"მთავრობა მიდის, მოდის, მოსახლეობა კი 30 წელია უწყლოდაა!"

gurianews.com

მთავარი თემა

"მთავრობა მიდის, მოდის, მოსახლეობა კი 30 წელია უწყლოდაა!"

2018 მაი 15 10:39:38

ოზურგეთის მუნიციპალიტეტის სოფლებში გასახორციელებელი პროექტების შესასრულებლად, ოზურგეთის მუნიციპალიტეტის გამგეობამ რამდენიმე სოფელში ტენდერი 2016 წლის 31 მაისს 123 600 ლარზე გამოაცხადა. ტენდერი კომპანია შპს "უნივერსალმა" 112 997, 98 ლარად მოიგო.

მხარეებს შორის დადებულ ხელშეკრულებაში, რომელიც 2016 წლის 20 ივნისს კომპანიას შპს "უნივერსალსა" მუნიციპალიტეტს შორის გაფორმდა, ჩამოთვლილია იმ პროექტების სია, რომელიც რამდენიმე სოფელში უნდა გახორციელებულიყო: წყალგაყვანილობის მოწესრიგება, წყლის ავზების, ბეტონის გზისა და მილხიდების მოწყობა, ხიდის შეკეთება.

ერთ-ერთი ამ პროექტებიდან სოფელ ძიმითში, ე. წ. "თირის" უბანში წყლის სარეაბილიტაციო სამუშაოების შესრულება იყო. ოფიციალური დოკუმენტების მიხედვით, "თირის უბანში" წყლის გაყვანის ღირებულება 25 039,25 ლარს შეადგენდა.

აღნიშნულმა კომპანიამ წყლის სარეაბილიტაციო სამუშაოები 2016 წლის 20 ივნისს დაიწყო და 2016 წლის 30 სექტემბერს დაასრულა. მერიაში აღნიშნავენ, რომ ობიექტმა ექსპერტიზა გაიარა შპს "ბილდინგ პროექტკონსალტინგში":

"#133-6 ინსპექტირების საფუძველზე შპს "უნივერსალმა" შეასრულა, ხოლო მუნიციპალიტეტმა მიიღო ხელშეკრულებით გათვალისწინებული სამუშაოების საბოლოო შესრულება", _ აღნიშნულია მიღება-ჩაბარების აქტში, რომელსაც ხელს მუნიციპალიტეტის მაშინდელი გამგებლის ყოფილი მოადგილე ბადრი გობრონიძე აწერს.

ინსპექტირების აქტი #133 - 6: "სოფელ ძიმითში წყლის გაყვანა თირის უბანში, დასრულებული სამუშაოების შემოწმებისას და წარმოდგენილი 11, 30, 09, 2016 ექსპერტ შპს "ბილდინგ პროექტს კონსალტინგის" დასკვნის გათვალისწინებით, საბოლოოდ წარმოდგენილ ფორმა #2-ში მოცემულ სამუშაოები შეადგენს 24 559, 82 ლარს", _ აღნიშნულ დოკუმენტს ხელს აწერენ ინსპექტირების ჯგუფის წევრები: ინფრასტრუქტურის განყოფილების მაშინდელი უფროსი ირაკლი გაგუა და გამგებლის ყოფილი წარმომადგენელი სოფელ ძიმითში დავით ხინიკაძე.

ეს ყველაფერი ოფიციალურ დოკუმენტებში _ სულ სხვაა რეალობა, რომელიც სოფელ ძიმითის მოსახლეობას, ე. წ. "თირის უბანში" მცხოვრებლებს, უკვე წლებია, აწუხებთ _ მათ წყალი არასდროს ჰქონიათ.

აღნიშნული უბნის მოსახლეობა ხელისუფლების უყურადღებობაზე საუბრობს და განმარტავს, მიუხედავად იმისა, რომ დაიწყეს წყლის სარეაბილიტაციო სამუშაოები და დადგეს რეზერვუარი, წყალი არც ერთი დღით არ ჰქონიათ.

უწყლობის პრობლემას უჩივიან ე. წ. "ფაფასკურას" უბანშიც. აქ მცხოვრებლები _ ლია გაგუა, მთვარისა მახარაძე, ხათუნა მგელაძე, ნინო ხინთიბიძე, ნინო ხანთაძე და ანა ვადაჭკორია "გურია ნიუსთან" თავის გულისტკივილს ხმამაღლა ამბობენ:

"ყველა არჩევნებზე გვპირდებიან და გვატყუებენ. აქედან 3 კილომეტრზე დაგვაქვს სარეცხი მდინარეზე და იქ ვრეცხავთ. სველი სარეცხის ამოტანა მერე როგორია, ის ნახეთ! წყალი ისე გვჭირდება, როგორც სიცოცხლე.

წინა არჩევნების დროსაც მოვთხოვეთ ხელისუფლებას, თუმცა, პირობა პირობადაა დარჩენილი. მდინარიდან ამოგვაქვს წყალი ცისტერნით. ტრაქტორს ვქირაობთ, საწვავს ვასხამთ და ისე მოგვაქვს. ადრე წყლის მილები მოგვიტანეს და მერე წაიღეს ისევ, სხვა უბანს სჭირდება და ათხოვეთო. ამ უბანში 26 ოჯახი ცხოვრობს. ასეთ გაჭირვებაში ვართ, ჯერ რომ ასე ვიქნებით და მერე ზაფხულში რა გვეშველება? ვისაც ჭა აქვს, ისიც დამშრალია.

მერვე ბრიგადამ გაიყვანა წყალი, ჩვენი მილები წაიღეს და დაგვტოვეს. სასმელი წყალი რომ არ გექნება, სად ვცხოვრობთ გვითხარით. სხვა პრობლემებიც არსებობს _ არც გზაა, არც გარე განათება, ხიდი იშლება, სკოლაში რომ გავუშვებთ ბავშვებს, გვეშინია, არ ჩავარდნენ; აუთვისებელია საყანე ფართობები, ერთი კვადრატული მეტრიც კი არც დაიხვნება, ყანები არ გვექნება _ ძვირი ჯდება და არ გვაქვს საშუალება.

ამ არჩევნებზე როგორ მოგვადგებიან, საინტერესოა, მოვეგეთ ჭკუას _ არ წავალთ არჩევნებზე! _ ამბობენ ისინი.

როგორც "თირის უბნის" მცხოვრებლები ამბობენ, მათ უბანში წყლის შესაყვანად ათიათასობით ლარია გახარჯული. ამ უბნის მცხოვრები გიორგი სამსონია ამბობს რომ წყლისთვის ავზი დადგეს, მაგრამ წყალი მაინც არ არის.

ინგა ბელეშაძის თქმით, ეზოებში ზოგ მოსახლეს ჭა აქვს, რომელიც აგვისტო -სექტემბერში მთლიანად შრება:

"ჭა გვაქვს, რომელშიც წყალი აგვისტო-სექტემბერში საერთოდ არ არის. აქ, დაახლოებით, 30 ოჯახი ვართ ასე უწყლოდ. იყო პროექტი, მაგრამ ბოლომდე არ გააკეთეს. ავზიც დადგეს, მაგრამ არ დარჩა ისეთი სიმძლავრის, რომ წყალი წამოსულიყო. მოკლედ, ჩავარდა პროექტი _ არ არის წყალი. ერთი დღეც არ ყოფილა, არ გამოუყვანიათ, ნებისმიერ ოჯახთან შეგიძლიათ ნახოთ, წყალი თუ მოდის".

გოგა ხინთიბიძე: "არ ყოფილა არასდროს წყალი. სადღაც გააკეთეს ავზი, მაგრამ წყალი არ წამოსულა მოსახლეობაში _ ბიდონებით ვეზიდებით წყალს".

სუზანა ტუღუში: "თირის უბანში ვცხოვრობ. წყალი არ მოგვეწოდება, არც არასდროს გვქონია. ჭა მაქვს ეზოში და იმას ვსარგებლობ. სადმე არის ალბათ გამოყვანილი, მე არ ვიცი".

ჯემალი მუხაშავრია: "სადაა წყალი?! ღელიდან დაგვაქვს წვალებით. თირის უბანში წყალი არ გამოუყვანიათ. გაჰყავდათ არხები, მაგრამ წყალი არ წამოსულა. ზოგს ტყიდან აქვს გამოყვანილი საცივის წყალი".

თანასოფლელების მსგავსად, უწყლობითაა შეწუხებული დიანა ხინთიბიძე: "წყალი არ გვაქვს, არასდროს ყოფილა! აი, ჩემს ჭაში შეიძლება დასალევ წყალი ამოიღო მხოლოდ. გაწვალებულები ვართ, გვალვაა უკვე და დაშრა ჭები. შემოიყვანენ თუ არა წყალს, არაფერი მსმენია ამის შესახებ".

ოზურგეთის მუნიციპალიტეტის გამგებლის ყოფილი წარმომადგენელი სოფელ ძიმითში დავით ხინიკაძე "გურია ნიუსთან" ამბობს, რომ "თირის" უბანში წყლის სარეაბილიტაციო სამუშაოებთან დაკავშირებით გახორციელებული პროექტი ხარისხიანად არის შესრულებული _ იგი ჟურნალისტებთან მოსაუბრეებს ინტრიგნებს უწოდებს:

 _ ზუსტად ვერ გეტყვით, რა თანხა დაიხარჯა, ხელი კი მაქვს მოწერილი. არაფერი ხდება საგანგაშო _ სადაც იყო წყლის სათავე, იქ გაკეთდა "ბასეინი", გადმოღმით მეორე "ბასეინი" გაკეთდა და წყალსაქაჩი. მაღლა მთაზე დგას კიდევ მესამე "ბასეინი", სადაც წყალსაქაჩით უნდა ასულიყო წყალი. შეიძლება ახლა რაღაც იყოს უმნიშვნელოდ დაზიანებული. მოსახლეობაში წყლის შეყვანაზე ცალკე ტენდერი უნდა ჩატარებულიყო. შემდეგ ზამთარმა მოუსწრო, ზაფხულში უნდა გამოცხადებულიყო, მერე აირ-დაირია ყველაფერი და დარჩა ასე. დანარჩენი ყველაფერი გაკეთებულია დეტალურად და ხარისხიანად. უბრალოდ, რაღაც 2 კილომეტრის რადიუსში უნდა მოხდეს მოსახლეობაში დაქსაქსვა, ჭიშკართან მიყვანა. მოხდა შეფერხება, დარჩენილია უმნიშვნელო ნაწილი და მოსახლეობა მიიღებს წყალს. ძირითადი გაკეთებულია და თუ კი მონდომებულები არიან, მოსახლეობაში წყალი მივიდეს, ამდენ ჩაძიებას და თითების შვერას, ჯობს, მივიდნენ, დათვალონ და გააკეთონ.

_ ვის გულისხმობთ?

_ ვის და ინტრიგნებით რომაა მაქ სავსე ყველაფერი.

_ სად?

_ ჩემ სოფელში და მუნიციპალიტეტშიც, _ გვპასუხობს ხინიკაძე.

სოფელ ძიმითის ორი მოწვევის დეპუტატი ოზურგეთის საკრებულოში ტიტე მგელაძე მოსახლეობას ეთანხმება და მიიჩნევს, რომ წყლის სარეაბილიტაციო სამუშაოები არაკეთილსინდისიერად არის შესრულებული.

_ 25 ათასი ლარია დახარჯული. არჩევნების წინ უნდა დაესრულებინათ. მივმართეთ კომპანიასაც, ადგილობრივ ხელისუფლებასაც, მაგრამ რად გინდა _ არ დაამთავრეს! ბევრი რამე არ მსიამოვნებს, რაც იქ გაკეთდა და არის გაკეთებული, მაგრამ გვპირდება ახალი ხელისუფლება და ვნახოთ. მე იმ ხალხთან, ფაქტობრივად, არჩევნების წინ ვერ მივდიოდი და ვერ ვთხოვდი ვერაფერს _ რამდენიმეჯერ მოაწყო ხალხმა აქცია, მაგრამ არაფერი გამოვიდა. ძალიან გაბრაზებული არიან იქაურები.

რაც შეეხება მაგ პროექტს, ჰაერშია გამოკიდებული. კი, ბატონო, საბუთები არის, თუმცა, მე არ ვაწერ ხელს.

ბევრი რამე არ მომეწონა, როცა ავედი და ვნახე, არც გაკეთების პრინციპი მომეწონა. დაახლოებით, 10 000 ლარით ნაკლებიც რომ მიეცათ, გვყავდა ჩვენ ისეთი ხალხი, მაგ პროექტს ბოლომდე მიიყვანდნენ. მთავრობა მიდის, მოდის და მოსახლეობა 30 წელია, უწყლოდაა.

რაც შეეხება "ფაფასკურას", იქ მოსახლეობის ნაწილს გაუკეთდა წყალი, დანარჩენზე ცალკე პროექტი უნდა გაკეთდეს და არ ვიცი, როდის იქნება, _ ამბობს მგელაძე.

"გურია ნიუსი" ოზურგეთის მუნიციპალიტეტის მაშინდელი გამგებლის ყოფილ მოადგილეს ბადრი გობრონიძეს დაუკავშირდა, რომელიც იმ დროს ინფრასტრუქტურის სფეროს ხელმძღვანელობდა. გობრონიძემ აღნიშნულთან დაკავშირებით ასეთი პასუხი გაგვცა:

_ კი, ბატონო, ხელი მაქვს მოწერილი დოკუმენტებზე. სამუშაოები არ შეწყვეტილა. მე აღარ ვმუშაობ. მერე რა, რომელიც წელიც არ უნდა იყოს _  მაქ არის ხელისუფლება, მერი მისი სამი მოადგილით, მრჩევლებით, თანაშემწეებით. პასუხს გაგცემთ ინფრასტრუქტურის სამსახური.

ოზურგეთის მუნიციპალიტეტის მერიაში კი ამ საკითხთან დაკავშირებით ასეთ განმარტებას იძლევიან: "ოზურგეთის მუნიციპალიტეტში, სოფელ ძიმითში, "ფაფასკურის" უბანში, 2015 წელს წყალმომარაგების სისტემის მოწყობაზე დაიხარჯა 34 977 ლარი. წყალი მიეწოდება 45 ოჯახს. წყალმომარაგების გარეშე დარჩენილია 17 ოჯახი. ოზურგეთის მუნიციპალიტეტის გამგეობამ აღნიშნულ 17 ოჯახზე გასცა წყლის მილები. მათ სჭირდებათ შესაბამისი ტექნიკა, რათა მილები მიწის ქვეშ განთავსდეს და მოსახლეობამ წყალი სახლებამდე მიიყვანოს.

რაც შეეხება, "თირის" უბანს, აქ წყალმომარაგების სისტემის მოწყობაზე 2016 წელს დაიხარჯა 25 039 ლარი. დამონტაჟდა წყლის დამატებითი ავზი, მოეწყო წყლის მაგისტრალი, დამონტაჟდა წყალსაქაჩები. ამ დროისთვის, წყლის გარეშე დარჩენილია 25 ოჯახი.

ოზურგეთის მუნიციპალიტეტის მერია აღნიშნული პრობლემის შესახებ ინფორმირებულია. მიმდინარეობს საკითხის შესწავლა და შესაბამისი თანხების მოძიება ძიმითის წყალმომარაგების პრობლემის აღმოსაფხვრელად", _ ამბობენ მერიაში.


ნახვა: 278


 ახალი ამბები
  • "აქაურობა ბაყაყებითა და კოღოებით აივსება""გურია ნიუსს" დახმარების თხოვნით ლანჩხუთში, თბილისის ქუჩაზე მდებარე მრავალბინიანი საცხოვრებელი სახლის რამდენიმე მობინადრე დაუკავშირდა. როგორც ისინი ამბობენ, მათ ადგილობრივი ხელისუფლებას კორპუსის შიდა ეზოს მოასფალტების თხოვნით არაერთხელ მიმართეს, თუმცა, შედეგი ამ დრომდე არ დამდგარა. "უკვე წლებია, რაც პრობლემის მოგვარებას ვითხოვთ, წინა ხელისუფლების დროსაც და მერეც, არა ერთხელ მივმართეთ დახმარების თხოვნით მუნიციპალიტეტის ხელმძღვანელობას,  მაგრამ აქამდე არანაირი შედეგი არ გვაქვს. აქ არსებულ პრობლემას მარტო მოხრეშვა  ნამდვილად არ შველის.  იყო დაპირება, რომ 2017 წელს აქ გახორციელდებოდა ინფრასტრუქტურული სამუშაოები და ასფალტს დააგებდნენ, მაგრამ ეს დაპირებაც დაპირებად დარჩა _ ხრეში დაიყარა მხოლოდ. ბოლოს და ბოლოს როდის ჩაგვთვლიან ყურადღების ღირსად და ამ კორპუსის 50-ზე მე ოჯახსაც მოგვხედავენ?!" _ ამბობენ თბილისის ქუჩაზე მდებარე მრავალბინიანი საცხოვრებელი სახლის მობინადრეები. მათივე თქმით, ეზოში მდგომარეობა განსაკუთრებით მას შემდეგ გაუარესდა, რაც მთავარ ქუჩაზე ღია სანიაღვრე არხი გაკეთდა: "ჩვენი ეზოს მდგომარეობა მას შემდეგ გაუარესდა, რაც თბილისის ქუჩაზე გამავალი სანიაღვრე არხის მშენებლობა დასრულდა. საქმე ისაა, რომ ცენტრალურ ქუჩაზე გაკეთდა ღია ტიპის სანიაღვრე არხი, რომელიც გაცილებით მაღალია, ვიდრე ჩვენი ეზო და, ბუნებრივია, არხი ეზოში დამდგარ წყალს ვეღარ ატარებს. ამის გამო ყოველი გაწვიმებისას კორპუსის მობინადრეებს დიდი პრობლემა გვექმნება, ისეთი წყალი დგება ყველგან, რომ ნავია საჭირო ეზოს გადასაცურად. ეზოში დამდგარი წყალი ბოლოს სახლის სარდაფში ჩადის. გამოეთხრება ერთ დღეს ძირი ამხელა კორპუსს და ამდენი ოჯახი უსახლკაროდ დარჩება. შეიძლება ასეთი უყურადღებობა?!" _ ამბობენ ადგილობრივები და დასძენენ, რომ თანახმა არიან არსებული პრობლემა კორპუსის ამხანაგობასთან ერთად თანადაფინანსებით მოგვარდეს. მათივე თქმით, კორპუსის მობინადრეთა მდგომარეობა ზაფხულის თვეებში გაუსაძლისი ხდება: "ახლა ზაფხული მოდის და აქაურობა ბაყაყებითა და კოღოებით აივსება. შეგვჭამს, იმდენი კოღო იქნება. სხვაგან თუ იგება ასფალტი, საინტერესოა, ჩვენ რით ვერ მივიქციოთ ხელისუფლების ყურადღება, წლების განმავლობაში ასეთ გაუსაძლის ყოფაში რომ გვამყოფებენ?!" მერიის ინფრასტრუქტურის სამსახურის უფროსი ლევან ჩხაიძე "გურია ნიუსთან" საუბარში ადასტურებს, რომ 2017 წელს მართლაც იყო საუბრები, რომ აღნიშნული მრავალბინიანი საცხოვრებელი სახლის შიდა ეზოში ინფრასტრუქტურული სამუშაოები გახორციელებულიყო, თუმცა, საბოლოოდ, ეს ვერ მოხერხდა. ჩხაიძე ამ ეტაპზე ვერც იმას აკონკრეტებს, თუ როდის მოხდება აღნიშნული ტერიტორიის მოასფალტება: "ამ სახლის მობინადრეთა მოთხოვნები ჩვენთვის ცნობილია. იყო საუბარი, რომ აქ ინფრასტრუქტურული სამუშაოები გასულ წელს გახორციელებულიყო, მაგრამ მაშინ ვერ მოხერხდა. ტყუილი დაპირება რომ არ გამოვიდეს, გეტყვით, ჯერჯერობით, არც მიმდინარე წლის ინფრასტრუქტურულ პროექტებშია გათვალისწინებული ამ ტერიტორიაზე სამუშაოების შესრულება", _ ამბობს ... ...
  • ყაჩაღობა ხუდადოვზე _ შსს-მ ერთი პირი დააკავაშინაგან საქმეთა სამინისტროს თბილისის პოლიციის დეპარტამენტის დიდუბე-ჩუღურეთის სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1978 წელს დაბადებული ო.ჯ., ყაჩაღობის ბრალდებით, თბილისში დააკავეს. ინფორმაციას შსს ავრცელებს. მის მიერ ჩადენილი დანაშაული 5-დან 7 წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ ბრალდებული თბილისში, ხუდადოვის ქუჩაზე მდებარე, „საქართველოს ფოსტის“ კუთვნილ სავაჭრო ჯიხურში შეიჭრა, 6200 ლარი გაიტაცა და შემთხვევის ადგილიდან მიიმალა. სამართალდამცველებმა ბრალდებული მომხდარიდან რამდენიმე დღეში დააკავეს. დაკავებული ჩადენილ დანაშაულს აღიარებს. გამოძიება ყაჩაღობის ფაქტზე, საქართველოს სსკ-ს 179-ე მუხლის 1-ლი ნაწილით ... ...
  • „ბედუკაძე პატიმრებს აშიშვლებდა და კარცერში ტოვებდა“ - ციხის ყოფილი თანამშრომლები ალაპარაკდნენციხის ყოფილი თანამშრომელები ლადო ბედუკაძეს ხელს ადებენ და ჩვენებებში ყვებიან, რომ პატიმართა დამამცირებელი მოპყრობის ბრძანებას ბედუკაძე პირადად გასცემდა. სასჯელაღსრულების მე-6 დაწესებულების ყოფილი თანამშრომელი, ამჟამად ბრალდებული დავით აბდუშელიშვილი 6 თვეა, პატიმრების წამებისა და მათ მიმართ არასათანადო მოპყრობის ბრალდებითაა დაკავებული. ბრალდებული დანაშაულს აღიარებს, თუმცა, მიიჩნევს, რომ განსასჯელის სკამზე მისი ყოფილი უშუალო უფროსი, ციხის იმდროინდელი ცვლის მორიგე-ინსპექტორი, ვლადიმერ ბედუკაძეც უნდა იჯდეს. დავით აბდუშელიშვილის ადვოკატის ინფორმაციით, 9-ტომიან საქმეში ციხის სკანდალური კადრების ავტორის წინააღმდეგ არაერთი მტკიცებულებაა. ბევრ დოკუმენტთან ერთად კი არსებობს მამხილებელი ჩვენებებიც, სადაც ბედუკაძის არაადამიანურ მოპყრობებზეა საუბარი. მანანა აფხაძის განმარტებით, მისი დაცვის ქვეშ მყოფი უშუალოდ იყო შემსწრე, როგორ აშიშვლებდა მისი უფროსი ბედუკაძე პატიმრებს და ტანისამოსის და პირადი ჰიგიენის ნივთების გარეშე, კარცერში დღეების განმავლობაში ტოვებდა. მანანა აფხაძის ინფორმაციით, ბრალდებულ აბდუშელიშვილის გარდა, ვლადიმერ ბედუკაძის დანაშაულებს სასჯელაღსრულების მე-6 დაწესებულებიდან ამოღებული დოკუმენტებიც ამხელს. მაგალითად, პატიმრების კარცერში განაწილების აღმრიცხველი ჟურნალი, სადაც ბედუკაძის მორიგეობის დღეებში დასჯილი მსჯავრდებულების რაოდენობა მითითებული არ არის. აფხაძის აზრით, ბედუკაძე მონაცემებს განზრახ მალავდა. დავით აბდუშელიშვილის ადვოკატი ეჭვობს, რომ გამოძიება განზრახ მალავს ბედუკაძის წინააღმდეგ ერთ-ერთი მთავარ მტკიცებულებას - ციხის შიდა სათვალთვალო კამერების ჩანაწერებს. მანანა აფხაძე დარწმუნებულია, რომ ბედუკაძეს ხელისუფლების წარმომადგენლები მფარველობენ. არაერთი მცდელობის მიუხედავად, ვლადიმერ ბედუკაძესთან დაკავშირება ვერ მოხერხდა, მის მფარველობას კი პროკურატურა უარყოფს. საქმის პროკურორი ამტკიცებს, რომ კონკრეტული პატიმრების წამების საქმეზე ის ადამიანები მისცეს პასუხისგებაში, ვის მიმართაც მტკიცებულება ჰქონდათ. წყარო: ... ...
  • "ჩვენ უკან არ დავიხევთ" _ კლუბი "ბასიანი" განცხადებას ავრცელებსკლუბი ბასიანის დამფუძნებლები განცხადებას ავრცელებენ. როგორც განცხადებაშია აღნიშნული, ბასიანი თავისუფლებისთვის ბრძოლას აგრძელებს. "გავერთიანდეთ BASSIANI / HOROOM-ის გადასარჩენად. www.bassiani.com/donate -ის საშუალებით გთხოვთ შემოუერთდეთ შემოწირულობას, იმისთვის, რომ დაეხმაროთ BASSIANI / HOROOM გუნდს, რომ შევინარჩუნოთ სივრცე და დავიწყოთ სამართლებრივი დავები სახელმწიფოს მხრიდან წარმოებული ჩაგვრის წინააღმდეგ. მსოფლიოს საცეკვაო კულტურის ერთ-ერთი აღიარებული კლუბი BASSIANI დახურვის საფრთხის წინაშეა. 12 მაისს, შავ პარასკევს საცეკვაო მოედანზე ავტომატური ცეცხლსასროლი იარაღებით მომარჯვებული სპეცდანიშნულების რაზმი შეიჭრა, გამორთეს მუსიკა, ადგილზე მყოფი კლუბის თანამშრომლები და მოცეკვავეები გარეთ გამოყარეს და კლუბი გაურკვეველი ვადით დახურეს. ოფიციალური ვერსიით მიზანი კლუბსა და ნარკორეალიზატორებს შორის კავშირის გამოვლენა გახლდათ. მოგვიანებით შინაგან საქმეთა სამინისტროს მიერ გავრცელებულ ვიდეოებში ჩანს, რომ სპეცოპერაციამდე რამდენიმე საათით ადრე ნარკორეალიზატორები უკვე გამოვლენილი და დაკავებული ყავდათ, ყველა მათგანი კლუბის გარეთ, ქალაქის სხვადასხვა უბნებში. სპეცრაზმის შეჭრას კლუბში მოქალაქეების მყისიერი პროტესტი მოჰყვა. ასეულობით მხარდამჭერი ჯერ კლუბის გარე შესასვლელთან შეიკრიბა. აგორებული პროტესტი პოლიციამ იმავე ღამეს დაარბია, რასაც წინააღმდეგობრივი ტალღის გაძლიერება და მისი ქალაქის მთავარ გამზირზე გადანაცვლება მოჰყვა. მომდევნო დღეს ათასობით ადამიანისგან შემდგარი საპროტესტო ტალღა უმკაცრესად მოითხოვდა შსს მინისტრისა და პრემიერ მინისტრის გადადგომას, საქმის გამოძიებასა და კლუბის დაბრუნებას. იმავე დღეს თბილისის ყველა კლუბი პროტესტის ნიშნად დაიხურა. კლუბებში მოწვეულმა მუსიკოსებმა, მათ შორის Giegling-ის გუნდმა მუსიკით ქალაქის ცენტრში გადმოინაცვლა და მთავარი გამზირი რამდენიმე ათასიანი საყოველთაო რეივის კერად აქცია. თბილისში გამართულმა ქართულმა მასშტაბურმა რეივმა, რომელშიც 10 000-ზე მეტი ადამიანი მონაწილეობდა მსოფლიო მედიისა და მუსიკალური სცენის ყურადღების ცენტრში გადაინაცვლა. კლუბს უპირობო მხარდაჭერა გამოუცხადეს მსოფლიოს საცეკვაო სცენამ, სხვადასხვა კლუბებმა, კავშირებმა, ორგანიზაციებმა და მედია საშუალებებმა, არტისტებმა, პროდიუსერებმა და რეივერებმა მსოფლიოს არაერთი ქვეყნიდან, რისთვისაც უღრმეს მადლობას ვუხდით მათ. წარმოქმნილი საპროტესტო ტალღის გათვალისწინებით, შს მინისტრმა საჯაროდ მოიხადა ბოდიში და დადო საგამოძიებო მოკვლევის, დამნაშავეთა გამოვლენის, უმკაცრესი ნარკოპოლიტიკის ლიბერალიზაციაზე მუშაობის განახლებისა და კლუბის დაბრუნების პირობა. გამართული მოლაპარაკებების მიუხედავად, არცერთი დათქმული პირობა არ შესრულებულა. ჩვენ უკვე პირველ პარასკევს შევხვდით BASSIANI-ს გარეშე, კლუბი კვლავ დახურულია. BASSIANI-ის მუზარადის უკან გაბრაზებული, ახალი იდეებისთვის მებრძოლი ადამიანი დგას, რომელიც საკუთარი თავისუფლების მოსაპოვებლად უკან არ დაიხევს. ჩვენ არ ვჩერდებით და ვაგრძელებთ ბრძოლას უსამართლო სისტემისა და უთანასწორო გარემოს წინააღმდეგ. უღრმესი მადლობა ჩვენს თანამოაზრეებს უპირობო სიყვარულისა და მხარდაჭერისთვის. იდეებისა და ღირებულებებისთვის მიმდინარე ამ ბრძოლაში ჩვენ მხოლოდ ჩვენი სიმართლისა და თანამებრძოლების მხარდაჭერის იმედი გვაქვს, _ აღნიშნულია ... ...
  • 33 წლის ახალგაზრდა მეხის დაცემის შედეგად გარდაიცვალაახალგაზრდა მამაკაცი მეხის დაცემის შედეგად დაიღუპა. შემთხვევა ახალციხის მუნიციპალიტეტში სოფელ ანში მოხდა. გარდაცვლილი 33 წლის იყო. ინფორმაციას 1tv ავრცელებს. როგორც სოფლის მცხოვრებლები აცხადებენ, ახალგაზრდა კაცს მეხი მაშინ დაეცა, როდესაც საქონელს ... ...

არქივი

ზაფრანი

საინტერესო ფაქტები შინაური ცხოველების შესახებ

ძველ ეგვიპტეში ცხოველების თაყვანისცემა ცხოვრების...

ქალის ფიგურის ექვსი ტიპი

ცოტა ხნის წინ ამერიკელებმა თავიანთი...

უიღბლო ადამიანების საერთო მახასიათებლები

სრულყოფილებისაკენ სწრაფვა თითქოს ამაში ცუდი...

როგორი იქნება მსოფლიო ასი წლის შემდეგ

ცოტა ხნის წინ ვესტმინსტერის უნივერსიტეტის...

ახალი აღმოჩენა ეგვიპტეში

ჩეხმა არქეოლოგებმა ეგვიპტეში, ქაიროს სამხრეთით,...

უცნობი დედამიწა

პლანეტის ოქროს მარაგის 99% დედამიწის...
კარმიდამო ჩემი

მარტო კაცის დიდი მეურნეობის სავიზიტო ბარათი იხვისა და ბატის ფერმაა

ლანჩხუთის მუნიციპალიტეტის სოფელ სუფსის მკვიდრი...

ევკალიპტი _"ტყეების ალმასი" და მისი ისტორია საქართველოში

ევკალიპტის კულტურას საქართველოში საუკუნეზე ცოტა...

როგორ გადავრგოთ და გავახაროთ ჟოლო

კენკროვანი კულტურები დღეს განსაკუთრებული პოპულარობით...

როგორ გამოვხადოთ თაფლის არაყი

საქართველოში მეფუტკრეობის განვითარების მრავალსაუკუნოვან გზაზე...

მაისში განსაკუთრებით ვიზრუნოთ შეწამვლით სამუშაოებზე

აპრილის ბოლოს, მაისის დასაწყისში, თვის...

როგორ ავიმაღლოთ იმუნიტეტი

იმუნიტეტი ეს არის ორგანიზმის დამცველობითი...

ბროკოლი გულს დაავადებებისგან იცავს

ორთქლზე მომზადებული კომბოსტო ბროკოლი გულის...

ეთნოგრაფიული ნივთების კოლექციონერის მიზნები და გულისტკივილი

დღეს საქართველოში მრავალი ეთნოგრაფიული მუზეუმი...

როდის დავთესოთ და როგორ მოვუაროთ ბოსტნეულს ღია გრუნტში

მარტის ბოლოს და აპრილის დასაწყისში...

შინაური პირუტყვის პროფილაქტიკა საგაზაფხულოდ

გამოზამთრებულ შინაურ პირუტყვს, მსხვილფეხა თუ...

თხილის პირველი საგაზაფხულო წამლობის პრინციპი

ვაგრძელებთ რჩევების მიცემას იმ ადამიანებისთვის...