შემოქმედელთა პროტესტი ჰესის მშენებლებს

მთავარი თემა

შემოქმედელთა პროტესტი ჰესის მშენებლებს

10 ივნ. 2019, 12:37:30

8 ივნისს, ოზურგეთის მუნიციპალიტეტის სოფელ შემოქმედის ცენტრში ადგილობრივი მცხოვრებლები შეიკრიბნენ _ ისინი მდინარე ბჟუჟზე მცირე ჰესის მშენებლობას აპროტესტებდნენ, რომლის პროექტის პრეზენტაციასაც "ბჟუჟაჰესის" მფლობელი ბეჟუაშვილის კომპანიის წარმომადგენლები გეგმავდნენ.

შემოქმედელთა ერთიანობის დასტური, როგორც თავად გვითხრეს, იყო ადმინისტრაციული შენობის ფასადზე გამოკრული ბანერი: "სოფელი არ დაუშვებს კიდევ ერთი ჰესის მშენებლობას", რომელიც იქვე გამყარებული იყო ილიას შეგონებით: "ვაი იმ ქვეყანას, სადაც "მე" ხშირია და "ჩვენ" _ იშვიათი".

შემოქმედის მცხოვრებთა დიდი ნაწილი საპროტესტოდ იყო მომზადებული სოფელში ახალი მიკროჰესის მშენებელთა წინააღმდეგ, რომლებიც აქ პროექტის პრეზენტაციის მოტივით მივიდნენ და მოსმენა ითხოვეს, რათა კარგად გაეგოთ ადგილობრივებს, რომ მათთვის და ქვეყნის ინტერესებიდან გამომდინარე ისაუბრებდნენ.

 "მხოლოდ შემოქმედის ინტერესებიდან გამომდინარე!" _ გაისმა ულტიმატუმი დარბაზიდან, როცა პროექტის დირექტორი გიორგი მარგებლიძე პრეზენტაციისთვის მოემზადა და საუბრის დაწყება სცადა.

ოზურგეთის მუნიციპალიტეტის მერის მოადგილემ, ირაკლი სირაძემ სთხოვა დარბაზში შეკრებილთ, რომ მოესმინათ, რაზე იყო საუბარი და მერე, რამდენიც სურდათ, იმდენი კითხვა დაესვათ:

_ თქვენი ნების წინააღმდეგ არავინ წავა. ჯერ მოვუსმინოთ. მეც ერთი თქვენგანი ვარ დღეს, _ უთხრა მან შემოქმედელებს.

გიორგი მარგებლიძემ ვიდეომასალის მეშვეობით სცადა, ადგილობრივებისთვის აეხსნა, თუ როგორი შედეგიანია მცირე ჰესები ავსტრიაში და ქვეყანა არის ძლიერი, რომ ჰესის მშენებლობა ბუნების და ადგილობრივთა დაზარალების ხარჯზე არ მოხდება:

_ აქ ჩვენ არ მოვსულვართ ბულდოზერებით. გავერკვეთ, რა ზიანს და რა სარგებელს მოგვიტანს და მერე ერთად გადავწყვიტოთ, _ თქვა მან. თუმცა, დარბაზში მყოფებმა მეტის გაგრძელება აღარ ისურვეს.

"გადმოფრინდი შვეიცარიიდან შემოქმედში და მიხვდი, სად ხარ", "ეუფ, ბულდოზერით არ მოსულა, უკვე დაწერილი პროექტით მოვიდა, რომლის შედგენა არავისთვის უკითხავთ", "შენ 800 ევროს გიხდის ბეჟუაშვილი და ჩვენ სული გინდათ ამოგვხადოთ", "შემოქმედი ყარაჯალა ხომ არ გგონიათ თქვენ?!" "აქ არის ერთი ბჟუჟაჰესი და მეორე ჰესი არ აშენდება", "ნუ გვაბოლებ, ბიძიკო!" _ ისმოდა დარბაზიდან.

_ "ბჟუჟაჰესი" ახლა წყალს ითვლის, _ თავისი არგუმენტებიდან ერთ-ერთი მოიყვანა მარგებლიძემ და სცადა პრეზენტაციის გაგრძელება.

_ ფულს არ ითვლის, ფულს?! _ წამოხტნენ დარბაზში.

შემოქმედის მკვიდრმა გია მამაკაიშვილმა აკადემიური ჟესტი ირჩია და მშვიდად ესაუბრა სტუმრებს თანასოფლელთა განწყობის შესახებ:

_ ყველამ კარგად ვიცით, მომძლავრებული გლობალური პრობლემების შესახებ. ადრეულ წლებში გვახსოვს, როგორი თოვლიანი ზამთარი იცოდა. ბოლო ათი წელია, მდინარე ბჟუჟის ნაკადი შემცირდა. მთებში თოვლი ნაკლებად ან სულ არ არის, ჭებში წყალი დაშრა ან შრება. ჩვენ ჰესების მშენებლობის წინააღმდეგი კი არ ვართ, თუმცა, აქ პრობლემაა _ ბჟუჟი ახლა სოფლისთვის ერთადერთი მაცოცხლებელი ძალაა. დიდი ხანია, სოფელს უამრავი ყოფითი პრობლემა გააჩნია. დიასახლისებს იმის საშუალება მაინც უნდა ჰქონდეთ, რომ წყლის ტუმბოები ჩაკიდონ მდინარეში. ეს საშუალება მაინც უნდა დარჩეს ხალხს, _ თქვა მან.

მარგებლიძემ კვლავ სცადა პასუხის გაცემა და საუბრის გაგრძელება, თუმცა, უშედეგოდ _ სიტყვის თქმა არ აცალეს და ერთხელ თქმული, კვლავ განრისხებით გაიმეორეს:

"ჩოუყვია ჯიბეში ხელი, გადმოუშვია "საროჩქა", მაგას 800 ევროს უხდის თავისი უფროსი და ჩვენ აქ სული უნდა რომ ამოგვხადოს უწყლობით! ფეხს არ დავადგმევინებთ შემოქმედში!" "კარგად გვაბოლებ", _ ყვიროდნენ დარბაზში.

_ ძალიან გთხოვთ, მოვუსმინოთ, დაამთავროს საუბარი და მერე დასვით კითხვები. ისე არ გამიგოთ, რაიმე პოზიციას ვაფიქსირებდე. ხომ უნდა იცოდეთ, რა კეთდება? თქვენი ნების წინააღმდეგ არავინ წავა. მოვუსმინოთ, სტუმარია, ბოლოს და ბოლოს, _ მიმართა დარბაზს ოზურგეთის მუნიციპალიტეტის მერის პირველმა მოადგილემ ალექსანდრე სურგულაძემ.

"სტუმარი თუა, წევიყვანოთ რესტორანში. მაი არ გვეშლება ჩვენ!", არ აშენდება, მორჩა და გათავდა!" _ წამოვიდა რეპლიკა დარბაზიდან.

ოზურგეთის მუნიციპალიტეტის საკრებულოს დამოუკიდებელმა დეპუტატმა ლევან მგელაძემ ჩვენთან საუბარში საკუთარი პოზიცია ასე დააფიქსირა:

"მცირე ჰესების მშენებლობა, მარტო შემოქმედის პრობლემა არაა. ეს პრობლემა მთელ მსოფლიოშია და მას ევროპაში გარემოს დამცველები "სისხლიან ჰესებს" ეძახიან. ჩვენი სტუმრები, რომლებიც აქ პრეზენტაციისთვის მოვიდნენ ან თავად არიან შეცდომაში შეყვანილები, ან ხალხი განზრახ შეჰყავთ შეცდომაში. მცირე ჰესებს გააჩნია ალტერნატივა და ის ენერგომოპოვების სხვა წყაროებმა უნდა ჩაანაცვლონ", _ თქვა მგელაძემ.

ოზურგეთის მუნიციპალიტეტის საკრებულოს ლეიბორისტმა დეპუტატმა დავით მამალაძემ შემოქმედელთა პოზიციას სამართლიანი და სახალხო უწოდა"

"ხალხი სამართლიანად წინ აღუდგა მილიონერთა კასტას, რომლებიც კომპანიების, რეჟიმის და ხელისუფლების სახით სულს ხდის მას. სანამ მათი დიქტატი არ დამთავრდება, სულ ასეთი ამბავი იქნება. ენერგეტიკა სახელმწიფოს ხელში უნდა იყოს და ხალხს უნდა ხმარდებოდეს და არა ვიღაც მილიონერებს, რომლებმაც სახელად კომპანიები დაირქვეს და ხალხს ძარცვავენ და ატყუებენ. თუმცა, ნახეთ დღეს, რაც მოხდა. ადვილი არაა ხალხის მოტყუება. ისინი, უბრალოდ, დიდხანს ითმენენ..." _ თქვა მამალაძემ.

პროექტის ავტორმა გიორგი მარგებლიძემ "გურია ნიუსთან" ასეთი კომენტარი გააკეთა:

"რის თქმაც მინდოდა, არ მაცალეს. დამთავრება კი არა, არც დამაწყებინეს. სახლში როცა მივალ, მექნება იმის უკმაყოფილება და განცდა, რომ ჩემი სათქმელი ვერ ვთქვი, ვერ მივიტანე ხალხთან. არ მომცეს ამის საშუალება. მე მინდოდა მეჩვენებინა და მეთქვა, რომ 2012 წლამდე როგორც შენდებოდა, ისე აღარ აშენდება ჰესები.

საბედნიეროდ, დღეს არის ის დრო, როცა ხალხის ნების წინააღმდეგ არავინ მიდის და ვერ მიდის. თუ არ უნდათ, არ აშენდება. მეტი რა გითხრათ?" _ განაცხადა მარგებლიძემ.




 ახალი ამბები
  • ნინოშვილის ქუჩაზე მდებარე 2 000 კვმ მიწის ფართი, შსს-ს უსასყიდლოდ გადაეცემაოზურგეთის მუნიციპალიტეტის საკრებულოს მორიგი სხდომა, რომელიც 27 ნოემბერს, 12 საათისთვის იყო დანიშნული, თითქმის, ერთი საათის დაგვიანებით დაიწყო. განცალკევებით მდგარი საკრებულოს თავმჯდომარე დავით დარჩია კარგა ხანს ურეკავდა დეპუტატებს, რომ სხდომაზე მოსულიყვნენ. მალე დეპუტატთა რიგებს შემოემატნენ ლეიბორისტი დავით მამალაძე, " ქართული ოცნების" საკრებულოს წევრი დეპუტატები _ დავით მდინარაძე და დავით ჭაკნელიძე, რის შემდეგაც სხდომა დაიწყო. _ მეგობრებო, ყველამ კარგად ვიცით, როგორი მდგომარეობაა. ვიცი, რომ ზოგი ტესტირებაზე იყო, ზოგიც ავად არის, თუმცა, უნდა გავაკეთოთ მაქსიმალური მობილიზება, სიფრთხილის დაცვა და ასე მუშაობაა საჭირო. ბიუჯეტი მისაღებია. დიდი მადლობა ყველას, რომ შეძელით მოსვლა, _ ასე მიმართა დავით დარჩიამ საკრებულოს წევრებს და მათ დღის წესრიგით გათვალისწინებული 15 საკითხი გააცნო. საკრებულოს წევრებმა, ცალკეული საკითხების ირგვლივ განკარგულებები, რომლებიც კომისიების სხდომებზე იყო განხილული და აღარ საჭიროებდა კვლავ განხილვას, მსჯელობის გარეშე მიიღეს. ამასთანავე, საკმაოდ მნიშვნელოვანი საკითხებიც განიხილეს, რომელთაგან ზოგს ტაშიც კი დაუკრეს. მუნიციპალიტეტის მერიის ეკონომიკის სამსახურის უფროსმა, ალეკო მამეშვილმა წარმოადგინა საკითხი "ოზურგეთის მუნიციპალიტეტის საკუთრებაში არსებული უძრავი ქონების სახელმწიფო საკუთრებაში გადაცემის შესახებ" _ ეგნატე ნინოშვილის ქუჩაზე მდებარე აღნიშნული 2 000 კვ.მ. მიწის ფართი, სახელმწიფოსთვის უსასყიდლოდ გადაცემის შემდეგ, საქართველოს შინაგან საქმეთა სამინისტროს უსასყიდლოდ გადაეცემა. დეპუტატმა გოჩა კილაძემ განმარტა, რომ ეს საკითხი განიხილეს კომისიაზე და მიზანშეწონილად ცნეს სამინისტროსთვის აღნიშნული ფართის გადაცემა. აღნიშნულ მიწის ნაკვეთზე, როგორც სხდომაზე დასმული კითხვების პასუხებიდან გახდა ცნობილი, საპატრულო პოლიციისთვის მოეწყობა სადგომი, სადაც საჯარიმოდ გადატანილ ავტომანქანებს განათავსებენ. საკითხი _ "მუნიციპალიტეტის მერიის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრისა და საშტატო ნუსხის დამტკიცების შესახებ", იურიდიული სამსახურის უფროსმა ლაშა თავაძემ წარმოადგინა. საკითხის ირგვლივ საუბრისას მან განმარტა, ოზურგეთის მუნიციპალიტეტის მერიაში შეიქმნება ბავშვის უფლებების დაცვის და მხარდაჭერის მომსახურების განყოფილება. ახალ განყოფილებაში ხუთი თანამშრომელი იმუშავებს. დარბაზიდან გაისმა საკრებულოს წევრთა კითხვები კადრების შერჩევასთან დაკავშირებით. კერძოდ, ადგილზე მოხდება შერჩევა თუ ცალკეული პირები კონკურსში მიიღებენ მონაწილეობას. _ შესაძლოა, გამოცხადდეს შიდა კონკურსი, რათა მაქსიმალურად გამოვიყენოთ ადგილობრივი რესურსი, _ განაცხადა ლაშა თავაძემ. იმ შემთხვევაში, თუ შიდა კონკურსი ჩატარდება და გამარჯვებულები დაიკავებენ ბავშვთა მომსახურების განყოფილების თანამშრომელთა ადგილებს, მერიაში გათავისუფლებულ საშტატო ერთეულებზე სამომავლოდ გამოცხადდება კონკურსი ახალი თანამშრომლების დასანიშნად. თავაძემ განმარტა, რომ მერიის რომელიმე თანამშრომელი თუ ბავშვთა განყოფილებაში გადავა სამუშაოდ შიდა კონკურსის საფუძველზე, ეს იმას არ ნიშნავს, რომ ორ ადგილზე იმუშავებს და ასე კითხვა არც უნდა დაისვას. საკრებულოს წევრმა დავით მდინარაძემ, რომელიც პროფესიით პედიატრია და საბავშვო კლინიკას ხელმძღვანელობს, გამოთქვა თვალსაზრისი, რომ კადრების შერჩევას სერიოზულად უნდა მიუდგნენ: _ სერიოზული სფეროა და ძალზე გულისხმიერი მიდგომა სჭირდება. აუცილებელია კადრების  სწორად შერჩევა, _ თქვა მან. ბავშვის უფლებების დაცვის და მხარდაჭერის მომსახურების განყოფილებაში დასაქმებულ ხუთ თანამშრომელს, სხვადასხვა პოზიციაზე, ხელფასი განესაზღვრებათ შემდეგი ოდენობით: განყოფილების უფროსი _ 1 400 ლარი; უფროსი სპეციალისტი, ბავშვისა და ოჯახის სოციალური მუშაკი _ 1 100 ლარი; ბავშვის ფსიქოლოგი _ 1 000 ლარი; უფროსი სპეციალისტი ბავშვის ჯანმრთელობის მართვის საკითხებში _ 900 ლარი და უფროსი სპეციალისტი, ბავშვის სამართლებრივი დახმარების სპეციალისტი _ 900 ლარი. სხვადასხვა თვალსაზრისის გამოთქმის შემდეგ, საკრებულოს დეპუტატებმა დადგენილება მიიღეს. საკრებულომ მოისმინა მერის მიერ ოზურგეთის მუნიციპალიტეტის ტერიტორიაზე, 2020-2021 წლებში, საქართველოს რეგიონებში გასახორციელებელი პროექტების ფონდიდან, დასაფინანსებელი პროექტების და ა(ა)იპ "სოციალური პროექტების განვითარების ფონდის" მიერ წარმოდგენილი წინადადებები _ დეპუტატებმა შესაბამისი სამართლებრივი აქტების მიღებას უყარეს კენჭი, მომხსენებელმა ალეკო მამეშვილმა ისაუბრა პროექტების ჩამონათვალის ირგვლივ: _ ეს იქნება ციხისფერდი-გურიანთის შიდა სასოფლო გზების რეაბილიტაცია. ასევე, სოფელ ხვარბეთში და ძიმითში სასოფლო გზების რეაბილიტაცია, ლიხაურში ექვთიმე თაყაიშვილის სახლ-მუზეუმთან მისასვლელი გზის მოასფალტება, სოფელ შრომაში საბავშვო ბაღის მოწყობა, საბაგირო გზის მოწყობა მთისპირი-ბახმაროს მიმართულებით და სხვა, _ თქვა მამეშვილმა. _ სულ ცოტა, ამ პროექტების გახორციელების შემთხვევაში, ოზურგეთს მუნიციპალიტეტის საბიუჯეტო ასიგნებებს თანხა დაერიცხება და ეს იქნება ძალიან კარგი. მაინტერესებს, ეს სააგენტო ხომ არ ითხოვს ე. წ. განზრახვათა წერილს. როგორც ვიცი, იყო შეხვედრები მერთან. და ხომ არ მომზადებულა ასეთი წერილი? _ იკითხა დეპუტატმა ლავრენტი ბიგვავამ, რაზეც მამეშვილმა უპასუხა, რომ ჯერ არ ყოფილა ასეთი მოთხოვნა. საკრებულოს წევრმა, სოფელ ნატანების დეპუტატმა თამაზ ტუღუშმა უკმაყოფილება გამოთქვა ნატანებში მუსიკალური სკოლისთვის რემონტის დაგვიანების გამო. მერიის ინფრასტრუქტურის სამსახურის უფროსმა, თემურ გიორგაძემ მას უპასუხა, რომ მომავალ წელს მოხერხდება ამის გაკეთება: _ ახლა სკოლები დისტანციურ რეჟიმში მუშაობენ. ამიტომ, ჯერ სხვა პროექტებს მივხედოთ და შემდეგ _ მუსიკალურ სკოლას, _ თქვა გიორგაძემ და მიანიშნა, რომ ჯერ რეგფონდის და სოციალური პროექტების განვითარების ფონდის წარმოდგენილ პროექტებს სჭირდება მხარდაჭერა: _ კარგია ერთი პროექტი ნატანებშიც თუ გახორციელდება. მერე ერთ თეთრს არ მოვითხოვ ბიუჯეტიდან, _ იუმორით დაასრულა თავის გამოსვლა თამაზ ტუღუშმა. სხდომაზე ერთ-ერთი უმნიშვნელოვანესი საკითხი იყო "ოზურგეთის მუნიციპალიტეტის ადმინისტრაციულ საზღვრებში რეგულარული სამგზავრო გადაყვანის ნებართვის გაცემის ფასის განსაზღვრის, ნებართვის მაძიებელთა კონკურსში მონაწილეობის, მასში გამარჯვებულის გამოვლენის, სანებართვო პირობების და ნებართვის გაცემის ფასის გადახდის წესის დამტკიცება", რაც ადმინისტრაციულ წარმოებაში მიიღეს. როგორც მომხსენებელმა, მერიის შესაბამისი სამსახურის წარმომადგენელმა, თემურ მურვანიძემ განმარტა, ცალკეულ ტრანსპორტის მარშრუტებზე, მუნიციპალიტეტის ტერიტორიაზე და ქალაქ ოზურგეთშიც გამოცხადდება კონკურსი: _ მასში მონაწილეობის უფლება ექნებათ როგორც ორგანიზაციებს, ისე _ ფიზიკურ პირებს. ვინც კონკურსში გაიმარჯვებს, მიიღებს ნებართვას უშუალოდ მუნიციპალიტეტის მერისგან. მსგავსი კონკურსი 2000 წელს მხოლოდ თვითმმართველ ქალაქებში ჩატარდა. ახლა ჩატარდება კონკურსი ტრანსპორტის კანონში ცვლილების საფუძველზე, რის შემდეგაც ოზურგეთის მუნიციპალიტეტის ტერიტორიაზე გამართულად დარეგულირდება შიდა გზებზე მგზავრთა გადაყვანა, _ თქვა ... ...
  • ავარიას სუფსაში ერთი ადამიანი ემსხვერპლაროგორც ვიუწყებოდით, ლანჩხუთის მუნიციპალიტეტის სოფელ სუფსაში ავტოსაგზაო შემთხვევა მოხდა. ჩვენ მიერ მოპოვებული ინფორმაციით, ერთმანეთს მიკროავტობუსი და სატვირთო ავტომაქანა დაეჯახა. შემთხვევა სუფსაში საღამოს, დაახლოებით 7 საათზე მოხდა. შინაგან საქმეთა სამინისტროს პრესსამსახურის ცნობით, ავტოსაგზაო შემთხევას ერთი ადამიანი იმსხვერპლა. საქმე აღძრულია სისხლის სამართლის კოდექსის 276 მუხლის მეექვსე ნაწილით. ამავე თემაზე; ავტოსაგზაო შემთხვევა სუფსაში - არის ... ...
  • ავტოსაგზაო შემთხვევა სუფსაში - არის მსხვერპლიჩვენ მიერ მოპოვებული ინფორმაციით, ლანჩხუთის მუნიციპალიტეტის სოფელ სუფსაში ავტოსაგზაო შემთხვევა მოხდა, არის მსხვერპლი. “გურია ნიუსი“ დამატებით ინფორმაციას რამდენიმე წუთში ... ...
  • ჯანმომ პირბადის ტარებასთან დაკავშირებით რეკომენდაციები განაახლაჯანდაცვის მსოფლიო ორგანიზაცია მიიჩნევს, რომ პანდემიის პირობებში, იმ შემთხვევაში, თუ სულ მცირე ერთი მეტრის დისტანციის დაცვა შეუძლებელია, პირბადე როგორც შენობის შიგნით, ასევე შენობის გარეთ უნდა ვატაროთ. გარდა ამისა, ორგანიზაცია რეკომენდაციით გამოდის, რომ მოქალაქეებმა პირბადე დისტანციის დაცვის შესაძლებლობის მიუხედავად ატარონ, თუ შენობაში სათანადო ვენტილაცია არ არსებობს. ჯანდაცვის მსოფლიო ორგანიზაციის განახლებული რეკომენდაციები, როგორც ზრდასრულებს, ასევე 12 წლიდან ბავშვებს ეხებათ. რეკომენდაციებში ასევე ნათქვამია, რომ ხუთ წლამდე ბავშვებმა პირბადე არ უნდა ატარონ, ხოლო 6-დან 11 წლამდე ბავშვებს რაც შეეხებათ, მათ პირბადე კონკრეტული გარემოს ეპიდემიოლოგიური რისკების გათვალისწინებით უნდა ... ...
  • "გულგრილობის ვირუსი კლავს" _ გაეროს ქალთა ორგანიზაციის ონლაინკამპანია "გულგრილობის ვირუსი კლავს" — გაეროს ქალთა ორგანიზაციის ინიციატივითა და ევროკავშირის მხარდაჭერით, ქალთა მიმართ და ოჯახში ძალადობის წინააღმდეგ ონლაინკამპანია მიმდინარეობს. კამპანია გენდერული ძალადობის წინააღმდეგ 16-დღიანი გლობალური აქტივიზმის ნაწილია. მის ფარგლებში, ცნობიერების ასამაღლებელ ვიზუალურ მასალებთან ერთად, შეიქმნა 4 აუდიოპიესა, რომელთა ავტორებიც ქართველი მწერლები ნესტან ნენე კვინიკაძე და ლაშა ბუღაძე არიან. პიესებში ქალთა მიმართ და ოჯახში ძალადობის სხვადასხვა ფორმა რეალობასთან მაქსიმალურად მიახლოებული სცენებითა და სიტუაციებითაა აღწერილი. გაეროს ქალთა ორგანიზაციისა და საქსტატის ქალთა მიმართ ძალადობის ეროვნული კვლევის (2017 წელი) თანახმად, საქართველოში 7-დან ერთ ქალს მეუღლის ან პარტნიორის მხრიდან ძალადობა გამოუცდია, მოსახლეობის 41% ფიქრობს, რომ ოჯახში ძალადობა ოჯახის საქმეა. აუდიოპიესებიცა და კამპანიაც, ცნობიერების ამაღლების გარდა, ერთ-ერთ მთავარ აქცენტს საზოგადოებაზე აკეთებს, რადგან მის სწორ რეაგირებას ხშირად ქალების სიცოცხლის გადარჩენა შეუძლია. მით უფრო ახლა, როდესაც COVID-19-ით გამოწვეულმა შეზღუდვებმა და იზოლაციამ ქალებისა და გოგოების მიმართ ძალადობის საფრთხე კიდევ უფრო გაზარდა. ამ სიტუაციაში განსაკუთრებული როლი ეკისრება საზოგადოებას, რომელმაც გულგრილად არ უნდა დატოვოს ძალადობის შემთხვევები, რომლებიც მაგალითად, მეზობლის, მეგობრის, თუ უბრალოდ ნაცნობის სახლის კარს მიღმა ხდება. კამპანია პროექტის „ქალებისა და გოგოების მიმართ ძალადობის წინააღმდეგ საქართველოში“ ნაწილია, რომელსაც გაეროს ქალთა ორგანიზაცია გაეროს მოსახლეობის ფონდთან ერთად, ევროკავშირის ფინანსური მხარდაჭერით ახორციელებს. პროექტი ოჯახში და ქალთა მიმართ ძალადობის პრევენციისა და მასზე რეაგირებისთვის საჭირო პოლიტიკისა და კანონმდებლობის გამართვას, ასევე, შესაბამისი ინსტიტუციების შესაძლებლობების გაზრდას ემსახურება. ამავდროულად, პროექტის მიზანი საზოგადოებაში არსებული ნეგატიური გენდერული სტერეოტიპების, სოციალური ნორმებისა და დამოკიდებულებების შეცვლა, ქალთა უფლებების მხარდაჭერა და გენდერული თანასწორობის ხელშეწყობაა. გენდერული ძალადობის წინააღმდეგ 16-დღიანი საერთაშორისო კამპანია 1990-იანი წლების დასაწყისიდან აღინიშნება. იგი მიზნად საზოგადოებრივი ცნობიერების ამაღლებასა და გენდერული ძალადობის მსხვერპლთა მიმართ სოლიდარობის დემონსტრირებას ისახავს. წელს კამპანია მთავარ აქცენტს იმ „ჩრდილოვან პანდემიაზე“ აკეთებს, რომელიც COVID-19-ის გავრცელებას მოჰყვა: გადაადგილების შეზღუდვისა და იზოლაციის დაწყებისთანავე ქალებისა და გოგოების მიმართ ყველა სახის ძალადობის, განსაკუთრებით, კი ოჯახში ძალადობის შესახებ შეტყობინებების რაოდენობ აგაიზარდა. გაეროს ქალთა ორგანიზაცია უერთდება ძალადობა გამოვლილ ადამიანებს, აქტივისტებს, გადაწყვეტილების მიმღებ პირებს, გაეროს სისტემასა და ყველა სოციალური ფენის წარმომადგენლებს, რათა უფრო ცხადად გამოკვეთოს, თუ რაოდენ საჭიროა დაფინანსება, აუცილებელი მომსახურებები, პრევენცია და მონაცემები, რომელთა მეშვეობით, ქალებისა და გოგოების მიმართ ძალადობაზე მეტად ინფორმირებული რეაგირება ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ ყველაზე, ყველაზე...

იცი თუ არა გეოგრაფია

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...