ოზურგეთის მერიისთვის "ძალიან რთულად მოსაგები საქმის" განხილვა დაიწყო _ საქმეში ჯაფარიძეც ჩართეს

მთავარი თემა

ოზურგეთის მერიისთვის "ძალიან რთულად მოსაგები საქმის" განხილვა დაიწყო _ საქმეში ჯაფარიძეც ჩართეს

2018 ივნ 8 10:11:55

ერთ-ერთი ყველაზე გახმაურებული, ოზურგეთის მერიის „აქილევსის ქუსლად“ წოდებული საქმე, რომელიც ნატალია ხომერიკის უკანონოდ და კურიოზული ბრძანებებით სამსახურიდან გათავისუფლებას ეხება, უკვე სასამართლო განხილვაშია.

პირველი პროცესი გუშინ შედგა და იმ მოტივით გადაიდო, რომ  საქმეში ახალი უფლებადამცველი _ მარიამ ლევიძე ჩაერთო.

ადვოკატმა, რომლის ბალანსზე ბევრი მოგებული საქმეა, მათ შორის შინაგან საქმეთა სამინისტროსთანაც, მოსამართლე გიორგი ზვიადაძეს საქმის მასალების სრულყოფილად გაცნობისთვის  ვადა სთხოვა, რაზეც თანხმობა მიიღო.

მოსამართლემ, ამავე სხდომაზე დააკმაყოფილა მერიის იურისტების შუამდგომლობა საქმეში მესამე პირის _ მარინა ჯაფარიძის ჩართვის თაობაზე, რომელიც ამჟამად ოზურგეთის მუნიციპალიტეტის მერიის განათლების, კულტურის, სპორტისა და ახალგაზრდულ საკითხთა სამსახური უფროსის თანამდებობას იკავებს.

თუმცა, როგორც აღმოჩნდა, ამის შესახებ მარინა ჯაფარიძეს ინფორმაცია არ ჰქონდა:

_  მე ნატალია ხომერიკთან არასოდეს არანაირი პრობლემა არ მქონია და არც მაქვს. დღეს, 12 საათიდან ქორეოგრაფიული ანსამბლების დათვალიერებაზე ვარ გასული. და არ ვიცი არაფერი. მე იმის თქმა მინდა, რომ დღეს რა ხდებოდა მერიაში საქმის კურსში არა ვარ, ვინაიდან სამსახურებრივი საქმის გამო ადგილზე არ ვიყავი. შესაბამისად, დღევანდელი მოვლენების შესახებ არანაირი ინფორმაცია არ მაქვს. მითუმეტეს, კომენტარს ვერაფერზე გავაკეთებ, _ აღნიშნა ჯაფარიძემ ჩვენთან საუბრისას.

_ ქალბატონო მარინა, ახლა, როცა ჩვენგან გაიგეთ, რომ მერიის შუამდგომლობით საქმეში მესამე პირად ხართ ჩართული, აპირებთ ნატალია ხომერიკის წინააღმდეგ ბრძოლას?

_  მე სახელმწიფო საჯარო დაწესებულებაში სახელმწიფოს მიერ დაშვებული კონკურსი გავიარე და უმაღლესი ქულებით დავინიშნე თანამდებობაზე.  ეს თანამდებობა სადაოდ არასოდეს გამიხდია. უბრალოდ, როგორც ამას საჯარო მოხელისათვის განსაზღვრული კანონმდებლობა ითვალისწინებდა, მეც შესაბამისად საკანონმდებლო ჩარჩოში ვმოქმედებდი. სხვა ჩემი საქმე არ არის. ყველას თავისი არჩევანი აქვს.

_ ხომერიკის საქმეზე რას ფიქრობთ. მისი გათავისუფლება და შემდეგ ამ თანამდებობაზე კონკურსის გამოცხადება სწორად მიგაჩნიათ?

_ მე გითხარით, რომ კომენტარს არ ვაკეთებ.

_ თქვენ საჯარო მოხელე ხართ და გვაინტერესებთ აპირებთ თუ არა თანამდებობისთვის ბრძოლას...

_ მე ამ თემაზე ნატალიასთან  მქონდა საუბარი, ჩვენ ძალიან კარგად ვუგებთ ერთმანეთს და ერთმანეთის პატივისცემას ვინარჩუნებთ. ძალიან არაკორექტული შეკითხვებია და ამიტომ, ჯობს დავასრულოთ ეს საუბარი.

_ ქალბატონო მარინა, რა არის არაკორექტული? მხარედ ჩაგრთეს და გვაინტერესებს აპირებთ თუ არა თანამდებობის შენარჩუნებისთვის სამართლებრივ ბრძოლას?_ ამ შეკითხვაზე მარინა ჯაფარიძეს ჩვენთვის პასუხი არ გაუცია.

ჩვენთან საუბრისას სიტყვაუხვობით არც მერიის იურიდიული სამსახურის უფროსი ლაშა თავაძე იყო გამორჩეული, თუმცა კითხვაზე _ როგორ აფასებს მერიის შანსებს საზოგადოებისთვის ერთ-ერთ საინტერესო საქმეზე, პასუხი გაგვცა და გვიპასუხა, რომ ეს მათთვის „ძალიან რთულად მოსაგები საქმეა“.

ეს საქმე კი, 2017 წლის 12 დეკემბერს დაიწყო. ამ დღეს ოზურგეთის მუნიციპალიტეტის მერმა კონტანტინე შარაშენიძემ დაწერა  #40 ბრძანება და ნატალია ხომერიკს ს ოზურგეთის მერიის განათლების, კულტურის, სპორტისა და ახალგაზრდულ საქმეთა სამსახურის უფროსად დანიშნა.

14 დეკემბერს მერი წერს ახალ ბრძანებას ნომრით 42 და 12 დეკემბრის #40 ბრძანებას ძალადაკარგულად აცხადებს ისე, რომ მიზეზს დოკუმენტში არ განმარტავს, თუმცა, მედიასთან საუბრისას ამბობს, რომ მას ნატალია ხომერიკი სამსახურის უფროსად არ დაუნიშნავს (?!).

"არა, სამსახურის უფროსად ის არ დამინიშნავს, შეიძლება რაღაც ტექნიკური გაუგებრობა იყო სამსახურის დასათაურებასთან დაკავშირებით, მაგრამ არც ჩემგან, არც სხვისგან ნატოს არ გაუგია, რომ მას ვნიშნავდი სამსახურის უფროსად. ამ ეტაპზე ხომერიკს განვიხილავთ კულტურის განყოფილების უფროსად და მერე ვნახოთ," _ ამბობდა შარაშენიძე 13 დეკემბერს ერთ-ერთ ადგილობრივ მედიასთან საუბრისას.

ამ კომენტარის გაკეთებიდან რამდენიმე საათში, შარაშენიძე კიდევ ერთ ბრძანებას წერს (#43) და ხომერიკს მერიის განათლების, კულტურის, სპორტის და ახალგაზრდულ საკითხთა სამსახურის კულტურის განყოფილების უფროსის მე-2-ე რანგის მეორადი სტრუქტურული ერთეულის ხელმძღვანელის თანამდებობაზე ნიშნავს, თან მასთან შეუთანხმებლად. ყოველგვარი ახსნა-განმარტების გარეშე.

ეს თემა "გურია ნიუსმა" ექსკლუზიურად გაახმოვანა. ჩვენ მიერ ასევე გასაჯაროვდა დანიშვნის დოკუმენტიც, რომელსაც დიდი გამოხმაურება მოჰყვა და ხომერიკის ერთდღიანი თანამდებობის გამო 14 დეკემბერს ოზურგეთის მუნიციპალიტეტის საკრებულოს დეპუტატებმა განმარტება მერის მრჩეველს იურიდიულ საკითხებში კოკა კიღურაძეს და იურიდიული სამსახურის უფროსს ლაშა თავაძეს საკრებულოს სხდომაზევე მოსთხოვეს.

თავაძემ მერის, კონსტანტინე შარაშენიძის ეს გადაწყვეტილება საკმაოდ უცნაურად ახსნა და აღნიშნა, რომ ხომერიკის დანიშვნის ბრძანება ძალაში შესული არ იყო. არადა, ხომერიკის სამსახურის უფროსად დანიშვნის შარაშენიძის მიერ 12 დეკემბერს ხელმოწერილ ბრძანებაში გარკვევით წერია, რომ ძალაშია ხელმოწერისთანავე.

კიღურაძე უფრო შორს წავიდა და დეპუტატები ჟურნალისტთან გადმოამისამართა:

ჟურნალისტს, რომელმაც ეს ბრძანება გამოაქვეყნა, მოთხოვეთ ავთენტურობის დადგენა, _ მიმართა კიღურაძემ საკრებულოს დეპუტატებს, რასაც ოზურგეთელთა რჩეულების მხრიდან პროტესტი მოყვა.

 საკითხს გამოეხმაურა საპარლამენტო უმრავლესობის ლიდერი არჩილ თალაკვაძეც და აღნიშნა, რომ ამ თემაზე შარაშენიძესთან საუბარი ჰქონდა:

"ვინაიდან საკითხმა საზოგადოების ინტერესი გამოიწვია, მქონდა საუბარი მერთან, ბატონ კოტე შარაშენიძესთან შესაძლო საკადრო გადაწყვეტილებასთან დაკავშირებით, რომელიც ქალბატონ ნატალია ხომერიკს უკავშირდება.

მივესალმები, თუ ამ ეტაპზე, ქალაქის მერი სწორედ ნატალია ხომერიკთან შეხვედრისა და შეთანხმების შედეგად მიიღებს საბოლოო გადაწყვეტილებას», _ აღნიშნა არჩილ თალაკვაძემ «გურია ნიუსთან» საუბრისას 15 დეკემბერს.

თუმცა, როგორც ფაქტებმა ცხადყო, თალაკვაძის საუბარმა შედეგი ვერ გამოიღო _ 20 დეკემბერს შარაშენიძემ ახალი, #94 ბრძანება გამოსცა, რომელშიც წერია: "ბათილად იქნას ცნობილი ნატალია ხომერიკის ოზურგეთის მუნიციპალიტეტის მერიის განათლების, კულტურის, სპორტის და ახალგაზრდულ საკითხთა სამსახურის უფროსის, პირველი რანგის პირველადი სტრუქტურული ერთეულის ხელმძღვანელის თანამდებობაზე მობილობის წესით გადაყვანის შესახებ ოზურგეთის მუნიციპალიტეტის მერის 2017 წლის 12 დეკემბრის #40 ბრძანების ძალადაკარგულად გამოცხადების შესახებ ოზურგეთის მუნიციპალიტეტის მერის 2017 წლის 14 დეკემბრის #42 და ნატალია ხომერიკის ოზურგეთის მუნიციპალიტეტის მერიის განათლების, კულტურის, სპორტი და ახალგაზრდულ საკითხთა სამსახურის კულტურის განყოფილების უფროსის მე-2-ე რანგის მეორადი სტრუქტურული ერთეულის ხელმძღვანელის თანამდებობაზე მობილობის წესით გადაყვანის შესახებ ოზურგეთის მუნიციპალიტეტის მერის 2017 წლის 14 დეკემბრის ბრძანებები".

შარაშენიძეს ამ ბრძანებაში ბათილობის მიზეზი არ დაუკონკრეტებია, თუმცა, იმავე დღეს კიდევ ერთი _ #95 ბრძანება გამოსცა, რომელიც #40 ბრძანების ბათილად ცნობას ეხება და რომელშიც აღნიშნულია, რომ ხომერიკის სამსახურის უფროსად დანიშვნის ბრძანებისას გამოყენებული იქნება ელექტრონული სისტემა, სადაც "დაშვებული იქნა არსებითი შეცდომა"

ეს "არსებითი შეცდომა" შარაშენიძეს არც ამ დოკუმენტში განუმარტავს. ამ ყველაფრის ახსნა მერიის იურისტებმა შესაგებელში სცადეს.

ის, რომ ნატალია ხომერიკი დანიშნული იქნა თანამდებობაზე, მოცემულ შემთხვევაში, ადგილი ჰქონდა შეცდომას, რომლის თაობაზეც მოსარჩელეს იმთავითვე განემარტა. ოზურგეთის მუნიციპალიტეტის მერის 2017 წლის 12 დეკემბრის #40 ბრძანება შეცდომით იქნა ატვირთული საქმისწარმოების ელექტრონული სისტემის (edocument.ge) გამოყენებისას. კერძოდ _ მომზადებული ბრძანების პროექტის "უარყოფის" ნაცვლად გამოყენებული იქნა "ხელმოწერის" ღილაკი. ხსენებულიდან გამომდინარე, ნატალია ხომერიკი ოზურგეთის მუნიციპალიტეტის მერიის განათლების, კულტურის, სპორტისა და ახალგაზრდულ საკითხთა სამსახური უფროსი, პირველი რანგის პირველადი სტრუქტურული ერთეულის ხელმძღვანელი არ ყოფილა", _ წერია ოზურგეთის მერიის იურისტის ლაშა თავაძის მიერ მომზადებულ შესაგებელში.

ერთი სიტყვით,  მერიის იურიდიული სამსახურის უფროსმა ლაშა თავაძემ სასამართლოს"აუხსნა", რომ "მომზადებული ბრძანების პროექტის "უარყოფის" ნაცვლად გამოყენებული იქნა "ხელმოწერის" ღილაკი".

ამ თემაზე რამდენიმე სტატია უკვე მომზადდა და კიდევ ერთხელ რომ არ განვმეორდეთ მოკლედ შეგახსენებთ, რომ საქმისწარმოების ელექტრონულ სისტემაში (edocument.ge) დოკუმენტი რამდენი პროცედურას გადის და საქმე მხოლოდ ღილაკების დაჭერა/არ დაჭერაზე არაა.

ამ კონკრეტული შემთხვევაში დანიშვნის ბრძანების დოკუმენტი მომზადდა იურიდიული სამსახურის მიერ და, როგორც ცნობილია, ბრძანების ტექსტი მერთან შეთანხმების გარეშე არ იწერება. სწორედ ეს შეთანხმებული დოკუმენტი (სამსახურის უფროსად დანიშვნის ბრძანება) ამის შემდეგ სისტემაში ატვირთა ლაშა თავაძემ და ხელმოსაწერად გაუგზავნა კონსტანტინე შარაშენიძეს.

სისტემის რამდენიმე ღილაკი მთავარ პანელზეა და მისი წაკითხვა საკმაოდ იოლია. ასევე, უარყოფის და თანხმობის ღილაკები სხვადასხვა ადგილზეა განთავსებული. ამავე დროს, გასათვალისწინებელია ერთი ფაქტიც _ როდესაც მერი დოკუმენტზე ხელმოწერის თანხმობას იძლევა, შესაბამის გრაფაში დასტურის შესახებ სიტყვიერ ჩანაწერსაც აკეთებს. ერთი სიტყვით, იმის თქმა, რომ ბრძანების დაწერისას შარაშენიძეს ღილაკები აერია და შეეშალა (რომელიც მერს ბრძანების დაწერიდან 8 დღის შემდეგ გაახსენდა), იურისტების შეფასებით უფრო ფანტასტიკის სფეროს მიეკუთვნება.

ნატალია ხომერიკის უფლებადამცველი მარიამ ლევიძე ამბობს, რომ საქმეში კიდევ ბევრი საინტერესო დეტალია, რომელზეც საუბარი სასამართლომდე არ სურს:

_ ახლა ჩავერთე საქმეში და დოკუმენტაციას სრულყოფილად არ  გავცნობივარ. თუმცა, რასაც გავეცანი, მაძლევს იმის საფუძველს, რომ გითხრათ _ საქმეში ბევრი კანონდარღვევაა და ეს მხოლოდ დანიშვნის და გათავისუფლების ბრძანებების წერას არ ეხება, _ აღნიშნა „გურია ნიუსთან“ საუბრისას მარიამ ლევიძემ.

ხომერიკის სასამართლო პროცესი, რომელზეც მას მერიასთან ერთად, ამჯერად მარინა ჯაფარიძეც უნდა დაუპირისპირდეს, 21 ივნისს, 15 საათზე გაიმართება.

ამავე თემაზე: "კონსტანტინე შარაშენიძეს ღილაკები აერია" _ სასამართლო სკანდალური საქმის განხილვას იწყებს

ლევან ალაფიშვილი ხომერიკის საქმეზე: "მერის აღიარება, შესაძლოა, გამოძიების დაწყების საფუძველი გახდეს"

ქართველი ხელოვანები ნატალია ხომერიკის მხარდასაჭერად მიმართვას ავრცელებენ (ვიდეო)

ოზურგეთის მერმა მის მიერ ხელმოწერილი ბრძანების შინაარსი არ იცის _ "არ დამინიშნავს"

საია ხომერიკის საქმეზე: "თუ მოხელის თანხმობა არ იყო, დარღვეულია კანონი"

მერის მრჩეველი დეპუტატებს: "მოსთხოვეთ ჟურნალისტს ბრძანების ავთენტურობის დადგენა" (ვიდეო)

ნატალია ხომერიკის ერთდღიანი თანამდებობა _ რა მოხდა ოზურგეთის მერიაში




 ახალი ამბები
  • "არსად არასდროს იქნება ისეთი თავშესაფარი, სადაც ძაღლს დაამწყვდევენ და იქნება პატიმარი!"ოზურგეთში დიდი ვნებათაღელვა გამოიწვია რამდენიმე დღის წინ გავრცელებულმა ინფორმაციამ იმის შესახებ, რომ თითქოს, ზუგდიდიდან ოზურგეთის მუნიციპალიტეტში, თავშესაფარში ძაღლებს შემოიყვანდნენ და იქვე დატოვებდნენ. რადიო "ათინათის" მიერ გავრცელებულ ინფორმაციაში, თითქოს ზუგდიდიდან მიუსაფარ ძაღლებს ოზურგეთში, სოფელ დვაბზუში არსებულ თავშესაფარში გადაიყვანდნენ და ამის ორგანიზატორი იქნებოდა 30 ათასლარიან ტენდერში გამარჯვებული, ქუთაისში რეგისტრირებული კომპანია "ვექტრა", რამდენიმე უზუსტობას მოიცავდა, რაზეც არავინ დაფიქრებულა _ კერძოდ, ოზურგეთში, სოფელ დვაბზუში არანაირი თავშესაფარი არ არსებობს. ხოლო სოფელ ოზურგეთში მოქმედ თავშესაფარში, რომლის მფლობელიც სწორედ "ვექტრაა", ძაღლები მხოლოდ აუცილებელი პროცედურების ჩასატარებლად შემოჰყავთ და შემდეგ უკანვე მიჰყავთ. _ თავშესაფარი გვაქვს და აქაურ ძაღლებს ვეღარ უვლიან? სავსეა ქალაქი. სადაა ეს თავშესაფარი და ვის ემსახურებიან? რა ხდება? _ ასეთი და კიდევ მრავალი კითხვით არა ერთმა მოქალაქემ მოგვმართა. "გურია ნიუსი" არა ერთი სამსახურის თუ კერძო ორგანიზაციის ხელმძღვანელს და ვეტერინარს ესაუბრა, რომ მკითხველამდე კიდევ ერთხელ დაზუსტებული ინფორმაცია მივიტანოთ. ოზურგეთის სერვისცენტრის უფროსი, თენგიზ ქუტიძე ამბობს, რომ ოზურგეთში ძაღლები არ შემოჰყავთ: _ ეს არის სრულიად მცდარი ინფორმაცია. ოზურგეთში ძაღლებს არც ზუგდიდიდან შემოიყვანენ და არც სხვა ქალაქიდან. მე გეტყვით, რაც ვიცი _ ჩვენი მუნიციპალიტეტის სოფელ ოზურგეთში არსებული თავშესაფარი, საჭიროების დროს, ახდენს მიუსაფარი ძაღლების ვაქცინაციას, აცრას, ასევე, კასტრაციას (როცა ამის საჭიროებაა), ყურზე "კლიპის" დადებას, რომელზეც ინფორმაციაა დატანებული. როცა სხვა რეგიონიდან შემოჰყავთ ძაღლები, ხსენებული პროცედურების ჩატარების შემდეგ, მიჰყავთ უკან. ასეთ დროს ძაღლები დათვლილია. ტენდერში გამარჯვებულ ორგანიზაციას რომ მოჰყავს და ხელფასს უხდიან, ის ვალდებულია, უკან წაიყვანოს და აქ დატოვებას ვერავინ გაბედავს. თუ ვინმე ასე ფიქრობს, ეს არის ძალიან პრიმიტიული მსჯელობა. ახლა იკითხავენ, აქ რატომ მოჰყავთო. ჯერჯერობით, ასეთი მოწესრიგებული თავშესაფარი, სადაც საჭირო დახმარებას უწევენ ძაღლებს, არის მხოლოდ ოზურგეთში. სულ ეს არის! _ გვითხრა თენგიზ ქუტიძემ. ოზურგეთის მუნიციპალიტეტის  სოფელ ოზურგეთში არსებული თავშესაფრის, ა(ა)იპ "ცხოველთა სამყაროს" ხელმძღვანელი ლერი ჩხარტიშვილი "გურია ნიუსთან" ამბობს, რომ ეს ერთი კერძო თავშესაფარია დასავლეთ საქართველოში, რომლის მფლობელი ქუთაისში რეგისტრირებული კომპანია "ვექტრაა": _ მე აქ ვმუშაობ, ვარ კონკრეტულად ამ თავშესაფრის მესაკუთრე და ყველას ვემსახურებით, საქართველოს მასშტაბით, ვინც მოგვმართავს. ასევე, მუნიციპალური თავშესაფრებიც არსებობს ქუთაისსა და ბათუმში. ახლა რაშია საქმე _ ვიღაცამ დაწერა ნახევარი სიმართლე, რაც ტყუილზე უარესია. სოფლის სახელი რომ შეეშალათ და სოფელ ოზურგეთის ნაცვლად, დვაბზუ რომ მოიაზრეს, ეს სხვაა. ჩვენ ტენდერში გამარჯვებულ ყოველ ორგანიზაციას ვემსახურებით, ვისაც ძაღლები სათანადო პროცედურების ჩასატარებლად შემოჰყავს. ეს არის ცოფზე აცრა უკლებლივ ყველასთვის, სტერილიზაცია, კასტრაცია, ყურზე "კლიპის" დადება, ჭიებზე დამუშავება. მერე კი მიჰყავთ უკან. ძაღლები შემოჰყავთ დათვლილი, მათზე პასუხისმგებელ პირს ეძლევა ხელფასი, არსებობს მონიტორინგის ჯგუფი, რომელიც თვალს ადევნებს ამ ყველაფერს. პასუხისმგებელ პირს, თუნდაც ერთი ძაღლის დაკარგვის შემთხვევაში, პასუხს მოთხოვენ. ვინ მოიფიქრა, ან ვინ მოიგონა, რომ რომელიმე მუნიციპალიტეტიდან ძაღლებს აქ შემოიყვანენ და დატოვებენ?! ჩემთან ერთად მუშაობს ანესთეზიოლოგი დიმა ბაქანიძე. თავშესაფარში ძაღლი თუ ავად არის ან მას რომელიმე პროცედურის გავლა გაუჭირდა, მაქსიმუმ, ათი დღის ვადით შეიძლება, დავტოვოთ. უნდა ვუმკურნალოთ, რომ გამოჯანმრთელდეს, დატოვება კი არ შეიძლება. ყველამ უნდა იცოდეს, რომ რამდენი თავშესაფარიც უნდა აშენდეს, ძაღლს იქ სამუდამოდ არავინ დაამწყვდევს, რადგან, როგორც ადამიანს ვერ დააპატიმრებ უდანაშაულოდ სამუდამოდ, ვერც ძაღლს. რას აშავებს ძაღლი? _ არაფერს! არსად, არასდროს იქნება ისეთი თავშესაფარი, სადაც ძაღლს დაამწყვდევენ და იქნება პატიმარი! მომსახურების პირობები კიდევ უფრო გაუმჯობესდება, _ გვითხრა ლერი ჩხარტიშვილმა. პროფესიით ვეტექიმი გოგი მაღლაფერიძე, რომელიც ოზურგეთის სერვისცენტრში მუშაობს, თავისი მრავალწლიანი გამოცდილებიდან გამომდინარე, ახლანდელ ვითარებაზე გვესაუბრება: _ ადრე იყო სხვა მიდგომა. მაშინ ძაღლებს აძინებდნენ. დღეს ძაღლს, როგორც ადამიანს , ისე უყურებენ. ნორმალური ადამიანი სულ ასე უყურებდა, მაგრამ ახლებური მიდგომით, ძაღლი ყოველმხრივ მოვლილი და "დაბირკული" უნდა იყოს. ხალხი ადვილად იჯერებს ჭორს. ერთხელ იყო ასეთი შემთხვევა: თელავიდან შემოსულ ჯგუფს, სათანადო პროცედურების გავლის შემდეგ, ერთი ძაღლი მოუკვდათ, რასაც ხმაური მოჰყვა და პასუხისმგებელ პირს საყვედური უთხრეს. ხალხმა უნდა იცოდეს, რომ ძაღლებს არავინ დაამწყვდევს _ ეს იქნება პატიმრობა. ცოფზე აცრილი, ჰუმანური მეთოდით (კასტრაცია, სტერილიზაცია) დამუშავებული ძაღლები ნაკლებად გამრავლდებიან და ამავე დროს საშიში არანაირად არ იქნებიან. ოღონდ მათ პური ყველამ უნდა მიაწოდოს. ასეთია დღევანდელი მსოფლიო და ჩვენც, როგორც უძველესი ცივილიზაციის მქონე ხალხი, ასე უნდა მოვიქცეთ, _ გვითხრა გოგი მაღლაფერიძემ. კითხვაზე, თუ რამდენი მიუსაფარი ძაღლი დადის დღეს ოზურგეთის ქუჩებში და აქვს თუ არა ჩატარებული ყველას სათანადო პროცედურა, ლერი ჩხარტიშვილმა გვიპასუხა, რომ დათვლის მონიტორინგი არ ჩატარებულა: _ სრულ უმრავლესობას, 80% -ს ყურზე "კლიპი" აქვს და აცრილია. თუ არის ისეთი ცხოველი, რომელსაც ყურზე კლიპი არ ადევს, ეს აუცილებლად ახლად დასმული იქნება, მოსახლეობიდან პირდაპირ ქუჩაში ტოვებენ ან უშვებენ ძაღლებს, რომელთა თავშესაფარში გადაყვანა კვირაში ერთხელ ხდება, რომ ჩაუტარონ საჭირო პროცედურები. ასევე, ნებისმიერი სატელეფონო ზარის დროს, ჩვენ მზად ვართ ადგილზე გასასვლელად, _ გვითხრა ... ...
  • უწყება ბავშვთა ნახატების კონკურსს აცხადებს (R)ვეტერანების საქმეთა სახელმწიფო სამსახური აცხადებს ბავშვთა ნახატების კონკურსს, რომელშიც მონაწილეობას მიიღებენ ომისა და თავდაცვის ძალების ვეტერანთა 5-დან 16 წლამდე ასაკის შვილები და შვილიშვილები. კონკურსი 1 მარტამდე გაგრძელდება. საუკეთესო ნახატებს (როგორც ფერწერულ, ისე გრაფიკულ ნამუშევრებს) გამოავლენს კომპეტენტური ჟიური, რომლის თავმჯდომარეც, ომის ვეტერანი, მხატვარი, გიგა არველაძეა. გამარჯვებული ნამუშევრები განთავსდება ვეტერანების საქმეთა სახელმწიფო სამსახურის ბრენდირებულ სასაჩუქრე კატალოგში. კონკურსში მონაწილეობის მსურველებმა საკუთარი ნამუშევრები უნდა გამოაგზავნონ ელექტრონული ფოსტის მისამართზე: info@veterans.gov.ge, ან ვეტერანების საქმეთა სახელმწიფო სამსახურის ოფიციალურ facebook გვერდზე: https://www.facebook.com/veteranebi/?ref=bookmarks კონკურსში მონაწილეობის მიღება ავტომატურად გულისხმობს ავტორთა თანხმობას, მათი ნამუშევრების კატალოგში განთავსების თაობაზე, ნახატის ავტორის სახელის, გვარისა და ასაკის მითითებით. კონკურსში გამარჯვებულმა ავტორებმა შემდგომში ნახატების ორიგინალები უნდა წარმოადგინონ ვეტერანების საქმეთა სახელმწიფო სამსახურში მისამართზე: ვახტანგ გორგასლის შესახვევი N 12 ა. საკონკურსო ნაშრომს თან დართული უნდა ჰქონდეს შემდეგი ინფორმაცია: კონკურსანტის დაბადების მოწმობა, ვეტერანი ოჯახის წევრის ვეტერანობის დამადასტურებელი მოწმობა, საკონტაქტო ტელეფონის ნომრები (მობილური და სახლის). ... ...
  • "საშინელი სამუშაო პირობები გვაქვს"_ ტყიბულში მეშახტეები გაიფიცნენტყიბულში 200- მდე მეშახტე გაიფიცა. როგორც ისინი ამბობენ, ახალი კომპანია ძიძიგურის სახელობის შახტის გაუქმებას აპირებს. მეშახტეების თქმითვე,   მესამე დღეა რაც  საწარმოო პროცესი შეჩერებული აქვთ, მაგრამ გაფიცულებთან კონტაქტზე არავინ გასულა. „ადგილზე რამდენიმე დღეა გაფუჭებულია ელმავალი, ფეხით 3-4 კილომეტრს, რა თქმა უნდა, ვერ გავივლით. არც შეკეთება უცდია არავის. საშინელი სამუშაო პირობები გვაქვს. კომპანია და ეკონომიკის მინისტრი დაგვპირდნენ, რომ ჩვენი მდგომარეობა გაუმჯობესდებოდა, თუმცა, ამდენი თვის განმავლობაში არაფერი შეცვლილა“,_  აცხადებს მეშახტე ირაკლი ... ...
  • სამეგრელოს პოლიციამ საფლავების გაქურდვის ბრალდებით 2 პირი დააკავაშინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის ჩხოროწყუს რაიონული სამმართველოს  თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1999 წელს დაბადებული ორი პირი: ბ.ლ. და  ა.დ. საფლავზე არსებული ნივთის მართლსაწინააღმდეგო დაუფლების ბრალდებით დააკავეს. გამოძიებით დადგინდა, რომ დაკავებულებმა სოფლებში - ჭოღაში, ნაფიჩხოვოში, კურზუსა და ქალაქ ჩხოროწყუში 10 საფლავი გაქურდეს. ბრალდებულები მართლსაწინააღმდეგოდ დაეუფლნენ საფლავების მესრების ლითონის დეტალებს, რომლებიც შემდეგ ქალაქ სენაკსა და ქალაქ ზუგდიდში მდებარე შავი და ფერადი ლითონების მიმღებ პუნქტებში ჩააბარეს. პოლიციამ ქალაქ სენაკში, ფერადი ლითონების მიმღები ერთ-ერთი პუნქტიდან, ნივთმტკიცების სახით ამოიღო საფლავებიდან მოპარული ლითონის ფირფიტები. ორივე დაკავებული ჩადენილ დანაშაულს აღიარებს. გამოძიება საქართველოს სისხლის სამართლის კოდექსის 258-ე მუხლით მიმდინარეობს, რაც საფლავზე არსებული ნივთის მართლსაწინააღმდეგო დაუფლებას ... ...
  • ფიქტიური გამოძახება ჩოხატაურის სახანძრო-სამაშველო სამსახურში ჩოხატაურში ამ დილით სახანძრო მანქანების გადაადგილება შეინიშნებოდა. აღნიშნულთან დაკავშირებით „გურია ნიუსი“ საგანგებო სიტუაციების მართვის სამსახურის პრესსამსახურს დაუკავშირდა. როგორც საგანგებო სიტუაციების მართვის სამსახურში გვითხრეს, გამოძახება ფიქტიური აღმოჩნდა. „მოქალაქეს ეგონა ხანძარი და დაგვირეკა. გამოძახება ფიქტიური აღმოჩნდა“,_ გვითხრეს საგანგებო სიტუაციების მართვის სამსახურში. ... ...

არქივი

ზაფრანი

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...