"მზარდი პანდემიის პირობებში დაცული არავინაა!"

მთავარი თემა

"მზარდი პანდემიის პირობებში დაცული არავინაა!"

12 სექ. 2020, 14:20:07

რამდენიმე დღეა, რაც გურიამ "მწვანე ზონის" სტატუსი დაკარგა. კორონავირუსით დაინფიცირების შემთხვევები რეგიონში დღითიდღე მატულობს.

ამ დროისთვის ცხელ წერტილს ჩოხატაურის მუნიციპალიტეტში _ სოფელი ქვენობანი, ხოლო ოზურგეთის მუნიციპალიტეტში _ ლაითური, ასკანა და ნასაკირალი წარმოადგენს, სადაც ინფიცირების შემთხვევები გამოვლინდა და ადგილზე ეპიდემიოლოგები მუშაობენ.


რას უკავშირდება ფაქტი, რომ ქვეყანაში ინფექციის ცირკულირების დაწყებიდან თითქმის ნახევარი წლის მანძილზე რეგიონში ვირუსი არ დაფიქსირებულა, ამის გარკვევას დაავადებათა კონტროლისა და საზოგადოებრივი ჯანმრთელობის ეროვნული ცენტრის იმუნიზაციის სამმართველოს უფროსთან, ლიკა ჯაბიძესთან შევეცადეთ:

"შეიძლება კონტროლის მექანიზმია კარგი, ხდება შემთხვევების, კონტაქტების კვლევა. საქართველოში ეს სისტემა ძალიან კარგად მუშაობს. ეს ერთეული შემთხვევები არაფერს განაპირობებს. უბრალოდ, ადამიანები იცავენ უსაფრთხოების წესებს, კარგად მუშაობენ სპეციალისტები და ეს არის ერთ-ერთი ფაქტორი, რამაც განაპირობა ეს შედეგი. კარგი იქნება თუ მეტი შემთხვევა აღარ დაფიქსირდება", _ გვპასუხობს ჯაბიძე.

შეგახსენებთ, რომ საქართველოში კორონავირუსით დაინფიცირების პირველი იმპორტირებული შემთხვევა თებერვალში გამოვლინდა. ამ დროისთვის ქვეყანაში კორონავირუსი 1700-მდე ადამიანს აქვს დადასტურებული, რომელთაგან 19 შემთხვევა ლეტალურად დასრულდა.

მსოფლიოში კი კორონავირუსი ჯანდაცვის მსოფლიო ორგანიზაციამ პანდემიად 2020 წლის 11 მარტს გამოაცხადა. არსებული ინფორმაციით, ვირუსი ჩინეთიდან გავრცელდა.

ინფექციის სიმპტომებია ცხელება, ხველა, ყელისა და თავის ტკივილი.

კოვიდ 19-თან დაკავშირებით, ბათუმში 2-დღიანი შეხვედრა გაიმართა მედიის წარმომადგენლებთან, რომელსაც "გურია ნიუსიც" ესწრებოდა.

როგორც შეხვედრაზე დაავადებათა კონტროლის და საზოგადოებრივი ჯანდაცვის ეროვნული ცენტრის ხელმძღვანელმა ამირან გამყრელიძემ სიტყვით გამოსვლისას განაცხადა, პანდემიები, ომებთან ერთად, ყველაზე დიდი გამოწვევაა:

"დღეს განსაკუთრებული ვითარებაა. პანდემიები, ომებთან ერთად, არის ყველაზე დიდი გამოწვევა, რომელიც ძალიან მნიშვნელოვანი ანალიზის და გადაწყვეტილებების საფუძველი და საგანია.

ჩემი გადმოსახედიდან, ყველაზე დიდი გამოწვევაა ახლად წარმოშობილი ინფექციები. ამ პატარა ვირუსმა ძალიან დიდი პრობლემა შეუქმნა კაცობრიობას. ასეთი ვირუსები ყოველ წელს ჩნდება. განსაკუთრებით, 21-ე საუკუნეში, რასაც უკავშირებენ კლიმატის ცვლილებას, რომელიც ხელს უწყობს ბევრ მუტაციას და შესაძლოა, გახდეს ახალი ინფექციების წყარო. ყველაზე დიდი მკვლელია აივ ინფექცია _ შიდსი, ტუბერკულოზი, მალარია და ჰეპატიტი", _ ამბობს გამყრელიძე.

ინფექციური საავადმყოფოს დირექტორის, თენგიზ ცერცვაძის თქმით, ინფექცია აზიანებს ყველა ორგანოს:

"თუ ადამიანი ჯანმრთელია, მას ადვილად გადააქვს ეს ავადმყოფობა, მაგრამ თუ რაიმე სახის დაავადება აწუხებს, მაშინ _ რთულად. ტოვებს ფილტვის, თავის ტვინის და ორგანიზმის სხვა ნაწილების პრობლემებს. ინფექციისგან განკურნებული ადამიანები 3 თვეში ერთხელ მაინც უნდა შემოწმდნენ, რომ ზუსტად დადგინდეს, დატოვა თუ არა კოვიდინფექციამ რაიმე სახის კვალი. შესამუშავებელია პროგრამა", _ განაცხადა ცერცვაძემ ბათუმში გამართულ კონფერენციაზე სიტყვით გამოსვლისას.

როგორც ცერცვაძემ აღნიშნა, არის შემთხვევები, როდესაც უსიმპტომო პაციენტების მდგომარეობაც მძიმდება:

"არის შემთხვევები, როდესაც უსიმპტომო პაციენტები მძიმდებიან. ვცდილობთ, პაციენტი იყოს 24-საათიანი მონიტორინგის ქვეშ. არ არსებობს სპეციფიკური ანტივირუსული მკურნალობა და მართვა. ვინც გადაიტანა კოვიდი, მას უვითარდება ანტისხეულები და თუ ასეთი პაციენტის სისხლი გადაესხმება ინფიცირებულ პაციენტს, ის ინფექციას გაანეიტრალებს. ასეთი შემთხვევა საქართველოში რამდენიმე იყო", _ აღნიშნა ცერცვაძემ.

ამ ეტაპზე არ არსებობს ეტიოტროპული მკურნალობა და ვაქცინა გამოცდის რეჟიმშია. პრევენციული ღონისძიებების გამოყენებით, დაინფიცირების რისკი მაქსიმალურად მცირდება.

ექსპერტების თქმით, პირბადე ვირუსისგან ადამიანს 95%-ით იცავს, დისტანციის დაცვა და ასევე, დისტანციური, ონლაინ მუშაობა _ 30%-ით.

ამ დროისთვის, ადამიანებს არ აქვთ დაავადებასთან საბრძოლველად სათანადო იმუნიზაცია.

ჯანდაცვის ექსპერტების თქმით, სწრაფად მზარდი პანდემიის პირობებში არავინაა დაცული, თუ ყველას არ დავიცავთ.

ახალი ვაქცინის შექმნის ბედს წყვეტს სამი ძირითადი ფაქტორი:

ავადობის შემცირების უნარი და ვაქცინის გამოყენების სარგებელი, პოსტვაქცინური გართულების განვითარების რისკი და შესაძლო ზარალი ვაქცინისგან, ვაქცინის ღირებულება და ეკონომიკური სარგებელი.

ვაქცინის გამოყენებაზე დანახარჯი ნაკლები უნდა იყოს დაავადების მკურნალობის ხარჯებზე.

დანახარჯები ნებისმიერ ვაქცინაზე (რომლის ეფექტურობაც დადასტურებულია), დაახლოებით, 10-ჯერ მცირეა ინფექციური დაავადების სამკურნალო დანახარჯებზე. თუმცა, ახალი ვაქცინის მცირე დროში შექმნასა და მის სანდოობაზე ინფექციონისტების აზრი იყოფა.

ლევან რატიანმა "იმედის" გადაცემაში _  "ანატომია", კორონავირუსის საწინააღმდეგო ვაქცინის შესახებ ისაუბრა. პირველი საუნივერსიტეტო კლინიკის დირექტორი მიიჩნევს, რომ დაჩქარებული წესით წარმოების გამო, პრეპარატის ეფექტიანობა და უსაფრთხოება ბოლომდე გარანტირებული ვერ იქნება:

"ვემხრობი იმ ადამიანების ჯგუფს, როგორც რიგითი ექიმი, რომ 6 თვე არ არის ის დრო, რომლის განმავლობაშიც შეიქმნება პროფილაქტიკური სამკურნალო საშუალება, რასაც ე. წ. ვაქცინას ვეძახით. მინიმუმ, 4-5 წელია საჭირო, რომ ასეთი სამკურნალო საშუალება შექმნან წამყვანმა ბიოტექნიკურმა ცენტრებმა", _ განაცხადა რატიანმა.

ამასთან, რატიანმა შვეიცარიელი მეცნიერების მოსაზრებაზეც გაამახვილა ყურადღება, რომლებიც მიიჩნევენ, რომ კორონავირუსის საწინააღმდეგო ვაქცინა კაცობრიობას არ დასჭირდება, რადგან მის შექმნამდე ვირუსს ადამიანის იმუნიტეტი გაუმკლავდება.

დაავადებათა კონტროლისა და საზოგადოებრივი ჯანმრთელობის ეროვნული ცენტრის იმუნიზაციის სამმართველოს უფროსი, ლიკა ჯაბიძე მიიჩნევს, რომ მსგავს პოზიციებს სათანადო არგუმენტებიც სჭირდება:

"ეს არის ერთი ადამიანის მოსაზრება. ყველას მოსაზრებას პატივს ვცემ, მაგრამ, ვინც თავის მოსაზრებას აფიქსირებს, რაღაც არგუმენტირებულად უნდა თქვას. იმუნიტეტი უმუშავდებათ ადამიანებს იმ შემთხვევაში, თუ დაინფიცირდნენ, ვაქცინაცია აქვთ ჩატარებული, ან თუ აქვთ მიღებული ანტისხეულები", _ განმარტა ჯაბიძემ.

ლიკა ჯაბიძე ჩვენთან საუბრისას ამბობს, რომ კორონავირუსის საწინააღმდეგო ვაქცინის შესაქმნელად ბევრი მეცნიერი, მწარმოებელი და ექიმი ერთიანდება. გაერთიანებაში საქართველოც ერთვება.

"ეს იქნება გაერთიანება ფონდის, მწარმოებლების, მეცნიერების, ექიმების, რომლებიც ქმნიან ვაქცინას დაავადების ელიმინაციის მიზნით. ძალიან დიდი ძალისხმევა იდება იმაში, რომ სწრაფად შეიქმნას ვაქცინა. უნდა შეფასდეს რისკები _ არც ერთი ვაქცინა არ იქნება გამოყენებული, რომელიც არ დააკმაყოფილებს უსაფრთხოების მონაცემებს და არ იქნება ეფექტური. როდესაც გაქვს კარგად იდენტიფიცირებული გამომწვევი, ყველა ეცდება მისაღებ დროში შექმნას მაქსიმალურად ეფექტური ვაქცინა. საქართველო თვითონ არ აწარმოებს ვაქცინას, მონაწილეობს ამ გაერთიანებაში. მას თავისი ვალდებულებები ექნება და გაერთიანებასაც თავისი ვალდებულებები ექნება საქართველოს წინაშე. დაიდება ორმხრივი ხელშეკრულება", _ განაცხადა ჯაბიძემ.

მანამდე კი, ვიდრე კორონავირუსის საწინააღმდეგო ვაქცინა შეიქმნება, საქართველო სხვა ქვეყნების მსგავსად ცდილობს პანდემიასთან გამკლავებას და შესაძლოა, ითქვას, რომ წარმატებულადაც.

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყანაში ინფიცირების მზარდი შემთხვევების მიუხედავად, საგანგებო მდგომარეობის გამოცხადების და ბათუმის ჩაკეტვის საშიშროება არ დგას:

"ჩვენი მთავარი მიზანია, ვისწავლოთ თანაცხოვრება კორონავირუსთან ერთად. ინფექცია არ გაქრება 5-6 თვე, წელი, წელიწადნახევარი. უნდა გავითავისოთ, რომ ეს დაავადება გაჩნდა და არ მოისპობა, სანამ ვაქცინა არ იქნება. გაფართოებული ტესტირება არის ერთ-ერთი მთავარი, რომ დროზე გამოვავლინოთ და მოვახდინოთ ადამიანთა იზოლაცია", _ განაცხადა გამყრელიძემ.

გამყრელიძის თქმითვე, გურიას ამ ეტაპზე არსებულ მდგომარეობასთან გამკლავებაში იმერეთის სამმართველო ეხმარება.




 ახალი ამბები
  • რას მოუწოდებს სახალხო დამცველი საქართველოს მთავრობას და შესაბამის უწყებებსაშკარაა, მოსახლეობისთვის არ არის ნათელი ინფიცირების შემთხვევაში ბინაზე მკურნალობის წესები. არაერთი ინფიცირებული პირი აცხადებს, რომ დღეების განმავლობაში ვერ იღებს სამედიცინო დახმარებას და კონსულტაციას. შექმნილი რთული ვითარების გათვალისწინებით, საქართველოს სახალხო დამცველი მოუწოდებს საქართველოს მთავრობას და შესაბამის უწყებებს, უმოკლეს ვადებში: • მოსახლეობას განუმარტონ კოვიდით დაინფიცირების დროს როგორ ხდება ბინაზე მკურნალობა. უფრო ზუსტად, ვის და რა ვადაში ევალება დაუკავშირდეს პაციენტს; როგორი ფორმით და სიხშირით განხორციელდება პაციენტებზე ზედამხედველობა შესაბამისი სამედიცინო პერსონალის მიერ; რომელი კონკრეტული უწყებაა ამ პროცესზე ზედამხედველი, რათა პაციენტებმა შეძლონ არსებულ პრობლემებზე მისთვის ინფორმაციის მიწოდება და დროული დახმარების მიღება. • გასცენ პირველადი სამედიცინო რჩევები, რითიც უნდა იხელმძღვანელოს ინფიცირებულმა თვითმკურნალობის დროს მანამ, სანამ ექიმი ... ...
  • თიბისიმ პირველი სტრარტაპ საწარმო დააფინანსა (R)თიბისიმ ახალი პროდუქტის სტარტაპ საწარმოს დაფინანსების ფარგლებში პირველი საწარმო დააფინანსა. სტარტაპი  „ბიზნესის და წარმატების აკადემია SDS“ საბურავების გადასაკრავ საწარმოს გააკეთებს, სადაც შესაძლებელი იქნება მეორადი საბურავების განახლება. საწარმო შეიძენს მეორად საბურავებს, რომელთა გადამუშავების შედეგად საბურავზე მოხდება პროტექტორების გადაკვრა და განახლება. „ბიზნესის და წარმატების აკადემია SDS“-ის საწარმოს დაფინანსება 270 000 ლარის ოდენობით სახელმწიფო საგარანტიო სქემის ფარგლებში „აწარმოე საქართველოსთან“ პარტნიორობით მოხდა.    პროგრამა „სტარტაპერმა“ დამწყები ბიზნესების მხარდაჭერად და ქვეყანაში საწარმოების შექმნის წასახალისებლად, ახალი ფინანსური პროდუქტი - სტარტაპ საწარმო სესხი ახლახანს შექმნა. შეთავაზების ფარგლებში შესაძლებელია 1 000 000 ₾-მდე მოცულობის სესხს მიღება. სტარტაპ საწარმო სესხით შესაძლებელია როგორც მიწის, შენობის, საბრუნავი საშუალებების დანადგარების და ინვენტარის შეძენა, გარემონტება, ისე საწარმოსთან დაკავშირებული ხარჯების და ე.წ. „ფრენჩაიზინგის“ გადასახადების დაფარვა. ახალი ფინანსური პროდუქტით სარგებლობისთვის, ბიზნესის წარმომადგენელმა თიბისის ვებ-გვერდზე ონლაინ განაცხადი უნდა შეავსოს და 20%-იანი თანამონაწილეობა და ბიზნესგეგმა  წარადგინოს. განაცხადის დაფიქსირება ასევე შესაძლებელია ფილიალში ან ქოლ-ცენტში. სესხით სარგებლობა შესაძლებელია პროგრამა "სახელმწიფო საგარანტიო მექანიზმის ფარგლებში“, რაც  სახელმწიფოს მხრიდან სესხის თანხის 90%-ის უზრუნველყოფას გულისხმობს. სტარტაპ საწარმო სესხის შესახებ დეტალური ინფორმაცია განთავსებულია ვებ-გვედრზე: ... ...
  • დაუდასტურდა თუ არა ჩოხატაურის პირველი საბავშვო ბაღის პედაგოგს კორონავირუსიგავრცელებული ინფორმაციით, ჩოხატაურის მუნიციპალიტეტის პირველი საბავშვო ბაღის პედაგოგს, მაია ეზიეშვილს კორონავირუსი დაუდასტურდა. ინფორმაციის გადასამოწმებლად ჩვენ ქალბატონ მაიას დავუკავშირდით, რომელმაც ინფორმაცია უარყო და გაკვირვებულიც კი დარჩა. „დამიდასტურდა? ანალიზი არ ჩამიბარებია და პასუხი როგორ დაფიქსირდებოდა“, _ გვითხრა ... ...
  • კობა კობალაძე ვეტერანების საქმეთა სახელმწიფო სამსახურის იურიდიულ დეპარტამენტს შეხვდა (R)ვეტერანების საქმეთა სახელმწიფო სამსახურის ახალი დირექტორი, გენერალი კობა კობალაძე აგრძელებს უწყების ცალკეულ დეპარტამენტებთან გაცნობითი ხასიათის შეხვედრებს. დღეს, იგი, სამართლებრივი უზრუნველყოფის დეპარტამენტის წარმომადგენლებს შეხვდა და დეპარტამენტის მიერ 2019 წელს გაწეულ და მიმდინარე წლის 9 თვეში შესრულებულ სამუშაოებს გაეცნო. დეპარტამენტის უფროსმა, მიხელ ხურციძემ თავის მოხსენებაში აღნიშნა, რომ 2019 წელს, დეპარტამენტის მიერ განხილულ იქნა 3700 კორესპონდენცია. ვეტერანის სტატუსის მინიჭების პროცედურებთან და არსებულ სოციალურ-სამართლებრივი უზრუნველყოფის საკითხებთან დაკავშირებით, იურიდიული კონსულტაცია გაეწია უწყების 1000-ზე მეტ ბენეფიციარს, მათ შორის ადგილზე, რეგიონებში. დეპარტამენტს დაევალა, საქართველოს ყველა რეგიონში გაგრძელდეს ბენეფიციართა სამართლებრივი თანადგომის პროექტი, რომელიც, გასულ წელს, საპილოტე პროგრამის სახით აჭარის ა/რ -სა და გურიის რეგიონში საპილოტე პროგრამის სახით განხორციელდა. პროგრამა, ვეტერანებისა და მათი ოჯახის წევრებისათვის, კვალიფიციური, იურიდიული დახმარების გაწევას გულისხმობს. მიმდინარე წელს, 9 თვის განმავლობაში, დეპარტამენტში შემოსული კორესპონდენცია 2200 შეადგენს. ვეტერანის სტატუსის მინიჭების პროცედურებთან და არსებულ სოციალურ-სამართლებრივი უზრუნველყოფის საკითხებთან დაკავშირებით, იურიდიული კონსულტაცია გაეწია უწყების 750-მდე ბენეფიციარს, საუბარი, ასევე, შეეხო იმ საკანონმდებლო ინიციატივებსა და ნორმატიულ აქტებს, რომლებიც ვეტერანთა სამართლებრივი, სოციალური და ეკონომიკური მდგომარეობის გაუმჯობესებას შეუწყობს ხელს. ამ კუთხით არსებული გამოწვევების დასაძლევად, უწყებათაშორის სამუშაო ჯგუფში, უნდა გაღრმავდეს ამ ჯგუფში შემავალ უწყებათა _ ვეტერანების საქმეთა სახელმწიფო სამსახურის, საქართველოს თავდაცვის, ფინანსთა, რეგიონული მართვის, ინფრასტრუქტურისა და საქართველოს ოკუპიორებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროებს და აფხაზეთის ა/რ მთავრობას შორის კოორდინაცია. ... ...
  • გიორგი გახარია: არჩევნები არ გადაიდებაარჩევნები საქართველოში ჩატარდება კონსტიტუციურ ვადებში, არჩევნები არ გადაიდება, _ ამის შესახებ პრემიერ-მინისტრმა საკოორდინაციო საბჭოს სხდომის შემდეგ გამართულ ბრიფინგზე განაცხადა. გიორგი გახარიას თქმით, ამის რამდენიმე მიზეზი არსებობს. „ყველას კარგად უნდა გვესმოდეს, რომ საარჩევნო უბანი ისეთ დონეზე იქნება მომზადებული ეპიდემიოლოგიური უსაფრთხოების თვალსაზრისით, რომ ხშირ შემთვევაში ზოგიერთ სავაჭრო ცენტრსა და მაღაზიაში შესვლა იქნება ბევრად უფრო სახიფათო, ვიდრე საარჩევნო უბანზე მისვლა, სრული წესების დაცვით. ამიტომ არანაირი ეპიდემიოლოგიური რისკი აქ არ იარსებებს. ეს ერთი და მეორე, ჩვენ, რა თქმა უნდა, ყველანი ვხედავთ, რომ პოლიტიკური პროცესი და პოლიტიკური საარჩევნო კამპანია მიმდინარეობს ღიად. ერთადერთი, მოქალაქეებთან ერთად რასაც ვთხოვთ პოლიტიკოსებს,წესები დავიცვათ - ვატაროთ პირბადე და დავიცვათ დისტანცია, ეს ხომ ასეთი რთული არ არის?! შესაბამისად, ყველას კარგად უნდა გვესმოდეს, რომ პოლიტიკურ პროცესს და არჩევნების დღეს არაფერი ემუქრება და ვერც დაემუქრება“, - განაცხადა პრემიერმა. საპარლამენტო არჩევნები საქართველოში 31 ოქტომბერს ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...