წმინდა წყალი! _ ვიწყებთ "წმინდა წყლის" მოძრაობას! შემოგვიერთდით!

მთავარი თემა

წმინდა წყალი! _ ვიწყებთ "წმინდა წყლის" მოძრაობას! შემოგვიერთდით!

18 ნოე. 2019, 15:52:42

სამოქალაქო საზოგადოების ორგანიზაცია "Post-ალიონი"  სასიცოცხლოდ მნიშვნელოვანი _ მოსახლეობის სასმელად ვარგისი წლით უზრუნველყოფის ადვოკატირების პროცესს იწყებს.

როგორც ორგანიზაციის ხელმძღვანელი ია მამალაძე ამბობს, პროექტზე მუშაობის წინა პერიოდში, მოსახლეობის გამოკითხვამ დაადასტურა, რომ სასმელი წყლის არქონა ან უხარისხობა მოსახლეობისთვის უკიდურესად მნიშვნელოვანია და მთავარ წუხილს წარმოადგენს:

_ საქართველოში ადგილობრივი თვითმმართველობის დეცენტრალიზაციის პროცესი კვლავ შეფერხებულია და მცირეა იმ საკითხების ჩამონათვალი, რომელიც ადგილობრივი თვითმმართველობის საკუთარ კომპეტენციას განეკუთვნება. თუმცა, დღევანდელი კანონმდებლობის შესაბამისად, თვითმმართველობის საკუთარ, ექსკლუზიურ კომპეტენციაში გადმოსული სფეროებიდან ზოგიერთი, სრულიად მოუგვარებელია სტრუქტურულ დონეზეც კი.  მათ შორისაა სასიცოცხლოდ მნიშვნელოვანი _ მოსახლეობის წყლით უზრუნველყოფის სფერო.  ადგილობრივი თვითმმართველობის შესახებ ორგანული კანონით (მუხლი 16, გ) თ)  პუნქტები), პირდაპირაა განსაზღვრული, რომ წყალმომარაგებით უზრუნველყოფა, ადგილობრივი ბუნებრივი რესურსების, მათ შორის, წყლის მართვა ადგილობრივი ხელისუფლების პირდაპირი მოვალეობაა. სხვადასხვა მიზეზების გამო, რომლებიც მოსახლეობასთან, ადგილობრივ ხელისუფლებასთან, პოლიტიკურ სპექტრთან ერთად არაერთხელ იქნება განხილული, ადამიანებისთვის სასიცოცხლოდ მნიშვნელოვანი ეს საკითხი ხელისუფლების მთავარ საზრუნავს ვერ და არ წარმოადგენს, _ ამბობს ია მამალაძე.

უწყლობა ან წყლის უხარისხობა გურიის, ჩოხატაურის მოსახლეობისთვის მთავრი პრობლემა რომ არის, ეს დასტურდება საქართველოს რეგიონული განვითარებისა და ინფრასტრუქტურის სამინისტროს მიერ მომზადებული განვითარების სტრატეგიის დოკუმენტითაც, რომელშიც მთავარ პრობლემად პირდაპირაა მითითებული სასმელი წყლის ცუდი ხარისხი.

მნიშვნელოვანია ისიც, რომ საქართველოში დღეს მოქმედი კანონი წყლის შესახებ ჯერ კიდევ 1997 წელსაა მიღებული და მოძველებულია. ამის მიუხედავად, კანონის მიზნებში შავით თეთრზე წერია, რომ სახელმწიფოს ვალდებულება სუფთა სასმელ წყალზე მოსახლეობის მოთხოვნილების პირველ რიგში დაკმაყოფილებაა.

_ ცხადია, კარგად გვესმის, რომ ეს ძალიან მძიმე პრობლემაა და მის მოგვარებას სახელმწიფოებრივ ნებასთან ერთად, დიდი ფინანსური რესურსები სჭირდება, მაგრამ მოსახლეობის მოთხოვნის დაკმაყოფილება ყველაზე მთავარ სასიცოცხლო "პროდუქტზე" _ წყალზე, მოსახლეობის ჯანმრთელობა, ქვეყნის ეკონომიკური განვითარება ამაზეა დამოკიდებული! და რადგანაც პრობლემა მაშტაბურია, დასაწყისისთვის, საპილოტედ ავიღეთ ჩოხატაურის ხუთი სოფელი, სადაც ნაწილობრივ მაინც არსებობს წყალსადენი. კიდევ უფრო მძიმეა მოსახლეობის ყოფა იმ სოფლებში, სადაც წყალი სანატრელი აქვთ და საკუთარი ძალებით ცდილობენ, ჭების, ჭაბურღილების გაკეთების სახსარი იშოვნონ. სოფლების __ბუკისციხის, იანეულის, ხიდისთავის,  შუა ფარცხმის, შუა ამაღლების მაგალითზე ვეცდებით, დავძრათ საკითხი, რომელიც ადგილობრივი თვითმმართველობის ფარგლებში სტრუქტურულად, შემდგომ კი, საკანონმდებლო დონეზე ამ საკითხის მოწესრიგების ინიცირებას შეუწყობს ხელს.

ამ ეტაპზე, სამიზნე ხუთ სოფელში არსებულ ვითარებას ვსწავლობთ. პარალელურად, გამოვითხოვეთ საჯარო ინფორმაციები სხვადასხვა უწყებებიდან; გვაინტერესებს, რომელი სახელმწიფო უწყებები არიან ვალდებულნი, აკონტროლონ წყლის ხარისხი, დაიცვან წყალშემკრები აუზები და წყლის სისტემები, როგორ ხდება ამ ობიექტების დაცვა, გაწმენდა.... და რაც მთავარია, იცის თუ არა მოსახლეობამ რა ხარისხის წყალს სვამს და რა შედეგი მოჰყვება ბაქტერიოლოგიური ან მინერალური შემცველობით უვარგისი სასმელი წყლის მოხმარებას, _ ამბობს პროექტის ხელმძღვანელი ია მამალაძე.

ორგანიზაციამ, რომელიც პროექტს NDI-ს მხარდაჭერით ახორციელებს, ასევე, გამოითხოვა საჯარო ინფორმაცია, თუ რა რაოდენობის თანხებია დახარჯული ცენტრალური თუ ადგილობრივი ბიუჯეტებიდან წყლის ინფრასტრუქტურის გაუმჯობესებისთვის და ამ მასალებს გაასაჯაროებს. ინფორმაცია ჩოხატაურის მუნიციპალიტეტის ჩათვლით, ათი მუნიციპალიტეტიდანაა გამოთხოვილი. ეს მუნიციპალიტეტებია: ოზურგეთი, ლანჩხუთი, სამტრედია, ქობულეთი, ბათუმის მერია, წყალტუბო, ზუგდიდი, ქუთაისის მერია, ხარაგაული, ხაშური. ამ მუნიციპალიტეტებიდან, ასევე, გამოთხოვილი იქნება ინფორმაცია, არსებობს თუ არა გარკვეული სახის გამოცდილება წყლის ინფრასტრუქტურის მოვლა-შენახვის თვალსაზრისით.

პროექტის გამახორციელებელი ჯგუფი მიიჩნევს, რომ არაფერი გამოვა, თუ ამ საკითხის მოგვარების პროცესში საზოგადოება აქტიურად არ ჩაერთვება; გამოკითხვამ აჩვენა, რომ რესპონდენტთა აბსოლუტური უმრავლესობა არ ფლობს ინფორმაციას, თუ ვინაა პასუხისმგებელი წყლის ხარისხზე, მოწმდება თუ არა სასმელი წყლის ვარგისიანობა და რამდენად სანდოა სინჯები, პასუხები... გამოკითხული მოქალაქეებიდან, მათ შორის, საჯარო მოხელეებიდან, არც ერთი არაა დარწმუნებული, რომ წყალი, რომელსაც ყოველდღიურად მოვიხმართ, ჩვენს ჯანმრთელობას არ ვნებს.

ამასთან, აუცილებელია, გურიის მოსახლეობამ იცოდეს, თუ რა რაოდენობის საბიუჯეტო სახსრები იხარჯება ცენტრალური ხელისუფლების მიერ დაგეგმილ მსხვილ პროექტებზე, რომლებიც ან მიმდინარეა, ან _ დაგეგმილი; რამდენიმე მილიონიანი პროექტების დასრულების შემდეგაც კი, ხანდახან, სამწუხაროდ, მოსახლეობის მხოლოდ ნაწილი, თანაც _ გრაფიკით იღებს წყალს. მაგალითად, მოსახლეობისთვის უცნობია, რა შედეგი მოჰყვება ქალაქ ლანჩხუთის წყალსადენის ქსელის გაფართოების მესამე ეტაპს, რომელიც სულ მალე _ 26 დეკემბერს უნდა დასრულდეს. პროექტის ეს ეტაპი მილიონ ასორმოცდაშვიდი ათასი ლარი დაგვიჯდა.

ამ სამუშაოებს შპს "ნდს მშენებლობა" აწარმოებს, რომელმაც ისევ ლანჩხუთში, ჯერ კიდევ 2013 წელს, სოფელ ორაგვისღელის წყალმიმღები ნაგებობის რეაბილიტაციის სამუშაოები ნახევარ მილიონზე მეტ ლარად განახორციელა. ასევე, ლანჩხუთში, დაგეგმილია 5 სოფლის (ქვემო აკეთი, ჭანჭათი, წიაღობანი, ღრმაღელე, ჯურუყვეთი) წყალმომარაგების სისტემის რეაბილიტაცია-მშენებლობა, რომლის მხოლოდ პროექტის მომზადება 229 000 ლარი ჯდება (პროექტს შპს "კაპიტალ გრუპი" აკეთებს).  ოზურგეთში, ანასეულის უბნის წყალმომარაგება თითქმის შვიდი მილიონი ჯდება (კონტრაქტორი შპს "საბა");  სოფლების _ ვაკიჯვრის, ბახვის და ცხემლისხიდის _ შვიდი მილიონ ოთხას ორმოცდაოთხი ათას რვაასი ლარი (კონტრაქტორი შპს "უნივერსალ ჯორჯია 2008).  ჩოხატაურში კურორტ ბახმაროს წყალსადენი სისტემის მოწყობის პროექტირება _ შვიდას ორმოცდაორი ათას ხუთასი ლარი.... მასშტაბური დანახარჯის და მისაღები შედეგის შესახებ, მოსახლეობას მეტი ინფორმაცია სჭირდება.

საზოგადოებრივი ორგანიზაცია "Post- ალიონი" მოუწოდებს მოქალაქეებს, პოლიტიკურ  და საზოგადოებრივ ჯგუფებს, ადგილობრივ ხელისუფლებას, ყველას, ვისაც მიაჩნია, რომ ვალდებულია, საკუთარი საარსებო გარემოს დაცვის, გაუმჯობესებისთვის იზრუნოს, მოითხოვოს ინფორმაცია თუ როგორ წყალს ვსვამთ, რა გვიჯდება ან დაგვიჯდება, რომ სასმელად ვარგისი წყლით ყველა ოჯახი იყოს უზრუნველყოფილი, შეუერთდნან მოძრაობას "წმინდა წყალი!" _ ერთად შევისწავლოთ არსებული მდგომარეობა, ერთად გავაანალიზოთ პრობლემის მოგვარების გზები და ერთად შევიმუშავოთ ადგილობრივი თვითმმართველობის კომპეტენციას მიკუთვნებული ამ სფეროს რეგულირების, მოვლის და ზედამხედველობის მექანიზმები.

საკონტაქტო ინფორმაცია: დუმბაძის 25, ჩოხატაური, ააიპ "Post-ალიონი"; ტელეფონი: +995599375373; ელ-ფოსტა: postalioni3@gmail.com.




 ახალი ამბები
  • აფხაზეთში დაღუპულ მეომართა ხსოვნის ტურნირი''აფხაზეთის თასი 2020'' (R)მიმდინარე წლის 24 სექტემბერს, ვეტერანების საქმეთა სახელმწიფო სამსახურისა და საქართველოს ამპუტანტთა ფეხბურთის ასოციაციის ორგანიზებით, საქართველოს ფეხბურთის ფედერაციის, თავდაცვის სამინისტროსა და აფხაზეთის ა/რ მთავრობის მხარდაჭერით, თბილისში, სპორტულ-გამაჯანსაღებელ პარკ'' მზიურის''საფეხბურთო სტადიონ ''მასტერ კლას-არენაზე'' დაიწყო საქართველოს ტერიტორიული მთლიანობისათვის, აფხაზეთში დაღუპულ მეომართა ხსოვნისადმი მიძღვნილი ტურნირი ამპუტანტ ფეხბურთელთა შორის. აღნიშნულ ტურნირში მონაწილეობას საქართველოს ამპუტანტ ფეხბურთელთა 5 გუნდი მონაწილეობს: თბილისის ''თბილისი'', ზესტაფონის ''მარგვეთი'', ზუგდიდის ''ოდიში'', ბათუმის ''აჭარა'' და გორის ''დილა''. გუნდების შემადგენლობაში, ძირითადად, საქართველოს ტერიტორიული მთლიანობისათვის ბრძოლებსა და საერთაშორისო- სამშვიდობო მისიებში დაჭრილ-დასახიჩრებული ვეტერანები არიან. ტურნირის პირველი შეხვედრა გაიმართა თბილისის''თბილისსა'' და ზესტაფონის ''მარგვეთს'' შორის და იგი მასპინძელთა გამარჯვებით, 7:4 დასრულდა. ტურნირის ფინალური შეხვედრა გაიმართება 26 სექტემბერს, 12:00 საათზე. გამარჯვებულ გუნდს ვეტერანების საქმეთა სახელმწიფო სამსახურის მიერ დაწესებული გარდამავალი თასი გადაეცემა. აფხაზეთში დაღუპულ მეომართა ხსოვნისადმი მიღვნილი ტურნირი 2016 წელს დაარსდა და ყოველწლიურად ტარდება.    ... ...
  • "მეხანძრე მაშველს 10 სექტემბერს შეუსრულდა 55 წელი და 11 სექტემბერს უკვე უმუშევარი იყო" _ ჭიჭინაძე“პოლიციის ზემდეგ, ზაურ გოგიაშვილს 10 სექტემბერს შეუსრულდა 55 წელი  და 11 სექტემბერს უკვე უმუშევარი იყო. მიზეზი: როგორც მეხანძრე- მაშველი, ასაკის გამო ვეღარ აკმაყოფილებს პროფესიის მოთხოვნებს. ეს გასაგებია, მაგრამ ამ ადამიანებს, ვისაც  23-25 წელი აქვთ ნამსახურები მეხანძრე- მაშველად და პენსიამდე კიდევ 10 წელი რჩებათ, დღეს, ახალი სამსახურის დაწყების პერსპექტივის,  ელემენტალური საარსებო მინუმუმის გარეშე და  ბანკების ვალებით  აბსოლუტურად ბედის ანაბარა აღმოჩნდნენ დატოვებული. საქმე კი იმაშია, რომ 2008-2019 წლებში  სამაშველო და სახანძრო სამსახურები გადაცემული იყო ადგილობრივი თვითმმართველობს ორგანოების  დაქვემდებარებაში. 2019 წელს ისევ დაუბრუნდნენ შსს სტრუქტურა, რის გამოც 55 წლის ასაკის ადამიანებს პენსიაში უშვებენ, მაგრამ ძალოვნებისთვის კუთვნილი პენსიის გარეშე!  ანუ,  გამოდის, რომ სახელმწიფო მათ უბრალოდ პარავს საკუთარი ნამოღვაწარის  11 წელს, რადგან ამ ადამიანებს  ეს პერიოდი არ ეთვლებათ,  როგორც გასამხედროებული სამსახური  20 წლის სტაჟის პირობებში. ამ ყველაფერს კი, შესაბამის სტრუქტურებში უბრალოდ არ იმჩნევენ, ან შეგნებულად ხუჭავენ თვალს.“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე. თავად ზაურ გოგიაშვილის განცხადებით კი,  მის უკან ათეულობით ადამიანი დგას, რომელთაგან ზოგი ხმას ვერ იღებს, რადგან ეშინიათ, ზოგის ოჯახის წევრები კი, სხვადასხვა სახელმწიფო სამსახურებში მუშაობენ და მათაც ასევე ეშინიათ, რომ ისინიც უმუშევრები არ დარჩნენ. ამას გარდა, ზაურ გოგიაშვილის განცხადებით, სახანძრო მანქანების დიდი ნაწილი ტექნიკურად გაუმართავია და ხშირად უწევთ შეკეთება, სპეციალური ტანისამოსი ორ წელზე მეტია არ გამოუცვლიათ, საკვებად კი ყოვლედღიურ რაციონში შედის ორი კონსერვი, ჩაი და შაქარი და ეს ყველაფერი პურის გარეშე. ... ...
  • საქართველოს ბანკი ადგილობრივი წარმოების მხარდაჭერას განაგრძობსსაქართველოს ბანკი კვლავ განაგრძობს ადგილობრივი წარმოების მხარდაჭერას. ბანკის ფინანსური ჩართულობით ხის ნაკეთობების ბრენდი „თილისმა“ წარმოებას აფართოვებს. კომპანიამ საქმიანობა 2018 წელს დაიწყო და დღეს ბრენდის ნაკეთობების რეალიზაცია უკვე www.amazon.com-ზე ხორციელდება. წარმოებული პროდუქტის გამრავალფეროვნების მიზნით განხორციელებულმა ინვესტიციამ 58,000 დოლარი შეადგინა. წარმოების პროცესში 13 ადამიანია ჩართული. ბრენდი 5 სხვადასხვა სახეობის პროდუქციას აწარმოებს. ესაა ხელნაკეთი წიგნის დამჭერები. „თილისმა“ ამაზონის გარდა პროდუქციის ადგილობრივ ბაზარზე რეალიზაციასაც გეგმავს. „საქართველოს ბანკი ბიზნესების მხარდაჭერას განაგრძობს. მოხარული ვართ, რომ ჩვენი ჩართულობით ხის ნაკეთობების ბრენდ „თილისმა“ -ს მიეცა შესაძლებლობა, კიდევ უფრო გააფართოვოს წარმოება სხვადასხვა სახეობის ხის ნაკეთობების რეალიზაციით. საქართველოს ბანკი აქტიურად აგრძელებს ბიზნესების წახალისებას, რათა კიდევ უფრო განვითარდნენ ისინი და შეიტანონ საკუთარი წვლილი ქვეყნის ეკონომიკურ გაძლიერებაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • ჭრილობასთან უსათუთესი, თოფთან_ მეომარი _ საქართველოში პირველი ბაზიერი ქალბატონი იუბილარიაოზურგეთელი   ქალბატონი, კლარა  თავართქილაძე სულ მალე 80 წლის ხდება, 57 წელი კი მარტო სამედიცინო სფეროში მუშაობის სტაჟი აქვს. ოზურგეთის  სამედიცინო სასწავლებლის  დამთავრების  შემდეგ, გასული საუკუნის 50-იან წლებში, მუშაობა ოზურგეთის (მაშინდელი მახარაძის) რაიცენტრალურ საავადმყოფოში დაიწყო, ქირურგიულ განყოფილებაში,   შემდეგ  კი ბავშვთა ქირურგიული საავადმყოფოს საოპერაციო ბლოკში გადაინაცვლა და ასე გალია ,თითქმის , 60 წელი მედდად მუშაობაში. როგორც გვიამბობს, მუშაობდა რესპუბლიკაში ცნობილი  ექიმების გვერდით და არცერთი სიკვდილის ფაქტი    საოპერაციო მაგიდაზე  არ მომხდარა. _ ექვსი და-ძმა ვიყავით. მამა ომში დაიღუპა. ერთმანეთი გაზარდეს ჩემმა და-ძმებმა. მე , როგორც ნაბოლარას, დედაც და და-ძმებიც მანებივრებდნენ. ყველაზე დიდი  გატაცება  ჩემი ბაზიერობა იყო, რასაც  13 წლის ასაკიდან ისეთი ლტოლვით ავეკიდე, რომ დღესაც ჟრუანტელი მივლის. დამჭერ მტაცებელ ფრინველზე ნადირობა, გურიაში,  ნებისმიერ   პოპულარულ სპორტზე მეტი ჟინით გამოირჩეობდა.   ჩვენ უამრავი ახალგაზრდა დავიხსენით   ხეტიალისგან თუ ნარკოტიკისგან,  ბაზიერობის დაინტერესებით, _ გვიამბობს ქალბატონი და პირველ ნაბიჯებს იხსენებს, როგორ გაჰყვა 13 წლის ასაკში ძმებს დამჭერ მტაცებელი ფრინველზე სანადიროდ. .. შემდეგ გახდა მაშინდელი მახარაძის მონადირეთა საზოგადოების სექციის წევრი და როგორც ქალი ბაზიერი,   მთელი რესპუბლიკის მასშტაბით, ყურადღების ცენტრში მოექცა. _მე მედდად ვმუშაობდი,   თან ამ უდიდესი საქმის, ბაზიერობის ტრფიალი ვიყავი. როგორც ცნობილია,   ჩვენს ქვეყანაში ცხოვრების   ადათ-წესებთან შესისხლხორცებული იყო ბაზით ნადირობა. თუმცა ქალ ბაზიერს ნაკლებად ნახავდით, _ გვიამბობს კლარა თავართქილაძე და იხსენებს მაკვანეთის ტერიტორიაზე გორმაღალას ფერდობს, სადაც უმეტესად   ხდებოდა მიმინოს  დაჭერა. _ ეეე,  „ნაპერტყულებს“ ვიჭერდით  ჩვენ, ჩოხატაურელებს  და ლანჩხუთელებს რომ გამოექცეოდათ. ისინი აქეთ ნაკლებად გამოუშვებდნენ კარგ მიმინოს და  თუ გამოექცეოდათ, ჩვენც მუდამ იმის ცდაში ვიყავით, როგორმე საუკეთესო მიმინოს დაჭერა მოგვეხერხებინა. მაინც მოხდა ისე, რომ მე მყავდა თეთრზე თეთრი, დედოფალი მიმინო, რითაც 1972 წელს გავხდი საქართველოს ჩემპიონი, 100 ქულა მისცეს მსაჯებმა. მიმინოს   დასაჭერად   ძირითადად  ღაჟოს ვიყენებდით. მას ჯერ გალიაში ვათავსებდით,    თვალებზე ტყავს ვაწებებდით, რომ ცაში გაშვების დროს,   მიმინო ვერ დაენახა.  როცა  გორმაღალას სეზონს ვიწყებდით, აგვისტოს ბოლოს, აი, მაშინ, როცა გადაფრენისთვის ემზადებიან    ფრინველები, მონადირეები და მათთან ერთად  მეც ,  დილაადრიან მივდიოდით.   ვამაგრებდით მუქი ფერის ძაფისგან მოქსოვილ ბადეს, რომლის შუაგულში ღაჟოს   ვათავსებდით.  აი, როცა მიმინო გამოჩნდებოდა და შურდულივით   დაეშვებოდა ღაჟოს მიმართულებით, მონადირის მარიფათზე  და სისწრაფეზე  იყო დამოკიდებული, რა სწრაფად  დაიჭერდა ღაჟოზე დამცხრალ მიმინოს. შემდეგ , სახლში   წამოყვანილი მიმინოს  მოთვინიერების უმთავრესი პროცედურა  იწყებოდა თვალების ამოკემსვით, _ ამბის  თხრობას ისე განაგრძობს ქალბატონი კლარა, კარგ ორატორს შეშურდება.    ალბათ, ბაზიერთა სკოლა რომ არსებობდეს, უკეთეს ლექტორს  ვერც ინატრებდა კაცი. იხსენებს, რომ პირველივე შემთხვევაზე  დაჭერილი მწყრის ტვინს აჭმევდნენ მიმინოს, რომელიც მას ყველაზე  ძალიან მოსწონს.  ისე კი წელიწადში, რვათვიან მიმინოს 17 კილოგრამი ხორცი სჭირდებოდა. _ ქალი ბაზიერი, რაც მე ეს საქმე დავიწყე,  სამი წლის შემდეგ  გამოჩნდა ჩოხატაურიდან,   გიული ბერძენიშვილი.      მასთან ერთად,  1970 წელს თბილისში,   „ლოკომიტივის“ სტადიონზე, დამჭერ ფრინველთა  მეორე რესპუბლიკურ გამოფენა-შეჯიბრში მიიღეს მონაწილეობა.   აქ   გუნდური შეჯიბრი   იყო. 1971  წელს კი ჩოხატაურში გამართულ  დამჭერ ფრინველთა მესამე რესპუბლიკურ გამოფენაზე პირველი ადგილი მოვიპოვე. გუნდურში კი ჩოხატაურელებმა იმარჯვეს. მათ ბადალი ნაკლებად ჰყავთ ამ საქმეში. ძნელია,   გავიხსენო, ყველა გამოფენა თუ შეჯიბრი, რომელშიც ცხოვრების მანძილზე მივიღე  მონაწილეობა და მუდამ მაღალი  შედეგები მქონდა. გორმაღალაზე სიარულს ბოლო ათი წელია, თავი დავანებე, რადგან გულის ოპერაცია გავიკეთე და ახლა უფრო შორიდან ვადევნებ   თვალს ბაზიერთა  საქმიანობას, -სინანულით ამბობს ქალბატონი კლარა და ვერ იხსენებს სიგელების და მედლების რაოდენობას,   რითაც  საუკეთესო ბაზიერობისთვის დააჯილდოეს. თუმცა ის კარგად ახსოვს, რომ ხუთჯერ იყო საქართველოს  დამჭერ   ფრინველთა გამოფენა-შეჯიბრის   ჩემპიონი. კლარა თავართქილაძეს ოჯახი არ შეუქმნია. არც კითხვას გაურბის, თუ რატომ მოხდა ისე, რომ უმშვენიერესი გარეგნობის, განათლებული, სპორტსმენი  ქალბატონი  არ დაოჯახდა. _ ბედის საკითხიაო, რომ იტყვიან, არც მთლად მასეა. რატომღაც, იმდენად ბუნების შვილი ვიყავი, იმდენად კაცურ საქმეში გადართული, განსაკუთრებით ბაზიერობის მხრივ, ადვილად ვერც მელაპარაკებოდნენ ამ საკითხზე. არ ვიცი, რატომ ხდებოდა ასე... თოფს ისე ვისროდი, როგორც კაცი, იარაღთან მეომარი ვიყავი,  თუმცა მგრძნობიარე და  უსათუთესი ჭრილობასთან, არ აქვს მნიშვნელობა, ფრინველი იქნებოდა ეს თუ ადამიანი. აკი, გითხარით, ნახევარ საუკუნეზე მეტი,  ქირურგიულ განყოფილებაში ვიმუშავეთ და ადამიანის, ბავშვის სიკვდილის შემთხვევა არ გვქონია.  ან ის როგორ შეიძლებოდა, ჭრილობა დაჩირქებოდა ვინმეს? ყველაზე მწარედ და გაუნელებელი   ტკივილით  მახსოვს, გასული საუკუნის 80-იან წლებში იყო, თუ არ ვცდები, წვერმაღალასთან   მატარებლები შეეჯახნენ ერთმანეთს. სამგზავრო და  საწვავის  გადამზიდი. აი, მაშინ ვნახე საშინელება, ბევრი გარდაცვლილი, დამწვარი, რომლებსაც ვერ ვუშველეთ. დღესაც მტკივა, მიძნელდება იმ საშინელი სურათის გახსენება, _ ტირილს ვერ იკავებს ქალბატონი. კლარა თავართქილაძე მიიჩნევს, რომ უდიდესი იყო საქმე, რომელსაც საავადმყოფოში ემსახურებოდა -  ავადმყოფობას და სიკვდილს იმდენი ადამიანი გადაარჩინეს მან და მისმა კოლეგებმა, მისივე თქმით, სათვალავი არ აქვს.  ხოლო ბაზიერთა გუნდში ყოფნისას, უფრო მეტი ახალგაზრდა დაიხსნეს უსაქმურად ხეტიალისგან, რასაც, საბოლოოდ, ისინი ციხის კარებთან მიჰყავდა. ქალი მედიკოსი და ქალი ბაზიერი, რომელიც მალე 80 წლის გახდება, სამეზობლოში ახლაც ისე მზადაა  სხვადასხვა მედიკამენტებით სავსე,  საოჯახო თუ საველე აფთიაქით, როგორც ათეული წლების წინ იყო. _ ეს რომ არ გვყავდეს, რა ეშველება ფარნავაზ მეფის ქუჩის სამეზობლოს? ძველებურად მხნე, დაუზარელი,  ენით მოგარჩენს, სხვა რომ არაფერი. შეკრება-საღამოები ხომ მისი მოგონილია. აინტერესებს, რომელ ოჯახში რა უჭირთ, ვინმე ავად ხომ არ არის. 80 წლის ქალბატონს თანაკლასელები, რომლებიც  ცოცხლები არიან,  „სმენაზე ყავს დაყენებული“.   თვე არ გავა, რომ არ შეიკრიბონ ან ერთმანეთს არ შეეხმიანონ. მაგის იმედი ნუ მოგვიშალოს ღმერთმა. 25 წლის ახალგაზრდას გააკვირვებს თავისი ენერგიულობით და შემართებით.  რაღაც მიზიდულობა აქვს. სულ მასთან  მივდივართ.  რომ ვერ ვნახავთ, რაღაც გვაკლია იმ დღეს, - სამეზობლოს სახელით გვესაუბრება პედაგოგი, ნატო ნიკოლაიშვილი. ქალბატონი კლარა კი შენიშვნას აძლევს, რა ამბავია ამდენი ქება, ადამიანი იმიტომ მოდიხარ ქვეყნად, ადამიანი და საქმე გიყვარდეს, საქმეში  კი გული ჩადო და თუ ასე იზამ, სიცოცხლეს და კეთილ საქმეს დასასრული არ  ექნებაო. „გურია ნიუსი“ 80 წლის იუბილეს ულოცავს  კლარა თავართქილაძეს _ მედიკოსს, პირველ ბაზიერ  ქალბატონს და ქვეყნის  ხუთგზის ჩემპიონს ამ საქმეში.  ქალბატონს,  რომელმაც თავისი პროფესიებით,  შეუფასებელი ამაგი  დასდო ადამიანის  განკურნების  და  ახალგაზრდა თაობების  ქუჩის გავლენისგან და დანაშაულში ჩათრევისგან  დახსნის  ... ...
  • რომელ ქალაქებში და რომელი კლასის მოსწავლეები დაბრუნდებიან სკოლებშიმთავრობის ადმინისტრაციის უფროსმა, ნათია მეზვრიშვილმა საკოორდინაციო საბჭოს სხდომის შემდეგ გამართულ ბრიფინგზე განაცხადა, რომ 1-ლი ოქტომბრიდან თბილისში, ქუთაისში, რუსთავსა და ზუგდიდში 1-6 კლასების მოსწავლეები საკლასო ოთახებში დაბრუნდებიან. „ყველგან, სადაც დღეს სწავლა დისტანციურად მიმდინარეობს, გარდა აჭარის რეგიონისა, 1-ლი ოქტომბრიდან 1-6 კლასების მოსწავლეები საკლასო ოთახებში დაბრუნდებიან. ეს ეხება თბილისს, ქუთაისს, რუსთავსა და ზუგდიდს. რაც შეეხება ფოთს და გორს, 1-ლი ოქტომბრიდან საკლასო ოთახებში აბსოლუტურად ყველა მოსწავლე დაბრუნდება. გარდა ამისა, მშობლებს ექნებათ დისტანციური სწავლების მეთოდის არჩევის შესაძლებლობა. რაც შეეხება უმაღლეს სასწავლებლებს, ამ ეტაპზე იქ სწავლა დისტანციურად გაგრძელდება“, - განაცხადა ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ყველაზე, ყველაზე...

იცი თუ არა გეოგრაფია

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...