სკანდალური ოქმი, საქმე პროკურატურაში და ურთიერთბრალდებები "მერცხალში"

gurianews.com

მთავარი თემა

სკანდალური ოქმი, საქმე პროკურატურაში და ურთიერთბრალდებები "მერცხალში"

2018 მარ 30 17:58:32

ოზურგეთის მუნიციპალიტეტის მერიის ა(ა)იპ კლუბ "მერცხალს" ორი დირექტორი ჰყავს: გენერალური დირექტორის პოსტი მურთაზ აბაშიძეს უჭირავს, ხოლო დირექტორის _ მამუკა გოგუაძეს.

გენერალურ დირექტორად მურთაზ აბაშიძე ერთი თვეა, რაც დაინიშნა. როგორც ის "გურია ნიუსთან" საუბრისას ამბობს, ამ ხნის მანძილზე კლუბში მის გარდა, ოფიციალურად არავინ დანიშნულა, თუმცა, ჩვენს მიერ მოძიებული ოფიციალური დოკუმენტების საფუძველზე, საფეხბურთო კლუბის "მერცხალის" თანამშრომელთა საერთო კრებაზე, რომელიც 2018 წლის 27 თებერვალით არის დათარიღებული, აღნიშნულია, რომ მუნიციპალიტეტის მერმა კლუბის მთლიანი მართვა გენერალურ დირექტორს მურთაზ აბაშიძეს დააკისრა. კრების ოქმის მიხედვით, 23 თანამშრომელს მურთაზ აბაშიძემ მთავარი მწვრთნელის პოსტზე აკაკი ათუაშვილი წარუდგინა, ხოლო გუნდის უფროსის პოსტზე _ შოთა გიორგაძე:

"მომხსენებელმა აღნიშნა, რომ დასახელებული პირები დღეიდან შეუდგებიან თავიანთი მოვალეობის შესრულებას და ყველაფერს გააკეთებენ გუნდის წარმატებით გამოსვლისათვის. ეს გადაწყვეტილება არ უნდა იყოს საწყენი და მიუღებელი არავისთვის, რადგან თვით ზიდანსაც, რომელსაც შარშან უამრავი ტიტული მოაგებინა "რეალს", წლევანდელი ჩავარდნისათვის კარისაკენ მიუთითეს. აღსანიშნავია, რომ, კლუბში იმაზე მეტი თანამშრომელია, ვიდრე ეს საჭიროა. ამიტომ მოხდება თანამშრომელთა რაოდენობის მაქსიმალურად შემცირება, რაც ბიუჯეტში თანხების დაზოგვას გამოიწვევს.

შოთა გიორგაძე მადლობას უხდის გენდირექტორს ასეთი ნდობისთვის და აღნიშნავს, რომ ყველაფერს გააკეთებს გუნდის წარმატებებისთვის.

ს/კ "მერცხალის" თანამშრომელთა საერთო კრებამ ცნობად მიიღო ზემოთ აღნიშნული საკითხების მოგავრებისთვის გასატარებელი ღონისძიებები", _ ნათქვამია კრების ოქმში.

საქართველოს ჩემპიონატში (თასზე) მონაწილე გუნდის განაცხადში, რომელიც 2018 წლის 6 მარტით არის დათარიღებული, გუნდის ხელმძღვანელობის შემადგენლობაში არიან შოთა გიორგაძე, როგორც გუნდის უფროსი და მთავარი მწვრთნელი აკაკი ათუაშვილი.

ჩვენს მიერ ოფიციალურად გამოთხოვილი საჯარო ინფორმაციის _ საშტატო ნუსხის მიხედვით, რომელიც 29 მარტს მივიღეთ, კლუბის მთავარი მწვრთნელის პოსტი ხარიტონ ჩხატარაშვილს უჭირავს.

რა ხდება რეალურად კლუბ "მერცხალში", დანიშნულია თუ არა ერთ პოზიციაზე ორი პიროვნება, არსებობს თუ არა ბრძანება ათუაშვილის დანიშვნის და ხარიტონ ჩხატარაშვილის გათავისუფლების შესახებ, გუნდის უფროსად შოთა გიორგაძის დანიშვნის შესახებ, ვინ არის რეალურად გუნდის მთავარი მწვრთნელი და რა ფუნქცია აკისრია მას? ჩვენ შევეცადეთ ეს კითხვები ამ საკითხში კომპეტენტური ყველა პირისთვის დაგვესვა.

კლუბის გენერალური დირექტორი მურთაზ აბაშიძე " გურია ნიუსთან" ამბობს, რომ მას ჯერ არავინ დაუნიშნავს, თუმცა, გუნდის მწვრთნელად აკაკი ათუაშვილს ოფიციალურად ასახელებს:

_ გუნდს ჰყავს მთავარი მწვრთნელი _ კაკო ათუაშვილი, რომელიც, ჯერჯერობით, მუშაობს უხელფასოდ, მაგრამ გააჩნია ლიცენზია, ე. წ. „კარტოჩკა" და ჩემი ბრძანების საფუძველზე აქვს უფლება იმუშაოს მწვრთნელად, ეს ყველაფერი კი აჭარის ფეხბურთის ფედერაციასთან არის შეთანხმებული.

_ ბატონო მურთაზ, თქვენ გუნდის საერთო კრებაზე აღნიშნეთ, რომ ხარიტონ ჩხატარაშვილს ათუაშვილი ჩაანაცვლებდა და ამბობთ, რომ ათუაშვილი დანიშნულიაო. არადა, საშტატოს ნუსხის მიხედვით მთავარი მწვრთნელის პოსტი ჩხატარაშვილს უჭირავს. არსებობს ბრძანებები რომელიმეს დანიშვნის ან განთავისუფლების შესახებ?

_ კი, არის ხარიტონი. მე არ გამითავისუფლებია. ხარიტონი რას ბოდავს, სულ არ მაინტერესებს. სამსახურიდან წასვლის შესახებ მან დაწერა განცხადება დირექტორის სახელზე და მე ვარ გენერალური დიექტორი. დირექტორმა მამუკა გოგუაძემ ის გაუშვა შვებულებაში. რომ გამობრძანდება შვებულებიდან, აი, მერე გადავწყვეტ, როგორ მოვიქცე. ხარიტონი ბევრ რამეს ავრცელებს და კაი ხანია ელანდება რაღაც-რაღაცეები. ისე, თუ გაინტერესებთ, მე, როგორც ჩემი საქმის პროფესიონალი, ხარიტონ ჩხატარაშვილს არ მივიჩნევ კომპეტენტურ მწვრთნელად, თუმცა იმის უფლება არ მაქვს, ავუკრძალო ცხოვრება და სუნთქვა. წავიდეს და ბავშვებთან იმუშაოს. მის საქმე იყო შედეგი: გაქვს შედეგი _ მუშაობ, არ გაქვს შედეგი _ მიდიხარ. ამიტომ უნდა წავიდეს! მთავარი მწვრთნელი არის ათუაშვილი, ხარიტონი შვებულებაშია და დიდი ალბათობით ვეღარ მობრუნდება. სანამ მე სტადიონზე ვიქნები, ხარიტონი აქ ვერ მოვა. იმდენი არაკაცური საქციელი აქვს დათესილი აქ, ჯობია აღარ მოვიდეს _ თვითონ ხალხი დაუპირისპირდება მას. წადი რა _ არ არის შენი საქმე ეგ!

არც მამუკა გოგუაძე არ აკეთებს თავის გასაკეთებელ საქმეს. გამოვიდეს ხალხთან, ისაუბროს, გუნდს უთხრას, რა უჭირს, რა ულხინს. ბუცები არ გვაქვს, ფორმა მე ვიყიდე და ჩამოვიტანე,.ამას მამუკა უნდა აკეთებდეს.

_ ბატონო მურთაზ, რა შედის თქვენს უფლება-მოვალეობებში და ფიქრობთ, რომ მიზანშეწონილია, კლუბს ორი დირექტორი ჰყავდეს?

_არაფერში არ გვჭირდება ორი დირექტორი, თუმცა, კი ჰყავს. ან ერთი უნდა ჰყავდეს, ან  _მეორე. დღეს აქ არის ორხელისუფლებიანობა, ბიუჯეტის არამიზნობრივად ხარჯვა. ბეგი სიორიძემ სამი წელი შემინახა _ განაცდურს ცალკე ვიღებდი, ხელფასს _ ცალკე. ახლა , ერთი თვეა, რაც აღდგენილი ვარ გენერალურ დირექტორად. რაც ამათ სამ წელიწადში არ გაუკეთებიათ, მე და იმ ადამიანებმა, რომლებიც ჩემთან ერთად მოვიდნენ და ერთი თვე უხელფასოდ მუშაობდნენ,  გავაკეთეთ ერთ თვეში. შეგიძლიათ ნახოთ ტუალეტი რა მდგომარეობაშია, ტერიტორია დაათვალიეროთ. გუნდი, რომელიც პირველ ლიგაში დავტოვე, დღეს მეოთხე ლიგაშია. მაშინ მთავრი მწვრთნელი ხარიტონ ჩხატარაშვილი იყო, დირექტორად კი მოიყვანეს მამუკა გოგუაძე; საიდან მოიყვანეს და როგორ, არ ვიცი. ამ ხალხმა გააგდეს გუნდი პირველი ლიგიდან და მეოთხე ლიგაში დააქვეითეს. ჩემი მოსვლით და ხელმძღვანელობით, გუნდის უკანსვლა შეჩერდა. თუ ხელისუფლებისგან ხელშეშლა არ გვექნება. ნელ-ნელა უკეთესობისკენ წავალთ.

მე უნდა ვაკონტროლო სიტუაცია, მაგრამ ჯერ აქ გაკეთებულს ვერაფერს ვერ ვხედავ _ საქმე ფუჭდება, არც ხელშეკრულებებია გაფორმებული, არც ფეხბურთელების ხელფასების საკითხია გადაწყვეტილი.

_  ვინ გიშლით ხელს?

_ ჩემი მოსვლით ამათ სიმყუდროვე დავურღვიე. ყველაფერი, როგორც არ იჭმევა, ისე არ ითქმება. „ბალაგანია" სტადიონზე. ვუთხარი ოზურგეთის მერს კოტე შარაშენიძეს _ მომეცი ვადა, თუ მე გუნდის საქმეს ვერ გამოვაკეთებ და სტადიონს ვერ მივხედავ, არავის თითის ქნევა არ დამჭირდება, ჩემით დავწერ განცხადებას და წავალ,-მეთქი. მოიკითხეთ სად არის სპორტდარბაზი, ელექტროტაბლო, ტრიბუნა? ეს იყო ხალხის საკუთრება, ამათ კი დაშალეს და წაიღეს ნახევარი მილიონი ლარის ქონება.

ვერც ვხსნი და ვერც ვათავისუფლებ ვერავის. ასეთია წესდება _ არც შოთა გიორგაძეა დანიშნული გუნდის უფროსად და არც ათუაშვილი _ მწვრთნელად. შოთა გიორგაძე კი მოიაზრება გუნდის უფროსად, ან შესაძლოა ჩემი მოადგილე გახდეს. გამოდის, რომ ტყუილად დადის. ეს კაცი ჩემს გვერდში იდგა, მოვიყვანე, მაგრამ ვერ დავნიშნე.

გოგუაძე თუ მიდიოდა სახლში, რატომ არ წავიდა? ერთი თვეა, ამ ხალხისგან აზრი ვერ გამოვიტანე. არის აქ ორი-სამი კაცი ისეთი, რომლებსაც უნდათ, წყალი აამღვრიონ. ტყუილად იღებდნენ ხელფასებს, არაფერს არ აკეთებდნენ, შემმოწმებელი კი ამ სტადიონზე არავინ არ ამოსულა და არც მოდის. მივდივარ მერიაში და ვეუბნები, მოდით შემამოწმეთ, მოიკითხეთ, ეს ხალხი რას აკეთებს, მაგრამ არ მოდიან, არ აინტერესებთ. ასეთი რამ სხვა ა(ა)იპ-ებშიც ხდება _ ხალხი არ მუშაობს, სამსახურში არ დადიან და ხელფასებს იღებენ.

პროკურატურაში ვიყავი და ერთ-ერთმა მკითხა, სად წავიდა ეს დარბაზი, ტაბლო, მოვიკითხავთო. ბევრ რამეს მოიკითხავენ. დაშალეს და გაყიდეს 14 000 ლარად 250 000 ლარად შეფასებული დარბაზი და ეს ფული სად წავიდა, ვის ჯიბეში დაილექა? ამის გამო ვიბრძოლე მე? _ამბობს მურთაზ აბაშიძე.

მთავარი მწვრთნელი აკაკი ათუაშვილი: _ მე ვარ "ბ" კატეგორიის მწვრთნელი. სახელფასო ბარათი არ მაქვს, 1985 წლიდან ვმუშაობ ამ სტადიონზე, მაქვს ღვაწლმოსილი მუშაკის წოდება, 16 წელი ვითამაშე ფეხბურთი, ამ ეტაპზე მე მოვიაზრები მწვრთნელ-კონსულტანტად.

დირექტორი მამუკა გოგუაძე: _ არავითარ შემთხევაში არ არის საჭირო "მერცხალს" ჰყავდეს ორი დირექტორი. თუ ამას თავად მურთაზი აღიარებს, მაშინ რატომ დათანხმდა თანამდებობას? მე რატომ უნდა წავსულიყავი? რაც შეეხება გაყიდულ ქონებას_ ეს იყო მერიის ქონება და გაიტანეს აუქციონზე. ტაბლო და დარბაზი იყო ამორტიზებული და 137 ლარად შეფასებული 2014 წელს. არსებობს ამის ოქმი. შარშან ეს ქონება გაიყიდა აუქციონზე მერიის მიერ, მამუკა რა შუშია? ვინ იყიდა, არ ვიცი. ქონება მფლობელმა წაიღო და მე არ უნდა მექნა? მურთაზი მეუბნება, ავტომატით უნდა დამდგარიყავიო!!! მანისიც კი დამაბრალა, რომ მე ჯართში ჩავაბარე და ფული ვიშოვე. მაგრამ ასე არ აღმოჩნდა.

_ ბატონო მამუკა, კლუბ "მერცხალს" რეალურად ჰყავს თუ არა ორი მთავარი მწვრთნელი ანუ ერთ პოზიციაზე მუშაობს თუ არა ორი პირი?

_ კი, ასეა. გუნდს, ფაქტობრივად, ორი მწვრთნელი ჰყავს. ერთი არის უხელფასო აკაკი ათუაშვილი და მეორე ხელფასიანი _ ხარიტონ ჩხატარაშვილი. მურთაზმა მოსვლის დღიდან აღნიშნა, რომ ხარიტონი უნდა წავიდეს და დაინიშნოს ათუაშვილიო. ხარიტონის მოხსნას ის ვერ ასაბუთებს და ვერც აკაკის დანიშვნას. ხარიტონის გათავისუფლების შესახებ ბრძანება არ არსებობს. მურთაზმა გუნდის საერთო კრებაზეც განაცხადა, რომ გუნდის უფროსად შოთა გიორგაძეა დანიშნული, ხოლო მთავარ მწვრთნელად კი აკაკი ათუაშვილი. გასაგებია, რომ უარყოფს ოფიციალურად ამას, მაგრამ ეს კრების ოქმშია დაფიქსირებულია. ასე განაცხადა და ესე იგი მე ვიტყუები?

აჭარის ფეხბურთის ფედერაციის გენერალური მდივანი ლევან ქორიძე "გურია ნიუსთან" ამბობს, რომ მასთან გუნდის იგივე შემადგენლობაა წარდგენილი, რაც "მერცხალშია":

_ კლუბმა, როგორი განაცხადიც წარმოადგინა ჩვენთან, იგივეა კლუბშიც .

_ ბატონო ლევან, "მერცხალის" შემადგენლობაში სახელფასო ბარათები ვის სახელზეა გაცემული?

_ კლუბში იკითხეთ ეგ.

_ მთავარი მწვრთნელი ვინ არის "მერცხალში", იცით?

_ აკაკი ათუაშვილი

_ რის საფუძველზეა დანიშნული?

_ როცა წარმომიდგინა გუნდის უფროსმა შოთა გიორგაძემ თანამშრომლების სია, მთავარი მწვრთნელის პოსტზე იყო აკაკი ათუაშვილი. მწვრთნელები არიან კონი კალანდაძე, დავით სურგულაძე, მერაბ ვანიძე.

_ხარიტონი ჩხატარაშვილი გათავისუფლებულია თუ არა მთავარი მწვრთნელის პოზიციიდან პოზიციიდან?

_ ეგ მე არ ვიცი, კლუბში იკითხეთ. რის საფუძველზე ინიშნებიან და თავისუფლედებიან, ეს ჩემი საქმე არ არის. არც ხარიტონის განთავისუფლების ბრძანება მჭირდება, _ამბობს ქორიძე.

ხარიტონ ჩხატარაშვილი ამბობს, რომ ის იმყოფება შვებულებაში და სხვა კომენტარს აღნიშნულთან დაკავშირებით, ჯერჯერობით, ვერ გააკეთებს.


ნახვა: 1536


 ახალი ამბები
  • ტრენინგები საჯარო მოხელეებისთვისსაქართველოს იუსტიციის სამინისტროს სსიპ „მონაცემთა გაცვლის სააგენტოსა“ და ამავე სამინისტროს სსიპ „სახელმწიფო სერვისების განვითარების სააგენტოს“ წარმომადგენლები საქართველოს ყველა მუნიციპალიტეტში ტრენინგების ციკლის ჩატარებას იწყებენ. მსგავსი ტრენინგი მიმდინარეობს ოზურგეთის დემოკრატიული ჩართულობის ცენტრში.  სატრენინგო კურსი მიზნად ისახავს ადგილობრივი თვითმმართველობის ორგანოთა წარმომადგენლებისთვის ინფორმაციის მიწოდებას „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონით გათვალისწინებული ვალდებულებების, კვალიფიციური ელექტრონული ხელმოწერის-შტამპისა და ელექტრონული სერვისების ერთიან პორტალზე (MY.GOV.GE) ხელმისაწვდომი ელექტრონული სერვისების გამოყენების პრაქტიკული ასპექტების შესახებ.  „აღსანიშნავია, რომ ხსენებული საკანონმდებლო ვალდებულების შესრულება საჯარო სექტორის მხრიდან გარკვეულ მომზადებას საჭიროებს, რაც გულისხმობს ტექნიკური მხარდაჭერის აუცილებლობას, ცნობიერების გაზრდას ამ სფეროში და საჯარო სექტორში დასაქმებული პირების შესაბამის კომპეტენციას, რომელიც გარკვეულ დროსა და ძალისხმევას, ასევე საჯარო უწყების მხრიდან კოორდინირებულ მართვას მოითხოვს. სწორედ ამ პროცესის მიზანმიმართულად წარმართვისა და ადმინისტრაციული ორგანოების მიერ კანონის იმპლემენტაციის პროცესის მხარდასაჭერად არის გამიზნული ტრენინგების ციკლის ჩატარება.  ამასთან, „მონაცემთა გაცვლის სააგენტომ“ ახლახან ელექტრონული სერვისების ერთიანი პორტალის (MY.GOV.GE) განახლებული ვერსია გაუშვა, რომელიც არაერთ ისეთ სერვისს აერთიანებს, სადაც საჭიროა ელექტრონული ხელმოწერის/შტამპის გამოყენება“, _ თქვა  ნიკოლოზ გაგნიძემ, საქართველოს იუსტიციის სამინისტროს სსიპ „მონაცემთა გაცვლის სააგენტოს“ თავმჯდომარემ. ... ...
  • ოზურგეთში 2-7 წლის ბავშვებში სისხლში ტყვიის შემცველობას შეამოწმებენკვლევის ჩატარებამდე საქართველოს 10 რეგიონში, მათ შორის ოზურგეთში საინფორმაციო კამპანია დაიწყო. კამპანიას  სამოქალაქო განვითარების სააგენტო (სიდა) ახორციელებს. ხოლო შეხვედრას ორგანიზება გურიის ახალგაზრდულმა რესურს-ცენტრმა გაუკეთა. როგორია ქალთა და ბავშვთა მდგომარეობა საქართველოში და რამდენად დაცულია მათი ჯანმრთელობა, გურიის ახალგაზრდული რესურს-ცენტრის ორგანიზებით საქართველოს სტატისტიკის ეროვნული სამსახურმა  და  გაეროს ბავშვთა ფონდმა საინფორმაციო შეხვედრა გამართა, სადაც მთავარი აქცენტი აღნიშნული კვლევის მნიშვნელობაზე გაკეთდა. მრავალინდიკატორული კლასტერული კვლევა (MICS) შინამეურნეობათა ერთ-ერთი უდიდესი კვლევაა, რომელსაც გაეროს ბავშვთა ფონდი სხვადასხვა ქვეყანაში ახორციელებს ბავშვებისა და ქალების მდგომარეობის შესაფასებლად. კვლევა  ხელს შეუწყობს მონაცემებზე დაფუძნებული პოლიტიკის დაგეგმვასა და შემუშავებას.  კვლევის ფარგლებში,  2-7 წლის  ბავშვებში სისხლში ტყვიის შემცველობის განსაზღვრა და წყლის სინჯების აღებაცაა გათვალისწინებული. კვლევის შედეგები, მათ შორის ტყვიის შემცველობის შესახებ, ხელმისაწვდომი, სავარაუდოდ, 2019 წლის გაზაფხულზე გახდება. საინფორმაციო შეხვედრები ქალაქ ოზურგეთის ცენტრალურ ბიბლიოთეკის დარბაზში ... ...
  • მიხეილ სააკაშვილი მეუფე იოსების განცხადებას ეხმაურება: 20 წელია ვიცნობ და პატივს ვცემშემოქმედელი მიტროპოლიტის, მეუფე იოსების მიერ გუშინ გავრცელებულ განცხადებას, რომელშიც მან სალომე ზურაბიშვილი იუდას შეადარა და აღნიშნა, რომ მისი გაპრეზიდენტება არ შეიძლება, საქართველოს ყოფილი პრეზიდენტი ეხმაურება: _ 20 წელია ვიცნობ და დიდ პატივს ვცემ. ძალიან უყვართ გურიაში, _ ამ ტექსტით ავრცელებს მიხეილ სააკაშვილი მეუფე იოსების განცხადებას. შეგახსენებთ, რომ მეუფე იოსები "ქართული ოცნების" მიერ მხარდაჭერილ პრეზიდენტობის კანდიდატს, სალომე ზურაბიშვილს სინანულისკენ მოუწოდებს და აღნიშნავს, რომ მისი "პრეზიდენტობა არ შეიძლება". "კონკორდატში, ქალბატონო სალომე, არ წერია უზნეობაზე ხმა არ ამოიღოო. პირიქით _ თუ ვინმე საზოგადოებას, ჩვენს მრევლს გადაცდომისკენ მოუწოდებს, მოვალე ვართ ჩვენ იგი ვამხილოთ. ეს მუქარა, რომელსაც თქვენ გამოთქვამთ წმინდა სინოდის მიმართ, კიდევ ერთი დასტურია, თქვენი გაპრეზიდენტების შემთხვევაში, თუ როგორი საშიში გახდებით ქართველი ერისა და ეკლესიის მიმართ. თქვენ ბრძანეთ ერთ-ერთ გამოსვლაში, რომ, თურმე, ეპისკოპოსები და სამღვდელოება უსახურ ტაძრებს ვაშენებთ და იქვე დaსძენთ, რად გინდათ ამდენი ტაძრების აშენება როცა უამრავი გაჭირვებულია საქართველოში და ხომ არ აჯობებდა ეს ფული მათთვის გამოვიყენოთო. მინდა შეგახსენოთ, რომ იუდამაც ზუსტად ასეთი სიტყვები უთხრა მაცხოვარს, როცა მარიამ მაგდალინელმა ნელსაცხებელი ცხო უფალს ფეხებზე. ეს და სხვა თქვენი გამოსვლებიდან გამომდინარე, ჩვენ და ქართველ საზოგადოებას გამოგვაქვს დასკვნა, რომ თქვენი პრეზიდენტობა არ შეიძლება. ეს არ არის პოლიტიკა, ეკლესია არც ერთი პოლიტიკური პარტიისკენ არ იშვერს ხელს და ხალხს არ მოუწოდებს, ხმა მას მიეცითო. მაგრამ რაც შეეხება იმ მოვლენებს, მოწოდებებს. ფუჭ დაპირებებს, ქართველი ერის დეგრადაციას, მათი მოთხოვნების უგულებელყოფას, ამაზე ჩვენ ვერ გავჩუმდებით, თვალს ვერ დავხუჭავთ. გამხილებთ სიყვარულით და მოგიწოდებთ სინანულისკენ. იმიტომ გვაკურთხა ჩვენ ღმერთმა უფალმა იესო ქრისტემ, რათა სიმართლე და ჭეშმარიტება ვიქადაგოთ", _ აღნიშნულია განცხადებაში, რომელიც შემოქმედელმა მიტროპოლიტმა მეუფე იოსებმა გაავრცელა. ამავე თემაზე: "მე ეკლესია ვარ და არ ვარ ვალდებული ინფორმაცია მოგაწოდოთ" _ ბიუჯეტის თანხები ეპარქიის ანგარიშზე, რომელსაც არავინ აკონტროლებს მეუფე იოსების პირად საკუთრებაში არსებული მილიონზე მეტად შეფასებული ... ...
  • „დაპირისპირება" ეკლესიასა და „ქართულ ოცნებას" შორის არის თითიდან გამოწოვილი გზავნილი _ კობახიძე„ეკლესია არ ერევა სახელმწიფოს საქმეებში-ეს არის, პირველ რიგში, თავად ეკლესიის პოზიცია და უმნიშვნელოვანესი პრინციპი, რომლითაც ხელმძღვანელობს ეკლესია და ეს გამოიხატა, ასევე, პატრიარქის განცხადებაში",- ამის შესახებ საქართველოს პარლამენტის თავმჯდომარემ განაცხადა. ირაკლი კობახიძე საქართველოს კათოლიკოს-პატრიარქ  ილია II-ს მადლობას უხდის. „პირველ რიგში, მინდა აღვნიშნო, რომ ეკლესია, რა თქმა უნდა, უნდა იყოს ნეიტრალური და ზუსტად ეს არის ასახული პატრიარქის განცხადებაში, უნდა იყოს საარჩევნო პროცესებიდან, რა თქმა უნდა, არსებითად გამიჯნული ეკლესია და საპატრიარქო და ეს იყო ზუსტად ამ განცხადების პათოსი და მე მინდა, მადლობა კიდევ ერთხელ გადავუხადო, რა თქმა უნდა, პატრიარქს ამ განცხადებისთვის. ეს არის ბუნებრივია, ის პრინციპი, რომლითაც უნდა ვიხელმძღვანელოთ თითოეულმა ჩვენგანმა. იყო რამდენიმე მცირე გადახვევა ამ პრინციპიდან, თუმცა, ეს არ ცვლის, რა თქმა უნდა, საპატრიარქოს სულისკვეთებას, პატრიარქის სულისკვეთებას, ჩვენ მოვისმინეთ რამდენიმე განცხადება სასულიერო პირების მხრიდან, რომელიც უკავშირდებოდა არჩევნებს და ეს, ალბათ, არ არის სწორი. შესაბამისად, ეს იყო რეაგირება, პატრიარქს ჰქონდა, ბუნებრივია, ამაზე რეაგირება და ეს არის, რა თქმა უნდა, ყველას საერთო სულისკვეთება. ჩვენ, კიდევ ერთხელ მინდა გავიმეორო, რომ ვმოქმედებთ იმ ინტერესების შესაბამისად, რომელიც არის ჩვენთვის საერთო და ეკლესიის საზოგადო ინტერესები და ხელისუფლების საზოგადო ინტერესები არის, ბუნებრივია, საერთო - ეს არის საზოგადოების განვითარების ინტერესი, ეს არის სახელმწიფოს განვითარების ინტერესი და ეს არის პოლიტიკური პროცესების სამართლიანად და სწორად განვითარების ინტერესი",- განაცხადა პარლამენტის თავმჯდომარემ. რაც შეეხება „დაპირისპირებას" ხელისუფლებასა და ეკლესიას შორის, ირაკლი კობახიძის თქმით, ეს თითიდან გამოწოვილი გზავნილია, რომელსაც ის პოლიტიკური ძალები ავრცელებენ, ვინც წლებია, ეკლესიას ებრძვის.  „რაც შეეხება „დაპირისპირებას" ხელისუფლებას, ანუ „ქართულ ოცნებასა" და ეკლესიას შორის, ეს არის თითიდან გამოწოვილი გზავნილი და თქვენ იცით, ვინ ავრცელებს ამ გზავნილს და ვინ ცდილობს, ასე ვთქვათ, ამ ატმოსფეროს ხელოვნურად შექმნას: ეს არის ის პოლიტიკური ძალები, რომლებიც თვითონ ვიცით, როგორ უდგებოდნენ ეკლესიას და ვიცით, როგორი დამოკიდებულება ჰქონდათ მათ ეკლესიის მიმართ. ესენი არიან ის პოლიტიკური ძალები, რომელთათვისაც ადამიანის ღირსების შელახვა იყო ჩვეულებრივი მოვლენა და ეს არის ყველაზე დიდი ქრისტიანული სიკეთე, რაც არსებობს და ეს არიან ის პოლიტიკური ძალები, რომლებიც უკვე წლებია, ათწლეულზე მეტია, ებრძვიან ეკლესიას, უპირისპირდებიან  ეკლესიას და უპირისპირდებიან ადამიანის რელიგიურ გრძნობებს -  ეს არიან ეს პოლიტიკური ძალები. ისინი არიან დაპირისპირებული ეკლესიასთან, რაც შეეხება „ქართულ ოცნებას", „ქართული ოცნებისთვის" არის უმნიშვნელოვანესი იმ პრინციპების მოქმედება, რომელსაც ეფუძნება ეკლესიის მოღვაწეობა",- განაცხადა პარლამენტის ... ...
  • სიაში აღმოჩენილი პრემიერის ხელმოწერა _ საქმეს პროკურატურა იძიებსპროკურატურა ,,მოძრაობა სახელმწიფო ხალხისთვის“ მიერ  ცესკოში წარდგენილ საპრეზიდენტო კანდიდატის მხარდამჭერთა სიაში აღმოჩენილ დარღვევებს სწავლობს.   ცენტრალური საარჩევნო კომისიის ინფორმაციის მიხედვით, სიაში დაფიქსირებულია პრემიერ-მინისტრის მონაცემები და ხელმოწერა, რომელიც სრულიად განსხვავდება ცესკოში არსებულ და საჯაროდ ცნობილი ხელმოწერისგან. ასევე, ამავე პარტიის მხარდამჭერთა სიასთან დაკავშირებით  ცესკოში შესულია მოქალაქის განცხადება,  რომელშიც პირი აღნიშნავს, რომ მისი მონაცემები არაკანონიერად არის გამოყენებული. როგორც ,,გურია ნიუსს“ პროკურატურაში განუცხადეს, გამოძიება ამ ეტაპზეც მიმდინარეობს და კანონდარღვევის აღმოჩენის შემთხვევაში, პროკურატურა შესაბამის სამართლებრივ რეაგირებას მოახდენს.   „გამოძიება მიმდინარეობს და  ჯერჯერობით, დეტალებზე ვერ ვისაუბრებთ. იმ შემთხვევაში, თუ დადგინდება დანაშაული, მიღებული იქნება  შესაბამისი სამართლებრივი გადაწყვეტილება“, _ გვითხრეს პროკურატურაში. საკითხთან დაკავშირებით კომენტარი გააკეთა პარლამენტის თავმჯდომარემ. როგორც ირაკლი კობახიძემ განაცხადა, პარტიამ სიები გააყალბა, რასაც შესაბამისი პასუხი გაეცემა. ,,ეს ყველაფერი, ასევე, მიუთითებს იმაზე, რომ ,,ნაციონალური მოძრაობა“ ძალიან მძიმე და მწარე მარცხს იწვნევს ამ არჩევნებზე, რაზეც ჩვენ ვართ პასუხისმგებელი, შეგვიძლია ეს დაპირება შევასრულოთ. ფაქტი, რომ პრემიერის ხელმოწერა არის გამოყენებული სიებში, ეს მიუთითებს გაყალბების ხარისხზე. ჩვენ მივმართეთ ამ საკითხზე უწყებათაშორის კომისიას და კანონიდან გამომდინარე, ველოდებით უმკაცრეს რეაგირებას“, _ აღნიშნა კობახიძემ. ჯერჯერობით, უცნობია, დარღვევებთან დაკავშირებით, რა რეაგირება ექნება უწყებათაშორის კომისიას.   ... ...

არქივი

ზაფრანი

რა ემუქრება დედამიწას მზე რომ ჩაქრეს

მეცნიერები ფიქრობენ, რომ ადრე თუ...

შეცდომით აღმოჩენილი გენიალური გამოგონებები

პენიცილინი _ მედიკამენტი, რომელმაც გადატრიალება...

უცნაური სინდრომები

ფეთქებადი თავის სინდრომი  ესაა საკმაოდ...

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...