კარიერების ირგვლივ ატეხილი სკანდალი კვლავ გრძელდება

მთავარი თემა

კარიერების ირგვლივ ატეხილი სკანდალი კვლავ გრძელდება

2018 მაი 30 18:04:07

კარიერების თემა ოზურგეთის მუნიციპალიტეტში კვლავ აქტუალურია. ბოლო ხანს თითქოს  მოსახლეობაც მიწყნარდა, რადგან რამდენიმე თვე ქვიშა-ხრეშის მოპოვება შეწყდა. თუმცა, მიუხედავად თანამდებობის პირების ხმაურიანი დაჭერებისა, მდინარე ბჟუჟზე ქვიშა ხრეშის მოპოვება კვლავ განახლდა.

ამჯერად პროტესტი ოზურგეთის მუნიციპალიტეტის სოფელ მაკვანეთის მოსახლეობამ გამოხატა. მათ ცენტრალური გზა გადაკეტეს და  112-შიც დარეკეს რეაგირებისთვის. ადგილზე პოლიციის ეკიპაჟები მივიდნენ და მოსახლეობის თქმით, პოლიციის უფროსმა მათ პირობა მისცა, რომ  გზის გახსნის შემთხვევაში, კარიერზე მომუშავე მძიმეწონიანი მანქანები ამ გზით აღარ გაივლიდნენ.

როგორც მოსახლეობა ამბობს, წყლის დონემ ზაფხულში, შესაძლოა, საერთოდ დაიწიოს,  ოზურგეთის მოსახლეობა კი კატასტროფულ მდგომარეობაში აღმოჩნდეს. ამის ერთ-ერთი მთავარი მიზეზი ოზურგეთის მუნიციპალიტეტში ინერტული მასალების უკანონოდ მოპოვებაა. საქმე ეხება ქალაქ ოზურგეთში,  პირველი სათავე ნაგებობის სანიტარულ ზონაში არსებულ,   წყლის მთავარ გამტარ შემკრებ სისტემას, რაც მძიმეწონიანი მანქანების გადაადგილებამ მნიშვნელოვნად დააზიანა და წყლის დეფიციტი გამოიწვია.

_ ინერტული მასალების მოპოვებამ,  წყალშემკრებ აუზებში წყლის ნაკლებობა გამოიწვია. შესაბამისად, ეს  მოსახლეობისთვის სასმელი წყლის მიწოდებაზეც აისახა, გარდა ამისა, მდინარემ შეიცვალა კალაპოტი,  აქვე არის იმის საშიშროება, რომ განვითარდეს ეროზიული პროცესები, რადიკალურად შეცვლილია ეკოლოგიური სიტუცია. ჩვენი პროტესტის მიზეზი კი  გზაზე ქვა-ღორღით დატვირთული 30-ტონიანი მანქანების მოძრაობაა, -ამბობენ აქ მცხოვრებლები. მათ  მძიმეწონიანი მანქანების გადაადგილებას კიდევ ერთხელ შეუშალეს ხელი. მსგავსი საპროტესტო აქცია ოზურგეთის მუნიციპალიტეტში ბოლო წლების განმავლობაში მრავალჯერ გაიმართა.

როგორც ადგილობრივები "გურია ნიუსთან" ამბობენ,  სატვირთო მანქანები მთელი ღამის განმავლობაში მოძრაობენ, რის გამოც  საცხოვრებელ სახლებს ბზარები გაუჩნდა, დაშრა ჭებიც, არის ხმაური და მტვერი.

მოსახლეობა შეშფოთებულია და წუხილს გამოთქვამს. ისინი ხმამაღლა აპროტესტებენ პრობლემას და ამბობენ, რომ თუ სახელმწიფო ერთხელ და სამუდამოდ  არ მოაგვარებს და არ შეაჩერებს სატვირთო ავტომანქანების გადაადგილების პროცესს, ისევ გადაკეტავენ ცენტრალურ გზას, მოაწყობენ აქციებს, რაც მნიშვნელოვნად უარყოფითად აისახება ხელისუფლებაზე.

აღნიშნული სოფლის მოსახლეობამ ოფიციალური წერილი ჯერ კიდევ გარემოსა და ბუნებრივი რესურსების დაცვის სამინისტროში გარემოსდაცვითი ზედამხედველობის დეპარტამენტს  ჯერ კიდევ 2016 წელს გააგზავნეს:

_ სოფელი მაკვანეთი მდებარეობს ოზურგეთის მუნიციპალიტეტის მდინარე ბჟუჟის ნაპირზე, ამავე მდინარის მარჯვენა ნაპირზე მდებარეობს სოფელი კვირიკეთი, ბჟუჟი მთის მდინარეა და მთაში წვიმის დროს მყისიერად იცის ადიდება, ამ დროს იგი ასჯერ უფრო წყალუხვი ხდება, მოაქვს უზარმაზარი ქვები და ხეები. წყლის ამგვარმა ადიდებამ არაერთხელ დააზარალა მოსახლეობა, წაართვა სასოფლო-სამეურნეო მიწები, პირუტყვი და ა.შ.

2016 წელს მდინარე ბჟუჟის კალაპოტში დაიწყო ქვიშა-ხრეშის მოპოვებითი სამუშაო, რის შემდეგაც ორივე სოფლის მოსახლეობამ მოსვენება დავკარგეთ, ტრაქტორები არ ჩერდება _ დღისით და ღამით გამუდმებით მუშაობენ, ამით გამოწვეული ხმაური არც ღამე გვაძინებს და ვერც ბავშვებს ვუშვებთ გარეთ, სახლები დაგვებზარა და ყველაზე მთავარი _ დაშრა ჭები.

ყველაზე დიდი დანაშაული ის არის, რომ ტრაქტორები მდინარეში ღრმად ჩადიან და პირდაპირ მდინარის კალაპოტში მუშაობენ. მიგვაჩნია, რომ არაკანონიერად ხდება ქვიშის მოპოვება.

წელიწადის ასეთ დროს ჭებში წყლის დონის ასე მკვეთრად დაცემა არასდროს გვქონია. კალაპოტის ასე დაღრმავება, წყალდიდობის პერიოდში, მის განსაკუთრებულ აჩქარებას იწვევს და საფრთხე ექმნება ორი სოფლის მოსახლეობას.

კომპანია, რომელიც ეწევა ქვიშა-ხრეშის მოპოვებას, არ ასრულებს ლიცენზიის პირობებს, _აღნიშნულია წერილში, რომელსაც 20 ოჯახი აწერს ხელს.

ოფიციალური დოკუმენტებზე დაყრდნობით, რომელიც სოფელ მაკვანეთის მოსახლეობამ გადმოგვცა, ირკვევა,  რომ ქვიშა ხრეშს 2020 წლის ჩათვლით აღნიშნულ ტერიტორიაზე შპს “ორიონი“,  ასევე  2020 წლამდე გაცემული აქვს ლიცენზია შპს   “ორბი ბეტონს “ და ასევე შპს “გზამშენს“ .

“გურია ნიუსს“ მაკვანეთში მცხოვრებლებმა: ცირა ვასაძემ, მანანა ბაბილოძემ, ნინო დოლიძემ, ინგა მურუსიძემ, მაია გოგოტიძემ მიმართეს და დახმარება სთხოვეს.

  _ მოსახლეობა კატასტროფულ მდგომარეობაში აღმოჩნდა. არ მოგვეწოდება წყალი. ამის ერთ-ერთი მთავარი მიზეზი ოზურგეთის მუნიციპალიტეტის სოფელ მაკვანეთში  ინერტული მასალების უკანონოდ მოპოვებაა: 

_არაკანონიერებით, უნებართვოდ ხდება ქვა-ღორღის გატანა,  დაშრა მდინარე ბჟუჟი, საშიშროება ელოდება მაკვანეთის ხიდს, იგი ავარიულ მდგომარეობაშია,  გადავკეტეთ ცენტრალური გზა კიდევ ერთხელ და პოლიციის უფროსმა გვითხრა, ოღონდ დღეს გახსენით და პასუხისმგებელი ვართ, აღარ გაივლიანო. ჩვენ აქ ერთ ურემ ქვიშას ვერ ამოვიღებთ, ჯარიმას გადაგვახდევინებენ და ამათ რატომ აქვთ ამხელა უფლებები? _ ამბობს მოსახლეობა.

ოზურგეთის მუნიციპალიტეტის მერიაში აღნიშნულთან დაკავშირებით ასეთ კომენტარს აკეთებენ:

_ მოგეხსენებათ, კარიერებზე ლიცენზიას მუნიციპალიტეტები არ გასცემენ. ქვა-ღორღისა და ინერტული მასალების მოპოვების პროცესმა ოზურგეთის მუნიციპალიტეტის რიგ სოფლებში პრობლემები შექმნა. მუნიციპალიტეტისთვის ეს აქტუალური და მტკივნეული პრობლემაა. ჩვენ მაქსიმალურად ვეცდებით მოსახლეობის ინტერესების დაცვას და აღნიშნული საკითხების მოსაგვარებლად  შესაბამის უწყებებთან თანამშრომლობას.

ოზურგეთის მუნიციპალიტეტში ინერტული მასალების მოპოვების კანონიერება სუს-ის ანტიკორუფციული სამსახურმა შეისწავლა.

 “გურია ნიუსის“ წყაროს ინფორმაციით,  წიაღისეულის უკანონოდ მოპოვების გარდა, საზოგადოება არარსებულ ფირმებზეც საუბრობს, რის მიხედვითაც ე. წ. “კაი ბიჭებს“ ყოველგვარი საშემოსავლოს და დღგ-ს გადახდის გარეშე გაჰქონდათ ქვიშა-ხრეში გადამყიდველებთან, რომლებიც ლიცენზირებული კომპანიებისა თუ ინდმეწარმეების სახელით მოქმედებდნენ.

რამდენიმე დღის წინ სახელმწიფო უსაფრთხოების სამსახურის ანტიკორუფციული სააგენტოს და გარემოს დაცვისა და სოფლის მეურნეობის სამინისტროს თანამშრომლებმა, ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის მიცემის ფაქტზე მოქალაქე ვაჟა გ. დააკავეს. გამოძიებამ დაადგინა, რომ ვაჟა გ-მ ლიცენზიით გათვალისწინებული კონტურის გარეთ, ინერტული მასალების უკანონოდ მოპოვებაში დახმარებისა და მფარველობის სანაცვლოდ გარემოს დაცვისა და სოფლის მეურნეობის სამინისტროს საქვეუწყებო დაწესებულება გარემოსდაცვითი ზედამხედველობის დეპარტამენტის აჭარისა და გურიის რეგიონული სამმართველოს გურიის გარემოსდაცვითი პატრულირებისა და სწრაფი რეაგირების განყოფილების მეორადი სტრუქტურული ერთეულის უფროსის მოვალეობის შემსრულებელს ალექსი გ-ს ქრთამის სახით 10 000 ლარი შესთავაზა.

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ვაჟა გ. შეთავაზებული ქრთამის ნაწილის _ 3000 ლარის გადაცემის მომენტში ბრალდებულის სახით დააკავეს.

აღსანიშნავია, რომ ეს პირველი დაკავება არ არის _ მიმდინარე წლის 29 მარტს, საქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების  შედეგად, გარემოს დაცვისა და სოფლის მეურნეობის სამინისტროსთან  თანამშრომლობით, სამსახურებრივი უფლებამოსილების ბოროტად გამოყენებისა და სამსახურებრივი სიყალბის ფაქტებზე,  გარემოსდაცვითი ზედამხედველობის დეპარტამენტის დასავლეთის რეგიონალური სამმართველოს გურიის გარემოსდაცვითი პატრულირებისა და სწრაფი რეაგირების  განყოფილების თანამშრომლები:  გენო ქ., ემზარ ც., მამუკა ა., ირაკლი ხ. და რამაზ კ. დააკავეს.

გამოძიებამ დაადგინა, რომ გურიის გარემოსდაცვითი პატრულირებისა და სწრაფი რეაგირების  განყოფილების თანამშრომლებს: გენო ქ-ს, ემზარ ც-ს, მამუკა ა-ს,  ირაკლი ხ-ს  და რამაზ კ-ს., საჯარო  ინტერესის საწინააღმდეგოდ, დანაშაულებრივად დაუკავშირდნენ სხვადასხვა კომპანიების წარმომადგენლები და მათ სამოქმედო ტერიტორიაზე, უკანონო ქმედების ჩადენის შედეგად, მატერიალური გამორჩენის მიღების მიზნით შეუთანხმდნენ, რომ მოახდენდნენ ინერტული მასალის - ქვიშა-ღორღის ლიცენზიის გარეშე მოპოვებას. გენო ქ-მ,  ემზარ ც-მ, მამუკა ა-მ, ირაკლი ხ-მ, და რამაზ კ-მ, 2017-2018 წლებში არ განახორციელეს კანონით გათვალისწინებული მათზე დაკისრებული მოვალეობები და აღნიშნული კომპანიების წარმომადგენლების უკანონო ქმედებებში მხილებისა და სადამსჯელო ღონისძიებების ნაცვლად, თავისი უმოქმედობით და ყალბი დოკუმენტების შედგენის შედეგად, საშუალება მისცეს იმავე კომპანიების წარმომდგენლებს, მოეხდინათ დიდი ოდენობით ინერტული მასალის, ქვიშა-ღორღის ლიცენზიის გარეშე მოპოვება, რამაც სახელმწიფოს კანონიერი ინტერესის არსებითი დარღვევა გამოიწვია.

2018 წლის 29 მარტს გენო ქ. ემზარ ც.,  მამუკა ა., ირაკლი ხ. და რამაზ კ. დაკავებული იქნენ  ბრალდებულის სახით.

ამ შემთხვევაში გამოძიება სამსახურებრივი უფლებამოსილების ბოროტად გამოყენების და სამსახურებრივი სიყალბის ფაქტებზე მიმდინარეობს (საქართველოს სსკ-ის 332-ე მუხლის პირველი ნაწილით და 341 მუხლით), რაც სასჯელის სახით ითვალისწინებს თავისუფლების აღკვეთას ოთხ წლამდე ვადით.

მაკვანეთის მოსახლეობამ, ასევე, გვაცნობა, რომ ოზურგეთის მერთან აპირებდნენ შეხვედრას, სადაც იმ კომპანიის წარმომადგენლებიც იქნებოდნენ, რომლებიც ამჟამად აღნიშნული ტერიტორიიდან ქვიშა-ხრეში გააქვთ.

ერთ-ერთი  მათგანი ოზურგეთის მუნიციპალიტეტის სოფელ მაკვანეთში მცხოვრები კობა ჭანუყვაძეა, რომელიც ამბობს, რომ ის ყველაფერს კანონის ფარგლებში აკეთებს. მისივე თქმით, აქ ლიცენზირებულმა კომპანიებმა უკვე გაყიდეს ლიცენზია. ინერტული მასალა მაკვანეთში არსებული კარიერიდან გააქვს, ასევე, ბესიკ სარიშვილს, რომელიც ამბობს, რომ ის ლიცენზირებული კომპანიიდან, შპს “ჯორჯიან მინერალსიდან" ყიდულობს ეტაპობრივად.

_ არაფერი ხდება საგანგაშო, არაკანონიერი როგორაა, ლიცენზია გვაქვს. ეტაპობრივად ვყიდულობთ აღნიშნული კომპანიიდან, ხან 5 000 კუბს, ხან _ მეტს, რა თქმა უნდა, ვაპირებთ, რომ ისევ გავიტანოთ, მაგრამ არა დიდი მანქანებით, ისეთით, რომელიც გზას არ დააზიანებს. გამოიკვლიეს ყველაფერი,  წყალზე დასკვნაც დაიდო. იყო დიდი პრობლემა წყალთან დაკავშირებით. გარემოს დაცვა დღეში სამჯერ დარბის და  არაკანონიერად რას გავაკეთებთ? კომპანია შპს „ჯორჯიან მინერალსიდან გაგვაქვს ქვა-ღორღი. ადგილზე ვამუშავებთ და ვყიდით. ხელშეკრულება დადებული გვაქვს  მომხმარებელთან, რომელსაც უნდა მივაწოდოთ. სახელმწიფო იხმარს ამას, სახლში არ მიგვაქვს. მოსახლეობა გამოდის და გზას გვიკეტავენ, ჩვენ რა შუაში ვართ?

მერთან, ჯერჯერობით, შეთანხმებისთვის არ მიგვიღწევია.  არც ჩვენ უნდა დავზარალდეთ და არც მოსახლეობა იყოს უკმაყოფილო, _ ამბობს სარიშვილი.

ოზურგეთის მუნიციპალიტეტის მაკვანეთში მდინარე ბჟუჟას კალაპოტში ჰიდროლოგიური კვლევის შედეგად ჩატარებული  დასკვნაში, რომელიც შპს “ჯორჯიან მინერალს“-ის მიერ მოწვეულმა  სპეციალისტმა დადო, აღნიშნულია:  „გრუნტის გზის ექსპლოატაცია, რომელიც მდებარეობს სოფელ მაკვანეთის მიმდებარედ, მდინარე ბჟუჟის ჭალაში, მასზე მძიმე ავტომობილების გადადგილება არ გამოიწვევს მდინარის ზედაპირული და მიწისქვეშა მდგენელების და მიმდებარე ჭალების ბუნებრივი ჰიდროლოგიური რეჟიმის ცვლილებას, გზის ექსპლოატაცია არ გამოიწვევს უარყოფით გავლენას წყალსადენის წყალშემკრებ გალერეებში წყლის რაოდენობრივ მახასიათებლებზე“.




 ახალი ამბები
  • საპატრულო პოლიციის გურიის მთავარ სამმართველოს ახალი უფროსი ჰყავსშინაგან საქმეთა სამინისტროს საპატრულო პოლიციის გურიის მთავარ სამმართველოს პოლიციის მაიორი შოთა ხაჟომია უხელმძღვანელებს. 1986 წელს დაბადებულ შოთა ხაჟომიას უმაღლესი განათლება საქართველოს ტექნიკური უნივერსიტეტში აქვს მიღებული, იგი პროფესიით სამართალმცოდნეა; შინაგან საქმეთა სამინისტროს ინფორმაციით, შოთა ხაჟომიამ შინაგან საქმეთა სამინისტროში საქმიანობა 2010 წელს პატრულ-ინსპექტორის პოზიციიდან დაიწყო; 2010-2014 წლებში იყო შინაგან საქმეთა სამინისტროს საპატრულო პოლიციის დეპარტამენტის თბილისის და მცხეთა-მთიანეთის მთავარი სამმართველოს პირველი სახაზო-საპატრულო სამმართველოს პატრულ-ინსპექტორი, საპატრულო პოლიციის დეპარტამენტის თბილისის მთავარი სამმართველოს სახაზო-საპატრულო სამმართველოს პატრულ-ინსპექტორი და საპატრულო პოლიციის დეპარტამენტის ქალაქ თბილისის მთავარი სამმართველოს საგზაო-სატრანსპორტო შემთხვევათა საგამოძიებო სამსახურის ინსპექტორი; 2014-2015 წლებში იყო შინაგან საქმეთა სამინისტროს თბილისის მთავარი სამმართველოს ვაკე-საბურთალოს სამმართველოს პოლიციის მე-3 განყოფილების უბნის უფროსი ინსპექტორ-გამომძიებელი; 2015-2016 წლებში ეკავა შინაგან საქმეთა სამინისტროს გენერალური ინსპექციის ოპერატიული უზრუნველყოფის მთავარი სამმართველოს, ოპერატიული უზრუნველყოფის მე-2 სამმართველოს (აღმოსავლეთის მიმართულება) მე-2 სამსახურის განსაკუთრებით მნიშვნელოვან საქმეთა ინსპეტორის თანამდებობა; 2016-2017 წლებში იყო შინაგან საქმეთა სამინისტროს ქვემო-ქართლის პოლიციის დეპარტამენტის რუსთავის საქალაქო სამმართველოს უბნის ინსპექტორების განყოფილების უფროსი-გამომძიებელი და ქვემო-ქართლის პოლიციის დეპარტამენტის უბნის ინსპექტორების სამმართველოს უფროსი. 2017 წლიდან ეკავა საპატრულო პოლიციის დეპარტამენტის კახეთის მთავარი სამმართველოს უფროსის ... ...
  • „ოცნებიდან“ ბესელიას გუნდის გასვლას დეპუტატთა მეორე ტალღის გასვლაც მოჰყვება“_ ანჯაფარიძე„ქართული ოცნების“ ერთიანობა დიდი ხანია კითხვის ნიშნის ქვეშ დგას. მმართველი პარტიის წევრების მიერ ერთმანეთის მიმართ პოლიტიკური თუ პიროვნული ანტიპატიის გამოვლინების შემთხვევები გუნდიდან დისიდენტების გამოყოფის პროცესს დააჩქარებს. ვვარაუდობ, რომ ეკა ბესელიას გუნდის პარტიიდან გასვლას  დეპუტატთა მეორე ტალღის გასვლაც მოჰყვება. სავარაუდოდ, დაშლის პროცესი დაწყებულია, სხვა საკითხია აღნიშნული პროცესი ოფიციალურად როდის გაფორმდება“, _ განაცხადა „გურია ნიუსთან“ დამოუკიდებელმა ანალიტიკოსმა ზაალ ანჯაფარიძემ. ანჯაფარიძე მიიჩნევს, რომ „ქართულ ოცნებას“ მათ მიერ გადადგმულ თითოეულ  ნაბიჯზე საზოგადოება პასუხს 2020 წლის საპარლამენტო არჩევნებში გასცემს. „მმართველმა პარტიამ ხალხს უნდა დაანახოს, რომ დანაპირებს ასრულებს. ადამიანებმა უნდა იგრძნონ, რომ ქვეყანაში პოზიტიური ცვლილებები ხორციელდება. თუ მოსამართლეებთან დაკავშირებით მიღებული გადაწყვეტილება საზოგადოებრივ მოთხოვნასთან თანხვედრაში არ იქნება, მოქალაქეების პასუხი ადეკვატური იქნება“, _ აღნიშნა ... ...
  • „ნაქები ჩვენი გზა უკვე წავიდა ტ.....კენ!“ _ „ჩაილულის წყალდალეული“ საუკუნის პროექტიომისა და სამხედრო ძალების  ვეტერანი გიორგი გოგუაძე, რომელიც ჩოჩხათის ადმინისტრაციული ერთეულის მაცხოვრებელია, ამავე სოფლის მკვიდრს,  მუნიციპალიტეტის მერს, ალექსანდრე სარიშვილს  სოციალური ქსელში ღია წერილით მიმართავს. „ხალხის ბრძოლის, დღედაღამ მრავალგზის პიკეტირების,ხელმოწერების შეგროვების შედეგი იყო 21-ე საუკუნეში სოფელს ჰქონოდა სავალი გზა, რასაც მივაღწიეთ. გულიანი-ჩოჩხათი-სუფსის 11-კილომეტრიანი გზის ასფალტის საფარით დაგება 2017 წელს დასრულდა. ყოველ წელს გვახსენებდნენ შეკრებებზე- თქვენთან 3-მილიონიანი პროექტი გახორციელდაო. მოგეხსენებათ, ვინც მეტად ვიყავით ჩართული ამ გზის უხარისხო მშენებლობის წინააღმდეგ პროტესტებში, ჩვენი აზრი მაინც უგულებელი იქნა ადგილობრივი ხელისუფლების მიერ. რაც დაიგო დაიგო, მაგრამ ამასაც ხომ მოვლა და გაფრთხილება უნდა. ბატონო ალექსანდრე გახსოვთ,  სოფელ მოედნიდან ინერტული მასის (ხრეშის) გატანის ,ბიზნესმენ ვეფხვაძის მრავალგზის მცდელობის მიუხედავად (მ.შ.სოფლისთვის სასიკეთო დაპირებების),  ყოფილი გუბერნატორის გ.სალუქვაძის მისდამი მხარდაჭერისა ,ჩვენ თქვენთან ერთად ვუთხარით უარი ჩვენი სოფლისთვის არასასიკეთო საქმეს. მაგრამ რა ხდება დღეს??? შპს ''სამკუთხედმა'' გზის პროექტის ჩაბარებიდან 3 წლიანი შეფობა აიღო დაზიანების შემთხვევაში გზის გარემონტებაზე, თუმცა დღევანდელი მდგომარეობით გაფუჭებული გზის პატრონი კაციშვილი არაა. გზაზე 16ტონაზე მეტი ტვირთის გადაადგილების ამკრძალავი ნიშნები შეგნებულად მოიხსნა. გამალებულად გაედინება პირდაპირ მდინარე სუფსის წყლიდან 60 და მეტტონიანი მანქანებით ინერტული მასალა. გზა უკიდურესად დაზიანდა. კანონი შერჩევითია? მოსახლეობის სურვილი იგივე არ არის ,რაც 2 წლის წინ თქვენთან ერთად გვქონდა?? თუ თქვენგან ამ უკანონო ქმედებებს ხელშეწყობა არა აქვს, დაგვიდექით გვერდში, რათა შევინარჩუნოთ ეს გზა დიდხანს. თორემ ხალხის პროტესტს მომავალშიც ელოდეთ“ -წერს გიორგი გურგენაძე. გურგენაძის წერილის პასუხად  კომენტარს აკეთებს  გულიანი-ჩოჩხათი-სუფსის გზის რეაბილიტაციით უკმაყოფილო სოციალური ქსელის კიდევ ერთი მომხმარებელი და იქვე ფოტოსაც აქვეყნებს-„იმდენი მაინც ქნას თავისი სოფლის გზას მაინც მიხედოს, იმას ვერ ხედავს მაინც რა დღეშია ტაბიძე, როგორ სარგებლობს თანამდებობას თავისი სოფლისთვის, ლამისაა დავით აღმაშენებელს ადარებენ. მართალია ამ პიარით თავის სამომავლო საქმეს იკეთებს, მაგრამ გზა ხომ ყველასია, მეც კმაყოფილი დავრჩი ნიგვზიანით! ევროკავშირთან ვმეგობრობთ? მივექანებით მაპისკენ?-- --ეჰ, ეგზომ ნაქები ჩვენი გზა უკვე წავიდა ტ.....კენ!“   როგორც „გურია ნიუსმა“ გაარკვია, სუფსა-გულიანი- ჩოჩხათის  გზის მონაკვეთზე განხორციელებული სარეაბილიტაციო სამუშაობით მთლად კმაყოფილი არაა ადგილობრივი მოსახლეობა. „ამ გზის მშენებლობა თავიდანვე ხარვეზებით დაიწყო. სამუშაოების პირველი ეტაპი დასრულებული არ იყო, რომ გზა უკვე ალაგ-ალაგ დაზიანებული იყო. პროექტი, რომელზეც სამ მილიონ ლარზე მეტი თანხაა გახარჯული, ჩაბარებიდან ერთი წლის თავზე გამოვიდა მწყობრიდან და სერიოზულად დაზიანდა. ბუნებრივიცაა, ხუთ  მილიონ ლარად შეფასებულ სამუშაოებს სამ მილიონად რომ გააკეთებენ, როგორ იქნება ხარისხიანი?!“, -ამბობს ადგილობრივი მოსახლეობის ნაწილი „გურია ნიუსთან“ საუბარში, რომლების გახარჯულ სამ მილიონ ლარს წყალში გადაყრილად მიიჩნევენ და  ამ ყველაფერზე პასუხისმგებლობა სამუშაოების შემსრულებელ ფირმასა და ადგილობრივ ხელისუფლებას აკისრებენ. გულიანი_ჩოჩხათი-სუფსის გზის მონაკვეთის თემასთან დაკავშირებით ლანჩხუთის მერიაში გვპასუხობენ, რომ „საავტომობილო გზის ექსპლოატაციის პროცესში გამოვლენილ დეფექტებთან დაკავშირებით, წერილობით მიემართება შემსრულებელ კომპანიას, რომელიც ვალდებულია საგარანტიო ვადის განმავლობაში საკუთარი ხარჯებით გამოასწოროს წარმოქმნილი დეფექტები. რაც შეეხება ინერტული მასალის გატანას, მისი კონტროლი წარმოადგენს გარემოს დაცვის დეპარტამენტის ფუნქციას და აღნიშნულის თაობაზე დამატებით ეცნობება რეგიონულ სამსახურს. აქვე დავძენთ, რომ აღნიშნულ მონაკვეთზე დაფიქსირდა მეწყერი, რამაც გამოიწვია გზის დაზიანება. მუნიციპალიტეტის მერიის შესაბამისი სამსახური შეისწავლის გულიანი-ჩოჩხათის გზაზე წარმოქმნილ ხარვეზებს“. ცნობისთვის, აქ სამუშაოები 2015 წლის ზაფხულში დაიწყო, რომელსაც ტენდერში გამარჯვებული ფირმა შპს „სამკუთხედი“ ახორციელებდა. აღნიშნულმა კომპანიამ  ოთხი მილიონ 436 ლარად შეფასებული პროექტი  სამ მილიონ ლარად მოიგო.  პროექტი გარდამავალი გახლდათ, მთლიანობაში სამ წელზე იყო გაწერილი და აღნიშნული გზის მონაკვეთის სრულ რეაბილიტაციას ითვალისწინებდა. პროექტის შესაბამისად, ეს უნდა ყოფილიყო  საკმაოდ მაღალი დონის გზა -  ჯებირებით, ხიდებით, ბორდიურებითა და სარკეებით. სამუშაოების დაწყებას საკმაო ხალხმრავალი პრეზენტაციაც უძღოდა წინ, სადაც მაშინდელ ადგილობრივ ხელმძღვანელ პირებთან ერთად გუბერნიისა და ცენტრალური ხელისუფლების წარმომადგენლებიც იმყოფებოდნენ და როგორც მაშინ ითქვა, ეს იყო საუკუნის პროექტი. თუმცა, როგორც ადგილობრივები ამბობენ მან „ჩაილულის წყალი“ ... ...
  • „ნავებს დაურიგებთ ხალხს თუ გაიმეტებთ ცოტა ასფალტს?! _ კითხვა ლანჩხუთის მერიას„ნავებს დაურიგებთ ხალხს თუ გაიმეტებთ ცოტა ასფალტს?!“ _ წერს სოციალურ ქსელში მოქალაქე, რომელიც ფეისბქგვერდზე ნიკა გურულის სახელითაა დარეგისტრირებული და იქვე ლანჩხუთში, სოფელ ღრმაღელეში გადაღებულ ფოტოებს აქვეყნებს. ფეისბუქმომხმარებლის კითხვის ადრესატი ლანჩხუთის მერიაა.  აღნიშნული ფოტოები ნიკა გურულმა სოციალურ ქსელში ერთი თვის წინ ატვირთა და როგორც გავარკვიეთ, გზის ამ მონაკვეთში სარეაბილიტაციო სამუშაოები ჯერაც არ გახორციელებულა. როგორც ლანჩხუთის მერიის პრესასთან ურთიერთობის განყოფილების ხელმძღვანელმა, მაკა სულაბერიძემ გვითხრა, ღრმაღელეში შემოვლითი გზის საპროექტო სამუშაოები უკვე დასრულებულია და ახლა ამავე სოფლის მეორე გზის პროექტის შედგენა ... ...
  • დეკანოზ მამალაძის ჯანმრთელობის მდგომარობის შესახებ პენიტენციური დაწესებულება განცხადებას ავრცელებსდეკანოზ მამალაძის ჯანმრთელობის მდგომარობის შესახებ პენიტენციური დაწესებულება განცხადებას ავრცელებს. "მსჯავრდებული გიორგი მამალაძე, წინასწარი დიაგნოზით ჰიპერტონული კრიზი, თავის ტვინის ტრანზიტორული ტიპის იშემიური შეტევა, N9 პენიტენციური დაწესებულებიდან სამოქალაქო სექტორის სამედიცინო დაწესებულებაშია გადაყვანილი. მიმდინარე წლის 15 თებერვალს, 18.38 საათზე გიორგი მამალაძემ შეუძლოდ იგრძნო თავი. დაწესებულების სამედიცინო პერსონალის მიერ მას 18.41 საათიდან გაეწია პირველადი სამედიცინო დახმარება და გამოძახებულ იქნა სასწრაფო სამედიცინო დახმარების ბრიგადა, ასევე ექიმი ნევროლოგი. 19.18 საათზე დაწესებულებაში სასწრაფო დახმარების ბრიგადა გამოცხადდა. მსჯავრდებულისთვის გადაღებულმა კარდიოგრამამ არსებითი ცვლილებები არ უჩვენა, რის გამოც გიორგი მამალაძის სტაციონარში გადაყვანა სასწრაფო დახმარების მედპერსონალმა საჭიროდ არ მიიჩნია. 21.35 საათზე დაწესებულების მედპერსონალმა კვლავ გამოიძახა სასწრაფო სამედიცინო დახმარების ბრიგადა, რის შედეგადაც მსჯავრდებული შემდგომი კვლევებისათვის სამოქალაქო სექტორის კლინიკაში მოთავსდა", _ ნათქვამია ... ...

არქივი

ზაფრანი

ჰეგემონი ციფრები

ბედის ციფრის გამოთვლის ტექნიკა ჩვენი...

რატომ ეჩვენებათ მთვრალ მამაკაცებს ყველა ქალი ლამაზი

არსებობს ცნობილი რუსული გამოთქმა: ულამაზო...

დედამიწაზე ყველა ცოცხალი არსება გონიერი რომ გახდეს

ერთ მშვენიერ დღეს დედამიწაზე ყველა...

"ტატუ" იმუნურ სისტემას აუმჯობესებს

აქამდე ტატუს (სვირინგი) დანიშნულება, მხოლოდ...

როგორ გამოვიცნოთ პატიოსანი ადამიანი

ყველასთვის ცნობილია, რომ ბილწსიტყვაობა და...

როგორი მამაკაცი გჭირდებათ?

ქალების უმეტესობას მიაჩნია, რომ მამაკაცი,...
კარმიდამო ჩემი

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...