რატომ გადაურიცხა ოზურგეთის მერმა საკუთარი სიძის ორგანიზაციას 30 000 ლარი

მთავარი თემა

რატომ გადაურიცხა ოზურგეთის მერმა საკუთარი სიძის ორგანიზაციას 30 000 ლარი

11 იან. 2018, 14:12:32

ოზურგეთის მუნიციპალიტეტის მერმა, კონსტანტინე შარაშენიძემ, გასული წლის 26 დეკემბერს, არჩევიდან ერთი თვის შემდეგ, საქართველოს ეროვნული ოლიმპიური კომიტეტის გურიის რეგიონალურ ორგანიზაციას, რომლის ხელმძღვანელი მისი სიძე, ლაშა ლომაძეა, 30 000 ლარი ჩაურიცხა.

თანხის ჩარიცხავს წინ უძღვის, ასევე, 26 დეკემბერს გამოცემული ბრძანება, რომელშიც ვკითხულობთ:

„საქართველოს ეროვნული ოლიმპიური კომიტეტის გურიის რეგიონალური ორგანიზაციის მიერ, შშმ კატეგორიის პირების სოციალური ფსიქოლოგიური რეაბილიტაციისა და საზოგადოებაში ინტეგრაციის უზრუნველყოფის ფარგლებში შედგენილი საგანმანათლებლო გამაჯანსაღებელი პროექტის თანადაფინანსების მიზნით, ოზურგეთის მუნიციპალიტეტის 2017 წლის ბიუჯეტით გათვალისწინებული (პროგრამული კოდი 04.02) ზოგადი განათლების ხელშეწყობის პროგრამიდან გამოიყოს 30 000 ლარი“.

ოზურგეთის მერიიდან გამოთხოვილი ოფიციალური დოკუმენტაციით ირკვევა, რომ ამ მომსახურებაზე ხელშეკრულება შარაშენიძეს და ლომაძეს შორის არ გაფორმებულია.

დადებულია შეთანხმება, რომლის თანახმადაც, ოზურგეთის მერი და მისი სიძე თანხმდებიან შემდეგზე:

„2017 წლის 2 აგვისტოს დადებულ #39 სუბსიდირების ხელშეკრულების მე-3 მუხლში შევიდეს ცვლილება და ჩამოყალიბდეს შემდეგი რედაქციით: სუბსიდიის ოდენობა შეადგენს 50 000 ლარს“.

 გასული წლის 2 აგვისტოს დადებულ ხელშეკრულება კი, როგორც აღმოჩნდა არა შშმ კატეგორიის პირების სოციალურ-ფსიქოლოგიურ რეაბილიტაციისა და საზოგადოებაში ინტეგრაციის  უზრუნველყოფას ითვალისწინებდა, არამედ „საქველმოქმედო ასოციაცია „გურიაში“ მყოფი შეზღუდული შესაძლებლობების მქონე პირების სრული კურსის რეაბილიტაციას“. კონკრეტული მომსახურება ხელშეკრულებაში გაწერილი არაა; წერია მხოლოდ ის, რომ სუბსიდიის თანხა გაიცემა ოზურგეთის მუნიციპალიტეტის საკრებულოს 2016 წლის 23 დეკემბრის #27 დადგენილებით გათვალისწინებული შეზღუდული შესაძლებლობების მქონე პირთა დახმარების პროგრამიდან (პროგრამული კოდი 06 02 11).

თუმცა, შარაშენიძისთვის 4 დეკემბერს გაგზავნილ მიმართვაში ლაშა ლომაძე წერს, რომ ახალი პროგრამაა დაწყებული:

„ბატონო კონსტანტინე, მოგეხსნებათ, რომ საქართველოს ეროვნული ოლიმპიური კომიტეტის გურიის რეგიონული ორგანიზაცია (ოლიმპიური სახლი) ფუნქციონირებს 2016 წლიდან. ოლიმპიური სახლი, გარდა უშვალო ფუნქციონალური დატვირთვისა ანხორციელებს სხვადასხვა სპორტულ, გამაჯანსაღებელ, სასწავლო სარეაბილიტაციო ჰუმანიტარულ პროექტებს შშმ პირთა, ტრამვირებული სპორტსმენთა და სოციალურად დაუცველთა მომსახურებას.

აღნიშნული სერვისის შეთავაზებლად ოლიმპიურ სახლს გააჩნია ყველა შესაბამისი პირობა კერძოდ: მაღალკვალიფიციური სპეციალისტები და მატერიალური ბაზა.

2017 წლის განმავლობაში ცენტრმა მომსახურება გაუწია ზემოთ აღნიშნული კატეგორიის მნიშვნელოვანი რაოდენობის ბენეჰიციალებს.

მიმდინარე წლის ნოემბრის თვიდან ბენეჰიციართა მოთხოვნით დავიწყეთ ახალი საგანმანათლებლო-გამაჯანსაღებელი პროექტის განხორციელება, რომლიც მიზნათ ისახავს შ.შ.მ კატეგორიის პირების სოციალური ფსიქოლოგიური რეაბილიტაციისა და საზოგადოებაში ინტეგრაციის უზრუნველყოფის თემა. აღნიშნული პროექტის განხორციელება კომიტეტმა დაიწყო თავისი სახსრებით, პროექტის სრულად განხორციელებისთვის საჭიროა თანადაფინანსების სახით გამოგვიყოთ 30 000 ლარი.

პროექტი იქნება გარდამავალი 2018 წელში და თქვენს მიერ საავანსოდ ჩამორიცხული თანხის ხარჯვის დამადასტურებელი პირველადი დოკუმენტები ჩვენს მიერ წარმოდგენილი იქნება ეტაპობრივად, გაწეული მომსახურების შესაბამისად“, _აღნიშნულია ლომაძის მიმართვაში (მიმართვის სტილი დაცულია ავტ.)

კონსტანტინე შარაშენიძე „გურია ნიუსთან“ საუბრისას ამბობს, რომ მან წინა ხელისუფლების დაწყებული საქმე გააგრძელა და  ნათესაობა თანხის გადარიცხვასთან კავშირში არ არის.

კითხვაზე, კონკრეტულად რა პროგრამაზეა საუბარი და რატომ გადაურიცხა წინასწარ თანხა სიძის ორგანიზაციას შარაშენიძე  ვერ გვპასუხობს:

_ ეს კითხეთ იმას, ვინც თანხა გადაურიცხა. რა პროგრამა აქვს, რატომ გადაერიცხა.

_ ოლიმპიურ კომიტეტთან  გვამისამართებთ?

_  ოლიმპიურ კომიტეტს რატომ უნდა ჰკითხოთ? ვინც გადაურიცხა, იმას ჰკითხეთ.

_ საფინანსო სამსახურს გულისხმობთ?

_ რანაირადაც არის გაკეთებული სხვა დროში, ისეა _  ჩემს პერიოდს დაემთხვა და რაა მერე?

_ ლაშა ლომაძე თქვენ გწერთ წერილს, რომელშიც აღნიშნულია, რომ ახალი პროგრამა დაიწყეს. შეთახმება დადებულია ძველ ხელშეკრულებაზე, რომელიც სხვა მომსახურებას გულისხმობს...

_ ეტყობა, თქვენ ძალიან გადარდებთ ეგ ამბავი და მიყევით ბოლომდე.

_ კითხვაზე პასუხს არ გაგვცემთ?

_ არ ვიცი და როგორ გითხრათ? ვიცი ის, რომ წესით და რიგით მაქვს ყველაფერი გაკეთებული. თქვენ ხართ ჩასაფრებული და რანაირად გითხრათ მეტი, _ ამბობს შარაშენიძე.

საქართველოს ეროვნული ოლიმპიური კომიტეტის გურიის რეგიონალური ორგანიზაციის თავმჯდომარე ლაშა ლომაძე ჩვენ მიერ ამ თემით დაინტერესებას იმით ხსნის, რომ მისი აზრით, „მხარე ვართ და ოზურგეთის განვითარება არ გვსურს“; საკუთარი სიტყვების დასტურად კი ის მოჰყავს, რომ ადგილობრივი ხელისუფლება მას თანხებს 7 წლის განმავლობაში ურიცხავდა და ამ დრომდე თემით არ დავინტერესებულვართ:

„საკვირველია, დღეს რატომ იწყებთ ამაზე საუბარს, როდესაც ამ თემაზე ადგილობრივ ხელისუფლებასთან 7 წელია ვთანამშრომლობთ?! ამ ხნის განმავლობაში ერთხელ გაგხსენებოდათ და დაგირეკათ“, _აღნიშნა ლომაძემ.

_ ბატონო ლაშა, თქვენს მიერ გაგზავნილ წერილებში წერია, რომ ოლიმპიური სახლი 2016 წლიდან ფუნქციონირებს და 7 წელია როგორ თანამშრომლობთ?

_ კი, ასეა.

_ მსგავსი დოკუმენტი არასდროს გვინახავს და შეგიძლიათ დაზუსტებით გვითხრათ, რომ 7 წლის განმავლობაში მუნიციპალიტეტის ბიუჯეტიდან თანხმებს წინასწარ გირიცხავდნენ?

_ კი, ასეა, რა თქმა უნდა. იყო შემთხვევები,  როცა წინასწარ მირიცხავდნენ, იყო შემთხვევები,  როცა ვაკეთებდით პროგრამებს და მერე. ეს ყველაფერი ურთიერთშეთანხმების საფუძველზე კეთდებოდა.

_ ყველა წერილში, რომელიც მუნიციპალიტეტის ხელმძღვანელებთან გაქვთ გაგზავნილი, წერთ, რომ ოლიმპიური სახლი 2016 წლიდან ფუნქციონირებს და მანამდე რომელი ორგანიზაციის ანგარიშზე გირიცხავდნენ თანხებს?

_ ამდენი ხნის განმავლობაში ერთი კითხვა არ გქონიათ და ახლა ტეხავთ ქარიშხალს  ჰაერში?!

_ ბატონო ლაშა, გეკითხებით, რისთვის გირიცხავდნენ თანხებს... მით უმეტეს, რომ თქვენი თქმით, 7 წლის განმავლობაში ხდებოდა მსგავსი რამ... აგვიხსენით, რატომ და სად გირიცხავდნენ ბიუჯეტიდან თანხებს...

 _ საქმეც ის არის, რომ ამდენ ხანს არ დაგაინტერესათ. იცით რა, არ ვფიქრობ რომ თქვენთან უნდა მქონდეს ამაზე საუბარი.  იმ ადამიანთან საუბარს, რომელიც არის მხარე და თავისი ქალაქის კეთილდღეობის არაფერი აინტერესებს, რა აზრი აქვს?!  არ ვაპირებ კომენტარების გაკეთებას.

_ და თქვენ არ ხართ მხარე, როცა სიმამრმა   30 000 ლარი ჩაგირიცხათ წინასწარ დასაბუთების გარეშე?

_ სანამ მაგას მოიკითხავთ, ნახეთ, რომ  60 და 70 000 ლარიც კი მაქვს ჩარიცხული. ჩემი არაფერი იყო არც ბატონი ბეგი და არც ბატონი მერაბი და მირიცხავდნენ.

_ ჩვენ ვიცით, რომ მხოლოდ 20 000 ლარი გაქვთ ჩარიცხული...

_ მე გავაკეთე უკვე კომენტარი. 7 წლის განმავლობაში მქონდა ყველანაირი შეხება ადგილობრივ ხელმძღვანელობასთან.

_ რომელი ორგანიზაციის სახელით?

_  ოლიმპიური კომიტეტის.

_  ეს თუ ასეა, წერილებში რატომ წერთ, რომ 2016 წლიდან ფუნქციონირებს თქვენი ორგანიზაცია...

_ თქვენი წერა და კითხვა ვისაც აინტერესებს, წეროს და იკითხოს იმან. მე  საერთოდ არ მაინტერესებს და ჩემთან მეორეჯერ აღარ დარეკოთ, _ გვითხრა ლომაძემ.

ქალაქ ოზურგეთის მერიის საფინასო სამსახურის ყოფილი უფროსი მარიკა ნაცვალაძე ჩვენთან საუბრისას ამბობს, რომ მისი მუშაობის განმავლობაში ლომაძის ორგანიზაციისთვის თანხა არასდროს ჩაურიცხავთ:

_ თანხა გადანარიცხი არ გაქვს, პროგრამაში არ გვქონია. რომც გვქონოდა, წინასწარი ჩარიცხვით მაინც ვერ ჩავრიცხავდით, _  აღნიშნა ჩვენთან საუბრისას ნაცვალაძემ.

ოზურგეთის მუნიციპალიტეტის გამგეობის საფინანსო სამსახურის ყოფილი უფროსი გია მამაკაიშვილი, რომელიც ახლა ოზურგეთის მუნიციპალიტეტის საფინანსო სამსახურს ხელმძღვანელობს, „გურია ნიუსთან“ საუბრისას ამბობს, რომ ლომაძეს თანხა მხოლოდ ერთხელ, აგვისტოში ჩაურიცხა, რომელიც ბიუჯეტში იყო გათვალისწინებული. მისივე თქმით, სხვა დროს ლომაძის ორგანიზაციისთვის თანხა არ გადარიცხულია:

_ აგვისტოშიც წინასწარ ჩავურიცხეთ და შემდეგ წარმოგვიდგინა იმ პირთა სია, რომლებმაც კურსი გაიარეს, _ ამბობს მამაკაიშვილი.

_ ბატონო გია, ლომაძის მიერ იმდროინდელი გამგებლის მერაბ ჭანუყვაძისთვის გაგზავნილ წერილში წერია, რომ რეაბილიტაციის კურსი 133 ბენეფიციარს უნდა გაევლო. თუმცა, ჩვენ მიერ ოფიციალურად მოთხოვნილ დოკუმენტაციაში აღნიშნულია, რომ კურსი 34 ბენეფიციარმა გაირა..

_  ხომ შეიძლება, რომ ერთი და იგივე ბენეფიციარს რამდენჯერმე გაევლო?!

_  ბატონო გია, „შეიძლებაზე“ რიცხავთ თანხებს?

_ ვიცით, ასე იყო და იმის გამო, რომ მათ წარმოადგინეს დოკუმენტაცია, დეკემბერში ისევ მივეცით წინასწარ თანხა 2 აგვისტოს ხელშეკრულების საფუძველზე. თანაც, რეაბილიტაციის კურსი სოფელში მცხოვრებმა სხვადასხვა კატეგორიის ადამიანმა გაიარა.

_ 2 აგვისტოს გაფორმებულ ხელშეკრულებაში გარკვევით წერია, რომ კურსი ასოციაცია „გურიის“ წევრებს უნდა გაევლოთ. ამავე დროს, გარკვევით არის მითითებული პროგრამის დასახელება. თუმცა, 26 დეკემბერს გადარიცხული თანხის დანიშნულება სხვა პროგრამისთვისაა განკუთვნილი და შარაშენიძის მიერ გამოგზავნილ წერილში ლომაძე გარკვევით წერს, რომ ახალი პროგრამაა დაწყებული. ახალ პროგრამაზე ძველი ხელშეკრულების გაგრძელება როგორ მოახდინეთ?

_ პროგრამა ერთი და იგივეა (?!) უბრალოდ, ახლა დაემატა უკეთესი პროცედურები, _ ამბობს მამაკაიშვილი.

მისივე თქმით, ოზურგეთის ყოფილ მერს ბეგლარ სიორიძეს და ლაშა ლომაძეს შორის სიტყვიერი შეთანხმებაც არსებობდა, რომლის თანახმადაც, ქალაქ ოზურგეთის ბიუჯეტიდან ლომაძის ორგანიზაცია თანხას მიიღებდა, თუმცა, როდიდან გახდა სიტყვიერი შეთახმება თანხის გადარიცხვის საფუძველი მამაკაიშვილი ვერ გვიხსნის და მხოლოდ იმას ამბობს, რომ კანონის დარღვევით არაფერი გაკეთებულა.

ოზურგეთის მუნიციპალიტეტის მერიის საფინანსო სამსახურის უფროსის მტკიცებით, დარღვევაა არც ისაა, რომ აღნიშნული საკითხი საკრებულოს გვერდის ავლით გადაწყდა. მით უმეტეს, რომ 2 აგვისტოს გაფორმებულ ხელშეკრულებაში მითითებულია  სხვა მუხლი, 26 დეკემბერს გამოცემულ ბრძანებაში კი მუხლი, რომელიც არ ითვალისწინებს მსგავსი პროგრამის დაფინანსებას.

მამაკაიშვილი განმარტავს, რომ გადარიცხული 30 000 ლარით შშმ პირები განათლებასაც მიიღებენ და, შესაბამისად, დარღვევაც არაფერია, რასაც არ ეთანხმებიან იურისტები _ თვითმმართველობის ექსპერტის, სამართალმცოდნე ლევან ალაფიშვილის თქმით, „აღმასრულებელი ორგანო თუ თანამდებობის პირი, უფლებამოსილია, განკარგოს მხოლოდ ის ხარჯები, რაც დამტკიცებულია შესაბამისი წლის ბიუჯეტში წარმომადგენლობითი ორგანოს მიერ“:

„გამონაკლისი დადგენილია საბიუჯეტო კოდექსით. პირველი _ ერთი საბიუჯეტო პრიორიტეტიდან სხვა პრიორიტეტზე თანხების გადანაწილება-გახარჯვა შეიძლება მხოლოდ წარმომადგენლობითი ორგანოს თანხმობით და წლიურ ბიუჯეტში ცვლილების შეტანით. მაგალითად, "კულტურა, რელიგია, ახალგაზრდული და სპორტული ღონისძიებების" პრიორიტეტიდან თანხების სრულად ან ნაწილობრივ "განათლების" პრიორიტეტზე გადანაწილება და გახარჯვა შესაძლებელია მხოლოდ მას შემდეგ რაც წარმომადგენლობითი ორგანო ცვლილებას შეიტანს წლიურ ბიუჯეტში.

ამ წესის დარღვევით თანხების გახარჯვა კანონდარღვევა იქნება.

 მეორე გამონაკლისი _ ერთი პრიორიტეტის ფარგლებში პროგრამებს შორის თანხების გადანაწილება, აღმასრულებელი ორგანოს თუ თანამდებობის პირის შესაბამისი სამართლებრივი აქტის გამოცემით და მხოლოდ მის საფუძველზე.

პროგრამებს შორის გადასანაწილებელი თანხა არ უნდა აღემატებოდეს პრიორიტეტისთვის წლიური ბიუჯეტით განსაზღვრული გადასახდელების 5%-ს. მაგალითად, ბიუჯეტის პრიორიტეტი "განათლება", შედგება 2 პროგრამისგან: "სკოლამდელი დაწესებულებების მხარდაჭერა" და "სკოლების მხარდაჭერა".

ამ პრიორიტეტის, ანუ ორივე პროგრამის ჯამური გადასახდელი თუ შეადგენს 100 ლარს, აღმასრულებელ ორგანოს მხოლოდ შესაბამისი დასაბუთებული ბრძანებით და მხოლოდ 5 ლარის გადანაწილება შეუძლია სკოლამდელი დაწესებულებების მხარდაჭერის პროგრამიდან, სკოლების მხარდაჭერის პროგრამაზე ან პირიქით. ერთი პროგრამა შემცირდება 5 ლარით და ამდენითვე გაიზრდება მეორე - პრიორიტეტის გადასახდელების ჯამი კი რჩება უცვლელი. ყოველივე აღნიშნულის დარღვევით გაწეული ხარჯები კანონდარღვევად და თანამდებობრივი უფლებამოსილების გადამეტებადაც შეიძლება შეფასდეს“, _ ამბობს ლევან ალაფიშვილი.

მისივე თქმით, “ბიუჯეტიდან მხოლოდ იმ თანხის და იმ ოდენობით გაცემა შეიძლება, რაც გაწერილია ბიუჯეტში ან მერის ბრძანებაში პროგრამებს შორის თანხების გადანაწილებაზე“:

„მთავარი საბიუჯეტო, სისტემური საკითხებია. ფული რომ გახარჯო, საამისოდ ჯერ უნდა გქონდეს. ამ კონკრეტულ შემთხვევაში, ბიუჯეტით 04.02 პროგრამაში 18 000 ლარია მითითებული. ეს ნიშნავს, რომ ამ თანხაზე მეტს ვერ გახარჯავდნენ ცვლილებების გარეშე. თუ სხვა პრიორიტეტიდან გადმოიტანდნენ თანხებს, ამას საკრებულოს გადაწყვეტილება, ბიუჯეტში ცვლილება დასჭირდებოდა. თუ განათლების პრიორიტეტის შიგნით არსებულ 2 პროგრამას შორის გადანაწილდებოდა თანხები, ეს ნიშნავს რომ 04.01 - საბავშვო ბაღების მხარდაჭერის პროგრამას უნდა მოკლებოდა თანხები და დამატებოდა 04.02 - ზოგადსაგანმანანათლებლო სკოლების მხარდაჭერის პროგრამას და ამ ყველაფერზე უნდა არსებობდეს მერის დასაბუთებული ბრძანება. თუკი არც ერთი არ მომხდარა და თანხა გაიხარჯა, ეს კანონდარღვევაა _ საბიუჯეტო კოდექსის დარღვევა“, _ განმარტავს ალაფიშვილი.

 კითხვაზე, რატომ არ არსებობს მერის მიერ გამოცემული შესაბამისი ბრძანება, მამაკაიშვილი გვპასუხობს, რომ მუნიციპალიტეტი ფორსმაჟორის რეჟიმში მუშაობდა:

„დამიჯერეთ, რაიმე არასწორი რომ ყოფილიყო, ხაზინაც არ მომცემდა გადარიცხვის საშუალებას“, _ ამბობს საფინანსო სამსახურის უფროსი.

 საქმის დეტალურად დაზუსტებისთვის, ჩვენს ხელთ არსებული დოკუმენტაცია ოზურგეთის მუნიციპალიტეტის საკრებულოს გადავუგზავნეთ და კომენტარი ვთხოვეთ:

„თქვენს მიერ მოწოდებულ დოკუმენტაციასთან დაკავშირებით, რომელიც ოზურგეთის მუნიციპალიტეტის მერიის მიერ გასული წლის 26 დეკემბრის N224 ბრძანების საფუძველზე საქართველოს ეროვნული ოლიმპიური კომიტეტის გურიის რეგიონალური ორგანიზაციისათვის 30 000 ლარის გადარიცხვას ეხება, საკრებულოს ინფორმაცია არ გააჩნია, რადგან ფულადი რესურსების მიზანმიმართულად და კანონიერ ხარჯვაზე, საკრებულოს მიერ დამტკიცებულ ასიგნებების ფარგლებში პერსონალური პასუხისმგებლობა მუნიციპალიტეტის მერიას ეკისრება.

 თქვენს მიერ მოწოდებულ ინფორმაციაში ასახული ფაქტობრივი შედეგის დადგომის შესახებ მიმდინარე ეტაპზე საკრებულოს შესაბამისი ინფორმაცია, მოქმედი კანონმდებლობით, ოფიციალურად ვერ ექნებოდა, ვინაიდან მერიიდან სათანადო ინფორმაციის მოწოდების ვადა არ დამდგარა. ზემოთ აღნიშნულ პრობლემასთან დაკავშირებით საკრებულო თავის უფლებამოსილების ფარგლებში შეისწავლის მუნიციპალიტეტის მერიის მიერ საქართველოს ეროვნული კომიტეტის გურიის რეგიონალური ორგანიზაციისთვის 30 ათასი ლარის გადარიცხვის კანონიერებას და მიიღებს შესაბამის გადაწყვეტილებას“, _ აღნიშნულია საკრებულოს მიერ „გურია ნიუსისთვის“ გამოგზავნილ ოფიციალურ წერილში.




 ახალი ამბები
  • სპეციალური პენიტენციური სამსახური აგრძელებს თანამშრომლების ღია კონკურსით მიღებას (R)სპეციალური პენიტენციური სამსახური თანამშრომლების ღია კონკურსის წესით მიღებას აგრძელებს. ამჯერად ღია კონკურსი სპეციალური პენიტენციური სამსახურის რესოციალიზაცია-რეაბილიტაციის დეპარტამენტში 27 პოზიციაზე არსებულ 65 ვაკანტურ ადგილზე გამოცხადდა. განაცხადების მიღების ბოლო ვადა არის 2020 წლის 12 ოქტომბერი. მიუხედავად იმისა, რომ თავისი საქმიანობის სპეციფიკიდან გამომდინარე, საქართველოს კანონი "საჯარო სამსახურის შესახებ" პენიტენციურ სამსახურზე არ ვრცელდება, მას შემდეგ, რაც პენიტენციური სისტემა იუსტიციის სამინისტროს მმართველობის სფეროში გადავიდა, კარგი მმართველობის პრინციპებიდან გამომდინარე, პენიტენციურ სამსახურში დაინერგა მიდგომა, რომლის მიზანიც თანამშრომლების ღია კონკურსის გზით შერჩევაა. ამ ეტაპზე კონკურსი გამოცხადებულია სოციალური მუშაკის (შემთხვევის მმართველი) 36 პოზიციაზე, სოციალური მუშაკის (შემთხვევის ადმინისტრატორი) 12 პოზიციაზე და ფსიქოლოგის 17 პოზიციაზე. ვაკანსიებზე განაცხადების მიღება შემდეგ ბმულებზე მიმდინარეობს: 1. მსჯავრდებულთა რესოციალიზაცია-რეაბილიტაციის დეპარტამენტის N2 პენიტენციური დაწესებულების სოციალური მუშაკი (შემთხვევის ადმინისტრატორი) (2 პოზიცია) https://www.hr.gov.ge/JobPro.../UserOrgVaks/Details/62247... 2.მსჯავრდებულთა რესოციალიზაცია-რეაბილიტაციის დეპარტამენტის N2 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62248... 3. მსჯავრდებულთა რესოციალიზაცია-რეაბილიტაციის დეპარტამენტის N3 პენიტენციური დაწესებულების სოციალური მუშაკი (შემთხვევის ადმინისტრატორი) (1 პოზიცია) https://www.hr.gov.ge/JobPro.../UserOrgVaks/Details/62251... 4. მსჯავრდებულთა რესოციალიზაცია-რეაბილიტაციის დეპარტამენტის N3 პენიტენციური დაწესებულების სოციალური მუშაკი (შემთხვევის მმართველი) (1 პოზიცია) https://www.hr.gov.ge/JobPro.../UserOrgVaks/Details/62254... 5.მსჯავრდებულთა რესოციალიზაცია-რეაბილიტაციის დეპარტამენტის N5 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62255... 6.მსჯავრდებულთა რესოციალიზაცია-რეაბილიტაციის დეპარტამენტის N6 პენიტენციური დაწესებულების სოციალური მუშაკი (შემთხვევის მმართველი) (4 პოზიცია) https://www.hr.gov.ge/JobPro.../UserOrgVaks/Details/62260... 7. მსჯავრდებულთა რესოციალიზაცია-რეაბილიტაციის დეპარტამენტის N8 პენიტენციური დაწესებულების სოციალური მუშაკი (შემთხვევის ადმინისტრატორი) (1 პოზიცია) https://www.hr.gov.ge/JobPro.../UserOrgVaks/Details/62263... 8.მსჯავრდებულთა რესოციალიზაცია-რეაბილიტაციის დეპარტამენტის N8 პენიტენციური დაწესებულების სოციალური მუშაკი (შემთხვევის მმართველი) (7 პოზიცია) https://www.hr.gov.ge/JobPro.../UserOrgVaks/Details/62264... 9. მსჯავრდებულთა რესოციალიზაცია-რეაბილიტაციის დეპარტამენტის N10 პენიტენციური დაწესებულების სოციალური მუშაკი (შემთხვევის მმართველი) (1 პოზიცია) https://www.hr.gov.ge/JobPro.../UserOrgVaks/Details/62269... 10. მსჯავრდებულთა რესოციალიზაცია-რეაბილიტაციის დეპარტამენტის N12 პენიტენციური დაწესებულების სოციალური მუშაკი (შემთხვევის მმართველი) (4 პოზიცია) https://www.hr.gov.ge/JobPro.../UserOrgVaks/Details/62270... 11. მსჯავრდებულთა რესოციალიზაცია-რეაბილიტაციის დეპარტამენტის N14 პენიტენციური დაწესებულების სოციალური მუშაკი (შემთხვევის ადმინისტრატორი) (1 პოზიცია) https://www.hr.gov.ge/JobPro.../UserOrgVaks/Details/62272... 12. მსჯავრდებულთა რესოციალიზაცია-რეაბილიტაციის დეპარტამენტის N14 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62273... 13.მსჯავრდებულთა რესოციალიზაცია-რეაბილიტაციის დეპარტამენტის N15 პენიტენციური დაწესებულების სოციალური მუშაკი (შემთხვევის ადმინისტრატორი) (4 პოზიცია) https://www.hr.gov.ge/JobPro.../UserOrgVaks/Details/62275... 14.მსჯავრდებულთა რესოციალიზაცია-რეაბილიტაციის დეპარტამენტის N15 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62276... 15. მსჯავრდებულთა რესოციალიზაცია-რეაბილიტაციის დეპარტამენტის N16 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62278... 16. მსჯავრდებულთა რესოციალიზაცია-რეაბილიტაციის დეპარტამენტის N17 პენიტენციური დაწესებულების სოციალური მუშაკი (შემთხვევის ადმინისტრატორი) (3 პოზიცია) https://www.hr.gov.ge/JobPro.../UserOrgVaks/Details/62280... 17. მსჯავრდებულთა რესოციალიზაცია-რეაბილიტაციის დეპარტამენტის N17 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62281... 18. მსჯავრდებულთა რესოციალიზაცია-რეაბილიტაციის დეპარტამენტის N18 ბრალდებულთა/მსჯავრდებულთა სამკურნალო დაწესებულების სოციალური მუშაკი (შემთხვევის მმართველი) (1 პოზიცია) https://www.hr.gov.ge/JobPro.../UserOrgVaks/Details/62283... 19. მსჯავრდებულთა რესოციალიზაცია-რეაბილიტაციის დეპარტამენტის N2 პენიტენციური დაწესებულების ფსიქოლოგი (2 პოზიცია) https://www.hr.gov.ge/JobPro.../UserOrgVaks/Details/62250... 20. მსჯავრდებულთა რესოციალიზაცია-რეაბილიტაციის დეპარტამენტის N5 პენიტენციური დაწესებულების ფსიქოლოგი (2 პოზიცია) https://www.hr.gov.ge/JobPro.../UserOrgVaks/Details/62257... 21. მსჯავრდებულთა რესოციალიზაცია-რეაბილიტაციის დეპარტამენტის N6 პენიტენციური დაწესებულების ფსიქოლოგი 1 პოზიცია https://www.hr.gov.ge/JobPro.../UserOrgVaks/Details/62262... 22. მსჯავრდებულთა რესოციალიზაცია-რეაბილიტაციის დეპარტამენტის N8 პენიტენციური დაწესებულების ფსიქოლოგი (5 პოზიცია) https://www.hr.gov.ge/JobPro.../UserOrgVaks/Details/62265... 23. მსჯავრდებულთა რესოციალიზაცია-რეაბილიტაციის დეპარტამენტის N12 პენიტენციური დაწესებულების ფსიქოლოგი (1 პოზიცია) https://www.hr.gov.ge/JobPro.../UserOrgVaks/Details/62271... 24. მსჯავრდებულთა რესოციალიზაცია-რეაბილიტაციის დეპარტამენტის N14 პენიტენციური დაწესებულების ფსიქოლოგი (1 პოზიცია) https://www.hr.gov.ge/JobPro.../UserOrgVaks/Details/62274... 25. მსჯავრდებულთა რესოციალიზაცია-რეაბილიტაციის დეპარტამენტის N15 პენიტენციური დაწესებულების ფსიქოლოგი (2 პოზიცია) https://www.hr.gov.ge/JobPro.../UserOrgVaks/Details/62277... 26. მსჯავრდებულთა რესოციალიზაცია-რეაბილიტაციის დეპარტამენტის N16 პენიტენციური დაწესებულების ფსიქოლოგი (1 პოზიცია) https://www.hr.gov.ge/JobPro.../UserOrgVaks/Details/62279... 27. მსჯავრდებულთა რესოციალიზაცია-რეაბილიტაციის დეპარტამენტის N17 პენიტენციური დაწესებულების ფსიქოლოგი (2 პოზიცია) https://www.hr.gov.ge/JobPro.../UserOrgVaks/Details/62282...  ... ...
  • ხმაური და დაპირისპირება ოზურგეთის N60 საარჩევნო კომისიასთან “ერთიანი ნაციონალური მოძრაობის“ ოზურგეთის რაიონული ორგანიზაციის წევრები აცხადებენ, რომ საარჩევნო უბნებზე მათი კომისიის წევრებს არ ეძლევათ ოლქში თუ უბნენზე ნორმალური მუშაობის საშუალება. გაერთიანებული ოპოზიციისა და “ერთიანი ნაციონალური მოძრაობის“ წევრებმა ეს ფაქტი გააპროტესტეს ოზურგეთის #60 საარჩევნო კომისიასთან. ისინი, ასევე, გმობენ მარნეულში გუშინ მომხდარ ინციდენტს. აქციის მონაწილეები ოლქის თავმჯდომარესთან შეხვედრას ითხოვდნენ, თუმცა, ისინი შენობაში არ შეუშვეს. “ერთიანი ნაციონალური მოძრაობის“ ოზურგეთის რაიონული ორგანიზაციის თავმჯდომარე დავით მჟავანაძე ამბობს, რომ სიები წინასწარ იყო შედგენილი, თუ ვინ გახდებოდა საარჩევნო უბნის თავმჯდომარე და მისი მოადგილე. ოზურგეთის #60 საარჩევნო კომისიის თავმჯდომარის, ბერდია ლომინაძის თქმით, ხვალისთვის ყველა ინფორმაცია ღია იქნება და რასაც დავით მჟავანაძე ამბობს, ეს სიმართლეს, არ ... ...
  • "იყავი არბიტრი და ნუ იქნები მხარე" _ "ნაცმოძრაობის" წევრები ლანჩხუთის საარჩევნო ოლქთან შეიკრიბნენ"ერთიანი ნაციონალური მოძრაობის" წევრები და მათი მხარდამჭერები ლანჩხუთის #61 საარჩევნო ოლქთან შეიკრიბნენ სლოგანით - "იყავი არბიტრი და ნუ იქნები მხარე". პარტიის ადგილობრივი ორგანიზაციის ლიდერმა, კახა ასკურავამ ოლქის წევრებს მეგაფონიდან მოუწოდა, რომ იყვნენ სამართლიანები და ნუ იქნებიან მიკერძოებული მხარე. "რაც ეს წინასაარჩევნო პერიოდი მიმდინარეობს, მუდმივად არის ხელის გადაგრეხვები. წინასწარ მინდა გავაფრთხილო კომისიის ყველა წევრი, რომ ხმები სამართლიანად დაითვალონ და ნუ წავლენ ხალხის ნების წინააღმდეგ. 31 ოქტომბერს ხალხი დაასრულებს ივანიშვილის მთავრობას და მე მათ ვეღარ დავიცავ", _ მოუწოდებდა ასკურავა საოლქო კომისიის ... ...
  • "პრემიერის განცხადება სწორია, თუმცა, ამ მოლაპარაკებისთვის არც სომხეთია მზად და არც აზერბაიჯანი"პოლიტოლოგ ვახტანგ ძაბირაძის შეფასებით, სწორია პრემიერ-მინისტრ გიორგი გახარიას განცხადება, რომლის თქმით, „საქართველო მზადაა, სომხეთ-აზერბაიჯანს შორის კონფლიქტის მონაწილეთა შეხვედრას თბილისში უმასპინძლოს“. როგორც მან განაცხადა, თუ ასეთი მოლაპარაკებები გაიმართება, მასში ბუნებრივად ჩაერთვება თურქეთიც და რუსეთიც. ვახტანგ ძაბირაძის განმარტებით, ამ ოთხეულისთვის თბილისი მისაღები არ იქნება, როგორც მოლაპარაკების ცენტრი. „ვფიქრობ, რომ სწორი განცხადებაა, რა თქმა უნდა, მოლაპარაკება კარგია. ჩვენთვის ძალიან მნიშვნელოვანია, რომ თუ ეს მოლაპარაკება შედგა, თბილისში გაიმართოს და არა სხვა რომელიმე ქვეყანაში, მაგრამ ვფიქრობ, ამ მოლაპარაკებებისთვის ჯერ არც სომხეთია მზად და არც აზერბაიჯანი. თურქეთი ღიად აკეთებს განცხადებას, რომ გვერდში დაუდგება აზერბაიჯანს საომარი მოქმედებების დროს და მოლაპარაკებების მაგიდასთანაც, ხოლო რუსეთ-სომხური ურთიერთობები მშვენივრად ვიცით, ანუ, თუ მოლაპარაკებები გაიმართება, ამ მოლაპარაკებებში ბუნებრივად ჩაერთვება თურქეთიც და რუსეთიც. ამ შემთხვევაში, არ მგონია, რომ ამ ოთხეულისთვის თბილისი მისაღები იყოს, როგორც მოლაპარაკების ცენტრი. მიუხედავად ამისა, რა თქმა უნდა, განცხადება სწორად არის გაკეთებული. მზად უნდა ვიყთ, რომ მოლაპარაკებებში აქტიური მონაწილეობის მისაღებად, რადგან თუ ეს დაპირისპირება ფართომასშტაბიან ომში გადაიზარდა, გავლენას მოახდენს არა მარტო სომხეთსა და აზერბაიჯანზე, არამედ ჩვენს მდგომარეობაზე, როგორც ეკონომიკური, პოლიტიკური და ასევე, სუვერენული თვალსაზრისით. ამიტომ, ჩვენ დაინტერესებული უნდა ვიყოთ, რომ საომარი მოქმედებები შეწყდეს და მოლაპარაკებები დაიწყოს“,-აცხადებს ძაბირაძე. როგორც პოლიტოლოგი აცხადებს, შესაძლოა, რუსეთი სომხეთსა და აზერბაიჯანს შორის მიმდინარე კონფლიქტის საქართველოს ტერიტორიაზე გადმოტანას შეეცადოს. „არსებობს ჩვენთვის ერთი სახიფათო სცენარი- რამდენიმე თვის წინ სომხეთ-აზერბაჯანს შორის დაპირისპირება საქართველოსთან ახლოს მოხდა და არა მთიან ყარაბაღში, თუმცა დროულად მოგვარდა. თუ ამ კონფლიქტიდან რუსეთს რაიმე ხელს აძლევს, ეს არის ის, რომ კონფლიქტი და ეთნიკური დაპირისპირება გადმოიტანოს საქართველოს ტერიტორიაზე. ჩვენ ამისთვის მზად უნდა ვიყოთ. ეს პრობლემები 80-90-იან წლებშიც იყო, თუმცა მოხერხდა კონფლიქტების ლოკალიზება და თავიდან აცილება, თუმცა სიმპტომები უკვე ჩანს. თუ ეს ხანგრძლივი კონფლიქტი იქნება, შესაძლოა ამას საქართველოს ტერიტორიებზე პრობლემებისა და დაპირისპირების გადმოტანა მოჰყვეს“,- ამბობს ვახტანგ ძაბირაძე. მისი განცხადებით, რუსეთსა და თურქეთს მთიანი ყარაბაღის კონფლიქტის გამწვავება არ უნდა სურდეთ, რადგან მათზეც ნეგატიურად აისახება. „არ მგონია, რომ დღეს რუსეთსა და თურქეთს ამ კონფლიქტში ფართომასტაბიანი ჩართულობა აწყობდეთ, რადგან გარდა იმისა, რომ ამ ორ ქვეყანას შორის საკმაოდ დაძაბული ურთიერთობა ჩამოყალიბდება, ეს ამ ქვეყნების ეკონომიკაზეც იმოქმედებს. გარდა ამისა, დიდი ალბათობით, თუ ისინი ღიად ჩაერთვებიან ამ კონფლიქტში, მითუმეტეს, თუ საუბარი იქნება საბრძოლო მოქმედებებში მონაწილეობაზე, ეს ჩვენთვისაც კატასტროფა იქნება. ეს ნიშნავს, რომ საერთაშორისო იზოლაციაში მოექცევა, როგორც ერთი, ისე მეორე ქვეყანა, რასაც დამატებით პრობლემები მოჰყვება. ამიტომ, ვფიქრობ, ამ შემთხვევაში რუსეთი და თურქეთი უფრო მეტად დაინტერესებული უნდა იყვნენ კონფლიქტის დარეგულირებით და ვფიქრობ, ამ მიმართულებით ისინი ნაბიჯების გადადგმას შეეცდებიან“, _ აცხადებს ძაბირაძე. წყარო: ... ...
  • დეზინფორმაცია: ვაქცინა საქართველოზე უნდა გამოსცადონ _ ფაქტმეტრიდეზინფორმაცია: ვაქცინა საქართველოზე უნდა გამოსცადონ. ვერდიქტი: ფაქტმეტრის დასკვნით ეს არის ყალბი ამბავი. რეზიუმე:პრორუსული გაზეთი „საქართველო და მსოფლიო“ სტატიას ავრცელებს, რომელიც მეტწილად დეზინფორმაციული ხასიათისაა: კორონავირუსის ვაქცინასთან დაკავშირებით შემთხვევით თუ განზრახ დამახინჯებულ არასრულ ფაქტებს შეიცავს. რესპონდენტი, ავჭალის წმ. ქეთევან წამებულის ტაძრის წინამძღვარი მამა გიორგი (რაზმაძე), აცხადებს, რომ ვაქცინის გლობალური ხელმისაწვდომობის მექანიზმისა (COVAX Facility) და „გაეროს ბავშვთა ფონდის“ (UNICEF) საქმიანობა გლობალისტური მაფიის მიერ დაგეგმილი ბიოექსპერიმენტის ნაწილია - ისინი არა კორონავირუსის საწინააღმდეგო ვაქცინის, არამედ რაღაც ახალი პრეპარატის გამოცდას ე.წ. მესამე სამყაროს ქვეყნებზე აპირებენ. მეტიც, მამა გიორგი ამტკიცებს, რომ არანაირი ვაქცინა არ იარსებებს, რადგან კლინიკური ცდები ჯერ არ ჩაუტარებიათ. რეალურად, კორონავირუსის საწინააღმდეგო ვაქცინა ნამდვილად არ არსებობს, თუმცა სატესტო კვლევები, რომელიც სამ ფაზას მოიცავს, ნამდვილად მიმდინარეობს. ამასთან ერთად COVAX Facility-ისა და UNICEF-ის მიზანი, ვაქცინის ხელმისაწვდომობისთანავე (მას შემდეგ, რაც ის წარმატებით გაივლის სატესტო რეჟიმის სამივე ფაზას), მისი სწრაფი, თანაბარი და უსაფრთხო გავრცელებაა. სტატია გაეროს დანაშაულებრივ საქმიანობასთან აკავშირებს და საზოგადოებას მოუწოდებს, დიდი თუ პატარა ფეხზე დადგეს და ვაქცინაზე უარი თქვას. ანალიზი _ „საქართველო და მსოფლიომ“ გამოაქვეყნა სტატია სათაურით - „გაეროს ბავშვთა ფონდი განვითარებად ქვეყნებში Covid-19-ის საწინააღმდეგო საცდელი ვაქცინის გავრცელებას იწყებს“. სტატია კორონავირუსის ვაქცინის გლობალური ხელმისაწვდომობის მექანიზმისა (COVAX Facility) და მის ფარგლებში „გაეროს ბავშვთა ფონდის“ მიმდინარე და დაგეგმილ სამუშაოებს ეხება. სტატიაში მოცემული ინფორმაციები მანიპულაციურია და ურთიერთსაწინააღმდეგო მტკიცებებს შეიცავს, რასაც მკითხველი შეცდომაში შეჰყავს. სტატიის ავტორი, ჯაბა ჟვანია, დასაწყისშივე „გაეროს ბავშვთა ფონდის“ აღმასრულებელი დირექტორის, ჰენრიეტა ფორდის, განცხადებას ციტირებს, სადაც ნათქვამია, რომ „გაეროს ბავშვთა ფონდი“ იყენებს ვაქცინით მომარაგების უნიკალურ შესაძლებლობას, რათა მისი ხელმისაწვდომობისთანავე ყველა ქვეყნისთვის უსაფრთხო, სწრაფი და თანაბარი წვდომა უზრუნველყოს. აქვე ვკითხულობთ, „კონკრეტული თარიღი, თუ როდის მოხდება ვაქცინის პირველი პარტიის გავრცელება, ჯერჯერობით უცნობია“. ორივე ინფორმაცია სიმართლეს შეესაბამება: COVAX Facility (რომელსაც ხელმძღვანელობს იმუნიზაციისა და ვაქცინის გლობალური ალიანსი - Gavi, the Vaccine Alliance) ვაქცინის გლობალური გეგმის ფარგლებში Covid-19-ის საწინააღმდეგო ვაქცინის მზადყოფნისთანავე მის შესყიდვებსა და სწრაფ მიწოდებას აპირებს. „გაეროს ბავშვთა ფონდი“ კი ამ ძალისხმევას, COVAX Facility-ის სახელით, დაბალი, შედარებით დაბალი და საშუალო შემოსავლიანი 92 ქვეყნისთვის გაუძღვება. მიუხედავად ამისა, რესპონდენტი, ავჭალის წმ. ქეთევან წამებულის ტაძრის წინამძღვარი მამა გიორგი (რაზმაძე), ამტკიცებს, რომ არანაირი ვაქცინა არ არსებობს და არც შეიძლება არსებობდეს, რადგან კლინიკური ცდები არ ჩატარებულა. მისი თქმით, ეს გლობალისტური მაფიის ნაწილია და საუბარია ახალ პრეპარატზე, რომლის გამოცდას ე.წ. მესამე სამყაროს ქვეყნებში, მათ შორის, საქართველოში აპირებენ. რეალურად, ჯერ ვაქცინა ნამდვილად არ არსებობს, რაც სტატიის დასაწყისშივე ავტორის მიერ ისედაცაა აღნიშნული. მტკიცება, რომ კლინიკური ცდები არ ჩატარებულა, მცდარია. ვაქცინების ტესტირება, მასობრივ წარმოებაში გაშვებამდე, რამდენიმე საფეხურს გადის, რათა მისი უსაფრთხოება და ეფექტიანობა დადასტურდეს. თავდაპირველად, პრეკლინიკურ ეტაპზე, ვაქცინა ცხოველებზე იტესტება და აკვირდებიან, ისინი იმუნურ რეაქციას გამოიმუშავებენ, თუ არა. კლინიკური ტესტირების პირველ ფაზაში ვაქცინას ადამიანთა მცირე ჯგუფს აძლევენ, რათა მისი უსაფრთხოება დაადგინონ და მის მიერ გამოწვეული იმუნური რეაქცია უკეთ შეისწავლონ. მეორე ფაზის განმავლობაში ვაქცინა ასეულობით ადამიანს უკეთდება და მეცნიერები მის უსაფრთხოებასა და დოზირებაზე დამატებით ინფორმაციას იღებენ. მესამე ფაზაში ვაქცინაცია ათასობით ადამიანს უტარდება, რათა მისი უსაფრთხობა და ეფექტიანობა დადასტურდეს, ასევე იშვიათი გვერდითი მოვლენები გამოვლინდეს. მესამე ფაზის გამოცდები ასევე საკონტროლო ჯგუფს მოიცავს, რომელსაც პლაცებოს (ნივთიერება სამკურნალო თვისებების გარეშე, რომელსაც წამლის საშუალების სახით იყენებენ) უკეთებენ. ვაქცინების გლობალური ალიანსის (Gavi) ვებ-გვერდზე დეტალურადაა მოცემული იმ პოტენციური ვაქცინების ჩამონათვალი, რომლებიც კლინიკური კვლევების პირველ, მეორე ან მესამე ეტაპზეა. უახლესი ინფორმაციით, 9 ვაქცინა მესამე ეტაპზეა, მათ შორისაა ამერიკული კომპანია Moderna-სა და ოქსფორდის უნივერსიტეტის პოტენციური ვაქცინები. სტატიაში ფაქტების დამახინჯებაც გვხვდება: თითქოს, „ჯანდაცვის მსოფლიო ორგანიზაციის“ (WHO) განმარტებით, მათი საქმიანობა ქველმოქმედებაა განვითარებადი ქვეყნებისთვის, რომლებსაც პანდემიასთან ბრძოლისთვის საკმარისი ფინანსები არ გააჩნიათ. მამა გიორგის შეფასებით, ეს იაფფასიანი ბლეფია და დახმარება რომ სურდეთ, ადგებოდნენ და აქ წარმოების განვითარების მიზნით პირდაპირ ინვესტიციებს განახორციელებდნენ. WHO კი განმარტავს, რომ „COVAX-ის საშუალებით ერთობლივი მუშაობა ქველმოქმედებას არ წარმოადგენს, პანდემიის კონტროლი და გლობალური ეკონომიკური მდგომარეობის აღდგენის დაჩქარება ყველა ქვეყნის ინტერესებში შედის“. სტატიაში ხშირია კონკრეტული ფაქტების გარეშე „ჯანდაცვის მსოფლიო ორგანიზაციის“, გაეროსა და მისი ფონდების დისკრედიტაცია. ვაქცინაციისა და გაეროს მიერ „ბავშვთა უფლებების“ დაცვის თემას დანაშაულებრივ საქმიანობასთან აკავშირებენ. მიზეზად კი მამა გიორგი იმას ასახელებს, რომ ასეულობით მილიონს ჰაერში ტყუილად არავინ გაისვრის. აქვე მკითხველს ახსენებს ჰეპატიტის უფასო პროგრამას: „როგორც მაშინ გამოიყენეს ეს ქვეყანა და კიდევ უამრავი ჩვენისთანა გაჭირვებული სახელმწიფო საცდელად, ისე გამოგვიყენებენ ამჯერადაც“. აღნიშნული განცხადება დეზინფორმაციაა. მიზეზი, რატომაც საქართველო C ჰეპატიტის ვირუსის ელიმინაციის პროგრამაში მოხვდა, არა ეკონომიკური მდგომარეობა, არამედ ქვეყნის მცირე მასშტაბი და ვირუსის მაღალი გავრცელებადობაა. აღსანიშნავია, რომ ამავე პროგრამის ფარგლებშია ისლანდიაც. უახლესი თაობის, ძვირადღირებულ მედიკამენტებს, რომლებსაც ყველა კლინიკური კვლევა გავლილი აქვს, კომპანია „გილეადი“ საქართველოს უფასოდ აწვდის. შესაბამისად, იმის მტკიცება, რომ საქართველო მედიკამენტების საცდელად გამოიყენეს, მცდარია. აღსანიშნავია ისიც, რომ მკურნალობის შემდეგ ტესტირება 38 538 ბენეფიციარს ჩაუტარდა, მათი 98.6% (38 006) განიკურნა. გიორგი რაზმაძე რუსულ ვაქცინასაც ახსენებს და უკმაყოფილებას გამოთქვამს, რომ ზემოაღნიშნული ფონდები არაფერს ამბობენ მასთან დაკავშირებით. სინამდვილეში, „ჯანდაცვის მსოფლიო ორგანიზაცია“ რუსულ ვაქცინას აკრიტიკებს და მის სანდოობას კითხვის ნიშნის ქვეშ აყენებს. რუსეთის კლინიკური კვლევითი ორგანიზაციების ასოციაციამ კი აღნიშნულ ნაბიჯს კლინიკური კვლევების პრინციპების უხეში დარღვევა უწოდა. ვინაიდან რუსული ვაქცინა სრულად ტესტირებული არაა, მას გვერდითი მოვლენების გამოწვევისა და არაეფექტიანობის მაღალი რისკი აქვს. ჯონ ჰოპკინსის უნივერსიტეტის ვაქცინების უსაფრთხოების ინსტიტუტის დირექტორის, დანიელ სალმონის განცხადებით, რუსეთის მხრიდან ტესტირების მესამე ფაზის გამოტოვება სახიფათო ნაბიჯია, რადგან ამ ფაზაში უნდა დადასტურდეს ვაქცინის ეფექტიანობა და უსაფრთხოება. ვაქცინა ამავე ფაზაში განსხვავებულ ასაკობრივ ჯგუფებსა (მათ შორის, ბავშვებზე) და სხვადასხვა ქრონიკული დაავადებების მქონე ადამიანებზე უნდა დაიტესტოს. რუსულ ვაქცინაზე მომუშავე მკვლევრების მტკიცებით კი, დროის დაზოგვის მიზნით, ვაქცინა საკუთარ თავზე გამოსცადეს, რაც მის უსაფრთხოებას განსაკუთრებით საეჭვოს ხდის. რუსულ ვაქცინასა და მასზე გავრცელებულ ყალბ ამბებზე ჩვენს არაერთ სტატიაშია საუბარი. ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ ყველაზე, ყველაზე...

იცი თუ არა გეოგრაფია

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls