როგორ შეათავსებინეს გამგებელს ექიმობა და რატომ უნდა ვენდოთ დეპუტატ წილოსანს სიტყვაზე

მთავარი თემა

როგორ შეათავსებინეს გამგებელს ექიმობა და რატომ უნდა ვენდოთ დეპუტატ წილოსანს სიტყვაზე

10 აპრ. 2017, 17:56:04

თუ ჩოხატაურის სამუზეუმო გაერთიანებას ორშაბათს, დღის პირველ ნახევარში ეწვევით, ვერც დირექტორს _ შოთა ჩანტლაძეს იპოვით და ვერც მის მოადგილეს _ თამთა ჯანხოთელს.

ამის მიზეზი ისაა, რომ საბიუჯეტო დაფინანსებაზე მყოფი ორგანიზაციის სრულ განაკვეთზე დასაქმებული მოხელეები, სხვადასხვა სკოლაში ნახევარ განაკვეთზე მუშაობენ.

იქ მისულებს ბუღალტერი ხათუნა ჩხიკვაძე დაგხვდებათ, რომელიც გირჩევთ, რომ თუ უფროსთან ან მის მოადგილესთან გაქვთ საქმე, დღის მეორე ნახევარში მიხვიდეთ ან ტელეფონით სცადოთ დაკონტაქტება. ბუღალტერი იმასაც გეტყვით, რომ ასე ხდება ყოველ ორშაბათს.

როგორც გავარკვიეთ, ბუღალტერმა ისიც კარგად იცის, რომ ეს კანონის დარღვევაა, თუმცა, აღნიშნავს, რომ ამ თემებზე საუბარი მის კომპეტენციაში არ შედის.

ამაზე არც გაერთიანების და არც მასში შემავალი სხვადასხვა მუზეუმების თანამშრომლები საუბრობენ ღიად. თუმცა, პირად საუბრებში გვიყვებიან, რომ „პატრონიანებისთვის“ ასეთი რამ დასაშვებია. იმასაც გვიმხელენ, რომ პედაგოგიურ მოღვაწეობას მუზეუმების სხვა თანამშრომლებიც ეწევიან და ამის გამო, ბევრი მათგანი სამუშაო საათების ნაწილს სკოლაში ატარებს.

საჯარო მოსამსახურეებს კანონი პედაგოგიურ საქმიანობას არ უკრძალავს, თუმცა, ასეთ შემთხვევაში პირი კონკრეტული უწყებიდან სრული განაკვეთის ანაზღაურებას არ უნდა იღებდეს და თუ იღებს, მაშინ გაცდენილ დროს დამატებითი სამუშაოს დროით უნდა ანაზღაურებდეს. თუმცა, როგორც შოთა ჩანტლაძისგან გავიგეთ, დამატებით არც თვითონ მუშაობს, არც მისი მოადგილე და არც მუზეუმების ის თანამშრომლები, რომლებიც, პარალელურად, პედაგოგიური საქმიანობით არიან დაკავებულები.

ჩანტლაძესთან საუბარში ისიც გაირკვა, რომ სამუზეუმო გაერთიანების ხელმძღვანელმა კანონი კარგად იცის და ისიც, რომ თავადაც არღვევს:

_ ასე მოუწია, რომ მეც და ჩემს მოადგილესაც გაკვეთილები ორშაბათს გვაქვს. თუმცა, სხვა თანამშრომლები არიან ოფისში, _ გვითხრა შოთა ჩანტლაძემ.

_ ბატონო შოთა, თქვენ ხომ მუზეუმების მუშაობაზე პასუხისმგებელი პირი ხართ? სამუშაო საათებში სამსახურში თქვენი ან თქვენი მოადგილის ყოფნა რომ აუცილებელია, არ იცით?

_ კი, მაგრამ შევცვლით.

_ იცით, რომ თქვენც და თამთა ჯანხოთელიც კანონს არღვევთ?

_ კი, მაგრამ გპირდებით, რომ გამოვასწორებთ და სხვა დროს გადავიტანთ გაკვეთილებს.

_ ეს ხომ თქვენი პრეროგატივა არ არის? რას ნიშნავს, გაკვეთილებს სხვა დროს გადაიტანთ?

_ მე ვთხოვ ჩემი სკოლის დირექტორს ცხრილის შეცვლას. მე თუ არ გამომივიდა, მაშინ თამთა მოახერხებს. ისე ვიზამთ, რომ ორივე ერთდროულად არ ვიყოთ წასულები.

_ და სანამ თქვენ ან თქვენი მოადგილე ამ საკითხს მოაგვარებთ, მანამდე კანონი უნდა დაარღვიოთ?

_ ცოტა ხანია, რაც ასე ხდება და იმ სემესტრიდან შეიცვლება, _ დაგვაიმედა ჩანტლაძემ.

ამ კანონდარღვევის პარალელურად კი ირკვევა, რომ შოთა ჩანტლაძე, სრულ განაკვეთზე მუშაობით, ჩოხატაურის მუნიციპალიტეტის ბიუჯეტიდან, როგორც სამუზეუმო გაერთიანების დირექტორი, ყოველთვიურად 600 ლარს იღებს, ხოლო მისი მოადგილე _ თამთა ჯანხოთელი 560 ლარს.

ამ თემაზე მუშაობისას „გურია ნიუსმა“ კიდევ ერთი საინტერესო დეტალი აღმოაჩინა _ რამდენიმე დღის წინ, შოთა ჩანტლაძემ, მხარეთმცოდნეობის მუზეუმის დეკრეტულ შვებულებაში მყოფი დირექტორის შემცვლელად მაკო ბენიძე წარადგინა.

როგორც მუზეუმის თანამშრომლებმა გვითხრეს, წარდგენას ჩანტლაძის მოადგილე თამთა ჯანხოთელიც ესწრებოდა, რომელიც ბენიძის მეუღლის მამიდაშვილია. თუმცა, მეორე დღეს, დირექტორის შემცვლელი სამსახურში აღარ მისულა. როგორც გავარკვიეთ, ამის მიზეზი მუნიციპალიტეტების რამდენიმე ხელმძღვანელი პირის პროტესტი გახდა, რომლებსაც ბენიძის დანიშვნის შესახებ ინფორმაცია არ ჰქონდათ.

ჩანტლაძე ამბობს, რომ მუზეუმის თანამშრომლებს კანდიდატურა „სხვათა შორის“ წარუდგინა:

_ დანიშვნით არ დამინიშნავს, ისე, სხვათა შორის წარვადგინე. თანამშრომლებს ვუთხარი, რომ შეიძლება ეს გოგონა გამხდარიყო მათი დირექტორი.

_ რას ნიშნავს „სხვათა შორის“? ჩვენ გვაქვს დაზუსტებული ინფორმაცია, რომ ბენიძის დანიშვნის ბრძანება გაგაუქმებინეს..

_ ბრძანება არ მქონდა დაწერილი. მოვიდა ეს გოგონა და დაწერა განცხადება, რომ სურდა მუშაობის დაწყება და მე იმავე დღეს წარვუდგინე თანამშრომლებს.

_ ბატონო შოთა, ვინც თქვენთან განცხადებას წერს სამსახურის დაწყების მოთხოვნით, ყველას წარდგენას ასე აკეთებთ?

_ არა. უბრალოდ, მითხრეს, რომ ეს გოგონა იქნებოდა.

_ ეს მითითება ვინ მოგცათ?

_ გამგეობიდან დამირეკეს და მითხრეს, რომ დამენიშნა.

_ იცოდით, რომ ეს „გოგონა“ თქვენი მოადგილის ნათესავი იყო?

_ მერე გავიგე, რაც წარვადგინე, _ გვითხრა ჩანტლაძემ და საუბარი იმ მიზეზით შეწყვიტა, რომ სკოლაში გაკვეთილებს ატარებდა.

ჩვენ ამ დეტალების გადამოწმება ჩოხატაურის გამგებელთან ვცადეთ _ ირაკლი კუჭავამ, ტრადიციულად, კითხვების წერილობით გაგზავნა მოითხოვა. გავუგზავნეთ კიდეც და პასუხის მიღებამდე შევეცადეთ ჩანტლაძესთან კიდევ გაგვერკვია რამდენიმე საკითხი. სატელეფონო კომუნიკაციის დროს, სამუზეუმო გაერთიანების უფროსმა ჯერ გვითხრა, რომ ვერ გაგვესაუბრებოდა, რადგან მეგობართან იყო აუცილებელ საქმეზე, ხოლო მერე გვითხრა, რომ ექიმთან იმყოფებოდა ვიზიტზე და ამ მიზეზით არ შეეძლო საუბარი.

განსხვავებული და საეჭვო პასუხების გამო. „გურია ნიუსმა“ გადაწყვიტა ჩანტლაძის ადგილმდებარეობა დაეზუსტებინა. მით უმეტეს, გვქონდა ინფორმაცია, რომ გამგებელმა ყველა სამსახურის და ა(ა)იპ-ის უფროსს ჩვენთან ინტერვიუები აუკრძალა და დაავალა, კითხვებზე პასუხი მხოლოდ წერილობით გაეცათ.

ირაკლი კუჭავასთან გაგზავნილი კითხვების შინაარსის გათვალისწინებით, სავარაუდო იყო, რომ ჩანტლაძე ჩვენთვის მოცემული ინტერვიუს გამო სასაყვედუროდ დაიბარეს. არც შემცდარვართ _ ჩანტლაძესთან გახორციელებული ზარის შემდეგ, გამგებლის მდივანს დავურეკეთ და ვკითხეთ, იყო თუ არა თავისუფალი გამგებელი, რომ მიღებაზე შევთანხმებულიყავით. მდივანმა გვითხრა, რომ გამგებელთან სამუზეუმო გაერთიანების უფროსი შოთა ჩანტლაძე იმყოფებოდა.

ეს ინფორმაცია მოგვიანებით, გამგებლის კაბინეტიდან გამოსულმა ჩანტლაძემაც დაგვიდასტურა, თან აღნიშნა, რომ ექიმთან წასვლას აპირებდა და ამიტომ შეათავსებინა გამგებელს ექიმობა(?!)

ჩანტლაძემ არ გვითხრა, კონკრეტულად რომელი თანამდებობის პირის ბრძანებით აპირებდა მხარეთმცოდნეობის მუზეუმის დირექტორის მოვალეობის შემსრულებლად მისი მოადგილის ნათესავის დანიშვნას. უფრო სწორად, ჩვენი ინფორმაცია, რომ ეს პირი გამგებლის მოადგილე მინდია ჟღერია იყო, არც უარყო და არც დაადასტურა. თუმცა, აღნიშნა, რომ ბენიძის მეუღლის _ თენგო მეგრელიშვილის და ჟღერიას ახლო მეგობრობის შესახებ მისთვის ცნობილი არ იყო.

თავად ჟღერია მეგრელიშვილთან (მეგრელიშვილი გამგეობაში ხელშეკრულებით აყვანილი თანამშრომელი იყო, ცოტა ხნის წინ კი გამოცდები ჩააბარა. ავტ.) მეგობრობას არ უარყოფს და ამბობს, რომ იგი ისინი კლასელები არიან. კითხვაზე, მისი ბრძანებით დაინიშნა თუ არა მეგრელიშვილის მეუღლე დირექტორად ერთ დღით, გვპასუხობს, რომ ბრძანებებს არ იძლევა. თუმცა, არ უარყოფს, რომ მისი მხრიდან ამ დანიშვნაზე თხოვნას ჰქონდა ადგილი.

უფრო მეტი კონკრეტიკა ჟღერიამ არ მოისურვა და კითხვებზე საპასუხოდ მესიჯების გაგზავნა ითხოვა.

_ ბატონო მინდია, როცა ჟურნალისტი გირეკავთ, არ უნდა უპასუხოთ?

_ მომიმესიჯეთ და გაგცემთ პასუხს.

_ რას ჰქვია, მოგიმესიჯოთ? სტატიას ვამზადებთ, გირეკავთ თანამდებობის პირს და კითხვებზე პასუხს გთხოვთ....

_ მომწერეთ, ისე ვერ გიპასუხებთ.

_ გამგებლის ბრძანება, რომ ინტერვიუები წერილობითი მომართვის გარეშე არ მოგვცეთ, თქვენზეც ვრცელდება? ვინმეს უთანხმებთ, რა პასუხები უნდა გაგვცეთ?

_ რა შუაშია გამგებლის ბრძანება?! თუ კითხვებზე პასუხი გინდათ, მომწერეთ, _ აღნიშნა ჟღერიამ.

კიდევ ერთი საინტერესო დეტალი _ ჩვენი წყაროს ინფორმაციით, ბენიძის დანიშვნის რეკომენდაცია ჩოხატაურისა და ლანჩხუთის მაჟორიტარმა დეპუტატმა ნინო წილოსანმა გასცა იმის გამო, რომ მისი ბიუროს თანამშრომელი ბენიძის ნათესავია. წილოსანი „გურია ნიუსთან“ საუბრისას ამბობს, რომ არავის დანიშვნაში არ ჩარეულა, თუმცა, მომხდარის შესახებ ინფორმაციას ფლობს:

_ მე მომწერა მაკომ და მითხრა, რომ პრობლემა შეიქმნა. ერთი დღით დანიშნეს და მერე დღეს მოხსნეს. ორი დღის წინ იყო ეს ამბავი და სიმართლე გითხრათ, ვერ მოვიცალე ამის გასარკვევად.

_ ქალბატონო ნინო, გვითხარით, რომ ბენიძის დანიშვნაში არ ჩარეულხართ და თუ ეს ასეა, თქვენ რატომ მოგწერათ ბენიძემ პრობლემის შესახებ?

_ მე მაჟორიტარი ვარ და როცა ვიღაცას პრობლემები აქვს, მწერს. არაფერია ამაში გასაკვირი. მართალია, მტკიცებულება არ მაქვს, რომ დანიშვნაში არ ჩავრეულვარ, მაგრამ, იმედია, სიტყვებზე მენდობით, _ აღნიშნა „გურია ნიუსთან“ საუბრისას ნინო წილოსანმა.

იმის გასარკვევად, კონკრეტულად რა პრობლემები შეექმნა მაკო ბენიძეს, ამ უკანასკნელს ტელეფონით დავუკავშირდით:

_ არაფერი მსგავსი არ ყოფილა _ არც არავის დავუნიშნივარ და არც გავუთავისუფლებივარ, _ აღნიშნა ჩვენთან საუბრისას ბენიძემ.

_ თუ ასე იყო, წერილი რატომ მიწერეთ დეპუტატს?

_ არ მიმიწერია.

_ ნინო წილოსანმა გვითხრა, რომ მიწერეთ.

_ ხო, კაი, და მერე რა?

_ იქნებ, ჩვენც გვითხრათ, რა მოხდა _ რატომ დაგნიშნეს ერთი დღით დირექტორად?

_ არ ვაკეთებ ამ თემაზე კომენტარს, _ გვითხრა ბენიძემ და ტელეფონი გაგვითიშა.

და ბოლოს _ რაც შეეხება ჩოხატაურის მუნიციპალიტეტის გამგებელთან გაგზავნილ კითხვებს: ჩვენ დავინტერესდით, იცის თუ არა ირაკლი კუჭავამ, რომ ორშაბათს, დღის პირველ ნახევარში, სამსახურში არც სამუზეუმო გაერთიანების უფროსი დადის და არც მისი მოადგილე; რა ინფორმაციას ფლობდა ერთდღიან დირექტორზე და ვინ დაურეკა შოთა ჩანტლაძეს გამგეობიდან; ასევე, იცის თუ არა სხვადასხვა მუზეუმების იმ თანამშრომლების შესახებ, რომლებიც ჩანტლაძის და ჯანხოთელის მსგავსად, პედაგოგებად მუშაობენ და ამავე დროს, მუზეუმებში სრულ განაკვეთზე არიან დასაქმებულები.

ამ კითხვებზე გამგებლის მიერ ოფიციალურად გამოგზავნილი პასუხები ასეთია:

„კანონის დარღვევასთან დაკავშირებით საქმის კურსში არ ვარ, რადგან „საჯარო სამსახურის შეახებ კანონი“ საქმიანობის შეზღუდვას აწესებს მხოლოდ სახელმწიფო მოსამსახურეებისთვის. საქართველოს მოქმედი კანონმდებლობა არ აწესებს პედაგოგიურ საქმიანობაზე შეზღუდვას, რა თქმა უნდა, იგულისხმება გონივრულ ფარგლებში, ანუ ა(ა)იპ-ის ხელმძღვანელი შეიძლება იყოს პედაგოგიური და შემოქმედებითი საქმიანობის შემთავსებელი. ასეა თქვენი თანამშრომელიც დავით ჩხიკვაძე, რომელიც ა(ა)იპ-ის ხელმძღვანელია.

რაც შეეხება ნიკო ბერძენიშვილის სახელობის მხარეთმცოდნეობის მუზეუმს, მუზეუმის დირექტორი იმყოფება სადეკრეტო შვებულებაში და იქ სხვა ახალი კადრი არ დანიშნულა,“ _ მოგვწერა გამგებელმა, რომელსაც, როგორც ჩანს, არც პარლამენტარი აყენებს საქმის კურსში, არც გამგებლის მოადგილე და არც ა(ა)იპ-ის ხელმძღვანელი, რომლებიც ბენიძის დირექტორად დანიშვნას არ უარყოფენ; აღსანიშნავია, რომ ამ დანიშვნას თავად ბენიძეც ადასტურებს და მუზეუმის თანამშრომლებიც, რომლებიც „ერთდღიანი“ დირექტორის ოფიციალურად წარდგენას ესწრებოდნენ.

და ბოლოს, განმარტება გამგებლის მიერ ჩვენი თანამშრომლის მოხსენიების გამო _ ერთ-ერთი ა(ა)იპი-ს ხელძღვანელი დავით ჩხიკვაძე მართლაც მუშაობს „გურია ნიუსში“, თუმცა, მას სპეციალური სამუშაო გრაფიკი აქვს, რომლის მიხედვითაც მასზე დაკისრებულ მოვალეობას არასამუშაო საათებში ასრულებს _ იგი ინტერნეტტელევიზიის მიმართულების ტექნიკური თანამშრომელია.

თუ კი გამგებელს ეჭვი აქვს, რომ ჩხიკვაძე საჯარო სამსახურში არ დადის, მას „გურია ნიუსის“ ხათრით ნუ დააფარებს ხელს _ გამგებლის პირდაპირი მოვალეობა და ვალდებულებაა, იცოდეს, რომელი ჩინოვნიკი აცდენს სამსახურს და მის მიმართ შესაბამისი სანქციები გაატაროს.




 ახალი ამბები
  • ავტოსაგზაო შემთხვევა ჩოხატაურში _ დაღუპულია ერთი პიროვნებაავტოსაგზაო შემთხვევა მოხდა ჩოხატაურში, ავტომანქანა, რომელსაც რ. ბ. მართავდა, ხეს შეეჯახა. მძღოლი ადგილზე გარდაიცვალა. როგორც "გურია ნიუსისთვის" ხდება ცნობილი, სატვირტო მიკროავტობუსი, ჩოხატაური-ოზურგეთის ცენტრალურ გზაზე, კონკრეტულად კი, სოფელ გორაბერეჟოულთან, მოცურდა და ხეს შეეჯახა. საქმეზე შსს-მ გამოძიება უკვე დაიწყო. უწყების ცნობით, გამოძიება 276-ე მუხლის მე-6 ნაწილით ... ...
  • როგორი ამინდია მოსალოდნელი უახლოეს დღეებში- გაფრთხილება ამინდის შესახებგარემოს ეროვნული სააგენტოს ინფორმაციით, 3 აგვისტოს, დღის მეორე ნახევრიდან საქართველოს ტერიტორიის უმეტეს ნაწილზე გამოიდარებს. 9 აგვისტომდე მხოლოდ ცალკეულ რაიონში შესაძლოა მცირე ხანმოკლე წვიმა აღინიშნოს. ჰაერის ტემპერატურა დაბლობსა და ბარში 4 - 6 აგვისტოს +27, +32 გრადუსი იქნება, ხოლო 7 - 8 აგვისტოს +30, +35 გრადუსამდე მოიმატებს. თბილისში უმეტესად უნალექო ამინდია მოსალოდნელი. ჰაერის ტემპერატურა 4 – 6 აგვისტოს +29, +31 გრადუსი იქნება, ხოლო 7 – 8 აგვისტოს +32, +34 გრადუსამდე ... ...
  • პოლიციამ მასშტაბური ნარკორეალიზაციის სქემა გამოავლინაშინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ფონიჭალის დასახლებასა და გარდაბანში ორგანიზებული ჯგუფის 4 ნარკორეალიზატორი დააკავეს. მოსამართლის განჩინების საფუძველზე დაკავებულები არიან: 1976 წელს დაბადებული ფ.ბ., 1978 წელს დაბადებული დ.ჯ., 1982 წელს დაბადებული შ.ვ. და 1977 წელს დაბადებული ა.მ. დანაშაული 8-დან 20 წლამდე ან უვადო თავისუფლების აღკვეთას ითვალისწინებს. გამოძიებით დადგინდა, რომ ბრალდებულებს შემუშავებული ჰქონდათ ნარკოტიკების რეალიზაციის დანაშაულებრივი სქემა, რომლის საშუალებითაც ისინი ფინანსურ რესურსებს მართავდნენ ინტერნეტ ტოტალიზატორის გამოყენებით. დანაშაულებრივი ჯგუფის წევრები ნარკოტიკული საშუალებების რეალიზაციას კი  ე.წ. „დადების“ მეთოდით ახდენდნენ. კერძოდ, დ.ჯ. და ფ.ბ. დაინტერესებულ პირებს სატელეფონო კომუნიკაციის საშუალებით, გარკვეული თანხის სანაცვლოდ სთავაზობდნენ ნარკოტიკების  შეძენას, აწვდიდნენ ონლაინ ტოტალიზატორის ანგარიშის ნომრებს,  თანხებს არიცხვინებდნენ, ხოლო ამის შემდეგ აწვდიდნენ ლოკაციების მისამართებს, სადაც ორგანიზებული ჯგუფის ერთ-ერთი წევრის მიერ უკვე განთავსებული იყო  ნარკოტიკული საშუალებები. გამოძიებით ასევე დადგინდა, რომ მიმდინარე წლის მანძილზე, ონლაინ ტოტალიზატორის ანგარიშის გამოყენებით ნარკოტიკული საშუალებების რეალიზაციის შედეგად მიღებულმა თანხამ ორ მილიონამდე ლარი შეადგინა. სამართალდამცველებმა, მოსამართლის განჩინების საფუძველზე, რამდენჯერმე განახორციელეს ბრალდებულებისგან ნარკოტიკული საშუალება „ჰეროინის“ საკონტროლო შესყიდვა და აღნიშნული შესყიდვების ფარული აუდიო-ვიდეოჩაწერა. პოლიციამ, დაკავებულების საცხოვრებელი სახლების და ავტომანქანის ჩხრეკისას, ნარკოტიკული საშუალება „ჰეროინი“, დიდი ოდენობით თანხა, ასევე, მათი კუთვნილი მობილური ტელეფონები და საბანკო ბარათები ნივთმტკიცებად ამოიღო. წინასწარი შეთანხმებით ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და გასაღების ფაქტებზე გამოძიება საქართველოს სისხლის სამართლის კოდექსის 260-ე მუხლის მე-3 ნაწილის „ბ“ ქვეპუნქტით, მე-5 ნაწილის „ბ“ ქვეპუნქტით და  მე-6 ნაწილის „ა“ და „ბ“ ქვეპუნქტებით მიმდინარეობს. ... ...
  • ეს არის საქართველო-გერმანიის ურთიერთობებისა მნიშვნელოვანი ნაწილი - გერმანიის ელჩიგერმანიის ფედერაციული რესპუბლიკის საგანგებო და სრულუფლებიანმა ელჩმა საქართველოში, ჰუბერტ კნირშმა გარემოს დაცვისა და ბუნებრივი რესურსების კომიტეტის საქმიანობა დადებითად შეაფასა და მის მიერ მიღწეული წარმატებები აღნიშნა. „მინდა მივულოცო გარემოს დაცვის კომიტეტს  მიღწევები, მათ შორის, „ტყის კოდექსის" მიღება. ამას გარდა, ძალიან ბევრი სხვა მნიშვნელოვანი რამ განახორციელეთ, მაგრამ კარგია  იმის დანახვა, თუ რამდენად მნიშვნელოვანი მხარდაჭერა აქვს გარემოს დაცვის საკითხებს პარლამენტისა და გარემოს დაცვისა და ბუნებრივი რესურსების კომიტეტის  მიერ.  მნიშვნელოვანი არის როდესაც ქვეყანა და საქართველოს მოსახლეობა ჩართული არის გარემოს დაცვის საკითხებში.  ძალიან ბევრი პარტნიორი მუშაობს კონკრეტულად გარემოს დაცვითი პოლიტიკის დოკუმენტებზე. ჩვენმა ქვეყანამ, გერმანიამ უზრუნველყო ფინანსური და ტექნიკური დახმარების ნაწილი და ეს ასევე, ნაწილობრივ აისახა იმ  ფინანსური მხარდაჭერის დოკუმენტში, რომელსაც ხელი წინა კვირას მოვაწერეთ.  ეს მიმართული იქნება სატყეო სექტორის და დაცული ტერიტორიების მდგომარეობის გაუმჯობესებისკენ, ეს მოიცავს თბილისის, ბათუმის ტერიტორიებს, განახლებად ენერგიებს, აკვა რესურსებს, ეს არის   საქართველო-გერმანიის ურთიერთობებისა მნიშვნელოვანი ნაწილი და რა თქმა უნდა, დიდი იმედით ველით სამომავლო ურთიერთობას", - განაცხადა ჰუბერტ კნირშმა გარემოს დაცვისა და ბუნებრივი რესურსების კომიტეტის სხდომაზე, სადაც საგაზაფხულო სესიის საქმიანობის ანგარიშის წარდგენა და მწვანე სივრცის პრეზენტაცია ... ...
  • "ევროპულმა საქართველომ" კანდიდატები წარადგინა„ოქტომბრის არჩევნებზე საქართველო უნდა გადავარჩინოთ“-ასეთი იყო „ევროპული საქართველოს“ ლიდერის დავით ბაქრაძის პათოსი მაჟორიტარი დეპუტატობის კანდიდატების ოფიციალური წარდგენისას. პარტიამ 30 საარჩევნო ოლქიდან ამ ეტაპზე მხოლოდ 16 საარჩევნო ოლქში დაასახელა საკუტარი კანდიდატები. თელავი-ახმეტა-ყვარელი-ლაგოდეხის საარჩევნო ოლქი – ზურაბ ჭიაბერაშვილი; გურჯაანი-საგარეჯო-სიღნაღი-დედოფლისწყაროს საარჩევნო ოლქი – გიორგი ღვინიაშვილი; რუსთავის საარჩევნო ოლქი – ირმა ნადირაშვილი; მარნეული-გარდაბნის საარჩევნო ოლქი – აჰმედ იმამკულიევი; ახალქალაქი-ნინოწმინდის საარჩევნო ოლქი – არსენ კარაპეტიანი; ქუთაისის საარჩევნო ოლქი – ოთარ კახიძე; საჩხერე-ჭიათურა-ხარაგაულის საარჩევნო ოლქი – სერგო რატიანი; ზესტაფონი-ბაღდათი-თერჯოლა-ტყიბულის საარჩევნო ოლქი – გიგი წერეთელი; სამტრედია-წყალტუბო-ვანი-ხონის საარჩევნო ოლქი – აკაკი ბობოხიძე; ზუგდიდის საარჩევნო ოლქი – გიგი უგულავა; ფოთი-ხობი-სენაკის საარჩევნო ოლქი – გიგა ბოკერია; აბაშა-მარტვილი-წალენჯიხა-ჩხოროწყუს საარჩევნო ოლქი – ლელა ქებურია; ოზურგეთი-ლანჩხუთი-ჩოხატაურის საარჩევნო ოლქი – ხათუნა გოგორიშვილი; ხულო-შუახევი-ქედისა და ხელვაჩაურის საარჩევნო ოლქი – ტარიელ ნაკაიძე.რაც შეეხება დედაქალაქს, ვაკის საარჩევნო ოლქში პარტიიდან კენჭს იყრის ელენე ხოშტარია, ხოლო მთაწმინდა – კრწანისის ოლქში – შალვა ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...