"ნაციონალებთან" დაახლოებული "ახალი სახე" "ოცნების" ათეულში და პარტიის ორდღიანი დუმილი

მთავარი თემა

"ნაციონალებთან" დაახლოებული "ახალი სახე" "ოცნების" ათეულში და პარტიის ორდღიანი დუმილი

2017 სექ 21 18:14:14

"ქართული ოცნების" პარტიული სიის პირველი ათეული ოზურგეთში უკვე დაკომპლექტებულია: სიის პირველი ნომერი დავით დარჩიაა,  მეორე ნომერი _ გიორგი ღურჯუმელიძე; მესამე _ მარიკა ჩხიკვიშვილი; მეოთხე _ ლავრენტი ბიგვავა; მეხუთე _ ქეთი ვასაძე; მეექვსე _ ბახვა დოლიძე; მეშვიდე _ ხათუნა ცერცვაძე; მერვე _ გენო ჩავლეიშვილი; მეცხრე _ ვასილ ჩიგოგიძე. პარტიულ ათეულს გიორგი ჭკუასელი ასრულებს.

როგორც პარტიაში ამბობენ, აქცენტი ახალ სახეებზე და ახალგაზრდებზე გააკეთეს. ჩვენ შევეცადეთ გაგვერკვია, როგორ შეირჩა ე. წ. "ახალი სახეები" და რა დამსახურებით მოხვდნენ ისინი მმართველი პარტიის ათეულში.

ამ კითხვაზე ორი დღის განმავლობაში პასუხის მიღებას უშედეგოდ ვცდილობდით _ მერობის კანდიდატმა ბეგლარ სიორიძემ და პარტიის რეგიონული ორგანიზაციის თავმჯდომარემ დავით დარჩიამ, რომლებიც სიის ფორმირებაში აქტიურად იყვნენ ჩართულები, ჩვენს სატელეფონო ზარებს არ უპასუხეს.

ამის შემდეგ, წერილობით მივმართეთ "ქართული ოცნების" ოზურგეთის საარჩევნო შტაბს და ვითხოვეთ, დაეკონკრეტებინათ "ვინ შეარჩია პარტიული სია; ვინ ლობირებს თითოეულ მათგანს; როგორ მოხდა  დაკომპლექტება რიგითობის მიხედვით; ვინ არიან ახალი სახეები"

პარტიისთვის გაგზავნილ შეკითხვაში გამოკვეთილი გვქონდა ოზურგეთელებისთვის ერთ-ერთი აქტუალური კითხვა _ როგორ მოხვდა ათეულში ხათუნა ცერცვაძე, რომელიც წყლების განმავლობაში მეუფე იოსების პრესსამსახური, "ნაციონალური მოძრაობის" აქტიური მხარდამჭერი და ინფრასტრუქტურის ყოფილი მინისტრთან, რამაზ ნიკოლაიშვილთან დაახლოებული პირი იყო.

ჩაშლილ და დაკონკრეტებულ კითხვაში მოყვანილი გვქონდა  2012 წლის 19 აგვისტოს ბახმაროში განვითარებული მოვლენები _ დღე, როცა მიხეილ სააკაშვილის და რამაზ ნიკოლაიშვილის საპატივცემულოდ, კურორტზე "ქართული ოცნების" მხარდამჭერები არ შეუშვეს, ხათუნა ცერცვაძე "ნაციონალების"  გვერდით იდგა და მეგობრებს ამავე პარტიის მაისურების დარიგებაში ეხმარებოდა.

"ქართულ ოცნებას" ისიც შევახსენეთ, რომ სწორედ ხათუნა ცერცვაძის სახელს უკავშირდება 2012 წელს, შემოქმედის ეპარქიაში, მეუფე იოსებთან "ნაციონალური მოძრაობის" მაღალჩინოსნების საიდუმლო თათბირები.

ამ კითხვებზე, როგორც ზემოთ აღვნიშნეთ, პასუხი ორი დღის დაგვიანებით მივიღეთ. "ქართული ოცნებიდან" გვწერენ, რომ "პროპორციული სია პარტიის პოლიტსაბჭომ დაამტკიცა. შესაბამისად, რიგითი ნომრებიც პოლიტსაბჭომ  კონსულტაციების შემდეგ განსაზღვრა. პარტიის გადაწყვეტილებით, პროპორციული სია უმეტესწილად ახალი სახეებით დაკომპლექტდა. ძირითადი აქცენტები ახალგაზრდებზე გაკეთდა. პარტიამ საკრებულოს პარტიული სიის შერჩევისას ძირითადი ორიენტაცია პროფესიონალიზმზე, მათ ახლებურ ხედვებსა და მიდგომებზე გააკეთა. პარტია "ქართული ოცნება" მიიჩნევს, რომ  წარმომადგენლობითი ორგანო ამ შემადგენლობით მუნიციპალიტეტისათვის მნიშვნელოვან საკითხებზე იმუშავებს".

ცერცვაძესთან დაკავშირებულ კითხვებზე "ქართულმა ოცნებამ" დუმილი არჩია; კომენტარზე უარი გვითხრა თავად ცერცვაძემაც, მისი თქმით, "ჯანმრთელობის მდგომარეობის გამო", რომლის კომენტარს, თუკი ის ამ კომენტარის გაკეთებას მოისურვებს, მიღებისთანავე შემოგთავაზებთ.

რაც შეეხება სხვა ე. წ. სახეებს, რომლებზეც "ქართული ოცნება" ცერცვაძის მსგავსად დუმილს ამჯობინებს _ მარიკა ჩხიკვიშვილი რამდენიმე წლის განმავლობაში საარჩევნო ადმინისტრაციაში მუშაობდა, ასევე, ქალაქის მერიაში იკავებდა წამყვანი სპეციალისტის თანამდებობას;  გენო ჩავლეშვილი _ ა(ა)ი.პ. ოზურგეთის ბაღების გაერთიანების ხელმძღვანელის მოადგილეა, ქეთი ვასაძე კი  "ქართული ოცნების" ახალგაზრდული ფრთას ხელმძღვანელობს და როგორც ჩვენთვის არის ცნობილი, სწორედ ამ კვოტით მოხვდა სიაში მეხუთე ნორმად, რადგან მმართველი პარტიის გადაწყვეტილებით, ახალგაზრდული ორგანიზაციების თავმჯდომარეები მთელი საქართველოს მასშტაბით მეხუთე ნომრად ჩასვეს.




 ახალი ამბები
  • სეზონის გახსნა შეკვეთილში და უამრავი გახარებული ბავშვი 15 ივნისს შეკვეთილში ზაფხულის ტურისტული სეზონი ოფიციალურად გაიხსნა. ტრადიციად  ქცეული შეხვედრა სოციალურად დაუცველ ბავშვებთან, ასევე, ბავშვთა სახლების აღსაზრდელებთან არც ამჯერად დარღვეულა. აქ  უამრავ ბავშვს უმასპინძლეს.  ოზურგეთის მუნიციპალიტეტის მერიის ხელმძღვანელობით , ამავე მუნიციპალიტეტის სოფლებიდან, ასევე ქალაქიდან,  350 სოციალურად  დაუცველი ბავშვი ესტუმრა ატრაქციონების ქალაქს. აქ მოსვლამდე ბავშვებს დაურიგეს უალკოჰოლო სასმელები და ტკბილეული,   პარკში სეზონის გახსნის შემდეგ კი მათ ყველა გასართობი საშუალებით უფასოდ ისარგებლეს. _ როგორც შევძელით, მოვეფერეთ სოციალურად დაუცველ ბავშვებს. რაც მთავარია, ბედნიერებაა, რომ გურიაში ასეთი ზღაპრული ადგილი არსებობს, რომელიც სტუმარს და მასპინძელს, დიდს თუ პატარას ერთნაირად იზიდავს. ბავშვების დღევანდელი სიხარული კი ორმაგი სიხარული და ბედნიერებაა ჩვენთვის, _ გვითხრა ოზურგეთის მუნიციპალიტეტის მერის მოადგილემ ირაკლი სირაძემ. ატრაქციონების პარკში ბავშვებს  შეხვედრა მოუწყვეს  ზღაპრების კეთილმა პერსონაჟებმა. პარკის გვერდით მდებარე პარკში "საქართველო მინიატურებში", სადაც  მინიატურების სახით წარმოდგენილია საქართველოს კულტურული მემკვიდრეობის ძეგლები და არქიტექტურული ღირსშესანიშნაობები,   გაიმართა ადგილობრივი ფოლკლორული და ქორეოგრაფიული ანსამბლების კონცერტი. გახსნის ღონისძიების მხატვრული ნაწილი მიჰყავდა ოზურგეთის მუნიციპალიტეტის მერიის კულტურის სამსახურის ხელმძღვანელს მარინა ჯაფარიძეს და ამავე სამსახურის განყოფილების ხელმძღვანელს, მაიზერ ცელაძეს. მათ ბავშვებს, ასევე, აქაურ და უცხოელ სტუმრებს პარკში,  ვირტუალური ხელოვნების მოშველიებით,  სრულიად საქართველო მოატარეს.  ჯუმბერ დუნდუას სახელობის სახელმწიფო ქორეოგრაფიულმა  ანსამბლმა კობა დუნდუას ხელმძღვანელობით, ჩვეული მაღალი კლასით წარმოადგინა  საქართველოს ყველა კუთხის  ფოლკლორულ ცეკვათა ერთობლიობა. _ დღეს ერთი ლამაზი დღე ვაჩუქეთ სოციალურად დაუცველ ბავშვებს .  ,,ციცინათელა” და მინიატურების პარკი  არის ის ადგილი,  რომელიც ბევრ ტურისტს სასიამოვნოდ გააოცებს. ტურიზმის განვითარება კი  ჩვენი ერთ-ერთი პრიორიტეტია”, –  თქვა სეზონის გახსნაზე  გურიაში სახელმწიფო რწმუნებულმა, ზურაბ ნასარაიამ.             ... ...
  • ვინ ინიშნება სეს-ის გურიის რეგიონული სამსახურის უფროსადსურსათის ეროვნული სააგენტოს გურიის რეგიონული სამმართველოს უფროსად შალვა პეტრიაშვილი ინიშნება. წყაროს ცნობით, სეს-ის ეროვნული სააგენტოს უფროსი,  ზურაბ ჩეკურიშვილი მას, სავარაუდოდ, ხვალ წარადგენს გურიაში. პეტრიაშვილი ჯერ მცხეთაში მუშაობდა ანალოგიურ სამსახურში, შემდეგ კი _ თბილისში. წყაროს ცნობით, პეტრიაშვილი "ნაციონალური მოძრაობის" აქტიური მხარდამჭერი იყო. სურსათის ეროვნული სააგენტოს გურიის რეგიონული სამმართველოს უფროსმა ნინო შეწირულმა გათავისუფლების შესახებ განცხადება გუშინ დაწერა, თუმცა წყაროს თქმით, მის გათავისუფლებაზე ხელი მოწერილი არ ... ...
  • "დაიცავი დავით გარეჯი" _ "პატრიოტთა ალიანსის" აქცია თავისუფლების მოედანზეამ წუთებში, თბილისში, თავისუფლების მოედანზე იწყება "პატრიოტთა ალიანსის" აქცია. როგორც აქ შეკრებილები ამბობენ, აქციის მიზანია დავით გარეჯის დაცვა. აქციას დასავლეთ საქართველოდან, კერძოდ, აჭარასა და გურიიდან ჩამოსული ადამიანები ქაშვეთის ეკლესიიდან მსვლელობით ... ...
  • „თუ გინდათ საზოგადოება უკეთესობისკენ შეცვალოთ, ილიაუნი საუკეთესო ადგილია“დღეს, ოზურგეთის მეორე საჯარო სკოლაში ილიას სახელმწიფო უნივერსიტეტის წარმომადგენლები ოზურგეთელ  აბიტურიენტებს შეხვდნენ.  პრეზენტაციაზე ისაუბრეს ზოგადად პროფესიის არჩევის შესახებ, თუ რა პროგრამებს და სწავლის გარე აქტივობებს ფლობს ილიას სახელმწიფო უნივერსიტეტი.  საზოგადოებასთან ურთიერთობის სამსახურის უფროსმა ანა კვანჭილაშვილმა ახალგაზრდებს ვრცლად ესაუბრა ილიაუნის გაცვლითი  პროგრამების შესახებ,  თუ რამდენ ქვეყანაში აქვთ ის.  ასევე,  თქვა, რომ საერთაშორისო თანამშრომლობის  მიხედვით, მობილობების  მაჩვენებლი ყოველ წელს  უკეთესობისკენ  იცვლება. ისაუბრა, ასევე, უცხოეთის რომელ ქვეყნებში  აქვთ  საბაკალავრო პროგრამები და რაც მთავარია, სახელმწიფოს მიერ სრულად დაფინანსებული პროგრამების შესახებ, სადაც, აბიტურიენტი მინიმალური კომპეტენციის ზღვარს თუ გადალახავს,  სრულად ექნება სახელმწიფო დაფინანსება. _ ჩვენ გთავაზობთ საუკეთესო პროგრამებს. უნივერსიტეტი მრავალი კუთხით არის პირველ ადგილზე სხვა უმაღლეს სასწავლებლებს შორის. ამიტომ თუ გსურთ საზოგადოება  შეცვალოთ  უკეთესობისკენ,  ილიაუნი   საუკეთესო ადგილია, _ თქვა მან. ილიას სახელმწიფო უნივერსიტეტის ვიცე-რექტორმა, წარმოშობით ოზურგეთელმა ნინო დობორჯგინიძემ „გურია  ნიუსთან“ საუბრისას თქვა, რომ მათი მიზანი აბიტურიენტთათვის სრული ინფორმაციის მიწოდებაა ილიაუნის ოთხი ფაკულტეტის, პროგრამების და ყოველივე იმის შესახებ, რაც უნივერისტეტს გააჩნია, რაც აბიტურიენტებს აინტერესებთ. _მთელ საქართველოში დავდივართ. ახლა დასავლეთში ვართ, ხვალ ფოთით ვასრულებთ აბიტურიენტებთან  შეხვედრებს, _ გვითხრა ... ...
  • შშმ პირთა დაცვის დღისადმი მიძღვნილი ზეიმი: „ჩვენ გვსურს ყველა ღონისძიებაში ჩავერთოთ“14 ივნისს, ოზურგეთის ფოლკლორის ცენტრში შშმ პირთა უფლებების დაცვის დღისადმი მიძღვნილი კვირეულის დასრულების  აღსანიშნავი ღონისძიება შედგა. საზეიმო შეხვედრას, რომელიც  პროექტის მონაწილემ, ფოტოგრაფმა გოგა ჩანადირმა გახსნა, გურიის გუბერნატორი ზურაბ ნასარაია, ოზურგეთის  მუნიციპალიტეტის მერი კოტე შარაშენიძე, სხვა ხელმძღვანელი პირები, საზოგადოების წარმომადგენლები და შშმ პირთა ოჯახების წევრები ესწრებოდნენ. _ პროექტმა, „ჩვენ შეგვიძლია“,  რომელიც განათლების სამინისტროს მიერ გახორციელდა, ამ ადამიანებს კიდევ უფრო მეტად აგრძნობინა თავი საზოგადოების წევრებად. ცალკე დგომით  ვერავინ ვერაფერს შეძლებს, ძალა  ერთობაშია.  წავიდა  ის დრო, როცა არსებობდა რაღაც სტიგმა, რომ შშმ პირები უნდა ყოფილიყვნენ სახლებში.  ადაპტირებული, მორგებული გარემო  უნდა იყოს ირგვლივ ყველა ადამიანისთვის, განსაკუთრებით  კი მათთვის,  _ თქვა გოგა ჩანადირმა და მადლობა გადაუხადა ხელმძღვანელ პირებს იმის გამოც, რომ სწორედ მათი ძალისხმევით, გურია ხდება  რესპუბლიკაში პირველი, ვინც ასე აზარტულად შეუდგა ამ საქმის კეთებას. „სლოგანი _ „ჩვენ შეგვიძლია“ მასშტაბურად მოედო მთელ გურიას, მთელ საქართველოზე ასე გავრცელდება“, _ თქვა მან. კვირეულის განმავლობაში ჩატარებულ შეჯიბრში გამარჯვებულები გურიის გუბერნატორმა ზურაბ ნასარაიამ  დააჯილდოვა. პირველი ადგილი ნარდში ასაკით ყველაზე უფროსმა შშმ პირმა, ჩოხატაურელმა იამზე კეკელიძემ დაისაკუთრა.  ყველა  გამარჯვებულს გადაეცა ჯილდო.  სცენაზე ავიდნენ სამივე მუნიციპალიტეტის შშმ პირები. შეასრულეს სხვადასხვა მხატვრული ნომრები. იგრძნობოდა მათი საოცარი, ემოციური ერთიანობა. _ ჩვენ დღეს უსაზღვროდ ბედნიერები  ვართ.  გვინდა, მომავალში, გამოყოფილი არ ვიყოთ მხოლოდ შშმ პირთა ღონისძიების სახელწოდებით და ჩართული ვიყოთ ნებისმიერ ღონისძიებაში, _ ემოციურად ისაუბრა შშმ პირმა თამუნა ლურსმანაშვილმა. მის გამოსვლას დარბაზში ოვაციით  შეხვდნენ. ღონისძიების დასასრულ, უჩვენეს პროექტის ფარგლებში გადაღებული ვიდეოფილმი.  ყველამ ერთად კი  შეასრულა საფინალო სიმღერად მოაზრებული: „ჩემი საქართველო აქ ... ...

არქივი

ზაფრანი

რომელი ნაყინი არ ასუქებს

იყო დიეტაზე არ ნიშნავს იმას,...

რატომ ვტირით ხახვის დაჭრის დროს

ყველა დიასახლისისათვის ყოველდღიურად ხახვის დაჭრის...

აღმოჩენილია თამბაქოს სიყვარულის გენი

ცოტა ხნის წინ იაპონელმა ექიმებმა...

საინტერესო ცნობები ალკოჰოლის შესახებ

მეთილის სპირტის სასიკვდილო დოზა ადამიანისათვის...

რა ზიანი მოაქვს ვადაგასულ კოსმეტიკას

მეცნიერების გამოკითხვით აღმოჩნდა, რომ ქალბატონები,...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...