წაბლის ხეების ჭრის "ახალი მეთოდი" და მოსალოდნელი ხანძარი ანასეულში


მთავარი თემა

წაბლის ხეების ჭრის "ახალი მეთოდი" და მოსალოდნელი ხანძარი ანასეულში

8 მარ. 2019, 15:06:14

გაზეთი "გურია ნიუსი" ერთი კვირის წინ წერდა ოზურგეთის მუნიციპალიტეტის, დაბა ანასეულში, რამდენიმე ჰექტარ ფართობზე, უნიკალური წაბლის ხეების გაჩეხვის შესახებ. ეს ფაქტი ოზურგეთის მუნიციპალიტეტის საკრებულოს დეპუტატმა ლავრენტი ბიგვავამ მხოლოდ "უვარგისი ტოტების გასხეპად" შეაფასა, ხოლო ფართობის შესახებ, რომელზეც მრავალი წაბლისა და ნაძვის ხეა მოჭრილი და მოთხრილი, თქვა, რომ თავისი ქვრივი ნათესავისაა, რომელსაც ქალბატონი იჯარით ფლობს და მალე თავად გადმოიფორმებს, რადგან ქვრივ ქალს აღარ შეუძლია მისი მოვლა-პატრონობა.

"გურია ნიუსს" ანასეულის და მისი მოსაზღვრე ნარუჯის მცხოვრებლები აწვდიან სარწმუნო ინფორმაციებს იმის შესახებ, რომ ანასეულში, სხვადასხვა ადგილზე კვლავ გრძელდება უნიკალური წაბლის ხეების ჩეხვა, თუმცა, ბრაკონიერების მიერ შერჩეულია "ახალი მეთოდი" _ მრავალწლიან უზარმაზარ ხეებს, რომლებიც ზოგჯერ ორ ან სამ ნაწილად არის განტოტილი, აჭრიან ერთ მხარეს, თითქოსდა, უვარგის ნაწილს "საჭირო გასხეპის" მიზნით. ნარუჯელები შიშობენ, რომ ნაძვების ქარსაფრის ვრცელ ზოლს, რომელიც დეპუტატ ბიგვავას "ქვრივი ნათესავის" საგანგებოდ დამუშავებულ ნაკვეთს გასდევს, გაზაფხულზე კატასტროფა ემუქრება.

_ როცა აღნიშნულ ფართობზე წაბლის და ნაძვის ხეები მოჭრეს, მთელი ნაკაფი მასა ბულდოზერებმა ქარსაფარი ზოლის გასწვრივ, ნაძვებს ძირში მიუყარეს. მოგეხსენებათ, დათბობისთანავე, გაზაფხულზე ბევრგან ჩნდება საეჭვო ხანძრები. ასანთის ერთი ღერის ანთება და მთელ ქარსაფარ ზოლზე ავარდნილი ალი ცაში ავა. აქ ამბავი იქნება, მტრისას _ მთელი დასავლეთ საქართველოს სახანძროს მობილიზებაც ვერ უშველის, რადგან ათეულობით ნაძვის ხის ძირთან სათითაოდ არის გამზადებული საჭიაკოკონე მასალა. ქარიც უფრო კარგად წაგვიღებს და რაც მთავარია, ეს მერე ნარუჯის და ლაითურის მოსახლეობას დაბრალდება, თვითონ კი ნახევრად გადარჩენილ ნაძვებს მოჭრიან, სამასალედ გამოიყენებენ, ახალ ფართობებს კი გამოათავისუფლებენ, ჩვენკენ კი თითს გამოიშვერენ _ "აჭარლები ჭრიანო".

მოიყვანეთ დეპუტატი ბიგვავა, ან ვინც გნებავთ და აქაურობის უსაფრთხოებას მიხედონ. ეს ტონობით ნარჩენი ნაგავი რომ ქარსაფარ ნაძვებს მიაყარეს, ძალიან საეჭვო ამბავია. ამხელა ფართობი რომ პირწმინდად მოაშიშვლეს, მოეყარათ თავი რამდენიმე ადგილას და დაეწვათ, რაღა კილომეტრზე გაჭიმულ ქარსაფარ ზოლს მიახვეტეს? მაგრამ საჭირო დროს უცებ დაწვავენ და იმიტომ ქნეს. "ძაღლი ვინც მოკლა, მანვე გადაათრიოს" _ მერე ნარუჯის მოსახლეობას არ დააბრალონ ქარსაფარი ზოლის გადაწვა, წინასწარ გეუბნებით, _ ამბობენ ნარუჯელები.

მოსახლეობის ვარაუდი და ეჭვები რომ საფუძველს მოკლებული არაა, ადგილზე მისული ადამიანი არც შეეჭვდება. "გურია ნიუსმა" წინა სტუმრობის შემდეგ, ანასეულის ტერიტორიაზე, სხვადასხვა ადგილზე (ამჯერად ეს ბიგვავას ფართობს არ ეხება. ავტ.) ხელმეორედ ნახა ახლად მოჭრილი წაბლის ხეები, სულ ხუთი ძირი, რაც ჩვენმა ფოტოობიექტივმა დააფიქსირა.

ადგილობრივებმა გვაჩვენეს, ასევე, წლების წინ მოჭრილი ძვირფასი ხეტიტას გადანაჭერი ძირები.

_ ყველა ამ ქმედებაში მაღალჩინოსნები და აქ დასაქმებული რამდენიმე მეცნიერი იყო ჩართული. დაგვეხმარეთ _ რაც დარჩა, ის მაინც არ გაჩეხონ! რას ქვია, საკუთრებაა? იჯარით აღებულ ფართობს მიადგე და წითელ წიგნში შეტანილი საუკუნოვანი ხემცენარეები უმოწყალოდ გაჩეხო, კანონი და ნამუსია? მიწები ხომ დაიტაცეს და ამის გარკვევას დიდი დრო დასჭირდება, თან ან დაგანებებენ ან არა. შეაჩერეთ ასწლოვანი უნიკალური ხეების ჩეხვა, დაგვეხმარეთ, რაც ამათ ნაჯახს გადაურჩა, ის მაინც შეგვანარჩუნებინეთ, _ გვეუბნებიან ადგილობრივები.

"გურია ნიუსს" სანდო წყარომ აცნობა და ადგილებიც მიუთითა ანასეულის ტერიტორიაზე, სადაც 3-4 მეტრზე დახერხილი წაბლის ხის მორები იყო დაწყობილი. ჩვენ ადგილზე მუნიციპალიტეტის ზედამხედველობის სამსახურის თანამშრომლებთან ერთად მივედით, თუმცა, იქ მაღალი გამავლობის სატვირთო მანქანების საბურავების ნაკვალევი დაგვხვდა, რაზეც ზედამხედველობის სამსახურის წარმომადგენლები ხუმრობის ხასიათზეც დადგნენ, წაღება დაგასწრესო...

"გურია ნიუსი" წერდა იმის შესახებაც, რომ ანასეულის ტერიტორიაზე ერთ ჰექტრამდე ფართობი, რომელზეც წაბლის ტყეა გაშენებული, მუნიციპალიტეტის მერიამ აუქციონის წესით მას შემდეგ გადასცა კერძო მფლობელს, რაც მუნიციპალიტეტის საკრებულომვე უარი თქვა იჯარით გაცემაზე. აღნიშნული ფართობი, სამწუხაროდ, ერთადერთია ანასეულის ტერიტორიაზე, რომელიც პირველყოფილი სახით შემორჩა. ახალი მფლობელის მიზანი, რომ აქ ფუტკრის სკები უნდა დადგას, მოსახლეობაში ეჭვს აჩენს _ ისინი ფიქრობენ, რომ ამ ტყესაც "ბიგვავას ფართობის ბედი ეწევა".

აღსანიშნავია, რომ საკრებულოს ბიუროს სხდომაზე საკრებულოს თავმჯდომარის მოადგილემ, გიორგი ღურჯუმელიძემ რიტორიკული კითხვა დასვა: "დაუშალა ვინმემ ფუტკარს ხესთან მიფრენა?"

"გურია ნიუსის" მიერ მოპოვებული ფაქტები ბოლო დროს წაბლის ხეების უმოწყალო ჩეხვის შესახებ, ახალდაწყებული პროცესი არ არის და ქვეყნის დამოუკიდებლობის გამოცხადების დღიდან ხდება. 100 ჰა ფართობზე მეტი ტერიტორია _ ჩაის, სუბტროპიკული კულტურების ექსპერიმენტული ნაკვეთებით, უნიკალური ხის ჯიშებით სავსე ტყე-პარკი, რომელიც ჯერ კიდევ 30-იანი წლებიდან იყო გაშენებული, გაიჩეხა, გაიძარცვა და განადგურდა. ანასეულის ტერიტორიის ძირითადი ნაწილი დაექვემდებარა ეკონომიკის სამინისტროს, ექსპერიმენტული და სამეურნეო ნაკვეთების ნაწილი აღმოჩნდა ქალაქ ოზურგეთის მუნიციპალიტეტის ბალანსზე. ეკონომიკის სამინისტრო, როგორც აქაურები ამბობენ, სამწუხაროდ, არავის უთანხმებს ან აგებინებს თავის ბალანსზე არსებული უძრავ-მოძრავი ქონების გასხვისებას. ამიტომ შეძლეს გარკვეულმა პირებმა ანასეულის ფაბრიკისა და მთელი ტერიტორიების ერთ ლარად პრივატიზება.

დღეისთვის ზოგიერთი მეცნიერი ახერხებს გარკვეული კონტროლი მოახდინოს ამა თუ იმ ნაკვეთის მდგომარეობაზე, თუმცა, შეწყვეტილია ექსპერიმენტების ციკლი და ის დაკონსერვდა. უმეტესი ექსპერიმენტული ნაკვეთების მდგომარეობა კი ბურუსითაა მოცული, ასევეა სამეურნეო ნაკვეთები.

არა ერთი მეცნიერი განმარტავს, რომ ტერიტორიის კერძო მფლობელი არ არის ანგარიშვალდებული მოსახლეობის თუ დაინტერესებული პირის წინაშე, თუმცა, საკითხავია, ვინ როგორ, რა გზის, კანონის როგორი მორგებით ჩაიგდო ხელში უზარმაზარი ფართობები.

_ ეს სამომავლოდ იწვევს გამოუსწორებელ შედეგს და კონკრეტულად რომ ვთქვათ, თუ სახელმწიფოს მხრიდან სასწრაფო ჩარევა არ მოხდა. მაშინ აგრარული დარგისა და აგრარული მეცნიერების რეაბილიტაციის მიზნით სამეცნიერო კვლევები თუ ექსპერიმენტები ნულიდან იქნება დასაწყები, _ გვეუბნებიან აქ.

"გურია ნიუსისთვის" ცნობილი ხდება, რომ დაჩქარებულია ანასეულის ტერიტორიების გაყიდვა თუ იჯარით ხელმეორედ გადაცემის პროცესები. ამიტომ ამ ეტაპზე ტერიტორიების კერძო მფლობელების დადგენა რთულდება, მუნიციპალიტეტისა და იუსტიციის სახლის სამსახურების ჩარევის გარეშე.

ანასეულში მიმდინარე პროცესებს შორის უფრო პრობლემატური და მწვავე საკითხების ირგვლივ "გურია ნიუსი" იმ სამსახურების წარმომადგენლებს ესაუბრა, ვისაც ეს ყველაფერი პირდაპირ თუ ირიბად ეხება.

შუქრი გაბრიჩიძე, ოზურგეთის მუნიციპალიტეტის ზედამხედველობის სამსახურის უფროსი:

 _ მასა, რომელიც ქარსაფარი ზოლის გასწვრივ არის დაყრილი, უნდა გაიტანოს მან, ვინც დაყარა. ჩვენ ველოდებით გარემოს დაცვის სამინისტროს ზედამხედველობის სამსახურიდან პასუხს, სადაც აღნიშნულის თაობაზე გაგზავნილია მოკვლეული მასალა. შემდეგ ვიმოქმედებთ. გასაგებია, რომ ხანძრის გაჩენის საშიშროება დიდია და ეს საქმე ჩვენი მისახედია. აუცილებლად მოხდება გაწმენდა და დაევალება მას, ვინც ეს მოიმოქმედა.

_ ბატონო შუქრი, "გურია ნიუსმა" ამჯერადაც ნახა ახალმოჭრილი წაბლის ხეები.

_ გეთანხმებით, მაგრამ ჩვენ ასეთ ფაქტებზე მივმართავთ გარემოს დაცვის სამსახურს. გარდა ამისა, ეს მათი პირდაპირი მოვალეობაა, ყოველ კვირაში დადიან მანდ და მე მგონი, რეაგირება ახდენენ.

ვალერიან ჯინჭარაძე, გარემოს დაცვითი ზედამხედველობის დეპარტამენტის აჭარისა და გურიის რეგიონული სამმართველოს უფროსი სპეციალისტი:

_ ანასეულის ტერიტორიაზე წაბლის ხეების მოჭრის შესახებ გეტყვით, რომ დათვალიერებულია და დასურათებულია ტერიტორია, შედგა აქტი და ინფორმაცია და ფოტომასალა ატვირთულია ჩვენს ელექტრონულ ქსელში. ჯერ უნდა მოხდეს ტერიტორიის დადგენა. საჯარო რეესტრში გაგზავნილი გვაქვს წერილი ტერიტორიის დადგენის მიზნით, თუ ვისია ეს ფართობი. შესაძლოა, ნაწილი სახელმწიფოსი აღმოჩნდეს, ნაწილობრივ კი სულაც სხვისი იყოს. როცა რეესტრიდან პასუხს მივიღებთ და ეს მალე მოხდება, შემდეგ მოვახდენთ რეაგირებას და ამის თაობაზე აუცილებლად გაცნობებთ.

რაც შეეხება იჯარით აღებულ ფართობზე უნიკალური ჯიშის ხეების ჭრას, რომელიც წითელ ნუსხაშია შეტანილი, იურისტი, სამართალმცოდნე კახა ჩავლეშვილი ასეთ განმარტებას აკეთებს:

_ იჯარით აღებულ ფართობზე, არათუ წითელ ნუსხაში შეტანილ სახეობაზე, არამედ ჩვეულებრივი ხის მოჭრაც არ შეიძლება მესაკუთრის თანხმობის გარეშე. სულერთია, ვინ იქნება ეს მესაკუთრე _ თვითმმართველობის ორგანო, სახელმწიფო თუ კერძო პირი.

"გურია ნიუსი" დაელოდება მუნიციპალიტეტის ზედამხედველობის სამსახურისა და გარემოს დაცვითი ზედამხედველობის დეპარტამენტის, აჭარისა და გურიის რეგიონული სამმართველოს რეაგირებას ამ უმწვავეს თემაზე და ინფორმაციას მივაწვდით.




 ახალი ამბები
  • გაბუნია ვაქცინაციაზე: ამბიციური სამიზნე მაჩვენებელი არის მოზრდილი მოსახლეობის 60%ჯანდაცვის მინისტრის მოადგილე, თამარ გაბუნია, ვაქცინაციაზე საუბრისას ამბობს, რომ იმუნურობის საჭირო დონის მისაღწევად, ზრდასრულების 60%-ის აცრაა საჭირო. "სამიზნე მაჩვენებელი - ეს არის საორიენტაციო, თუმცა ამბიციური სამიზნე მაჩვენებელი, რასაც ჩვენ გვინდა, რომ მივაღწიოთ ქვეყნის კორონავირუსული ინფექციისაგან დასაცავად - არის მოზრდილი მოსახლეობის 60%, რაც იქნება იმუნურობის დონის გარანტია, რომ მოვახერხოთ ეკონომიკის სტაბილური და უსაფრთხო გახსნა გრძელვადიან პერსპექტივაში. პირველი ჯგუფი არიას ჯანდაცვის პროფესიონალები, შემდეგ ამას მოჰყვება ასაკობრივი პაციენტები და მაღლი რისკის სხვა ჯგუფები", - ამბობს გაბუნია. ამასთან, გაბუნია ამბობს, რომ ტექნიკური სამუშაოების ნაწილი დასრულებულია. "ვაქცინის დანერგვის გეგმის ტექნიკურ ნაწილზე მუშაობა პარასკევს დასრულდა. მასში 82 სპეციალისტი იყო ჩართული. დღეს ჯანდაცვის სამინისტროს იურიდიული დეპარტამენტი ამზადებს უკვე გეგმის ვერსიას, რაც მთავრობის ადმინისტრაციაში დასამტკიცებლად გამოიგზავნება. ვფიქრობ, რომ კვირის ბოლომდე ეს დასრულდება. გეგმაში განსაზღვრულია სამი ეტაპი, რის მიხედვითაც მაღალი რისკის ჯგუფებიდან მოხდება ვაქცინაცია, მოსახლეობის იმ ჯგუფებამდე, რომელსაც რისკი მაღალი არ აქვს, თუმცა იმუნიტეტის განვითარებისთვის მათი მოცვა მნიშვნელოვანია". ამავე ბრიფინგზე ამირან გამყრელიძემ თქვა, რომ მივდივართ სტაბილიზაციისკენ, მაგრამ ეს დამშვიდების საფუძველს არ ... ...
  • ოპოზიციონერი დეპუტატი ფრიდონ ინჯია ოპოზიციას გაქრობას" უწინასწარმეტყველებსოპოზიციონერი დეპუტატი ფრიდონ ინჯია ოპოზიციას შანტაჟში ადანაშაულებს და ამბობს, რომ პარტიების ნაწილის განცხადება, თუ რიგგარეშე საპარლამენტო არჩევნებს არ დაინიშნება თვითმმართველობის არჩევნებს ბოიკოტს გამოუცხადებენ, შანტაჟია. ინჯია ოპოზიციას "გაქრობასაც" უწინასწარმეტყველებს: "შეიძლება ვიღაცამ ბოიკოტი გამოუცხადოს, მაგალითად, რომელიღაცა სოფელმა და იმ პარტიამ, ვისაც 0,5% აქვს. ვნახოთ, ყველაფერს დრო აჩვენებს, მაგრამ ეს არის შანტაჟი სხვადასხვა მეთოდებით. თვითმმართველობის არჩევნები როდის იქნება, ჯერ გამოცხადებული არ არის და ვნახავთ, ვინ დარეგისტრირდება. ვფიქრობ, რომ ბევრი პარტია მიიღებს მონაწილეობას თვითმმართველობის არჩევნებში. თუ არ მიიღებენ, ისინი უახლოეს წლებში საერთოდ გაქრებიან“, _ ამბობს ინჯია. შეგახსენებთ, რომ ინჯია პარლამენტში "პატრიოტთა ალიანსის" სიით ... ...
  • გიორგი ვაშაძე - ჩემზე რომ რამე კომპრომატი იყოს, უკვე იქნებოდა გამოყენებულიჩემზე რომ რამე კომპრომატი ოყოს, ეს კომპრომატი იქნებოდა უკვე დიდი ხნის გავრცელებულიც და გამოყენებულიც, არაერთხელ მქონია განსხვავებული პოზიციები თუნდაც მის მერ დასახელებულ პიროვნებებთან, – ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა. აღნიშნული კომენტარით ის გამოეხაურა ალეკო ელისაშვილის განცხადებას, რომლითაც მან არ გამორიცხა, რომ გიორგი ვაშაძეს ყოფილი ხელისუფლების წარმომადგენლები, მათ შორის მერაბიშვილი და ბოკერია კომპრომატებით ემუქრებოდნენ. გიორგი ვაშაძე ელისაშვილის ამ განცხადებას ჭორაობას უწოდებს. „ჩემზე რომ რამე კომპრომატი იყოს, დიდი ხანი იქნებოდა ეს კომპრომატი უკვე გავრცელებულიც და გამოყენებულიც ამ საკითხთან დაკავშირებით, არაერთხელ მქონია განსხვავებული პოზიციები თუნდაც მის მერ დასახელებულ პიროვნებებთან. ასე რომ, ეს არის ტყუილი, ზღაპარი და ძალიან ვთხოვ ალეკოსაც, იაგოსაც, ყველას, აქცენტი იყოს „ქართული ოცნება“ და არა – ოპოზიცია. დიდ ყურადღებას არ ვაქცევ ასეთ განცხადებებს, სიმართლე გითხრათ, იმუნიტეტი გამომიმუშავდა ამერიკაში ყოფნის პერიოდში, მაგრამ რასაც ხელს უშლის, ასეთი პოზიციონირება ნამდვილად უშლის მოლაპარაკებების შედეგიანად დასრულებას. დანარჩენი, თუ რამე იციან, თქვან, თუ არადა დაანებონ თავი ჭორაობას, ეს არის ჭორაობა, პოლიტიკოსი დაკავებული უნდა იყოს არა შეთხზვით, არამედ საქმის გადაწყვეტით“, – განაცხადა გიორგი ვაშაძემ. ალეკო ელისაშვილი ვარაუდობს, რომ გიორგი ვაშაძეს ყოფილი ხელისუფლების წარმომადგენლები, მათ შორის ვანო მერაბიშვილი და გიგა ბოკერია სწორედ ამ კომპრომატებით ემუქრებიან. „არ გამოვრიცხავ, რომ იყოს სხვა მიზეზები. გიორგი ვაშაძის ან სხვების წინააღმდეგ, სხვა ოპოზიციონერების წინააღმდეგ, რომლებიც ერთ დღეს ამბობენ, შევხვდეთო დ მეორე დღეს ამბობენ, აღარ გვინდა შეხვედრაო, სხვა ბერკეტებიც ჰქონდეთ ზოგიერთი ოპოზიციური პარტიის წარმომადგენლებს. მაგალითად, კომპრომატები და სწორედ ამით მართავდნენ და ამას იყენებდნენ მათი პოზიციების ცვლილებებისთვის. „ქართული ოცნებაც“ ამბობდა და ლოგიკა არის ამაში, სამწუხაროდ. ვის შეიძლება ჰქონდეს მათ წინააღმდეგ კომპრომატები? არ ვიცი, ვინც წინა ხელისუფლებაში იყვნენ. ალბათ, ვანო მერაბიშვილი, გიგა ბოკერია და ისინი, ვინც იყვნენ ადრეც ამით დაკავებულები, ხომ გვახსოვს“,- განაცხადა ალეკო ელისაშვილმა. „მოქალაქეების“ ლიდერი ალეკო ელისაშვილი და „გირჩის“ ლიდერი იაგო ხვიჩია აცხადებენ, რომ გიორგი ვაშაძე მათთან შეხვედრაზე თანახმა იყო, თუმცა დღეს პოზიცია შეცვალა და შეხვედრაზე უარს ... ...
  • საკოორდინაციო საბჭო მოქმედი შეზღუდვების ეტაპობრივი მოხსნის გეგმაზე მუშაობსვაქცინაციის სამოქმედო გეგმა, ქვეყანაში არსებული ეპიდემიოლოგიური მდგომარეობა და შეზღუდვების ეტაპობრივად მოხსნა განიხილა უწყებათაშორისმა საკოორდინაციო საბჭომ დღევანდელ სხდომაზე, რომელიც პრემიერ-მინისტრ გიორგი გახარიას ხელმძღვანელობით მთავრობის ადმინისტრაციაში გაიმართა. პრემიერ-მინისტრის პრესსამსახურის ინფორმაციით, საბჭომ დეტალურად იმსჯელა ვაქცინით მოსახლეობის მოცვის გეგმასა და იმ სამიზნე ჯგუფების შესახებ, რომელთა ვაქცინაცია უპირველესად განხორციელდება. როგორც ცნობილია, გეგმა ასევე მოიცავს ვაქცინაციასთან დაკავშირებულ ლოგისტიკურ თუ საოპერაციო საკითხებს. „საბჭოს სხდომაზე ისაუბრეს იმ ნაბიჯებზე, რომელიც საქართველოში ვაქცინის შემოსვლის მიმართულებით იდგმება. როგორც ცნობილია, კოვიდვაქცინაციის თემაზე პრემიერ-მინისტრის დავალებით შექმნილი სპეციალური კომისია ინტენსიურ რეჟიმში განაგრძობს მუშაობას, როგორც ვაქცინის დროული მიღების, ისე ქვეყანაში შესაბამისი გამართული ინფრასტრუქტურის უზრუნველყოფის კუთხით. აღსანიშნავია, რომ საქართველოში სამედიცინო პერსონალისთვის ვაქცინის პირველი დოზების მიღებასთან დაკავშირებით COVAX-პლატფორმის მზადყოფნის დადასტურების პარალელურად, მოლაპარაკებები ერთდროულად რამდენიმე მწარმოებელთან ინტენსიურ რეჟიმში გრძელდება. საბჭოს სხდომაზე კიდევ ერთხელ გაესვა ხაზი იმ ფაქტს, რომ ქვეყანაში ვაქცინის შემოსვლის უპირველესი წინაპირობა ჯანმრთელობის მსოფლიო ორგანიზაციის პრეკვალიფიკაცია და მისი საერთაშორისო აღიარებაა“, – აღნიშნულია პრემიერ-მინისტრის პრესსამსახურის ინფორმაციაში. მათივე ცნობით, უწყებათაშორისი საკოორდინაციო საბჭოს სხდომაზე აღინიშნა, რომ მოქმედი შეზღუდვების შედეგად, შეინიშნება ვირუსით ინფიცირების შემთხვევების სტაბილიზაცია და დადებითობის მაჩვენებელი საშუალოდ ბოლო ერთ კვირაში 8,3%-ია, თუმცა ეს მოდუნების საფუძველი არ უნდა გახდეს და კვლავაც უმნიშვნელოვანეს პრევენციულ ღონისძიებებად რჩება სოციალური დისტანციის დაცვა და პირბადეების ტარება. დაავადებათა კონტროლის ეროვნული ცენტრის ხელმძღვანელმა ამირან გამყრელიძემ სხდომაზე აღნიშნა, რომ დღეს საქართველოში პირბადის ტარების მაჩვენებელი 75%-ია და ჯანმრთელობის გაზომვათა ინსტიტუტის პროგნოზით, თუ ის 95%-ს მიაღწევს, მაისში ინფიცირების ყოველდღიური შემთხვევები 10-77-ის ფარგლებში იქნება. „საბჭომ ასევე იმსჯელა გლობალურად ინფექციის გავრცელების კუთხით არსებულ ვითარებაზე. აღინიშნა, რომ მსოფლიოში, მათ შორის ევროპაში სიტუაცია კვლავ მძიმე რჩება და არაერთმა ქვეყანამ შეზღუდვების გახანგრძლივების თუ გამკაცრების გადაწყვეტილება მიიღო. მსოფლიოში არსებული ტენდენციებისა და ზოგადი ეპიდემიოლოგიური მდგომარეობის ანალიზის გათვალისწინებით, საკოორდინაციო საბჭოს სხდომაზე განსაკუთრებით გაესვა ხაზი საქართველოში დღეს მოქმედი შეზღუდვების ეტაპობრივად მოხსნის აუცილებლობას. აღინიშნა, რომ აუცილებელია გადაიდგას მაქსიმალურად ფრთხილი ნაბიჯები და თითოეული შეზღუდვის მოხსნა ეფუძნებოდეს არსებული ეპიდემიოლოგიური ვითარების მკაცრ მონიტორინგს, რათა არსებული სტაბილიზაციის შემდეგ, ინფიცირების მაჩვენებლები კვლავ მნიშვნელოვნად არ გაიზარდოს. პრემიერ-მინისტრის დავალებით, შემუშავდება ქვეყანაში დღეს მოქმედი შეზღუდვების ეტაპობრივი მოხსნის გეგმა, რომელიც საზოგადოებას უახლოეს პერიოდში წარედგინება. ამასთან, მთავრობის მეთაურის დავალებით, ინტენსიურად გრძელდება ერთობლივი მუშაობა კერძო სექტორთან, რადგან ბიზნესმა ვირუსის პრევენციის მიზნით შემუშავებული დაცვის მექანიზმებისა და დამატებითი კომპონენტების გათვალისწინებით, გახსნის ეტაპზე უზრუნველყოს კოვიდუსაფრთხოების მაღალი სტანდარტი. გარდა ამისა, შესაბამისი უწყებების მხრიდან აქტიურად კონტროლდება ქვეყნის მასშტაბით დღეს მოქმედი შეზღუდვების აღსრულება. სამართალდამცველების მიერ განხორციელებული მონიტორინგის შედეგად, ბოლო 24 საათის განმავლობაში, ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1 107 ფაქტი გამოვლინდა. პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად, 121 ფიზიკური პირი დააჯარიმა. მათ  შორის არიან მოქალაქეები, რომლებმაც 21:00-დან 05:00 საათამდე მოქმედი გადაადგილების შეზღუდვის წესი დაარღვიეს. პირბადის ტარების წესის დარღვევის ფაქტზე კი ბოლო 24 საათის განმავლობაში 986 ფიზიკური პირი დაჯარიმდა. საქართველოს მთავრობის N322 დადგენილებით აკრძალული საქმიანობის განხორციელების საფუძვლით დაჯარიმდა სამი ობიექტი, რომელიც მათ შორის გასართობ დაწესებულებაში, ხალხმრავალი სოციალური ღონისძიების ორგანიზებას გულისხმობდა. ადმინისტრაციულ სამართალდარღვევათა კოდექსით გათვალისწინებული სანქციის გარდა, ობიექტებს საქმიანობა შეუჩერდათ. საქართველოში კორონავირუსის პირველი შემთხვევის გამოვლენიდან დღემდე, ვირუსით ინფიცირების 247 915 ლაბორატორიულად დადასტურებული შემთხვევა გამოვლინდა, საიდანაც 234 636 პირი გამოჯანმრთელდა, გარდაცვლილია 2 958 ადამიანი. ამ ეტაპზე, კარანტინში იმყოფება 460 ადამიანი, კლინიკურ სასტუმროებში – 634 მოქალაქე, ხოლო სტაციონარში, მეთვალყურეობის ქვეშ – 3 670 პირი. პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე არჩილ თალაკვაძის ხელმძღვანელობით და პრეზიდენტის ადმინისტრაცია“, – ნათქვამია პრემიერ-მინისტრის პრესსამსახურის მიერ გავრცელებულ ... ...
  • ორი დაშავებული - ახალი დეტალები აბაშაში მომხდარ ავტოსაგზაო შემთხვევაზეაბაშაში მომხდარ ავტოსაგზაო შემთხვევასთან დაკავშირებით "გურია ნიუსისთვის"ახალი დეტალები ხდება ცნობილი. არსებული ინფორმაციით, დაშავებულია ორი მგზავრი,რომლებიც ამ წუთებში საავადმყოფოში არიან გადაყვანილები. შსს-მ  გამოძიება სსკ-ის 276-ე მუხლის მე-2 ნაწილით დაიწყო. შეგახსენებთ, ავტოსაგზაო შემთხვევა აბაშაში ცოტა ხნის წინ მოხდა. ერთმანეთს სამი მსუბუქი ავტომობილი ... ...

არქივი

ტესტები

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ ყველაზე, ყველაზე...

იცი თუ არა გეოგრაფია

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....