ოზურგეთის მერის მიერ პირად ანგარიშზე ჩარიცხული 41 473 ლარი _ "გურია ნიუსმა" სასამართლოს მიმართა

მთავარი თემა

ოზურგეთის მერის მიერ პირად ანგარიშზე ჩარიცხული 41 473 ლარი _ "გურია ნიუსმა" სასამართლოს მიმართა

2018 ნოე 2 10:45:17

ოზურგეთის მუნიციპალიტეტის მერის, კონსტანტინე შარაშენიძის სარეზერვო ფონდიდან, შარაშენიძის ბრძანებით, პირად ანგარიშზე 41 473 ლარია ჩარიცხული _ ამის შესახებ აღნიშნულია ბეჭდით და ხელმოწერით დადასტურებულ იმ წერილში, რომელიც „გურია ნიუსმა“ მერიისგან 30 ოქტომბერს მიიღო.

წერილი „გურია ნიუსის“ მიერ 8 ოქტომბერს, ოზურგეთის მუნიციპალიტეტის მერისთვის, კონსტანტინე შარაშენიძესთვის გაგზავნილი საჯარო ინფორმაციის მოთხოვნის პასუხია.

უფრო კონკრეტულად კი ჩვენ ვითხოვდით ინფორმაციას იმის თაობაზე, თუ კონკრეტულად რაში დაიხარჯა წარმომადგენლობითი ხარჯისთვის განკუთვნილი თანხები 2018 წლის 1 იანვრიდან დღემდე; წარმომადგენლობითი ხარჯისთვის განკუთვნილი თანხების დახარჯვასთან დაკავშირებული დოკუმენტაციას (ხელშეკრულებები, ანგარიშ-ფაქტურები, მიღება-ჩაბარების აქტები); სარეზერვო ფონდიდან თანხების დახარჯვასთან დაკავშირებული დოკუმენტაციას (ხელშეკრულებები, ანგარიშ-ფაქტურები, მიღება-ჩაბარების აქტები) და ინფორმაცის პრემიის/დანამატის გაცემის საფუძვლების შესახებ, კერძოდ, საჯარო სამსახურის შესახებ კანონის 58-ე მუხლით გათვალისწინებული რომელი საფუძვლით გაიცა სახელფასო დანამატი და ვისზე; ასევე, აღნიშნულ საკითხთან დაკავშირებით მიღებული სამართლებრივი აქტების (ბრძანებების) ასლებს.

ჩვენს კანონიერ მოთხოვნაზე, მერიიდან პასუხი კანონის მიერ დადგენილი ვადების დარღვევით, 30 ოქტომბერს, მას შემდეგ მივიღეთ, რაც დავინტერესდით, რატომ არ გვაძლევდნენ სრულად საჯარო ინფორმაციას.

წერილი, რომელიც ელექტრონულ ფოსტაზე მივიღეთ, 26 ოქტომბრით არის დათარიღებული და მასში არასრულყოფილი ინფორმაციაა.

ოზურგეთის მუნიციპალიტეტის მერიის ადმინისტრაციული, მონაწილეობითი დაგეგმვის და კომუნიკაციის სამსახურის მიერ მოწოდებული წერილის თანახმად მხოლოდ იმის გარკვევა შევძელით, რომ მუნიციპალიტეტის ბიუჯეტში წარმომადგენლობითი ხარჯებისთვის გამოყოფილი იყო 30 ათასი ლარი, რომლიდანაც 23.108 ათასი ლარი უკვე დახარჯული (ხარჯვის დამადასტურებელი დოკუმენტაცია და ჩამონათვალი მერიამ არ მოგვაწოდა).

წერილში, ასევე, წერია, რომ ოზურგეთის მუნიციპალიტეტის მერის სარეზერვო ფონდში მიმდინარე წელს 350 ათასი ლარია გამოყოფილი და აქედან 286 733 ათასი ლარი უკვე დახარჯულია.

თანდართული ცხრილის მიხედვით ირკვევა, რომ სარეზერვო ფონდიდან 300 ლარი დახარჯულია ოზურგეთის დრამატული თეატრის ცნობილი მსახიობის იური ჯიჯიეშვილის სახელის უკვდავსაყოფად მემორიალური დაფის გამოსაკრავად მის საცხოვრებელ სახლზე; 22 756 ლარი _ დაბა ნარუჯაში სტიქიის შედეგად დაზიანებული #5 ქუჩაზე #10 მრავალბინიანი საცხოვრებელი კორპუსის სახურავის სარეაბილიტაციო სამუშაოების დასაფინანსებლად; 406 ლარი _ სოციალურად შეჭირვებული ოჯახის ელექტროენერგიის დავალიანების გადასახდელად; 41 515 ლარი _ სააფთიაქო დაწესებულებებში გაცემული მედიკამენტებისთვის;

ოზურგეთის მუნიციპალიტეტის მერის სარეზერვო ფონდიდან 41 463 ლარია ჩარიცხული პირად ანგარიშზე.

ოფიციალურად მოწოდებულ დოკუმენტში გარკვევით წერია, რომ აღნიშნული თანხა პირად ანგარიშზეა ჩარიცხული და არა რამდენიმე პირის ანგარიშზე. ასევე, გაურკვეველია, ვის რატომ და რისთვის ჩაურიცხეს 41 473 ლარი.

ამავე წერილის თანახმად, სხვადასხვა სამედიცინო დაწესებულებებში მკურნალობის ხარჯების თანადაფინანსებითვის, მათ შორის, მუნიციპალიტეტის მერიის მიერ გაცემული საგარანტიო წერილისთვის დახარჯულია 156 881 ლარი; სარიტუალო ხარჯებისთვის 14 570 ლარი (ამ შემთხვევაშიც გაურკვეველი ეს თანხა ერთი პირის სარიტუალო ხარჯს შეადგენს თუ რამდენიმეს); უმაღლეს სასწავლებელში სწავლის თანადაფინანსებისთვის ოზურგეთის მერის სარეზერვო ფონდიდან დახარჯულია 5 875 ლარი; საქართველოს პირველი დემოკრატიული რესპუბლიკის დაარსებიდან 100 წლის იუბილესთან დაკავშირებით ვეტერან ქალთა დაჯილდოებისთვის _ 800 ლარი; ოზურგეთის მუნიციპალიტეტის ღვაწლმოსილი ადამიანებისთვის ბილეთების შეძენისთვის „ბლექსი არენაზე“ _ 2 157 ლარი.

მიღებული ოფიცალური წერილით ირკვევა, რომ ოზურგეთის მერიამ 2018 წლის ივნისში, აგვისტოსა და სექტემბერში 9 270 ლარის დანამატი გასცა.

მოწოდებული ცხრილი იმდენად უცნაურადაა გაკეთებული, რომ რთულია, გაარკვიო, რომელ სამსახურში და ვისზე გაიცა დანამატები. მერიამ არამარტო სახელები, არამედ თანამდებობები დაშტრიხა და სამსახურის დასახელების მოწერით თავი არ შეუწუხებია.

ამ უცნაური ცხრილში, გრაფაში _ სახელი და გვარი, სახელის და გვარის ნაცვლად წერია პირველ ეტაპზე განათლება. ამ განათლებისთვის კი ივნისში 1 400 ლარის ერთი, 550 ლარის მეორე და 500 ლარის მესამე დანამატია გაცემული.

სახელი და გვარით საფინანსო აგვისტოს თვეში დანამატი გაცემულია სამჯერ _ თითოეული 1 400 ლარის ოდენობით;

სახელი და გვარი _ „იურისტები“ _ მათზე აგვისტოში ორჯერ არის დანამატი გაცემული. ერთი _ 420, მეორე _ 330; ზუსტად იგივე ოდენობის თანხები იურისტებს სექტემბერშიც აქვთ მიღებული;

სახელით და გვარი _ „შიდა აუდიტი“ _ დანამატი გაცემულია სექტემბერში 700 ლარის ოდენობით;

სახელი და გვარი _ „სოციალური სამსახური“ _ სექტემბერში გაცემულია დანამატი 420 ლარის ოდენობით.

ის, რომ ინფორმაცია არასრულყოფილია და მოწოდებული ინფორმაციაშიც ბევრი გაურკვევლობაა, ადვილი შესამჩნევია და ამისთვის იურიდიული განათლება სულაც არაა საჭირო. იმის გარკვევას, თუ რატომ არ მოგვცეს სრულყოფილი ინფორმაცია და არ მოგვაწოდეს კანონით გათვალისწინებული დოკუმენტაცია, ორი დღის განმავლობაში უშედეგოდ ვცდილობდით.

როდესაც სიტუაციის გარკვევა მუნიციპალიტეტის მერიის პრესსამსახურთან ეკატერინე მგელაძესთან ვცადეთ, გვიპასუხა, რომ ეს საკითხი არ ეხებოდა და მზია გაგუასთან გადაგვამისამართა, რომელიც ოზურგეთის მერიაში საჯარო ინფორმაციის გაცემაზე პასუხისმგებელი პირია.

გაგუამ თავდაპირველად გვითხრა, ეს საკითხი არც მას არ ეხებოდა და გამოგვიგზავნა ის, რაც მოგვაწოდეს.

შემდგომში კი აღნიშნა, რომ მოთხოვნილი დოკუმენტები მხოლოდ და მხოლოდ იმ მიზეზით არ მოგვაწოდეს, რომ მსგავსი რამ მერიას პრაქტიკაში არ ჰქონია (?!) (გაგუასთან და მგელაძესთან გახორციელებული ზარების ჩანაწერები რედაქციაში ინახება).

არადა, 2018 წლის იანვარში, ოზურგეთის მერიიდან ჩვენ ხელშეკრულებებიც მივიღეთ და მიღება-ჩაბარების დოკუმენტებიც. სწორედ მაშინ აღმოვაჩინეთ, რომ ოზურგეთის მერს თანამდებობაზე მოსვლიდან რამდენიმე დღეში სიძისთვის 30 000 ლარი ჰქონდა ჩარიცხული; აპრილში, მერიის მიწერ მოწოდებული დოკუმენტებით გავარკვიეთ, რომ შარაშენიძემ ის სტუდენტები დააფინანსა, რომლებსაც კანონით დაფინანსება არ ეკუთვნოდათ და უფრო მეტიც _ ერთ-ერთ დაფინანსებულ სტუდენტს საერთოდ არასდროს უცხოვრია ოზურგეთში.

ჩვენ ოზურგეთის მერს, კონსტანტინე შარაშენიძესაც დავუკავშირდით და ვკითხეთ რატომ არ გვაწვდიდა სრულყოფილ საჯარო ინფორმაციას. თუმცა, მერმა კითხვის მოსმენისთანავე ტელეფონი გაგვითიშა, შემდეგ კი ზარებს აღარ უპასუხა. შესაბამისად, იმის გარკვევაც ვერ შევძელით, ვის და რატომ ჩაურიცხა პირად ანგარიშზე სარეზერვო ფონდიდან 41 473 ლარი.

ამ ყველაფრის შესაბამისად გაჩნდა ეჭვი, რომ ოზურგეთის მერიაში რაღაცას მალავენ _ წინააღმდეგ შემთხვევაში გაურკვეველია, რატომ არ გვაწვდიან საჯარო ინფორმაციას და რატომ არ პასუხობს კითხვებზე მერი.

ის, რომ საჯარო ინფორმაცია უნდა მოგვეღო და მერიამ კანონი დაარღვია, იურისტებმაც დაგვიდასტურეს.

შესაბამისად, სწორედ ახალგაზრდა იურისტთა ასოციაციის ოზურგეთის ოფისის მიერ მომზადებული განცხადებით მერიას ხელახლა, 1 ნოემბერს მივმართეთ და სრულყოფილი ინფორმაციის მოწოდება კიდევ ერთხელ მოვითხოვეთ.

მერიამ ამ კანონიერ მოთხოვნაზეც უარი გვითხრა და მოტივად პერსონალური მონაცემები დაასახელა(?!). არადა, პერსონალურ მონაცემთა დაცვის აპარატში გარკვევით გვითხრეს, რომ ინფორმაცია, რომელსაც ჩვენ ვითხოვდით, უნდა მიგვეღო და მერიას მხოლოდ პერსონალური მონაცემები უნდა დაეშტრიხა; ასევე, მათ ჰქონდათ ვალდებულება, მოეწოდებინათ იმ სამსახურის უფროსების სახელები და გვარები, რომლებმაც დანამატები მიიღეს.

რას გვიმალავენ ოზურგეთის მერიაში, ამის გარკვევას „გურია ნიუსი“ სასამართლოს მეშვეობით შეეცდება _ ჩვენ მერიის წინააღმდეგ, საჯარო ინფორმაციის მოწოდების მოთხოვნით სასამართლოს მივმართეთ.

გამოცემის ინტერესებს საქართველოს ახალგაზრდა იურისტთა ასოციაცია იცავს.

 




 ახალი ამბები
  • საოკუპაციო ხაზთან ოკუპანტებმა 17 წლის მოზარდი დააკავესგორის მუნიციპალიტეტის სოფელ კირბალთან, საოკუპაციო ხაზთან ოკუპანტებმა 17 წლის მოზარდი დააკავეს. ინფორმაცია საქართველოს პირველ არხს სახელმწიფო უსაფრთხოების სამსახურში დაუდასტურეს. როგორც უწყებაში განმარტეს, ამოქმედებულია ცხელი ხაზი, ინფორმირებულია ევროკავშირის სადამკვირვებლო მისია და მიმდინარეობს მოლაპარაკებები მოზარდის გასათავისუფლებლად. სოფლის გამგებლის, დავით ცერცვაძის განცხადებით, დაკავებულია ალექსანდრე შიუკაშვილი. მოზარდი თანასოფლელებთან ერთად იმყოფებოდა ტყეში, რომელიც საოკუპაციო ხაზს ესაზღვრება. ცერცვაძის თქმით, შიუკაშვილთან მყოფებმა გამოქცევა მოასწრეს. ... ...
  • პოლიციამ ოჯახში ძალადობისა და მეუღლის მიმართ მუქარის ბრალდებით ბათუმში 1 პირი დააკავაშინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1968 წელს დაბადებული კ.ა., ოჯახში ძალადობისა და ოჯახის წევრის მიმართ განხორციელებული მუქარის ბრალდებით, ბათუმში დააკავეს. დანაშაული 1-დან 3 წლამდე ვადით თავისუფლების აღკვეთას ითვალისწინებს. ჩატარებული საგამოძიებო მოქმედებების შედეგად დადგინდა, რომ ბრალდებულმა მეუღლეს - 1975 წელს დაბადებულ ხ.გ.-ს და არასრულწლოვან შვილს სხვადასხვა დროს სიტყვიერი და ფიზიკური შეურაცხყოფა მიაყენა. გამოძიებით ასევე დადგინდა, რომ ბრალდებული მეუღლეს სიცოცხლის მოსპობით დაემუქრა. ოჯახის წევრის მიმართ მუქარისა და ოჯახის წევრების მიმართ ჩადენილ ძალადობის ფაქტებზე გამოძიება საქართველოს სსკ-ის 151-ე მუხლის მე-2 ნაწილის "დ" ქვეპუნქტით, ასევე, სსკ-ის 126-ე პრიმა მუხლის 1-ლი ნაწილით და ამავე მუხლის მე-2 ნაწილის „ა“ ქვეპუნქტით ... ...
  • როდიდან დაიწყება პირველკლასელთა რეგისტრაცია სკოლებშიპირველკლასელთა რეგისტრაციის ვადები განისაზღვრა. განათლების, მეცნიერების, კულტურის და სპორტის სამინისტროს მიერ გავრცელებული ინფორმაციის თანახმად: „I ეტაპზე – 2020 წლის 2 მარტიდან 16 მარტის ჩათვლით რეგისტრაციის გავლა შეეძლება სპეციალური საგანმანათლებლო საჭიროების მქონე პირებს. I ეტაპზე დასარეგისტრირებელი ბავშვების მშობელები განცხადებით იმ საჯარო სკოლას მიმართავენ, სადაც შვილის შეყვანა სურთ. სკოლის ადმინისტრაცია კი, თავის მხრივ, ბავშვის რეგისტრაციას განათლების მართვის საინფორმაციო სისტემაში (EMIS) მოახდენს. სპეციალური საგანმანათლებლო საჭიროების დადასტურების მიზნით, მშობელი სკოლაში მინისტრის ბრძანებით დამტკიცებულ მიმართვის ფორმას შეავსებს. აღნიშნული ფორმა სკოლიდან სამინისტროს გაეგზავნება, რის შემდეგაც მშობელთან კომუნიკაციისა და შეთანხმების საფუძველზე, 17 მარტიდან 24 აპრილის ჩათვლით, მულტიდისციპლინური გუნდის მიერ ბავშვის შეფასება და მისი საგანმანათლებლო საჭიროების დადგენა მოხდება. მულტიდისციპლინური გუნდი შეფასების დასკვნას მშობელს და იმ სკოლას მიაწვდის, სადაც ბავშვი დარეგისტრირდა. საგანმანათლებლო საჭიროების დადასტურების შემთხვევაში, სკოლა მოსწავლის ჩარიცხვას შესაბამისი დოკუმენტაციის საფუძველზე უზრუნველყოფს. საგანმანათლებლო საჭიროების მქონე მოსწავლედ შესაძლოა ჩაითვალოს ბავშვი, რომელსაც აქვს: ა) ფიზიკური შეზღუდვა; ბ) ინტელექტუალური განვითარების დარღვევა; გ) სწავლის უნარის დარღევა; დ) სენსორული განვითარების დარღვევა (სმენის და/ან მხედველობის); ე) მეტყველების განვითარების დარღვევა; ვ) ქცევითი და ემოციური დარღვევა; ზ) გრძელვადიანი ჰოსპიტალიზაციის საჭიროება თ) სოციალური ფაქტორებით გამოწვეული სირთულეები სწავლაში, რის გამოც ვერ ძლევს ეროვნული სასწავლო გეგმის მოთხოვნებს; ი) აუტიზმის სპექტრის მქონე. იმ ბავშვების მშობლებს, რომლებსაც არ დაუდასტურდებათ სპეციალური საგანმანათლებლო საჭიროება, საშუალება ექნებათ ბავშვების რეგისტრაცია მომდევნო ეტაპებზე განახორციელონ. რეგისტრაციის II ეტაპი, 27 აპრილიდან 8 მაისის ჩათვლით იქნება შესაძლებელი და სკოლაში დარეგისტრირდებიან ის ბავშვები, რომელთა: და-ძმა სწავლობს ამ სკოლაში; მშობელი სკოლის თანამშრომელია; ოჯახიდან ერთდროულად ორი ან მეტი ბავშვი შედის პირველ კლასში. ამ ეტაპზე რეგისტრაცია ხორციელდება საჯარო სკოლებში მშობლის/კანონიერი წარმომადგენლის მიერ ჩასარიცხად აუცილებელი დოკუმენტაციის წარდგენის საფუძველზე. რეგისტრაციას უზრუნველყოფს საჯარო სკოლა.   III ეტაპი - საყოველთაო რეგისტრაცია - 13 მაისიდან დაიწყება და 5 ივნისის ჩათვლით გაგრძელდება. რეგისტრაცია განხორციელდება განათლები ს მართვის საინფორმაციო სისტემის ოფიციალურ ვებგვერდზე www.emis.ge. რეგისტრაციას უზრუნველყოფს მშობელი/კანონიერი წარმომადგენელი. ელექტრონულად რეგისტრირებული მოსწავლის ჩასარიცხად აუცილებელი დოკუმენტაციის წარდგენა 8 ივნისიდან 22 ივნისის ჩათვლით განხორციელდება. დადგენილ ვადებში დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება. IV ეტაპი 24 ივნისიდან 10 ივლისის ჩათვლით სკოლებში განხორციელდება. ამ ეტაპზე გამოთავისუფლებულ ვაკანტურ ან დარჩენილ თავისუფალ ადგილებზე იმ მოსწავლეების რეგისტრაცია მოხდება, რომლებიც ვერ დარეგისტრირდნენ I, II და III ეტაპებზე, ან სურთ რეგისტრაციის შეცვლა. მოსწავლის რეგისტრაციას მეოთხე ეტაპზე უზრუნველყოფს საჯარო სკოლა მშობლის/კანონიერი წარმომადგენლის მიერ წარდგენილი აუცილებელი დოკუმენტაციის საფუძველზე.  საქართველოს ზოგადსაგანმანათლებლო დაწესებულებაში მოსწავლის პირველ კლასში ჩასარიცხად წარსადგენი დოკუმენტების ნუსხა: მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას; მოსწავლის დაბადების მოწმობის ან პირადობის დამადასტურებელი დოკუმენტის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). სამინისტრო მშობლებს მოუწოდებს ყურადღებით გაეცნონ რეგისტრაციის ვადებს და პირობებს, რათა ბავშვის სკოლაში შეყვანა დროულად და შეუფერხებლად შეძლონ. 2020-2021 სასწავლო წლისთვის დარეგისტრირებას შეძლებენ ბავშვები, რომლებსაც 6 წელი 15 სექტემბრის ჩათვლით უსრულდება“,_ წერია სამინიტროს მიერ გავრცელებულ ... ...
  • „ამის გამო მოწევას არ მოვუმატოთ”_ გახდება თუ არა სიგარეტის ფასი 15 ლარისიგარეტის ფასის ზრდის შესახებ მედიაში გავრცელებულ ინფორმაციას, რომლის თანახმადაც სიგარეტი 15 ლარი უნდა გახდეს, ფინანსთა მინისტრის მოადგილე ლაშა ხუციშვილი  სოციალურ ქსელში ეხმიანება. ფინანსთა მინისტრის მოადგილის განმარტებით, 2022 წლამდე  არანაირი ცვლილება არ იგეგმება სიგარეტზე აქციზის განაკვეთთან დაკავშირებით. „ბოლო დღეებია (ერთი შეხედვით საეჭვო წყაროებიდან) სიგარეტის ფასთან დაკავშირებით ვრცელდება ინფორმაცია, რომელიც არის ამავე წყაროების მიერ ფაქტობრივი გარემოებების არასწორი ინტერპრეტაცია და თემის არასრული გაშუქება, რაც საბოლოოდ ამახინჯებს რეალურ სურათს. ჩამოვწეროთ მხოლოდ ფაქტები: 1. არავის უთქვამს რომ სიგარეტის ფასი ხვალ და ზეგ უნდა გახდეს 10 და 15 ლარი. ითქვა მხოლოდ ის, რომ საქართველოს აქვს საერთაშორისო ვალდებულებები სიგარეტის აქციზის განაკვეთთან დაკავშირებით. ეს უკანასკნელი უბრალოდ ფაქტია და ვისაც კითხვა არ ეზარება მარტივად გადამოწმებადია: https://matsne.gov.ge/ka/document/view/2496959?publication=0 2. არსებობს ევროკავშირის მიერ მიღებული დირექტივა თამბაქოს აქციზის განაკვეთების შესახებ, რომელიც აწესებს თამბაქოს პროდუქტებზე აქციზის მინიმალურ განაკვეთს, რომელიც სავალდებულოდ შესასრულებელია ევროკავშირის წევრი ყველა ქვეყნისათვის, ასევე იმ ქვეყნებისთვის, რომლებსაც აქვთ ევროკავშირთან გაფორმებული ასოცირების შეთანხმება. 3. საქართველოსთვის ამ ვალდებულების შესრულების ვადად თავდაპირველად განსაზღვრული იყო 2022 წელი (2014 + 8 წელი). 4. ბევრი ფაქტორის გათვალისწინებით (მათ შორის: რეგიონული კონტექსტი, არალეგალური ვაჭრობის რისკები და ა.შ.) 2018 წელს გაიმართა მოლაპარაკებები ევროკავშირთან და მიღწეული იქნა შეთანხმება, რომ ამ ვალდებულების შესრულება საქართველოსთვის გადაიწია 2026 წლამდე (2018 + 8 წელი). 5. დღეს, ანუ როცა ვალდებულების შესრულებისთვის განსაზღვრულ ვადამდე მინიმუმ 6 წელია დარჩენილი, მტკიცებით ფორმაში საუბარი იმაზე რომ სიგარეტის ფასი გახდება 10 და 15 ლარი, არის უბრალოდ სპეკულაცია და მეტი არაფერი. 6. 2022 წლამდე საუბარი იმაზე, რომ ამ ვალდებულების შესრულებისთვის ამჟამად განსაზღვრული ვადა რეალისტურია თუ არა, უბრალოდ ნაადრევია. შეიძლება ბევრს ჰქონდეს იმის განცდა, რომ საკითხი ისედაც ცხადია, მაგრამ ასეთი გადაწყვეტილებები მიიღება ხდება იმ კონკრეტულ მომენტში არსებული ფაქტობრივი გარემოებების შეფასების საფუძველზე და არა პროგნოზების და მითუმეტეს, მკითხაობის საფუძველზე. 7. მითუმეტეს, მაშინ როცა 2022 წლამდე საერთოდ არანაირი ცვლილება არ იგეგმება სიგარეტზე აქციზის განაკვეთთან დაკავშირებით, მხოლოდ იმის გამოტანა ნიუსად რომ საქართველოში სიგარეტზე აქციზის განაკვეთი ოდესღაც შეიძლება 5 ლარი გახდეს, მთლად ჯანმრთელად არ გამოიყურება. პ.ს. მწეველები – შეიძლება მშვიდად ვიყოთ და ამის გამო მოწევას არ მოვუმატოთ. ისინი ვინც არ ეწევიან და მხოლოდ საეჭვო წყაროებიდან წამოსული ნიუსების გავრცელებეთ ერთობიან – მინიმუმ კარგი იქნება თუ გართობასთან ერთად სიგარეტს ჯანმრთელობისათვის სასარგებლო პროდუქტად არ გამოაცხადებენ,“– წერს ლაშა ... ...
  • კორონავირუსი 12 წლის ლანჩხუთელი გიორგი ნაცვალაძის ნახატშიოზურგეთში მერაბ ბერძენიშვილის სახელობის თანამედროვე სახვითი ხელოვნების ცენტრში  მეცხრედ ჩატარებულ გამოფენა -კონკურსში ,,ზამთრის ვერნისაჟი“ არაერთმა ბავშვმა მიიღო მონაწილეობა. ლანჩხუთის მუნიციპალიტეტის #1 საჯარო სკოლის და სამხატვრო სკოლის მოსწავლე, გიორგი ნაცვალაძე, ჩინეთში გავრცელებულ კორონავირუსს ნახატით გამოეხმაურა. როგორც გიორგი ნაცვალაძის დედა, თეა გოგუაძე გვეუბნება, გიორგის სურვილი გაუჩნდა თანატოლების მიმართ თანადგომა გამოეხატა. „თემის აქტიურობის გამო, ვინაიდან ტელევიზია  განუწყვეტლივ აცხადებდა დაღუპულებისა და  დაინფიცირებული ადამიანების რაოდენობის შესახებ, სურვილი გაუჩნდა  თანადგომა გამოეხატა თანატოლების  მიმართ,”_ გვითხრა თეა გოგუაძემ. გიორგი ნაცვალაძე ამბობს, რომ ნახატი ასახავს სურვილს მთელი მსოფლიო ჩაერთოს ვირუსის საწინააღმდეგო ვაქცინის გამოსაგონებლად. “დავხატე   წვეთი , რომელიც შპრიციდან გადმოდის  და მასში მოქცეულია ჩინეთის რუკა. წვეთს აქვს მრგვალი ფორმა, რომლითაც მინდა მსოფლიო მოსახლეობა ჩაერთოს ვირუსის  საწინააღმდეგო  ვაქცინის  გამოგონებაში.  საკმარისია ერთი წვეთი მოსახლეობის გადასარჩენად”,_ აღნიშნა ჩვენთან საუბრის დროს გიორგი ნაცვალაძემ. გიორგი ნაცვალაძე წითელი ფერის კონტურით  მოუწოდებს, სიფრთხილე გამოიჩინონ ამ ვირუსის ... ...

არქივი

ზაფრანი

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...