"რესპუბლიკელებიდან" _ "ოცნებაში"

მთავარი თემა

"რესპუბლიკელებიდან" _ "ოცნებაში"

2017 აგვ 24 21:55:49

"რესპუბლიკური პარტიის" ჩოხატაურის ორგანიზაციის თავმჯდომარემ გოჩა ჯიქიამ რესპუბლიკური პარტია დატოვა და "ქართულ ოცნებაში" გადავიდა.

_ ჩოხატაურში, "რესპუბლიკური პარტიის" უკანასკნელი მოჰიკანი ვიყავი და პარტიას ვტოვებ, _ აღნიშნა ჩვენთან საუბრისას ჯიქიამ.

პარტიასთან ერთად, მას საკრებულოს ფრაქციის _ "რესპუბლიკელების" დატოვებაც მოუწევს, რაც იმას ნიშნავს, რომ ფრაქცია, რომელსაც თავად ჯიქია ხელმძღვანელობდა და სადაც ყოველთვიურად 1 500 ლარს (პლუს, საწვავი და სატელეფონო ხარჯი) იღებდა, იშლება.

კითხვაზე, რატომ არ მიიღო ეს გადაწყვეტილება უფრო ადრე და იყო თუ არა ამის მიზეზი ხელფასის შენარჩუნება, გვპასუხობს, რომ _ არა.

_ ბატონო გოჩა, "ქართულ ოცნებაში" ახლა რატომ გადადიხართ?

_ "ოცნებაში" მე თავში ვიდექი. მინდა, რომ "ოცნება" ოცნება იყოს, ისეთი, როგორიც ადრე და როგორსაც ხალხს ვპირდებოდით.  რამდენიმე თვის წინაც მკითხეთ ამაზე და მაშინაც გიპასუხეთ _  იყო პასუხისმგებლობა, პროცედურები, იყო ფრაქცია და აქედან გამომდინარე, არჩევნებამდე ორი თვით ადრე მივიღე ეს გადაწყვეტილება. ამის მიზეზი კი ის არის, უკვე უნდა დასახელდნენ კანდიდატები, თორემ ბოლომდე მივიყვანდი ფრაქციის მუშაობას.

_ "რესპუბლიკელების" დატოვების კონკრეტული მიზეზი გაქვთ?

_ პარტიამ "გადაამლაშა" _ ისინი იმ ადამიანებს დაუდგნენ გვერდით, რომლებიც მე მებრძოდნენ, მდევნიდნენ, უსამართლოდ მომექცნენ. პარტიულადაც დაიშალა, თუმცა, ჩემთვის ბოლო წერტილი უგულავებთან და ბოკერიებთან ერთად მიტინგებზე გამოსვლა და სამართლის მოთხოვნა იყო. ამას ისიც დაემატა, რომ არამართლმადიდებლური მიდგომები აქვთ. მე კი ქრისტიანულად, ეკლესიურად ვცხოვრობ.

_ და, ეს ახლა გაგახსენდათ?

_ არა, უბრალოდ, ბევრი პრეტენზია დამიგროვდა ამ ბოლოს.

_ "ოცნებასთან", რომელმაც ის პროკურორი დააწინაურა, რომელმაც თქვენ, ოპოზიციაში ყოფნის დროს, ტროტილი ჩაგიდოთ, პრეტენზია აღარ გაქვთ?

_ პროკურორთანაც პრეტენზია მაქვს, მოსამართლესთანაც და იმ პოლიციელებთან,  რომლებმაც მონაწილეობა მიიღეს მაშინ... "ოცნებასთან" მაქვს  პრეტენზიები, როგორ არ მაქვს და ეგ რომ მაქვს, ზუსტად მაგიტომ ვაპირებ, რომ ვიყო იქ და იქიდან შევქმნა....

_  რას შეცვლით "ოცნებაში"?

_ მე ბოლომდე ვიბრძოლებ.

_ პოლიტიკური კარიერის გადასარჩენად?

_ არა, ეგ რა შუაშია?!

_ რომ საკრებულოში მოხვდეთ, რადგან, ალბათ, ფიქრობთ, რომ "რესპუბლიკელ" ჯიქიას მოსახლეობა მხარს არ დაუჭერს...

_  ასე არ არის. უნდა სოფელს, რომ ვიყო წარმომადგენელი? ვიქნები. არ უნდათ? არ ვიქნები. ისეთი დაბნეული არ ვარ, რომ დავიკარგო, თუკი საკრებულოში ვერ მოვხვდები.

_ თქვით, რომ "რესპუბლიკელების" დატოვების ერთ-ერთი მიზეზი თქვენი ლიდერების ბოკერიასთან და უგულავასთან ერთად აქციაზე დგომაა. "ოცნებაში"  რომ მიდიხართ,  ნაცმოძრაობიდან "გადაპორტირებული" მომავალი თანაპარტიელები,  რომლებიც 2012 წელს გიპირისპირდებოდნენ, მინიმუმ, დისკომფორტს არ შეგიქმნიან?

_  რომ იქნებიან, ზუსტად შიგნიდან ვეტყვი.

_ და ახლა აღარ უნდა თქვათ?

_ ახლაც ვამბობ.

_ იტყვით, რომ მაგალითად აკაკი ყაჭეიშვილი _ ადამიანი, რომელიც 2012 წელს გამგეობის შენობაში "ნაციონალების" მაისურით დადიოდა და ამის დაფიქსირების მცდელობისას ლამის კამერა დაგვიმტვრია, "ოცნებას" კანდიდატად არ უნდა ჰყავდეს?

_ აკაკი რომ "ნაციონალების" წევრი იყო, ამაზე ადრეც მისაუბრია. გასაგებია, რომ ეს ადამიანები იმ პარტიას ედგნენ გვერდში, რომელსაც დამნაშავე პარტია ჰქვია, მაგრამ მე პირადად აკაკისთან პრეტენზია არ მაქვს. კადრები კი ნამდვილად არ მახსოვს და არც ეს ფაქტი.

_ არც "ოცნების" კიდევ ერთი სავარაუდო კანდიდატის - ნატო ჩანტლაძის ღამეული შეხვედრები გახსოვთ ნაციონალური მთავრობის გამგებელთან ლელა იმედაშვილთან?

_ ნატოს პირადად არ ვიცნობ. ვიცი, რომ "ოცნებას" მისი კანდიდატურა 2014 წელსაც უნდა დაეყენებინა, თუმცა, დაიბლოკა.

_ მაშინ "გურია ნიუსის" არქივს კარგად გადახედეს...

_ ძალიან ცუდია, რომ კანდიდატი ირჩევა იმით, ვიღაცა ვიღაცას იცნობს, ვიღაცა ვიღაცისთვის კარგია.

_ ბატონო გოჩა, თქვენი დამოკიდებულება მოქმედი გამგებლის, "ოცნების" რაიონული ორგანიზაციის თავმჯდომარის, ირაკლი კუჭავას მიმართაც შეიცვალა? გვახსოვს, საკრებულოს სხდომებზე აკრიტიკებდით _ საკადრო პოლიტიკას, ბიუჯეტის ხარჯვას უწუნებდით...

_ დანაშაულში რომ დავდო ბრალი, ამის უფლება არ მაქვს. ის გამგებელია და გუნდთან ერთად აკეთებდა საქმეს. ბევრი პრეტენზია მქონდა, მაგრამ ყველა ადამიანის მიმართ შეიძლება ასე მოხდეს, მით უმეტეს, თუ საჯარო მოხელეა. მას ყოველთვის უგროვდება პრეტენზიები, რადგან რაც არ უნდა ბევრი საქმე გააკეთო, ხალხს უფრო მეტი უნდა, _ აღნიშნა ჩვენთან საუბრისას ჯიქიამ.

P. S. როგორც წესი, საარჩევნო სიების და კანდიდატების კონფიგურაციის ჩამოყალიბების წინ, იმ ადამიანების დამოკიდებულება, რომლებიც მმართველ პარტიას ან მათ კონკრეტულ წარმომადგენლებს უპირისპირდებიან, რადიკალურად იცვლება.  ჩვენ ვეცდებით, ყველა მათგანს ვესაუბროთ და მკითხველს მათი მეტამორფოზის მიზეზი მათივე სიტყვებით გავაცნოთ, თუმცა, ეს სიტყვები წინასწარ ვიცით: "მასეთი არაფერი მითქვამს", "ჩვენ გუნდურად ვმუშაობთ", "პარტიის გადაწყვეტილებას დავემორჩილებით" და ასე შემდეგ.

ეს, გოჩა ჯიქიას ნაკლებად ეხება, მაგრამ არ შეიძლება აქვე არ აღვნიშნოთ: წინასაარჩევნო მეტამორფოზები, სამწუხაროდ, მისაღებია იმ მოკლე პოლიტიკური მეხსიერების მქონე საზოგადოებაში, სადაც გადაწყვეტილების მიმღებ პირველ პირებად გვევლინებიან კოლაბორაციონისტი,  უპრინციპო ადამიანები, რომლებიც სამართლიანობისთვის არასდროს იბრძვიან, შემდეგ კი გამარჯვებული, ხელისუფლებაში მყოფი პოლიტიკური ძალის სასარგებლოდ "შენიღბულად", "იატაკქვეშ" მუშაობას უსირცხვილოდ აქეთ აყვედრიან საზოგადოებას და ნებისმიერ ფასად ცდილობენ ისევ პოლიტიკურ ელიტაში ამოყონ თავი.

ისიც "ტრადიციულია", რომ ამგვარი პოლიტიკოსები და მათი მიმდევრები, საკუთარი მედროვეობის გასამართლებლად, მარჯვედ ხმარობენ ფრაზებს: "რა ვქნა, ძმაო, მტისკავენ!" "რა ვქნათ, ზევიდან გვიბრძანეს!" "თუ არ გავრიცხავთ, თავზე გადაგვივლიან!" და იღებენ ისეთ გადაწყვეტილებებს, რომლებიც მათ მეგობრებს, მათი ახლობლების სიცოცხლესაც კი უქმნიან საფრთხეს. და როცა უკვე წასული ხელისუფლების მიერ გაწირული ეს "ახლობლები" საფრთხეს გადაურჩებიან, მათ ეფიცებიან ერთგულებას და სულაც აღარ ახსოვთ რამდენიმე თვის წინანდელი წარსული, მანამ, სანამ ისევ "აქტუალური" არ გახდება თანამდებობის შენარჩუნება!

თუმცა, როგორც ერთ-ერთი ჩვენი რესპონდენტი, "ნაციონალების" დროინდელი გამგებელი, რომელიც დღესაც წამყვან თანამდებობაზეა, ამბობს: "მედროვეებს სად წაუხვალ?!"




 ახალი ამბები
  • წალენჯიხაში ავტომობილი ამობრუნდა - არიან დაშავებულებიხუთი ადამიანი დაშავდა წალენჯიხაში, სოფელ ლიაში,რამდენიმე საათის  წინ  მომხდარი ავტოსაგზაო შემთხვევის შედეგად. არსებული ინფორმაციით, მსუბუქი ავტომობილი  გზიდან   გადავადიდა  და ამობრუნდა. დაშავებულები ამ დროისთვის ზუგდიდის რეფერალურ ჰოსპიტალში არიან გადაყვანილები. ავარიის გამომწვევი ზუსტი მიზეზი, ჯერჯერობით, უცნობია. შსს-მ მომხდარზე გამოძიება სსკ-ის 276-ე  მუხლით ... ...
  • ჩოხატაურის ქუჩებში სადეზინფექციო სამუშაოები მიმდინარეობსამ წუთებში, ჩოხატაურში ცენტრალური ქუჩების სადეზინფექციო სამუშაოები  მიმდინარეობს. აღნიშნული ღონისძიება კორონავირუსის პრევენციის მიზნით ტარდება. როგორც „გურია ნიუსს“ ჩოხატაურის მუნიციპალიტეტის მერიის პრესსამსახურმა განუცხადა, სპეციალური ხსნარით მუშავდება და წყლის ჭავლით ირეხება ცენტრალური ქუჩები, ცენტრალური მოედანი, მაღაზიების და საავადმყოფოს მიმდებარე ტერიტორიები, ასევე საკათედრო ტაძრის მიმდებარე ტერიტორია. ქუჩების სადეზინფექიო სამუშაოებში ჩართულია შინაგან საქმეთა სამინისტროს სამაშველო სამსახურის დანაყოფები და ჩოხატაურის მერიის დასუფთავების სამსახური. ადგილზე იმყოფება ჩოხატაურის მუნიციპალიტეტის მერი ირაკლი კუჭავა, მოადგილეებთან, თამაზ ჯინჭარაძესთან და მინდია ჟღერიასთან ერთად. "გურია ნიუსის" შეკითხვაზე აღნიშნული ღონისძიება ერთჯერადია თუ უახლოეს დღეებში ისევ განმეორდება, მერიაში ამბობენ, რომ გადაწყვეტილებას ეპიდემიოლოგიური სიტუაციის მიხედვით ... ...
  • რატომ არ მივიდა პრეზიდენტი 9 აპრილს დაღუპულთა მემორიალთან1989 წლის 9 აპრილიდან 31 წელი გავიდა. ჩვეულებრივი მოქალაქეებისა და სხვადასხვა პოლიტიკური პარტიების ლიდერებმა მემორიალი ყვავილებით შეამკეს და დაღუპულთა ხსოვნას პატივი მიაგეს. თუმცა, საქართველოს პრეზიდენტი 9 აპრილს დაღუპულთა მემორიალთან არ გამოჩენილა. როგორც პრეზიდენტის ადმინისტრაციის გვერდზე გავრცელებულ მიმართვაში წერია, ზურაბიშვილი მიიჩნევს, რომ დღევანდელი დღის მნიშვნელობის გააზრება სახლშიც შეიძლება. „დღეს 9 აპრილია. ეს ჩვენი ქვეყნის ისტორიაში ერთ-ერთი ტრაგიკული და ამავდროულად, უდიდესი გამარჯვების დღეა, რომელიც არ შეიძლება ერთად არ გავისხენოთ! ამავე დროს, დღეს 9 აპრილი სულ სხვა ვითარებაში გაგვითენდა - საგანგებო მდგომარეობის, შინ დარჩენისა და კარანტინის ვითარებაში და მთელი საზოგადოება 9 აპრილს სხვა განწყობით ხვდება. ბევრი ვერ მივიდა დღეს 9 აპრილის მემორიალთან, მე არ მივსულვარ მემორიალთან, რადგან საზოგადოების დიდი ნაწილი ვერ მივიდოდა. ეს არ ნიშნავს იმას, რომ ამ დღეს ჩვენ ნაკლებად განვიცდით. ეს არ ნიშნავს, რომ ჩვენ არ გვახსოვს იმ გმირების თავდადება! ეს არ ნიშნავს, რომ რამენაირად დაკნინდა 9 აპრილის დღესასწაული და ტრაგიზმი! ეს ყველაფერი ჩვენთანაა და შეიძლება კიდეც სახლში უფრო გავიაზროთ - რას ნიშნავს ეს დღე ჩვენი დამოუკიდებლობისა და სახელმწიფოსთვის, რამდენად მძიმე, მაგრამ ამავდროულად, სიმბოლური დღეა დღეს”,_ წერია პრეზიდენტის ... ...
  • დაესწრება თუ არა სააღდგომო ლიტურგიას პრეზიდენტი საქართველოს პრეზიდენტმა სალომე ზურაბიშვილმა მიმართვაში განაცხადა, რომ წელს აღდგომის დღესასწაულზე ტაძარში ვერ მივა, რადგან საზოგადოებას დაუმორჩილებლობის მაგალითს ვერ მისცემს. „სამ დღეში არის ბზობა, ათ დღეში კი – აღდგომა. მე არ მახსოვს ჩემი ცხოვრების არც ერთი წელი, როცა არ მივსულვარ ეკლესიაში აღდგომის წირვაზე ან თუნდაც ვნების კვირეულის რომელიმე ლიტურგიაზე. ეს იყო ჩვენს ოჯახში დიდი ტრადიცია, ეს იყო ჩვენი რწმენის გამოხატულება, თუმცა სხვა ვითარებაა ამ წელს და ამ წელს ვერ მივალ მე ეკლესიაში, ვერ მივალ აღდგომის წირვაზე, რამეთუ ქვეყნის პრეზიდენტს არ შეუძლია, დაარღვიოს ის, რაც არის კანონი და წესი. ქვეყნის პრეზიდენტი უნდა იყოს სამაგალითო ამ კუთხით და ვერ მისცემს საზოგადოებას დაუმორჩილებლობის რამე მაგალითს. ჩვენ, დარწმუნებული ვარ ამაში, ყველანი ერთად ვილოცებთ, ეკლესიაში მყოფი სასულიერო პირები ჩვენთვის ილოცებენ და ეს იქნება ასევე ჩვენი რწმენის დიდი გამარჯვება, ეს ერთიანობა, რომელიც არის ჩვენი მთავარი იარაღი დღეს ამ დიდ ბრძოლაში, რომელშიც ვართ ჩართული“, – განაცხადა სალომე ... ...
  • ევროკავშირის ელჩი: საქართველოზე შეყვარებული ვარ„საქართველოზე შეყვარებული ვარ და კიდევ ერთხელ შემიძლია ვთქვა, რომ ეს საუკეთესო ადგილია, სადაც შეიძლება ახლა ვიმყოფებოდე“, - ამის შესახებ ევროკავშირის ელჩმა, კარლ ჰარცელმა რუსთავი 2-ის ეთერში განაცხადა. ევროკავშირის ელჩმა კორონავირუსის წინააღმდეგ საქართველოსთვის გამოყოფილ დახმარებაზე ისაუბრა მისი  თქმით, ადრეული და გაბედული ქმედებებით საქართველომ ძალიან კარგი პოზიცია დაიკავა. „იმედი გვაქვს, რომ გადავშალეთ ახალი გვერდი შემთხვევების კლების კუთხით, თუმცა ბრძოლა კვლავ მიმდინარეობს. საქართველოს რამდენიმე პროგრამით გათვალისწინებული ათეულობით მილიონი ევროთი ვეხმარებით, რაც ამ კრიზისულ პერიოდში მთლიანობაში დაახლოებით 250 მილიონიან დახმარების პაკეტს ქმნის. ჩვენ ეს თანხები გვინდა მივმართოთ ჯანდაცვის მწვავე საჭიროებებისკენ, ჩვენ ვიმუშავებთ მსოფლიო ჯანდაცვის ორგანიზაციასთან, რათა შევიძინოთ აღჭურვილობა, ჩავატაროთ ტრეინინგი. გვინდა დავრწმუნდეთ, რომ დავეხმარებით ყველაზე უფრო მოწყვლად ჯგუფებს და გამოვყოფთ უფრო მეტ თანხებს სამოქალაქო საზოგადოების ორგანიზაციებისთვის ქვეყნის მასშტაბით, რათა მივცეთ საშუალება განახორციელონ ეს მნიშვნელოვანი სამუშაო. ასევე გამოკვეთილი ნაწილი გახლავთ მხარდაჭერა, რომელიც გვსურს აღმოვუჩინოთ საქართველოს ეკონომიკის საყრდენს, ესაა მცირე და საშუალო ზომის საწარმოები, რომელთა დახმარებაც გვინდა იაფფასიანი კრედიტების მიწოდებით, რათა აღიდგინონ საქმიანობა“, - განაცხადა კარლ ჰარცელმა „რუსთავი 2-ის“- ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...