მერიის მიერ რეაგირების გარეშე დარჩენილი კანონდარღვევები _ პროკურატურამ გამოძიება დაიწყო

მთავარი თემა

მერიის მიერ რეაგირების გარეშე დარჩენილი კანონდარღვევები _ პროკურატურამ გამოძიება დაიწყო

5 ივნ. 2019, 13:55:43

ოზურგეთის მუნიციპალიტეტში, დაბა ურეკში უკანონო მშენებლობები აქტიურად მიმდინარეობს. ჩვენი ჟურნალისტური გამოძიება ცხადჰყოფს, რომ მერიაში ამის შესახებ ყველაფერი იციან, თუმცა, ადგილობრივების თქმით, "კიდიათ".

ამ "დაკიდების" ფონზე კი შავიზღვისპირეთში შენდება სახლები, სასტუმროები, მდიდრდებიან ბიზნესმენები და ზარალდება მუნიციპალიტეტი, რომლის ბიუჯეტშიც ჯარიმები თანხა არ შედის.

არის თუ არა ამის მიზეზი, როგორც ჩვენი წყარო ამტკიცებს, "ატკატები",  ეს გამოძიებამ უნდა დაადგინოს _ როგორც ვწერდით, ურეკში მიმდინარე უკანონო მშენებლობებზე, მუნიციპალიტეტის მერიის ზედამხედველობის განყოფილების უმოქმედობაზე, ოზურგეთის მერისა და ვიცემერის სიტყვიერ ბრძანებაზე, რომ ამ ყველაფერზე "თვალი დახუჭონ" , აჭარის პროკურატურამ გამოძიება უკვე დაიწყო.

ფაქტზე სისხლის სამართლის საქმე 332-ე მუხლის პირველი ნაწილითაა აღძრული, რაც უფლებამოსილების ბოროტად გამოყენებას გულისხმობს.

გამოძიებას ჩვენება უკვე მისცა მერიის ზედამხედველობის განყოფილების თანამშრომელმა გენადი კიშინსკიმ, რომელმაც, ჩვენი ინფორმაციით, ჩვენება დოკუმენტაციითა და ჩანაწერებით გაამყარა.

კიშინსკი მედიასთან არ საუბრობს, თუმცა, ჩვენი წყარო ამბობს, რომ მის ხელთ არსებული მასალები ადასტურებს, თუ როგორ და ვინ მფარველობს უკანონო მშენებლობის მესაკუთრეებს.

სანამ პროკურატურა დეტალებს ადგენს, მანამ "გურია ნიუსმა" რამდენიმე უკანონო მშენებარე და დასრულებული ობიექტი იპოვა.

ერთ-ერთი სასტუმრო "კოლხიდას" მეპატრონეს ხათუნა ლაგაზიძეს ეკუთვნის. როგორც მერიის ზედამხედველობის განყოფილების ხელმძღვანელი შუქრი გაბრიჩიძე ამბობს, მშენებარე ობიექტის მეპატრონესთან დაკავშირება ვერ მოახერხა:

_ უკანონო მშენებლობა რომაა, ვიცით, თუმცა, მეპატრონესთან დაკავშირება ვერ მოვახერხეთ. ხათუნა ლაგაზიძის მეუღლეს, ამირან ჩხაიძეს სიტყვიერად ვუთხარი, რომ უნდა შეაჩეროს მშენებლობა, ნებართვა აიღოს და შემდეგ გააგრძელოს. ასე მარტივად არ ხდება ეს ყველაფერი, _ ამბობს გაბრიჩიძე და გვიმტკიცებს, რომ "კოლხიდას" ეზოში უკანონო მშენებლობაზე საქმის წარმოება აპრილში დაიწყო, თუმცა, კითხვაზე _ ამ დრომდე რატომ არ აქვს შესაბამისი აქტი გაფორმებული, პასუხს ვერ გვცემს:

_ დაჯარიმება მარტივად არ ხდება. ბევრი პროცედურაა გასავლელი, რომ სასამართლომ არ გამამტყუნოს. ზოგჯერ მეპატრონეებს საერთოდ ვერ ვპოულობთ, _ ამბობს გაბრიჩიძე.

თუმცა, მისგან განსხვავებით, ჩვენ ადვილად მოვახერხეთ ხათუნა ლაგაზიძესთან დაკავშირება. ბიზნესმენი ამბობს, რომ სასტუმროს ეზოში არსებული შენობის რეკონსტრუქცია მიმდინარეობს.

_ ჩემთან არსებული ფართის რესტავრაცია მიდის, უფრო სწორად რეკონსტრუქცია და არა 110-მეტრიან ზოლში, _ გვითხრა ლაგაზიძემ და კითხვაზე, არის თუ არა მათ მიერ დაწყებული მშენებლობა უკანონო  და ამ დრომდე გაუგზავნა თუ არა მერიამ შეტყობინება, ასე გვიპასუხა: "მოგწერეთ".

მოგვიანებით, ლაგაზიძეს "კოლხიდას" ეზოში მშენებარე ობიექტის ფოტოც გავუგზავნეთ და ვთხოვეთ დაედასტურებინა, იყო თუ არა ეს ის ობიექტი, რომელზეც მისი თქმით, რეკონსტრუქცია მიმდინარეობდა, თუმცა, მან ეს გზავნილი უპასუხოდ დატოვა. ეს იმ დროს, როცა ობიექტზე მშენებლობა მიმდინარეობდა, რომელიც, როგორც აღმოჩნდა მერიის ზედამხედველობის განყოფილებისთვის ცნობილი იყო:

_ როგორც გითხარით, სიტყვიერად უკვე ვუთხარი ამირან ჩხაიძეს და მალე დავიბარებთ და ოფიციალურ გაფრთხილებასაც გადავცემთ. "კოლხიდას" მფლობელებმა იციან, რომ მშენებლობა ნებართვის გარეშე არ უნდა გააგრძელონ, _ გვითხრა გაბრიჩიძემ.

ხათუნა ლაგაზიძისგან ობიექტისგან განსხვავებით, უკვე დასრულებული აქვს მშენებლობა სოფელ ნატანების ყოფილ დეპუტატს დავით სიხარულიძეს _ მას ხის 8 კოტეჯი აშენებული და როგორც დავაზუსტეთ, გაქირავებულიც აქვს.

გაირკვა, რომ გაბრიჩიძემ ესეც კარგად იცის და უფრო მეტი _ ამის შესახებ ინფორმაციას გასული წლის დეკემბერში ფლობდა:

_ დათოს არაერთხელ ვესაუბრე. იცის, რომ ობიექტი უნდა დაანგრიოს, _ ამბობს მერიის ზედამხედველობის განყოფილების უფროსი.

კითხვაზე, რატომ შემოიფარგლა მხოლოდ სიტყვიერი გაფრთხილებით და რატომ არ იმოქმედა კანონის შესაბამისად, გაბრიჩიძეს საკმაოდ უცნაური პასუხი აქვს:

_ რეალურად სხვაზეა გაფორმებული. იმ ადამიანმა ოპერაცია გაიკეთა და რა მექნა?

_ კანონი რომ დაირღვა, ამის შესახებ ხომ იცით?

_ კი და შესაბამისად ვმოქმედებთ.

_ ბატონო შუქრი, ამბობთ, რომ 6 თვეა ინფორმაცია გაქვთ კანონდარღვევის შესახებ და ამის აღმოსაფხვრელად არაფერი გაგიკეთებიათ.

_ კაცი ავად იყო, ოპერაცია გაიკეთა.

_ ხვდებით რომ ეს დანაშაულია და რომ ამით ბიუჯეტი აზარალეთ?

_ მე ვესაუბრე დავით სიხარულიძეს. ამ დღეებში ჩამოვა და ობიექტს დაშლიან.

_ როდის ესაუბრეთ?

_ სამი დღის წინ. მგონი. შაბათს.

_ მას შემდეგ, რაც ჩვენ პირველი სტატია მოვამზადეთ და გაიგეთ, რომ გამოძიება იყო დაწყებული. მანამდე რას აკეთებდით?

_ ვაწარმოებდით მოკვლევას. ყველაფერი ასე არ ხდება, როგორც თქვენ გგონიათ. კანონს არ ვარღვევთ.

_ ვინ გავალებდათ, რომ უკანონო მშენებლობებზე რეაგირება არ მოგეხდინათ?

_ არავინ არაფერს მავალებს. მე კანონის შესაბამისად ვმოქმედებ. ვერ მივალ და კაცს პირდაპირ ვერ დავაჯარიმებ. ჯერ უნდა გავაფრთხილო, გონივრული დრო მივცე.

_ და დავით სიხარულიძის შემთხვევაში გონივრული დრო 6 თვეა?

_ კარგით რა, თქვენ თუ მიზეზს ეძებთ, თქვით! ან რომ წერთ კიშინსკის ეჩხუბაო, რა მაქვს მასთან საჩხუბარი? _ კითხვებზე პასუხის გაცემას თავი აარიდა გაბრიჩიძემ და ჩვენი თხოვნაზე, ერთად შეგვემოწმებინა ობიექტები და სიმართლეც გაგვერკვია, უარი გვითხრა:

_ მე ყველაფერი ვიცი და კანონის შესაბამისად მოვიქცევი, _ ამ სიტყვებით დაასრულა საუბარი გაბრიჩიძემ.

რა იცის მან და კონკრეტულად ვისი დავალებით აკეთებდა ამ ყველაფერს, გამოძიების დასადგენია, რომლის პარალელურად, "გურია ნიუსი" კიდევ იმ 12 პირს ადგენს, რომელთა მიერ გახორციელებულ უკანონო მშენებლობაზე ოზურგეთის მერიის ზედამხედველობის განყოფილებას რეაგირება არ მოუხდენია.

პ.ს. ჩვენ შევეცადეთ ამ თემაზე კომენტარი ოზურგეთის ოზურგეთის მერისგან და ვიცე მერისგანაც იგვეღო, თუმცა, უშედეგოდ. არცერთმა მათგანმა "გურია ნიუსის" სატელეფონო ზარებს არ უპასუხა. ჩვენი ზარი უპასუხოდ დატოვა მერიის პრესსამსახურის ხელმძღვანელმა ეკატერინე მგელაძემაც.

ამავე თემაზე: "ნათესაური კამათი" თუ "ხელჩართული ჩხუბი" ზღვისპირეთში უკანონო მშენებლობებზე თვალის დახუჭვის გამო




 ახალი ამბები
  • ქარელში ორი ახალგაზრდა,სავარაუდოდ, გაზის გაჟონვის შედეგად გარდაიცვალაქარელში ორი ახალგაზრდა სახლში გარდაცვლილი იპოვეს, ინფორმაციას “თრიალეთი“ ავრცელებს. მათივე ინფორმაციით,  შემთხვევა, სავარაუდოდ, გაზის გაჟონვას უკავშირდება. ადგილზე სამართალდამცველები მუშაობენ . მომხდარის სხვა დეტალები ... ...
  • საზარელი ტრაგედია ხობში- "დექსამეტაზონის" მიღების შემდეგ ქალი დაიღუპასაზარელი ტრაგედია ხობში- "დექსამეტაზონის" მიღების შემდეგ 30 წლის ქალი დაიღუპა. ინფორმაციას მომხდარის შესახებ მთავარი არხი ავრცელებს. 30 წლის ელისო ლომაიას გარდაცვალების მიზეზი უცნობია. ოჯახის მტკიცებით ქალი ჯანმრთელი იყო და 3 დღე მხოლოდ ხველა აწუხებდა. სპაზმის დროს ოჯახის ექიმის რეკომენდაციით დედამ "დექსამეტაზონი" დაალევინა და ახალგაზრდა ქალი რამდენიმე წუთში კომაში ჩავარდა. სასწრაფო დახმარების ბრიგადა ხობის რაიონის სოფელ საჯიჯაოში  2 საათისა და 30 წუთის შემდეგ მივიდა. ელისო ლომაია ექიმებს გარდაცვლილი დახვდათ. ელისო ლომაიას  2 დღეში  დაკრძალავენ, თუმცა ჯერ არავინ იცის რა წერია ოფიციალურ დოკუმენტში გარდაცვალების მიზეზად.  ახლობლები ვარაუდობენ,რომ ქალს კორონავირუსი ჰქონდა და დექსამეტაზონმაც უკუჩვენება სწორედ ამ ვირუსის გამო გამოიწვია. ამბობენ, რომ სასწრაფო დროზე რომ მისულიყო ადგილზე ახალგაზრდა ქალი გადარჩებოდა. როგორც მთელს ქვეყანაში, ისე სამეგრელოშიც ადამიანები სიკვდილთან მარტო არიან დარჩენილები. ბრიგადები, რომ საკმარისი არ არის, ამაზე მეტყველებს ის ფაქტიც რომ კოვიდ დადასტურებული პაციენტები რუხში მდებარე საავადმყოფოში ოჯახის წევრებს საკუთარი მანქანებით მიჰყავთ. მძიმე მდგომარეობას კი ჯანდაცვის მინისტრი როგორც ჩანს სერიოზულად ვერ აღიქვამს. ამბობს, რომ ქვეყნის მასშტაბით, კლინიკებში ადგილები არის, მაგრამ პაციენტებს ხედები არ მოსწონთ და უკმაყოფილოებიც ამის გამო ... ...
  • "სახანძრო ნომერი განაცალკევეთ 112-დან" _ ასმათ ტყაბლაძე მთავრობას მიმართავს"სახანძრო ნომერი განაცალკევეთ 112-დან", _ ამ მოთხოვნით მიმართავს საქართველოს მთავრობას ასმათ ტყაბლაძე. როგორც მსახიობი სოციალურ ქსელში წერს, დღეს,თბილისში, ხორავას ქუჩაზე სახანძროს დაგვიანებას ფატალური შედეგი მოჰყვა. შეგახსენებთ, რომ ხანძარი თბილისში, ხორავას ქუჩაზე მდებარე საცხოვრებელ სახლში დღეს დილით გაჩნდა, რომელსაც ორი ადამიანის სიცოცხლე ... ...
  • "გენაცვალე ბაბუ" – "ლანჩხუთის" ფეხბურთელმა ხატია ჭყონიამ ბაბუასგან საჩუქარი მიიღოქალთა საფეხბურთო კლუბის “ლანჩხუთის“ ფეხბურთელებმა წარმატებული თამაშის შემდეგ, არაერთი საჩუქარი მიიღეს. ერთ-ერთი ფეხბურთელი,  ხატია ჭყონია ბაბუასგან მიღებული საჩუქარის შესახებ ინფორმაცია სოციალურ ქსელში აქვეყნებს და მას მადლობას უხდის. “ არ შემიძლია, რომ არ აღვნიშნო იური ბაბუას საჩუქარი. მცირედია შეიძლება, მაგრამ მთელი სავსე გულთ... ის ჩვენი გუნდის პირველი გულშემატკივარია. ყველა თამაშზე გვახალისებს ბავშვებს და გოლის ავტორებს თანხას გვჩუქნის. ძალიან საყვარელია - ჯამრთელობა მინდა ვუსურვო და დიდხანს სიცოცხლე. გენაცვალე ბაბუ კეთილ და სუფთა გულში.“ - წერს ხატია ... ...
  • გიორგი გახარია - მთავრობა გამოხატვის თავისუფლებას არ შეზღუდავსრაც შეეხება აქციებს, საქართველოს მთავრობა გამოხატვის თავისუფლებას არ შეზღუდავს, - ამის შესახებ საქართველოს პრემიერ-მინისტრმა გიორგი გახარიამ, ბრიფინგზე განაცხადა. მთავრობის მეთაურის თქმით,  ამ საკითხშიც მარტივი გამოსავალი არსებობს - პირბადე, წესების დაცვა და ელემენტარული დისტანცია. „რაც შეეხება აქციებს - საქართველო და საქართველოს მთავრობა გამოხატვის თავისუფლებას არ შეზღუდავს. ეს არის პირდაპირი პასუხისმგებლობის საკითხი თითოეული იმ პოლიტიკოსის, რომელსაც დღეს რატომღაც სწყინს, როდესაც ყრილობების შედარება ხდება ეპიდემიოლოგების მხრიდან. რა სხვაობაა მაგალითად ქორწილს, ქელეხს ან აქციას შორის არ ვიცი. გავრცელების თვალსაზრისით არანაირი სხვაობა არ არის. ან წინასაარჩევნოდ 600 კაციანი სუფრების მოწყობის. არაფერი სხვაობა არ არის. სამწუხაროდ, ამ ეპიდემიის ყველაზე დიდი რისკი გახლავთ ის, რომ ის ძალიან სწრაფად და მარტივად ვრცელდება. მარტივი გამოსავალი არსებობს - პირბადე, წესების დაცვა და ელემენტარული დისტანცია. არავინ არავის უზღუდავს გამოხატვის თავისუფლებას. დისტანცია დავიცვათ და ისე გამოვხატოთ", - განაცხადა გიორგი გახარიამ. პრემიერ-მინისტრმა უპასუხა ასევე ჟურნალისტის შეკითხვას დეპუტატების შეკრებასთან დაკავშირებით და აღნიშნა, რომ დეპუტატები შეიკრიბებიან ჩვეულებრივად, ყველანაირი პრობლემების გარეშე, რადგან არანაირი შეზღუდვები გადაადგილებაზე არ არის. რაც შეეხება აქციებს, საქართველოს მთავრობა გამოხატვის თავისუფლებას არ შეზღუდავს, - ამის შესახებ საქართველოს პრემიერ-მინისტრმა გიორგი გახარიამ, ბრიფინგზე განაცხადა.  მთავრობის მეთაურის თქმით,  ამ საკითხშიც მარტივი გამოსავალი არსებობს - პირბადე, წესების დაცვა და ელემენტარული ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...