - ვიცი, ადვოკატს როგორც უნდოდა, ისე გაუკეთეს, მაგრამ მე რომ ჩავხსნილიყავი, ძმაო, მე არაფერში არ ვერევი, მაგრამ თვითონ იქნებიან ყველაფერზე პასუხისმგებლები. მაგრამ პასუხისმგებელი იქნებიან არა წარსულზე, არა ძმაო. 2014-მდე რაც გამიკეთებია. იქ იმაზე დავარტყამ, ისეთ დონეზე დავალ, ისეთს დავარტყამ კიდევ, ვერ აეწყობიან, დამიჯერე რა. ისე მაქვს თავი გადაზღვეული, მაგათ წარმოდგენა არ აქვთ ესე. მე ერთადერთ, რაც თავი მაკავებს, შენ რომ არ იყო და სოზარი. თქვენი ორი რომ არ იყოთ, ჩემი აქ ჩამჯდომის დედა ..... სარალიძე რომ გამოდის და მთავრობის გადადგომას ითხოვს. როგორ, ბიჭო, რა შემეშალა. აგერ არის სოზარი, დამიჯერე, 12 კაცს გამოვიყვან ძმაო, მე გამოვედი, მე ვეხვეწებოდი, წავალ, გავაკეთებ და მე მახოცავენ კიდევ ხელებს. მაგრამ ეს დედის მოვ..ან ასე არ დასრულდება. მირზა სუბელიანი - მე რას ვამბობდი? ეს ყველაფერი ხომ ჩირქივით არის, კაცი მოგვიკვდა, ეს რომ ჩავარდეს, რომ ვინ არის პასუხისმგებელი? ვიქტორ ჯაფარიძე - პასუხისმგებელი არავინ! მირზა სუბელიანი - ჰოდა, ძმაო, დღევანდელი გადმოსახედიდან თუ იმას ვერ ხვდებიან, რა ფასი ვარ მე მაგათთვის ყველას მო.... ვინც მაგას ვერ ხვდება, რასაც მე ვაკეთებ ქვეყნის გამო რა. აქ ერთი წელი ჩემთვის ჯოჯოხეთია, ბოლომდე მივალ, სიცოცხლის ფასად რომ დამიჯდეს, მაგრამ რომ არ შევარჩენ, პირობას რაღაცას რომ დაარღვევენ, ღმერთის წინ გეფიცები, წმინდა გიორგის ხატზე დავიფიცებ, თუ ვინმეს რამეს შევარჩინო. მე ის კაცი არ ვარ, წავიდე და ჟურნალისტებთან დავჯდე, მაგრამ თუ შევარჩინო, მერე ვეღარც ესკორტი და ვერაფერი უშველის." წყარო: ... ...
  • „მოლაპარაკება ჰონდათ, როგორ მოქცეულიყვენენ“ _ ნოდია სუბელიანისა და ჯაფარიძის 14 ოქტომბრის შეხვედრაზე2016 წელს მოპოვებული მტკიცებულებების მიუხედავად, ბადრი პატარკაციშვილის საქმე 2018 წელს, არჩევნებამდე 12 დღით ადრე გაიხსნა _ რატომ? არის თუ არა დადგმული პროკურატურის მიერ გავრცელებული ფარული ჩანაწერი, რომელშიც პროკურატურის ყოფილი მაღალჩინოსანი მირზა სუბელიანი და ,,ქართული ოცნების“ დეპუტატი ვიქტორ ჯაფარიძე ფიგურირებენ? _ ამ და სხვა საკითხზე „გურია ნიუსთან“ პოლიტიკის ექსპერტმა გია ნოდიამ ისაუბრა. _ ბატონო გია, პროკურატურის მიერ გავრცელებული ფარული ჩანაწერი, რომელშიც პროკურატურის ყოფილი მაღალჩინოსანი მირზა სუბელიანი და ,,ქართული ოცნების“ დეპუტატი ვიქტორ ჯაფარიძე ფიგურირებენ, რბილად რომ ვთქვათ,  უნდობლობას იწვევს... როგორ ფიქრობთ, პროკურატურის მიერ გავრცელებული ჩანაწერები, ხელისუფლების იმიჯის გადასარჩენის მიზნით, დადმგულია? _ ამაზე საუბარი რთულია, თუმცა უნდა ითქვას, რომ მირზა სუბელიანის ჩანაწერები ძალიან მძიმე სურათს ხატავს. გასაგებია, რომ ხელისუფლება ცდილობს, რამენაირად გადაფაროს ჩანაწერები, მაგრამ თუ ლოგიკურად მივუდგებით საკითხს, დავინახავთ, რომ ხელისუფლების პოზიცია არადამაჯერებელია. რთული წარმოსადგენია, მირზა სუბელიანს სცოდნოდა, რომ იწერდნენ. ის ჩანაწერებში უკეთესი პირობების მოსაპოვებლად, ერთგვარად აშანტაჟებს  ან აშინებს ხელისუფლების წარმომადგენლებს.  დღეს კულტურა არსებობს ჩანაწერების შეგროვების, რაც ხელისუფლებისთვის, რა თქმა უნდა, დიდი პრობლემაა. _ საქართველოს პარლამენტის თავმჯდომარემ ირაკლი კობახიძემ ,,ქართული ოცნების“ დეპუტატს, ვიქტორ ჯაფარიძეს ციხეში შესვლის ნებართვა 5-ჯერ მისცა, მათ შორის, 14 ოქტომბერს. იმ დღეს, როცა ფარული ჩანაწერების გასაჯაროვება „რუსთავი 2“- ის ეთერში დაანონსდა... რატომ დასჭირდათ 14 ოქტომბერს  დეპუტატის ციხეში შესვლა და როგორ ფიქრობთ, რატომ მიეცა ვიქტორ ჯაფარიძეს პენიტენციურ დაწესებულებაში შესვლის უფლება მაშინ, როცა პროკურატურას საქმეზე გამოძიება უკვე დაწყებული ჰქონდა? _ გასაგებია, რომ საკმაოდ ექსტრაორდინალური ამბავია და ბუნებრივია, ჯაფარიძის ციხეში შესვლა გავრცელებულ ფარულ ჩანაწერებს უკავშირდებოდა, შეუძლებელია, სხვა ახსნა ჰქონდეს ამას. როგორც ჩანს, ამ დღეს, 14 ოქტომბერს სუბელიანსა და ჯაფარიძეს მოლაპარაკებები ჰქონდათ, თუ როგორ უნდა მოქცეულიყვნენ. ჯაფარიძე ციხეში კვირას შევიდა, რაც წარმოუდგენელი ფაქტია.   _ ვინ არის გავრცელებული ფარული ჩანაწერების ავტორი, ჯერჯერობით, უცნობია. საქმის ერთ-ერთი ფიგურანტის, ვიქტორ ჯაფარიძის აზრით, პროკურატურაში კვლავ „ნაციონალური მოძრაობის“ კადრები არიან, რომლებიც ჩანაწერებს აკეთებენ... გაურკვეველია, რატომ უკვირს ჯაფარიძეს სისტემაში ყოფილი ხელისუფლების კადრების არსებობა  მაშინ, როცა ჩანაწერების მიხედვით, ,,ნაციონალური მოძრაობის“ დროს მოქმედ პროკურორთან მირზა სუბელიანთან აგვარებს საქმეებს...  -ეს არის თავის მართლების მცდელობა, რომ „ნაციონალური მოძრაობა“ საფრთხობელად წარმოაჩინონ, თუმცა სუბელიანიც “ ნაციონალური მოძრაობის“ წარმომადგენელია, აქ ლოგიკა არ არის. უბრალოდ რაღაც უნდა თქვას, რაც მდგომარეობიდან გამოვიდეს. მთლიანობაში ხელისუფლების მხრიდან ლოგიკური სურათი არ იკვრება. თავისთავად, საინტერესოა, როგორ გაკეთდა და შემდეგ, როგორ აღმოჩნდა ფარული ჩანაწერები „რუსთავი 2“- ის ხელში, მაგრამ ამაზე უფრო მნიშვნელოვანი ჩანაწერების შინაარსია, რაც მთავარი პრობლემაა ხელისუფლებისთვის.  ისიც პრობლემაა, რომ ციხეში მოხერხდა ამ ჩანაწერის გაკეთება და შემდეგ, მედიისთვის გადაცემა, ხელისუფლება ამაზეც ნერვიულობს. _ გუშინ ბადრი პატარკაციშვილის საქმე პროკურატურამ თაროდან ჩამოიღო და ბიზნესმენის მკვლელობის მომზადების საქმესთან დაკავშირებით  2016 წლის დეკემბერში მოპოვებული ფარული ჩანაწერები გაასაჯაროვა, რომლის მიხედვით, საქმეში ყოფილი მაღალჩინოსნების, მათ შორის, ყოფილი პრეზიდენტის, მიხელ სააკაშვილის ბრალეულობა იკვეთება. რატომ გახსნა საქმე პროკურატურამ საარჩევნო პერიოდში და როგორ ფიქრობთ, აღნიშნული ხომ არ ემსახურება სუბელიანთან დაკავშირებული საქმის გადაფარვის მცდელობას? _ ცხადია, როცა ხელისუფლებისთვის კრიზისულ დღეებში ასეთი ჩანაწერები ვრცელდება, ძნელი წარმოსადგენია, არ იფიქრო, რომ სუბელიანთან დაკავშირებული ჩანაწერების გადაფარვა სურთ. ნებისმიერ შემთხვევაში, ამ ჩანაწერის გამოქვეყნების დრო აშკარად მიუთითებს იმაზე, რომ ეს ნამდვილად  გადაფარვის ... ...
  • დეტალურად ვიცით, ვინ, სად, როდის რას გეგმავდა და რას გეგმავს _ შსს მინისტრიშინაგან საქმეთა მინისტრი გიორგი გახარია ტელეკომპანია "რუსთავი 2"-ის გენერალური დირექტორის ნიკა გვარამიას განცხადებას ეხმიანება, რომელშიც გვარამია ჩანაწერების გამოქვეყნებას აანონსებს. გახარიას განცხადებით, მან არ იცის, რომელ ჩანაწერზე საუბრობს ნიკა გვარამია, თუმცა დეტალურად იცის ყველა ის გეგმა, რითაც ქვეყანაში დესტაბილიზაცია იგეგმებოდა. მის კომენტარს სააგენტო "ინტერპრესნიუსი" ავრცელებს. "წარმოდგენა არა მაქვს საერთოდ, რა ჩანაწერებზე საუბრობს ბატონი ნიკა გვარამია, თუმცა დეტალურად ვიცი ყველა ის გეგმა, რაც იგეგმებოდა დესტაბილიზაციის და პროვოკაციების მოსამზადებლად და გარწმუნებთ, რომ როგორც ნეიტრალურ უწყებას, შინაგან საქმეთა სამინისტროს სახელმწიფო უსაფრთხოების სამსახურთან ერთად, ეს ყველაფერი გამოვლენილი გვაქვს. დეტალურ დონეზე ვიცით, ვინ, სად, როდის და რას გეგმავდა და რას გეგმავს. ამიტომ ეს იქნება შეუძლებელი. ეს ყველაფერი ვიცით, მათ შორის მიყურადების შედეგად. მინდა გულწრფელად გითხრათ, რომ ეს არჩევნები იქნება აბსოლუტურად მშვიდ და უსაფრთხო გარემოში და ამის გარანტიას იძლევა შინაგან საქმეთა სამინისტრო", -განაცხადა გიორგი გახარიამ. „რუსთავი 2“-მა 17 ოქტომბერს გაავრცელა კიდევ ერთი ფარული აუდიოჩანაწერი, რომელშიც სავარაუდოდ, მირზა სუბელიანი ამბობს, რომ დაკავებამდე ორი დღით ადრე შეხვდა კახა კახიშვილს, პატიმრობის გარკვეული პირობების შექმნაზე შეთანხმდნენ და რადგან შეთანხმება დაირღვა, კახიშვილის წინააღმდეგ კომპრომატები აქვს და საჭიროების შემთხვევაში გამოაქვეყნებს.  ნიკა გვარამიამ თქვა, რომ სახელმწიფო უსაფრთხოების სამსახური მისი და მიხეილ სააკაშვილის საუბრის ჩანაწერების გამოქვეყნებას ... ...
  • ევროკავშირის ელჩი: ჩანაწერების მოსმენისას ხალხი არ იწყებს გარკვევას, რა არის მართალი და რა – არაჩანაწერების მოსმენისას ხალხი არ იწყებს გარკვევას, რა არის მართალი და რა – არა, რადგან ეს ნარევია. ჩანაწერები პოლიტიკის მიმართ ადამიანების ნდობას ძირს უთხრის, – ამის შესახებ საქართველოში ევროკავშირის ელჩმა, კარლ ჰარცელმა ბოლო პერიოდში გავრცელებულ ფარულ ჩანაწერებთან დაკავშირებით კითხვაზე პასუხისას განაცხადა. ამასთან, მისი თქმით, საჭიროა ჩანაწერების კარგად გამოძიება. „კიდევ ერთი დაკვირვება, რომელიც მაქვს და ჩვენთვის მნიშვნელოვანია – საჭიროა სხვადასხვა საუბრის და ფარული ჩანაწერების კარგად გამოძიება. ეს ყველაფერი მოქალაქეებზე მოახდენს ზეგავლენას. ისინი პოლიტიკური ისტებლიშმენტისადმი ნდობას საერთოდ დაკარგავენ, იმის გარკვევას კი არ დაიწყებენ, რა არის მართალი და რა არ არის სწორი, რადგან ეს ყველაფრის ნარევია. ზოგადად, პოლიტიკის მიმართ ადამიანების ნდობას ძირს უთხრის“, – განაცხადა კარლ ჰარცელმა. მისი შეფასებით, ეს პრობლემაა, რომლის მოგვარებაზეც ყველა უნდა დაფიქრდეს. ამავე დროს, სერიოზულად უნდა იყოს გამოძიებული ყველა ბრალდება, რომელზეც ჩანაწერებშია საუბარი. „ეს პრობლემაა და ამაზე უნდა ვიფიქროთ. უნდა დავფიქრდეთ აღნიშნულ საკითხს როგორ მოვუაროთ. ბრალდებები კი, რომელიც ისმის, სერიოზულია და, რა თქმა უნდა, საფუძვლიანი გამოძიება სჭირდება“, – განაცხადა ევროკავშირის ელჩმა. კარლ ჰარცელმა, რომელმაც საქართველოში ევროკავშირის ელჩის თანამდებობაზე იანოშ ჰერმანი შეცვალა, დღეს მედიის წარმომადგენლებთან გაცნობითი შეხვედრა ... ...

არქივი

ზაფრანი

„უიღბლო“ ამერიკელი

კონექტიკუტის შტატში მცხოვრებმა ჩარლზ დადლიმ...

ახლო მეგობარი მოდელები

რატომღაც მივეჩვიეთ, რომ სამოდელო ბიზნესში...

რა დაგიცავთ ავი თვალისგან

ვერძმა სამოსში აუცილებლად უნდა შეიტანოს...

რატომ ტირიან მამაკაცები საკუთარ ქორწილში

მამაკაცები ხშირად მალავენ გრძნობებს, ალბათ...

დილით დასვენებულმა რომ გაიღვიძოთ…

ორგანიზმი ძილის დროს ახალგაზრდავდება, დუნდება...

ადამიანის იღბალი და მობილური ტელეფონის ნომერი

რიცხვების მაგია უძველესი დროიდან იღებს...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნებზე?