პრემიერის ვიზიტი გურიაში, კარს მიღმა დატოვებული ოზურგეთის მერი და დაუგეგმავი შეხვედრა "ოცნებაში"

მთავარი თემა

პრემიერის ვიზიტი გურიაში, კარს მიღმა დატოვებული ოზურგეთის მერი და დაუგეგმავი შეხვედრა "ოცნებაში"

2019 აპრ 8 13:51:01

_ კარგია, რომ ბუკისციხე-სურების გზის 6,5-კილომეტრიანი მონაკვეთის მოასფალტება ვადაზე ადრე დასრულდა. ამიტომ, მივიღე გადაწყვეტილება, რომ ის სამუშაოები, რომელიც მომავალ წელს უნდა გახორციელებულიყო, წელს გადმოვიტანო, _ ეს განცხადება საქართველოს პრემიერ-მინისტრმა მამუკა ბახტაძემ ჩოხატაურში სტუმრობისას გააკეთა.

მთავრობის მეთაურმა ბუკისციხე-ზემო სურების დამაკავშირებელი გზის სარეაბილიტაციო სამუშაოები, ინფრასტრუქტურის მინისტრთან მაია ცქიტიშვილთან და მთავრობის წევრებთან ერთად, გასულ პარასკევს დაათვალიერა.

პროექტი, რომლის ღირებულება 2,5 მილიონ ლარს აღემატება, თვის ბოლომდე დასრულდება. სამშენებლო სამუშაოებს, რომელზეც 38 ადამიანია დასაქმებული, საავტომობილო გზების დეპარტამენტი ახორციელებს და სამუშაოებს თეთრ სიაში მყოფი კომპანია "ნიუ როადი" ახორციელებს.

 პრემიერ-მინისტრმა აღნიშნა, რომ ბუკისციხე-ზემო სურების ადგილობრივი მნიშვნელობის გზის რეაბილიტაცია ხელს შეუწყობს ადგილობრივთა უსაფრთხო და კომფორტულ გადაადგილებას, სოფლების ერთმანეთთან და ადმინისტრაციულ ცენტრთან უკეთ დაკავშირებას, ასევე, რეგიონში ტურიზმის განვითარებას.

გზის სარეაბილიტაციო სამუშაოების დასრულების შემდეგ, მამუკა ბახტაძემ შუა სურების ახალი სკოლა გახსნა, სადაც მოსწავლეებსა და პედაგოგებს შეხვდა.

პრემიერი მათ განათლების რეფორმის შესახებ ესაუბრა და აღნიშნა, რომ მსგავსი თანამედროვე სტანდარტების სკოლები საქართველოს მასშტაბით აშენდება.

მთავრობის მეთაურმა სოფლის ისტორიის შესახებ სკოლის მოსწავლეების მიერ მომზადებული პრეზენტაცია მოისმინა და ბავშვებს, მათ პედაგოგებსა და მშობლებს მადლობა გადაუხადა. პრემიერის თქმით, მსგავსი ნიჭიერი ახალგაზრდების მაქსიმალური ხელშეწყობა და მათი ნიჭის რეალიზაციის შესაძლებლობების გაჩენა მთავრობისთვის პრიორიტეტულია.

ახალი სკოლა მცირეკონტიგენტიანი საჯარო სკოლების მშენებლობის პროექტის ფარგლებში აშენდა, რომელიც თანამედროვე ტიპის ზოგადსაგანმანათლებლო დაწესებულების სტანდარტების შესაბამისია.

მშენებლობისას გამოყენებულია თანამედროვე, ენერგოეფექტური და უსაფრთხო სამშენებლო მასალა. პროექტი მოიცავს სარეკრეაციო სივრცეს, სადაც განთავსებულია აქტივობების კუთხე, მცირე ბიბლიოთეკა და სამასწავლებლო. საჯარო სკოლა აღჭურვილია თანამედროვე ტექნიკით და ინვენტარით. სკოლა ადაპტირებულია სპეციალური საგანმანათლებლო საჭიროების მქონე ბავშვებისთვის.

"განათლების რეფორმა და ამ სფეროში ინვესტიციების გახორციელება არის ჩვენი მთავრობის მთავარი პრიორიტეტი. გურიაში რამდენიმე ახალი სკოლა შენდება. ამასთან ერთად, არის რესურსი გამოთავისუფლებული, იმისთვის, რომ გავაორმაგოთ სკოლებისა და საბავშვო ბაღების მშენებლობა. ჩემი ინტერესის საგანია ინტერნეტიზაციის პროექტი. გურიაში ჩვენ გვაქვს ადგილები, სადაც არის პრობლემა და ბუნებრივია, სკოლებისა და ბაღების განვითარების პარალელურად არის სურვილი, რომ ეს პროექტიც დავაჩქაროთ", _ განაცხადა მამუკა ბახტაძემ.

შუასურებიდან პრემიერმა ოზურგეთში, დაბა ნასაკირალის სკოლაში გადაინაცვლა და ადგილობრივებთან საუბრისას, ახალი, 600 მოსწავლეზე გათვლილი სკოლის მშენებლობა დაანონსა.

მამუკა ბახტაძის თქმით, მას შემდეგ, რაც ახალი სკოლა აშენდება, ძველი სკოლის ტერიტორიაზე ახალგაზრდული ცენტრი მოეწყობა. მთავრობის მეთაურმა მოსწავლეებთან საუბრისას ყურადღება გაამახვილა გადაწყვეტილებაზე, რომლის თანახმად, განათლების სფერო მთლიანი შიდა პროდუქტის 6%-ით, ანუ ბიუჯეტის მეოთხედით დაფინანსდება.

პრემიერის განცხადებით, განათლების ბიუჯეტი, რომელიც წელს 1,6 მილიარდ ლარს შეადგენს, ეტაპობრივად გაიზრდება, მომავალ წელს 2 მილიარდი, 2021 წელს _ 2,5 მილიარდი, ხოლო 2022 წელს _ 3,4 მილიარდი, ანუ მთლიანი შიდა პროდუქტის 6% იქნება.

მამუკა ბახტაძემ აღნიშნა, რომ მთავრობისთვის პრიორიტეტულია, ახალგაზრდებისთვის ისეთი სასწავლო გარემოს შექმნა, რომელიც მათ საკუთარი ნიჭისა და უნარების რეალიზებაში დაეხმარებათ, შესაბამისად, რეფორმა მოიცავს ხუთ დონეს _ სკოლამდელ განათლებას, სკოლებში საშუალო განათლებას, პროფესიულ განათლებას, უმაღლეს განათლებასა და მეცნიერებას.

პრემიერმა ადგილობრივებს, ასევე, მიაწოდა ინფორმაცია, რომ ქვეყნის მასშტაბით თანამედროვე სტანდარტების სკოლების აშენებას 7 მილიარდი ლარი დასჭირდება და სახელმწიფო ამ რესურსს აუცილებლად გამოყოფს, რათა ყველა რეგიონში იყოს ახალი და თანამედროვედ აღჭურვილი სკოლები.

მამუკა ბახტაძე სკოლის მიმდებარე ტერიტორიაზე შეკრებილ მოსახლეობასაც გაესაუბრა და მათი საჭიროებების შესახებ ინფორმაცია მოისმინა. ადგილობრივებმა ძირითად პრობლემად გაზიფიცირება და ინტერნეტიზაცია დაასახელეს, რაც მთავრობის მეთაურის დავალებით, უმოკლეს ვადებში უნდა გადაიჭრას.

ნასაკირალის შემდეგ დვაბზუ იყო, სადაც პრემიერმა და მთავრობის წევრებმა კომპანია new road-ის ასფალტ-ბეტონის ქარხანა მოინახულეს.

ქარხანა კავკასიაში ერთ-ერთი უნიკალური საწარმოა და აღჭურვილია ევროპული სტანდარტების უახლესი, გერმანული დანადგარებით.

საწარმოში პრემიერს მასპინძლობა კომპანიის დირექტორმა დავით ჟღენტმა გაუწია.

ქარხანა სახელმწიფო პროგრამის "აწარმოე საქართველოში" ფარგლებში დაფინანსდა და მისი საინვესტიციო ღირებულება 10 მილიონი ლარია, 44 ადამიანია დასაქმებული.

 შეხვედრა მედიისთვის დახურული იყო, თუმცა, ჩვენ შევძელით დაგვეფიქსირებინა, შეხვედრის კარს მიღმა დარჩენილი ოზურგეთის მერი კონსტანტინე შარაშენიძე, რომელიც მუშებთან ერთად, პრემიერის და მინისტრის გამოსვლას ელოდებოდა.

პრემიერმა ვიზიტი ქალაქ ოზურგეთში დაასრულა _ მან ჯერ ოზურგეთის ალექსანდრე წუწუნავას სახელობის დრამატული თეატრის სარეაბილიტაციო სამუშაოები დაათვალიერა, რომელსაც ფონდი "ქართუ" აფინანსებს 18 მილიონი ლარით და შემდეგ პროფესიულ კოლეჯ "ჰორიზონტს" ესტუმრა.

სახელმწიფო პროფესიული საგანმანათლებლო დაწესებულება "ჰორიზონტი" ტურიზმის, სოფლის მეურნეობის, მომსახურების სფეროს და საინჟინრო მიმართულების 18 პროფესიულ საგანმანათლებლო პროგრამას ახორციელებს, მათ შორისაა კულინარიის ხელოვნება, სამკერვალო წარმოება, ელექტრობა, გიდი, საინფორმაციო ტექნოლოგიები, კომპიუტერული ქსელების და სისტემების ტექნიკოსი, შემდუღებელი, ტრაქტორისტ-მემანქანე, სავალი ნაწილის ტექნიკოსი და ა. შ.

პროფესიული კოლეჯის დირექტორის ინფორმაციით, 2017-2018 წლებში, სასწავლებელს ჰყავდა 951 კურსდამთავრებული, რომელთა, დაახლოებით, 80% უკვე დასაქმებულია. კოლეჯის კურსდამთავრებულთა დამსაქმებლები არიან გურიისა და აჭარის რეგიონების სასტუმროები, რესტორნები, სამშენებლო კომპანიები, აგრარული მიმართულების საწარმოები, გურიის რეგიონის სატყეო სამმართველო და ა. შ.

მთავრობის მეთაურმა განათლების მასშტაბურ რეფორმაზე ისაუბრა, რომლის ერთ-ერთი უმნიშვნელოვანესი კომპონენტი პროფესიული განათლების განვითარების ხელშეწყობაა. მამუკა ბახტაძემ ხაზი გაუსვა პროფესიული სასწავლებლების მთელი ქვეყნის მასშტაბით ამოქმედების მნიშვნელობას, რათა ახალგაზრდები დაეუფლონ ყველაზე მოთხოვნად პროფესიებს, რაც სასწავლებლის დასრულებისთანავე მათი დასაქმების გარანტია იქნება.

პრემიერი ასევე გურიაში ტურიზმის განვითარების სტრატეგიას გაეცნო. დოკუმენტი ევროკავშირის საგრანტო კონკურსის გამარჯვებული პროექტის _ "მონაწილეობითი პრინციპები გურიის ტურიზმის განვითარების სტრატეგიისთვის" ფარგლებში შემუშავდა, რომელიც ევროკავშირმა 374 000 ევროს ოდენობის გრანტით დააფინანსა.

აღსანიშნავია, რომ ამ პრეზენტაციას ფოტო-გამოფენაც ახლდა. ორგანიზატორების თქმით, პროექტის ფარგლებში მომზადებული, თუმცა, წარმოდგენილი ფოტოების უმრავლესობა სულაც არ ასახავდა ევროკავშირის მიერ დაფინანსებულ ღონისძიებებს _ აქ იყო სს "წყალი მარგებლის" მიერ დაფინანსებული ბახმაროს დოღის ამსახველი ფოტო, ლელო ბურთის თამაშის ამსახველი ფოტო, კალანდობის ამსახველი ფოტო _ მარტივად რომ ვთქვათ, ღონისძიებები, რომელსაც პროექტთან კავშირი არ ჰქონდა და მათზე დაკრული ევროკავშირის მიერ დაფინანსებული პროექტის ლოგოები არაფერ შუაში იყო.

ჩვენს კითხვაზე, რატომ შეიყვანეს პრემიერი შეცდომაში და რატომ წარმოადგინეს ფოტოები, რომლებსაც პროექტთან კავშირი არ ჰქონდა და მათ შორის, რამდენიმე ფოტო სხვა ადამიანების მიერ იყო გადაღებული (ევროკავშირი საავტორო უფლებების დაცვას საკმაოდ დიდი ყურადღებას აქცევს. ავტ.) როექტის დირექტორმა, ნანა თავდუმაძემ აღნიშნა, რომ ასე არ იყო:

_ ეს ფოტოები პროექტის ფარგლებშია გადაღებული, _ გვითხრა თავდუმაძემ.

_ პროექტის ფარგლებში ბევრი საინტერესო ღონისძიება გაიმართა, თუმცა, აქ არ არის ამის ამსახველი ფოტო მასალა. პირიქით, წარმოდგენილი გაქვთ ფოტოები, რომლებსაც პროექტთან კავშირი არ აქვს და პრემიერთან ერთად დამთვალიერებელიც შეცდომაში შეგყავთ...

_ ყველა ეს ფოტო სწორედ ამ პროექტის ფარგლებშია გადაღებული.

_ ქალბატონო ნანა, ევროკავშირი საავტორო უფლებების დაცვას დიდი ყურადღებას ანიჭებს. თქვენ კი, მათ მიერ დაფინანსებული ღონისძიების ფარგლებში სხვისი ფოტოები, საავტორო უფლებების დაცვის დარღვევით გამოფინეთ... მაგალითად დოღის ფოტო, რომელიც "გურია ნიუსის" მიერ არის გადაღებული... ასევე, კალანდობის ამსახველი ფოტო, რომელიც სხვისი გადაღებულია, არც ლელოს ფოტოზე გაქვთ დაცული საავტორო უფლებები....

_ და რა იცით, რომ "გურია ნიუსის" ფოტოა? შეგიძლიათ დაამტკიცოთ?

_ ჩვენს გადაღებულ ფოტოებს ვცნობთ... თქვენ შეგიძლიათ საწინააღმდეგოს დამტკიცება? შეგიძლიათ დაზუსტებით გვითხრათ, რომ აქ წარმოდგენილი ფოტოების უმრავლესობა თქვენი პროექტის ფარგლებშია გადაღებული?

_ კი, ნამდვილად ასეა.

_ ევროკავშირმა დააფინანსა ლელო, კალანდობა, დოღი?

_ ეს ტურიზმთანაა კავშირში.

_ კავშირს კარგად ვხვდებით, მაგრამ თქვენ ამ ფოტოებს დააკარით პროექტის ლოგოები, რაც არ არის სწორი.

_ ეს ფოტოები პროექტის ფარგლებში გადაიღეს, _ "პირველ ჩვენებას" არ ცვლიდა თავდუმაძე, მიუხედავად იმისა, რომ ფაქტები სხვა რამეს ამტკიცებდა.

ამავე ღონისძიებაზე "გურია ნიუსის" კამერამ ერთი საინტერესო ფაქტი დააფიქსირა _ მაშინ, როცა პრემიერი ღონისძიების მონაწილეებს ესაუბრებოდა, ოზურგეთის მერი ჩაის სმითა და ჩირის ჭამით იყო გართული.

ჩვენი კითხვა, რომელ ეტიკეტში ჯდებოდა ეს საქციელი, კონსტანტინე შარაშენიძემ უპასუხოდ დატოვა.

თუმცა, როგორც გავარკვიეთ, უპასუხო კითხვები არ დაუტოვებია მამუკა ბახტაძეს "ქართული ოცნების" ოზურგეთის საოლქო ორგანიზაციაში სტუმრობისას.

მთავრობის მეთაური პარტიაში დაუგეგმავად, კამერების გარეშე მივიდა და საარჩევნო სამზადისში მყოფ აქტივს შეხვდა.

ჩვენი წყაროს თქმით, მმართველი პარტიის წევრებმა პრემიერს ოზურგეთში შექმნილ ვითარებაზე ვრცლად ესაუბრნენ; მათ შორის, საუბარი იყო, ოზურგეთის მერის მხრიდან "ოცნების" წევრების სამსახურებიდან გათავისუფლების, მათი დევნის შესახებ და "ნაციონალური მოძრაობის" წევრების და მათი მხარდაჭერების თანამდებობაზე დანიშვნის თაობაზე. საუბარი, ასევე, შეეხო გურიის ყოფილი გუბერნატორი, მერაბ ჭანუყვაძის თანამდებობიდან გათავისუფლებასაც.

ჩვენი წყაროს თქმით, "ქართული ოცნების" წევრებმა მთავრობის მეთაურს ჭანუყვაძის ავტორიტეტი და მმართველი პარტიისთვის მისი საჭიროება შეახსენეს. პარტიის ადგილობრივ აქტივს, პრემიერისთვის არც ის დარჩენია უთქმელი, რომ ოზურგეთში სტუმრობისას, ადგილობრივმა ხელმძღვანელობამ მისთვის "ნაცებს" ამასპინძლებინა.

ერთ-ერთ მაგალითად კი დაბა ნასაკირალში, პრემიერის გვერდით მყოფი "ნაციონალური მოძრაობის" დეპუტატი, ამავე პარტიის პოლიტსაბჭოს წევრი, ბესო ქათამაძე დაუსახელეს, რომელიც ვიზიტის დროს, პრემიერს გვერდიდან მართლაც არ მოშორებია და მისთვის არც ერთი კრიტიკული შეკითხვა არ დაუსვამს _ მარტივად რომ ვთქვათ, კარგი თანაგუნდელივით დაყვებოდა, რამაც კითხვები მხოლოდ პარტიის აქტივს არ გაუჩინა.

როგორც გვითხრეს, პრემიერმა "ქართული ოცნების" წევრებთან საუბრისას აღნიშნა, რომ სიტუაციას ფლობდა და აქტივს გვერდით დგომა აღუთქვა.

ამ შეხვედრის მონაწილეებმა ოფიციალური კომენტარები არ გააკეთეს და მხოლოდ ის აღნიშნეს, რომ ეს შიდაპარტიული, სამუშაო შეხვედრა იყო.

_ პრემიერ-მინისტრის ვიზიტი გურიაში და პროექტები, რომელზეც მან ისაუბრა, კიდევ ერთხელ ადასტურებს, რომ რეგიონების განვითარება ხელისუფლების პრიორიტეტია. "ქართული ოცნების" ოფისში მან ვიზიტი შეაჯამა და სამომავლო გეგმებზე ვისაუბრეთ, _ აღნიშნა ოზურგეთის საკრებულოს თავმჯდომარის მოადგილემ, გიორგი ღურჯუმელიძემ.




 ახალი ამბები
  • "ამასაც მოვესწარით _ ცერცვის და ყველის ფასი თითქმის გათანაბრდა!"ოზურგეთში, წინასააღდგომო ბაზრობა, გასულ წლებთან შედარებით, მეტი სიძვირით გამოირჩევა. აღდგომამდე ერთი კვირით ადრე, სხვადასხვა პროდუქტზე თუ ცოცხალ შინაურ ფრინველსა და ცხოველზე ფასები უკვე დილიდან საღამომდეც კი იცვლება და მაღლა იწევს. აგრარულ ბაზარში, სადაც შინაური ფრინველით და ცხოველით მოვაჭრეთათვის სპეციალური ფართია გამოყოფილი, გამყიდველთა უკმაყოფილება პიკს აღწევს. კითხვაზე, თუ რატომ და ვისზე ბრაზობენ ისინი, გამყიდველი ქალბატონები ამბობენ, რომ სოფლებიდან მოსული მეურნე ადამიანები ძალიან ძვირად ყიდიან კვერცხს, რძის ნაწარმს, შინაურ ფრინველს თუ ცხოველს, თვით ცერცვსაც კი. _ ასეთი რამ გაგიგიათ? დღეს, დილით ერთი კილოგრამი ცერცვი 5 ლარი ღირდა. ყველი კი _ 6 ლარი. შუადღისკენ ყველის ფასი კიდევ აიწია ერთი ლარით. ცერცვის ფასიც მოიმატებს, ალბათ. ამასაც მოვესწარით, ცერცვის და ყველის ფასი, თითქმის, გათანაბრდა. ასეთი არაფერი გვახსოვს, _ ამბობენ ისინი. ოზურგეთის ბაზარში ახლა ინდაურს, რომელიც ათ კილოგრამს იწონის, ას ლარს აფასებენ. ახალი ქათამი _ 25 ლარი, ხოლო შედარებით დიდი, რასაც ძველ დედალს ეძახიან _ 35-40 ლარი ღირს. ერთი კილოგრამი ყველი აქამდე ექვსი ლარი ღირდა, 19 აპრილისთვის კი უკვე შვიდი ლარი გახდა და ვარაუდობენ, რომ აღდგომამდე დარჩენილ ერთ კვირაში საკმაოდ მოიმატებს. ერთი კილოგრამი ცოცხალი გოჭის ფასი 9-10 ლარია. ხორცი 15 ლარი ღირს. ყველაზე აუცილებელი სააღდგომო ატრიბუტის _ კვერცხის ფასი 50 თეთრია. _ შინაური, სახლის ქათმის კვერცხის ფასი აუცილებლად მოიმატებს აღდგომამდე, რადგან შარშან ამ დროს ჩაბარება 35 თეთრი ღირდა. ახლა კი უკვე 45 თეთრად ვიბარებთ და რა აზრი აქვს 50 თეთრად გაყიდვას? შემთხვევით ორი ცალი რომ გაგიტყდეს, უკვე ზარალში ვარდები. ასეთი სიძვირე სოფლის ქათამსა და კვერცხზე, ბოლო წლებში არ მახსოვს, _ გვეუბნება ბაზარში მოვაჭრე თამუნა კინწურაშვილი. ბაზარში კი ყოველდღე ხალხმრავლობაა _ ადამიანები წინასწარ ყიდულობენ სადღესასწაულო სანოვაგეს და ცდილობენ, ცოტა უფრო იაფად შეიძინონ ესა თუ ის პროდუქტი. ამბობენ, რომ სოფლის ქათმის თუ კვერცხის ფასი იმიტომ კი არ აწეულა, რომ ზოგადად, ფასების ზრდა ხდება, არამედ, რაც დრო გადის, მით უფრო ცოტა ადამიანი მისდევს შინა მეურნეობას. წარსულში წარმატებული აგრონომი, ამჟამად პენსიონერი ელდარ თავაძე "გურია ნიუსთან" საუბრობს: _ რაც დრო გადის, სოფელში უფრო და უფრო ნაკლებ ოჯახს ჰყავს შინაური ცხოველი, ფრინველი. წელს, სამასკომლიან სოფელში ბევრს არ დაუთესავს სიმინდი. ეს უკუსვლის სტატისტიკა საგანგაშოა. ბუნებრივია, ფასების ზრდაც აქედან გამომდინარე ხდება და არა იმიტომ, რომ გლეხის შრომას ფასი დაედო. ყველას რომ ჰყავდეს შინ ფრინველი, ცხოველი, ჰქონდეს კვერცხი, რძე, ყველი, იქნება სიძვირე? ჯობს, იაფი იყოს და ყველას ჰქონდეს. მე რომ მკითხო, ხელისუფლება უნდა სწავლობდეს ამ სტატისტიკას. დავცინით კომუნისტებს, მაგრამ მათ ასეთი რამ ყურადღების მიღმა არ რჩებოდათ. ერთსაც გირჩევთ, თუ არ მიწყენთ _ შეისწავლეთ ჟურნალისტებმა რამდენიმე სოფელი, გააკეთეთ სტატისტიკა. ნახავთ, რაოდენ ნელა, მაგრამ შესამჩნევად, თავს ანებებს ხალხი შინამეურნეობას, ყანას... სულ თუ ვიწუწუნეთ, სხვა არაფერს გაგვიკეთებს. რის საშუალებაც არის, ბევრი იმასაც არ აკეთებს. სიმინდი როგორ არ უნდა დათესო? ერთი ტარო 200 მარცვალს გაძლევს. მოსავალი რომ მიიღო, 10-15 დღე მუშაობა სჭირდება. არ გვინდა? მომავალ აღდგომას სამი ლარი ეღირება კილოგრამი ფქვილი, ქათამი კი, ალბათ, _ 40-50 ლარი, საყანე ფართობები აქვს ხალხს და უმრავლესობამ ტყედ გაუშვა, _ გვითხრა ელდარ თავაძემ და კიდევ ერთხელ შეგვახსენა, თუ მომავალი წლის აღდგომამდე ფასები ისევ გაიზარდა, ეს ქვეყნის უკუსვლას ნიშნავს. რაც შეეხება ბოსტნეულს, ოზურგეთის ბაზარში მწვანილეული შედარებით იაფია. თუმცა, აგრარული კულტურებიდან, ცერცვის შემდეგ, კომბოსტოს ფასია მაღალი _ ერთი კილოგრამი ორი ლარი ღირს, რაზეც, ასევე, გაკვირვებით საუბრობენ გამყიდველები და ამბობენ, რომ მსგავსი ფასი ბოლო წლების განმავლობაში არ ახსოვთ. ძვირია, ასევე, ბადრიჯანი _ ერთი კილოგრამი ოთხი ლარი ღირს, იგივე ფასი აქვს ბულგარულ წიწაკას. რაც შეეხება კვერცხის საღებავს, ბუნებრივი ენდრო, პატარა კონა ერთი ლარი ღირს. დაქუცმაცებული სახით კი ერთ ჭიქასაც ერთ ლარად ... ...
  • "ჰაერში გამოკიდებული ვასო"ოზურგეთის მუნიციპალიტეტის ოთხ სოფელში (დვაბზუ, ძიმითი, ლაითური და მერია) დღემდე არ არის დანიშნული მერის წარმომადგენელი. "გურია ნიუსი" ამის შესახებ რამდენჯერმე წერდა, რასაც თან ახლდა მერიიდან არაერთხელ მიღებული პასუხი, რომ უახლოეს მომავალში დაინიშნებოდა, თუმცა, დღემდე არც ერთ ამ სოფელში წარმომადგენელი დანიშნული არ არის. ახლახან, ოზურგეთის მუნიციპალიტეტის საკრებულოს მიერ გამართულ ღია კარის დღეზე, სოფელ დვაბზუს მცხოვრებმა ლია ღლონტმა ღიად განაცხადა, რომ სოფელში არ ნიშნავენ წარმომადგენელს და თუ ეს საკითხი მალე არ გადაწყდება, საპროტესტო აქციას მოაწყობენ და გზას გადაკეტავენ. _ რატომ არ დაინიშნა დღემდე დვაბზუში მერის წარმომადგენელი?! რა დავაშავეთ?! მოვალეობას ასრულებს ვასო ღლონტი _ არ გვინდა ეს ჰაერში გამოკიდებული ვასო. ჩვენ გვჭირდება ადგილზე გამგებელი, წარმომადგენელი, რომელსაც ვეტყვით ჩვენს გასაჭირს, მოგვისმენს და აქ არ ვიქნებით ყოველ წუთს სარბენი. დროზე დაგვინიშნონ დვაბზუში წარმომადგენელი, თორემ მოვაწყობთ საპროტესტო აქციას და გადავკეტავთ გზას, _ თქვა მაშინ სოფელ დვაბზუს მკვიდრმა ლიკა ღლონტმა. "გურია ნიუსი" ვასო ღლონტს ესაუბრა, რომელიც ახლა სოფელ დვაბზუში წარმომადგენლის ფუნქციას ითავსებს. _ ბატონო ვასო, თქვენ წინააღმდეგ თანასოფლელებმა პროტესტი გამოთქვეს. "გურია ნიუსთან" კერძო საუბარში ისინი ამბობენ, რომ ხშირად ხართ ალკოჰოლის ზემოქმედების ქვეშ:  "შვიდჯერ მარტო მძღოლის მართვის მოწმობა ჩამოართვეს. ასევე, არ აქვს უმაღლესი განათლება და ამიტომ, როგორც მუნიციპალიტეტის მერის ფავორიტმა, ვერ შეძლო წარმომადგენელი გამხდარიყო", _ ეს თქვენი თანასოფლელების სიტყვებია. რას იტყვით ამ ბრალდების შესახებ? _ დვაბზუს გამგეობაში კარი სულ ღიაა. ვინც მოდის, ყველას პასუხს ვცემ და ვეხმარები. ვინც მაგას ამბობს, არის ვიღაცისგან დაქოქილი, დააპროგრამეს და ათქმევინეს რაღაც. თუ დვაბზუს მოსახლეობა იტყვის, რომ მე არ ვუნდივარ, იმ დღესვე წავალ. ყველაზე ძალიან მე მინდა, რომ დაინიშნოს წარმომადგენელი. ორი კაცი უფრო მეტ საქმეს არ ვიზამთ?! _ უმაღლესი განათლება გაქვთ? _ მე ჩავაბარე, რა გამოცდაც იყო ჩასაბარებელი _ საკონკურსო და ვმუშაობ აგერ. შეთავსებით რომ ვარ, საქმე მეტი მაქვს საკეთებელი. პირადული თემაა, როცა ვიღაც ამბობს, რომ თითქოს, მე ვარ რამეში დამნაშავე. _ მართვის მოწმობა მართლა შვიდჯერ ჩამოგართვეს? _ მაგათ უყურებთ? მე აქ ყველას პატივს ვცემ. მარტო დვაბზუში კი არ არის დაუნიშნავი წარმომადგენელი, სხვა სოფლებშიც არის და ნელ-ნელა შეივსება ყველგან... მარტში, ოზურგეთის მუნიციპალიტეტის საკრებულოს სხდომაზე, სადაც მერიის სამსახურების ანგარიშები მოისმინეს, ადმინისტრაციული სამსახურის უფროსმა გიორგი ინწკირველმა აღნიშნა, რომ რამდენიმე სოფელში არ არის დანიშნული წარმომადგენელი: "ვფიქრობთ, ვსაუბრობთ, არის შეხვედრები, რომ დაინიშნონ..." _ თქვა მაშინ გოგი ინწკირველმა, რის პასუხადაც საკრებულოს აპარატის თანამშრომელმა გივი ყაზაიშვილმა ჩაილაპარაკა _ "ფიქრი მერის უფლებამოსილების გასვლამდე..." კითხვაზე, თუ როდის დაინიშნება დვაბზუში, ლაითურში, ძიმითსა და მერიაში მერის წარმომადგენლები, მუნიციპალიტეტის მერიის პრესსამსახურიდან, წინა პასუხების მსგავსი პასუხი მივიღეთ: "ახლო მომავალში დაიწყება საკონკურსო პროცედურა აღნიშნულ ოთხ სოფელში მერის წარმომადგენელთა ... ...
  • „მამუკა ბახტაძისა და კობახიძის შეცვლა გარდაუვალია“_ ვაჟა ბერიძე „ცვლილებების განხორციელება რომ აუცილებელია, აღნიშნულს შესახებ თავად ბიძინა ივანიშვილიც საპრეზიდენტო  არჩევნების პირველი ტურის შემდეგ საუბრობდა. მან დაპირება მისცა საზოგადოებას იმის შესახებ, რომ არა მარტო ყველაფერს საკუთარ სახელს დაარქმევდა, არამედ პირდაპირ მნიშვნელოვან საკადრო გადაადგილებებს განახორციელებდა. აღნიშნულს, ჯერჯერობით, ვერ ვხედავთ, არადა, კარგად უნდა გავაცნობიეროთ, რომ ხელისუფლების ყველა შტო, როგორც საკანონმდებლო, აღმასრულებელი, ისე სასამართლო  დასუსტდა. აქედან გამომდინარე, პირველი პირების დონზე საკადრო ცვლილებების განხორციელება სასიცოცხლოდ აუცილებელია. განსაკუთრებით ვგულისხმობ პრემიერ-მინისტრსა და პარლამენტის თავმჯდომარეს, რომლებიც პოზიტივზე მეტად, ნეგატივთან ასოცირდებიან“, _ აღნიშნა “გურია ნიუსთან“ პოლიტიკის ექსპერტმა ვაჟა ბერიძემ. მისივე განცხადებით, თანამდებობიდან მამუკა ბახტაძისა და ირაკლი კობახიძის გადაყენება გარდაუვალია. ექსპერტის აზრით, ერთადერთი კანდიდატი, რომელიც, შესაძლოა, პრემიერის თანამდებობაზე მოიაზრებოდეს, შს მინისტრი გიორგი გახარიაა. „პიროვნულად მამუკა ბახტაძისა და ირაკლი კობახიძის პროფესიონალიზმს, ინტელექტსა და გაწეულ საქმიანობას ვხედავ, მაგრამ მათი შეცვლა გარდაუვალია. პრემიერის პოსტზე გამოუცდელი პოლიტიკოსი არ უნდა დანიშნო, რაც საზოგადოების აბუჩად აგდებასა და აღნიშნული პიროვნების დაღუპვას ნიშნავს. პარლამენტის თავმჯდომარე პრინციპული და თანმიმდევრული ადამიანია, მაგრამ მას პოლიტიკური ადეკვატურობა აკლია. ამ ადამიანებისთვის უმჯობესია, რომ სხვა ადამიანებს თავის გამოჩენის საშუალება მისცენ. ერთადერთი კანდიდატი, რომელიც პრემიერად უნდა განვიხილოთ, ეს არის გიორგი გახარია, რომელსაც ბევრი შეცდომა დააშვებინეს, თუმცა, აღნიშნულის მიუხედავად, თავი ყოველთვის ღირსეულად უჭირავს“, _ აღნიშნა ბერიძემ. ჩვენ, ასევე, ექსპერტს ვკითხეთ, პოლიტიკაში, დაახლოებით, ორი თვის წინ დაბრუნებულმა  ირაკლი ღარიბაშვილმა, ამ დრომდე შეძლო თუ არა „ქართულ ოცნებაში“ არსებული მწვავე შიდაპარტიული პროცესების დალაგება. ექსპერტი მიიჩნევს, რომ მისმა დაბრუნებამ შიდაპარტიულ ცხოვრებაში არსებითი ძვრები ვერ მოახდინა. „პოლიტიკაში ღარიბაშვილის დაბრუნება კარგია, მაგრამ მისმა დაბრუნებამ შიდაპარტიულ ცხოვრებაში არსებითი ძვრები ვერ მოახდინა, რაც ძალიან სამწუხაროა. ამ ფონზე, საზოგადოების წარმომადგენლები 2020 წლის საპარლამენტო არჩევნებზე დავფიქრდებით და „ქართულ ოცნებას“ ან გავუშვებთ ხელისუფლებიდან ან თუ აზრი ექნება, კვლავ ხელისუფლებაში დავტოვებთ“_ აღნიშნა ... ...
  • სპეციალური პენიტენციური სამსახური, აღდგომის დღესასწაულთან დაკავშირებით, ამანათების მიღებას იწყებს (R) სპეციალური პენიტენციური სამსახურის დაქვემდებარებაში არსებული ყველა პენიტენციური დაწესებულება ბრალდებულების/მსჯავდებულებისთვის, აღდგომის დღესასწაულთან დაკავშირებით, ამანათების მიღებას იწყებს. პენიტენციურ დაწესებულებებში ამანათების მიღება 25-26 აპრილს დილის 9:00 საათიდან დაიწყება და 20:00 საათამდე გაგრძელდება. ხოლო შაბათს, 27 აპრილს, ამანათების მიღება 09:00 საათიდან 15:00 საათამდე იქნება შესაძლებელი. სპეციალური პენიტენციური სამსახური ამანათების მიღების პროცესის შეუფერხებლად წარმართვას უზრუნველყოფს, რისთვისაც მსჯავრდებულების/ბრალდებულების ახლობლებმა თან უნდა იქონიონ ID ბარათი, პასპორტი ან მართვის მოწმობა, რომელზეც მოქალაქის პირადი ნომერი არის დატანილი. ამანათის შეგზავნის უფლება აქვს მხოლოდ სრულწლოვან პირს. ასევე, ამანათის შიგთავსის განსაზღვრის მიზნებისათვის, სპეციალური პენიტენციური სამსახური შეახსენებს პატიმართა ოჯახებსა და ახლობლებს, რომ წელს, ყველა პატიმრისათვის „გუდვილი“-ს მიერ გადაცემული იქნება სააღდგომო პასკა და წითელი კვერცხები. „გუდვილი“-ს მიერ ყველა პენიტენციურ დაწესებულებაში მოცემული ძღვენის შეტანა დაიწყება მიმდინარე კვირის შაბათ დღეს. ... ...
  • მანანა ქოჩლაძე: “ჰიდროენერგეტიკული ობიექტები ვერანაირ სტანდარტს ვერ აკმაყოფილებენ“ „ძირითადი პრობლემა, რაც ჰესების მშენებლობასთან დაკავშირებით არსებობს, ეს არის მშენებლობის სწორად დაგეგმვის არარსებობა. დღეს საქართველოს თითქმის ყველა მდინარეზე ჰიდროელექტროსადგურების მშენებლობა ისეა დაგეგმილი, რომ მათი სიმძლავრეები ხელოვნურად არის განსაზღვრული. ქვეყანაში არსებული ჰიდროენერგეტიკული ობიექტები ვერანაირ სტანდარტს ვერ აკმაყოფილებენ“,_ აღნიშნავს “გურია ნიუსთან“ “მწვანე ალტერნატივის“ თავმჯდომარე მანანა ქოჩლაძე. რაც შეეხება ჰესის მშენებლობასთან დაკავშირებულ რეკომენდაციებს, ქოჩლაძე აცხადებს,  რომ პირველ ეტაპზე მდინარის წლის დინება კარგად უნდა იქნას შესწავლილი, რის შემდეგ შესაძლებელია, სწორად გავთვალოთ გარკვეულ ადგილზე რამდენი მეგავატიანი ჰესის მშენებლობა არის შესაძლებელი. „საქართველოში ჰესის მშენებლობა მხოლოდ იმ შემთხვევაში უნდა იყოს დასაშვები, თუ ის მდინარის ეკოსისტემას არ დააზიანებს. ჯერ მდინარის წლის დინება კარგად უნდა იქნას შესწავლილი, რის შემდეგ შესაძლებელია, სწორად გავთვალოთ, გარკვეულ ადგილზე რამდენი მეგავატიანი სადგურის მშენებლობა არის შესაძლებელი. საქართველოში პირიქით ხდება, ჯერ ინვესტორი კონკრეტული სიმძლავრის ჰიდროელექტროსადგურის მშენებლობის შესახებ მემორანდუმს აფორმებს, რის შემდეგ გარემოზე ზემოქმედების შეფასებების შესწავლა მიმდინარეობს, რაც დიდი პრობლემაა“. მისივე განცხადებით, აუცილებელია საქართველოში შეიქმნას ენერგეტიკის განვითარების გეგმა, რომელშიც აისახება ენერგეტიკის მხრივ  ქვეყანაში რა მოთხოვნილებები არსებობს. “აუცილებელია მოხდეს ენერგეტიკის განვითარების გეგმის შედგენა, რომელშიც მთლიანად აისახება საქართველოში ენერგეტიკის მხრივ რა მოთხოვნილებები არსებობს. ქვეყანაში ენერგეტიკის მოხმარება იზრდება, მაგრამ რის ხარჯზე?! ეს მაინც ხომ უნდა ვიცოდეთ?! სამინისტროს წარმომადგენლები ამტკიცებენ, რომ ენერგეტიკის განვითარების სტრატეგია არსებობს. ეს სტრატეგია 2016 წლის სექტემბერშია გამოქვეყნებული, რომელშიც ამ დრომდე ერთი სიტყვაც არ შეცვლილა და რაც ყველაზე მნიშვნელოვანია, აღნიშნული დამტკიცებული არ არის“, _ ამბობს ქოჩლაძე. “მწვანე ალტერნატივის“ თავმჯდომარე აღნიშნავს, რომ საქართველოში არსებული სტანდარტის მიხედვით, ჰესის მშენებლობის შემდეგ, მდინარეში 10% წყლის დარჩენა საკმარისია იმისთვის, რომ მდინარემ იფუნქციონიროს, რაც კრიტიკას ვერ უძლებს. „შესაბამისი სტრუქტურები გარკვეული ჰესის გარემოზე ზემოქმედების გეგმას შედგენის პროცესში მარტივად ამბობენ, რომ  მდინარეში 10% წყლის დარჩენა საკმარისია იმისთვის, რომ მდინარემ იფუნქციონიროს, რაც კრიტიკას ვერ უძლებს. უფრო მეტიც, ამერიკის შეერთებულ შტატებში არსებული სტანდარტის მიხედვით, თუ მდინარეში 30% ზე ნაკლებ წყალი დარჩება, ეს აპრიორი მათთვის არაობიექტური სტანდარტია. შესაბამისად, ამ მხრივ საქართველოში დიდი პრობლემა არსებობს“,_ აცხადებს ქოჩლაძე. ... ...

არქივი

ზაფრანი

თამაში თუ რეალობა...

ქალს შეუძლია, თავის შესახებ ყველაფერი...

„სასწრაფო” დიეტა

თუ გსურთ, მოკლე დროში კილოგრამების...

რაში ხარჯავს ქალი ყველაზე მეტ დროს ფუჭად?

რაში ხარჯავს ქალი ყველაზე მეტ...

სვით მაყვლის ფოთლების ჩაი

მაყვალი სამკურნალო მცენარეა. სამკურნალოდ გამოიყენება...

რა მოსწონთ ქალებს მამაკაცებში ცეკვის დროს

ცოტა ხნის წინ ბრიტანელმა სწავლულებმა...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...