რატომ არ ჩაიბარა ბიზნესმენის წერილი მერიის კანცელარიამ _ "მერმა ბაზრის წართმევა დამიანონსა"

მთავარი თემა

რატომ არ ჩაიბარა ბიზნესმენის წერილი მერიის კანცელარიამ _ "მერმა ბაზრის წართმევა დამიანონსა"

2018 აპრ 19 15:02:37

როგორც „გურია ნიუსს“ ექსკლუზიურად აცნობეს, დღეს, ოზურგეთის მუნიციპალიტეტის მერიის კანცელარიამ ბიზნესმენ ზურაბ გობრონიძის წერილი არ ჩაიბარა, რომლის ადრესატი ოზურგეთის ვიცე მერი ალექსანდრე სურგულაძე იყო.

კანცელარიაში ჩვენი წყარო ამბობს, რომ წერილი უცენზურო სიტყვებს შეიცავდა და მხოლოდ ეს გახდა იმის მიზეზი, რომ რეგისტრაციაში არ გატარდა.

ფაქტს „გურია ნიუსთან“ საუბრისას ადასტურებს ზურაბ გობრონიძე:

_ კი, ნამდვილად გავაგზავნე წერილი, რომელიც არც თუ ისე ზრდილობიანი ფორმით იყო დაწერილი და მასში უცენზურო სიტყვებით იყო პასუხი ბატონი ალექსანდრეს წერილზე, _ გვითხრა ზურაბ გობრონიძე.

გობრონიძის თქმით, სურგულაძემ მას წერილი, როგორც შპს „სოფლის ნობათის“ დირექტორს გაუგზავნა და მოსთხოვა, მისთვის წარედგინა შპს-ს მიერ, ოზურგეთში, გურიის ქუჩაზე მერიიდან იჯარით აღებულ მიწასა და მასზე დამაგრებული შენობა-ნაგებობებთან დაკავშირებული დოკუმენტაცია.

_ უფრო კონკრეტულად კი, მისივე სიტყვებით რომ გითხრათ, მოითხოვა ჩემს მიერ წარმოებული მასალები და ქვემოიჯარეების შესახებ არსებული ინფორმაცია. წერილის გაუმართაობაზე რომ არაფერი ვთქვათ, სურგულაძეს ისიც ვერ გაურკვევია, შპს-ს დირექტორი ვინ არის. მე იმ კომპანიის დამფუძნებელი ვარ და არა დირექტორი, როგორც ის წერილში მწერს. როგორც ჩანს ვიცემერს სახელმწიფო სამსახური საბავშვო ბაღი ჰგონია და სხვა რა უნდა გამეგზავნა პასუხად, თუ არა ის, რაც გავაგზავნე?! _ ამბობს გობრონიძე.

ბიზნესმენის თქმით, ოზურგეთის ვიცე-მერის წერილი ერთგვარი ზეწოლაა:

_ შპს „სოფლის ნობათს“ არანაირი ვალდებულება არ გააჩნია, რომ ოზურგეთის ვიცემერს კომპანიის მიერ წარმოებული მასალები წარუდგინოს. ასევე, მასაც არ აქვს უფლება მოითხოვოს ასეთი ტიპის დოკუმენტაცია. ამ საქმეს ჩვენს ქვეყანაში ასრულებს შესაბამისი მაკონტროლებელი სამსახურები.

შპს „სოფლის ნობათმა“ გაიმარჯვა აუქციონში და მას 35 წლის ვადით იჯარით გადაეცა ბაზარი. აღსანიშნავია, რომ თავისი არსებობის მანძილზე ის პირველად გახდა სახელმწიფოსთვის მომგებიანი და გამარჯვებული კომპანია პირნათლად იხდის ყველანაირ გადასახადს, როგორც ადგილობრივ, ასევე, ცენტრალურ ბიუჯეტში და სრულად შენარჩუნებულია ის პროფილი, როგორითაც ის არსებობდა.

ვფიქრობ, ჩვენ წინააღმდეგ დაწყებული კანონსაწინააღმდეგო კამპანია ბატონი კოტე შარაშენიძის უნაყოფო მცდელობაა იმისა, რომ შეცდომაში შეიყვანოს ბაზრის მოვაჭრეები, რომლებსაც უხვად ავსებდა საარჩევნო კამპანიის დროს ცრუ დაპირებებით, თორემ ძალიან კარგად იცოდა, რომ ბაზარი კერძო საკუთრებას წარმოადგენდა და მასზე ზემოქმედების არანაირი ბერკეტი არ გააჩნდა.

ერთადერთი რაც მან ნამდვილად შეძლო, მოახერხა რამდენიმე მოვაჭრის ანკესზე წამოგება, რომლებიც აცხადებენ, რომ მათ კოტესთან „დაალაგეს“ და გადასახადს არ გადაუხდიან ადმინისტრაციას. რაოდენ გასაკვირიც არ უნდა იყოს, მერი და მისი პირველი მოადგილე ბიზნესის ხელშეწყობის მაგივრად ყველაფერს აკეთებენ იმისთვის, როგორ „ააბუნტონ“ ბაზრის მოვაჭრეები და ხელი შეუშალონ მეწარმეს თავისი საქმიანობის გახორციელებაში, _ აღნიშნავს გობრონიძე.

მისივე თქმით, კონტანტინე შარაშენიძემ პირად საუბარში მას ბაზრის ჩამორთმევა კარგა ხნის წინ დაუანონსა:

_ მე და ოზურგეთის მერი შევხვდით ერთამენთს და მან პირდაპირ მითხრა, რომ ბაზარს წამართმევდა. ვფიქრობ, ამის მიზეზი ისაა, რომ არც მე და არც სხვა პარტნიორები ადგილობრივ არჩევნებში შარაშენიძის მხარდამჭერები არ გახლდით.

ეს კი მისთვის ყველაზე სერიოზული საბაბია და ყველასთვის კარგადაა ცნობილი, თუ როგორ დევნის ჩვენი „მეგობარი მერი“ სიორიძის მხარდამჭერებს სამსახურებსა თუ მის გარეთ, _ აღნიშნავს გობრონიძე.

ბიზნესმენი „გურია ნიუსთან“ საუბრისას ამბობს, რომ „თუკი ბატონი სურგულაძე შეძლებს და დაადგენს შპს-ს დირექტორის ვინაობას და წერილს სწორ მისამართზე გააგზავნის, პასუხსაც ადეკვატურს მიიღებს არსებული კანონმდებლობის შესაბამისად“:

_ აქვე მინდა გითხრათ, რომ თუკი ბიზნესზე ზეწოლის ერთი მსგავსი ფაქტი ისევ დაფიქსირდება, აუცილებლად მივმართავთ სამართალდამცავ ორგანოებს და იმედია, ისინი მიიღებენ შესაბამის ზომებს, _ აცხადებს გობრონიძე.

ოზურგეთის ვიცემერი ალექსანდრე სურგულაძე „გურია ნიუსთან“ საუბრისას ამბობს, რომ მერიააში წერილის შესვლის თაობაზე ინფორმაცია არ აქვს:

_ ჩემთვის არავის უთქვამს, რომ წერილი შემოიტანეს და არ ჩაიბარეს. რაც შეეხება ზურაბ გობრონიძეს, შესაძლოა, მოხდა შეცდომა და მე გავაგზავნე წერილი არასწორი დასახელებით. თუ შეცდომაა, აღიარებაც არ არის პრობლემა, _ გვითხრა სურგულაძემ.

მისივე თქმით, ბიზნესზე ზეწოლა არაფერ შუაშია და გობრონიძის „ფანტაზიებზე“ კომენტარის გაკეთება არ სურს:

_ მე მოვთხოვე მუნიციპალიტეტის მოიჯარე შპს-ს ის დოკუმენტაცია, რომლის მიხედვითაც მას ჰყავს ქვემოიჯარეები, რადგან ეს ყველაფერი მუნიციპალიტეტთან შეთანხმებით უნდა იყოს გახორციელებული. მხოლოდ და მხოლოდ ესაა და ცნობადობის დონეზე უნდა მქონდეს ეს ინფორმაცია, _ თქვა სურგულაძემ.

კითხვაზე, მოითხოვა თუ არა მსგავსი ტიპის ინფორმაცია მუნიციპალიტეტის სხვა მოიჯარეებიდან, სურგულაძემ თავდაპირველად გვიპასუხა, რომ ამას არსებითი მნიშვნელობა არ ჰქონდა, თუმცა, საუბრის ბოლოს გვითხრა, რომ ასეთი შემთხვევები არის, ოღონდ არ ახსოვს, რამდენი და არც ის ახსოვს ვისთან დააგზავნეს წერილები.

ჩვენ შევეცადეთ ამ თემაზე კონტანტინე შარაშენიძის კომენტარიც მოგვეპოვებინა, თუმცა, ოზურგეთის მერმა ტრადიცია არ დაარღვია და „გურია ნიუსის“ სატელეფონო ზარებს არ უპასუხა.

პ.ს. ამ თემამ იმდენად დიდი დაინტერესება გამოიწვია, რომ "გურია ნიუსმა" მერიის კანცელარიიდან, წყაროს მეშვეობით, გობრონიძის მიერ გაგზავნილი და არჩაბარებული წერილის ასლიც მოიპოვა, რომელსაც მასალას თან ვურთავთ.




 ახალი ამბები
  • 20 წლის ანა ნაცვლიშვილის მკვლელობის საქმეზე ბრალდებულს უვადო პატიმრობა მიესაჯა20 წლის ანა ნაცვლიშვილის მკვლელობის საქმეზე ბრალდებულ ლადო გრიგალაშვილს უვადო პატიმრობა მიესაჯა, – შესაბამისი გადაწყვეტილება თბილისის საქალაქო სასამართლოს მოსამართლემ დღეს გამოაცხადა. თბილისში, თემქაზე 20 წლის ანა ნაცვლიშვილი მიმდინარე წლის 22 თებერვალს მოკლეს. მკვლელობის ბრალდებით, ნაცვლიშვილის მეგობარი ლადო გრიგალაშვილი ... ...
  • 28 ნოემბერი დასვენების დღე იქნებაარჩევნების დღე – 28 ნოემბერი უქმე იქნება. ამის შესახებ ცენტრალური საარჩევნო კომისიის დღევანდელ სხდომაზე გახდა ცნობილი. საარჩევნო კოდექსის მეექვსე მუხლის მიხედვით, საპრეზიდენტო არჩევნების გარდა, ნებისმიერი არჩევნები შეიძლება ჩატარდეს კვირის ნებისმიერ დღეს. კანონმდებლობა ადგენს, რომ არჩევნების დღე უქმეა. საპრეზიდენტო არჩევნების შეზღუდვა მხოლოდ პირველ ტურს ეხება და პირდაპირაა მითითებული, რომ კენჭისყრის დღე უნდა იყოს კვირა. მეორე ტურთან დაკავშირებით კი მსგავსი ჩანაწერი არ არსებობს და საარჩევნო კოდექსში წერია, რომ მეორე ტური ინიშნება პირველი ტურის შედეგების ოფიციალური შეჯამებიდან ორი კვირის თავზე. საქართველოში საპრეზიდენტო არჩევნების მეორე ტური 28 ნოემბერს გაიმართება. ამის შესახებ ცენტრალურ საარჩევნო კომისიაში გამართულ სხდომაზე გახდა ცნობილი. სხდომაზე ცენტრალურმა საარჩევნო კომისიამ საპრეზიდენტო არჩევნების პირველი ტურის შედეგები ოფიციალურად შეაჯამა. ცესკო-ს თავმჯდომარემ თამარ ჟვანიამ ხელი მოაწერა შემაჯამებელ ოქმს და გამოსცა განკარგულება საპრეზიდენტო არჩევნების 28 ნოემბერს ჩატარების ... ...
  • თინა, მიტინგზე არ ხართ, ცესკო-ში ხართ _ თამარ ჟვანია თინა ბოკუჩავას "თინა, მიტინგზე არ ხართ, ცესკო-ში ხართ, მე მგონი, გესმით", – ასე მიმართა ცესკო-ს თავმჯდომარე თამარ ჟვანიამ თინა ბოკუჩავას, რომელიც ცენტრალურ საარჩევნო კომისიაში გამართულ სხდომაზე ლევან ბეჟაშვილის ნაცვლად დაბრუნდა და პოზიციის გამოსახატად ორი წუთი მოითხოვა. მანამდე, „ნაციონალური მოძრაობის“ წევრს ცესკო-ს თავმჯდომარემ სხდომა დაატოვებინა, რადგან შეხვედრის ოთახში უკვე იმყოფებოდა პარტიის ერთი წევრი ლევან ბეჟაშვილი. თამარ ჟვანიამ განმარტა, რომ პოლიტიკური პარტიიდან მხოლოდ ერთი წარმომადგენელი უნდა დასწრებოდა სხდომას. „თქვენ კი არ გაქვთ გადაწყვეტილება მიღებული, ივანიშვილსა და კალაძეს აქვთ გადაწყვეტილება მიღებული. ნუ ჩაყვებით ივანიშვილს ამ წაგებულ თამაშში. ვერ გადაარჩენთ სალომე ზურაბიშვილს“, – განაცხადა თინა ბოკუჩავამ. თამარ ჟვანიამ „ნაციონალური მოძრაობის“ წევრს მიმართა, რომ საკუთარი პოლიტიკური განცხადებების შემდეგ, რეგლამენტი დაეცვა. ამ ურთიერთდაპირისპირების შემდეგ, სხდომაზე კენჭი უყარეს ოპოზიციის ინიციატივას, რომ საკითხის განხილვა გადადებულიყო, თუმცა ამ ინიციატივას მხარი მხოლოდ „ნაციონალური მოძრაობისა“ და „ევროპული საქართველოს“ წევრებმა დაუჭირეს. ორი მომხრე, 10 წინააღმდეგი, საკითხის გადადება ჩავარდა და ოპოზიციამ სხდომა პროტესტის ნიშნად დატოვა. ოპოზიციური პარტიების წარმომადგენლები დღის წესრიგის პირველი საკითხის ამოღებას ითხოვდნენ.  ოპოზიცია ითხოვდა, რომ ცესკო-ს პირველი ტურის შედეგების შეჯამება 17 ნოემბრამდე გადაედო, რომ არჩევნების მეორე ტური შაბათ დღეს პირველ დეკემბერს ჩატარებულიყო ან 17-ში შედეგების შეჯამების შემდეგ, ოქმი მეორე დღეს გამოქვეყნებულიყო, რომ მეორე ტურის თარიღი 2 დეკემბერი ყოფილიყო. ცესკო-ს თავმჯდომარემ თამარ ჟვანიამ დღეს ხელი მოაწერა შემაჯამებელ ოქმს და გამოსცა განკარგულება საპრეზიდენტო არჩევნების 28 ნოემბერს ჩატარების თაობაზე. წყარო: ... ...
  • ინკლუზიური განათლების დაფინანსება 17 მილიონ ლარამდე გაიზრდება _ მარიამ ჯაშიგანათლების, მეცნიერებისა და კულტურის კომიტეტის თავმჯდომარემ, მარიამ ჯაშმა პარლამენტის პლენარულ სხდომაზე უმნიშვნელოვანეს სიახლედ დაასახელა ინკლუზიური განათლების კომპონენტის დაფინანსების ზრდა 5 მილიონიდან 17 მილიონ ლარამდე. „ეს გახლავთ სპეციალური საგანმანათლებლო საჭიროების მქონე ბავშვების მშობლებთან თანამშრომლობისა და ჩვენი ერთობლივი ძალისხმევის შედეგი", - აღნიშნა მარიამ ჯაშმა. მან ხაზგასმით აღნიშნა, რომ წლების მანძილზე გადაუჭრელი პრობლემა გადაჭრილია. „კანონში წელს მიღებული ცვლილებებით სპეც-პედაგოგები ხდებიან მასწავლებლის სქემის ნაწილი და მათი შრომის ანაზღაურების გასაუმჯობესებლად ფინანსური გარანტიებიც უკვე გათვალისწინებულია 2019 წლის ბიუჯეტში", - განაცხადა მარიამ ჯაშმა. „მისი მოსაზრებით, ინფრასტრუქტურულ ნაწილში დამატებითი ფინანსური სახსრების მობილიზებაა საჭირო ინკლუზიური თეატრების დასების მდგრადობისათვის. მისივე თქმით, საქართველოს უკვე აქვს კონკრეტული გამოცდილება, უნიკალური პროექტები, რომელიც შეიძლება გახდეს ინკლუზიური თეატრის ბრწყინვალე მაგალითები", - განაცხადა მარიამ ... ...
  • "სესხით ნაყიდ სახლში არც მთავრობა მაყენებს და არც სტიქია""ყველანაირი გასაჭირი ჩემ თავზე დაბრუნდა წისქვილის ქვასავით. მამისეული სახლიდან გვიან გადმოვედი ცალკე საცხოვრებლად, გავიყავით. ახლა სამოცი წლის ვარ. სესხით ვიყიდე ერთი სახლი, აქვე, ჩვენს სოფელში. იგი ძველი აშენებულია, თუმცა, სახურავი არაფრად ვარგა _ დაცრეცილი, დაგლეჯილი თუნუქია, ყველგან წყალი ჩამოდის. ოდნავ ქარი და წვიმა რომ არის, ოთახში არ შეისვლება. ახლა შემოსავლების სამსახური საგადასახადო მოთხოვნებს ზედიზედ მიგზავნის, საგადასახადო ვალდებულება გაქვს და ორმოცდათექვსმეტი ლარი გადაიხადეო. დღემდე ვიხდი სესხად აღებულ ფულს, რითაც ეს სახლი ვიყიდე. რომელს გავუმკლავდე _ სახლის საყიდლად აღებულ სესხს, ყოველ გაწვიმებაზე "ტაშტებით" სირბილს, მით უფრო, როცა სტიქია ძალზე მძლავრობს თუ გადასახადის მოთხოვნებს? მოკლედ, სესხით ნაყიდ სახლში არც მთავრობა მაყენებს და არც სტიქია", _ გვეუბნება ოზურგეთის მუნიციპალიტეტის სოფელ ბახვის მკვიდრი, გიორგი მჟავია. "გურია ნიუსი" გიორგი მჟავიას შინ ეწვია. მდგომარეობა მართლაც სავალალოა, რადგან ორსართულიან ძველ სახლს სახურავი გაცილებით ძველი და დაზიანებული აქვს. თუნუქის სახურავი ჟანგისგან ისეა დაცრეცილი, წყალი ყველგან ჟონავს და თითოეული ოთახის ჭერი და კედლები დაზიანებულია. _ რაც ჭურჭელი მაქვს, კი ხედავთ. ჯერ ამ სახლის საყიდლად აღებული სესხი არ გადამიხდია. სახლი რით გადავხურო? ყანა დავთესე, კიდეც გავთოხნე და შევწამლე, მაგრამ ახლავე გაჩვენებთ, როგორი სიმინდი მიყრია ნალიაში _ ფაროსანამ მაინც გამიოხრა. პირუტყვს თუ ვაჭმევ, თორემ ადამიანს არ ეჭმევა. ასეთ დღეში ვარ. არ მითხრათ, ახლა, ზარმაცი ხარო... _ გვეუბნება ის. კითხვაზე, მიმართა თუ არა ოზურგეთის მუნიციპალიტეტის მერიას, ავთანდილ მჟავია ამბობს, რომ წერილობით არ მიუმართავს. ერთხელ იყო და უთხრეს, რომ განცხადება უნდა დაეწერა. ოზურგეთის მუნიციპალიტეტის მერიის პრესსამსახურში "გურია ნიუსს" უთხრეს, რომ ავთანდილ მჟავიას განცხადება მერიაში არ შესულა და განმარტეს, რომ მან უნდა მიმართოს სოფლის ადმინისტრაციას წერილობით. შემდეგ განცხადება შემოვა მერიაში და განიხილავენ ინფრასტრუქტურის სამსახურში. რაც შეეხება საგადასახადო ვალდებულებას ქონების გადასახადზე, მჟავია მიიჩნევს, რომ მას არ უნდა ეკისრებოდეს ქონების გადასახადი, რადგან მისი ოჯახის წლიური შემოსავალი ორმოცი ათას ლარს არ შეადგენს. მჟავიას საკუთრებაშია ექვსას სამოცდაათი კვმ. საკარმიდამო ნაკვეთი, სადაც თხილის და ხეხილოვნების ნარგავები აქვს. ასევე ფლობს საყანე ფართობს.  ადვოკატი კახა ჩავლეშვილი განმარტავს, რომ საგადასახადო კოდექსის თანახმად, პრივატიზაციის შემდეგ, საკუთრებაში შეძენილ ქონებაზე არსებობს გადასახადი. ამას აქვს კანონის სახე. დანარჩენი, საკუთრების მეპატრონემ თავად უნდა გაარკვიოს. გიორგი მჟავიას, რატომღაც, დახმარების იმედი ყოველმხრივ გადაწურული აქვს, თუმცა, ის, როგორც თავად ამბობს, დღემდე არ მისულა ოფიციალური განცხადებით ხელისუფლებასთან და მხოლოდ ახლა დარწმუნდა, რომ მერიაში ოფიციალური განცხადება უნდა ... ...

არქივი

ზაფრანი

”პროფესიული გადაწვა”

ტერმინი ”პროფესიული გადაწვა” თავდაპირველად გამოიყენებოდა...

კავშირი ადამიანის ხასიათსა და ხელწერას შორის

ადამიანის ხელწერა ისეთივე უნიკალურია, როგორც...

როგორ ქმნიან მოლუსკები მარგალიტს

მოლუსკის მიერ, მარგალიტის შექმნის ტექნოლოგია,...

ყველაზე სახიფათო ობობა მსოფლიოში

„შავი ქვრივი“ ერთ-ერთი ყველაზე სახიფათო...

როგორ ვუმკურნალოთ სახლის პირობებში ხველას

ექიმები გვაძლევენ რამდენიმე რჩევას, რომელიც...

ზოდიაქოს რომელი ნიშნები დაწყვილდებიან 2019 წელს?

ვერძი და მშვილდოსანი _ ვერძსა...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნების მეორე ტურში?