რატომ მიანიჭეს ბახმაროს მაღალმთიანი დასახლების სტატუსი და რა შემთხვევაში შეძლებთ სარგებლის მიღებას

მთავარი თემა

რატომ მიანიჭეს ბახმაროს მაღალმთიანი დასახლების სტატუსი და რა შემთხვევაში შეძლებთ სარგებლის მიღებას

2019 მარ 21 14:33:19

"მაღალმთიანი რეგიონების განვითარების შესახებ" საქართველოს კანონით გათვალისწინებული სოციალური შეღავათებით ჩოხატაურის მუნიციპალიტეტის დაბა ბახმაროს მოსახლეობაც ისარგებლებს" _ გადაწყვეტილება ბახმაროსთვის მაღალმთიანი დასახლების სტატუსის მინიჭების შესახებ მთის განვითარების ეროვნული საბჭოს მე-10 სხდომაზე მიიღეს, რომელიც პრემიერ-მინისტრ მამუკა ბახტაძის ხელმძღვანელობით დღეს მთავრობის ადმინისტრაციაში გაიმართა", _ ეს ინფორმაცია საქართველოს რეგიონული განვითარებისა და ინფრასტრუქტურის სამინისტრომ 18 მარტს გაავრცელა.

კანონით თუ ვიმსჯელებთ, ეს იმას ნიშნავს, რომ "მაღალმთიანი რეგიონების განვითარების შესახებ" საქართველოს კანონით გათვალისწინებული სოციალური შეღავათებით ბახმაროს მოსახლეობამაც უნდა ისარგებლოს.

თუმცა, როგორც გავარკვიეთ, ბახმაროს ამ დროისთვის არც მოსახლე ჰყავს და უფრო მეტიც, საჯარო რეესტრში არც დაბის სტატუსი აქვს მინიჭებული.

კანონის თანახმად, ამ საკითხზე ჩოხატაურის მუნიციპალიტეტის საკრებულომ უნდა იმსჯელოს, გადაწყვეტილებას მხარი დაუჭიროს და სწორედ ამის შემდეგ გატარდეს საჯარო რეესტრში, რაც, როგორც უკვე აღვნიშნეთ, ამ დრომდე არ მომხდარა.

ამ ყველაფერთან ერთად არის კიდევ ერთი მნიშვნელოვანი დეტალი _ "მაღალმთიანი რეგიონების განვითარების შესახებ" საქართველოს კანონით გათვალისწინებული სოციალური შეღავათებით მოქალაქეს სარგებლობა მხოლოდ იმ შემთხვევაში შეუძლია, თუ იქ, მინიმუმ, 9 თვე ცხოვრობს, რაც ბახმაროსთან მიმართებაში, პრაქტიკულად, შეუძლებელია _ ზღვის დონიდან 2050 მეტრზე მდებარე, ჯერ კიდევ რეესტრში გაუტარებელ დასახლებაში ცხოვრება, კლიმატური პირობებიდან გამომდინარე, მაქსიმუმ, 6 თვეა შესაძლებელი.

რატომ მიანიჭეს სტატუსი ბახმაროს რეესტრში რეგისტრაციამდე, გაითვალისწინა თუ არა ხელისუფლებამ იქ არსებული პირობები და რა შანსი აქვს ბახმაროს მცხოვრებლებს კანონით გათვალისწინებული შეღავათების მიღებისა _ ამ და სხვა საინტერესო კითხვებზე პასუხის მიღება საქართველოს რეგიონული განვითარებისა და ინფრასტრუქტურის სამინისტროში ვცადეთ.

სამინისტროს რეგიონული და მთის განვითარების დეპარტამენტის უფროსის გიორგი დიდიძის თქმით, ბახმაროს, მაღალმთიანი დასახლების სტატუსი კანონიდან გამომდინარე მიანიჭეს:

"დღეის მდგომარეობით, ბახმაროს, მაღალმთიანი დასახლების სტატუსი ოფიციალურად არ აქვს მინიჭებული. ჩვენ გვქონდა საბჭოს კომისიის სხდომა, სადაც აღნიშნული საკითხი იყო განხილული, დადებითად გადაწყდა და ამის საფუძველზე უკვე საქართველოს მთავრობის დადგენილებაში შევა ცვლილება და დაემატება ბახმარო, როგორც დასახლება, რომელსაც ექნება მინიჭებული მაღალმთიანი დასახლების სტატუსი. როგორც ვხვდები, გავლილი გაქვთ კანონი, რომელშიც წერია, რა შემთხვევაში ხდება მაღალმთიანის სტატუსი მინიჭება და როგორ. ამავე კანონშია ჩამოთვლილი სიმაღლეებიც _ ანუ, 1500 მეტრის ზევით არსებულ დასახლებებს, ჩვენ ავტომატურ რეჟიმში ვანიჭებთ სტატუსს.

ვინაიდან, საქართველოს მთავრობის აქტი, როგორც მახსოვს, იანვარში გამოვიდა და ბახმაროს მიენიჭა დასახლების სტატუსი, ჩვენ კანონის საფუძველზე გაგვიჩნდა ვალდებულება, რომ შესაბამისი რეაგირება მოგვეხდინა. კანონიდან გამომდინარე, გავახორციელეთ რიგი პროცედურები და ახლა ვართ უკვე ფინალურ, დასკვნით ეტაპზე, როცა მთავრობის დადგენილებაში უნდა შევიდეს ცვლილება, რომელშიც დაემატება ბახმარო, როგორც მაღალმთიანი რეგიონის სტატუსის მქონე დასახლება", _ აღნიშნა "გურია ნიუსთან" საუბრისას გიორგი დიდიძემ.

დიდიძე ამბობს, რომ სტატუსის მინიჭება ყველა პროცედურის გავლით მოხდა.

_ ბატონო გიორგი, ამ ეტაპზე, ბახმაროს დაბის სტატუსიც კი არ აქვს. კანონით, ეს საკითხი ჯერ საკრებულომ უნდა განიხილოს, შემდეგ რეესტრმა გაატაროს. რატომ დაასწარით იურიდიულ პროცესებს?

_ იურიდიულს ვერ დავასწრებდით. თუ ობიექტი არ არსებობს, სტატუსს ვერ მივცემდით. დაბის სტატუსის მინიჭების წესი არსებობს _ ინიცირება იწყება მუნიციპალიტეტიდან, რომელიც მიმართავს ცენტრალურ ხელისუფლებას, შემდეგ ხდება ამ საკითხის განხილვა და მხოლოდ ამის შემდეგ მიიღება გადაწყვეტილება. ეს ყველა პროცედურა გავლილია...

_ თუმცა, საჯარო რეესტრში არ არსებობს დასახლება _ დაბა ბახმარო. კოდიც კი არ არის მინიჭებული...

_ ამ ყველაფრის საფუძველი არის საქართველოს მთავრობის მიერ გამოცემული აქტი, რომლის თანახმადაც, შეიქმნა შესაბამისი დასახლება. რაც შეეხება რეესტრს, მას აქვს ვალდებულება განკარგულებით, რომ ასახოს ეს ინფორმაცია. ტექნიკური კომპონენტია და სამართლებრივ ჩარჩოსთან არ აქვს კავშირი. კარგია, რომ გადაამოწმეთ. ჩვენც გადავამოწმეთ და უახლოეს ხანში იქნება ასახული. თუმცა, რეესტრში არასახვა არ ნიშნავს, რომ სრულფასოვანი დასახლება არ არის.

_ სრულფასოვანი დასახლება ახსენეთ, რომელიც თავისი არსით ნიშნავს იმას, რომ იქ ვინმე უნდა ცხოვრობდეს. ბახმაროს შემთხვევაში კი ასე არ არის. უფრო მეტიც _ იმ საინიციატივო ჯგუფის წევრებს, რომლებმაც თავის დროზე მიმართეს მუნიციპალიტეტს ბახმაროსთვის სტატუსის მინიჭების თხოვნით და იქ დასახლების უფლების მისაღებად, რეესტრი დღემდე ვერ არეგისტრირებს ბახმაროში მცხოვრებლად...

_ მესმის, რასაც ამბობთ, თუმცა, ასე უცებ არ შემიძლია გიპასუხოთ. გასარკვევია, რამდენად სწორად მიმართეს იმ მოქალაქეებმა რეესტრს...

_ ისინი ვერ მიმართავენ, რადგან დაბა არ არის რეგისტრირებული...

_ მიმართონ და გარწმუნებთ, რომ პრობლემა არ იქნება(?!).

_ თუმცა, კანონით ეს ვერ მოხდება მანამ, სანამ ბახმარო საჯარო რეესტრში არ გატარდება, როგორც დაბა და როგორც ჩოხატაურის მუნიციპალიტეტის ადმინისტრაციული ერთეული. იმედია, ამ ტექნიკურ მხარეს, როგორც თქვენ უწოდებთ, მალე მოაგვარებთ. მანამდე კი კიდევ ერთ მნიშვნელოვან საკითხზე გვაინტერესებს თქვენი პოზიცია _ მაღალმთიან დასახლებაში მცხოვრების სტატუსი პირს ვერ ექნება, თუ იქ, მინიმუმ, 9 თვე მუდმივად არ იცხოვრებს. ეს ბახმაროსთან მიმართებაში შეუძლებელია, რადგან იქ, მაქსიმუმ, 6 თვე შეიძლება მუდმივად ცხოვრება. დანარჩენ დროს კი დიდი თოვლია _ არც გზაა და არც სხვა სახის კომუნიკაცია... ამ შემთხვევაში რა ხდება?

_ თუ მოქალაქე 9 თვე არ იცხოვრებს მაღალმთიან დასახლებაში, ის სტატუსს ვერ მიიღებს და თუკი აქვს, მოეხსნება. შესაბამისად, ვერ ისარგებლებს იმ შეღავათებით, რაც კანონმდებლობით არის გათვალისწინებული.

_ ეს რომ ვიცით, ამიტომაც ვსვამთ ამ კითხვას _ ფაქტია, რომ ვერავინ იცხოვრებს 9 თვეს და შესაბამისად, მოქალაქე ვერ ისარგებლებს სიკეთეებით, რომელიც ამ კანონს მრავლად ახლავს. ამიტომაა საინტერესო, რა მნიშვნელობა აქვს ბახმაროსთვის მაღალმთიანი სტატუსის მინიჭებას?

_ ინტერვიუს დასაწყისში გითხარით, რომ კანონიდან გამომდინარე გაგვიჩნდა ამის ვალდებულება. შეიქმნა დასახლება, რომელიც 1 500 მეტრზე ზევით მდებარეობს და სტატუსიც უნდა მიგვენიჭებინა.

_ გამოდის, რომ ეს არ არის რიგით მოქალაქეებზე გათვლილი და მხოლოდ ბიზნესს მოერგება?

_ ვერ გავიგე, საით მიგყავთ საუბარი, მაგრამ ერთ რამეს დავაზუსტებ _ ზოგადად, კანონს თუ ავიღებთ, საუბარია მთის განვითარებაზე, მათ შორის, მოსახლეობის სოციალურ-ეკონომიკურ მიმართებაში, ასევე, შესაბამის პირობების შექმნასთან დაკავშირებით, რაც ხელს უწყობს განვითარებას. თუ რატომ მოხდა ბახმარო ამ ჩამონათვალში, უკვე გითხარით.

_ ეს რომ კარგია, ამაზე არავინ დაობს, მაგრამ ხომ შეიძლება ისე გაკეთდეს, რომ რიგითმა მოქალაქეებმაც ისარგებლონ ამ სიკეთეებით?

_ თეორიულად ვისაუბროთ _ ვთქვათ, ცხოვრობს 5 ან 10 ოჯახი, რომელშიც არის 9 პენსიონერი, მათ ექნებათ პენსიაზე დანამატი, თუ ისინი იქ იცხოვრებენ 9 თვის განმავლობაში. შეიძლება იქ შეიქმნას რაღაც საწარმო და ამ შემთხვევაში არის რიგი შეღავათები. ეს კომპლექსურად, საერთო ჯამში, ქმნის გარკვეულ პირობებს, რომ მოქალაქეები მაღალმთიან რეგიონებში იყვნენ დასახლებულები. ეს მხოლოდ ბახმაროს არ ეხება, მაღალმთიანი რეგიონები ბახმაროთი არ იწყება და არ მთავრდება.

_ სხვა რამეს გეკითხებით _ გვაინტერესებს, თუკი მიანიჭეთ ბახმაროს სტატუსი, რამდენად არის შესაძლებელი, რომ მოქალაქეებმა ისარგებლოს კანონით გათვალისწინებული სიკეთეებით? არ გიფიქრიათ, რომ, თუნდაც, კანონში შევიდეს ცვლილება და ასეთ გამონაკლის შემთხვევებში, 9 თვის ნაცვლად 6 თვე ცხოვრება იყოს სავალდებულო?

_ კი, როგორ არა. გადაწყვეტილების მიმღები მსჯელობს ამ საკითხზე. არ გამოვრიცხავ, იყოს რაიმე ინიციატივა, რომ 9 თვის ვალდებულება შემცირდეს 6 თვემდე, ოღონდ გარკვეულ სიმაღლეებზე, ვთქვათ 2 000 მეტრიდან, სწორედ იმ პრობლემებიდან გამომდინარე, რასაც ბუნებრივი კლიმატი ქმნის. მე საჯარო მოხელე ვარ და არ შემიძლია მტკიცებით ფორმაში გითხრათ, მაგრამ, შესაძლებელია, კანონში შევიდეს ცვლილება და ასეთ სიმაღლეზე 9 თვის ვალდებულების ნაცვლად იყოს 6 თვე, _ აღნიშნა ჩვენთან საუბრისას დიდიძემ.

P. S. როგორც "გურია ნიუსმა" გაარკვია, ბახმაროს, როგორც ჩოხატაურის მუნიციპალიტეტის ახალი ადმინისტრაციული ერთეულის შექმნის თაობაზე, მუნიციპალიტეტის საკრებულო ორშაბათს იმსჯელებს და მხარდაჭერის შემთხვევაში, სტატუსის ოფიციალური მინიჭება და შესაბამისად რეესტრშიც გატარება იმ კვირაში მოხდება.




 ახალი ამბები
  • IRI-ის კვლევების მიხედვით, გამოკითხულთა უმეტესობა საპენსიო რეფორმას მხარს უჭერს"საერთაშორისო რესპუბლიკური ინსტიტუტის" (IRI) კვლევების ცენტრის მიერ გამოქვეყნებული საზოგადოებრივი აზრის გამოკითხვის შედეგების მიხედვით, გამოკითხულთა უმეტესობა საპენსიო რეფორმას მხარს უჭერს. კითხვაზე: როგორ შეაფასებდით პარლამენტის მიერ ინიცირებულ საპენსიო რეფორმას, გამოკითხულთა 36%-მა უპასუხა, რომ უფრო მეტად კეთილგანწყობილია. აღნიშნული რეფორმა ნაწილობრივ მოსწონს 23%-ს, ნაწილობრივ არ მოსწონს 11%-ს. პარლამენტის მიერ ინიცირებული საპენსიო რეფორმის გატარებას არ ეთანხმება გამოკითხულთა 18%, არ იცის ან პასუხი არ აქვს გამოკითხვაში მონაწილე ადამიანების 12%-ს. კვლევა მთელი საქართველოს მასშტაბით 2019 წლის 20 მაისი - 11 ივნისის შუალედში ... ...
  • დაკავებისას ბრალდებულებმა სამართალდამცველებს ცეცხლი გაუხსნესსავაჭრო ცენტრ „ქარვასლასთან“ დაკავების დროს ბრალდებულებმა პოლიციას წინააღმდეგობა გაუწიეს და ცეცხლსასროლი იარაღიდან ესროლეს. ინფორმაციას შინაგან საქმეთა სამინისტრო ავრცელებს. შსს-ს ცნობით, ყაჩაღობის ფაქტზე მიმდინარე გამოძიების ფარგლებში პოლიციამ ორი პირი დააკავა. „მომხდარის დროს არავინ დაშავებულა. ინტენსიურ რეჟიმში გრძელდება საგამოძიებო-ოპერატიული ღონისძიებები. გამოძიება სსკ-ის 179-ე მუხლით მიმდინარეობს“, - აცხადებენ შს ... ...
  • გვარამია: რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"მე რუსთავი 2დან გავედი გამარჯვებული. ჩემი მისია შევასრულე - 7 წელი (არხის ისტორიაში ყველაზე ხანგრძლივი პერიოდი ვიყავი დირექტორი) არხი ვამუშავე წარმოუდგენელ რეჟიმში, ფაქტიურად, ბოლო ორი წელი, საოცრების ხარჯზე. სრულიად არავის დახმარებით, მტრულ გარემოში, ფინანსრური თავდასხმების და არხის ამჟამინდელი მფლობელის დამანგრეველი ყადაღის მიუხედავად, ყველა ხელფასი ყოველთვის გავეცი, თვითონაც არ ვიცი როგორ. ყველას, ვისაც განსაკუთრებულად უჭირდა, დავეხმარე" _ წერს სოციალურ ქსელში რუსთავი 2_ის ყოფილი გენერალური დირექტორი ნიკა გვარამია. მისივე თქმით, "რ2 გახდა სახელმწიფო სახელმწიფოში - სავსე თავისუფალი, ნიჭიერი, ფერადი ხალხით, ვინც არ გაეკარა ბნელ ქართულ ოცნებას, ვისაც უნდოდა დასავლეთი და თავისუფლება, და ვისი ერთადერთი ნავსაყუდელი რ2 გახდა. იმიტომ მიხაროდა მანდ მოსვლა - ქვეყანაში უანალოგო თავისუფლების კუნძული იყო, ჰაერში ეკიდა თავისულფების სუნი": _ამ არხმა 7 წელიწადში დაანგრია ამ ქვეყნის მთავარი მტერი - რუსული გავლენა. დიახ, დაანგირა და გააშიშვლა ხელისუფლება, რომელიც რუსული აღმოჩნდა თავიდან ბოლომდე. ბოლო კვლევით, რაც ვნახეთ, გავრილოვის ღამემდეც კი, რუსეთი არაა ამ ქვეყნის არჩევანი და ამაში ყველაზე მნიშვნელოვანი დამსახურება რ2ისაა, ღრმად მწამს, და ისიც მწამს, რომ რუსებმაც კარგად იციან ეს. იმიტომაც ყეფენ ხან დუმის ტრიბუნიდან, ხან პუტინის პირით და ხან ლავროვის განცხადებებით. დიახ, რუსეთმა კარგად იცის, ვინ იყო მისი მთავარი მტერი საქართველოში. კარგად იცის და არც მალავს. სამწუხაროა, რომ კვლევით ვინცაა ჩვენი არჩევანი, შვიდი წელი ვისი ფასეულობების დასამკვიდრებლადაც ვიბრძოდით სიკვდილ-სიცოცხლის ფასად, იმისი ხელით დავიხურეთ სწორედ. ირონიაა, მაგრამ ძალიან მწარე. ამაზე მოგვიანებით ვისაუბრებ და აუცილებად შევაფასებ ევროსასამართლოს გადაწყვეტილებას დეტალურად. არაფერი არაა ამ ქვეყნად წმინდა ძროხა, რომლის კრიტიკა არ შეიძლება. მათ შორის, არც ევროსასამართლო. კონსპირაციები განზე დავტოვოთ, საგნობრივი კრიტიკა კი ნამდვილად საჭიროა. მივუბრუნდეთ თემას.  მე რუსთავი2დან გავედი გამარჯვებული. მე მოვუგე ყველა ბრძოლა მტრულად განწყობილ სახელმწიფოს და მის დამნაშავე ბოსს, უზურპატორ ბიძინა ივანიშვილს. მე მოვიგე ყველა ბრძოლა ყველა ეტაპზე საქართველოში, მაგრამ დავმარცხდი იქ, სადაც არ შეიძლებოდა უბრალოდ რომ დავმარცხებულიყავი. ჩვენ ვერ დაგვხურა მთელმა ქრთულმა პოლიტიკურმა მანქანამ, მაგრამ სამწუხაროდ ეს გააკეთა იმან, ვისაც ეს არასგზით არ უნდა გაეკეთებინა.  მე რუსთავი2_დან გავედი გამარჯვებული. თუმცა ამ გამარჯვებას ნამდვილად ჯობდა გაემარჯვა სხვას, ყველაზე მნიშვნელოვანს მთელ ამ ამბავში.  მე რუსთავი2_დან გავედი გამარჯვებული, მაგრამ დამარცხდა ეროსის შექმნილი, ბევრის ღვაწლით განვითარებული, და ბოლოს ჩემი გზარდილი, ათასუბედურება გატარებული, ჩემი და ჩემი გუნდის მიერ მთელ პოსტსაბჭოთა სივრცეში მთავარ და საუკეთესო ტელევიზიად ქცეული რუსთავი 2.  მე რუსთავი2_დან გავედი გამარჯვებული, მაგრამ დამარცცხდა თავად რუსთავი 2. დამარცხდა პირველად 25 წლის მანძილზე. პირველად 25 წლის მანძილზე ქვეყნის მთავარი მცველი რუსეთის გავლენისგან, გახდა რუსული. ჯერ ამას ვერ აცნობიერებენ კარგად, სანამ ჩვენი გუნდი კიდევ იქაა და ფაქტიურად წინააღმდეგობის მოძრაობა აქვს გაჩაღებლი და გმირულად იბრძვის მტრულ გარემოში. მაგრამ ძალიან მალე მოვა გაცნობიერების დრო და მაშინ მიხვდებიან ზუსტად ჩვენი მაყურებლები და არამაყურებლებიც, რა კატასტროფას მოაწერა ხელი შვიდამა ევროპელმა მოსამართლემ.  მე რუსთავი2_დან გავედი გამარჯვებული, მაგრამ დამარცხდა ჩემი ნაზარდი და საყვარელი რუსთავი 2, ქვეყანაში თავისუფლების და დასავლეთის მთავარი და ალბათ ბოლო ბასტიონი. ქვეყანამ დაკარგა მისი დამოუკიდებლობის განმავლობაში შექმნილი და გაძლიერებული ერთერთი უმნიშვნელოვანესი მონაპოვარი, დასავლეთის, ხარისხის და თავისუფლების სიმბოლო. ქვეყანამ დაკარგა მისი დამოუკიდებლობის პერიოდში შექმნილი უმაღლესი კლასის და დასავლური შინაარსის და დონის ტელევიზია. ალბათ საქართველოს დამოუკიდებლობის პერიოდში შექმნილი მთავარი და ყველაზე წარმატებული ბრენდი - რუსთავი 2. ეს ფაქტი შედგა და მხოლოდ ცოტა დრო ჭირდება ამის სრულად გაცნობიერებას. ეს ფაქტი შედგა და არა მგონია, ოდესმე მისი უკან შექცევა მოხდეს. მე მხოლოდ გამიხარდება და წარმატებას ვუსურვებ, ვინც ამ საქმეს მომავალში ხელს მოკიდებს.  მე რუსთავი2_დან გავედი გამარჯვებული, მაგრამ დამარცხდა რუსთავი 2, ხელახლა მოკლეს ეროსი კიწმარიშვილი და დაიხურა ბოლო ფანჯარა დასავლეთში.  რუსთავი 2_დან მე გამოვედი გამარჯვებული, მაგრამ დამარცხდა ჩემი სამშობლო.  რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"_ წერს ... ...
  • სემეკმა მიმდინარე კვირაში მოქალაქეებს 54 ათას ლარზე მეტი ჩამოაწერა (R)საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში გამართულ საჯარო სხდომებზე მოქალაქეებსა და კომპანიებს შორის არსებული დავები განიხილა. საკითხების უმეტესობა მოქალაქეთა სასარგებლოდ დაკმაყოფილდა და ჩამოწერილი თანხების ოდენობამ, ჯამში,  54 887 ლარი შეადგინა. მიმდინარე კვირაში სემეკმა 5 საჯარო სხდომა გამართა და დღის წესრიგებით გათვალისწინებული 99 საკითხი განიხილა. მოქალაქეთა საჩივრები ენერგეტიკისა და წყალმომარაგების სექტორებში მოქმედი კომპანიების წინააღმდეგ მოიცავდა  უსაფუძვლოდ დარიცხულ თანხებს, ხანდაზმულ დავალიანებებს. საჯარო სხდომებზე განსახილველად საკითხები წარადგინეს სემეკის მომხმარებელთა საჩივრების დეპარტამენტისა  და ენერგოომბუდსმენის სამსახურის წარმომადგენლებმა. კომისია შეახსენებს მოქალაქეებს, რომ იმ შემთხვევაში, თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. მოქალაქეებს კონსულტაციების მიღება შეუძლიათ როგორც ქოლ ცენტრში ნომერზე: 16 216, ისე  სემეკის Facebook გვერდზეც. ... ...
  • სახელმწიფო ფონდის ხარჯზე შემცირებული თანხები ლანჩხუთის ბიუჯეტშიბესიკ ტაბიძის ხელმძღვანელობით ლანჩხუთის მუნიციპალიტეტის საკრებულოს ბიუროს სხდომა გაიმართა, სადაც ადგილობრივი საკანონმდებლო ორგანოს მორიგი სხდომის თარიღად 25 ივლისი დაანონსდა და წესისამებრ, ბიურომ სწორედ ამ დღისთვის განსაზღვრა, როგორც განსახილველი საკითხები, ასევე, ამ საკითხის მომხსენებლები.  ბიუროზე წარმოდგენილი საკითხების მიხედვით გაირკვა, რომ მომავალი საკრებულოს სხდომის  დღის წესრიგით დეპუტატებს მიმდინარე წლის მთავარ საფინანსო დოკუმენტში ცვლილებების შეტანის თაობაზე მოუწევთ მსჯელობა. მერიის საფინანსო  სამსახურის უფროსის, როლანდ ლაშხიას მიერ წარმოდგენილი საკითხის  მიხედვით,  რეგიონებში გასახორციელებელი პროექტების ფონდიდან  მთავრობის განკარგულებით ლანჩხუთის მუნიციპალიტეტს  185 209 ლარი ერგო  ადმინისტრაციულ ერთეულებში საექიმო ამბულატორიისა და მშენებლობის დასაფინანსებლად. კერძოდ,  ზემონახსენები თანხიდან 20 418 ლარი აკეთის ადმინისტრაციულ ერთეულში გაიხარჯება, 22 030 ლარი _ აცანაში, შუხუთში _ 21 765 ლარი, ნიგოითში კი _ 27 828 ლარი. რაც შეეხება სუფსის ადმინისტრაციულ ერთეულს, აქ საექიმო ამბულატორიის მშენებლობის ტერიტორიის მომზადებისთვის  11 430 ლარია გამოყოფილი, უშუალოდ მშენებლობისთვის კი- 81 828 ლარი.  საფინანსო სამსახურის უფროსის მიერ ხელმოწერილი  განმარტებითი ბარათის მიხედვით,  ირკვევა, რომ რეგიონებში გასახორციელებელი  პროექტების ფონდიდან  გამოყოფილი თანხა  324 265 ლარით შემცირდა, აქედან ეს შემცირება გახორციელდება სახელმწიფო ფონდის, მათ შორის  წყლის სისტემის რეაბილიტაციის, საცხოვრებელი და არასაცხოვრებელი ექსპლუატაცია-რეაბილიტაციის, ასევე, გზების რეაბილიტაციის თანხების შემცირების ხარჯზე.  ამის გარდა, გზების სარეაბილიტაციო სამუშაოები  სახელმწიფო ფონდის ხარჯზე  22 086 ლარითაა შემცირებული. საფინანსო სამსახურის მიერ ბიუროს სხდომაზე წარმოდგენილი განმარტებების მიხედვით, გაირკვა, რომ ადგილობრივი ბიუჯეტის თავისუფალი ნაშთის ხარჯზე  მერია გეგმავს  ხუთი ათასი ლარით გაზარდოს გზის მიმდინარე სამუშაოების დაფინანსება, ხოლო ვიდეო კამარების ინსტალაციისთვის  763 ლარი გამოყოს. ამავე თანხიდან, სახელოვნებო სკოლათა გაერთიანების მოთხოვნის საფუძველზე, დამატებით ოთხი ათასი ლარი უნდა მიიმართოს    სამხატვრო სკოლის შტატგარეშე მუშაკთა დასაფინანსებლად.  სპორტული ღონისძიებების დასაფინანსებლად კი _ 1 100 ლარი. გარდა ბიუჯეტში დაგეგმილი ცვლილებებისა, ბიუროზე  საკრებულოს სხდომისთვის სხვა რიგი საკითხებიც წინასწარ მოთელეს დეპუტატებმა. როგორც გაირკვა,  ცვლილება შეეხება ლანჩხუთის საკრებულოს სივრცით-ტერიტორიული დაგეგმარებისა და ინფრასტრუქტურის კომისიის შემადგენლობის დამტკიცების შესახებ განკარგულებას. ასევე, ცვლილება შედის საკრებულოს 2019 წლის 28 მარტის N18 განკარგულებაში „ლანჩხუთის მუნიციპალიტეტის ქონების საპრივატიზაციო ობიექტების ნუსხისა და ლანჩხუთის მუნიციპალიტეტის ქონების პრივატიზაციის გეგმის დამტკიცების შესახებ“. საკრებულოს სხდომის გამართვამდე კი ამ საკითხების კიდევ ერთხელ გავლა მოუწევთ დეპუტატებს დარგობრივ ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...