"ქართული ოცნების" ლიდერები მხარს უჭერენ ბეგლარ სიორიძეს (R)

gurianews.com

მთავარი თემა

"ქართული ოცნების" ლიდერები მხარს უჭერენ ბეგლარ სიორიძეს (R)

2017 ნოე 8 20:40:41

"ქართული ოცნების" ოზურგეთის მერობის კანდიდატის ბეგლარ სიორიძის მხარდასაჭერად ოზურგეთში საქართველოს პარლამენტის თავმჯდომარე ირაკლი კობახიძე, თბილისის მერი კახა კალაძე, საპარლამენტო უმრავლესობის ლიდერი არჩილ თალაკვაძე, საპარლამენტო ფრაქცია "ქართული ოცნების" ლიდერი  მამუკა მდინარაძე და პარლამენტის წევრი მუხრან ვახტანგაძე იმყოფებოდნენ.

ქალაქის ცენტრში გამართულ მასშტაბურ შეხვედრაზე, ამომრჩეველს სახელისუფლებო ლიდერებმა მიმართეს და მოსახლეობას ბეგლარ სიორიძის მხარდაჭერისკენ მოუწოდეს.

კახა კალაძე: "ის, რომ რამდენიმე მუნიციპალიტეტში არჩევნების მეორე ტურები ჩატარდება, ესეც დემოკრატიის ნაწილია, რა მიმართულებითაც მმარველის გუნდის მხრიდან მნიშვნელოვანი ნაბიჯები გადაიდგა.

ყველას გვახსოვს, 2012 წლამდე რა მდგომარეობა იყო ქვეყანაში, როგორ დამოკიდებულება და ზეწოლა იყო განსხვავებული აზრისა და პოლიტიკური შეხედულებების მქონე ადამიანების მიმართ. საბედნიეროდ, ეს ჩვენი ერთსულოვნებით ჩავაბარეთ წარსულს და აღარ მინდა იმაზე საუბარი, რაც იყო. თქვენ გაინტერესებს მომავალი, თუ როგორი იქნება ხვალინდელი დღე, რას გავაკეთებთ ჩვენ ჩვენი მომავალი თაობისთვის.

 2014 წლის შემდეგ, რაც თქვენ აირჩიეთ ბეგი სიორიძე და პარტია "ქართული ოცნება", ბევრი მნიშვნელოვანი პროექტი გახორციელდა, თუმცა, ისიც კარგად გვესმის, რომ ეს საკმარისი არ არის _ უამრავი პრობლემა და სერიოზული გამოწვევებია, როგორც ოზურგეთში, ასევე, მთელ საქართველოში.

შემიძლია დღეს თავაწეულმა ვთქვა, რომ ქვეყანაში ერთადერთი პოლიტიკური ძალა, რომელსაც აქვს უნარი, ამ პრობლემებს შეეჭიდოს და გაუმკლავდეს, "ქართული ოცნებაა".

ჩვენ წარმოდგენილი გვყავს კანდიდატი _ ბეგლარ სიორიძე, რომელიც სამი წლის განმავლობაში იყო ამ ქალაქის ხელმძღვანელი. დარწმუნებული ვარ, თქვენი მხარდაჭერითა და თანადგომით, ის 12 ნოემბერს აუცილებლად გაიმარჯვებს, რადგან მისი გამარჯვება, ჩვენი გუნდის გამარჯვება დაკავშირებულია ამ ქალაქის წინსვლასთან და განვითარებასთან.

 ჩვენ არავითარ შემთხვევაში არ დაგიწყებთ მითითებას, რა უნდა გააკეთოთ და როგორი გადაწყვეტილება უნდა მიიღოთ _ თქვენ ზრდასრული ადამიანები ბრძანდებით და გურულები პოლიტიკაში ერთ-ერთი საუკეთესოები ხართ. შესაბამისად, დარწმუნებული ვარ, რომ მიიღებთ სწორ გადაწყვეტილებას, რომელიც უკავშირდება ქალაქის განვითარებას და იმ პრობლემების მოგვარებას, რომელიც ჩვენ, თქვენთან ერთად, 2014 წელს დავიწყეთ.

ბეგის აქვს ცენტრალური ხელისუფლებიდან ძალიან დიდი მხარდაჭერა და დარწმუნებული ვარ, რომ ჩვენ 12 ნოემბერს ერთად ვიზეიმებთ ოზურგეთის გამარჯვებას.

მჯერა, რომ თქვენი თანადგომითა და მხარდაჭერით, "ქართული ოცნება _ დემოკრატიული საქართველოს" მიერ წარმოდგენილი კანდიდატი გაიმარჯვებს.

ვინც არ უნდა იყოს და რა სიცრუეზეც არ უნდა ააგოს საკუთარი საარჩევნო კამპანია, არავის არაფერი გამოუვა. დღეს ქვეყანაში არ ბნელა და ყველა ყველაფერს ძალიან კარგად ხედავს. მჯერა, რომ სწორ გადაწყვეტილებას მიიღებთ, რომელიც მმართველი გუნდისა და ბეგლარ სიორიძის სასარგებლო იქნება"

ირაკლი კობახიძე: "მოხარული ვარ, რომ ქართველმა ხალხმა კიდევ ერთხელ გამოხატა მხარდაჭერა "ქართული ოცნების" მიმართ. თვითმმართველობის არჩევნებში მიღებული ხმების 56% სწორედ ამის დასტურია. ჩვენთვის ერთ-ერთი მთავარი ამოცანაა ადგილობრივი თვითმმართველობის გაძლიერება და ამისთვის ყველაფერი გაკეთდება მომდევნო წლების განმავლობაში.

ბეგი სიორიძე იყო ოზურგეთის ღირსეული მერი და დარწმუნებული ვარ, რომ ის ასეთი შემართებით გააგრძელებს საქმიანობას ოზურგეთის განვითარებისთვის მომდევნო ოთხი წლის განმავლობაში; დარწმუნებული ვარ იმაშიც, რომ ოზურგეთელი ამომრჩეველი 12 ნოემბერს კიდევ ერთხელ გამოუცხადებს მას ნდობას".

არჩილ თალაკვაძე: "რამდენიმე წლის განმავლობაში ოზურგეთის თვითმმართველობამ სწორედ ბეგი სიორიძის და მერაბ ჭანუყვაძის ხელმძღვანელობით ბევრი საქმე გააკეთა _ ქალაქში და არაერთ სოფელში დაიგო გზები, შევიდა გაზი, მოხდა წყლის სისტემების რეაბილიტაცია, დაფინანსდა მცირე საწარმოები, აშენდა ახალი საბავშვო ბაღები, აღდგა გურიაში ვაზის უნიკალური ჯიშები, მოწესრიგდა პარკები, ნარჩენების მართვისთვის ოზურგეთმა მიიღო ახალი მანქანები და კონტეინერები, აშენდა ახალი ადმინისტრაციული შენობები, კეთდება ფოლკლორის ახალი, თანამედროვე ცენტრი.

ქალაქში და სოფლებში ჩვენ გვაქვს ახალი და საინტერესო გეგმები, მეტის გაკეთებას ვაპირებთ მომავალში. ამისთვის საჭიროა, რომ თვითმმართველობას იმ ადამიანმა უხელმძღვანელოს, ვინც საქმის გამკეთებელია და ვისაც სახელისუფლებო გუნდის მხარდაჭერა აქვს _ ასეთი ადამიანი კი ამ არჩევნებში სწორედ ბეგი სიორიძეა. მე, როგორც ოზურგეთის მაჟორიტარი პარლამენტში, არჩევნების შემდეგ სწორედ ხალხთან ერთად ვაპირებ ჩავერთო და თვალყური მივადევნო განვითარების პროცესს, სოციალური და ინფრასტრუქტურული პროექტების გახორციელებას, რომელსაც ბეგი სიორიძე და თვითმმართველობის განახლებული გუნდი განახორციელებს".

შეხვედრის დასასრულს, ბეგლარ სიორიძემ ამომრჩეველს მხარდამჭერისთვის მადლობა გადაუხადა:

"დღეს ჩემს მხარდასაჭერად ჩვენი ხელისუფლების პირველი პირები ჩამოვიდნენ ოზურგეთში. ყველა დაპირება სწორედ ამ ადამიანების მხარდაჭერითა და თანადგომით მოგეცით.

დარწმუნებულები იყავით, რომ ძალიან ბევრი საინტერესო პროექტი გახორციელდება კიდევ ჩვენს მუნიციპალიტეტში. ჩემი მუხლჩაუხრელი შრომით, თანაგუნდელებთან ერთად, ყველა დაწყებული პროექტი გაგრძელდება და ბევრი ახალი პროექტი გახორციელდება. მომდევნო ოთხ წელიწადში ოზურგეთი გახდება ყველასთვის საამაყო ქალაქი და ამ დროში დასრულდება ყველა ის პროექტი, რომელიც აისახება თითოეული ოზურგეთელის კეთილდღეობაზე.

შემდეგი ოთხი წლის განმავლობაში ქალაქი უნდა იგრძნობოდეს არა მარტო ცენტრში, არამედ მის ყველა უბანში. ყველგან გექნებათ ახალი გზა, მოწესრიგდება ტროტუარები და კომუნიკაციები, მოხდება წყლის სისტემის სრული განახლება და მოსახლეობას 24-საათიანი წყალმომარაგებით უზრუნველვყოფთ;

თეატრის რეაბილიტაციის და ფოლკლორის ახალი ცენტრის მშენებლობის დასრულებისთანავე, მოხდება ქალაქის ცენტრალური უბნის სრული რეკონსტრუქცია _ ოზურგეთს ექნება ევროპული ცენტრი, მთავარი მოედანი, თანამედროვე პარკი, მიმდებარე კაფეები და მაღაზიები;

ყველა სოფელში დაიგება ცენტრალური გზა და მოხდება თითოეული სოფლის გაზიფიკაცია;

სოციალური დახმარება და სოციალური პროგრამები იქნება უფრო ეფექტურად განაწილებული. 2019 და 2020 წლებში პენსიების ზრდასთან ერთად, პენსიონერებს ინდივიდუალურადაც დავეხმარებით;

ვგეგმავთ სამი კურორტის და მასთან დაკავშირებული ტურისტული ინფრასტრუქტურის განვითარებას, რაც შექმნის ახალ სამუშაო ადგილებს, გაზრდის მოთხოვნას ადგილობრივ პროდუქციაზე და მომსახურებაზე", _ თქვა ბეგი სიორიძემ.

(R)




 ახალი ამბები
  • ოზურგეთში სტაფილოსფერი შენობა დაჯარიმდაქალაქის ცენტრში, ახალაშენებულ შენობაში, რომელშიც საფინანსო ორგანიზაცია “კრედო“ შევიდა, დაჯარიმდა. ოზურგეთის მუნიციპალიტეტის მერიის ზედამხედველობის განყოფილების უფროსის შალვა გაბრიჩიძის ინფორმაციით, დაჯარიმდა მშენებელი. მისივე თქმით, პროექტში იყო სხვადასხვა დარღვევა, რის გამოც 500-ლარიანი ჯარიმა გამოიწერა. ჩვენ მიერ მოპოვებული ინფორმაციით,  დაწუნებული იქნა შენობის ფერიც, რასაც ქალაქში აზრთა სხვადასხვაობა მოჰყვა. “მარტო ფერზე არ არის საქმე, როგორც გითხარით, პროექტში იყო დარღვევები. მე, როგორც მაქვს ინფორმაცია, ეს პირველადი ფერია და გადაიღებება“, _ თქვა შალვა გაბრიჩიძემ. მკითხველებს შევახსენებთ ეს ის ადგილია, სადაც ადრე ბილბორდი იყო ილიას უკვდავი სიტყვებით _ „სამი ღვთაებრივი საუნჯე დაგვრჩა ჩვენ მამა-პაპათაგან: მამული, ენა ... ...
  • გააქვს თუ არა მოსახლეობას განვადებით მაღაზიიდან პურისფქვილი, შაქარი და მაკარონი“ერთიანი ნაციონალური მოძრაობის“ წევრი და ოზურგეთის მუნიციპალიტეტის საკრებულოს დეპუტატი ბესო ქათამაძე სოციალურ ქსელში პოსტს წერს, რომელშიც ამბობს, რომ მოსახლეობა მაღაზიებში კვების პროდუქტებზეც განვადებას აკეთებს.  “გურიაში ხალხი ისე გაღარიბდა, მაღაზიებიდან პურისფქვილი განვადებით გააქვთ“, _ წერს ქათამაძე ფეისბუქის საკუთარ გვერდზე. ოზურგეთის ერთ-ერთ მაღაზიაში “გურია ნიუსს“ დაუდასტურეს, რომ კვების სხვადასხვა პროდუქტზე განვადების სისტემა მუშაობს. “დიახ, სიმართლეს შეესაბამება ეს ინფორმაცია. ვისაც პრობლემა არ აქვს მიკროსაფინანსო ორგანიზაციებთან, მაღაზიებიდან განვადებით გააქვს შაქარი, პურისფქვილი, მაკარონი, ზეთი... პროდუქტი 100 ლარზე მეტი ღირებულების უნდა იყოს, რომ განვადებით გაიტანო. მე, როგორც ვიცი, რვა თვის შემდეგ ხდება გადახდა.  ეს კეთდება იმ მომხარებელზე, ვინც კარგი გადამხედელია. ჩვენს მაღაზიაშიც შეიძლება ამის გაკეთება“. ამავე მაღაზიაში გვეუბნებიან, რომ პროდუქტებზე განვადება 6 წელზე მეტია მოქმედებს. “გურია ნიუსი“ დაუკავშირდა “კრედო ბანკის“ ოზურგეთის ფილიალის ხელმძღვანელს ჯაბა გუნთაიშვილს.  როგორც გუნთაიშვილმა გვითხრა, განვადების პროგრამით სარგებლობენ „კრედო ბანკის“ მომხარებლები, თუმცა ასეთი სახის განვადებაზე საპროცენტო განაკვეთი დიდი არ არის. “თითქმის 2 წელია მოქმედებს ეს პროგრამა. ღვინის დაყენების დროს მოგვმართავენ და შაქარი გააქვთ ჩვენი კონტრაქტორი მაღაზიებიდან“, _ გვითხეა ჯაბა გუნთაიშვილმა. ჩვენთვის, ასევე,  ცნობილი გახდა, რომ მაღაზიის მეპატრონეები,  პროდუქტს ერთი თვის ვადით ნისიად გასცემენ, ერთი თვის შემდეგ კი საბაზრო ფასს ემატება პროცენტი. თუმცა, ამასთან დაკავშირებით მაღაზიის მეპატრონებმა საუბარი არ ... ...
  • სალომე ზურაბიშვილი - დროა, გადავიდეთ ევროპულ ფორმატზე, რაც გულისხმობს, რომ საარჩევნო პლაკატებისთვის იყოს სპეციალური ადგილები...დროა, გადავიდეთ ევროპულ ფორმატზე, რაც გულისხმობს, რომ საარჩევნო პლაკატებისთვის იყოს სპეციალური ადგილები ან გამოვიყენოთ სარეკლამო ბანერები, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა განაცხადა. სალომე ზურაბიშვილი გამოეხმაურა გიორგი ვაშაძის ბრალდებას, რომ დედაქალაქში მხოლოდ ოპოზიციის პრეზიდენტობის კანდიდატების პლაკატები ირეცხება. როგორც ზურაბიშვილმა აღნიშნა, მისი გადაწყვეტილებით, თბილისში არც ერთი მისი საარჩევნო პლაკატი არ არის. როგორც პრეზიდენტობის დამოუკიდებელმა კანდიდატმა აღნიშნა, ის სარეკლამოდ მხოლოდ ბანერებს იყენებს. „ჩემი გადაწყვეტილებით, ჩემი არც ერთი პლაკატი არ არის თბილისში, ვიყენებ მხოლოდ დიდ ბანერებს. დიდი ხანია ვფიქრობ ამაზე და მომხრე ვარ, რომ ჩვენი ქალაქი ასეთი პლაკატებით არ დავაბინძუროთ. დროა, რომ გადავიდეთ ევროპულ ფორმატზე, რაც გულისხმობს პლაკატებისთვის სპეციალურ ადგილებს ან ბანერების გამოყენებას“, – განაცხადა სალომე ზურაბიშვილმა. ... ...
  • სალომე ზურაბიშვილი სენაკში ამომრჩევლებს შეხვდა (R) “კაბინეტში, რომელსაც პრეზიდენტობის შემთხვევაში დავიკავებ, მსურს, სიმბოლურად ის სამფეროვანი დროშა იყოს, რომელიც საქართველოს აღდგენილ დამოუკიდებლობას წარმოადგენს”, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა სენაკში მხარდამჭერებთან შეხვედრაზე განაცხადა. მისი თქმით, საპრეზიდენტო არჩევნებში გამარჯვების შემთხვევაში, სახელმწიფო სიმბოლიკის შეცვლას არ აპირებს. „თუ წინსვლა გვინდა, უნდა ვიცოდეთ ჩვენი ისტორია. ჩემს კაბინეტში, რომელსაც პრეზიდენტობის შემთხვევაში დავიკავებ, მსურს, რომ სიმბოლურად ის სამფეროვანი დროშა იყოს, რომლითაც გავიზარდე, რომლითაც თქვენ იბრძოდით და, რომელიც წარმოადგენს აღდგენილ დამოუკიდებლობას, რისთვისაც იბრძოდნენ ქართველები. სახელმწიფო სიმბოლიკას არ შევცვლი, ის ერთხელ შეიცვალა. თუ გვსურს ნამდვილ სახელმწიფოს დავემსგავსოთ და გავაძლიეროთ, არ შეიძლება, წამდაუწუმ შეიცვალოს სახელმწიფოს სიმბოლიკა. მე უბრალოდ მსურს, გვერდიგვერდ იდგას ძველი დროშა, დამოუკიდებლობის, წარსულის, მეხსიერების სიმბოლო, სახელმწიფო დროშა, რომელიც აღარ უნდა შეიცვალოს და დარჩეს დღევანდელი სახელმწიფოსა და სამომავლო გაძლიერების, დამოუკიდებლობის დროშად და ევროკავშირის დროშა, როგორც სიმბოლო ჩვენი ერთადერთი გზის, პერსპექტივის, რომელიც ღრმად არის ჩვენს ღირებულებებში, რადგან ნებისმიერი ქართველი ევროპელია. თუ ევროპელს აქვს იგივე ფასეულობები, რაც ქართველებს, სხვათა შორის, ჩვენთან ცოტა უფრო კარგად არის ეს ფასეულობები შენარჩუნებული, ვიდრე ევროპის ზოგ ქვეყანაში”, – განაცხადა სალომე ზურაბიშვილმა. ... ...
  • “კაბინეტში, რომელსაც პრეზიდენტობის შემთხვევაში დავიკავებ, მსურს, სიმბოლურად ის სამფეროვანი დროშა იყოს” (R) “კაბინეტში, რომელსაც პრეზიდენტობის შემთხვევაში დავიკავებ, მსურს, სიმბოლურად ის სამფეროვანი დროშა იყოს, რომელიც საქართველოს აღდგენილ დამოუკიდებლობას წარმოადგენს”, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა სენაკში მხარდამჭერებთან შეხვედრაზე განაცხადა. მისი თქმით, საპრეზიდენტო არჩევნებში გამარჯვების შემთხვევაში, სახელმწიფო სიმბოლიკის შეცვლას არ აპირებს. „თუ წინსვლა გვინდა, უნდა ვიცოდეთ ჩვენი ისტორია. ჩემს კაბინეტში, რომელსაც პრეზიდენტობის შემთხვევაში დავიკავებ, მსურს, რომ სიმბოლურად ის სამფეროვანი დროშა იყოს, რომლითაც გავიზარდე, რომლითაც თქვენ იბრძოდით და, რომელიც წარმოადგენს აღდგენილ დამოუკიდებლობას, რისთვისაც იბრძოდნენ ქართველები. სახელმწიფო სიმბოლიკას არ შევცვლი, ის ერთხელ შეიცვალა. თუ გვსურს ნამდვილ სახელმწიფოს დავემსგავსოთ და გავაძლიეროთ, არ შეიძლება, წამდაუწუმ შეიცვალოს სახელმწიფოს სიმბოლიკა. მე უბრალოდ მსურს, გვერდიგვერდ იდგას ძველი დროშა, დამოუკიდებლობის, წარსულის, მეხსიერების სიმბოლო, სახელმწიფო დროშა, რომელიც აღარ უნდა შეიცვალოს და დარჩეს დღევანდელი სახელმწიფოსა და სამომავლო გაძლიერების, დამოუკიდებლობის დროშად და ევროკავშირის დროშა, როგორც სიმბოლო ჩვენი ერთადერთი გზის, პერსპექტივის, რომელიც ღრმად არის ჩვენს ღირებულებებში, რადგან ნებისმიერი ქართველი ევროპელია. თუ ევროპელს აქვს იგივე ფასეულობები, რაც ქართველებს, სხვათა შორის, ჩვენთან ცოტა უფრო კარგად არის ეს ფასეულობები შენარჩუნებული, ვიდრე ევროპის ზოგ ქვეყანაში”, – განაცხადა სალომე ზურაბიშვილმა. ... ...

არქივი

ზაფრანი

„უიღბლო“ ამერიკელი

კონექტიკუტის შტატში მცხოვრებმა ჩარლზ დადლიმ...

ახლო მეგობარი მოდელები

რატომღაც მივეჩვიეთ, რომ სამოდელო ბიზნესში...

რა დაგიცავთ ავი თვალისგან

ვერძმა სამოსში აუცილებლად უნდა შეიტანოს...

რატომ ტირიან მამაკაცები საკუთარ ქორწილში

მამაკაცები ხშირად მალავენ გრძნობებს, ალბათ...

დილით დასვენებულმა რომ გაიღვიძოთ…

ორგანიზმი ძილის დროს ახალგაზრდავდება, დუნდება...

ადამიანის იღბალი და მობილური ტელეფონის ნომერი

რიცხვების მაგია უძველესი დროიდან იღებს...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნებზე?