"ყველაფერი კორონას ბრალია?!" _ ჟრიამულს მონატრებული ოზურგეთის კულტურის და დასვენების პარკი

მთავარი თემა

"ყველაფერი კორონას ბრალია?!" _ ჟრიამულს მონატრებული ოზურგეთის კულტურის და დასვენების პარკი

1 ოქტ. 2020, 14:50:48

ოზურგეთის კულტურისა და დასვენების პარკი ახალგაზრდობის ერთ-ერთი საუკეთესო თავშეყრის, საინტერესო ღონისძიებების და გართობის ცენტრალური ადგილი იყო.

პანდემიის მსოფლიო პრობლემად გამოცხადების შემდეგ, რიტმი აქაც შეჩერდა, თუმცა, ეს შეჩერება მხოლოდ ვირუსის გამოძახილი არ იყო _ აქტიური მოძრაობა, რატომღაც სრულ უმოქმედობაში გადავიდა ცალკეული მიმართულებების მხრივ.

გასულ წელს, ოზურგეთის მაჟორიტარი დეპუტატის, არჩილ თალაკვაძის მიერ, ოზურგეთში ორი პარკისა და ერთი სკვერის (სამკუთხა პარკი თეატრთან, 9 აპრილის ბაღი პოლიციასთან და კულტურის და დასვენების პარკი, რომელიც მოცულობით ორ ჰექტარ ფართობზეა განთავსებული) რეაბილიტაცია დაანონსდა.

ცნობილია, რომ მუნიციპალური განვითარების ფონდის მიერ, ზემოთ აღნიშნული სამივე პარკის რეაბილიტაციისთვის, საუბარი იყო სამი მილიონი ლარის გამოყოფაზე. თუმცა, მოგვიანებით, იმავე ფონდის მიერ, გაიყო ეს პროექტი და მხოლოდ სამკუთხა პარკის რეაბილიტაცია დაიგეგმა.

რაც შეეხება ახალგაზრდობისთვის ყველაზე მიმზიდველ და საინტერესო _ ოზურგეთის კულტურის და დასვენების პარკს, აქ უნდა გაკეთებულიყო ატრაქციონები, ამფითეატრი, ხოლო ადმინისტრაციული შენობისთვის განსაზღვრული კორპუსი თავიდან უნდა აშენებულიყო.

რა ხდება დღეისთვის? როგორც ოზურგეთელი ახალგაზრდები ამბობენ, მათ იმედი გაუცრუვდათ და, ჯერჯერობით, პასუხის სრულყოფილად გამცემი არავინაა.

კულტურის და დასვენების პარკი დღეისთვის სრულად რეაბილიტაციას საჭიროებს, პირველ რიგში, ეს ეხება განათების ქსელს, რომელსაც საერთო არაფერი აქვს სტანდარტულ განათებასთან _ პარკის უმეტესი ნაწილი მუდამ ჩაბნელებულია.

ამფითეატრი პარკში

რაც შეეხება მანქანებს, ატრაქციონებს, ცნობილ მატარებელს _ ყველაფერი მწყობრიდაანაა გამოსული. კერძოდ, ყველამ იცის, რომ ატრაქციონები, ისიც მეორადი, "ნაციონალური მოძრაობის" ხელისუფლებაში მოსვლისას დამონტაჟდა და მერე არ შეცვლილა. დიდი ხანია, შესაკეთებლადაა მატარებელი, ლიანდაგი ჟანგისფერია. ატრაქციონთა ნაწილი რეაბილიტაციას საერთოდ არ ექვემდებარება და ცალკე საკითხია, რომ ის ახლებით უნდა ჩანაცვლდეს.

აქ მხოლოდ მატარებლების ლიანდაგები დარჩა

რაც შეეხება ავტოდრომს, უნდა შეეძინათ ახალი მანქანები _ თითოეულის ღირებულება 250 ევროთი იყო განსაზღვრული.

როგორც "გურია ნიუსისთვის" გახდა ცნობილი, მუნიციპალური განვითარების ფონდმა არსებული პროექტი, რომლის მიხედვით სამი პარკის რეაბილიტაცია უნდა მომხდარიყო, ფაქტობრივად, გახლიჩა და დღეისთვის მხოლოდ სამკუთხა პარკის გაკეთება დაისახა მიზნად. ტენდერი უკვე ჩატარდა და ოზურგეთის სახელმწიფო თეატრის გვერდით მდებარე ამ პარკის სარეაბილიტაციო პროცესიც დაწყებულია. თავის მხრივ, ეს მისასალმებელი ფაქტია, მაგრამ გაცილებით ცუდი და საგანგაშოა კულტურის და დასვენების პარკის რეაბილიტაციის შეჩერება.

ჩვენთვის ცნობილია ისიც, რომ 2020 წლის დასაწყისში, მუნიციპალური განვითარების ფონდიდან, აღნიშნულ საკითხზე ინფორმაცია გამოითხოვა დემოკრატიული ჩართულობის ცენტრის ოზურგეთის ოფისის კოორდინატორმა, გიგი მახარაძემ.

"გურია ნიუსთან" საუბრისას გიგი მახარაძემ აღნიშნა, რომ მუნიციპალური განვითარების ფონდში მხოლოდ სამკუთხა პარკის რეაბილიტაციის შესახებ მისცეს დაზუსტებული პასუხი:

_ ჩვენ გვითხრეს, რომ დანარჩენ ორ პარკში, მათ შორის, კულტურისა და დასვენების პარკში, რეაბილიტაცია ჯერ არ იწყება და უფრო მეტიც _ ბიუჯეტში ჯერ თანხა არ არის არც გათვალისწინებული და არც მოძიებული. თუ რატომ შეჩერდა ამ პროექტის სრულად გახორციელება, მიზეზი, არსებული სიტუაციაც უნდა იყოს _ პანდემიას ვგულისხმობ. დაზუსტებით არ ვიცი, _ გვითხრა მახარაძემ.

მიუხედავად მსოფლიოში არსებული პანდემიის გამო გამკაცრებული რეგულაციების გარემოს შექმნისა, ინფრასტრუქტურული სამუშაოები, როგორც ვიცით, არსად შეჩერებულა. პირიქით, უდიდესი ინტერესი ღვივდება ყოველდღე მწვანე სივრცეების მიმართ. მათ შექმნასა და განვითარებაზე იწერება და დგება მრავალი პროექტი.

როგორც ოზურგეთის მერიაში ამბობენ, მუნიციპალური განვითარების ფონდმა დამოუკიდებლად გადაწყვიტა პროექტის გაყოფა. როგორც მერიაში გვითხრეს, ფაქტობრივად, მათ ადგილობრივი ხელისუფლებისთვის არც უკითხავთ, ისე გადაწყვიტეს, გაეყოთ პროექტი, მიზეზად კი პანდემიის პრობლემა დასახელდა.

როგორც გავარკვიეთ, პროექტი, რომლითაც თეატრის გვერდით მდებარე სამკუთხა პარკი უნდა რეაბილიტირდეს, მილიონ 700 ათასი ლარის ღირებულების სამუშაოებს მოიცავს. კულტურის და დასვენების პარკის რეაბილიტაციის საკითხი კი კვლავ პრობლემად რჩება, რაც უკვე დროს ვეღარ უძლებს და სასწრაფოდ მოსაგვარებელია.

საკითხის ირგვლივ ვესაუბრეთ ა(ა)იპ "მოსწავლე-ახალგაზრდობის და კულტურის ცენტრის" დირექტორს თამარ ნადირიძეს. სამწუხაროდ და ჩვენდა გასაკვირად, მან მოკლე გაგვცა:

_ ამ პროექტის შესახებ, დეპუტატის ბიუროში იკითხეთ, _ გვითხრა ნადირიძემ.

ნადირიძის ამგვარი პასუხის გამო გაკვირვების მიზეზი ისაა, რომ ოზურგეთის მუნიციპალიტეტის წინა მოწვევის საკრებულოში ყოფნისას, როგორც დეპუტატი, ყოველ საკითხზე ოპოზიციურ აზრებს აფიქსირებდა და არაერთხელ, პროტესტის ნიშნად, ხმაურით დაუტოვებია სხდომა. ჩვენ კი, ჟურნალისტები, ვერ ავუდიოდით მისი კომენტარების, საპროტესტო აზრების მოსმენას და ჩაწერას?! გვიკვირს, რომ ნადირიძე ახლა თითქმის მდუმარედაა და თავად არ სვამს საკითხს ახალგაზრდობის თავშეყრის ამ უპირველესი კერის მწყობრში ჩასაყენებლად!

ზაფხულის განმავლობაში, როცა პანდემიის მიუხედავად, მთელი მსოფლიო მწვანე სივრცეს ეტანებოდა, იმართებოდა ღონისძიებები, შესაძლებელი იყო თუ არა აღნიშნულ ა(აიპ)-ს, სადაც რამდენიმე ანსამბლი ფინანსდება ჩვენი ბიუჯეტიდან, გაემართა საზაფხულო კონცერტები? საინტერესოა, რაში იღებენ ადამიანები ხელფასებს და რატომ გაჩნდა ახალი ტერმინი _ "ახალგაზრდა პენსიონერები"?

"გურია ნიუსთან" საუბრისას, ბევრი რესპონდენტი, ვინც წუხს პარკის დღევანდელი მდგომარეობის გამო, აღნიშნავს, რომ თანამდებობაზე მყოფმა ყველა პირმა თავისი წილი პასუხისმგებლობა უნდა იტვირთოს საკითხის მოსაგვარებლად.

რა მდგომარეობაა დღეს ოზურგეთის კულტურის და დასვენების პარკში და ასრულებს თუ არა ის თავის ფუნქციას, ნაწილობრივ მაინც?

პარკის ტერიტორია ორ ჰექტარ ფართობს მოიცავს და ამ დროისთვის აქ ყველაზე ცოცხალი თავშეყრის ადგილი ერთია _ "ტენისის მაგიდის" ირგვლივ, სადაც გვიან ღამემდე ერთობიან ახალგაზრდები. უახლოეს წარსულში, ოზურგეთის მერიის კულტურის სამსახურის მიერ, აქ ეწყობოდა კინოჩვენებები, შემდეგ კი იმართებოდა დისკუსიები ამა თუ იმ კინოფილმის შესახებ. ასევე, ეწყობოდა "ზაფხულის საღამოები" აღნიშნული სამსახურის მიერ, თუმცა, ახლა ეს ყველაფერი შეჩერებულია.

როგორც ახალგაზრდები ამბობენ, სასწრაფოდ უნდა მოხდეს პარკის რეაბილიტაცია და ყველა უნდა ჩაერთოს ამ საქმეში _ დაწყებული მუნიციპალური განვითარების ფონდიდან, რათა პარკი არ დაემსგავსოს 90-იანი წლების შავ-თეთრ სამყაროს:

_ რაზეა საუბარი, როცა მატარებელი ექვსი თვეა, შესაკეთებლადაა წაღებული და რა უქნეს, არავინ იცის? ვის რად უნდა ეს უმოქმედო და უფუნქციო რელსები, რომელიც ყოველდღე იჟანგება? მართალია, აქ გაკეთდა წიგნების თარო, არის მწვანე საფარი, მაღალი სეგმენტის ნარგავები, მაგრამ ეს კმარა? აქ უნდა გაკეთდეს თანამედროვე ახალგაზრდული თავშეყრის ადგილი, სადაც სამკითხველოები, ტრენაჟორები, სპორტული ბაქნები, ატრაქციონები იქნება განთავსებული. ეს ჩვენი მოთხოვნაა! ყველაფერი კორონას ბრალი არაა და ნურც დავაბრალებთ, _ გვეუბნებიან ახალგაზრდები, რომლებიც ამჯერად ვინაობას არ ასახელებენ და აპირებენ, უახლოეს მომავალში, ერთად დაგეგმონ შეხვედრა აღნიშნული პრობლემის ირგვლივ, სადაც პერსონალურად ისაუბრებენ კონკრეტულ მწვავე პრობლემებზე და იმედოვნებენ, რომ დააჩქარებენ პარკის რეაბილიტაციის საქმეს.

"გურია ნიუსი" გააგრძელებს ამ მწვავე საკითხის გაშუქებას მანამ, ვიდრე ოზურგეთის კულტურისა და დასვენების პარკის სრული რეაბილიტაცია არ მოხდება.




 ახალი ამბები
  • როდის განაახლებს აღსაზრდელთა მიღებას ჩოხატაურის საბავშვო ბაღებიკითხვით _ როდის განაახლებს აღსაზრდელთა მიღებას ჩოხატაურის საბავშვო ბაღები, "გურია ნიუსს" უამრავი ადამიანი მიმართავს. აღნიშნულ კითხვაზე პასუხის მისაღებად ჩვენ საბავშვო ბაღების გაერთიანების დირექტორის მოადგილეს მარინა ცინცაძეს დავუკავშირდით. ცინცაძის თქმით, ამ დროისთვის უცნობია, როდის განახლდება ჩოხატაურის საბავშვო ბაღებში სააღმზრდელო პროცესი. როგორც "გურია ნიუსს" მარინა ცინცაძემ უთხრა, თანამშრომლებს რომლებიც იზოლაციაში იმყოფებოდნენ, სამსახურში გასვლა ხვალიდან შეეძლებათ. "ადმინისტრაციის თანამშრომლები, ვინც ვიყავით იზოლაციაში, ხვალ უნდა გავიდეთ სამსახურში და შემდეგ, მერიასთან შეთანხმებით, გადაწყდება, როგორ უნდა მოვიქცეთ", _  გვითხრა ცინცაძემ. როგორც მუნიციპალიტეტის მერიაში გვითხრეს, პასუხი იმის შესახებ, როდის განახლდება ჩოხატაურის საბავშვო ბაღებში აღსაზრდელთა მიღება ხვალ საღამოს გახდება ცნობილი. შეგახსენებთ, რომ საბავშო ბაღებში სააღმზრდელო პროცესი მას შემდეგ შეწყდა, რაც სკოლამდელი სააღმზრდელო დაწესებულება "მომავალის" დირექტორს კორონავირუსი დაუდასტურდა. ვირუსი დაუდასტურდა მის მეუღლესაც. ამ დროისთვისორივე მათგანი ქობულეთში, საავადმყოფოში არიან მოთავსებული და როგორც ჩვენთან საუბრისას ნინო ბარამიძემ აღნიშნა, მათი ჯანმრთელობის მდგომარეობა მძიმეა და რეანიმაციაში იმყოფებიან. დღეს კორონავირუსი ჩოხატაურში კიდევ 10 ადამიანს დაუდასტურდა, რითაც ინფიცირებულთა საერთო რიცხვი, მუნიციპალიტეტის მასშტაბით, 62-ამდე გაიზარდა. მათ შორის გამოჯანმრთელებულია 22 ... ...
  • ვინ არიან ლანჩხუთში მონაწილეობითი ბიუჯეტის პროექტის გამარჯვებულები ლანჩხუთში მონაწილეობითი ბიუჯეტის პროექტის გამარჯვებული იდეები გამოვლინდა და ამ  იდეების შესაბამისად, აკეთის ადმინისტრაციულ ერთეულში კულტურულ-მემკვიდრეობითი სივრცე მოეწყობა, ხოლო სუფსაში სამუსიკო სკოლის რეაბილიტაცია განხორციელდება. აკეთის თემში კულტურულ-მემკვიდრეობითი სივრცის მოწყობის იდეა მარიკა ბერიძესა და სალომე გეგიძეს ეკუთვნით. მათი ჩანაფიქრით, აიგება გურული ოდა სახლი, რომელიც „აკეთელების ღიღინის“ კუთხეს, პატარა ბიბლიოთეკას, სხვადასხვა დროს საქართველოს ერთიანობისთვის დაღუპული გმირებისა და გურული ტრადიციების კუთხეს, „კალანდას“ გააერთიანებს. იდეის ავტორების აზრით, ოდა არა მარტო მნიშვნელოვან კულტურულ, არამედ ტურისტულ ცენტრადაც იქცევა. სუფსის ადმინისტრაციულ ერთეულში სამუსიკო სკოლის რეაბილიტაცია კი  ნიკოლოზ ბერიძის იდეაა. მისი ინიციატივა სახურავის შეცვლას, გარე ფასადის მოხატვასა და სამუსიკო ინვენტარის შეძენას გულისხმობს. სკოლა სარგებელს მოუტანს იმ ახალგაზრდებს, რომლებიც ამ სამუსიკო სკოლაში სწავლობენ ან ისწავლიან. ცნობისთვის, ლანჩხუთის მუნიციპალიტეტში მონაწილეობითი ბიუჯეტის პროექტი დაიწყო სამი აგვისტოდან დაიწყო და ის ლანჩხუთის ნებისმიერ მაცხოვრებელს ადგილობრივი ბიუჯეტის დაგეგმვაში მონაწილეობის საშუალებას აძლევდა. მათ მხოლოდ კონკრეტული იდეა უნდა წარედგინათ, რომელიც გამარჯვების შემთხვევაში განხორციელდებოდა. მთავარ თემებად წელს განათლება, კულტურა, სპორტი და ახალგაზრდობა შეირჩა. სულ კონკურსში მოქალაქეებმა 47 ინიციატივა წარადგინეს. საბოლოოდ, ელექტრონულ კენჭისყრაზე ის 22 იდეა მოხვდა, რომლებიც 2021 წლის პრიორიტეტულ თემებს - მულტიფუნქციურ ბიბლიოთეკებს, სკვერებს, კულტურული კლუბების კეთილმოწყობას, სპორტულ სივრცეებსა და ღონისძიებებს ... ...
  • გიორგი სიორიძე: ხელისუფლებას გურია უბრალოდ არ აინტერესებს„გურიის რეგიონში მოზიდული პირდაპირი უცხოური ინვესტიციების თვალსაზრისით, წლებია გრძელდება მკვეთრად ნეგატიური ვითარება“, - ამის შესახებ სპეციალურ ბრიფინგზე განაცხადა გურიის საარჩევნო ოლქში პოლიტიკური გაერთიანება „ლელო საქართველოსთვის“ მაჟორიტარობის კანდიდატმა გიორგი სიორიძემ. მისი თქმით, 2020 წლის მეორე კვარტლის მონაცემების მიხედვით, დაფიქსირდა მიუღებელი და აღმაშფოთებელი ფაქტი -  პირდაპირი უცხოური  ინვესტიციების მოზიდვის თვალსაზრისით,  გურიას დაუფიქსირდა უარყოფითი მაჩვენებელი - მინუს 215 ათასი დოლარი. კიდევ უფრო მძიმეა ის, რომ გურია ერთადერთი რეგიონია საქართველოში, სადაც ეს მაჩვენებელი მინუსებშია. თავისთავად ფაქტი, პანდემიიდან გამომდინარე ვარდნის მიუხედავად, მაინც ყოვლად მიუღებელი და საგანგაშოა. რეალობა არის ის, რომ გურიის რეგიონი ყოველთვის მოკლებული იყო ყურადღებას ყველა ხელისუფლების მხრიდან. რიცხვები მეტყველებს ყველაფერზე. წინა წლების სტატისტიკის მიხედვით, რომელსაც, სხვათა შორის, გურიასთან მიმართებით, მხოლოდ 2016 წლიდან ითვლიან,  ყველაზე დიდი მაჩვენებელი დაფიქსირდა 2019 წელს და ეს რიცხვი იყო მილიონ 653 ათასი დოლარი. მანამდე, 2018 წელს იყო 301 ათასი დოლარი, 2017 წელს ერთ მილიონზე ოდნავ მეტი (1,084 მლნ) და 2016 წელს 553 ათასი დოლარი. ეს არის ძალიან დაბალი მონაცემი იმ ეკონომიკური პოტენციალის მქონე რეგიონისთვის, როგორიც არის გურია. ეს ნიშნავს, რომ ხელისფლების ინტერესში არ არის რეგიონის ეკონომიკური განვითარება. სხვაგავრად, წარმოუდგენელია, რომ გურიაში, რომელიც დახუნძლულია ზღვისა და მთის კურორტებით, სადაც იშვიათი სუბტროპიკული კულტურებისა და ჩაის წარმოების უნიკალური პირობებია, სადაც ეკოტურიზმის განვითარებისთვის იდეალური წინაპირობაა, ვერ შექმნა კეთილმყოფელი საინვესტიციო გარემო“, - აღნიშნა გიორგი სიორიძემ. მისი თქმით, „ლელოს“ ხელისუფლება რადიკალურად შეცვლის საინვესტიციო კლიმატს რეგიონში და ეს დაიწყება „ლელოს“ „მარშალის გეგმის“ თანმიმდევრული განხორციელების შედეგად. „ლელოს“ ხელისუფლებაში მოსვლის მეორე დღიდანვე ამომრჩეველი დაინახავს რადიკალურად განსხვავებულ მიდგომებს. „ლელო“ მოდის იმისთვის, რომ ემსახუროს ქვეყანას და არა ეპატრონოს მას. ჩვენ არჩევნების მეორე დღიდანვე დავიწყებთ „მარშალის გეგმით“ გაწერილ სამუშაოს. ერთად დავდებთ ლელოს საქართველოსთვის და ამ ბრძოლაში გურიაც ყოველთვის იტყვის თავის წონად სიტყვას, მათ შორის, პირდაპირი უცხოური ინვესტიციების მოზიდვის თვალსაზრისით“, - განაცხადა გიორგი სიორიძემ. ... ...
  • მაკა ჭყონია: „ოზურგეთის ბაღებში კვების პროდუქტებით ბავშვების მოწამვლა გამოირიცხა“ოზურგეთის მუნიციპალიტეტის საბავშვო ბაღებში,  ბავშვებში გავრცელებულმა ვირუსმა, რის გამოც ბევრ ბავშვს 11 სკოლამდელ დაწესებულებაში აღენიშნებოდა დიარეა, პირღებინება, საყოველთაო შეშფოთება გამოიწვია. საზოგადოებაში ეჭვი გაჩნდა კვების პროდუქტების მიმართ. „გურია ნიუსის“  ინფორმაციით, ეპიდემიოლოგები მუშაობდნენ და დასკვნაც დაიდო, რის შესახებაც უკვე ვწერდით. „გურია ნიუსი“ ამ დილით სკოლამდელი აღზრდის ცენტრის დირექტორს,  მაკა ჭყონიას კვლავ ესაუბრა, რადგან გუშინ მან გვითხრა, რომ  საღამოსთვის ეცოდინებოდა ლაბორატორიული დასკვნის შესახებ. სრული პასუხი ეცოდინებოდა. _ დაგიდასტურებთ მხოლოდ ერთს,  რომ ამ ფაქტის ირგვლივ, კვების პროდუქტები გამოირიცხა. მეტს ვერაფერს გეტყვით, რადგან ჩვენ ჯერ კიდევ საბოლოო დასკვნა არ მიგვიღია, _ გვითხრა მან.  ჩვენ, ასევე,  სეს-ის გურიის  რეგიონული სამსახურის უფროსს, მანანა ერქომაიშვილს ვთხოვეთ კომენტარი. _ გეტყვით, რომ საბოლოო დასკვნა ჯერ არ არის ცნობილი. კვლევები კვლავ   გრძელდება.  მას თავისი მეთოდოლოგია აქვს. რაც  აქამდე გაკეთდა, იმ კვლევების მიხედვით, საკვები პროდუქტებით მოწამვლა ნამდვილად გამოირიცხა. თუმცა, კვლევა გრძელდება და როცა გვექნებ პასუხი, გპირდებით, მაშინვე გაცნობებთ და გახდება საჯარო, _ გვითხრა ... ...
  • რას იწვევს კანაფის ყოველდღიური მოხმარებამარიხუანას, როგორც სამედიცინო მიზნით გამოყენება, ასევე, მოხმარება დღეს უფრო და უფრო ხშირად ხდება. მაუწყებლობა Wbsu მედიკოსებთან კონსულტირების შედეგად ავრცელებს ინფორმაციას იმის შესახებ, თუ რისი გამოწვევა შეუძლია კანაფის ყოველდღიურ მოხმარებას. თავდაპირველად მაუწყებლობა მარიხუანის გამოყენების დადებით მხარეებს ასახელებს. გავრცელებული ინფორმაციის მიხედვით, ის ტკივილსგან ათავისუფლებს. გერმანელმა მკვლევარებმა დაადგინეს, რომ მარიხუანაზე დამოკიდებული მედიკამენტების გამოყენებამ, სიმსივნით დაავადებულ ადამიანებში ტკივილი 50%-ით შეამცირა. მსგავსი ეფექტი აქვს პარკისონის დაავადების მქონე პაციენტებშიც. გარდა ამისა, მას შეუძლია შფოთვის შემცირება. არეგულირებს სისხლში შაქრის დონეს, ამცირებს ქოლესტეროლის დონეს, ამცირებს სხეულის მასის ინდექსს. რაც შეეხება მარიხუანას ყოველდღიური მოხმარების უარყოფით გავლენას, მედიკოსები ამტკიცებენ, რომ ადამიანს უვითარდება სურვილი მისი მოხმარების, რომ ისევ ის ეიფორია განიცადოს, რასაც მოწევა იწვევს და ამიტომ მასზე დამოკიდებული შეიძლება გახდეს. გარდა ამისა, ყოველდღიური მოხმარება კარდიოვასკულარულ რისკს ზრდის. ექიმები ამბობენ, რომ მარიხუანას მოხმარება იწვევს გულისცემის აჩქარებას, რაც საშიშია გულსისხლძარღვთა დაავადებების მქონე პირებისთვის. გავრცელებული ინფორმაციით, კანაფის ყოველდღიურ მოხმარებას ორიენტაციის უნარის დაკარგვის და აზროვნების, მეხსიერების დაქვეითება შეუძლია. მოქმედებს ტვინის განვითარებაზე. გარდა ამისა, იწვევს რესპირატორულ პრობლემებს, მაგალითად, ქრონიკულ ხველას და დეპრესიასაც ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ ყველაზე, ყველაზე...

იცი თუ არა გეოგრაფია

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...