ოზურგეთში H1N1-ით ქალბატონი გარდაიცვალა _ ექიმები მოსახლეობას აფრთხილებენ

მთავარი თემა

ოზურგეთში H1N1-ით ქალბატონი გარდაიცვალა _ ექიმები მოსახლეობას აფრთხილებენ

2019 იან 10 12:17:42

დანარჩენი საქართველოს მსგავსად, გრიპის ვირუსით დაავადებული ადამიანების რიცხვმა საგრძნობლად მოიმატა გურიაშიც.

ჩოხატაურში მდებარე შპს "ჯანმრთელობის სახლის" დირექტორის თემურ კოროშინაძის ინფორმაციით, ამ დროისთვის, კლინიკაში 10-ზე მეტი პაციენტია მოთავსებული გრიპის მაგვარი სიპტომებით.

_ მკვეთრად არის გაზრდილი მომართვიანობა, _ აღნიშნა ჩვენთან საუბრისას თემურ კოროშინაძემ.

ჩოხატაურის "მედალფას" საავადმყოფოს მენეჯერის ანტონ ხუნდაძის თქმით, აუცილებელია, რომ ადამიანებმა ვირუსის პირველი სიმპტომების აღმოჩენისთანავე ექიმს მიმართონ:

_ ამ დროისთვის ჩვენს კლინიკაში გრიპის მაგვარი სიპტომებით 15 პაციენტი მკურნალობს. აქედან, 5 ბავშვია. ეს ის კატეგორიაა, რომელიც გართულებებით შემოვიდა საავადმყოფოში. სამწუხაროდ, ადამიანების უმეტესობა ამ ვირუსს ზერელედ უყურებს და ექიმს გართულების შემდეგ აკითხავს, რაც დაუშვებელია. ყველას ვურჩევთ, პირველივე სიმპტომების გამოვლენის შემდეგ მიმართონ ოჯახის ან უბნის ექიმს და თვითმკურნალობა არ დაიწყონ, _ გვითხრა ანტონ ხუნდაძემ.

მიმართვიანობა გაზრდილია ლანჩხუთშიც _ კლინიკა "მედალფას" მენეჯერის რევაზ კვერენჩხილაძის თქმით, ამ ეტაპზე გრიპის სიპტომებით საავადმყოფოში არც ერთი პაციენტი არ ჰყავთ, თუმცა, ამბულატორიული მიმართვები მკვეთრად არის გაზრდილი. ვირუსის შემდგომი გართულებით პაციენტი არც ლანჩხუთის რეგიონული ჯანდაცვის ცენტრში ჰყავთ. ცენტრის წარმომადგენლის, ევგენი ჩიჩუას თქმით, სამშაბათს ორი პაციენტი ჰყავდათ ამბულატორიული მომართვიანობით, რომლებსაც "ტამიფლუ" დაენიშნათ და ბინაზე გადიან მკურნალობას.

ამ ეტაპზე გრიპის ვირუსის გართულებით 11 ადამიანი გადის მკურნალობას ოზურგეთის "მედალფას კლინიკაში, სადაც სამშაბათს, 83 წლის ქალბატონი ვირუსის შედეგად გარდაიცვალა.

"მედალფას" კლინიკური მენეჯერის, ექიმ-ინფექციონისტის, ქეთევან ღლონტის თქმით, გარდაცვლილ ქალბატონს გრიპთან ერთად სხვა დაავადებებიც ჰქონდა:

_ როდესაც ქვეყანაში ლაბორატორიულად დადასტურებულია თუნდაც რამდენიმე შემთხვევა H1N1-ის, ანალიზი აღარ კეთდება. როდესაც ექიმი კლინიკურად დასვამს გრიპის დიაგნოზს, ყველა ეს ვირუსია. გიდასტურებთ, რომ ქალბატონი გრიპის ვირუსის შედეგად გარდაიცვალა, მაგრამ მას ჰქონდა შაქრიანი დიაბეტი, გულის უკმარისობა და მომართვაც იყო დაგვიანებული. თუმცა, ეს არის ის რისკჯგუფი, სადაც, ადრე მომართვიანობის შემთხვევაშიც, შესაძლოა, დიდი ალბათობით, ლეტალური შედეგი დამდგარიყო, _ აღნიშნა ჩვენთან საუბრისას ქეთევან ღლონტმა.

მისივე ინფორმაციით, ოზურგეთში, მკვეთრად არის გაზრდილი ამბულატორიული მომართვიანობაც და ამ ეტაპზე კლების ტენდენცია არ შეიმჩნევა.

ექიმი ინფექციონისტი მოსახლეობას ურჩევს, რომ არ დაიწყონ თვითმკურნალობა და პირველი სიმპტომების აღმოჩენისთანვე მიმართონ ოჯახის ექიმს:

_ არსებობს ამის პროტოკოლი და გაიდლაინი, თუ როგორ უნდა მართონ პირველადი ჯანდაცვა, რაც იმას ნიშნავს, რომ უნდა მიმართონ ოჯახის ექიმს, რომელიც გადაწყვეტს, ესაჭიროება თუ არა პაციენტს საავადმყოფოში გადაყვანა. კიდევ ერთი მნიშვნელოვანი მომენტი _ პირდაპირ მითითებულია, რა კატეგორიამ უნდა მიიღოს პრეპარატი "ტამიფლუ" მიუხედავად დაავადების სიმძიმისა, თუნდაც, მსუბუქ შემთხვევაში _ ეს არიან ორსულები და ვადას არ აქვს მნიშვნელობა; ეს არიან ქრონიკული დაავადებების მქონე პაციენტები _ შაქრიანი დიაბეტით, გულის უკმარისობით, არტერიული ჰიპენტენზიით, სიმსივნით დაავადებული ადამიანები და ა. შ.

მინისტრის ბრძანებით, ოჯახის ექიმი ასეთ პაციენტებს უნიშნავს "ტამიფლუს", რომელიც "ფორმა 100"-ის საფუძველზე უფასოდ გადაეცემა ორსულებს, ქრონიკული დაავადების მქონე პაციენტებს, ბავშვებს და პენსიონერებს. მინდა გითხრათ, რომ ძალიან დიდი როლი აქვთ ოჯახის ექიმებს ამ დაავადების მართვაში, _ თქვა "გურია ნიუსთან" საუბრისას ქეთევან ღლონტმა.

ექიმ-ინფექციონისტის თქმით, დაუშვებელია მკურნალობა სოციალურ ქსელში ბოლო დროს აქტიურად გავრცელებული მეთოდებით _ წყალბადის ზეჟანგით, სოდით და ა. შ.

_ ეს არ არის მედიცინა. პოპულარულ ენაზე რომ გითხრათ, ეს არის ექიმბაშობა, რაც დაუშვებელია. მინდა მოსახლეობას ვუთხრა, რომ არ გამოიყენონ მგავსი მეთოდებით და აუცილებლად გაიკეთონ აცრები პრევენციისთვის. მიუხედავად იმისა, რომ ამ ეტაპზე ვირუსი ფართოდ არის გავრცელებული, ახლაც არის შესაძლებელი აცრების ჩატარება. თუმცა, გეტყვით იმასაც, რომ აცრის შემდეგ ორი კვირაა საჭირო იმუნიტეტის გამოსამუშავებლად. თუკი აცრას გაიკეთებთ, გრიპის ვირუსის მქონე ადამიანთან 2 კვირის განმავლობაში კონტაქტი არ უნდა გქონდეთ, წინააღმდეგ შემთხვევაში, მაინც რისკია. აქვე გეტყვით იმას, ორსულებმა აცრები ნებისმიერ შემთხვევაში უნდა ჩაიტარონ, _ აღნიშნავს ღლონტი.

როგორც "გურია ნიუსს" ჯანდაცვის სამინისტროში უთხრეს, პრეპარატი "ტამიფლუ" უკვე დარიგებულია ლანჩხუთის, ჩოხატაურის და ოზურგეთის საზოგადოებრივი ჯანდაცვის ცენტრებში, რომლებიც, პირველ რიგში, მიეწოდება ორსულებს, ბავშვებს, პენსიონერებს, სოციალურად დაუცველებს, სხვადასხვა ქრონიკული დაავადებებით ( დიაბეტი, გულ-სისხლძარღვთა, სასუნთქი სისტემის, ონკოლოგიური) დაავადებულ პირებს უფასოდ, ოჯახის ექიმის მიერ გაცემული სამედიცინო ფორმა-100-ის საფუძველზე.




 ახალი ამბები
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...
  • ოზურგეთში, ღია დიალოგის რეჟიმში, მოსახლეობასთან შეხვედრა გაიმართა (R)ღია დიალოგის რეჟიმში, ოზურგეთში მოსახლეობასთან შეხვედრა გაიმართა. გარემოს დაცვისა და სოფლის მეურნეობის მინისტრის მოადგილე იური ნოზაძე და გურიის მხარის რწმუნებული ზურაბ ნასარაია სოფელ ჯუმათის, ზვანის უბნისა და გრიბოედოვის ქუჩის მაცხოვრებლებს შეხვდნენ. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს. ადგილობრივებს ინფორმაცია დაგეგმილ ინფრასტრუქტურულ პროექტებზე, მუნიციპალურ და სოფლის მეურნეობის პროგრამებზე მიაწოდეს. მოსახლეობისთვის პრიორიტეტული სკვერის, წყალმომარაგების, კანალიზაციის სისტემის მოწყობის და შიდა საუბნო გზების მოწესრიგების საკითხია. აღინიშნა, რომ რამდენიმე საკითხი ეტაპობრივად მოგვარდება, დამუშავდება და სამოქმედო გეგმაში აისახება. შეხვედრებს ოზურგეთის მერი კონსტანტინე შარაშენიძე, საკრებულოს თავმჯდომარის მოადგილე გიორგი ღურჯუმელიძე და მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები ესწრებოდნენ. ... ...
  • გენერალურმა პროკურატურამ პატიმრების შეწყალების ფაქტზე გამოძიება დაიწყოსაქართველოს გენერალურმა პროკურატურამ პატიმრების შეწყალების ფაქტზე გამოძიება დაიწყო. პროკურატურის ინფორმაციით, გამოძიება სამსახურებრივი უფლებამოსილების შესაძლო ბოროტად გამოყენების ფაქტზე მიმდინარეობს. „საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე, დანაშაული გათვალისწინებული სსკ-ის 332-ე მუხლის 1-ლი ნაწილით. საზოგადოებას პერიოდულად მივაწვდით ინფორმაციას გამოძიების მიმდინარეობისა და შედეგების შესახებ“, _ ნათქვამია პროკურატურის ... ...
  • ანზორ ჩუბინიძე: ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონიასახელმწიფო დაცვის სპეციალური სამსახურის უფროსი ანზორ ჩუბინიძე 20 ივნისის მოვლენებთან დაკავშირებით გენერალურ პროკურატურაში დაიკითხა. როგორც ანზორ ჩუბინიძემ ჟურნალისტებთან საუბრისას განაცხადა, მან გამოძიებას ყველა კითხვაზე გასცა პასუხი. „20-21 ივნისის მოვლენებზე გამოვიკითხე და რაც მკითხეს, ვუპასუხე. რა დონეზე ვმონაწილეობდი, როგორ ვიყავით ჩართულები და პირადად ჩემთან ქონდათ გარკვეული კითხვები ჩემი მონაწილეობის შესახებ. მე ვარ სახელმწიფო დაცვის სპეციალური სამსახურის ხელმძღვანელი, პარლამენტის შენობა არის დაცვის სპეციალური სამსახურის დასაცავი ერთ-ერთი უმნიშვნელოვანესი ობიექტი და აქ კითხვა არაა, თუ რატომ ვიყავი იქ. მე მითითებებს გავცემდი მხოლოდ და მხოლოდ სდსს თანამშრომლებზე. რა თქმა უნდა, არ გავცემდი არანაირ ბრძანებას სროლაზე“, – განაცხადა ანზორ ჩუბინიძემ. ამასთან სახელმწიფო დაცვის სპეციალური სამსახურის უფროსის თქმით, ის პასუხისმეგებლობისგან გაქცევას არ აპირებს. ​ „რაც შეეხება იმას, რომ სდსს-ის თანამშრომლები იყვნენ განლაგებული პარლამენტის სხვადასხვა შესასვლელთან, ეს ასე იყო და იქნება, სანამ მე ვიქნები ხელმძღვანელი სდსს-ის. ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონია. არავინ გაექცევა პასუხისმგებლობას, მათ შორის არც მე, თუ დადგება ეს საკითხი. გამოძიება აუცილებლად მივა ბოლომდე და ყველა კითხვას პასუხი გაეცემა“, – განაცხადა ანზორ ჩუბინძემ. ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...