სოფლის დაზიანებულ გზებს დამატებული მეწყერი და მოსახლეობის უიმედო მოლოდინი

gurianews.com

მთავარი თემა

სოფლის დაზიანებულ გზებს დამატებული მეწყერი და მოსახლეობის უიმედო მოლოდინი

2018 იან 16 12:27:42

ოზურგეთის მუნიციპალიტეტის სოფელ ჭანიეთში მთლიანად დაზიანებული ცენტრალური გზის შესახებ, ბოლო რამდენიმე წელია, არაერთხელ ითქვა და დაიწერა.

მუნიციპალიტეტის ხელმძღვანელობა, დიდი ხანია, საქმის კურსშია და შეპირება გზის გაკეთების შესახებ, ყოველთვის იყო, თუმცა, დაპირების იქეთ საქმე არ წასულა. გასული წლის ბიუჯეტის დამტკიცებისას, გაითვალისწინეს თანხა სოფლის გზის დახვნა-გაფხვიერების და შემდეგ დატკეპნვისთვის, თუმცა, ესეც დაპირებად დარჩა და თანხების უკმარისობის გამო, დროებითი პროექტიც არ გახორციელდა.

აღსანიშნავია და უდიდესი საქმეც ის, რომ სოფელ ჭანიეთში, წინა საარჩევნო პერიოდში, ახალი საბავშვო ბაღი და სკოლა აშენდა. ძირითადად, გზის კაპიტალურად შეკეთების დაგვიანებად ეს სახელდებოდა, რადგან ერთბაშად ერთ სოფელში შეუძლებელი იყო ყველაფრის გაკეთება.

ამასობაში კი, სოფელ ჭანიეთის გზის მდგომარეობა იმდენად გაუარესდა, რომ, ავტომანქანები, გავლას ძლივს ახერხებენ.

მაია გაჩეჩილაძე, ჭანიეთის თემის სოფელ ქაქუთის მცხოვრები:

_ ამ დანგრეულ გზაზე, რა დროც სოფლის ავტობუსს სჭირდება ოზურგეთში ჩასვლისთვის, ნორმალურ ტრასაზე ბათუმამდე ჩასვლას მოახერხებს ადამიანი. კარგია, რომ ჭანიეთში აიგო თანამედროვე სტანდარტების მქონე ახალი საბავშვო ბაღი და სკოლა, მაგრამ სულ ამას ხომ არ ვიძახებთ?! კარგია, რომ გაკეთდა, მაგრამ გზაც აუცილებელია და უნდა გაკეთდეს. არ შეიძლება ამ საქმის გადადება.

რამაზ კორტავა, სოფელ ქაქუთის მცხოვრები:

_ ახლახან გავრცელებული ინფორმაცია იმის შესახებ, რომ ჭანიეთში გზა გაკეთდება მხოლოდ სანახევროდ და ქაქუთის მიმართულებით მხოლოდ მომდევნო წლებში დააგებენ, ჩვენთვის მიუღებელია. მიიტანეთ ხელისუფლებამდე ეს ამბავი _ ქაქუთის ზედა წერტილიდან დაიწყონ გაკეთება, იქ სადაც გზა მთავრდება და წამოვიდნენ თავქვე, ცენტრისკენ. სადამდეც გაკეთდება, იქ გაჩერდნენ და მერე გააგრძელონ. გაზიფიკაცია რომ დაიწყეს, ძლივს ამოვიდნენ ზევით, ახლა გზაც სოფლის შემოსასვლელში უნდა გაკეთდეს და მეორე ნახევარი ანუ ჭანიეთის თემის სოფელი ქაქუთი კვლავ მოლოდინის რეჟიმში უნდა დარჩეს?

ნანი დიასამიძე, სოფელ ქაქუთის მცხოვრები:

_ სანამ უნდა ვიყოთ დაპირების უიმედო მოლოდინით?! რამდენი წელია, აკეთებენ და ვეღარ გააკეთეს! რა უსაშველო გახდა ამ კილომეტრნახევრიანი გზის გაკეთება?!

სერგო ბოიაჯანი, ქაქუთის მცხოვრები:

_ არ მგონია, შეუძლებელი იყოს ამ გზის გაკეთება. ყველა სოფელში არის კარგი გზა. რამდენჯერ უნდა მოგვატყუონ?!

როგორც ოზურგეთის მუნიციპალიტეტის 2018 წლის ბიუჯეტის დამტკიცებისას გაირკვა, სოფელ ჭანიეთში გზის რეაბილიტაცია მხოლოდ სანახევროდ მოხდება და ერთ კილომეტრამდე მონაკვეთი გაკეთდება, ხოლო მეორე ნახევარი გარდამავალი პერიოდის პროექტს დაექვემდებარება.

ჭანიეთის თემის მოსახლეობა ამ გადაწყვეტილებით უკმაყოფილოა, საკმაო ნაწილს კი გზის სანახევროდ გაკეთებისაც არ სჯერა. სოფლის მცხოვრებთა რამდენიმე წარმომადგენელი დამაკმაყოფილებლად მიიჩნევს ხელისუფლების გადაწყვეტილებას, გზის სანახევროდ გაკეთების შესახებ. ისინი ამბობენ, რომ სოფელ ჭანიეთში ბოლო სამ წელიწადში უდიდესი საქმე გაკეთდა ახალი საბავშვო ბაღისა და სკოლის მშენებლობით და როგორმე გზის პრობლემაც მოგვარდებაო.

რაც შეეხება ჭანიეთის თემის მცხოვრებთა საკარმიდამო ნაკვეთებში მეწყერული ზონების წარმოშობას, ახლახან ვწერდით თინა ლომჯარიას ეზოში, ციტრუსოვანთა პლანტაციაში წარმოქმნილი მეწყერული ნაქცევის შესახებ, რომელმაც საოჯახო ბაღის ნახევარი შეიწირა.

ჭანიეთის თემის სოფელ ქაქუთში მეწყრის შედეგად განადგურდა ბადრი ხავთასის საკარმიდამო ნაკვეთის დიდი ნაწილი. აღნიშნულ მონაკვეთზე, რომელიც სოფლის ცენტრალური გზის გასწვრივ მდებარეობს, მეწყერული ზოლი თანდათან მატულობს. ამ საკარმიდამო ნაკვეთზე ძირითადად ტყიანი მასივის ზოლი იყო, რომელიც გრძივ სერს იცავდა სწორედ ჩამოქცევისგან, თუმცა, მეწყერული ზოლი მაინც გაჩნდა.

ოჯახის დიასახლისი ნაირა ხავთასი "გურია ნიუსთან" საკუთარ გასაჭირზე საუბრობს:

_ ჩვენი სახლი, როგორც ხედავთ, მაღალ სერზე დგას. აქ საშიშროება მუდამ არსებობდა, რომ ნაქცევი არ გაჩენილიყო. ამიტომ, ეზოს ეს ტყიანი ნაწილი სულ დაცული გვქონდა და აქ ხეებს არც ვჭრიდით, თუმცა, მეწყერი მაინც ჩამოწვა და როგორც ხედავთ, ჩამოქცევის საშიშროება კიდევ არსებობს. ეზოს დამრეცი ნაწილი, უკვე მერამდენედ ჩამოიქცა _ ტყიან-მიწიან-ტალახიანი მასა ჩამოწვა სოფლის ცენტრალურ გზაზე, რომელიც ჩვენი ეზოს გასწვრივ მდებარეობს.

არ ვიცით, რა გვეშველება. სახლამდე ძალზე პატარა მანძილია დარჩენილი და შეშინებული ვართ, რომ სახლი თავზე არ დაგვენგრეს და მეწყერმა ჩვენი სახლიანად უფსკრულში არ ჩაგვიტანოს. სოფლის გამგებელს როგორ მივმართოთ _ როგორც ვიცით, ჯერ დანიშნული არავინაა. გამგებლის თანაშემწე საქმის კურსშია და ველოდები რეაგირებას. თუ რაღაც კუთხით არ დაგვეხმარნენ, სავალალო შედეგამდე მივალთ, _ ამბობს ქალბატონი ნაირა და საგანგებოდ აღნიშნავს, რომ მათ ეზოს სოფლის ცენტრალური გზა გასდევს და თუ ხავთასების ოჯახს არ დაეხმარებიან, ამ გზის გამო მაინც უნდა გააკეთონ დამცავი ჯებირი.

"გურია ნიუსი" ესაუბრა ოზურგეთის მუნიციპალიტეტის ინფრასტრუქტურის სამსახურის წარმომადგენლებს, სადაც გვითხრეს, რომ ამ სამსახურში ჯერ უფროსი არ არის დანიშნული, თუმცა, თავდაპირველად სოფლის გამგებელმა უნდა წარმოადგინოს შესაბამისი ფოტოები და წერილობითი განცხადება, შემდეგ კი მოხდება ადგილზე მისვლა, შესწავლა და თუ საჭირო გახდება, გეოლოგების გამოძახება.

სოფელ ჭანიეთში მერის წარმომადგენლის თანაშემწე ირაკლი რამიშვილი ჩვენთან საუბარში განმარტავს, რომ აღნიშნული ფაქტის შესახებ, ინფორმირებულია. თუმცა, ჯერჯერობით მუნიციპალიტეტის მერიას საკადრო საკითხი აქვს გადასაწყვეტი და როგორც კი დაინიშნება წარმომადგენელი სოფელში, ხავთასების საკარმიდამო ნაკვეთში მოხდება მეწყრით მიყენებული ზარალის და ზოგადად, მდგომარეობის შესწავლა, ეზოს დასურათება, მდგომარეობის შესწავლა. შემდეგ კი დაუყოვნებლივ მიმართავენ მუნიციპალიტეტის ხელმძღვანელობას.

როგორც ირკვევა, ახლა ჭანიეთში არსებული მეწყერული საკარმიდამო ეზოების შესწავლას და სათანადო განცხადების გაკეთებას ხელს უშლის ოზურგეთის მუნიციპალიტეტის მერიის გაჭიანურებული საკადრო პოლიტიკა, რომელიც ამ ვითარებაში გამგებლის წარმომადგენლის დანიშვნაში გამოიხატება.




 ახალი ამბები
  • „სისხლის წყურვილია თუ რა არის?“_ „ოცნება“ სისტემებში ,,ნაციონალების“ კადრების არსებობას ხსნისმმართველი პარტიის წარმომადგენელთა ნაწილს საგამოძიებო უწყებებში ,,ნაციონალური მოძრაობის“ დროს გახმაურებული საქმის განმხილველი მოსამართლეების, პროკურორებისა და სხვა მაღალჩინოსნების არსებობასთან დაკავშირებით კითხვები არ უჩნდებათ _ რატომ?_ საკითხზე ,,გურია ნიუსთან“ ფრაქცია „ქართული ოცნება - კონსერვატორების“ თავმჯდომარე გიგა ბუკია საუბრობს. _ ბატონო გიგა, „ნაციონალური მოძრაობის“ დროს მოქმედი პროკურორი მირზა სუბელიანი, რომელიც 2013 წელს სასჯელაღსრულების დაწესებულებაში გენინსპექციის უფროსის თანამდებობაზე, სავარაუდოდ, სოზარ სუბარის ინიციატივით დაინიშნა, დღეს დაკავებულია, თუმცა მანამდე, როგორც ჩანაწერებში აცხადებს, ,,ქართული ოცნების“ პირობებში ხელისუფლების დაკვეთებს ასრულებდა. თუ მიგაჩნიათ, რომ  უწყებებში დღესაც რჩებიან წინა ხელისუფლების დროს გახმაურებული საქმეების პროკურორები, მოსამართლეები და სხვა მაღალჩინოსნები. როგორ ფიქრობთ, მმართველი პარტიისთვის რამდენად დამაზიანებელი და საფრთხის შემცველია სისტემაში იმ რეჟიმის წარმომადგენელთა არსებობა, რომელსაც ,,ქართული ოცნება“ დანაშაულებრივ ძალად მოიხსენიებს? _ როგორ ფიქრობთ, ხელისუფლების ცვლილების დროს მოსამართლეები უნდა გაგვეშვა სახლში და ახალი მოსამართლეები მოგვეყვანა? ასე მისვამთ კითხვას? ჯერ საიდან უნდა მოიყვანო მოსამართლეები, პროკურორები ან სხვა ძალოვანი სტრუქტურის წარმომადგენლები. რადგან პროკურატურაში მუშაობდა, არ ნიშნავს, რომ დამნაშავეა. სუბელიანის მიმართ თუ რამე პრეტენზია არსებობს, ციხეში ზის და თვითმკვლელობა სცადა. გარშემო ვისაც რამე შეხება ჰქონდა, ციხეში ზის და სისხლის წყურვილია თუ რა არის? კაცი ამბობს, რომ ხელისუფლება არაფერში მინდობსო და მეტი რა გინდათ, მგონი ამ ბოლო დროს ძალიან აგრესიული საზოგადოება გავხდით. რატომ ვართ ამაზე მონდომებულები, რომ მუდმივად ეს თემა ვატრიალოთ, ვერ ვხდები, მართლა ხომ უნდა დაფიქრდეთ რაღაც მომენტში. _ ხელისუფლება ,,ნაციონალური მოძრაობის“ დანაშაულებრივ რეჟიმზე  ხშირად საუბრობს.. თუკი თვლით, რომ მათი რეჟიმი დანაშაულებრივი იყო, რატომ დატოვეთ  ამ პარტიასთან აფილირებული კადრები სასჯელაღსრულების და სხვა სისტემებში? იგივე, თუ კონკრეტულად  მირზა სუბელიანზე ვსაუბრობთ, ის გახლდათ  გახმაურებული საქმეების, მათ შორის, 26 მაისის საქმის პროკურორი _ ეს კითხვებს არ გიჩენთ ? _ არ ვიცი, ვინ ვისი პროკურორი იყო. მიმაჩნია, რომ წინ უნდა ვიყუროთ. ოცდაოთხი წელი ვიყავი ოპოზიციაში და ბევრი რაღაც გადავიტანე, მაგრამ მგონია, რომ მაინც წინ უნდა წავიდეთ. ასე არ გამოგვივა, ეს ქვეყანა ერთად უნდა ავაშენოთ. თუ დამნაშავეა, პასუხი უნდა ვაგებინოთ, მაგრამ არა ისე, რომ მუდმივად სისხლის წყურვილი ჩანდეს ყველა ადამიანში. სადღაც ჩვენც ვცოდავთ და ამიტომ ვართ ასეთი აგრესიულები. _ მირზა სუბელიანისა და ,,ქართული ოცნების“ დეპუტატის ვიქტორ ჯაფარიძის მონაწილეობით პირველი ფარული ჩანაწერი ,,რუსთავი 2“ -მა გაავრცელა. როცა ჩანაწერის ერთ-ერთი ფიგურანტი (ჯაფარიძე) ამბობს, რომ ეთერში გასული მასალა ავთენტურია, მმართველ პარტიაში ამ მასალის ავთენტურობაზე რატომ ხდება მუდმივად აპელირება? ეთერში გასული ყველა მასალა მონტაჟდება, მაგრამ მონტაჟი არ ნიშნავს, რომ საუბრის ტექსტი შეცვლილია... _ როგორ უნდა გვქონდეს ნდობა? როცა ადგილს უცვლი, უკვე შინაარსი სხვაგვარია. მე ,,რუსთავი 2“-ს არ ვენდობი და მგონია, რომ  გარკვეული ფრაგმენტი, შესაძლოა, ისე იყოს დამონტაჟებული, რომ სხვა შინაარსი მიიღოს. აქედან გამომდინარე, ამ თემაზე მოლოდინები რაღაც მანიპულაციის შექმნად აღიქმება“, _გვითხრა ბუკიამ. „რუსთავი 2“-ის მიერ გავრცელებულ ფარულ ჩანაწერებში, მირზა სუბელიანი ხელისუფლებას ემუქრება და ამბობს, რომ ,,ქართული ოცნების“ წინააღმდეგ გარკვეული კომპრომატები  აქვს შემონახული. პროკურატურის მიერ გავრცელებულ ფარულ ჩანაწერებში კი, რომელიც საზოგადოების ნაწილში უნდობლობას იწვევს, მირზა სუბელიანი ამობს, რომ ხელისუფლების წინააღმდეგ რეალური კომპრომატი არ ... ...
  • გამოკითხვა: ხვალ რომ არჩევნები იყოს, რომელ პარტიის კანდიდატს მისცემდით ხმას?გიორგი ბურჭულაძე, ოზურგეთი: _ არ ვარ ჯერ ჩამოყალიბებული. ბაგრატ ლოდია, ოზურგეთი: _  ავირჩევდი ერთ ჭკვიან გურულ გლეხს _ მაგათ ყველა ჯობს. ზაზა სირაძე, ოზურგეთი: _ კაბინაში გადავწყვეტ _ ვისი რა საქმეა?! ანზორ სალუქვაძე, ოზურგეთი: _ ჩემი საქმეა, ვის მივცემ ხმას. ლონდა ბურჭულაძე, ოზურგეთი: _ არც ერთს არ მივცემ ხმას. თამილა ბურჭულაძე, ოზურგეთი: _ მე თვითონ გადავწყვეტ, ვის მივცე ხმა. მედეა სარიშვილი, ოზურგეთი: _ კაბინაში გადავწყვეტ. ჯუმბერ როყვა, ოზურგეთი: _ ვაშაძეს! ირაკლი ქერქაძე, ოზურგეთი: _ ეს ჩემი საქმეა. თემურ ურუშაძე, ლანჩხუთი: _  პრეზიდენტი ყოველგვარი ფუნქციის გარეშეა დარჩენილი და ამიტომ, საერთოდ არ ვაპირებ საპრეზიდენტო არჩევნებში მივიღო მონაწილეობა. ნინო ზენაიშვილი, ლანჩხუთი: _ ასე ღიად რატომ უნდა ვთქვა?! ნონა გობრონიძე, ლანჩხუთი: _   ნამდვილად არ ვიცი, რა არჩევანს გავაკეთებ _ გადაწყვეტილება ჯერ არ მიმიღია. დათო ჩხაიძე, ლანჩხუთი: _ ხმის მიცემა ფარულია და არჩევანს  საარჩევნო ურნასთან დავაფიქსირებ. ირა კვირიკაშვილი, ჩოხატაური: _ ჯერ არ ვიცი. ბოლო დღეებში გადავწყვეტ,  ვინ უნდა ... ...
  • "შარაშენიძეს მივეცი ხმა, შემპირდნენ, რომ სახლის რეაბილიტაციაში დამეხმარებოდნენ, რატომ მატყუებენ?!"ოზურგეთში, ბათუმის ქუჩაზე მცხოვრები  ორმოცდაცხრა წლის  ზაზა მუჯირი ხელისუფლებას დანაპირების შესრულებას სთხოვს. როგორც თავად გვიყვება, გასულ წელს,  ცხრამეტ აპრილს, სტიქიის შედეგად მოთხრილმა ალვის ხემ მისი სახლის სახურავი მთლიანად დააზიანა. მისივე თქმით, მართალია, სახლის სახურავი შეცვალეს, თუმცა, ორი თვის განმავლობაში, სახლი დაუხურავი იყო და წვიმამ მთლიანად დააზიანა  ყველა ოთახი, უმეტესად ჭერი.  ზაზა მუჯირს მოახლოებული ზამთრის ეშინია და ხელისუფლებისგან შეპირებული ორი ათასი ლარის ჩარიცხვას ითხოვს, რაც მას შემდეგ შეჰპირდნენ, რაც მუნიციპალიტეტის ახლანდელ ხელმძღვანელობასთან არაერთგზის თხოვნით მივიდა. _ მე ვითხოვ ჩემი სახლის რეაბილიტაციას. მაგათ აქვთ ისეთი პროექტი,   რომელიც მძიმე საყოფაცხოვრებო პირობების მქონე ადამიანებს ეხება. მე ვარ დიაბეტით დაავადებული ადამიანი, საკუთარი ოჯახი არ მყავს. მოხუცი დედა, რომელმაც ახლახან ფეხი მოიტეხა, საცოდავად, სკამით გადაადგილდება. მივმართე მუნიციპალიტეტის მერის მოადგილეს, ირაკლი სირაძეს. მან კოტე შარაშენიძესთან მიმიყვანა და უთხრა, „იმ სიიდანააო“. მერმაც უპასუხა, „ააა, გასაგებია, აუცილებლად დავეხმაროთო“ თუმცა, ჯერჯერობით, მატყუებენ. მოვითხოვე, კონკრეტული დღე მითხარით, როდის მოვიდე, როდის მაძლევთ ფულს-მეთქი. სირაძე გაბრაზდა და მითხრა, დამანებე თავი, თორემ ამ ოქმს დავხევო. რა უფლებით მითხრა ეს ადამიანმა, რომელიც მუნიციპალიტეტის მოსახლეობას სოციალური კუთხით ემსახურება?! ან რა სიას გულისხმობდა, თქვან! _  ვერ მიხვდით, რა სიაზე იყო საუბარი? _ არ ვიცი, თქვან. _ არჩევნებზე ხმა თუ მიეცით, შესაძლოა, ამაზე იყო საუბარი. _ კი, რა თქმა უნდა, მე ამომრჩეველი ვარ, შარაშენიძეს მივეცი ხმა. იმასაც გეტყვით, რომ სირაძემ ორჯერ ჩამირიცხა ასი ლარი, ასევე, შარაშენიძემ ასი ლარი ჯიბიდან ამოიღო და მომცა. უმადური არ ვარ. _ და რა კი ხმა მიეცით, სულ უნდა დაგეხმარონ? იქნებ, არ არის ამდენი თანხა... _ მაშინ თქვან, რომ ბიუჯეტში ფული არ აქვთ. მე მატყუებენ, მპირდებიან და კონკრეტულ დღეს არ მეუბნებიან, როდის ჩამირიცხავენ. ჩემთან ერთად ორმოცდასამი ოჯახია სიაში, ვისაც უნდა  დაეხმარნონ. ზაზა მუჯირის თქმით, სტიქიამ მისი სახლი ჯერ კიდევ მაშინ დააზიანა, როცა ოზურგეთის მერი ბეგლარ სიორიძე იყო. კითხვაზე, მიმართა თუ არა მან ყოფილ მერს, ამბობს, რომ მიმართა და დაეხმარნენ კიდეც. _ ბეგი სიორიძე წელიწადში ორჯერ მეხმარებოდა. მერე ხმა შარაშენიძეს მივეცი. შემპირდნენ, რომ   სახლის  რეაბილიტაციაში დამეხმარებოდნენ და რატომ მატყუებენ? დედაჩემის პენსიაზე ვართ მე და ჩემი ძმა. სხვათა შორის, აქ ჩემი ძმაც ცხოვრობს, მარტოხელაა ისიც და უმუშევარი. ძალიან ცუდ დღეში ვართ. ჯანმრთელობა მასაც შერყეული აქვს. ფაქტობრივად, სამი ავადმყოფი ვართ ერთმანეთს ჩამოკიდული, _ ამბობს ზაზა მუჯირი. მისი განმარტებით, მუნიციპალიტეტის მერიაში თექვსმეტ აგვისტოს  დაწერა განცხადება და ორიათასი ლარის ფარგლებში დახმარებას შეპირდნენ. ამბობს, რომ ყოველ მისვლაზე ჰპირდებიან დახმარებას. თუმცა, იგი დაჟინებით ითხოვს კონკრეტული თარიღის დასახელებას, როდის ჩაურიცხავენ შეპირებულ თანხას  და  რაკი ზუსტ დროს არ ეუბნებიან, ეჭვობს, რომ ატყუებენ. „გურია ნიუსი“ ოზურგეთის მუნიციპალიტეტის მერის პირველ მოადგილეს, ირაკლი სირაძეს დაუკავშირდა და ზაზა მუჯირის შესახებ ესაუბრა. _მე და ზაზა მეგობრები ვართ. ჩვენ შორის კონფლიქტი არ ყოფილა. ხვალ ან ზეგ მას ჩაერიცხება შეპირებული თანხა. გაიკეთებს, მოაწყობს საცხოვრებელ ოთახებს  და ზამთარს მომზადებული შეხვდება“, _ გვითხრა ... ...
  • ბაქრაძე: ეს ფაქტი კიდევ ერთხელ ადასტურებს, რომ საზოგადოებამ არ უნდა დაუშვას ზურაბიშვილის არჩევა (R)ჰააგაში საქართველოს მიერ შეტანილ სარჩელზე რუსეთის წინააღმდეგ რუსეთმა მოამზადა საპასუხო სარჩელი, რომელშიც არგუმენტებად მოყვანილია ციტატები სალომე ზურაბიშვილის წიგნიდან. "ევროპული საქართველოს" პრეზიდენტობის კანდიდატი დავით ბაქრაძე ახალ ფაქტებს ასაჯაროებს, რომლითაც დასტურდება, თუ რამდენად სახიფათოა ზურაბიშვილის განცხადებები საქართველოსთვის. ევროპული საქართველოს პრეზიდენტობის კანდიდატმა დღეს პრესას აჩვენა საბუთი, ამონაწერი საერთაშორისო მართლმსაჯულების სასამართლოდან.  „დღეს წარმოდგენილი გვაქვს დოკუმენტი, ნაწილი, ამონაბეჭდი რუსეთის საპასუხო სარჩელიდან და ამ სარჩელში ციტატის და არგუმენტის სახით პირდაპირ არის მითითებული ქალბატონ ზურაბიშვილის წიგნი. კერძოდ ამ ფრაგმენტში რომელიც ჩვენ მოვიყვანეთ მითითებული არის 137 – 139 გვერდები, ის მოსაზრებები რომელიც მას აქვს ჩამოყალიბებული. ამით, კიდევ ერთხელ დასტურდება რომ მისი განცხადებები არის საშიში და დამაზიანებელი საქართველოს ეროვნული უსაფრთხოებისთვის, მისი განცხადებები არის საშიში და დამაზიანებელი საქართველოს გაერთიანების პერსპექტივისთვის. ჩვენ ვირჩევთ პრეზიდენტს, რომელიც უნდა იყოს საქართველოს ერთიანობის და ტერიტორიული მთლიანობის გარანტი, ჩვენ ვირჩევთ პრეზიდენტს რომელიც უნდა იყოს ჩვენი დეოკუპაციის და დევნილების საკუთარ სახლებში დაბრუნების გარანტი და ამ დროს ხელისუფლება გვთავაზობს კანდიდატს, რომლის ციტატებსაც არგუმენტის სახით იყენებს ოკუპანტი ჰააგის საერთაშორისო სასამართლოში საქართველოს წინააღმდეგ, ჩვენი მთლიანობის წინააღმდეგ და ჩვენი დევნილების დაბრუნების წინააღმდეგ. ეს ფაქტი კიდევ ერთხელ ადასტურებს, რომ საზოგადოებამ არ უნდა დაუშვას ქალბატონი ზურაბიშვილის არჩევა პრეზიდენტად, ვინაიდან ეს ადამიანი უკვე აზიანებს საქართველოს ინტერესს, ხოლო თუ ის იქნება საქართველოს პრეზიდენტი მის მიერ მიყენებული ზიანი ჩვენი ეროვნული ინტერესებისთვის იქნება განუზომლად უფრო მეტი. დღეს წარმოვადგენთ საჯაროდ ამონაწერს რუსეთის სარჩელიდან, რომ ყველა დარწმუნდეს,  ეს არის ფაქტი და მართლაც რუსეთის ფედერაცია, ოკუპანტი საქართველოს საპასუხო სარჩელში იყენებს სწორედ სალომე ზურაბიშვილის ციტატებს“, _ განაცხადა დავით ... ...
  • მერაბ ჭანუყვაძე: სალომე ზურაბიშვილი პირნათლად შეასრულებს პრეზიდენტისთვის კონსტიტუციით დაკისრებულ ფუნქცია-მოვალეობებს (R)პრეზიდენტობის დამოუკიდებელი კანდიდატის, სალომე ზურაბიშვილის წინასაარჩევნო კამპანიის ფარგლებში, ოზურგეთში შეხვედრა გაიმართა. უმრავლესობის ლიდერი, ოზურგეთის მაჟორიტარი დეპუტატი არჩილ თალაკვაძე, პარტია „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე და ორგანიზაციის წევრები, რაიცენტრალურისა და ზვანის უბანში მცხოვრებ მოსახლეობას შეხვდნენ. შეხვედრაზე ადგილობრივებს პრეზიდენტობის დამოუკიდებელი კანდიდატის სამომავლო გეგმები გააცნეს და მათ შეკითხვებს უპასუხეს. „სალომე ზურაბიშვილი არის ის კანდიდატი, რომელსაც აქვს პოლიტიკაში დიდი გამოცდილება და საერთაშორისო კავშირები. ის პირნათლად შეასრულებს პრეზიდენტისთვის კონსტიტუციით დაკისრებულ ფუნქცია-მოვალეობებს“, _  აღნიშნა მერაბ ... ...

არქივი

ზაფრანი

ყველაზე ცნობილი მზარეულები მსოფლიოში

გორდონ რამზი ცნობილი კულინარიული პროგრამების...

ბუნების სამკურნალო თვისებები

შოტლანდიის შეტლანდის კუნძულებზე ჩატარებული წარმატებული...

რატომ თვლით, რომ უბედური ხართ

იმისათვის, რომ ტკივილი გადაიტანოთ, საჭიროა...

მიზეზები, რომელიც ლამაზს გხდის

იქნებ საქმე შინაგან განწყობაში, ახალ...

„უიღბლო“ ამერიკელი

კონექტიკუტის შტატში მცხოვრებმა ჩარლზ დადლიმ...

ახლო მეგობარი მოდელები

რატომღაც მივეჩვიეთ, რომ სამოდელო ბიზნესში...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნებზე?