"მადიანი" ხალხია და განსაკუთრებით ფსკერს ეტანებიან" _ აჭის წყლის კარიერზე კვლავ ხმაურია

მთავარი თემა

"მადიანი" ხალხია და განსაკუთრებით ფსკერს ეტანებიან" _ აჭის წყლის კარიერზე კვლავ ხმაურია

13 მარ. 2020, 15:03:03

გურიის მდინარეებზე არსებული კარიერების თემა, კარგა ხანია, აქტუალურია. თუმცა, მიუხედავად არაერთი საპროტესტო აქციისა თუ ოფიციალური განცხადებისა მოსახლეობის მხრიდან, შეწყდეს მდინარეთა ხეობების დასახიჩრება, არ მოხდეს მდინარეთა ფსკერის ვანდალური დაზიანება, ნატანი გაიტანონ მხოლოდ კანონიერი გზით და გამოიძებნოს ადგილმონაცვლე ტერიტორიები, დღემდე შეუსრულებელი მოთხოვნაა, კითხვები პასუხგაუცემელია წიაღისეულის სააგენტოსა თუ ლიცენზიანტთა მხრიდან და სახეზეა მხოლოდ დაპირებები.

ერთი კვირის წინ, ოზურგეთის მუნიციპალიტეტის სოფელ ლიხაურის სხვადასხვა უბნის მცხოვრებლები შეიკრიბნენ და გააპროტესტეს აჭისწყლის ხეობაში კარიერული წარმოება. კონკრეტულად, შპს "კავკაზ ცემენტ ჯორჯიას" მუშაობა, რომელიც ინერტულ მასალას მოიპოვებდა.

მიუხედავად იმისა, რომ ადგილობრივებმა მოუწოდეს ლიცენზიანტს, აღარ გაეგრძელებინათ მდინარის ხეობაში ინერტული მასალის ამოღება და მოეხდინათ ადგილმონაცვლეობა, რამდენიმე დღის შემდეგ, ისინი მაინც შევიდნენ აჭისწყლის ხეობაში და განაგრძეს ქვა-ღორღის ამოღება.

_ შპს "კავკაზ ცემენტ ჯორჯია" მაინც შევიდა აჭისწყლის ხეობაში _ ისევ ქურდულად შეიპარნენ, ძირითადად, ღამით იღებენ ინერტულ მასალას, გამოაქვთ მოშორებით, ნეიტრალურ ტერიტორიაზე და იქ აგროვებენ, მერე კი გააქვთ. რამდენიმე დღეში სარჩელს შევიტანთ. არაფერი ამათთან არ გადის და სად ვდიოთ ამ რიყეებში? _ გვითხრეს ლიხაურში, სადაც ამბობენ, რომ 10 მარტს, გვიან ღამით შენიშნეს აჭისწყლის ხეობაში ტრაქტორები.

11 მარტს, "გურია ნიუსი" აჭისწყლის ხეობაში, კარიერული წარმოების ადგილზე მივიდა. აქ ერთი ტრაქტორი იდგა, მძღოლი ადგილზე არ იმყოფებოდა, მოშორებით კი, მდინარის გამოღმა ნაპირის სიახლოვეს საკმაო რაოდენობით იყო "ხრეშის გორები", რომელსაც აშკარად ეტყობოდა, რომ ახლად ამოღებული იყო.

_ შეხედეთ მდინარეს, სადაც ახლა ტრაქტორი დგას _ ეს არის აჭის წყლის კალაპოტის ცენტრალური ადგილი, ფსკერი! "მადიანი" ხალხია ესენი და მდინარის ფსკერს განსაკუთრებით ეტანებიან! მოძებნიან მდინარის შედარებით ვიწრო ადგილს, საიდანაც მერე უცებ იშლება კალაპოტი და ერთგვარ დელტას ქმნის. ასეთ ადგილზე გადაუშვებენ ნაკადებს ორი მიმართულებით და შუაში რჩება წიაღისეული, თან განუსაზღვრელი რაოდენობით! საგანგებოდ აღვნიშნავ, რომ ხდება მდინარეების ფსკერის მოსპობა. ნატანის მეტი რა აქვს მდინარეს _ მოიპოვონ და წაიღონ, ვინ უშლის?! არ ეყოფა ჩვენს გზებს თუ რა? მაგრამ არა! ფსკერიდან სურთ უსაზღვრო რაოდენობის ქვა-ღორღის ამოღება. ასე ადვილია _ ძალიან ბევრია ხრეში და ბევრს ბევრი ფულისკენ უჭირავს თვალი! სულ ეს არის მდინარეთა კალაპოტების მოსპობის მიზანი და ფილოსოფია! ამიტომ არ გავჩერდებით _ კატეგორიულად მივმართავთ სასამართლოს და წიაღისეულის სააგენტოს წარმომადგენლებს, მოვიდნენ ადგილზე, დღემდე რომ არავინ გამოჩენილა! დაგვიმტკიცონ, რომ მათ მიერ გამოშვებული ლიცენზიანტები კანონიერად მოიპოვებენ წიაღისეულს, _ ამბობენ ლიხაურელები.

ადგილზე მოვიდა შპს "კავკაზ ცემენტ ჯორჯიას" წარმომადგენელი, გელა დუმბაძე, რომელსაც არ უარუყვია, რომ კვლავ შევიდნენ მდინარის კალაპოტში და დაიწყეს ღორღის ამოღება. მან ხეობაში ისევ შესვლის მიზეზად ის გარემოება დაასახელა, რომ არ მოუძებნეს ადგილმონაცვლე ტერიტორია სხვაგან, სადაც მუშაობას გააგრძელებდნენ.

_ რა ვქნათ ჩვენ? ხომ გახსოვთ, ერთი კვირის წინ ლიხაურის კრებაზე რომ შეგვპირდნენ, მოიძებნება ადგილმონაცვლე ტერიტორია და იქ გადახვალთო. ვერ მოგვიძებნეს. ამ კონკრეტულ ადგილზე ჩვენ ლიცენზია გვაქვს და ამიტომ ისევ შევედით. გეტყვით, რომ არაფერს ვაშავებთ. რომ ვაშავებდეთ, ხომ დაგვიჭერდნენ? ჩვენ მითითებულ ადგილზე ვართ, რაც ლიცენზიით არის გათვალისწინებული, _ თქვა დუმბაძემ.

_ ჩვენ შენებას არ ვუშლით ხელს, ჩვენ ხელს ვუშლით ნგრევას! წიაღისეულის ეროვნულ სააგენტოს როცა ვუთხარით, დაბომბილს რომ ჰგავს ხეობები, მოასწორეთ და ისე მაინც დატოვეთ გარემოო, მაგის დრო სად გვაქვსო, _ გვიპასუხეს. სწორედ ამის გამო ვბრაზობთ. აჭისწყლის ხეობა საერთოდ ხელშეუხებელი უნდა გახდეს! აქ კარიერი ვერ იქნება! არ დავუშვებთ! _ ამბობდნენ ლიხაურელები.

ოზურგეთის საკრებულოს დამოუკიდებელმა დეპუტატის, გარემოს დამცველის ლევან მგელაძის თქმით, პრობლემას მხოლოდ მერია ვერ გადაწყვეტს:

_ შესაძლოა, მოუძებნეს კიდეც ადგილმონაცვლე ტერიტორია, მაგრამ ეს ადგილობრივ მცხოვრებლებსაც უნდა ჰკითხონ. მხოლოდ მერი ვერ გადაწყვეტს, წიაღისეულის სააგენტოც უნდა ჩაერთოს ამ საქმეში".გ

ურია ნიუსი" ოზურგეთის მუნიციპალიტეტის მერიის წარმომადგენელს თემურ ჭანუყვაძეს დაუკავშირდა. კითხვაზე, რატომ არ მოხერხდა გამოყოფილიყო შპს "კავკაზ ცემენტ ჯორჯიას" დასაკმაყოფილებელი ადგილმონაცვლე ტერიტორია კარიერისთვის, თემურ ჭანუყვაძემ გვიპასუხა:

_ შპს "კავკაზ ცემენტ ჯორჯიას" მერიაში ადრე შემოტანილი ჰქონდა განცხადება ადგილმონაცვლეობასთან დაკავშირებით. ადგილზე, რომელიც მას მიეთითა სუფსის კალაპოტში, მაშინ უარი ეთქვა ოზურგეთის მერიის მიერ, რადგან ეს ტერიტორია შპს "ნატა 2000"-ის კოორდინაციაში იყო და ზედდებაში მოხვდა. ეს იყო მანამ, სანამ ლიხაურში აღნიშნული საპროტესტო აქცია დაიწყებოდა. შემდეგ მოიძებნა ადგილი სოფელ სილაურში, მდინარე სუფსის კალაპოტში, ისეთ ადგილზე, სადაც აკუმულირებულია დიდძალი მასა. მოსახლეობაც არ არის ახლოს და შესაძლებელი იყო, კანონის სრული დაცვით მოეპოვებინათ ინერტული მასალა. თუმცა, აღნიშნულ ადგილზე უარი განაცხადეს, რადგან იქამდე მისასვლელი გზა არ არსებობს და გასაკეთებელია. როგორც მათ თქვეს, იმდენი ფინანსური რესურსი არ აქვთ, რომ ეს გზა მოაწესრიგონ. ამასთანავე, აღნიშნულ კომპანიასთან დაკავშირებით ვიტყვი, რომ მოვიძიეთ მათი ისტორია და შპს "კავკაზ ცემენტ ჯორჯია", ზოგიერთისგან განსხვავებით, წესიერი კომპანიაა, კარგად მუშაობენ, ლიცენზია კანონიერად აქვთ მოპოვებული და სადაც იყვნენ, ყველგან სააგენტოს მითითებით შევიდნენ. ამიტომ ჩვენი სურვილია, ასეთმა ადამიანებმა იმუშაონ და აკეთონ მინდობილი საქმე, რომელიც ქვეყნისთვის სასიცოცხლოდ აუცილებელია, თუმცა, უნდა მოხდეს ადგილმონაცვლე ტერიტორიების ზუსტად მოძებნა. ხოლო თუ იქ მისასვლელად რაიმე პრობლემა აღმოჩნდება, როგორც აღნიშნულ შემთხვევაში (გზაა გასაკეთებელი), საქმეს თავად უნდა მიხედონ. წინააღმდეგ შემთხვევაში, თუ რომელიმე ლიცენზიანტი არ შევა ადგილმონაცვლე ტერიტორიაზე და კვლავ იმ ადგილებზე გააგრძელებს მუშაობას, სადაც მოსახლეობა კატეგორიულად წინააღმდეგია და ზიანდება მდინარის კალაპოტი თუ ფსკერი, ჩვენ ისღა დაგვრჩენია, რომ სამართლებრივი გზა ვეძებოთ და მივმართოთ შესაბამის ორგანოებს, _ გვითხრა ჭანუყვაძემ.





 ახალი ამბები
  • ფაროსანასთან ბრძოლის მიზნით შეწამვლის ღონისძიებები უკვე დაიწყოაფაროსანასთან ბრძოლის მიზნით შეწამვლის ღონისძიებები უკვე დაიწყო, _ ამის შესახებ ინფორმაციას სურსათის ეროვნული სააგენტო ავრცელებს. როგორც განცხადებაშია ნათქვამი, დასავლეთ საქართველოში მობილიზებულია სურსათის ეროვნული სააგენტოს სპეციალიზებული ტექნიკა და სამუშაო ჯგუფები, რომლებიც მონიტორინგს და მავნებლის კონტროლის ღონისძიებებს უსაფრთხოების წესების დაცვით ატარებენ. იმ ტერიტორიაზე, სადაც მონიტორინგის შედეგად მავნებლის დიდი კონცენტრაცია დაფიქსირდა, ფაროსანასთან ბრძოლის საკოორდინაციო მართვის ცენტრის ჯგუფები „მოიზიდე და გაანადგურე“ სადგურების მეშვეობით წერტილოვან შეწამვლას ახორციელებენ. დასავლეთ საქართველოში - სამეგრელოს, იმერეთის, გურიის, რაჭის რეგიონებსა და აჭარაში 2500-ზე მეტი ფერომონიანი დამჭერი და 2300-ზე მეტი „მოიზიდე და გაანადგურე“ სადგური დამონტაჟდა; საკონსულტაციო შეხვედრები გაიმართა მეთხილე ფერმერებსა და მეფუტკრეებთან. „ფაროსანასთან ბრძოლის საკოორდინაციო მართვის ცენტრი, მოსახლეობის ინფორმირების მიზნით, აქტიურად თანამშრომლობს ადგილობრივ თვითმმართველობებთან; ღონისძიებები მათთან კოორდინაციით იგეგმება. მცენარეთა დაცვის სპეციალისტები მოსახლეობასა და ფერმერებს მოუწოდებენ ჩართულობისაკენ, რათა მაქსიმალურად შემცირდეს მავნებლის რაოდენობა. ფერმერებს შესაძლებლობა აქვთ, გაიარონ რეგისტრაცია საკოორდინაციო მართვის ცენტრის ოფიციალურ ვებგვერდზე და შMშ შეტყობინების მეშვეობით მიიღონ დეტალური ინფორმაცია წამლობის დაწყებისა და განხორციელების ვადებზე. გარემოს დაცვისა და სოფლის მეურნეობის სამინისტროს სურსათის ეროვნული სააგენტო აზიური ფაროსანას საწინააღმდეგო ღონისძიებებს სახელმწიფო პროგრამის ფარგლებში 2017 წლიდან ახორციელებს. სახელმწიფოს მიერ ჩატარებული კომპლექსური ღონისძიებების შედეგად მნიშვნელოვნად შემცირდა მავნებლის რაოდენობა დასავლეთ საქართველოში და მისი გავრცელების გეოგრაფიული არეალი არ გაზრდილა. ამავდროულად, მინიმუმამდე შემცირდა სასოფლო-სამეურნეო კულტურების დაზიანება და ფერმერებმა თხილის, სიმინდისა და ციტრუსის ხარისხიანი და უხვი მოსავალი მიიღეს“, - ნათქვამია ... ...
  • გაუპატიურების მუხლი საკმარისი არ არის - რას ითხოვს ყაზახი გოგის ოჯახი საეჭვო ვითარებაში გარდაცვლილი 26 წლის ყაზახი გოგონას ასელ აიტპაევას 2-ჯერ გაუპატიურებისთვის ბრალდებული მურად მეირბეკოვისთვის აღკვეთის ღონისძიების შეფარდების საკითხზე თბილისის საქალაქო სასამართლო ბრალდებულის დაუსწრებლად, სავარაუდოდ დღეს იმსჯელებს. აიპტაევას ოჯახი მოითხოვს, რომ მეირბეკოვის საქართველოში ექსტრადირება მოხდეს. ისინი დარწმუნებულები არიან, რომ მეირბეკოვმა ასელი საქართველოში მოტყუებით ჩამოიყვანა, გაყიდა და მოკლა. "მოხარული ვართ, რომ ქართულმა მხარემ მურად მეირბეკოვს ბრალი წარუდგინა, იმედი გვაქვს, ამ საქმეს ბოლომდე მიიყვანენ. მაგრამ ვფიქრობთ, რომ გაუპატიურების მუხლი საკმარისი არ არის. მან ჩემი და მოატყუა, გააუპატიურა და მოკლა. გვინდა, რომ ყველა ამ დანაშაულზე პასუხი აგოს. ის მასზე ფსიქოლოგიურადაც ძალადობდა და არ არის გამორიცხული, რომ გაყიდა კიდეც. მოტყუებით ჩამოიყვანა საქართველოში, გაყიდა და მოკლა. ვითხოვთ, რომ ყველა ამ დანაშაულზე აგოს პასუხი, ყაზახეთიდან გამოითხოვოს ქართულმა მხარემ და გაასამართლოს", _ ამბობს ასელ აიტპაევას და. გარდაცვლილის ოჯახის წევრები, ასევე, მოითხოვენ, რომ საქმეს ტრეფიკინგის მუხლიც დაემატოს. პროცედურულად, იუსტიციის სამინისტრომ ყაზახეთის მთავრობას 15 დღეში უნდა მიმართოს მურად მეირბეკოვის ექსტრადირების მოთხოვნით. მირბეკოვს პროკურატურამ გუშინ, 14 მაისს, ბრალი ოფიციალურად წარუდგინა, საგამოძიებო უწყების ცნობით, მეირბეკოვმა გოგონაზე რუსთავში 2-ჯერ იძალადა. ცნობისთვის, 26 წლის ასელია აიტპაევამ 5 მაისს სიცოცხლე თვითმკვლელობით დაასრულა. შსს-მ 6 მაისს დააკავა ბრალდებული, 57 წლის ბესიკ თოდუა, რომელმაც გამოძიების ინფორმაციით, ის გააუპატიურა. პროკურატურამ კი დაკავებულს ბრალი 7 მაისს წარუდგინა. ბრალდებულს თბილისის საქალაქო სასამართლომ აღკვეთის ღონისძიების სახით, პატიმრობა ... ...
  • "ავადმყოფისთვის ძალიან ცუდი მოსასმენია, როცა ეუბნებიან, " მერე რაა თუ მოკვდები..."ჭყონდიდის ეპარქიაში მიმდინარე დაპირისპირებების შემდეგ “გურია ნიუსი” დაუკავშირდა დიაკვან ანანია კალანდიას კითხვით: რატომ შეუჩერათ მღვდელმსახურება მეუფე სტეფანემ. „მეც ზუსტად ეგ კითხვა მაქვს _ "რატომ შემიჩერა სტეფანემ მსახურება?" _ გვიპასუხა დიაკვანმა. “გურია ნიუსთან” საუბრისას დიაკვანმა ანანიამ გაიხსენა, საიდან დაიწყო არსებული უთანხმოება. მისი თქმით, როდესაც მეუფე სტეფანემ დაიბარა, აუხსნა თავისი ჯანმრთელობის და სოციალური მდგომარეობის შესახებ. "ვუთხარი რომ სიმსივნე მქონდა, რომელიც ამოკვეთის შემდეგ ისევ გაჩნდა და ამის დამადასტურებელი ანალიზის პასუხებიც ვაჩვენე. 7 ოპერაცია მაქვს გაკეთებული, 3 კიდევ გასაკეთებელი და პანდემიის მეშინია-მეთქი, _ ვუთხარი. _ რაზეც მეუფე სტეფანემ მიპასუხა: არაუშავს თუ მოკვდები, უფრო ადვილად ცხონდებიო. მან იფიქრა რომ მე ამ ყველაფერს ვიტყუებოდი და გული დამწყდა. ავადმყოფისთვის ძალიან ცუდი მოსასმენია. როცა ეუბნებიან _ მერე რაა თუ მოკვდები. თვალცრემლიანი ავდექი იქიდან. ოჯახში ვცხოვრობ და მძიმე სოციალური მდგომარეობა მაქვს. არ ვიყავი ისე მოწყობილი, როგორც ითხოვდა, რომ კურთხევა შემესრულებინა _ სადაც თვითონ წირავდა, იქ რომ მევლო. ამას ვერანაირად ვერ ვახერხებდი და ვთხოვე, რომ ჯანმრთელობის და ოჯახური მდგომარეობის გამო, ვერ ვახერხებ თქვენი კურთხევის შესრულებას, იქნებ დამტოვოთ იქ, სადაც ვმსახურობ, უახლოეს ტაძრებში-მეთქი.  მე არ მქონდა არანაირი კითხვები, ან ვინმესთან უთანხმოება. ავუხსენი, რომ ვერ შევძლებდი მანქანის  აყვანას და სხვადასხვა ტაძარში სიარულს, რაზეც მეუფე სტეფანემ მიპასუხა, რომ ჩემს ტრანსპორტირებაზე თავად იზრუნებდა და დავთანხმდი. რადგან სახლში ვერ ვჩერდები შაბათ-კვირას. მინდა ტაძართან ახლოს ვიყო _ 25 წელია, რაც ეკლესიის წიაღში ვარ და მადლობა ღმერთს. უფალს იმას ვთხოვ, რომ მომცეს გამძლეობა, რათა ამ ყველაფერს გავუძლო და გადავიტანო", _ გვითხრა დიაკვანმა.  დიაკვანი ანანიას თქმით, იგი დაელოდება მეუფე სტეფანეს გადაწყვეტილებას. შეგახსენებთ, რომ ჭყონდიდის ეპარქიაში დაპირისპირების დაწყება ეპარქიის მმართველის ცვლილებას ... ...
  • როგორი ამინდია მოსალოდნელი დღეს საქართველოშიგარემოს ეროვნული სააგენტო მოსალოდნელი ამინდის შესახებ განახლებულ ინფორმაციას აქვეყნებს. სააგენტოს ცნობით, 15 მაისს ქუთაისში +27 გრადუსია ნავარაუდევი, ღამით კი +13 გრადუსია მოსალოდნელი. ოზურგეთში დღისით +22 გრადუსი, ღამით კი +10 გრადუსია მოსალოდნელი. ბათუმში უმეტესად მზიანი ამინდი იქნება, დღისით ჰაერი +21 გრადუსამდე გათბება, ღამე კი +14 გრადუსი დაფიქსირდება. ფოთში დღისით +20 გრადუსი დაფიქსირდება, ღამით კი +15 გრადუსი. ზუგდიდში დღის განმავლობაში ჰაერის ტემპერატურა +25 გრადუსს მიაღწევს, ღამით კი +14 გრადუსია ნავარაუდევი. სოხუმში ჰაერის ტემპერატურა დღისით +23 გრადუსს მიაღწევს, ღამით კი +16 გრადუსი იქნება. მესტიაში +18 გრადუსი და უმეტესად მზიანი დღეა მოსალოდნელი, ღამით +8 გრადუსი დაფიქსირდება. სინოპტიკოსები ამბროლაურშიც უმეტესად მზიან დღესა და +27 გრადუსს პროგნოზირებენ, ღამით კი +11 გრადუსი დაფიქსირდება. ჭიათურაში ჰაერის ტემპერატურა დღის განმავლობაში +31 გრადუსი იქნება, ღამით კი +15 გრადუსი დაფიქსირდება, იქროლებს ქარი. ახალციხეში დღისით +26 გრადუსი და მცირე ნალექია მოსალოდნელი, ხოლო ღამის განმავლობაში ჰაერის ტემპერატურა +8 გრადუსამდე დაიწევს. +28 გრადუსი და წვიმაა მოსალოდნელი ბორჯომში, ღამის განმავლობაში +11 გრადუსი დაფიქსირდება. ბაკურიანში იწვიმებს. დღისით +18 გრადუსი დაფიქსირდება, ღამით კი +8 გრადუსი იქნება. გორში დღისით +29 გრადუსი და უმეტესად მზიანი დღეა მოსალოდნელი, ღამის განმავლობაში +12 გრადუსი დაფიქსირდება. უმეტესად მზიანი დღე იქნება ცხინვალშიც, სადაც დღისით ჰაერი +26 გრადუსამდე გათბება, ღამით კი +11 გრადუსი დაფიქსირდება, იქროლებს ქარი. გუდაურში +18 გრადუსია ნავარაუდევი დღისით, ღამით კი ჰაერის ტემპერატურა +6 გრადუსი იქნება. ომალოში დღისით +15 გრადუსი იქნება, ღამე კი ჰაერის ტემპერატურა +3 გრადუსამდე დაიწევს. ლაგოდეხში ჰაერის ტემპერატურა დღის განმავლობაში +25 გრადუსი იქნება, ღამით კი +13 გრადუსი დაფიქსირდება. წვიმიანი დღეა მოსალოდნელი თელავში, სადაც დღის განმავლობაში +27 გრადუსი დაფიქსირდება, ღამით კი +13 გრადუსია მოსალოდნელი. გურჯაანში დღისით ჰაერი +30 გრადუსამდე გათბება, ღამით კი +13 გრადუსი დაფიქსირდება. სიღნაღში უმეტესად მზიანი დღე და +29 გრადუსი იქნება, ღამით კი +12 გრადუსი დაფიქსირდება. რუსთავში დღისით ჰაერი +30 გრადუსამდე გათბება, ღამით კი +12 გრადუსი დაფიქსირდება. თბილისში დღისით დროგამოშვებით ღრუბლიანობის მომატებაა მოსალოდნელი. ჰაერის ტემპერატურა დღისით +29 გრადუსი, ღამით კი +14 გრადუსი ... ...
  • “ხალხური სიმღერა მარადიულია, თუ თაობებს მიჰყვება"ამ წარწერით ოზურგეთში, საქართველოს ფოლკლორის სახელმწიფო ცენტრის დასავლეთ წარმომადგენლობაში ანზორ ერქომაიშვილის მემორიალური დაფა გაიხსნა. მემორიალური დაფის გახსნა წილად ხვდა საქართველოს პრემიერ-მინისტრს ირაკლი ღარიბაშვილს და ანზორ ერქომაიშვილის მეუღლეს ლალი სეთურიძეს. 8 აპრილს, პრემიერ-მინისტრის ინიციატივით, ფოლკლორის სახელმწიფო ცენტრს ანზორ ერქომაიშვილის სახელი ... ...

არქივი

ტესტები

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...