„თუ სასამართლოზე ზეწოლა არ მოხდა, ჩემი ჩამორთმეული ქონება უნდა დამიბრუნდეს“ _ როლანდ ბლადაძის ექსკლუზიური ინტერვიუ

მთავარი თემა

„თუ სასამართლოზე ზეწოლა არ მოხდა, ჩემი ჩამორთმეული ქონება უნდა დამიბრუნდეს“ _ როლანდ ბლადაძის ექსკლუზიური ინტერვიუ

2017 მარ 14 17:14:15

ხვალ თბილისის სააპელაციო სასამართლოს ადმინისტრაციულ საქმეთა პალატა საკონსტიტუციო სასამართლოს ყოფილი თავმჯდომარის სადაო ქონებასთან დაკავშირებით გადაწყვეტილებას გამოაცხადებს.

სადაო ქონება მოქალაქე როლანდ ბლადაძეს 2004 წელს ჩამოართვეს, მოგვიანებით კი, საქართველოს ყოფილი პრეზიდენტის, მიხეილ სააკაშვილის გადაწყვეტილებით, ის სიმბოლურ ფასად, საკონსტიტუციო სასამართლოს იმჟამინდელ თავმჯდომარეს, გიორგი პაპუაშვილს გადაეცა. დავა ამ დრომდე სასამართლოში მიმდინარეობს.

„გურია ნიუსი“ სასამართლო სხდომის წინ, მოქალაქე როლანდ ბლადაძესთან ექსკლუზიურ ინტერვიუს გთავაზობთ:

_ბატონო როლანდ, ხვალ სასამართლომ თქვენს ჩამორთმეულ ქონებაზე გადაწყვეტილება უნდა გამოაცხადოს, რა მოლოდინები გაქვთ, იქნება თუ არა მართლმსაჯულება დამოუკიდებელი და პრინციპული? როგორც გურიანიუსთანსაუბარში თქვენმა მეუღლემ განაცხადა, ყოველ სხდომაზე მოსულ ოჯახს იმედგაცრუება აქვს. თქვენ რა მოლიდინები გაგაჩნიათ?

_მინდა მადლობა ვუთხრა საზოგადოებას და მედიას იმ დიდი ყურადღებისთვის, რომელიც ჩემი ოჯახის საქმეზე შექმნილია და არსებობს. 2004 წლიდან დღემდე, მთელი ოჯახით პოლიტიკურ ემიგრაციაში ვიმყოფებით. სახელმწიფომ 2013 წელს, ობიექტურად და მიუკერძოებლად განახორციელა საგამოძიებო მოქმედებები და დადასტურდა, რომ დანაშაული, რომლის საფუძველზეც ოჯახს ქონება ჩამოგვერთვა, მასთან არავითარი კავშირი არ გამაჩნდა. წინა ხელისუფლების მართლმსაჯულებაზე არაფერს ვიტყვი, თუმცა სამწუხაროა, რომ მოსამართლეები, რომლებიც წინა ხელისუფლების დროს, ამ საქმეში დარღვევებს ვერ ხედავდნენ, დღეს კვლავ განახლებული საქმისწარმოების პროცესში, ისევ განმხილველი მოსამართლის სტატუსით აღმოჩნდნენ. შეგახსენებთ, 2016 წლის ოქტომბერში, ჩვენ მოვახერხეთ და თბილისის სააპელაციო სასამართლოში, შევცვალოთ საქმის განმხილველი მოსამართლეები, რომლებსაც, ნამდვილად დიდი მორალური ტრამვა აქვთ მიყენებული ჩემი ოჯახისთვის. ჩვენ ყველას გვქონდა და გვაქვს იმედი, რომ  2012 წლის ცვლილებების შემდგომ, ახალი ხელისუფლება ბატონი ბიძინა ივანიშვილის მეთაურობით, შემდგომ პრემიერ–მინისტრების: ირაკლი ღარიბაშვილისა და გიორგი კვირიკაშვილის პირობებში, ყველაფერს გააკეთებდნენ, რომ ქონებაჩამორთმეულ მოქალაქეებს წართმეული დაბრუნებოდათ. სახელმწიფომ ნაწილობრივ აღმიდგინა სამოქალაქო უფლებები, როდესაც პროკურატურამ უდანაშაულოდ მცნო და ჩემს ოჯახთან ერთად, პრობლემის გარეშე მიხდება საქართველოში გადაადგილება, მაგრამ ამავე სახელმწიფომ, რომელიც სასამართლოში დღეს მიმდინარე დავის ერთ–ერთი მხარეა, არ ვიცი, რა მიზეზით, რა საფუძვლებით, პოლიტიკური მიზანშეწონილობიდან გამომდინარე თუ კიდევ რაიმე საფუძვლით, ვერ მოახდინა სამართლიანობის აღდგენა ჩემს ერთადერთ სახლზე, რომელიც ახლა არამხოლოდ მთელმა აჭარამ, არამედ მთელმა საქართველომ იცის, რომ წამართვეს. ამიტომაც, ოჯახი იმედგაცრუებული იქნება, ვიდრე ერთადერთ წართმეულ სახლს არ დაიბრუნებს. სასამართლო, მართალია, დღეს შედარებით თამამია, მაგრამ თამამი და პრინციპული არ აღმოჩნდა ყველა ის მოსამართლე, რომელიც 2012 წლიდან ახალი საქმისწარმოების პროცესში ჩემი ქონებრივი ინტერსების დაცვის განხილვას უზრუნველყოფს. სამწუხაროდ, თბილისის საქალაქო სასამართლომ მოსამართლე დიანა ფარქოსაძის ხელით, ჩემი სასარჩელო მოთხოვნები არ დააკმაყოფილა. მე არ შევალ ამ გადაწყვეტილების იურიდიულ დასაბუთებაში, მაგრამ გადაწყვეტილების იურიდიული მხარე იმდენად ბუნდოვანია, რომ ახალი ხელისუფლების პირობებში, სამართლიანობის აღდგენის ხელწერას დარტყმა ადგება. მე ვესწრებოდი სასამართლო სხდომებს უკვე სააპელაციო ეტაპზე და გამაჩნია ადამიანური მოლოდინი, რომ საქმის განმხილველი მოსამართლე, ბატონი მერაბ ლომიძე ღირსეულ და სამართლიან გადაწყვეტილებას გამოიტანს. თუ სასამართლოზე ზეწოლა არ მოხდა, ჩემი ჩამორთმეული ქონება უნდა დამიბრუნდეს.

_რა გაძლევთ იმის ვარაუდის საფუძველს, რომ სასამართლოზე შესაძლოა ზეწოლა მოხდეს. ვისგან ან რა არგუმენტებით მსჯელობთ მოსალოდნელ საფრთხეებზე?

_როდესაც პირველი ინსტანციის სასამართლოში საქმის განხილვა დასრულდა, ჩვენ დავინტერესდით საქმისწარმოების მიღმა არსებული რეალობებით. პირველი, რაც ჩემმა იურისტებმა შეისწავლეს და გამოიკვლიეს, მოსამართლე დიანა ფარქოსაძის ქონებრივი მდგომარეობა იყო. აღმოჩნდა, რომ ერთ შემთხვევაში, მოსამართლე არ აკმაყოფილებს ბატონი გიორგი პაპუაშვილის საჩივარს სადავო ქონებაზე ყადაღის მოხსნის შესახებ, მეორე შემთხვევაში კი – სრულად აკმაყოფილებს. სწორედ ამ პერიოდში, ქონებრივი დეკლარაციების მიხედვით, მოსამართლის ოჯახი ყიდულობს თბილისში ბინას. იურისტებმა შეისწავლეს საკითხი და აღმოჩნდა, რომ ქალბატონი მოსამართლე, რომელიც თავის სამსახურეობრივ საქმიანობას ახორციელებს თბილისში, არ გააჩნია საცხოვრებელი ფართი და ასეთი ფართისთვის სახელმწიფოსგან არც ქირას ღებულობს. ლოგიკურად დაისმის კითხვაც: მაშინ სად ცხოვრობს ქალბატონი დიანა ფარქოსაძე, რომელიც ოფიციალურად, საჩხერის მუნიციპალიტეტის სოფელ ქორეთშია რეგისტრირებული. ჩვენ გაგვიჩნდა ვარაუდი, რომ შესაძლებელია ადგილი ჰქონოდა სავარაუდო კორუფციულ სამართალდარღვევას. ამიტომაც მივმართეთ იუსტიციის უმაღლესს საბჭოს და პროკურატურას საკითხზე რეაგირებისთვის. გარდა ამისა, მე ვითვალისწინებ იმას, რომ ბატონი გიორგი პაპუაშვილი, რომლის მიმართაც არავითარი პიროვნული შეუთავსებლობა არ გამაჩნია, თავისი საქმიანი და პროფესიული კონტაქტებით სამოსამართლო საზოგადოებაში, ალბათ, ამ საქმის მნიშვნელოვანი ბერკეტია. ასევე, ხელისუფლება საქმეში წარმოდგენილია საქართველოს ეკონომიკისა და მდგრადი განვითარების სამინისტროს სახით. ჩვენმა იურისტებმა საზოგადოებას უკვე აცნობეს, რომ ყველა სხდომაზე, ყველა დოკუმენტში, სადავო საკითხებთან დაკავშირებით, როგორც სამინისტროს, ასევე ბატონ გიორგი პაპუაშვილის წარმომადგენლებს, ერთიდაიგივე მოსაზრება გააჩნიათ. მე ვფიქრობ, რომ საქართველოში მართლაც შეიცვალა ვითარება და კანონის წინაშე ყველას თანასწორუფლებიანი სტატუსი უნდა ჰქონდეს. თუკი სასამართლო სიმართლეს გაამრუდებს, ვერც საზოგადოება მოიგებს ამით და ვერც ქვეყანა. ამიტომაც, საქმიდან მთლიანად უნდა დაიცალოს პოლიტიკური აქცენტები და ვიმსჯელოთ მხოლოდ მტკიცებულებებზე; მტკიცებულებებით კი, საქმეს მნიშვნელოვანი პერსპექტივა გააჩნია. გარდა ამისა, მე მაწუხებს ის გარემოებაც, რომ თბილისის სააპელაციო სასამართლოში საქმის განხილვა ხდება იმ პირობებში, როდესაც სასამართლოს თავმჯდომარე, ბატობნი ვალერი ცერცვაძე არის პიროვნება, რომელმაც თავის დროზე, 2004 წელს, პროკურატურის მინდობილობით, ჩემი ქონების კონფისკაცია მოახდინა. ძალიან ბევრი ფაქტორია, რომელსაც ჩემი წართმეული ქონების დაბრუნების საკითხზე, ბევრ იურიდიულ უხერხულობასთან და პრინციპებთან მივყავართ. მე კიდევ ერთხელ საჯაროდ მინდა დავაფიქსირო პოზიცია, რომ ჩვენ ყველას უნდა ვუთანაგრძნოთ იმ ავბედითი დროის გამო, სადაც კანონის უზენაესობა და ადამიანის უფლებები არ ფასობდა. მე მიმაჩნია, რომ ადამიანებს თავიანთ პროფესიულ ცხოვრებაში, შესაძლებელია ჰქონდეთ შეცდომები, მაგრამ უფალი ამ შეცდომების გამოსწორების და ზნეობრივი როლის დაბრუნების შესაძლებლობას ყოველთვის იძლევა. მიმაჩნია, რომ სწორედ ახლაა ის დრო, როდესაც უნდა დავივიწყოთ წარსული და ახალ ვითარებაში, მივიღოთ ღირსეული და პრინციპული გადაწყვეტილებები. 15 მარტის სასამართლოს გადაწყვეტილება იქნება მაგალითი, თუ რამდენად შეგვიძლია დავდგეთ საკუთარ პრინციპებზე მაღლა, მაგრამ არა კანონის მაღლა. ჩემი ოჯახი მხოლოდ და მხოლოდ წართმეულ ერთადერთ სახლს მოითხოვს. ნუთუ შეუძლებელია ამ ერთადერთი სამართლიანი მოთხოვნის დაკმაყოფილებაზე უარის თქმა?!

_ბატონო როლანდ, რეალობა ასეთია, რომ შეცდომების და წარსულში მიღებული გადაწყვეტილებების გამო, დღეს თქვენი სახლის მესკუთრე გიორგი პაპუაშვილია. როგორ წარმოგიდგენიათ, სასამართლოს გადაწყვეტილებით, კანონის ფარგლებში, არ იქნება აღქმული, რომ გიორგი პაპუაშვილს, რომელთანაც ხელისუფლებას კარგი დამოკიდებულება არ აქვს, გადაცემული ქონების ჩამორთმევაში დაადანაშაულონ?

_რა თქმა უნდა, არა! ბატონი გიორგი პაპუაშვილი ჯერ კიდევ 2012 წლის დეკემბერში მიმართავდა ხელისუფლებას და ალტერნატიულ ფართს მოითხოვდა. რა თქმა უნდა, მე იურიდიულად არ ვიმსჯელებ, ვინ არის კეთილსინდისიერი შემძენი და არაკეთილსინდისიერი მესაკუთრე. მე აქცენტი მიდა გავაკეთო სხვა საკითხებზე. ნებისმიერ შემთხვევაში, გიორგი პაპუაშვილს უნდა მიეცეს ალტერნატიული ფართი. სახელმწიფოს ალტერნატიული ფართის გადაცემა, ან ბატონი გიორგი პაპუაშვილის, ან ჩემი ოჯახისთვის, თუკი დავას ევროსასამართლო არ გავაგრძელებ, აუცილებლად მოუწევს. მოცემულ შემთხვევაში, მე მიმაჩნია, რომ ალტერნატიული ფართი უნდა გადაეცეს გიორგი პაპუაშვილს, როგორც ყოფილ მოსამართლეს და ყოფილ საჯარო მოხელეს, რის გამოც, თავის დროზე, ჩემი ქონება გადაეცა. საქმეში, თქვენ იცით, რომ არსებობს მთავრობის განკარგულების პროექტი, რომელიც ითვალისწინებს პრივატიზაციის წესით სადავო ქონების ჩემი ოჯახისთვის დაბრუნებას. გაოცებული ვარ, რატომ არ მოხდა ამ შეთანხმების შესრულება, რომელიც პრემიერ–მინისტრმა ეკონომიკის სამინისტროს დაავალა და ვინ დაბლოკა პრემიერის მითითებები. ამიტომაც, მიმაჩნია, რომ თუკი ქონება ჩემს ოჯახს დაუბრუნდება, ხოლო გიორგი პაპუაშვილის ოჯახი მიიღებს ალტერნატიულ ფართს, ვინ და რატომ, რა საფუძვლებით თუ მორალური პრეტენზიით იტყვის, რომ ქონება ერთს ჩამოართვეს და მეორეს გადასცეს? 2004 წელს ქონება სწორედ მიხეილ სააკაშვილის მითითებებით ჩემს ოჯახს ჩამოერთვა. სახელმწიფომ ის უკანონოდ განკარგა. თუკი ვსაუბრობთ სამართლიანობის აღდგენაზე, მე ვიტყოდი კანონის უზენაესობაზე, ამ შემთხვევაში, სწორედ სასამართლოს აკისრია ის ერთადერთი როლი სახელმწიფოში, რომ კანონის წინაშე ყველას თანასწორობა და კანონის უზენაესობა უზრუნველყოს. ამიტომაც, მთელმა ქვეყანამ იცის, რომ ქონება უკანონოდ ჩამომართვეს, ხოლო მაშინდელმა პრეზიდენტმა, სამწუხაროდ, არც ბატონი გიორგი პაპუაშვილი დაინდო. სადავო ქონება სწორედ მას გადასცა, როგორც სასამართლოს თავმჯდომარეს და არა რომელიმე სხვა მოსამართლეს. იმ გადაცემული ქონებებიდან მხოლოდ ჩემი ჩამორთმეული სახლი იყო და არის სადავო. ამიტომაც, ვფიქრობ, რომ სახელმწიფო დღეს ხელი უნდა შეუწყოს დავის სამართლიან გადაწყვეტას. ჩემთვის არსებითი მნიშვნელობა, როგორც ქონებაჩამორთმეულისთვის, არ აქვს, თუ რა პოლიტიკური მიზანშეუწონლობა არსებობს მოქმედ ხელისუფლებასა და ბატონ გიორგი პაპუაშვილს შორის. ჩემი ქონების დაბრუნების საკითხი უნდა გადაწყდეს ამ შეხედულებების მიღმა. მე არ ვარ პოლიტიკოსი და შესაბამისად, ვერავითარ შეფასებას ვერ გავაკეთებ ბატონ გიორგი პაპუაშვილთან ხელისუფლების პოლიტიკური პრეტენზიების შესახებ. ვფიქრობ, რომ გიორგი პაპუაშვილიც და მისი ოჯახიც უნდა გათავისუფლდეს იმ მორალური წნეხისგან, რომელიც 2007 წელს მიხეილ სააკაშვილმა დააკისრა.

_თუკი სასამართლო 15 მარტს თქვენს საწინააღმდეგო გადაწყვეტილებას მიიღებს, რას აპირებთ?

_ვაპირებ გადაწყვეტილების გასაჩივრებას საქართველოს უზენაესს სასამართლოში. იმ შემთხვევაში, თუკი საკასაციო სასამართლოც ქვეყანაში ამ საქმეზე მართლმსაჯულების ღირსებას არ დაიცავს, სამწუხაროდ, მაგრამ ფაქტი იქნება, რომ მივმართავთ ევროსასამართლოს. ჩვენი ყველა სამართლებრივი მოქმედების შესახებ საქმის კურსშია ევროპული ინსტიტუციებიც. ადგილობრივი საელჩოები. ჩვენ ვაპირებთ უთანასწორო ბრძოლაში ყოფნას, ვინაიდან ღირსების აღდგენა და დაბრუნება, დღეს ჩვენი ყველაზე დიდი ამოცანა.




 ახალი ამბები
  • გორში ავარიას 16 წლის ბიჭი ემსხვერპლაგორში ავარიას 16 წლის ბიჭი ემსხვერპლა. ავტოსაგზაო შემთხვევის შედეგად დაშავებულია კიდევ ერთი ადამიანი, რომელიც სასწრაფო დახმარების ბრიგადამ საავადმყოფოში გადაიყვანა. შინაგან საქმეთა სამინისტრომ გამოძიება 276-ე მუხლით დაიწყო. ... ...
  • სამტრედიის N3 საჯარო სკოლის გუნდი ,,წიგნების თაროს“ მე-8 სეზონში მიიღებს მონაწილეობასახალგაზრდებში მეტად პოპულარული სატელევიზიო  ლიტერატურული შოუს ,, წიგნების თაროს“  მე-8 სასკოლო სეზონის შესარჩევი ტური  დასრულდა. საქართველოს მასშტაბით 32  სკოლა შეირჩა. რჩეულთა შორის  სამტრედიიდან მხოლოდ ერთი გუნდი მოხვდა, N3 საჯარო სკოლის გუნდი. ელენე ალფაიძე, მარიამ  რუხაძე და ანი  ჯღამაძე,   მე-11 კლასის წარჩინებული მოსწავლეები არიან. ისინი აქტიურად არიან ჩართულნი როგორც სასკოლო,  ასევე, კლასგარეშე ღონისძიებებში. ,,წიგნების თაროში“  მონაწილეობას  სიხარულით შეხვდნენ, თუმცა,  ორმაგ პასუხისმგებლობაზე საუბრობენ, მათ ხომ არა მარტო სკოლის, არამედ  მშობლიური ქალაქის ინტერესების დაცვაც ევალებათ. ,,თაროელები’’ საინტერესო  სეზონს გვპირდებიან. წარმატებები ... ...
  • კონკურსში, „სუფთა რეგიონი“ , ოზურგეთის მუნიციპალიტეტი დაჯილდოვდასაქართველოს მწვანეთა მოძრაობა/დედამიწის მეგობრების ორგანიზებით,  კონკურსის „სუფთა რეგიონი" გამარჯვებულების დაჯილდოების ღონისძიება გაიმართა. ოზურგეთის მუნიციპალიტეტი ნომინაციაში, "ნარჩენების მართვის სისტემის გაუმჯობესებაში შეტანილი წვლილისთვის" სიგელით  დაჯილდოვდა. 27 იანვარს, თბილისის საკრებულოში, საქართველოს მწვანეთა მოძრაობა/დედამიწის მეგობრები-საქართველოს ორგანიზებითა და თბილისის საკრებულოს მხარდაჭერით, პროექტის „დავიცვათ საქართველოს სისუფთავე“ ფარგლებში, კონკურსის „სუფთა რეგიონი“ გამარჯვებულების დაჯილდოების ღონისძიება გაიმართა. აღნიშნული კონკურსი გასულ წელს გამოცხადდა.  ოზურგეთის მუნიციპალიტეტი ნომინაციაში, "ნარჩენების მართვის სისტემის გაუმჯობესებაში შეტანილი წვლილისთვის" სიგელით  დაჯილდოვდა. კონკურსის იდეა პირველად გაჩნდა 2015 წელს „დავასუფთაოთ საქართველო“ კამპანიის ფარგლებში. კონკურსის ფარგლებში შექმნილმა სპეციალურმა კომისიამ (გარემოს დაცვისა და სოფლის მეურნეობის სამინისტრო, საზოგადოებრივი ორგანიზაციების წარმომადგენლები), შემოსული მასალების საფუძველზე გამოავლინა 2019 წლის ნომინაციების გამარჯვებულები.  გამარჯვებულთა შორის ოზურგეთის მუნიციპალიტეტიცაა - შესარჩევი კომისიის გადაწყვეტილებით სიგელი გადაეცა ოზურგეთის მუნიციპალიტეტს - ნარჩენების მართვის სისტემის გაუმჯობესებაში შეტანილი წვლილისთვის.  კონკურსი ჩატარდა პროექტის „დავიცვათ საქართველოს სისუფთავე" ფარგლებში, რომელსაც ახორციელებს არასამთავრობო ორგანიზაციები „დავიცვათ საქართველოს სისუფთავე" (KGT), საქართველოს ბუნების მკვლევართა კავშირი „ორქისი", „საქართველოს მწვანეთა მოძრაობა/დედამიწის მეგობრები - საქართველო", საქართველოს გარემოს დაცვისა და სოფლის მეურნეობის სამინისტროსთან და მის სტრუქტურულ ერთეულთან თანამშრომლობის ფარგლებში, შვედეთის მთავრობის მხარდაჭერით.  ... ...
  • საფრანგეთში ქართველი მორაგბე გარდაიცვალაფრანგული „გროლეს“ ქართველი მორაგბე ბექა ბურდიაშვილი ავტოსაგზაო შემთხვევის შედეგად დაიღუპა. აღნიშნული ინფორმაცია ფრანგული გუნდის ვებგვერდმა დაადასტურა. 27 წლის მორაგბე, რომელიდ ფედერალ 1-ის ბინადარ გუნდში 2014 წლიდან ირჯებოდა, სტადიონისკენ საკუთარი ავტომობილით მიემართებოდა და ხეს დაეჯახა, რის შედეგადაც, გარდაიცვალა. ფრანგული მედიის ცნობით, ავარიის მიზეზი ნისლი და მოლიპული გზის ზედაპირი გახდა. მანქანაში ბექა მარტო იმყოფებოდა, მისი გარდაცვალების გამო კი, „გროლესა“ და „ლავორის“ შეხვედრა გადაიდო. წყარო: ... ...
  • რა მდგომარეობაა ჩოხატაურში გრიპის ვირუსთან დაკავშირებით და შეწყდება თუ არა სასწავლო პროცესიზამთრის დადგომასთან ერთად, გაციებით გამოწვეული და გრიპისმსგავსი დაავადებების შემთხვევები მატულობს. მათ შორის, ცირკულაცია უკვე გრიპის ვირუსმაც დაიწყო. ავადმყოფობა კი ერთ-ერთი მიზეზია, რის გამოც, ბავშვები სკოლას და საბავშვო ბაღს აცდენენ. როგორც „გურია ნიუსისთვის“ ცნობილი გახდა, ჩოხატაურის მუნიციპალიტეტის სკოლებში გაკვეთილებს მოსწავლეთა დიდი ნაწილი არ ესწრება. როგორც ჩოხატაურის საგანმანათლებლო რესურსცენტრის ხელმძღვანელმა, შორენა სიხარულიძემ „გურია ნიუსთან“ საუბრისას აღნიშნა, მიუხედავად იმისა, რომ მოსწავლეები სასწავლო პროცესს აცდენენ, სკოლებში სწავლის შეწყვეტის საშიშროება არ დგას. „მცირეოდენი გაცდენები გვაქვს, მაგრამ ეს არ არის ის ზღვარი, რომლის გამოც, სკოლამ უნდა შეწყვიტოს პროცესი. სკოლების ნაწილში ჩავარდნებია, მაგრამ, ძირითადად, სკოლებში სწავლა ნორმალურად მიმდინარეობს. თითო- ოროლა ბავშვი აკლია კლასებში, ცხადია, მაგრამ ეს არ არის საგანგაშო მაჩვენებელი. მაგალითად, ამაღლების საჯარო სკოლამ გვითხრა, რომ მეცხრე კლასში ბავშვების უმრავლესობა არ იყო“, _ გვითხრა შორენა სიხარულიძემ. როგორც  ა(ა)იპ ბაღების გაერთიანება „მომავალის“ დირექტორი,  ნინო ბარამიძე ამბობს, სასწავლო პროცესის განახლებამდე საბავშვო ბაღებში დეზინფექცია ჩატარდა, მაგრამ არის ბაღები, სადაც ვირუსის გამო ბავშვები არ დადიან. ბარამიძის ინფორმაციით, გრიპის გამო დღეს არცერთი ბავშვი არ მივიდა სოფელ სამების საბავშო ბაღში. „სასწავლო პროცესი 20 იანვარს განვაახლეთ. 17-18-ში სრული დეზინფექცია ჩავატარეთ და დავიწყეთ სასწავლო პროცესი, მაგრამ ვირუსი რამდენიმე ბაღში დაფიქსირდა. გამკაცრებული გვაქვს წესები და ბავშვები სადაც არ მოდიან, აქვთ ვირუსი. დღეს სოფელ  სამების ბაღში ერთი ბავშვიც არ ყოფილა. სააღმზრდელო პროცესის შეჩერებისა და ბაღების დათხოვნის საფრთხე არ არის. იქ სადაც ბავშვები არ დადიან იმ დღეს სააღმზრდელო პროცესი თავისთავად არ არის“,_ ბარამიძე. რამდენად არის გავრცელებული  ჩოხატაურის მუნიციპალიტეტში გრიპის ვირუსი და რამდენად ხშირია მიმართვიანობა_ ამ კითხვით ჩოხატაურის კლინიკებს მივმართეთ. შპს „ჯანმრთელობის სახლი გურიაში“-ს მთავარი ექიმი თემურ კოროშინაძე ჩვენთან საუბრისას ამბობს, რომ მიმართვიანობა შედარებით გაზრდილია. განსაკუთრებით კი ბავშვებში. საავადმყოფოში ამ დროისთვის 6 პაციენტი ფილტვების ანთებით მკურნალობს. „მომართვიანობა შედარებით გაზრდილია, განსაკუთრებით ბავშვებში. განსაკუთრებული შემთხვევა ისეთი, რომ რეფერალი ყოფილიყო საჭირო გრიპთან დაკავშირებით, არ გვქონია. დაწესებულებაში 6 პაციენტი გვიწევს ფილტვების ანთებით, 2 ხვალ გაეწერება, ამჯერად, საუბარია მოზრდილებზე“, _ გვითხრა თემურ კოროშინაძემ. ჩოხატაურის „მედალფას“ სამედიცინო ცენტის ხელმძღვანელი ანტონ ხუნდაძე კი ამბობს, რომ კლინიკაში გრიპის ვირუსის გართულებული ფორმებით მიმართვა ზამთრის არდადეგების დროს უფრო ხშირი იყო. „წინა თვეში უფრო მეტი მომართვიანობა იყო გრიპის ვირუსის გართულებებით, ვიდრე ახლა. გრიპის ვირუსს მკურნალობენ ბინაზე ოჯახის ექიმების მეშვეობით“, _ გვითხრა ... ...

არქივი

კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

მეცნიერები ვარაუდობენ, რომ კიბო, შესაძლოა, გადამდები იყოს

ვებგვერდ wize.life-ზე გამოქვეყნებული ინფორმაციის მიხედვით...

მიწაზე მიყინული კნუტები კაცმა ყავით გადაარჩინა

BBC-ის ინფორმაციით, მიწაზე მიყინული კნუტები...

სასარგებლო რჩევები ცნობილი ქალებისგან

ანჯელინა ჯოლი ზოგჯერ, როცა თავის...

ბიონსეს სილამაზის საიდუმლო

მართალია მომღერალი ვეგეტარიანელი არაა, მაგრამ...

ცნობილი ვარსკვლავების ყოველდღიური დილის რეჟიმი

ჯენიფერ ენისტონი ჯენიფერ ენისტონის დილა...