"წყალს გაყოლილი მილიონები"

gurianews.com

მთავარი თემა

"წყალს გაყოლილი მილიონები"

2018 მაი 7 14:41:32

ოზურგეთის მუნიციპალიტეტის სოფელ ჯუმათში წყლის სარეაბილიტაციო სამუშაოების გასახორციელებლად ოზურგეთის მუნიციპალიტეტმა 2015 წლის 18 სექტემბერს ტენდერი გამოაცხადა, რომლის ღირებულებაც 1 480 690 ლარს შეადგენდა. ტენდერში გამარჯვებულმა კომპანიამ შპს "ბილდინგ-დეველოპერმა" აღნიშნული ტენდერი 1 184 969, 97 ლარად მოიგო.

სამუშაოები 2015 წლის 21 ოქტომბერს დაიწყო და 2016 წლის 21 ოქტომბერს დასრულდა. როგორც მერიაში აღნიშნავენ, ობიექტმა ექსპერტიზა სამხარაულის სახელობის სასამართლო ექსპერტიზის ბიუროში გაიარა.

#275 ხელშეკრულებაში, რომელიც ოზურგეთის მუნიციპალიტეტის იმდროინდელმა გამგებელმა მერაბ ჭანუყვაძემ შპს "ბილდინგ დეველოპერის" ხელმძღვანელთან, ალექსი სიხუაშვილთან გააფორმა, აღნიშნულია, რომ სამუშაოს შესრულების პროცესში გამოსაყენებელი მასალები და მოწყობილობები უნდა იყოს მაღალი ხარისხის, შეესაბამებოდეს მოქმედ სტანდარტებს და აკმაყოფილებდეს შემსყიდველის მოთხოვნებს. შესრულებულ სამუშაოს აქვს საგარანტიო ვადა _ 5 წელი, რომლის განმავლობაშიც მიმწოდებელი ვალდებულია საკუთარი სახსრებით აღმოფხვრას გამოვლენილი დეფექტები.

თუმცა, როგორც გაირკვა, მილიონზე მეტი ღირებულების პროექტთან დაკავშირებით პრობლემებია _ ჯუმათელების თქმით, სამუშაოები თავის დროზე უხარისხოდ შესრულდა და სწორედ ესაა მიზეზი, რომ სოფელს წყალი არ მიეწოდება.

მათივე ინფორმაციით, სამუშაოების შესრულებისას არ იქნა გამოყენებული, ე. წ. "ქვიშის ბალიშები", რაც, ასევე, იწვევს მილების დაზიანებას, რადგან თხრილი, სადაც მილებია ჩაყრილი, ქვა-ღორღით არის დაფარული.

აღნიშნული საკითხი არაერთხელ გახდა ოზურგეთის მუნიციპალიტეტის საკრებულოს სხდომაზე "ნაციონალური მოძრაობის" და "ქართული ოცნების" დეპუტატების დაპირისპირების თემა _ ენმ-ს ლიდერებმა ადგილობრივ ხელისუფლებას სოფლების პროექტების არაკანონიერად გახორციელებასა და კორუფციაში დასდეს ბრალი. მათი თქმით, უკვე დასრულებულ პროექტში, წყალთან დაკავშირებით ხელისუფლებამ 85 000 ლარი უნდა გადარიცხოს დამატებით, რადგან დაზიანებული მილები შეკეთებას მოითხოვს.

ოზურგეთის მუნიციპალიტეტის საკრებულოს ბოლო სხდომაზე შპს "სატისის" ხელმძღვანელი დავით ცერცვაძეც იმყოფებოდა, რომელმაც ჯუმათის წყალმომარაგების პრობლემასთან დაკავშირებით განმარტა, რომ მიზეზი რამდენიმე ხნის წინ მომხდარი სტიქიაა, რომელმაც წყლის სათავე ნაგებობა მწყობრიდან გამოიყვანა.

"გურია ნიუსმა" სოფელ ჯუმათში წყლის სარეაბილიტაციო სამუშაოები ადგილზე მოინახულა _ თითქმის ყველა 10 მეტრში გზებზე დაზიანებული და დახეთქილი მილები ყრია, საიდანაც წყალი იღვრება. ზოგან ამოთხრილია ჭები, რომელიც თავღიადაა დატოვებული; თხრილში ჩაყრილი მილები ქვა-ღორღით არის სავსე.

"გურია ნიუსი" იმ დროს მივიდა ჯუმათში, როცა ერთ ადგილზე დაზიანებული მილების შესაკეთებლად მუნიციპალიტეტის მერიის შპს "სატისი" წარმომადგენლები იმყოფებოდნენ. როცა მათ აღნიშნული პრობლემის შესახებ ვკითხეთ, გვიპასუხეს, რომ "დასახვეწია რაღაც-რაღაცები; გვალვაა და დებეტი არ ჰყოფნის".

სულ სხვას ამბობენ ჯუმათის მცხოვრებლები _ ისინი აღნიშნავენ, რომ სამუშაოები, რომელიც სოფელში ჩატარდა, მოიცავდა იმ პროექტს, რომელიც, დაახლოებით, 10 წლის წინ შედგა:

"ადამიანები, რომლებიც წყლის შემოყვანაზე მუშაობდნენ, ამბობდნენ, რომ პროექტი არის არასწორად შედგენილი და ხარვეზებით სავსე. ბევრი წყალი მოდის და იმიტომ სკდება მილები. უამრავი თანხაა დახარჯული", _ ამბობს ჩვენთან საუბრისას მანანა ჩხარტიშვილი.

ჯუმათში მცხოვრები ცისანა დარჩია ამბობს, რომ "წყალი ხან არის, ხან _ არა და ხშირია შემთხვევა, როცა მილები სკდება".

"მილები ყოველდღე სკდება. დადიან ტრაქტორით და აკეთებენ. ალბათ, უვარგისი მილებია ჩაყრილი. უამრავი პრობლემაა _ გზა ჩვენ არ გვაქვს და არაფერი. ახალგაზრდები საერთოდ აღარ არიან სოფელში, არანაირი პერსპექტივა არ არის. ყველა გაქცეულია აქედან", _ თქვა ჩვენთან საუბრისას ფატი მითაიშვილმა, რომელსაც თანასოფლელი ნინო ხელაძეც ეთანხმება:

"წყალი მოგვეწოდება კვირაში ორჯერ 1 საათით. თუმცა, დღეში, ალბათ, სამჯერ ამოდიან და აკეთებენ წყალგაყვანილობას. ცუდადაა გაკეთებული _ წყალს მილები არ იკავებს", _ აღნიშნავს ხელაძე.

თანასოფლელების მსგავსად, უხარისხოდ შესრულებულ სამუშაოებზე ამახვილებს ყურადღებას ვენიკო დარჩია:

"გზა არ არის, არც _ წყალი, არც _ გაზი. გამგებელიც არ გვყავდა ამდენ ხანს _ ორიოდე დღის წინ დაგვინიშნეს. ღიად არის ჭები დარჩენილი. რაც გაკეთდა, უხარისხოდ გაკეთდა _ მილები იხსნება, წნევა ძლიერია და სკდება. ქვიშა უნდა ჩაყრილიყო და მერე ჩაედოთ მილები, თუმცა, პირდაპირ ჩაყარეს ქვებთან ერთად", _ ამბობს ჩვენი რესპონდენტი.

შპს "ბილდინგ დეველოპერის" წარმომადგენელი დავით ბექაური "გურია ნიუსთან" ამბობს, რომ მათ პროექტში სამუშაოების შესრულების დროს არ ჰქონდათ განსაზღვრული, მილების ჩადების დროს გამოეყენებინათ ე. წ. "ქვიშის ბალიშები": "არანაირი კანონდარღვევით არ შესრულებულა სამუშაოები _ ყველაფერი გაკეთდა ისე, როგორც პროექტით იყო განსაზღვრული. არანაირ დანაშაულის ნიშნებს არ შეიცავს ჩემი კომპანიის მიერ შესრულებული სამუშაოები. მილი თხრილში უნდა იყოს, აბა სად? თხრილში, ოღონდ ჩამარხული, ჩაუმარხავი არ უნდა იყოს. პროექტი ე. წ. "ქვიშის ბალიშებს" არ ითვალისწინებდა. მილები ამოთხრილი გრუნტით დაიფარა და არა ქვიანი ქვიშით. როგორც ვიცი, მოსახლეობას წყალი აქვს", _ ამბობს ბექაური.

უხარისხოდ შესრულებულ სამუშაოებს გამორიცხავს გურიის გუბერნატორი მერაბ ჭანუყვაძე, რომელიც, როგორც აღვნიშნეთ, სამუშაოების დაწყების დროს მუნიციპალიტეტის პირველი პირი იყო:

"სოფელ ჯუმათის წყალმომარაგების სისტემის მოწყობისთვის პროექტირება 2015 წლიდან დავიწყეთ. პროექტს ექსპერტიზა ჩაუტარა ლევან სამხარაულის სახელობის სასამართლო ექსპერტიზის ეროვნული ბიურომ. ჯუმათის წყალმომარაგების სისტემის მშენებლობას (6 კმ ცენტრალური მაგისტრალი, 38 კმ _ ქსელი) შპს "ბილდინგ დეველოპერი" ახორციელებდა. სამუშაოთა ღირებულებამ 1 247 082 ლარი შეადგინა, რომელიც 1 370 მომხმარებელზეა გათვლილი. შესაბამისად, სამშენებლო სამუშაოებმაც გაიარა ლევან სამხარაულის სახელობის სასამართლო ექსპერტიზის ეროვნული ბიუროს მიერ ექსპერტიზა, ანუ მუნიციპალიტეტმა, წყალსადენის მშენებლობისთვის შესაბამისი რეგლამენტებით გათვალისწინებული ყველა პროცედურის სრული დაცვის გავლის შემდგომ მოახდინა შესაბამისი მიღება-ჩაბარების აქტი გაფორმება და  წყალსადენის ექსპლუატაციაში შეყვანა.

რაც შეეხება დღეის მდგომარეობით შექმნილ პრობლემებს წყალმომარაგებასთან დაკავშირებით, მოსახლეობას ვაცნობებ, რომ ეს გამოწვეულია 2017 წლის ოქტომბერში მოსული ძლიერი წვიმის შედეგად წარმოქმნილი ღვარცოფით, რომელმაც დააზიანა სათავე ნაგებობა. ამ პრობლემას ემატება წყლის დებეტის სიმცირე, რაც გამოწვეულია მარტსა და აპრილში ნალექის არარსებობით. ჩემთვის ცნობილია, რომ წყალსადენის სათავე ნაგებობის რეაბილიტაციის მიზნით შედგენილია შესაბამისი პროექტი და უახლოეს დღეებში უნდა გამოცხადდეს ტენდერი.

რაც შეეხება ჩემი "კონკურენტების" აპელირებას, თითქოს ოზურგეთის მუნიციპალიტეტის მიერ სამშენებლო სამუშაოები "უხარისხოდ" სრულდებოდა, საზოგადოებას ვაცნობებ, რომ ეს არის მორიგი დეზინფორმაცია და ადამიანების შეცდომაში შეყვანის მცდელობა, პირთა ძალიან ვიწრო წრის მიერ, მხოლოდ ჩემი პიროვნების დისკრედიტაციის მიზნით", _ აღნიშნა ჩვენთან საუბრისას მერაბ ჭანუყვაძემ.


ნახვა: 458


 ახალი ამბები
  • ბერა ივანიშვილი დაოჯახდა _ ვინ არის მისი რჩეული"და რაც აქამდე იყო ჩემი და შენი, დღეს გახდა ჩვენი" _ ეს ტექსტი და ფოტო ბერა ივანიშვილმა სოციალურ ქსელში რამდენიმე წუთის წინ გამოაქვეყნა, რომელსაც თან ქორწინების ბეჭდის სმაილი ახლდა. ივანიშვილს არ დაუკონკრეტებია, ვინ გახდა მისი რჩეული, თუმცა, როგორც “გურია ნიუსმა” გაარკვია, ის ნანუკა გუდავაძეა. ნანუკა გუდავაძე მოდის ბლოგერია და 14 წლის ასაკში ბიჭოლას სახე ... ...
  • ,,ეკონომიკური კატასტროფა“_ ეკონომისტი მარიხუანის კულტივირების შესახებ კანონპროეტის წინააღმდეგეკონომიკის ექსპერტი, პროფესორი ლია ელიავა მარიხუანის კულტივირების შესახებ კანონპროექტის წინააღმდეგია. მისი თქმით, ინიციატივის დამტკიცების შემთხვევაში საქართველოს ეკონომიკური კატასტროფა ემუქრება. როგორც ელიავა აცხადებს,  გაუგებარია, საქართველოს ხელისუფლება რატომ ინტერესდება მარიხუანის ვაჭრობით მაშინ, როცა განვითარებული ქვეყნების დიდი ნაწილი ნარკოტიკების წარმოებას ებრძვის _აღნიშნულ საკითხზე ელიავა ,,გურია ნიუსთან“ საუბრობს. ,,კატეგორიული წინააღმდეგი ვარ ნებისმიერი ნარკოტიკული ნივთიერების არა მარტო ექსპორტის, არამედ მისი წარმოების. თავი რომ დავანებოთ, ერის სიჯანსაღეზე საუბარს ეკონომიკურად ქვეყნისთვის ეს იქნება კატასტროფა. ფაქტობრივად, საქართველოს არა მარტო ეკონომიკა, არამედ მუშახელიც დაკნინდება.  მინდა, გაგახსენოთ ჩინეთის მაგალითი, სადაც ევროპამ შეიტანა დიდი ოდენობით ნარკოტიკი ოპიუმი, რის შემდეგ ჩინეთმა დაიწყო დეგრადირება, ქვეყანა ქვეყანას აღარ გავდა და იყო უღარიბესი გაუბედურებული სახელმწიფო მანამდე, სანამ არ აიკრძალა ყოველგვარი ნარკოტიკის მოხმარება. ნარკოტიკი არის არა მარტო წმინდა სოციალური პრობლემა, არამედ ეს გახდება ეკონომიკური პრობლემაც. ადამიანი, რომელიც არის თრობაში, ის, როგორც მუშაკი, როგორც ეკონომიკური ერთეული არის უვარგისი, შესაბამისად, საქართველო დგას იმ საფრთხის წინაშე, რომ დაკარგოს არა მარტო ის მწირი წარმოება, რაც დღეს გვაქვს, არამედ მომავალშიც ვეღარ განავითაროს თავისი თავი. რატომ კეთდება აქცენტი მარიხუანის ექსპორტზე? ერთადერთი მიზეზის გამო, ეს არის ეროვნული ბანკის ინტერესი, მას მიბმული აქვს ლარის მოცულობა უცხოური ვალუტის მოცულობასთან და გარდა ამისა, უცხოურ ვალუტას ის აკუმულირებს და შეუძლია გაიტანოს საზღვარგარეთ, დააბანდოს ფასიან ქაღალდებში, მეორე ინტერესი ეს არის კომერციული ტიპის ინტერესი. მთავრობა უნდა ხედავდეს, რომ არასწორი ნაბიჯი დაღუპავს ქვეყანას ქართველ მოსახლეობას. უცხო ქვეყნის მაგალითები რომ მოჰყავთ, მათ გააჩნიათ ამ ნარკოტიკების მოხმარების შეზღუდვის მექანიზმები, საქართველოში კი ასეთი მექანიზმები არ არსებობს. ფული, რომელსაც მიიღებს სახელმწიფო, ის არ იქნება საინვესტიციო ფული, ის შეიჭმევა. საქართველო არის ერთი მართვადი ქვეყანა, რომელსაც იმას აკეთებინებენ, რაც უნდათ, ყველა ცივილიზებული ქვეყანა ებრძვის ნარკოტიკების მოყვანას.  არ ვიცი, რა მოსდის ამ ხელისუფლებას. ქვეყანა აშკარად იღუპება, გარდა იმისა, რომ ჩვენი ეკონომიკური მდგომარეობა უარესდება, ფასები იზრდება და იმის მაგივრად, რომ ამ საკითხებს მიხედონ, სამარცხვინო ნარკოვაჭრობას ეწევიან“, _ გვითხრა ელიავამ. კანონპროექტის განხილვა, რომელიც ექსპორტზე გატანის მიზნით, მარიხუანის წარმოებას ითვალისწინებს, პარლამენტმა საერო და სასულიერო პირების პროტესტის გამო დროებით შეაჩერა. ჯერჯერობით, უცნობია, როდის დაუბრუნდება პარლამენტი კანონპროექტის ... ...
  • თბილისის მეტროს მოძრავი შემადგენლობები პიკის საათებში სამწუთიანი შუალედით იმოძრავებენახალ სასწავლო წელთან დაკავშირებით, თბილისის მეტროს მოძრავი შემადგენლობები  პიკის საათებში სამწუთიანი შუალედით იმოძრავებენ, _ ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა. მისი თქმით, დროის შუალედის შემცირება მეტროს მოძრავი შემადგენლობის მოდერნიზაციის პროექტის ფარგლებში გახდა შესაძლებელი. „პრობლემა იყო ის,  რომ პიკის საათებში მოქალაქეებს 5-6 წუთი ლოდინი უწევდათ, რაც სერიოზულ დისკომფორტსა და პრობლემას წარმოადგენდა. შესაბამისად, მივიღეთ გადაწყვეტილება, რომ სარეაბილიტაციო პროექტის ფარგლებში, რომელიც მიზნად ისახავს მეტროს ვაგონების მთლიან განახლებას,  მეტროს სამი ოთხვაგონიანი ახალი შემადგენლობა დაემატება, რომელიც „ახმეტელის თეატრი“ - „ვარკეთილის“ ხაზზე იმოძრავებს და ერთი სამვაგონიანი შემადგენლობა საბურთალოს ხაზზე. ეს მოგვცემს შესაძლებლობას, რომ პიკის საათებში, როდესაც ყველაზე ბევრი მგზავრი გადაადგილდება, მოცდის ინტერვალი  სამ წუთამდე შევამციროთ“, - განაცხადა კახა კალაძემ.  თბილისის მერის თქმით, მომდევნო წლების განმავლობაში, ყოველწლიურად, ოთხი ახალი შემადგენლობის დამატება იგეგმება. „მომდევნო წლების განმავლობაში, ვაპირებთ ახალი შემადგენლობების დამატებას. ასევე, ვგეგმავთ ძველი ვაგონების მოდერნიზებას და გვინდა, რომ მეტრო მგზავრებისთვის ერთ-ერთი კომფორტული საშუალება იყოს.  ტრანსპორტის პოლიტიკა მიმართულია იმისკენ, რომ საზოგადოებრივი  ტრანსპორტი, მაგალითად, ავტობუსების არსებული პარკი, რაც მოძველებულია და მძიმე მდგომარეობაშია, 2019 წლისთვის მთლიანად განახლდეს“, - განაცხადა კახა კალაძემ. მისივე განმარტებით, მომდევნო წლებში, მეტრო თბილისელებისთვის ერთ-ერთი გამორჩეულად კომფორტული და სწრაფი ტრანსპორტი ... ...
  • “ამბის გამტანიც არ გასულა დღეს ჯუმათიდან?“ _ რომელ სოფელში რა პრობლემები შექმნა სტიქიამოზურგეთის მუნიციპალიტეტის სოფელ ჯუმათში მცხოვრები მაკა ჩხარტიშვილი ამბობს, რომ სოფელში მძიმე მდგომარეობაა და ადგილობრივი ხელისუფლების წარმომადგენლები პრობლემების მოგვარებას გაურბიან. “ამბვის გამტანიც არ გასულა დღეს ჯუმათიდან? სასმელი წყალი და მედიკამენტები მაინც გამოგვიგზავნეთ ვერტმფრენით. ოზურგეთის მუნიციპალიტეტის მერიაც წაიღო წყალმა?“ _ ამბობს ჩხარტიშვილი. როგორც სოფელში გვითხრეს, ორშაბათს მოსულმა უხვმა ნალექმა ჯუმათის ტერიტორიულ ერთეულში გზის სავალი ნაწილი დააზიანა, რის გამოც შეწყვეტილია მოძრაობა. ასევე, დაზიანდა ერთ-ერთი ქვესადგური, რომლის გამო შუქი არ მიეწოდება ადგილობრივებს. ოზურგეთის მუნიციპალიტეტის მერიის პრესსამსახურის უფროსის, ეკატერინე მგელაძის თქმით, სოფელ ჯუმათში წყალმიმღები არის დაზიანებული სათავე ნაგებობაზე, ასევე, მოჭარბებული ნალექის გამო გზა არის ამორტიზებული, ელოდებიან წყლის ნაკადის დაწევას, რის შემდეგაც დაიწყება გზის სარეაბილიტაციო სამუშაოები და ოზურგეთის მუნიციპალიტეტის წყალმომარაგების კომპანია  შპს “სატისი“ დაიწყებს წყალმიმღების აღდგენას. მისივე თქმით, ენერგოპრო ჯორჯიას წარმომადგენლებს დაწყებული აქვთ ქვესადგურზე არსებული პრობლემების მოგვარება.  თუ რა ზარალი მიაყენა 17 სექტემბერს, ორშაბათს უხვმა ნალექმა ოზურგეთის მუნიციპალიტეტს, ჯერჯერობით, უცნობია, ოზურგეთის მუნიციპალიტეტის მერიის შესაბამისი სამსახურების მიერ შექმნილია სპეციალური შტაბი და მიმდინარეობს ზარალის აღწერა. ოზურგეთის მუნიციპალიტეტის მერიის პრესსამსახურის მიერ მოწოდებული ინფორმაციით, განსაკუთრებით დაზარალდა შრომის თემში ორმეთის, ხრიალეთის, ვაკისა და ოხოჯურის უნბნები. ხიდების დაზიანების შედეგად გარესამყაროს მოწყდა რამდენიმე ოჯახი, მოთხრილია ხეები, ელექტროგადამცემი ბოძები, დაღვარულია გზები და ჩამოწოლილია მეწყერი. დაბა ურეკში მდინარე კუჩხას ადიდების შედეგად დაიტბორა წერეთლის, მესხისა და დუმბაძის ქუჩები. ადგილობრივებს დაეტბორათ საცხოვრებელი სახლები. კონჭკათის ტერიტორიულ ერთეულში მოთხრილია ხეები, დაღვარულია გზები, რამდენიმე ადგილას განვითარდა მეწყრული პროცესი. მერიაში ჩამოწვა მეწყერი, დაიღვარა გზები გოგორეთისა და ნაღობილევის უბნებში. ნატანების ადმინისტრაციულ ერთეულში მე-13, მე-6 და წითელსხივისა და ჯაფარეულის უბნებში დაიღვარა გზები, რის გამოც, ტრანსპორტით გადაადგილება შეუძლებელია. სოფელ ოზურგეთში ცხომელიძეების და თოხაძეების უბანში მწყობრიდან გამოვიდა სანიაღვრე არხები. დაიტბორა რამდენიმე უბანი. თხინვალის ტერიტორიულ ერთეულში დაიღვარა გზები და მწყობრიდან გამოვიდა სანიაღვრე არხები. ბოხვაურის ადმინისტრაციულ ერთეულში მოშლილია ჯებირები, დატბორილია ჩაის ფაბრიკისა და სკოლის მიმდებარე ტერიტორია. ბაილეთის ადმინისტრაციულ ერთეულში ჭანიეთურის უბანში დაზიანდა ხიდი და საუბნო გზები. დაბა ნარუჯაში დაზიანდა ადმინისტრაციული შენობის კიბის საყრდენი ნაწილი, სანიაღვრე არხების მწყობრიდან გამოსვლის შედეგად დაიტბორა გზები და რამდენიმე მოსახლის საცხოვრებელი ... ...
  • ,,პატრიოტთა ალიანსი“ იშლება _ ფრაქციის წევრები საპარლამენტო თანამდებობებს ვეღარ დაიკავებენპატრიოტთა ალიანსი იშლება, ფრაქციიდან წასვლის გადაწყვეტილება ნატო ჩხეიძემ მიიღო. პარლამენტის რეგლამენტის მიხედვით, ფრაქცია გაუქმებულად ჩაითვლება იმ შემთხვევაში, თუ მასში 6-ზე ნაკლები წევრი დარჩა, ფრაქციის დატოვების შესახებ განაცხადის წარდგენიდან მე-7 დღეს. იმ შემთხვევაში, თუ ,,პატრიოტთა ალიანსი“ ფრაქციას ვერ შეინარჩუნებს ფრაქციის წევრი ირმა ინაშვილი აღარ დაიკავებს ვიცე-სპიკერის თანამდებობას. ამასთან, ,,პატრიოტთა ალიანსის“ წევრები აღარ იქნებიან ბიუროს  შემადგენლობაში და კომიტეტებში  ვეღარ დაიკავებენ თავმჯდომარის მოადგილის თანამდებობებს. გავრცელებული ინფორმაციის თანახმად, შესაძლოა, ,,ქართული ოცნებიდან“ გარიცხული დეპუტატი ,,პატრიოტთა ალიანსს“ შეუერთდეს, თუმცა აღნიშნული ინფორმაცია დეპუტატმა არ დაადასტურა. მისი თქმით, შემოთავაზების შემთხვევაში ,,პატრიოტთა ალიანსში“ გადასვლას არ აპირებს. ჯერჯერობით, ნატო ჩხეიძე ფრაქციიდან წასვლის მოტივებზე არ ... ...

არქივი

ზაფრანი

გიგანტების სამარხი

უკვე დიდი ხანია, რაც დედამიწაზე...

მეცნიერებმა მზეზე შავი ხვრელი აღმოაჩინეს

ამერიკელმა მეცნიერებმა მზეზე შავი ხვრელი...

რა არის სიყვარული

ჯონ ლი თავის წიგნიში "The...

მეცნიერული აღმოჩენა _ მუშაობა საზიანოა!

ადამიანები, რაც უფრო მეტს მუშაობენ,...

რამდენიმე თავსატეხი, რომელსაც მეცნიერება ვერ ხსნის

მზის ირგვლივ ტემპერატურა რამდენიმე მილიონით...

ქალთა საუკეთესო გამოგონებები

ხელსაწყო-ასტროლიაბია _ ის განსაზღვრავს ციური...
კარმიდამო ჩემი

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...