საია: ოზურგეთის მერის მხრიდან, სავარაუდოდ, ადგილი აქვს თანამშრომელთა დევნას

მთავარი თემა

საია: ოზურგეთის მერის მხრიდან, სავარაუდოდ, ადგილი აქვს თანამშრომელთა დევნას

11 ოქტ. 2018, 13:52:56

“თუკი ოზურგეთის მერიის აუდიტის სამსახურის უფროსის, კობა ხაბალაშვილის განცხადებები სიმართლეს შეესაბამება, მაშინ, სავარაუდოდ, საქმე გვაქვს დევნასთან და ეს საკითხი შესაბამისმა სამსახურებმა აუცილებლად უნდა შეისწავლონ“, _ ეს კომენტარი საქართველოს ახალგაზრდა იურისტთა ასოციაციის ოზურგეთის ოფისის ხელმძღვანელმა თამაზ ტრაპაიძემ „გურია ნიუსთან“ ხაბალაშვილის იმ სკანდალური განცხადების შეფასებისას გააკეთა, რომლის თანახმადაც აუდიტის სამსახურის უფროსს, ოზურგეთის მერი  უკანონობის ჩადენას აიძულებს, წინააღმდეგ შემთხვევაში კი სამსახურიდან გათავისუფლებით ემუქრება.

ტრაპაიძე, ასევე მიიჩნევს, რომ  ხაბალაშვილის გარდა, მედიაში გაკეთებული განცხადებების მიხედვით, მერის მხრიდან, სავარაუდოდ ადგილი აქვს სოციალური სამსახურის უფროსის, თამარ დუმბაძის დევნასაც.

მისივე თქმით, თუ ხაბალაშვილი და დუმბაძე საია-ს მიმართავენ, ისინი მათ ყველანაირ სამართლებრივ დახმარებას გაუწევენ.

 აღსანიშნავია, რომ ხაბალაშვილის განცხადებაზე, შინაგან საქმეთა სამინისტრომ წინასაგამოძიებო მოქმედებები დაიწყო.

როგორც "გურია ნიუსს" უწყებაში უთხრეს, გურიის სამხარეო მთავარ სამმართველოში ამ საკითხზე მოკვლევა მას შემდეგ დაიწყო, რაც ხაბალაშვილის განცხადებები მედიაში გაჟღერდა.

შინაგან საქმეთა სამინისტროს პრესსამსახურის თქმით, უკვე გამოიკითხა ხაბალაშვილი და მიმდინარეობს სხვა პირების გამოკითხვა.

ამ ყველაფრის პარალელურად კი „გურია ნიუსს“ ხელში ჩაუვარდა ის წერილები, რომლებიც ხაბალაშვილმა და მისმა თანამშრომლებმა ოზურგეთის მერს გაუგზავნეს და რომლებიც, მათივე თქმით, შარაშენიძემ რეაგირების გარეშე დატოვა.

წერილებში მერიის სხვადასხვა სამსახურებში არსებული დარღვევებია ჩამოთვლილი და წერილის ავტორები შარაშენიძისგან რეაგირებას ითხოვენ.

მაგალითად ინსპექტირებისა და ანალიტიკური განყოფილების მიერ შედგენილ მოხსენებით ბარათში აღნიშნულია, რომ  ოზურგეთის მერიის საფინანსო-საბიუჯეტო სამსახურში, რომელსაც გია მამაკაიშვილი ხელმძღვანელობს 2018 წლის 1 იანვრიდან 1 აპრილამდე შესულია 1958 წერილი; აქედან ვადაგადაცილებით შესრულებულია 1222 წერილია, შეუსრულებელი ვადაგადაცილებული (პასუხგაუცემელი) არის 474 წერილი. წერილები განყოფილებების უფროსების გვერდის ავლით არის გადაწერილი თანამშრომლებზე.

ამავე ბარათში აღნიშნულია, რომ მერიის ადრეული სკოლამდელი აღზრდის განყოფილების უფროსს, თეიმურაზ მოქიას არ აქვს სამუშაო გეგმა, არ აქვს გადანაწილებული თანამშრომლებს შორის ფუნქციები; აქვს ვადაგადაცილებული (პასუხგაუცემელი) წერილები;

იგივე პრეტენზია აქვს აუდიტის სამსახურის სპორტისა და ახალგაზრდობის საკითხთა განყოფილების უფროსთან, თამარ აროშიძესთან; ასევე, იმ დროისთვის განთლებისა და გენდერულ საკითხთა განყოფილების უფროსთან მარინა ჯაფარიძესთან, რომელიც დღეს  განათლების, კულტურის, სპორტის და ახალგაზრდულ საკითხთა სამსახურის უფროსის თანამდებობას იკავებს.

განსხვავებული სიტუაცია არც სამართლებრივი უზრუნველყოფისა და ზედამხედველობის სამსახურშია, რომელსაც ლაშა თავაძე ხელმძღვანელობს.

ამ სამსახურში 2018 წლის 1 იანვრიდან 1 აპრილამდე შესულია 509 წერილი. აქედან ვადაგადაცილებით შესრულებულია 168 წერილი; შეუსრულებელი ვადაგადაცილებული (პასუხგაუცემელი) არის 101 წერილი. 

წერილები განყოფილებების უფროსების გვერდის ავლით არის გადაწერილი თანამშრომლებზე

მსგავსი ტიპის დარღვევები ყველა სამსახურშია აღმოჩენილი.

კონსტანტინე შარაშენიძემ რეაგირების გარეშე დატოვა  ინსპექტირებისა და ანალიტიკის განყოფილების უფროსის მარიკა ნაცვალაძის მოხსენებითი ბარათიც, რომელიც წერს, რომ საქმის მოკვლევისას გამოვლინდა საქმის წარმოების განყოფილების უფროსის მაია ინარიძის გადაცდომები, კერძოდ კი სამსახურეობრივი მოვალეობის შეუსრულებლობა.

თუმცა, როგორც კობა ხაბალაშვილმა გვითხრა, არცერთ წერილს  რეაგირება არ მოჰყოლია.

აუდიტის სამსახურის უფროსი თქმით, შარაშენიძის მთავარი სამიზნე მხოლოდ თამარ დუმბაძეა:

მერი ჩემზე ამის გამო  ახორციელებს ზეწოლას და მაიძულებს უკანონო ქმედებების ჩადენას. მას სურს დავწერო ისეთი დასკვნა, რომლითაც საფუძველი ექნება, დუმბაძე გაათავისუფლოს.

ხუთი თვის განმავლობაში ოთხჯერ დაიწერა დისციპლინარული წარმოება თამარ დუმბაძეზე, რაც არ შეიძლებაფაქტიურად პარალიზებულია შიდა აუდიტის სამსახური და მუშაობს ერთი მიმართულებით  _ ყველა ბრძანება იწერება სოციალური სამსახურის შემოწმებაზე, _ აღნიშნავს ხაბალაშვილი.

მისივე თქმით, შარაშენიძე მას სამსახურიდან გაშვებით მხოლოდ იმის გამო ემუქრება, რომ დუმბაძის საქმიანობაში  დარღვევები ვერ აღმოაჩინა.

_ ნებისმიერი თათბირი, ნებისმიერი სამსახურეობრივი შეხვედრა  იწყება იმით, რომ სამსახურიდან უნდა გამიშვას, _ ამბობს კობა ხაბალაშვილი.

ჩვენ რამდენიმე დღეა შარაშენიძესთან დაკავშირებას ვცდილობთ, თუმცა უშედეგოდ. ოზურგეთის მერი, რომელიც ჩვენი წყაროს ცნობით, ამ საკითხზე უახლოეს დღეებში უნდა დაკითხონ ჟურნალისტებს ემალება _ ის არც სამსახურშია და არც სატელეფონო ზარებს პასუხობს მიუხედავად იმისა, რომ მის მიმართ სერიოზული ბრალდბეები ისმის.

 ხაზგასასმელია კიდევ ერთი დეტალი _ მას შემდეგ რაც ხაბალაშვილი მერის მხრიდან დევნასა და შევიწროებაზე ალაპარაკდა, თემით ოზურგეთის მაჟორიტარი დეპუტატი, არჩილ თალაკვაძეც დაინტერესდა.

იმ ფონზე, როდესაც ოზურგეთის მუნიციპალიტეტის მერიის არაერთ თანამშრომელს სამსახურიდან უკანონოდ გათავისუფლების მოტივით დავა აქვს მერიასთან, თამარ დუმბაძის და კობა ხაბალაშვილის განცხადებები დროულად უნდა იყოს შესწავლილი.

დაუშვებელია შიდა აუდიტის სამსახურის გამოყენება პოლიტიკური ანგარიშსწორებისთვის _ მისი მთავარი ამოცა ბიუჯეტის ხარჯვითი ნაწილის და ეფექტიანობის შემოწმებაა. ოზურგეთის მერიამ ამომწურავი განმარტება უნდა გააკეთოს, _ აღნიშნა ორშაბათს, „გურია ნიუსთან“ საუბრისას არჩილ თალაკვაძემ, რომლის მოწოდება, როგორც ფაქტები ცხადყოფს ოზურგეთის მერისთვის არაფერს ნიშნავს, რადგან როგორც უკვე აღვნიშნეთ, კონტანტინე შარაშენიძე ამ თემაზე განმარტებას ამ დრომდე არ აკეთებს.

 

ამავე თემაზე: ახალი სკანდალი ოზურგეთის მერიაში _ საპარლამენტო უმრავლესობის ლიდერი საქმის დროულ შესწავლას ითხოვს

„მეშინია მისი“ _ რა მისწერა ოზურგეთის მერიის სოციალური სამსახურის უფროსმა ომბუდსმენს




 ახალი ამბები
  • „დამნაშავე დაისჯება კანონის სიმკაცრით" _ ვანდალიზმი ლანჩხუთის ცენტრშილანჩხუთში, ქალაქის ცენტრში არსებულ სკვერში, დაუდგენელმა პირებმა სკამი დააზიანეს. როგორც ლანჩხუთის კეთილმოწყობის სამსახურში ამბობენ, სამწუხაროდ, ეს არ არის მსგავსი ქმედების პირველი შემთხვევა. „ეს არ არის პირველი შემთხვევა, როცა ასეთი ვანდალური ფაქტი ხდება ჩვენს ქალაქში. ჩვენი მომსახურების ცენტრი მოგიწოდებთ, ერთად დავიცვათ ჩვენი ქალაქი. ფაქტს მიეცემა შესაბამისი სამართლებრივი მოკვლევა და დამნაშავე დაისჯება კანონის სიმკაცრით“, _ დასძენენ აღნიშნულ ... ...
  • „ეს არის სამოქალაქო პასუხისმგელობა"- პრემიერი მოსახლეობასსაქართველოს მთავრობის ადმინისტრაციაში გამართულ ბრიფინგზე პრემიერმა გიორგი გახარიამ განაცხადა, რომ ვირუსი ჯერ დამარცხებული არ არის და მოსახლეობას მოუწოდა ყოველთვის ატარონ ნიღაბი, განსაკუთრებით,  საზოგადოებრრივ ტრანსპორტში და თავშეყრის ადგილებში. გიორგი გახარიას თქმით, ამას უკიდურესად დიდი მნიშვნელობა აქვს.  „ეს არის სამოქალაქო პასუხისმგელობა, რომელიც არის მარტივი და რომელიც ყველას შეგვიძლია გავაკეთოთ. ჩვენ იძულებული ვართ ნელ-ნელა ეკონომიკა გავხსნათ და ჩვენ ყველას უნდა გვესმოდეს, რომ არ გვაქვს უკან დაბრუნების სურვილი ან ხელახალი დახურვისა და გადაკეტვის. ამიტომ მოგიწოდებთ ყველას, ვატაროთ ნიღებები. ეს არის აუცილებელი იმისთვის, რომ პირველ რიგში გავუფრთხილდეთ ერთმანეთს და შევინარჩუნოთ ეკონომიკის აღდგენს პოტენციალი, რომელიც საქართველოს აქვს“,_  აღნიშნა ... ...
  • როგორ ამინდს ვარაუდობენ სინოპტიკოსები1-5 ივნისს საქართველოში სითბოს ფონზე მოსალოდნელია დროგამოშვებით ხანმოკლე წვიმა და ელჭექი, ზოგან შესაძლებელია სეტყვა. 3-4 ივნისს იქროლებს დასავლეთის მიმართულების ძლიერი ქარი. ჰაერის ტემპერატურა დასავლეთ საქართველოს დაბლობში +24, +29, აღმოსავლეთ საქართველოს ბარში +29, +34 გრადუსია მოსალოდნელი. თბილისში ღამისა და საღამოს საათებში მოსალოდნელია ხანმოკლე წვიმა ელჭექით. 3 ივნისს, დღის მეორე ნახევრიდან და 4 ივნისს იქროლებს ჩრდილო-დასავლეთის მიმართულების ძლიერი ქარი. ჰაერის ტემპერატურა +30, +32 გრადუსი ... ...
  • „უფულობას რა ვუთხარი, თორემ... “ _ ოზურგეთის სავაჭრო ცენტრმა მუშაობა განაახლადღეს, დილით, ოზურგეთის ცენტრში მდებარე სავაჭრო ცენტრმა, რომელიც წარსულში უნივერმაღის სახელით იყო ცნობილი და ახლა სააქციო საზოგადოება „იმედი“ ჰქვია, მუშაობა განაახლა. იგი  ერთ-ერთი ყველაზე მსხვილი სავაჭრო ცენტრია ოზურგეთში, სადაც საყოფაცხოვრებო დანიშნულების ყველანაირი საქონელი იყიდება. სავაჭრო ცენტრის კარის გაღებამდე, შენობის წინ  თავი მოიყარა აქ მომუშავე პერსონალმა. ერთმანეთის კითხვა-მოკითხვა, მხიარულმა დიალოგმა  ჩაანაცვლა: _უფულობის რა ვთქვი თუ არა, სულ არ მინდა მუშაობა.  დევისვენე, არც წნევას შევუწუხებივარ, არც ფეხი მომიტეხია, არც ყაყანი მესმოდა და არც ვინმესთან მიჩხუბია. მოკითხვითაც არავის მოვუკითხივარ, ეგერ, ე, იმ ერთმა თანამშრომელმა  დამირეკა ერთხელ, როგორ ხარო - თქვა ერთ-ერთი სექციის თანამშრომელმა, რასაც გულიანი სიცილი მოჰყვა. მალე სავაჭრო ცენტრის დირექტორი, ოლეგ გობრონიძეც მოვიდა და კარიც გაიხსნა. _რაც ჯანდაცვის სამინისტრომ დაგვავალა, ყველაფერს ვასრულებთ. დადგმულია თერმობარიერი და დისტანციის მაჩვენებელი სტიკერები. შემოსასვლელშივე მოქალაქეებს უტარდებათ თერმოსკრინინგი. პირბადე ყველასთვის სავალდებულოა, მყიდველია თუ გამყიდველი.  რაკი შენობა დიდია, შემომსვლელთა რაოდენობით არასდროს იტვირთება. დღეისთვის ნორმალური ვითარებაა. ბევრი ხალხი არ არის,  თუმცა არც უმაგისობაა. ჩვულებრივად, მოდიან ადამიანები,  იცავენ წესს და ვაჭრობენ, - გვითხრა მან. რაც შეეხება სექციებში მომუშავე პერსონალს, უმეტესობა აღნიშნავს პირბადის გამო შექმნილ  უხერხულობას, განწყობა კი იმედიანი აქვთ. _ ცოტა  შეშინებულები კი ვართ ამ პანდემიის გამო. თუმცა, მაინც იმედით ვართ. პირბადე უფრო გვიქმნის უხერხულობას, საღამომდე ასე უნდა ვიმუშაოთ, თუმცა  წესი წესია და უნდა დავემორჩილოთ. სააქციო საზოგადოება „იმედის“ თანამშრომლები ვართ და როგორ შეიძლება, უიმეოდ ვიყოთ, _ ხალისიანი განწყობით განაცხადეს ... ...
  • ბიძინა კულუმბეგოვი: თუ ამის აუცილებლობა არ არსებობს, ნუ ვივლით სტუმრადთუ ამის აუცილებლობა არ არსებობს, ნუ ვივლით სტუმრად, _ ამის შესახებ ალერგოლოგ-იმუნოლოგმა ბიძინა კულუმბეგოვმა განაცხადა. კულუმბეგოვი საზოგადოებას მოუწოდებს, სადარბაზოებსა და ლიფტებში ნიღაბი ატარონ. მისი თქმით, რაც უფრო მეტად მოდუნდება საზოგადოება, ინფექციის ტალღის გაჩენის რისკიც მით უფრო მოიმატებს. „ისევე როგორც ამერიკის, იტალიის, ბრიტანეთის და სხვა ქვეყნების ჰოსპიტალურ სექტორებს, განუზომელი შესაძლებლობები არც ჩვენ გვაქვს. ამიტომ მაქსიმალურად უნდა შევინარჩუნოთ სოციალური დისტანცირება, თუ ამის აუცილებლობა არ არსებობს, ნუ ვივლით სტუმრად და ნურც დიდი რაოდენობით სტუმარს მივიღებთ. ნიღაბი ვატაროთ სადარბაზოებსა და ლიფტებში, რადგან შესაძლოა, ჩვენამდე 5 წუთით ადრე აქ ინფიცირებული ადამიანი იმყოფებოდა. თუკი, ამ რეკომენდაციებს დავიცავთ, ვირუსი მართვადი პანდემიის სახეს მიიღებს. სადავეები თითოეული ადამიანის ხელშია. თუკი წონასწორობას დავკარგავთ, ეს ყველაფერი ისევ ჩვენს ეკონომიკურ სიდუხჭირეზე, ჩაკეტვასა და ყველაფრის გაჩერებაზე აისახება, რამაც შესაძლოა მეტი ადამიანის სიცოცხლე იმსხვერპლოს, ვიდრე კორონავირუსმა. არ მივცეთ უფლება მას, რომ გაიმარჯვოს ჩვენზე, ჩვენ ყველა შემთხვევაში უნდა გავიმარჯვოთ კორონავირუსზე“, - ამბობს ბიძინა ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ ყველაზე, ყველაზე...

იცი თუ არა გეოგრაფია

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?