როგორ იხსენებენ კალანდობის დღესასწაულს "გურია ნიუსის" ღვაწლმოსილი, მუდმივი მკითხველები

მთავარი თემა

როგორ იხსენებენ კალანდობის დღესასწაულს "გურია ნიუსის" ღვაწლმოსილი, მუდმივი მკითხველები

2020 იან 13 10:53:08

კალანდობის ტრადიციას რომ საუკუნოვანი ისტორია აქვს გურიაში და იგი მტკიცედ არის შენარჩუნებული დღემდე, ამას ყოველი ახალი წლის დადგომაც მოწმობს. აქ კვლავ გამორჩეული მოლოდინით ელიან 13 იანვრის ღამეს, როცა "კალანდა" თენდება.

ჩიჩილაკი ახლა უმეტესად ბაზრობაზე იყიდება, წარსულისგან განსხვავებით, როცა ყოველ ოჯახში ლუკუმხის ან თხილის ხისგან თავად თლიდნენ.

კვლავ აქტუალურია სუროთი, კურკანტელით, ჩურჩხელებით თუ სხვადასხვა ტკბილეულით მისი მორთვა. ასევე, ხონჩაზე დალაგებული სხვადასხვა ნუგბარი, იქვე სანთელი და მეკვლის ლოცვა.

"გურია ნიუსმა" გადაწყვიტა, ძირძველ ტრადიციებზე იმ ღვაწლმოსილ ადამიანებს ესაუბრათ, რომლებიც "გურია ნიუსის" დაფუძნების დღიდან მისი აქტიური მკითხველები არიან და ერთხელაც არ შეუწყვეტიათ მისი გამოწერა. ამ ადამიანებს შინ ვესტუმრეთ. ზოგიც რედაქციაში თავად მოვიდა. ზოგი დაგვეთანხმა ფოტოს გადაღებაზე, ზოგმაც თავაზიანი ღიმილით იუარა, აწი ასაკში ვარ და მთლად საფოტოოდ ვერ გამოვიყურებიო. სამაგიეროდ, სიამოვნებით გვიამბეს, თუ როგორ ახსოვთ კალანდობის ზეიმი შორეული ბავშვობიდან.

ციური ბაბილოძე, სოფელ მერიის საჯარო სკოლის მასწავლებელი: "მიხარია, რომ "გურია ნიუსი" ტრადიციების განმტკიცებას ძალიან უწყობს ხელს. ამიტომ ველი ყოველ ნომერს გამორჩეული სიხარულით. ჩემს ბავშვობაში კალანდობის დღესასწაული დიდი სამზადისს უკავშირდებოდა. თხინვალში დავიბადე და გავიზარდე. უფრო დიდი დღესასწაული და განსაკუთრებული მზადება არ მახსოვს. ბუნებრივია, ღორი, ინდაური თუ ქათმები ყველა ოჯახს უნდა ჰყოლოდა. ამ დღისთვის განსაკუთრებით ასუქებდნენ.

ჩიჩილაკს ოჯახებში თლიდნენ. სიცოცხლის ხეს, რაც შეიძლება, ლამაზი და ხშირი "წვერი" უნდა ჰქონოდა.

ნაშუაღამევს ერთმანეთის ოჯახებში გადავდიოდით, ბავშვებიც ჟრიამულით დავრბოდით. მეკვლე ოჯახის უფროსი იყო, რომელიც 12 საათამდე 15 წუთით ადრე გადავიდოდა ეზოს გარეთ ხონჩით და მერე ზუსტად 12-ზე, როცა სროლა დაიწყებოდა, შემოვიდოდა ხვავის და ბარაქის სურვილით. ბებიები მუცლის სალოცავ კვერებს შემოგვავლებდნენ. მე განსაკუთრებით მიხაროდა ბათუმში, ბიძასთან წასვლა. იქ ალილოს რიტუალი უფრო მასშტაბური იყო. "არიელი, მარიელი, ნუ გაგვიშვებ ცარიელი", _ ისმოდა ყიჟინა, რაც ახლაც ყურებში მიდგას"...

დადანა ცინცაძე, ოზურგეთელი პენსიონერი პედაგოგი: "კალანდობა ჩემს ბავშვობაში ზღაპრული მოვლენა იყო.

ჩოხატაურში, გუთურში დაბადებული და გაზრდილი ვარ. ადრიანად იწყებოდა სამზადისი. ვიცით, ტრადიციული სუფრისთვის რაც იყო საჭირო. ეს დღესაც შენარჩუნებულია. თუმცა, მაშინ სხვა ხიბლი ჰქონდა ხონჩაზე დალაგებულ ღორის თავს, ხაჭაპურებს, მრგვალად მოხარშულ ქათამს, სხვადასხვა ტკბილეულს, ჩურჩხელებს, გოზინაყს. გასაჭირი სულ იყო, მაგრამ ვერ ნახავდით ოჯახს, რომელსაც საკალანდოდ ეს ყველაფერი არ ჰქონოდა სუფრაზე.

მე თვითონ ჩემს კუთხეში ყველა ოჯახის მეკვლე ვიყავი, ოღონდ ადრე დილიდან. გვიან ღამით არავინ გამიშვებდა ეზოს გარეთ. კალანდა დილას, ადრიანად ჩამოვივლიდი ყველა ოჯახს, მივულოცავდი კალანდას. ძალიან გულუხვად მასაჩუქრებდნენ მეზობლები. მერე მეგობრებს ვუყოფდი ტკბილეულს.

 ჩვენს ბავშვობაში კალანდა იყო ყველაზე დიდი და კაშკაშა ზეიმი, რასაც ვერაფერი ცვლიდა. როცა ინსტიტუტი დავამთავრე და სამუშაოდ ჩოხატაურში, სოფელ ბუკისციხეში გამანაწილეს, იქ საოცარი დირექტორი დამხვდა _ აკაკი სიხარულიძე. მეუღლეც პედაგოგი ჰყავდა. საოცარი ხალხი იყო. ტანმორჩილი კაცი იყო, შინაგანად კი დიადი პიროვნება, უაღრესად განათლებული ადამიანი. ბატონი აკაკი კალანდის დღესასწაულის, ასევე, სხვა ტრადიციული დღესასწაულების შესახებ განსაკუთრებული დაკვირვებით, ცოდნით და ტაქტით უყვებოდა არა მარტო მოსწავლეებს, ასევე, პედაგოგებს.

აკაკი სიხარულიძის შვილი რომ "გურია ნიუსის" რედაქტორია დღეს, ესეც არის განმსაზღვრელი, რომ ამ გაზეთის მუდმივი მკითხველი ვარ და ვიქნები სიცოცხლის ბოლომდე. თუ ნამეტანი გრძლად არ გამომივა, ერთ ამბავსაც გავიხსენებ _ ბატონ აკაკის პატარა გიორგი ძალიან ავად გაუხდა. მეუღლემ დეპეშა გამოუგზავნა თბილისიდან, რომ ბავშვს სულიერს მოუსწარიო... ეტყობა, მძიმე მდგომარეობა იყო. დავიზაფრეთ. ვერავინ ვბედავდით დეპეშის შინაარსის გამხელას. ბოლოს უთხრეს მაინც... სხვა გზა არ იყო. მახსოვს, როგორ გაფითრებულმა, თუმცა, მაინც მხნედ მიმავალმა დატოვა სკოლის ეზო. მერე ყველაფერი კარგად დასრულდა... მინდა, უთვალავი ბედნიერი კალანდა გათენებოდეს ბატონ გიორგი სიხარულიძეს, თავის ოჯახთან, საკუთარ საქმესთან წარმატებაში. დიდხანს ეხაროს სახელოვანი მშობლების შვილს მამისეულ ფუძეზე. ჩემი საკალანდო მილოცვა ასე გადაეცით..."

შორენა სიმონიშვილი, პენსიონერი ქალბატონი სოფელ შემოქმედიდან: "ყველას გილოცავთ კალანდობას, ჩემ საყვარელ "გურია ნიუსს" განსაკუთრებით.

კალანდის დღესასწაული ჩემს ბავშვობაში ახდენილი ზღაპარი იყო. მინდა დამიჯეროთ, რომ ყველა ბავშვი განსაკუთრებით ბედნიერი ვიყავით. რაც უნდა ღარიბი ყოფილიყო, ამ დღეს ყველა ოჯახში სავსე სუფრა ჰქონდათ გაშლილი.

განსაკუთრებით მახსოვს მუცლის სალოცავის რიტუალი. საშობაო კვერი ცხვებოდა კეცზე, მოხარშულ კვერცხებს ორი დღით ადრე შუაცეცხლზე შეკიდებდნენ და ასე ამზადებდნენ მუცლის სალოცავისთვის. დედა აკეთებდა ამ ღვეზელს, რომელშიც მრგვალად მოხარშული ყველი იდო. სამჯერ შემოგვატარებდა ირგვლივ. სიმართლე გითხრათ, ლოცვის ტექსტი სრულად არ მახსოვს, ხმადაბლა ჩურჩულებდა და ამით ჩვენც ვგრძნობდით, რომ წყნარად და რიდით უნდა ვყოფილიყავით. მერე კი მთელ კუთხეს შემოვირბენდით. განსაკუთრებული სიხარული სუფევდა. ეს სიხარული ლამის მთელი წლის მანძილზე მიგვყვებოდა. იყო ისეც, რომ ვისმენდით საუბარს უფროსებისგან, რომ მომავალი კალანდისთვის როგორ უნდა მომზადებულიყვნენ. ნატრობდნენ კარგ ამინდებს და უხვ მოსავალს, რომ კიდევ უფრო "მსუყედ" შეხვედროდნენ მომდევნო კალანდას.

სხვა რა გითხრათ. მინდა, რომ ეს ტრადიცია არასდროს დაიკარგოს".

ეთერ ლომჯარია, პენსიონერი სოფელ ჭანიეთიდან: "კალანდობა ზეიმი იყო, ნამდვილი დღესასწაული. ბავშვებს ძალიან გვიხაროდა თავმოყრა, თუმცა, ჯერ ყველა აუცილებლად საკუთარ ოჯახში, მშობლებთან ერთად უნდა შეხვედროდა ახალ წელს".

ელდარ თავაძე, პენსიონერი სოფელ ჭანიეთიდან: "კალანდის მოლოდინში ერთი თვით ან ერთი კვირით ადრე კი არ იწყებოდა მზადება _ ეს იყო ერთგვარი შეჯამება, თუ როგორ იშრომა ოჯახმა წლის მანძილზე და როგორი სუფრა გაშალა საკალანდო რიტუალისთვის, რომ უფლისთვის სამადლობელი ღირსეულად ეთქვა. საუკეთესო ღვინო, საკლავი, ტკბილეული, ოჯახის უფროსის ხელით გათლილი ჩიჩილაკი, სალოცავი კვერების გამოცხობა, ახლა რომ ღვეზელს ვეძახით _ ეს ყველაფერი უდიდესი ჰარმონიით იყო ერთმანეთს შეზავებული.

ბიჭებს ძალიან მოგვწონდა მარანში შესვლის პროცესი, როცა ბაბუა ჩაფით ამოიღებდა ღვინოს ჭურიდან და ღმერთის სადიდებელს იტყოდა პირველ რიგში. ასევე, მოგვწონდა, მამები რომ თოფს შეწკიპავდნენ _ მაშინ ხომ მაშხალები და შუშხუნები არ იყო. თოფის სროლა იწყებოდა 12 საათის დადგომისთანავე. მერე იყო მილოცვები, სიმღერა და გადაძახილები. რაღაცნაირი საყოველთაო ჟრიამული იყო.

კუთხეში, სადაც ათი-თხუთმეტი ან მეტი ოჯახი ცხოვრობდა, ისე შევიდოდნენ ერთმანეთთან, როგორც საკუთარ ჭერქვეშ. ეს ტრადიცია კიდევ უფრო უნდა გაძლიერდეს და არ უნდა დაკარგოს გურიამ. მასში არის სიცოცხლის ისეთი სადიდებელი, რაც გურულებს განსაკუთრებული ფილოსოფიური სიღრმით ამოაქვთ შინაგანი სამყაროდან.

თვალხილული და თითქოს ამოუცნობი ფენომენიც არის კალანდობა, რომელსაც მუდამ მოაქვს რაღას ახალი თუ განახლებული მუხტი...

მრავალს დაესწარით, "გურია ნიუსს" ცალკე მიულოცეთ ჩემგან, ნომერი არ დამიგვიანოთ".

მერიის საჯარო სკოლის მასწავლებელმა, ციური ბაბილოძემ გვიამბო, თუ როგორ ჩაატარეს გასულ წელს სოფელ მერიის საჯარო სკოლიდან "ალილოს" მსვლელობა:

_ ჩვენი სკოლა მართლაც ერთადერთია, სადაც "ალილოს" მსვლელობის სცენარი დაიგეგმა. მოსწავლეების სიხარული უსაზღვრო იყო, როცა ასეთი სცენარი შევთავაზეთ. ხარი სოფელ ხვარბეთიდან ჩამოვიყვანეთ. უამრავი შემოწირულობა შეგროვდა. გზადაგზა მძღოლები, მგზავრები აჩერებდნენ და ფულსაც ჩუქნიდნენ მეალილოეებს.

უნდა გენახათ, ბოლოს ბავშვებმა, ეკლესიაში მიტანილი შემოწირულობა რა სიზუსტით დათვალეს და სოციალურად დაუცველ ოჯახებს და გაჭირვებულებს როგორ გადასცეს. ეს იყო ნამდვილი დღესასწაული.

საუკეთესო ტრადიციები დროს ყოველთვის უპრობლემოდ უძლებენ, პეწს არ კარგავენ. მთავარია, ადამიანებმა არ დაკარგონ სახე და შეძლონ ამ ტრადიციების ღირსეულად ტარება, _ გვითხრა ქალბატონმა ციურიმ.

 "გურია ნიუსი" დიდი სიყვარულით და ღრმა პატივისცემით ულოცავს ამ ადამიანებს, ყველა მკითხველს "კალანდობას" და ჯანმრთელ, ხანგრძლივ, ბედნიერ სიცოცხლეს უსურვებს!




 ახალი ამბები
  • ხობის მუნიციპალიტეტში მცხოვრები 1000 ოჯახი საკვები პროდუქტების პაკეტს მიიღებს ხობის მუნიციპალიტეტში მცხოვრები სოციალურად დაუცველი 1000 ოჯახი საკვები პროდუქტების პაკეტს მიიღებს,- ამის შესახებ ინფორმაციას ხობის მუნიციპალიტეტის მერია ავრცელებს. მათივე ინფორმაციით, სამომხმარებლო პროდუქტების შესაძენად ადგილობრივ ბიუჯეტიდან 50 000 ლარამდე დაიხარჯება. ხობის მუნიციპალიტეტის მერის წარმომადგენლები სოციალურად დაუცველ ოჯახებს პროდუქტებს სახლში ... ...
  • დედაქალაქში დამატებითი შეზღუდვები წესდებაქვეყანაში შექმნილი ვითარებიდან გამომდინარე, დედაქალაქში დამატებითი შეზღუდვები წესდება. საგანგებო მდგომარეობის გამკაცრების გადაწყვეტილება კორონავირუსის გავრცელების საპრევენციო ღონისძიებების ფარგლებში, უწყებათაშორისმა საკოორდინაციო საბჭომ მიიღო. როგორც დედაქალაქის მერიის მიერ გავრცელებული ინფორმაციით, 31 მარტიდან ნებისმიერი ტიპის საზოგადოებრივი ტრანსპორტით, მათ შორის, თბილისის „მეტროპოლიტენით“ გადაადგილება იკრძალება. აკრძალვა, როგორც თბილისის მუნიციპალიტეტის, ასევე, ქვეყნის დანარჩენ ტერიტორიაზე იმოქმედებს. „აღნიშნულ პერიოდში, დედაქალაქის მასშტაბით გადაადგილება დასაშვები იქნება მხოლოდ მსუბუქი ავტომობილით, მათ შორის ტაქსით, იმ შემთხვევაში, თუ ჯანდაცვის სამინისტროს რეკომენდაციები სრულად იქნება გათვალისწინებული - ავტომანქანაში, მძღოლის ჩათვლით, უნდა მოთავსდეს მხოლოდ სამი ადამიანი. მათგან ორი ადამიანი, უნდა მოთავსდეს ავტომანქანის უკანა სავარძელზე, გარკვეული დისტანციის დაცვით. კიდევ ერთხელ შევახსენებთ ჩვენს მოქალაქეებს, განსაკუთრებით კი ტაქსის მძღოლებს, რომ მგზავრის გადაყვანის დროს, ავტომანქანის ფანჯრები დახურულ მდგომარეობაში არ უნდა ჰქონდეთ. წინააღმდეგ შემთხვევაში, შესაბამისი ორგანოები კანონის ფარგლებში იმოქმედებენ“,_ ნათქვამია დედაქალაქის მერიის მიერ გავრცელებულ ... ...
  • რა მნიშვნელოვანი შეზღუდვები წესდება ქვეყანაშისაქართველოში ხვალიდან საყოველთაო კარანტინი და ე.წ. კომენდატის საათი ამოქმედდება. ამის შესახებ განცხადება პრემიერ-მინისტრმა ცოტა ხნის წინ გააკეთა. რას ითვალისწინებს აღნიშნული მდგომარეობა ქვეყანაში, რა მნიშვნელოვანი შეზღუდვები უნდა გაითვალისწინოს მოსახლეობამ_ ამ საკითხზე „გურია ნიუსი“  ილიას სახელმწიფო უნივერსიტეტის სამართლის სკოლის ასოცირებულ პროფესორს, კონსტიტუციონალისტ კოტე ჩოკორაიას ესაუბრა. „პრემიერ-მინისტრის განცხადებას ვუსმინე, რაც გულისხმობს პირველ რიგში შეზღუდვებს გადაადგილებასთან დაკავშირებით, ანუ მნიშვნელოვანი შეზღუდვებია. იკრძალება ყველა ტიპის სატრანსპორტო გადაადგილება ქალაქებს შორის, გარდა ავტომობილისა, მათ შორის თბილისში მეტროთი და ავტობუსით მგზავრობა. გადაადგილება მხოლოდ ავტომობილით არის შესაძლებელი და იქაც თავისი წესებია. 3 ადამიანზე მეტი არ შეიძლება, რომ იყოს ავტომობილში. მნიშვნელოვანი შეზღუდვა, რაც აქამდე არ იყო 3-ზე მეტი ადამიანის შეკრების შეზღუდვაა და ასევე მნიშვნელოვანი შეზღუდვა ეხება  70 წელზე მეტი ასაკის მქონე ადამიანებს, რომელთაც პრინციპში ეკრძალებათ გამოსვლა და მეოთხე, ესაა ე.წ. კომენდატის საათი. ეს არის უბრალოდ გადაადგილების შეზღუდვა, საკარანტინო შეზღუდვის კომპონენტი, როდესაც ადამიანებს ეკრძალებათ საღამოს 9-დან დილის 6-ამდე გამოსვლა. იმისთვის, რომ უფრო მარტივი აღსაქმელი ყოფილიყო ამიტომ თქვეს ე.წ. კომენდატის საათი. კომენდატის საათი ცოტა სხვა რაღაცებს მოიცავს თავის თავში, თუმცა, შინაარსით ამას ჰგავს. ე.წ. კომენდატის საათი, ნიშნავს იმასაც, რომ ადამიანებმა მგზავრობა ისე უნდა დაგეგმონ, რომ გადაადგილება არ გახორციელდეს 9 საათის მერე“,_ გვითხრა ჩოკორაიამ. საქართველოში საგანგებო მდგომარეობის რეჟიმის კიდევ უფრო მკაცრი სახით ამოქმედება კორონავირუსთან ბრძოლას ... ...
  • როდის ჩატარდება გამოცდა სპეცმასწავლებლებისთვის და იგეგმება თუ არა მათი ხელფასების ზრდაქვეყანაში შექმნილი სიტუაციის მიუხედავად, განათლების სამინისტრომ, პრაქტიკოსი მასწავლებლებისთვის და მასწავლებლობის მსურველებისთვის,ზაფხულში ორგანიზებული საგნობრივი და პროფესიული კომპეტენციების დადასტურების ტესტირებისთვის, რეგისტრაცია გამოაცხადა. დაპირების მიუხედავად,  იმედგაცრუებული დარჩნენ სპეციალური მასწავლებლები. ბუნებრივია, ამან კიდევ ერთხელ გამოიწვია მათი გულისწყრომა, სოციალურ ქსელში გაფიცვასაც კი აანონსებდნენ… ნაწილი, სავარაუდოდ, გადაუმოწმებელ ინფორმაციას ავრცელებდა იმის შესახებ, რომ მართალია, გამოცდა არ დაინიშნა, მაგრამ სპეციალური მასწავლებლის სახელფასო ზრდა იგეგმებაო… მოკლედ, გაურკვევლობაში მყოფი სპეცმასწავლებლების ინტერესებიდან გამომდინარე, ვცადეთ გაგვერკვია – ჩატარდება თუ არა წელს გამოცდა სპეცმასწავლებლებისთვის და იგეგმება თუ არა ხელფასების ზრდა? როგორც ირკვევა, ამჯერადაც, ისინი კიდევ ერთხელ უნდა ენდონ სიტყვაზე ამ სფეროს კომპეტენტურ ადამიანებს – საქმე არც თუ ისე ცუდადაა. როდის დამტკიცდება სპეცმასწავლებლის სქემა? როდის დაინიშნება მათთვის გამოცდა? ვინ გახდება უფროსი სპეციალური მასწავლებელი და როდის გაეზრდებათ სპეცმასწავლებლებს ხელფასი? – ამ კითხვებზე მასწავლებელთა პროფესიული განვითარების ეროვნული ცენტრის ინკლუზიური განათლების ხელშეწყობის პროგრამის მენეჯერი სალომე ჩარკვიანი გვიპასუხებს: _ რა ეტაპზეა ახლა სპეცმასწავლებლის სქემა და ჩატარდება თუ არა ზაფხულში სპეცმასწავლებლებისთვის გამოცდა? სქემაზე მუშაობა დასრულებულია და დასამტკიცებლად არის გადაცემული, ასევე, უნდა დამტკიცდეს სტანდარტიც. გამოცდის დასანიშნად საჭიროა საკანონმდებლო ცვლილებები. რადგან ასეთ ფორსმაჟორულ სიტუაციაში ვართ, სავარაუდოდ, ალბათ, ეს მინისტრის ბრძანების დონეზე მოხდება. ბრძანების დამტკიცებისთანავე, ნაეკი შეძლებს დადოს პროგრამა, რომელიც, პრინციპში, უკვე დიდი ხანია, გამზადებული აქვს. როგორც კი პროგრამა დაიდება, სპეცმასწავლებლებისთვის ცალკე გამოცხადდება რეგისტრაციაც და დაორგანიზდება გამოცდა. სამწუხაროდ, ჯერ არ ვიცით გამოცდის კონკრეტული თარიღი, თუმცა, შემიძლია გითხრათ, როცა მასწავლებელთა კომპეტენციის დასადასტურებელი გამოცდები ჩატარდება, სპეცმასწავლებლის გამოცდაც იმ პერიოდში მოიაზრება. _ რამდენსაფეხურიანია სქემა და შეძლებენ თუ არა მასწავლებლები, გამოცდის გარეშე, რომელიმე საფეხურზე გადასვლას? ამ ეტაპზე, სპეციალური მასწავლებლის პროფესიული განვითარების სქემა სამსაფეხურიანია – პრაქტიკოსი, უფროსი და წამყვანი, ჯერჯერობით არ გვეყოლება მენტორი. სქემის დამტკიცებისთანავე, პრაქტიკოსის სტატუსი მიენიჭება სისტემაში მოქმედ ყველა სპეცმასწავლებელს, ხოლო უფროსი მასწავლებელი ავტომატურად გახდება ის სპეცმასწავლებელი, რომელსაც მაგსიტრის ხარისხი აქვს. დანარჩენი პრაქტიკოსები კი, სტატუსის ამაღლებას გამოცდის ჩაბარებით შეძლებენ. რაც შეეხება წამყვანი მასწავლებლის სტატუსის მინიჭებას, წამყვანის გამოცდა მომავალ წელს იგეგმება და მას, თავისთავად, უფროსი მასწავლებლები ჩააბარებენ. _ რამდენ გამოცდის ჩაბარება მოუწევს სპეცმასწავლებელს? _ სპეცმასწავლებელს მხოლოდ ერთი გამოცდის ჩაბარება მოუწევს, ვინაიდან ის საგანს არ ასწავლის, შესაბამისად, იქნება სპეციალური განათლების გამოცდა – საგამოცდო ტესტები ნაეკმა ჩვენ მიერ მიწოდებული მასალების საფუძველზე მოამზადა. _ ხელფასის მატებაზე რას გვეტყვით – მართალია თუ არა მათ მიერ გავრცელებული ინფორმაცია, რომ ხელფასი ეზრდებათ? სამწუხაროდ, ახლა არ ვართ იმ ეტაპზე, რომ ხელფასები გაიზარდოს, კორონავირუსით გამოწვეულმა პრობლემებმა ძალიან ბევრ რამეს შეუქმნა პრობლემა და ბევრი რამ გადავადდა კიდეც. მათ შორის, სქემაც, რომელიც, რომ არა ეს პროცესები, უკვე დამტკიცებული იქნებოდა. რაც შეეხება სპეცმასწავლებლის ხელფასის მატებას, განვმარტავ, რომ ის აუცილებლად მიბმული იქნება სქემაზე, მომზადდება შესაბამისი ბრძანება სპეცმასწავლებლის დაფინანსების შესახებ.   როგორც იცით, ახლა ყველა მასწავლებელს სტანდარტული ანაზღაურება აქვს, მინისტრის მოადგილის დაკვეთა კი, ასეთია: შეიცვალოს არსებული წესი და ანაზღაურება იყოს ინდივიდუალიზირებული. თუმცა, როგორც გითხარით ჯერ შეცვლილი არაფერი არ არის, ეს პროცესიც დაწყებული იყო, მაგრამ განვითარებული მოვლენების გამო, სამწუხაროდ, შეჩერდა. იმედია, ყველაფერი მალე დასრულდება და ამ მიმართულებით დაწყებული პროცესებიც დასრულდება, შესაბამისად, სქემის ამოქმედების შემდეგ, აღნიშნული ბრძანებაც გვექნება. - სპეცმასწავლებლის გამოცდის ჩაბარების უფლება, მოქმედი მასწავლებლების გარდა, ექნებათ თუ არა მსურველებს და რა საკვალიფიკაციო მოთხოვნები დაწესდა მათთვის? იქნება თუ არა მათთვის განსხვავებული ბარიერი? _ დიახ, რასაკვირველია, გამოცდის ჩაბარების უფლება მიეცემათ მსურველებსაც, მაგრამ ექნებათ თუ არა განსხვავებული ბარიერი, ამაზე საბოლოო გადაწყვეტილება არ გვაქვს მიღებული. სავარაუდოდ, განსხვავებული ბარიერი არ დაწესდება, არც 1-4 კრედიტი იქნება, როგორც ახლა  აქვთ მასწავლებლებს სასერტიფიკაციო გამოცდებზე. საკვალიფიკაციო მოთხოვნად კი, სპეცმასწავლებლობის მსურველებისთვის, ამჟამად მასწავლებლის კვალიფიკაციაა. თუმცა, ზოგადი განათლების შესახებ კანონში უნდა აისახოს ცვლილება, რაც საშუალებას მისცემს სხვა პროფესიის ადამიანებს, სურვილის შემთხვევაში, შემოვიდნენ პროფესიაში. _ დაბოლოს, ბევრი გვყავს სისტემაში მაგისტრის ხარისხის მქონე სპეცმასწავლებელი, ანუ ის ადამიანები, რომლებიც გამოცდის გარეშე, სქემის ამოქმედებისთანავე, გახდებიან უფროსი სპეციალური მასწავლებლები? _ ზუსტი რიცხვი არ ვიცი, მაგრამ ასეთი მასწავლებელი ძალიან ... ...
  • "3 შემთხვევას ვერ ვადგენთ"_ კორონავირუსით ინფიცირების ზრდა შემაშფოთებელიასაქართველოს პრემიერ-მინისტრმა განცხადებით, ქვეყანაში კორონავირუსით ინფიცირების ზრდა შემაშფოთებელია. პრემიერ-მინისტრ გიორგი გახარიას განცხადებით, კორონავირუსით დაინფიცირებულთა შორის ერთი სამედიცინო სექტორის წარმომადგენელია.  „გვაქვს შემთხვევა, როდესაც სამედიცინო სექტორის თანამშრომელია ინფიცირებული და ეს ფაქტი,სხვა მოცემულობასთან ერთად, გვაძლევს შემდგომი ნაბიჯების გამკაცრების შესაძლებლობას,“ - განაცხადა გახარიამ. პრემიერმა ასევე აღნიშნა, რომ დღეს გვაქვს 3 შემთხვევა, რომლის წარმომავლობასაც ვერ ვადგენთ. „მოგეხსენებათ, როდესაც მსგავსი ინფიცირების პირველი შემთხვევა იყო მარნეულში, ჩვენ საგანგებო ღონისძიებები მივიღეთ და მარნეული და ბოლნისი გამოცხადდა საკარანტინო ზონად. დღეს გვაქვს სამი ასეთი შემთხვევა. სამწუხაროდ, ამასთან ერთად გვაქვს ერთი შემთხვევა, როდესაც სამედიცინო სექტორის თანამშრომელია ინფიცირებული და ეს ფაქტი, სხვა მოცემულობასთან ერთად, გვაძლევს შემდგომი ნაბიჯების გამკაცრების შესაძლებლობას,“ - განაცხადა პრემიერ- მინისტრმა. ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...