კარიერების ირგვლივ ატეხილი სკანდალი კვლავ გრძელდება

მთავარი თემა

კარიერების ირგვლივ ატეხილი სკანდალი კვლავ გრძელდება

2018 მაი 30 18:04:07

კარიერების თემა ოზურგეთის მუნიციპალიტეტში კვლავ აქტუალურია. ბოლო ხანს თითქოს  მოსახლეობაც მიწყნარდა, რადგან რამდენიმე თვე ქვიშა-ხრეშის მოპოვება შეწყდა. თუმცა, მიუხედავად თანამდებობის პირების ხმაურიანი დაჭერებისა, მდინარე ბჟუჟზე ქვიშა ხრეშის მოპოვება კვლავ განახლდა.

ამჯერად პროტესტი ოზურგეთის მუნიციპალიტეტის სოფელ მაკვანეთის მოსახლეობამ გამოხატა. მათ ცენტრალური გზა გადაკეტეს და  112-შიც დარეკეს რეაგირებისთვის. ადგილზე პოლიციის ეკიპაჟები მივიდნენ და მოსახლეობის თქმით, პოლიციის უფროსმა მათ პირობა მისცა, რომ  გზის გახსნის შემთხვევაში, კარიერზე მომუშავე მძიმეწონიანი მანქანები ამ გზით აღარ გაივლიდნენ.

როგორც მოსახლეობა ამბობს, წყლის დონემ ზაფხულში, შესაძლოა, საერთოდ დაიწიოს,  ოზურგეთის მოსახლეობა კი კატასტროფულ მდგომარეობაში აღმოჩნდეს. ამის ერთ-ერთი მთავარი მიზეზი ოზურგეთის მუნიციპალიტეტში ინერტული მასალების უკანონოდ მოპოვებაა. საქმე ეხება ქალაქ ოზურგეთში,  პირველი სათავე ნაგებობის სანიტარულ ზონაში არსებულ,   წყლის მთავარ გამტარ შემკრებ სისტემას, რაც მძიმეწონიანი მანქანების გადაადგილებამ მნიშვნელოვნად დააზიანა და წყლის დეფიციტი გამოიწვია.

_ ინერტული მასალების მოპოვებამ,  წყალშემკრებ აუზებში წყლის ნაკლებობა გამოიწვია. შესაბამისად, ეს  მოსახლეობისთვის სასმელი წყლის მიწოდებაზეც აისახა, გარდა ამისა, მდინარემ შეიცვალა კალაპოტი,  აქვე არის იმის საშიშროება, რომ განვითარდეს ეროზიული პროცესები, რადიკალურად შეცვლილია ეკოლოგიური სიტუცია. ჩვენი პროტესტის მიზეზი კი  გზაზე ქვა-ღორღით დატვირთული 30-ტონიანი მანქანების მოძრაობაა, -ამბობენ აქ მცხოვრებლები. მათ  მძიმეწონიანი მანქანების გადაადგილებას კიდევ ერთხელ შეუშალეს ხელი. მსგავსი საპროტესტო აქცია ოზურგეთის მუნიციპალიტეტში ბოლო წლების განმავლობაში მრავალჯერ გაიმართა.

როგორც ადგილობრივები "გურია ნიუსთან" ამბობენ,  სატვირთო მანქანები მთელი ღამის განმავლობაში მოძრაობენ, რის გამოც  საცხოვრებელ სახლებს ბზარები გაუჩნდა, დაშრა ჭებიც, არის ხმაური და მტვერი.

მოსახლეობა შეშფოთებულია და წუხილს გამოთქვამს. ისინი ხმამაღლა აპროტესტებენ პრობლემას და ამბობენ, რომ თუ სახელმწიფო ერთხელ და სამუდამოდ  არ მოაგვარებს და არ შეაჩერებს სატვირთო ავტომანქანების გადაადგილების პროცესს, ისევ გადაკეტავენ ცენტრალურ გზას, მოაწყობენ აქციებს, რაც მნიშვნელოვნად უარყოფითად აისახება ხელისუფლებაზე.

აღნიშნული სოფლის მოსახლეობამ ოფიციალური წერილი ჯერ კიდევ გარემოსა და ბუნებრივი რესურსების დაცვის სამინისტროში გარემოსდაცვითი ზედამხედველობის დეპარტამენტს  ჯერ კიდევ 2016 წელს გააგზავნეს:

_ სოფელი მაკვანეთი მდებარეობს ოზურგეთის მუნიციპალიტეტის მდინარე ბჟუჟის ნაპირზე, ამავე მდინარის მარჯვენა ნაპირზე მდებარეობს სოფელი კვირიკეთი, ბჟუჟი მთის მდინარეა და მთაში წვიმის დროს მყისიერად იცის ადიდება, ამ დროს იგი ასჯერ უფრო წყალუხვი ხდება, მოაქვს უზარმაზარი ქვები და ხეები. წყლის ამგვარმა ადიდებამ არაერთხელ დააზარალა მოსახლეობა, წაართვა სასოფლო-სამეურნეო მიწები, პირუტყვი და ა.შ.

2016 წელს მდინარე ბჟუჟის კალაპოტში დაიწყო ქვიშა-ხრეშის მოპოვებითი სამუშაო, რის შემდეგაც ორივე სოფლის მოსახლეობამ მოსვენება დავკარგეთ, ტრაქტორები არ ჩერდება _ დღისით და ღამით გამუდმებით მუშაობენ, ამით გამოწვეული ხმაური არც ღამე გვაძინებს და ვერც ბავშვებს ვუშვებთ გარეთ, სახლები დაგვებზარა და ყველაზე მთავარი _ დაშრა ჭები.

ყველაზე დიდი დანაშაული ის არის, რომ ტრაქტორები მდინარეში ღრმად ჩადიან და პირდაპირ მდინარის კალაპოტში მუშაობენ. მიგვაჩნია, რომ არაკანონიერად ხდება ქვიშის მოპოვება.

წელიწადის ასეთ დროს ჭებში წყლის დონის ასე მკვეთრად დაცემა არასდროს გვქონია. კალაპოტის ასე დაღრმავება, წყალდიდობის პერიოდში, მის განსაკუთრებულ აჩქარებას იწვევს და საფრთხე ექმნება ორი სოფლის მოსახლეობას.

კომპანია, რომელიც ეწევა ქვიშა-ხრეშის მოპოვებას, არ ასრულებს ლიცენზიის პირობებს, _აღნიშნულია წერილში, რომელსაც 20 ოჯახი აწერს ხელს.

ოფიციალური დოკუმენტებზე დაყრდნობით, რომელიც სოფელ მაკვანეთის მოსახლეობამ გადმოგვცა, ირკვევა,  რომ ქვიშა ხრეშს 2020 წლის ჩათვლით აღნიშნულ ტერიტორიაზე შპს “ორიონი“,  ასევე  2020 წლამდე გაცემული აქვს ლიცენზია შპს   “ორბი ბეტონს “ და ასევე შპს “გზამშენს“ .

“გურია ნიუსს“ მაკვანეთში მცხოვრებლებმა: ცირა ვასაძემ, მანანა ბაბილოძემ, ნინო დოლიძემ, ინგა მურუსიძემ, მაია გოგოტიძემ მიმართეს და დახმარება სთხოვეს.

  _ მოსახლეობა კატასტროფულ მდგომარეობაში აღმოჩნდა. არ მოგვეწოდება წყალი. ამის ერთ-ერთი მთავარი მიზეზი ოზურგეთის მუნიციპალიტეტის სოფელ მაკვანეთში  ინერტული მასალების უკანონოდ მოპოვებაა: 

_არაკანონიერებით, უნებართვოდ ხდება ქვა-ღორღის გატანა,  დაშრა მდინარე ბჟუჟი, საშიშროება ელოდება მაკვანეთის ხიდს, იგი ავარიულ მდგომარეობაშია,  გადავკეტეთ ცენტრალური გზა კიდევ ერთხელ და პოლიციის უფროსმა გვითხრა, ოღონდ დღეს გახსენით და პასუხისმგებელი ვართ, აღარ გაივლიანო. ჩვენ აქ ერთ ურემ ქვიშას ვერ ამოვიღებთ, ჯარიმას გადაგვახდევინებენ და ამათ რატომ აქვთ ამხელა უფლებები? _ ამბობს მოსახლეობა.

ოზურგეთის მუნიციპალიტეტის მერიაში აღნიშნულთან დაკავშირებით ასეთ კომენტარს აკეთებენ:

_ მოგეხსენებათ, კარიერებზე ლიცენზიას მუნიციპალიტეტები არ გასცემენ. ქვა-ღორღისა და ინერტული მასალების მოპოვების პროცესმა ოზურგეთის მუნიციპალიტეტის რიგ სოფლებში პრობლემები შექმნა. მუნიციპალიტეტისთვის ეს აქტუალური და მტკივნეული პრობლემაა. ჩვენ მაქსიმალურად ვეცდებით მოსახლეობის ინტერესების დაცვას და აღნიშნული საკითხების მოსაგვარებლად  შესაბამის უწყებებთან თანამშრომლობას.

ოზურგეთის მუნიციპალიტეტში ინერტული მასალების მოპოვების კანონიერება სუს-ის ანტიკორუფციული სამსახურმა შეისწავლა.

 “გურია ნიუსის“ წყაროს ინფორმაციით,  წიაღისეულის უკანონოდ მოპოვების გარდა, საზოგადოება არარსებულ ფირმებზეც საუბრობს, რის მიხედვითაც ე. წ. “კაი ბიჭებს“ ყოველგვარი საშემოსავლოს და დღგ-ს გადახდის გარეშე გაჰქონდათ ქვიშა-ხრეში გადამყიდველებთან, რომლებიც ლიცენზირებული კომპანიებისა თუ ინდმეწარმეების სახელით მოქმედებდნენ.

რამდენიმე დღის წინ სახელმწიფო უსაფრთხოების სამსახურის ანტიკორუფციული სააგენტოს და გარემოს დაცვისა და სოფლის მეურნეობის სამინისტროს თანამშრომლებმა, ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის მიცემის ფაქტზე მოქალაქე ვაჟა გ. დააკავეს. გამოძიებამ დაადგინა, რომ ვაჟა გ-მ ლიცენზიით გათვალისწინებული კონტურის გარეთ, ინერტული მასალების უკანონოდ მოპოვებაში დახმარებისა და მფარველობის სანაცვლოდ გარემოს დაცვისა და სოფლის მეურნეობის სამინისტროს საქვეუწყებო დაწესებულება გარემოსდაცვითი ზედამხედველობის დეპარტამენტის აჭარისა და გურიის რეგიონული სამმართველოს გურიის გარემოსდაცვითი პატრულირებისა და სწრაფი რეაგირების განყოფილების მეორადი სტრუქტურული ერთეულის უფროსის მოვალეობის შემსრულებელს ალექსი გ-ს ქრთამის სახით 10 000 ლარი შესთავაზა.

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ვაჟა გ. შეთავაზებული ქრთამის ნაწილის _ 3000 ლარის გადაცემის მომენტში ბრალდებულის სახით დააკავეს.

აღსანიშნავია, რომ ეს პირველი დაკავება არ არის _ მიმდინარე წლის 29 მარტს, საქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების  შედეგად, გარემოს დაცვისა და სოფლის მეურნეობის სამინისტროსთან  თანამშრომლობით, სამსახურებრივი უფლებამოსილების ბოროტად გამოყენებისა და სამსახურებრივი სიყალბის ფაქტებზე,  გარემოსდაცვითი ზედამხედველობის დეპარტამენტის დასავლეთის რეგიონალური სამმართველოს გურიის გარემოსდაცვითი პატრულირებისა და სწრაფი რეაგირების  განყოფილების თანამშრომლები:  გენო ქ., ემზარ ც., მამუკა ა., ირაკლი ხ. და რამაზ კ. დააკავეს.

გამოძიებამ დაადგინა, რომ გურიის გარემოსდაცვითი პატრულირებისა და სწრაფი რეაგირების  განყოფილების თანამშრომლებს: გენო ქ-ს, ემზარ ც-ს, მამუკა ა-ს,  ირაკლი ხ-ს  და რამაზ კ-ს., საჯარო  ინტერესის საწინააღმდეგოდ, დანაშაულებრივად დაუკავშირდნენ სხვადასხვა კომპანიების წარმომადგენლები და მათ სამოქმედო ტერიტორიაზე, უკანონო ქმედების ჩადენის შედეგად, მატერიალური გამორჩენის მიღების მიზნით შეუთანხმდნენ, რომ მოახდენდნენ ინერტული მასალის - ქვიშა-ღორღის ლიცენზიის გარეშე მოპოვებას. გენო ქ-მ,  ემზარ ც-მ, მამუკა ა-მ, ირაკლი ხ-მ, და რამაზ კ-მ, 2017-2018 წლებში არ განახორციელეს კანონით გათვალისწინებული მათზე დაკისრებული მოვალეობები და აღნიშნული კომპანიების წარმომადგენლების უკანონო ქმედებებში მხილებისა და სადამსჯელო ღონისძიებების ნაცვლად, თავისი უმოქმედობით და ყალბი დოკუმენტების შედგენის შედეგად, საშუალება მისცეს იმავე კომპანიების წარმომდგენლებს, მოეხდინათ დიდი ოდენობით ინერტული მასალის, ქვიშა-ღორღის ლიცენზიის გარეშე მოპოვება, რამაც სახელმწიფოს კანონიერი ინტერესის არსებითი დარღვევა გამოიწვია.

2018 წლის 29 მარტს გენო ქ. ემზარ ც.,  მამუკა ა., ირაკლი ხ. და რამაზ კ. დაკავებული იქნენ  ბრალდებულის სახით.

ამ შემთხვევაში გამოძიება სამსახურებრივი უფლებამოსილების ბოროტად გამოყენების და სამსახურებრივი სიყალბის ფაქტებზე მიმდინარეობს (საქართველოს სსკ-ის 332-ე მუხლის პირველი ნაწილით და 341 მუხლით), რაც სასჯელის სახით ითვალისწინებს თავისუფლების აღკვეთას ოთხ წლამდე ვადით.

მაკვანეთის მოსახლეობამ, ასევე, გვაცნობა, რომ ოზურგეთის მერთან აპირებდნენ შეხვედრას, სადაც იმ კომპანიის წარმომადგენლებიც იქნებოდნენ, რომლებიც ამჟამად აღნიშნული ტერიტორიიდან ქვიშა-ხრეში გააქვთ.

ერთ-ერთი  მათგანი ოზურგეთის მუნიციპალიტეტის სოფელ მაკვანეთში მცხოვრები კობა ჭანუყვაძეა, რომელიც ამბობს, რომ ის ყველაფერს კანონის ფარგლებში აკეთებს. მისივე თქმით, აქ ლიცენზირებულმა კომპანიებმა უკვე გაყიდეს ლიცენზია. ინერტული მასალა მაკვანეთში არსებული კარიერიდან გააქვს, ასევე, ბესიკ სარიშვილს, რომელიც ამბობს, რომ ის ლიცენზირებული კომპანიიდან, შპს “ჯორჯიან მინერალსიდან" ყიდულობს ეტაპობრივად.

_ არაფერი ხდება საგანგაშო, არაკანონიერი როგორაა, ლიცენზია გვაქვს. ეტაპობრივად ვყიდულობთ აღნიშნული კომპანიიდან, ხან 5 000 კუბს, ხან _ მეტს, რა თქმა უნდა, ვაპირებთ, რომ ისევ გავიტანოთ, მაგრამ არა დიდი მანქანებით, ისეთით, რომელიც გზას არ დააზიანებს. გამოიკვლიეს ყველაფერი,  წყალზე დასკვნაც დაიდო. იყო დიდი პრობლემა წყალთან დაკავშირებით. გარემოს დაცვა დღეში სამჯერ დარბის და  არაკანონიერად რას გავაკეთებთ? კომპანია შპს „ჯორჯიან მინერალსიდან გაგვაქვს ქვა-ღორღი. ადგილზე ვამუშავებთ და ვყიდით. ხელშეკრულება დადებული გვაქვს  მომხმარებელთან, რომელსაც უნდა მივაწოდოთ. სახელმწიფო იხმარს ამას, სახლში არ მიგვაქვს. მოსახლეობა გამოდის და გზას გვიკეტავენ, ჩვენ რა შუაში ვართ?

მერთან, ჯერჯერობით, შეთანხმებისთვის არ მიგვიღწევია.  არც ჩვენ უნდა დავზარალდეთ და არც მოსახლეობა იყოს უკმაყოფილო, _ ამბობს სარიშვილი.

ოზურგეთის მუნიციპალიტეტის მაკვანეთში მდინარე ბჟუჟას კალაპოტში ჰიდროლოგიური კვლევის შედეგად ჩატარებული  დასკვნაში, რომელიც შპს “ჯორჯიან მინერალს“-ის მიერ მოწვეულმა  სპეციალისტმა დადო, აღნიშნულია:  „გრუნტის გზის ექსპლოატაცია, რომელიც მდებარეობს სოფელ მაკვანეთის მიმდებარედ, მდინარე ბჟუჟის ჭალაში, მასზე მძიმე ავტომობილების გადადგილება არ გამოიწვევს მდინარის ზედაპირული და მიწისქვეშა მდგენელების და მიმდებარე ჭალების ბუნებრივი ჰიდროლოგიური რეჟიმის ცვლილებას, გზის ექსპლოატაცია არ გამოიწვევს უარყოფით გავლენას წყალსადენის წყალშემკრებ გალერეებში წყლის რაოდენობრივ მახასიათებლებზე“.




 ახალი ამბები
  • ავტოსაგზაო შემთხვევა სოფელ ბობოყვათში - არის მსხვერპლი ქობულეთის მუნიციპალიტეტის სოფელ ბობოყვათში მომხდარი ავტოსაგზაო შემთხვევის შედეგად ერთი ადამიანი გარდაიცვალა. როგორც "გურია ნიუსს" ერთ-ერთმა თვითმხილველმა განუცხადა, მსუბუქი ავტომობილი გზის სავალი ნაწილიდან გადავიდა. რა გახდა ავტოსაგზაო შემთხვევის გამომწვევი მიზეზი, ჯერჯერობით, უცნობია. შსს-მ მომხდარ ფაქტზე გამოძიება სსკ-ის 276-ე მუხლით ... ...
  • „ან ბოდიში მოიხადე, ან სინანული დაგეტყოს ვის ემუქრები?“_ ხიდაშელი მერაბიშვილსვანო მერაბიშვილის საპატიმროდან გამოსვლას სოციალურ ქსელში  ეხმაურება თავდაცვის ყოფილი მინისტრი, თინა ხიდაშელი. „ქალაქში ახალი ცირკი ჩამოდგება დღეიდან. ყოველ ჯერზე როდესაც დღეს ციხიდან გამოსულ კაცზე ისაუბრებთ, ან ეთერში გეყოლებათ ან მის გმირად და რეჟიმის მსხვერპლად წარმოჩენას შეეცდებით ნუ დაგავიწყდებათ, რომ ამით გმირულ საქციელად მიიჩნევთ: პოლიციურ რეჟიმს, რეპრესიებს, დემონსტრაციის შემდეგ დატოვებულ გვამებს, მოპარულ არჩევნებს, ასობით გადამალულ და სასტიკად ნაცემ დემონტრანტს. ნუ დაგავიწყდებათ რომ სწორედ ეს კაცია შემოქმედი ქვეყანაში იმ ბოროტების მანქანის რომელიც დღემდე ვერ მოვიცილეთ. PS ან ბოდიში, მოიხადე, ან სინანული დაგეტყოს  ვის ემუქრები? შენ რომ დაამხობ და მერე დაბრუნდები, ის ხელისუფლება ისევ დასამხობი, რომ იქნება კი უნდა ხვდებოდე უკვე “ – წერს თინა ხიდაშელი. ... ...
  • იმპერატორის დაბადების დღისადმი მიძღვნილი საღამო იაპონიის საელჩოშისტუმართა შორისაა სამტრედიის მუნიციპალიტეტის მერი ვალერიანე ფოცხვერია, რომელიც შეხვედრაზე მიტოიოს მერიამ ... ...
  • „საქართველოს წარმომადგენლების ნამუსზე ვტოვებთ"_ კრემლი კიბერშეტევაზესაქართველოს საგარეო საქმეთა სამინისტროს მიერ  კიბერშეტევასთან რუსეთის კავშირზე გაკეთებულ განცხადებას რუსეთი გამოეხმაურა. „ამ კომენტარს საქართველოს იმ წარმომადგენლების ნამუსზე ვტოვებთ, ვინც ეს გააკეთა. რუსეთი არ აპირებდა და არ აპირებს რაიმე ფორმით ჩაერიოს საქართველოს შიდა საქმეებში”, _ განაცხადა რუსეთის საგარეო საქმეთა მინისტრის მოადგილემ, ანდრეი რუდენკომ. ცნობისთვის, საგარეო საქმეთა სამინისტროში დღეს გამართულ ბრიფინგზე განაცხადეს, რომ  2019 წლის 28 ოქტომბერს საქართველოში განხორციელდა ფართომასშტაბიანი კიბერშეტევა საქართველოს პრეზიდენტის ადმინისტრაციის, სასამართლო სისტემის, სხვადასხვა მუნიციპალიტეტის საკრებულოების, სახელმწიფო, კომერციული და მედია ორგანიზაციების ვებგვერდებზე, სერვერებსა და სხვა მართვით სისტემებზე. კიბერშეტევის შედეგად დაზიანდა ზემოაღნიშნული ორგანიზაციების სერვერები, მართვითი სისტემები და მნიშვნელოვნად შეფერხდა მათი ფუნქციონირება. კიბერშეტევა კი მიზნად ისახავდა საქართველოს ეროვნული უსაფრთხოების ხელყოფას, საქართველოს მოსახლეობისათვის ზიანის მიყენებას და სამთავრობო სტრუქტურების, ასევე სხვადასხვა ორგანიზაციების ფუნქციონირების შეფერხებით და მოშლით საზოგადოებაში მღელვარების დათესვას. როგორც გამოძიებამ დაადგინა, საქართველოს პრეზიდენტისა და სხვა ოფიციალური უწყებების ვებგვერდებზე კიბერშეტევა რუსეთმა განახორციელა.   ... ...
  • ოზურგეთელ მონადირეთა ჯგუფმა, ათ დღეში სამი მგელი მოკლაოზურგეთის მუნიციპალიტეტში მომრავლებულ გარეულ მტაცებელ ცხოველებს შორის,  ყველაზე დიდი ზიანს სოფლის მოსახლეობას აყენებს მგელი, რომელიც ანადგურებს არა მარტო მსხვილფეხა და წვრილფეხა საქონელს, არამედ ოჯახის ძაღლების მოტაცების ფაქტებიც დაფიქსირდა. გუშინ, 19 თებერვალს,  სოფელ ბაილეთის მიდამოებში ოზურგეთის მუნიციპალიტეტის მგელზე მონადირე სპეციალურმა ჯგუფმა მოახდინა ერთი მგლის ლიკვიდაცია.  მანამდე, 10-12 თებერვალს, იმავე ჯგუფმა ჩალიან-მოლიანის ტერიტორიაზე ორი მგელი მოკლა. ჯგუფის  ერთ-ერთი ყველაზე აქტიური წევრია ახალგაზრდა, მაგრამ  უკვე გამოცდილი მონადირე,სოფელ კონჭკათის მკვიდრი შოთა ზოიძე. როგორც ამ ჯგუფის ხელმძღვანელი, ნატანებელი ფერმერი,  გამოცდილი მონადირე ნიკოლოზ გობრონიძე გვეუბნება,  დღეს,  20 თებერვალს, საღამოს ჩალიანის დასახლებაში, მდინარე ჩოლოქის პირზე დაფიქსირდა მგლის ადამიანებზე თავდასხმის მცდელობის ფაქტი. როგორც ბატონი ნიკოლოზი ამბობს, ასეთი ფაქტი ბოლო წლებში არ ყოფილა და ის ვარაუდობს, რომ შესაძლოა,  მგლის ასეთი აგრესიულობა გამოწვეული იყოს რაიმე ... ...

არქივი

ზაფრანი

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...