ცხოვრება მძიმე სამუშაო პირობებით და წარმატებული ქალები

მთავარი თემა

ცხოვრება მძიმე სამუშაო პირობებით და წარმატებული ქალები

25 ივნ. 2018, 10:48:13

ეს დაბა ნასაკირალის ცენტრია _ ძველი, საბჭოთადროინდელი შენობების დიდი ნაწილი დანგრეული ან დანგრევის პირასაა. ქართლის დედა, რომელიც, სავარაუდოდ, ხმლით  მტრებს უნდა დახვდეს, ამ ნანგრევების ფონზე, ომახიანად ვეღარ გამოიყურება და ბავშვების გართობის არცთუ უსაფრთხო ატრიბუტადაა  ქცეული.

ასე გამოიყურება ნასაკირალის საავადმყოფოს შენობა

ეს კი ნასაკირალის ამბულატორიის ინტერიერია, სადაც პაციენტების მიღება და სამედიცინო პერსონალის ყოფნა სიცოცხლისათვის სახიფათოა

არადა, ნასაკირალი, რომელიც ქალაქ ოზურგეთიდან 10 კილომეტრითაა დაშორებული, გურიის ერთ-ერთი მნიშვნლოვანი ისტორიული ადგილია; ადრე, ტყით დაფარული ტერიტორია ფირალების თავშესაფარი და გურული ჯანყის ეპიცენტი, 1929 წლიდან საბჭოთა მეურნეობად, თერმული წყლების წყალობით კი _ კურორტად გადაიქცა. სწორედ ამ მეურნეობაში სამუშაოდ, ინტერნაციონალური მუშახელი ჩამოასახლეს - პოლონელები, ჩინელები, გერმანელები, აზერბაიჯანელები, სომხები, უკრაინელები ჩაისა და ციტრუსის პლანტაციებში მუშაობდნენ.

გასული საუკუნის სამოციანი წლებიდან, დაბა ნასაკირალში ხულოს რაიონიდან სტიქიით დაზარალებული მოსახლეობის დიდი ნაწილი, ასევე ჩოხატაურის მაღალმთიანი სოფელ ზოტიდან რამდენიმე კომლი კომპაქტურად დასახლდა. ზვიად გამსახურდიას მმართველობის წლებში, ნასაკირალში, აგრეთვე ჩამოასახლეს შუა აზიაში მცხოვრები რეპატრირებული მესხები.

2014 წლის აღწერის მონაცემებით, ნასაკირალში სამიათასამდე მოსახლეა, უმრავლესობა - ქალები. მოსახლეობის 99% მუსლიმია. მუსლიმ თემებში ტრადიციულად შობადობის მაღალი მაჩვენებლის მიუხედავად, დაბა მიგრაციულია, მოსახლეობის ნაწილი, მათ შორის მოზარდები, სამუშაოს ქალაქებში ან მეზობელ თურქეთში ეძებენ.

ამ სკოლის მოსწავლეთა მშობლების 37.6%-ის შემოსავლები საარსებო მინიმუმზე დაბალია, ხოლო ამ ოჯახების 8.8%-ს სწორედ ის არასრულწლოვნები ინახავენ, რომლებიც თურქეთში სამუშაოდ პერიოდულად მიემგზავრებიან

კვლევის მიხედვით, რომელიც არასამთავრობო ორგანიზაცია “ახალგაზრდა პედაგოგთა კავშირმა“ 2015 წელს ჩაატარა, თურქეთში სამუშაო მიგრაციის გამოცდილებას არასრულწლოვნები პირველად, ძირითადად, 15-17 წლის ასაკში იღებენ (86% შემთხვევაში). საზღვრის გადაკვეთისას, მათ 15%-ს არ აქვს მშობლის ნოტარიულად დამოწმებული თანხმობა, რაც მათ ყოფნას თურქეთის ტერიტორიაზე თავიდანვე არალეგალურს ხდის.

ამავე კვლევის მიხედვით, სასწავლო პროცესში ნაკლებად ჩართული არასრულწლოვნების თითქმის ნახევარი (47%) სკოლაში რეგულარულად სიარულს ვერ ახერხებს იმის გამო, რომ ოჯახის სამეურნეო საქმეებშია ჩართული. ასევე, აღსანიშნავია, რომ 14.5%-ს სწავლის მიმართ ინტერესი აქვს დაკარგული. გამოკითხულ რესპონდენტთა  77%-ის ოჯახში დედა დიასახლისია; ყოველი მეორე გამოკითხულის ოჯახის წევრებიდან ერთი მაინც _ უმუშევარია (30% შემთხვევაში _ 1, ხოლო 20% შემთხვევაში - 2 და მეტი).

“ქართული ოცნების“ დეპუტატი ოზურგეთის საკრებულოში მარი ჩხიკვიშვილი “გურია ნიუსთან“ საუბრისას აღნიშნავს, რომ მიგრაცია სამწუხარო რეალობაა და  სახელმწიფო ქმედით ნაბიჯებს დგამს, რათა მაქსიმალურად შემცირდეს გადინება:

_ ხორციელდება სხვადასხვა პროექტები. მათ შორისაააწარმოე საქართველოში“, სტარტაფების დაფინანსება. საგადასახად კოდექსშიც მნიშვნელოვანი ცვლილებები იგეგმება. სწორედ ასეთი ქმედითი ნაბიჯები შეუწყობს ხელს აღნიშნული პრობლემის მოგვარებას, _ ამბობს მარი ჩხიკვიშვილი.

 დაბა ნასაკირალში მცხოვრები ქალების უმეტესობა კი “გურია ნიუსთან“ საუბარში ამბობს, რომ სახელმწიფომ უფრო მეტი და ხალხის საჭიროებებს მორგებული პროექტები უნდა განახორციელოს. თან, რაც მთავარია, პირველ რიგში, ქალებს უნდა შეუწყოს ხელი. ჩვენი ერთ- ერთი რესპონდენტი, რომელიც ვინაობის გაუმჟღავნებლობას გვთხოვს, წუხს, რომ თუ მოზარდი ბიჭები თურქეთში მძიმე ფიზიკური მუშაობით ჯანმრთელობას იუარესებენ (ბევრ მათგანს ხერხემლის პრობლემა აქვს), გოგონების დიდი ნაწილი ადრეულ ასაკში ოჯახის შექმნით, უმაღლესი და საშუალო პროფესიული განათლების მიღების შესაძლებლობას კარგავს:

_ ადრეულ ასაკში უხდებათ შვილების გაჩენა, მრავალსულიანი ოჯახების მოვლა, კარმიდამოს, საქონლის, საყოლის მოვლა.... უმაღლესი განათლება კი არა, ბევრს პროფესიაც არ აქვს და რომც ჰქონდეს, სად უნდა იმუშაოს?! ძალიან ცოტა ახერხებს, თვითრეალიზება შეძლოს და საკუთარი საქმე წამოიწყოს, _ ამბობს ჩვენი რესპონდენტი.

ჩვენ გადავწყვიტეთ, სწორედ ასეთი - დაბა ნასაკირალში მცხოვრები წარმატებული ქალების შესახებ მოგვეთხრო მკითხველისთვის და დაბის ცენტრში მათი ვინაობა მოვიკითხეთ.

ზაფხულის სიცხეში, “ბირჟაზე“, მამაკაცები პოლიტიკაზე მსჯელობენ

როცა ჩვენი ფოტოამბავის გმირს ვეძებდით, მზია ირემაძის სამკერვალო ატელიე მიგვასწავლეს. ატელიე პროექტის “აწარმოე საქართველოში“ ფარგლებში გაიხსნა. სწორედ აქ შევხვდით ნათია დავლაძეს. ნათია წარმოშობით ადიგენელია. 16 წლის ასაკში, ნასაკირალში შექმნა ოჯახი და ახლა სამი შვილის დედაა. ადრეულად ოჯახის შექმნის გამო, სწავლა ვეღარ გააგრძელა.

ნათია თვლის, რომ გაუმართლა _ ბებიასგან და დედისგან კერვა ისწავლა, რაც მხოლოდ ოჯახში კი არა, სამსახურის შოვნაშიც გამოადგა

_ ორი ქალი ვმუშობთ; ხშირად, იმდენი საქმე გვაქვს, რომ მთელი კვირა გვყოფნის, _ ამბობს ნათია. აქ მოსულ მომხმარებელს მყურდო გარემო, ქსოვილების ფართო არჩევანი და რაც მთავარია, კეთილგანწყობილება უნდა დავახვედროთ, _ ამბობს ნათია. ექვსსულიან ოჯახში, რომელიც სამი ბავშვის, დედამთილ-მამამთილისა და თავად ნათიასგან შედგება, ის ერთადერთი დასაქმებულია.

ატელიეში სტუმრობა ნასაკირალელ ქალბატონებს ძალიან უყვართ

სანამ ნათიას ვსტუმრობდით, სხვა წარმატებული ქალებიც გავიცანით; მაკა გორგაძე კეთილმოწყობილი მაღაზიის მეპატრონეა. როგორც მაკა ამბობს, მისი ოჯახი შრომისმოყვარეობამ და ცოლ-ქმრის ურთიერთხელშეწყობამ გადაარჩინა:

 - წარმატების მისაღწევად 24-საათიანი შრომა დაგვჭირდა; მე და ჩემი მეუღლე მიწაზე ვშრომობდით, საღამოობით კი საცხობში ვმუშაობდი, ნამცხვარს ვაცხობდი. გაგვიმართლა, რომ აქ ძალიან თბილი ხალხი ცხოვრობს; თან, აუცილებლად უნდა ვთქვა, რომ ყველაფერს ერთმანეთის მხარში დგომით და ხელშეწყობით მივაღწიეთ.

ატელიეში სტუმრობისას, კიდევ ერთი წარმატებული ქალი - მარიამ ანთაძეც გავიცანით

მარიამ ანთაძემ საკუთარი საცხოვრებელი სახლის პირველ სართულზე სუპერმარკეტი გახნა.  უმუშევრობის მაღალი მაჩვენებლის გარდა, მას დაბაში სამედიცინო მომსახურების ხელმიუწვდომლობაც ადარდებს:

_ მე თვითდასაქმება შევძელი _ გავხსენი მაღაზია, რაც ნამდვილად არ იყო ადვილი საქმე და ყველა ვერც შეძლებს; ამიტომ, აქაურების უმეტესობა თურქეთში მძიმე სამუშაოს ასრულებს, რომ თავი გაიტანოს წლიდან წლამდე. ადამიანებს სჭირდებათ განათლების მიღება და შემდგომ - სამუშაოს შოვნა. ამისთვის კი სამუშაო ადგილების შექმნაა აუცილებელი. ძალიან მაწუხებს, რომ ჩვენთან ამბულატორიის შენობა საშინელ დღეშია. პარლამენტის დეპუტატმა ნინო წილოსანმა ამ პრობლემის მოგვარება შეგვპირდა; ვუცდით, როდის შეასრულებს დანაპირებს,  _  ამბობს მარიამ ანთაძე.

მნიშვნელოვანია, რომ ოზურგეთის მუნიციპალიტეტის მერის წარმომადგენელის თანაშემწე დაბა ნასაკირალში ქალია; ჩვენთან საუბარში ნინო ირემაძე ამბობს, რომ ქალთა პრობლემები, რომლებიც ადრეულ ასაკში ქმნიან ოჯახებს და განათლების მიღებას ვერ ახერხებენ, მისთვისაც მნიშვნელოვანია და თითოეული მათგანის მხარდამჭერი იქნება.

83 წლის ომერ მგელაძე ჩვენს კითხვას, რამდენად ემხრობა ადრეულ ასაკში ქორწინებას, იუმორით პასუხობს

 ბატონი ომერი ამბობს, რომ ოჯახი 15 წლის ასაკში შექმნა. ქორწინებისას, მისი მეუღლეც თხუთმეტი წლის იყო.

_ პრეტენზია რომ ჰქონდა, გამომყვებოდა?! ოჯახის შექმნას სირთულეები მოჰყვება _ ხან წაიჩხუბებ, ხან შერიგდები, ასეთია ცხოვრება. ჩემი ცხოვრებით უკმაყოფილო არ ვარ, მეუღლე არაჩვეულებრივი ქალი იყო...  4 შვილი გვყავს, 22 შვილიშვილი, 25 შვილისშვილის შვილი და 4 კიდევ _ მათი შვილი. ხომ ნაყოფიერად გვიმუშავია, ხომ არ მიძინია?! _ ამბობს ომერ მგელაძე.

დაბა ნასაკირალის სკოლის დირექტორის მოვალეობის შემსრულებლის ზაზა ცეცხლაძის თქმით, ბოლო წლებში, იმ გოგონების რაოდენობა, რომლებიც სკოლას ამთავრებენ და უმაღლესი განათლების მისაღებად გამოცდებს აბარებენ, იზრდება:

_ 2016 წელს 6 გოგონა გახდა სტუდენტი. 2017 წელს _ 9 გოგონა, ხოლო წელს 8 გოგონა ემზადება გამოცდებისთვის და დარწმუნებული ვარ, უმაღლეს სასწავლებელში მოხვდებიან.

"ნაადრევი ქორწინებების რაოდენობა მცირდება, რადგან გოგონებს სურთ განათლებას უფრო მეტი დრო დაუთმონ. იყო წლები, როდესაც გოგონებიდან უმაღლეს განათლებას არავინ იღებდა, მაგრამ ეს ამბავი წარსულს ჩაბარდა", _ ამბობს სკოლის დირექტორი.

სკოლის დირექტორის ნათქვამს ადასტურებს ოზურგეთის მუნიციპალიტეტის მერის წარმომადგენლის თანაშემწე დაბა ნასაკირალში ნინო ირემაძე:

"ვინც თხოვდება, ოჯახიდან ნამდვილად არ ექმნება რამე პრობლემა სწავლის გაგრძელების კუთხით, მაგრამ გადაწყვეტილებას აქ გოგონები იღებენ. ბოლო პერიოდში, უფრო მეტი მსურველია, რომ სკოლის დამთავრების შემდეგ, უმაღლესი განათლება მიიღოს",  _ ამბობს “გურია ნიუსთან“ საუბრისას ნინო ირემაძე.




 ახალი ამბები
  • რამდენმა ადამიანმა ისარგებლა სესხის გადახდის 3 თვით გადავადების შესაძლებლობითსახელმწიფოს დახმარებით მოქალაქეებს სესხის გადახდის 3 თვით გადავადების შესაძლებლობა მიეცათ - გადახდასთან დაკავშირებული პრობლემებისა და შესაბამისი ჯარიმების თავიდან აცილების მიზნით, ყველა ფიზიკურ პირს მიეცა სესხის მომსახურების 3 თვით გადავადების შესაძლებლობა, რითაც 600 000-მდე მსესხებელმა ისარგებლა, - ამის შესახებ კორონავირუსის წინააღმდეგ საქართველოს მთავრობის მიერ გატარებული ღონისძიებების ანგარიშშია ნათქვამი. „იმის გამო, რომ შექმნილმა ვითარებამ გავლენა იქონია როგორც ქვეყნის მოქალაქეების დიდ ნაწილზე, ისე კომპანიებზე, სახელმწიფომ შეიმუშავა ანტიკრიზისული პაკეტი, რომელიც მაქსიმალურად მორგებულია არსებულ გამოწვევებზე. ანტიკრიზისული პაკეტით გათვალისწინებული ღონისძიებები 2 ეტაპად განხორციელდა. პირველი ეტაპი იყო გადაუდებელი დახმარება, რომლის განხორციელება მარტში (ჯერ კიდევ საგანგებო მდგომარეობამდე) დაიწყო, ხოლო მეორე ეტაპი უფრო მასშტაბურ ღონისძიებებს მოიცავს და მისი წარდგენა აპრილში მოხდა. პირველი ეტაპით გათვალისწინებული ღონისძიებები წარმოადგენდა ერთგვარ გადაუდებელ დახმარებას, რომლის მიზანი პანდემიით გამოწვეული პირველადი უარყოფითი ეფექტების მინიმიზაცია იყო. ეს მოიცავდა შემდეგ ღონისძიებებს: მოქალაქეებს დაუფინანსდათ 3 თვის კომუნალური გადასახადი - დახმარება შეეხო იმ აბონენტებს, რომელთა მიერ ელექტროენერგიის ყოველთვიური მოხმარება 200 კილოვატზე ნაკლებია, ხოლო ბუნებრივი აირის ყოველთვიური მოხმარება - 200 მ3-ზე ნაკლები. დაფინანსება აგრეთვე მოიცავს დასუფთავების და წყლის გადასახადსაც. სუბსიდირების აღნიშნული მექანიზმი სხვა ალტერნატივებთან შედარებით ყველაზე სამართლიანი და მიზნობრივია. ელექტროენერგიის გადასახადის შეღავათის ბენეფიციართა რაოდენობამ საშუალოდ 3 თვის განმავლობაში 1.2 მილიონზე მეტი აბონენტი შეადგინა, ხოლო ბუნებრივი აირის გადასახადის შეღავათის ბენეფიციართა რაოდენობამ საშუალოდ 3 თვის განმავლობაში - 670 ათასზე მეტი აბონენტი. პროგრამის ბიუჯეტი 170 მლნ. ლარია.სახელმწიფომ დააზღვია, რომ არ მომხდარიყო გაცვლითი კურსის ცვლილებით გამოწვეული ფასების მნიშვნელოვანი ზრდა 9 ძირითად სასურსათო პროდუქტზე - გაცვლითი კურსის გაუფასურებით გამოწვეული უარყოფითი ეფექტების შერბილების მიზნით, განხორციელდა სახელმწიფო პროგრამა, რომელმაც კრიზისის საწყის ეტაპზე, როდესაც მნიშვნელოვნად გაიზარდა ინფლაციური რისკები, ხელი შეუწყო პირველადი მოხმარების სასურსათო პროდუქტებზე ფასების მერყეობის შემცირებას. ყველა იმ იმპორტიორი კომპანიისთვის, რომელმაც 15 მარტიდან 15 მაისის ჩათვლით, მოახდინა 9 ძირითადი პროდუქტის შესყიდვა, სახელმწიფოს მიერ მოხდა სავალუტო კურსის სხვაობის სუბსიდირება განსაზღვრული პირობებით. პროგრამის ბიუჯეტი 14 მლნ. ლარია. სახელმწიფოს დახმარებით მოქალაქეებს სესხის გადახდის 3 თვით გადავადების შესაძლებლობა მიეცათ - გადახდასთან დაკავშირებული პრობლემებისა და შესაბამისი ჯარიმების თავიდან აცილების მიზნით, ყველა ფიზიკურ პირს მიეცა სესხის მომსახურების 3 თვით გადავადების შესაძლებლობა, რითაც ისარგებლა 600 000-მდე მსესხებელმა. ანტიკრიზისული გეგმის მე-2 ეტაპი ითვალისწინებს პირდაპირ ფინანსურ დახმარებას მოქალაქეებისსხვადასხვა კატეგორიისთვის. მხარდაჭერა ეხებათ როგორც დაქირავებით დასაქმებულებს, ისეთვითდასაქმებულებს და სხვადასხვა მოწყვლად ჯგუფს. კერძოდ: დაქირავებით დასაქმებული პირები, რომლებმაც დაკარგეს სამსახური ან გაუშვეს უხელფასო შვებულებაში, დახმარების სახით მიიღებენ 1200 ლარს 6 თვის განმავლობაში, თვეში 200 ლარს დახმარებით სარგებლობა შეეძლება დაახლოებით 350 000 მოქალაქეს. პროგრამის ბიუჯეტი 450 მლნ ლარამდეა.სხვადასხვა კატეგორიის თვითდასაქმებულები მიიღებენ ერთჯერად დახმარებას 300 ლარს. პირების იდენტიფიცირებისთვის გამოყენებული იქნება მოქალაქის მიერ წარმოდგენილი ინფორმაცია რომლითაც დადასტურდება, რომ ეპიდემიამდე აღნიშნულ მოქალაქეს ჰქონდა შემოსავალი პროგრამის ბიუჯეტი 75 მლნ. ლარს შეადგენს. სამუშაო ადგილების შენარჩუნების მიზნით, დამსაქმებელი მიიღებს საგადასახადო შეღავათს - 6 თვის განმავლობაში 750 ლარის ოდენობის ხელფასი სრულად გათავისუფლდება საშემოსავლო გადასახადისგან. 1500 ლარამდე ხელფასი კი, 750 ლარის ოდენობაზე გათავისუფლდება საშემოსავლო გადასახადისგან. პროგრამის ბიუჯეტი 250 მლნ. ლარია“, - აღნიშნულია ... ...
  • კორონავირუსით საზღვარგარეთ საქართველოს 16 მოქალაქე გარდაიცვალაCOVID-19-ის წინააღმდეგ საქართველოს მთავრობის მიერ გატარებული ღონისძიებების ანგარიშშის თანახმად, 22 მაისის ჩათვლით, საქართველოში მთავრობის დახმარებით, 12 720 საქართველოს მოქალაქე დაბრუნდა, მათ შორის, საჰაერო გზით - 7 107, სახმელეთო გზით - 5 223 და საზღვაო გზით - 390 ადამიანი. ამის შესახებ COVID-19-ის წინააღმდეგ საქართველოს მთავრობის მიერ გატარებული ღონისძიებების ანგარიშშია ნათქვამი. დოკუმენტის თანახმად, დაბრუნებულთა შორისაა ქრონიკული დაავადების მქონე 483 პირი, 34 - შშმ პირი, 259 - ხანდაზმული, 102 - ორსული, 435 - მცირეწლოვანი, 173 - ონკოლოგიური პაციენტი, 1 118 - ტრანზიტული მგზავრი, 29 - მეზღვაური და სხვა განსაკუთრებული საჭიროების მქონე 90 პირი. აგრეთვე, საცხოვრებლისა და სტიპენდიის გარეშე დარჩენილი 794 სტუდენტი (საერთო ჯამში განსაკუთრებული საჭიროების მქონე - 3 517 მოქალაქე). „აღსანიშნავია, აშშ-ს მთავრობასთან თანამშრომლობით, აშშ-დან განხორციელებული სპეციალური რეისი, რომელმაც უზრუნველყო სამშობლოში 79 ქართველი მოსწავლის და სტუდენტის და სომხეთის მოქალაქე 35 ბავშვის დაბრუნება. გარდა ამისა, ადგილზე დახმარება გაეწია უცხოეთში მყოფ - 21 190 მოქალაქეს, მათ შორის, საცხოვრებლის გარეშე დარჩენილთა თავშესაფრით უზრუნველყოფის, საკვების, მედიკამენტების, ასევე სხვა პირველადი და აუცილებელი საჭიროების პროდუქტების და მომსახურების მიწოდების გზით. ასევე, საქართველოში დასაბრუნებელი მოწმობის გაფორმებისას, მოქალაქეები გათავისუფლდნენ საკონსულო მოსაკრებლის გადახდის ვალდებულებისაგან. განხორციელდა 74 ავიარეისი მსოფლიოს 27 ქვეყნიდან, მათ შორის ჩინეთი, ირანი, იტალია, გერმანია, საბერძნეთი და ა.შ. განხორციელებულ ფრენებს შორის - 33 პირდაპირი რეისი შეასრულა ავიაკომპანია „საქართველოს ავიახაზებმა“. 22 მაისის მდგომარეობით, კორონავირუსით ინფიცირებული იყო საზღვარგარეთ მყოფი საქართველოს 118 მოქალაქე, უმრავლეს შემთხვევებში სახეზეა დაავადების ნაკლებად მძიმე ფორმები. ინფექციით საზღვარგარეთ გარდაიცვალა საქართველოს 16 მოქალაქე (ავსტრია - 1, ესპანეთი - 4, თურქეთი - 1, ბრიტანეთი - 2, აშშ - 5, საფრანგეთი - 2, ლატვია - 1)“, - აღნიშნულია ... ...
  • რამდენი მილიონი დახარჯა მთავრობამ საკარანტინო ზონებისთვისსაკარანტინო ზონებისთვის დახარჯული სახელმწიფო ბიუჯეტი 32.5 მლნ ლარს შეადგენს. ამის შესახებ COVID-19-ის წინააღმდეგ საქართველოს მთავრობის მიერ გატარებული ღონისძიებების ანგარიშშია ნათქვამი. ამავე ანგარიშის თანახმად, 22 მაისის მდგომარეობით, საკარანტინო ზონაში შედიოდა ქვეყნის მასშტაბით 84 სასტუმრო, რაც ჯამში აერთიანებდა 6 500-ზე მეტ ოთახს, რომლებშიც სავალდებულო კარანტინი 19 002 ადამიანმა დაასრულა. „ამასთან, 2 თვის განმავლობაში მუდმივად დაკავებული იყო საშუალოდ 4 500-5 000 ოთახი. პროექტის განხორციელებით ხელი შეეწყო 23 მცირე ზომის (5-დან 40 ნომრამდე), 42 საშუალო (41-დან 100 ნომრის ჩათვლით) და 18 დიდი ზომის სასტუმროს (101 ნომერი და ზემოთ) ოპერირებას, რამაც უზრუნველყო როგორც სექტორის წარმომადგენლებისათვის, ისე სექტორში დასაქმებული ადამიანებისთვის სამსახურისა და შემოსავლების შენარჩუნება. უნდა აღინიშნოს, რომ საკარანტინო ზონების პროექტის არსებობით ხელი შეეწყო არა მხოლოდ COVID19-თან ეფექტიან ბრძოლას, არამედ ისეთი სფეროების წარმომადგენლების ფინანსურ მხარდაჭერას, როგორიცაა: სატრანსპორტო სერვისი, ქეითერინგი და საკვები პროდუქტების დისტრიბუცია, ადგილობრივი სოფლის მეურნეობის პროდუქტების წარმოება და სხვ. საკარანტინო ზონებისთვის დახარჯული სახელმწიფო ბიუჯეტი შეადგენს 32.5 მლნ ლარს“, - ნათქვამია ანგარიშში. ანგარიშში ასევე განმარტებულია, რომ საკარანტინო ზონების პროექტის დაწყებიდან, მთავრობა აქტიურ მოლაპარაკებებს აწარმოებდა მცირე, საშუალო და დიდი ზომის სასტუმროებთან. ჯამში, მოლაპარაკებები წარიმართა დედაქალაქისა და ქვეყნის სხვადასხვა რეგიონში მდებარე 300-ზე მეტ სასტუმროსთან. „საკარანტინო სივრცედ სასტუმროს შეჩევის პროცესში საქართველოს მთავრობა ეყრდნობოდა ჯანდაცვის მსოფლიო ორგანიზაციისა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კრიტერიუმებს. სასტუმროების საკარანტინო სივრცეებად დაჯავშნა დაიწყო 2020 წლის 10 მარტიდან, ქვეყანაში საგანგებო მდგომარეობის გამოცხადებამდე. საზღვრებიდან სასტუმრომდე მოქალაქეების ტრანსპორტირებას უზრუნველყოფდა მთავრობა. გრძელი მანძილების შემთხვევაში, უზრუნველყოფილი იყო ტრანსპორტში საკვების მიწოდება. ასევე, უზრუნველყოფილი იყო სასტუმროების პერსონალის სპეციალური სამედიცინო აღჭურვილობით მომარაგება და სხვა საჭირო აქტივობების განხორციელება. საგანგებო მდგომარეობის გამოცხადებამდე სასტუმროების საკარანტინო სივრცეებად დაჯავშნისას სასტუმროს ნომრის ღირებულება ყოველ ჯერზე წარმოადგენდა მოლაპარაკების საგანს. 2020 წლის 21 მარტიდან ახალი სასტუმროების საკარანტინო სივრცეებად დაჯავშნისას პროექტში ჩართული ყველა სასტუმროსათვის ამოქმედდა ერთიანი ტარიფი, რომელიც ითვალისწინებს სასტუმროს ნომრის ღირებულებას - 59 ლარს (დღგ-ს ჩათვლით), საიდანაც სამჯერად კვებით მომსახურებაზე ფიქსირებული ტარიფი ყოველი სასტუმროსათვის შეადგენს 25 ლარს“, - ნათქვამია ... ...
  • თიბისი სესხების გადავადების მეორე ტალღას 13 ივნისიდან იწყებს (R)ქვეყანაში შექმნილი მდგომარეობიდან გამომდინარე თიბისი სესხების სამთვიან გადავადებას სთავაზობს პანდემიის შედეგად დაზარალებულ იმ მომხმარებლებს, რომელთაც დაკარგეს სამსახური ან შეუმცირდათ შემოსავალი. 10 ივნისის ჩათვლით თიბისი ეტაპობრივად დაუკავშირდება და შესთავაზებს საშეღავათო პერიოდით სარგებლობას ყველა იმ მომხმარებელს, რომელიც რეგისტრირებულია შემოსავლების სამსახურის ბაზაში და იღებს საქართველოს მთავრობისგან კომპენსაციას. ასევე, საშეღავათო პერიოდით ისარგებლებენ ის მომხმარებლები, რომლებიც ბანკის მიერ არიან იდენტიფიცირებული და რომლებსაც მნიშვნელოვნად შეუმცირდათ ან დაკარგეს შემოსავალი. თიბისი სხვადასხვა არხის მეშვეობით შეატყობინებს მათ საშეღავათო პერიოდის გააქტიურების შესახებ.  საშეღავათო პერიოდი გავრცელდება შემდეგ პროდუქტებზე: სამომხმარებლო და იპოთეკურ სესხებზე, სასწრაფო სესხებზე, ავტოსესხებზე, განვადებაზე, საკრედიტო ბარათებზე, ოვერდრაფტებზე და სტანდარტული გრაფიკის მქონე ბიზნეს სესხებზე.  ბიზნეს და აგრო სესხების შემთხვევაში თიბისი სესხების გადავადებას შესთავაზებს ბანკის მიერ იდენტიფიცირებულ ყველა იმ ფიზიკურ და იურიდიულ პირს, რომელთა ბიზნესმაც მიიღო გრძელვადიანი ფინანსური სტრესი და მომავალ თვეებში ვერ შეძლებენ სესხზე შენატანის განხორიცილებას. ასევე იმ პირებს, რომლებიც შემოსავალების სამსახურში დარეგისტრირდნენ ერთჯერადი დახმარების მიღების მიზნით.  ყველა სხვა შემთხვევას თიბისი ინდივიდუალურად განიხილავს. ამისათვის დაინტერებული პირი უნდა დაუკავშირდეს საკრედიტო ექსპერტს ან ბიზნეს ბანკირს, შეავსოს განაცხადი და დაელოდოს გადაწყვეტილებას. სესხების გადავადების პროგრამით სარგებლობა შესაძლებელია 13 ივნისიდან და იგი გაგრძელდება მომდევნო სამ თვეს. თიბისიმ სესხების გადავადება უკვე მეორედ შესთავაზა მომხმარებელს, პირველი ტალღა ქვეყანაში პანდემიის გამოცხადებისთანავე დაიწყო. მარტში სესხების გადავადების სამთვიანი პერიოდით მომხმარებლების 78%-მა ისარგებლა, ხოლო მიკრო, მცირე და საშუალო ბიზნესის 59%-მა.  უფრო დეტალურად ინფორმაციას გაეცანით თიბისის ვებგვერდზე.                                                                                                                                                     ... ...
  • თიბისის ინტერნეტ და მობაილბანკში სესხის მიღების პროცედურა კიდევ უფრო გამარტივდა (R)მომხმარებლების ცხოვრების გასამარტივებლად, აქ, თიბისის ინტერნეტ და მობაილბანკში, ახლა, სამომხმარებლო სესხის მიღება კიდევ უფრო მარტივადაა შესაძლებელი.  სიახლით სარგებლობისთვის მომხმარებლებმა სასურველ თანხაზე მოთხოვნა ციფრული არხების საშუალებით, დისტანციურად უნდა დააფიქსირონ. ამისათვის კი თიბისის ინტერნეტ ან მობაილბანკში მხოლოდ მარტივი განაცხადის შევსებაა საჭირო.  განაცხადის შევსებიდან ერთ სამუშაო დღეში თიბისის გუნდი მომხმარებელს დაუკავშირდება.  ინტერნეტ და მობაილბანკს  ახალი ფუნქციონალი უკვე დაემატა. გამარტივებული პროცედურით სარგებლობა  იმ მომხმარებლებს  შეუძლიათ, რომლებსაც  სესხის ლიმიტი სრულად არ აქვთ ათვისებული და სურთ დამატებითი თანხის მიღება.  თიბისის ციფრული არხებით შესაძლებელია  500-დან  60,000 ლარამდე თანხის მიღება, 6 თვიდან 48 თვემდე დაფარვის ვადით. ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

ხვალ რომ საპარლამენტო არჩევნები იყოს, რომელ პარტიას მისცემდით ხმას?