"ტუსაღივით ვცხოვრობ, "ფანერკით" აჭედილ ფანჯრებში!"

მთავარი თემა

"ტუსაღივით ვცხოვრობ, "ფანერკით" აჭედილ ფანჯრებში!"

16 ივლ. 2020, 12:41:51

ოზურგეთის მუნიციპალიტეტის სოფელ ნასაკირალის მოსაზღვრე, დვაბზუს ადმინისტრაციული ერთეულის ერთ -ერთ უბანს, "დვაბზუს ნასაკირალს" პირობითად უწოდებენ. აქ 62 კომლი ცხოვრობს, რომელიც ნასაკირალში მცხოვრები, აჭარის რეგიონიდან ჩამოსახლებული ოჯახების ნათესავები თუ განაყოფები არიან.

ახლახან, ოზურგეთის საკრებულოს სხდომაზე ხმაური გამოიწვია "ნაციონალ" და "ქართული ოცნების" დეპუტატებს შორის დავამ _ დავა შეეხებოდა სხდომაზე დავით დარჩიას მიერ გაჟღერებულ ინფორმაციას იმ ადამიანებისთვის დახმარების მიცემის თაობაზე,  ვინც 2019 წელს საზღვარგარეთ იმყოფებოდა სამუშაოდ.

ასეთი პირებისთვის სამასი ლარით დახმარება "ნაციონალმა" დეპუტატებმა მოიწონეს, თუმცა, ბესო ქათამაძემ არა ერთხელ გაიმეორა, რომ მოსახლეობას უჭირს სპეციალურ პროგრამაში დარეგისტრირება, მთავრობა კი, უფრო მეტად უნდა ეხმარებოდეს მათ და ამ პროცესს ამარტივებდეს.

იმის გასაგებად, თუ რამდენად შეესაბამებოდა ეს ინფორმაცია სინამდვილეს, მოხდა თუ არა იმ პირთა სრული რეგისტრაცია, ვინც 2019 წელს უცხოეთში სამუშაოდ იმყოფებოდა, "გურია ნიუსი" ეწვია აღნიშნულ დასახლებას _ ე. წ. "დვაბზუს ნასაკირალს". ამავე დროს, ნასაკირალის ცალკეულ უბნებში მცხოვრებთა სხვა პრობლემასაც გავეცანით.

"დვაბზუს ნასაკირალში" 62 ოჯახი ცხოვრობს.

"ჩვენ მაგ პროგრამაში დარეგისტრირება არ გვიჭირს _ აქ არა ერთხელ იყვნენ მოსული დეპუტატები _ მარი ჩხიკვიშვილი და როზეტა სკამკოჩაიშვილი. ისინი სახლებში დადიოდნენ და ყველას ეხმარებოდნენ. არ მგონია, ვინმე დაურეგისტრირებელი იყოს ამ დროისთვის. მე, პირადად, არ დავდიოდი თურქეთში სამუშაოდ. თუმცა, იყვნენ წასულები ჩემი ქმარი და მამამთილი. ისინი დარეგისტრირდნენ ამ ქალბატონების დახმარებით", _ გვითხრა აქ მცხოვრებმა ლელა ზოიძემ.

"დვაბზუს ნასაკირალის" მკვიდრმა დარიკო ხარაბაძემ ჩვენთან საუბრისას განმარტა, რომ, როგორც კი გამოცხადდა რეგისტრაცია, სოფელში დვაბზუს და გაღმა დვაბზუს დეპუტატები, დედა-შვილი, მარიკა ჩხიკვიშვილი და როზეტა სკამკოჩაიშვილი გამოჩნდნენ და ხალხს დარეგისტრირებაში დაეხმარნენ.

"თავად ბესო ქათამაძეც ეხმარებოდა ხალხს დარეგისტრირებაში. ასევე, მე ორი თანაშემწე მყავს და სამივე ერთად, შეუსვენებლად ვმუშაობდით ხალხის დასარეგისტრირებლად. თუ არ გჯერათ, აგერ ხართ, გაიარეთ სოფელში, საკუთარი თვალით ნახეთ, თუ ვინმეს ჩვენ გამო რამე შეფერხება ჰქონდა. პირიქით, სოციალური სამსახურიდან დამირეკეს და მითხრეს, მაქედან ხალხი აქ არ ჩამოდის, გავიგეთ, რომ აქტიურად ეხმარებითო", _ გვითხრა ნასაკირალის ადმინისტრაციული ერთეულის წარმომადგენელმა, ოთარ ადაძემ.

"მე, პირადად, არავის დახმარება არ დამჭირვებია _ ადვილად მოვახერხე დარეგისტრირება. ვინც ვერ შეძლო, იყვნენ აქ მოსული მარი ჩხიკვიშვილი, როზეტა სკამკოჩაიშვილი და ყველას დაეხმარნენ", _ გვითხრა აქაურმა ახალგაზრდამ, ირაკლი ხარაბაძემ.

"გასულ წელს არსად ვყოფილვარ და არც დარეგისტრირება დამჭირვებია, ჩემი ოჯახის წევრები კი დარეგისტრირდნენ. არის სხვა პრობლემები. ჩვენს უბანში წყალი არ არის. არც გზა გვაქვს. დაპირება იყო და ახლაც გვპირდებიან, მაგრამ დანაპირებს არ ასრულებენ", _ გვითხრა "დვაბზუს უბნის" მცხოვრებმა ტარიელ ცეცხლაძემ.

"იცი, რას გეტყვით? გურულების საქმე სტალინმა ვერ გაარჩია და შემოდო თაროზე. რას ამბობს ქათამაძე, თვითონ იცის? _ ნახევრად ხუმრობით დაიწყო ჩვენთან საუბარი ადგილობრივმა ოთარ ირემაძემ, _ გაიარეთ სოფელში და ნახეთ, ბატონო, თუ არ გჯერათ. ორჯერ და სამჯერ მიაკითხეს მაგ ქალბატონებმა დასახმარებლად თითოეულ ოჯახს. მე არ დავდივარ თურქეთში და რად მინდოდა?! რომ დამჭირვებოდა, მეც დამეხმარებოდნენ".

ნასაკირალში მერის წარმომადგენელმა ოთარ ადაძემ უწყლობის პრობლემასთან დაკავშირებით გვითხრა, რომ ოზურგეთის მუნიციპალიტეტის მერია მალე გამოაცხადებს ტენდერს ამის თაობაზე:

"ამ პრობლემის შესახებ ჩვენ უკვე ნაფიქრი გვაქვს. მალე გამოცხადდება ტენდერი. წყლის გამოყვანა უნდა მოხდეს ნასაკირალის წყალსაქაჩიდან. კეთდება რეზერვუარი და ცოტა უნდა დავიცადოთ _ ყველაფერი ერთად არ გაკეთდება", _ გვითხრა მან.

ნასაკირალის ადმინისტრაციულ ერთეულში "ფაბრიკის ბინებად" წოდებულ სამსართულიან კორპუსებში, როგორც აქ მცხოვრებლებმა გვითხრეს, ყველგან დაზიანებულია სახურავი.

"დაზიანებას გააჩნია. აქ წვიმის დროს უნდა მოხვიდეთ - როგორც გარეთ, ისე წვიმს ოთახებშიც. სამივე კორპუსის სახურავი ერთნაირ მდგომარეობაშია. მე პირადად თავზე ჩამომექცა ჭერი და ოჯახიანად იქეთა კორპუსში გადავედი, სადაც შედარებით უკეთესი მდგომარეობაა, თუ ამას უკეთესობა ჰქვია. მარტო არჩევნების დროს მოდიან. ასე შეიძლება?! სასმელი წყალი, გაზი და შუქი კი გვაქვს. ამ მხრივ სასაყვედურო არაფერია", _ გვითხრა ერთ-ერთი კორპუსის მცხოვრებმა, მარინა ხინთიბიძემ.

70 წლის პენსიონერი ანაიდა კუსენკო: "შვილები სხვა ქალაქში ცხოვრობენ. მე მარტო ვცხოვრობ. გაჭირვებული ვარ, მაგრამ ჩემზე გაჭირვებულს ვეხმარები, როცა შემიძლია. ნათურაც არ მაქვს ოთახში, სატუსაღო გეგონება. ნახეთ, ყველა ფანჯარაზე "ფანერკაა" აჭედებული. ასე მძინავს. ხანდახან, მგონია, გავიგუდები".

ანასტასია კურიკოვა: "თუ ძალიან არ მიჭირს, არავის ვაწუხებ. ეს სახურავი თუ არ შეიცვალა, აქ გაჩერება არ შეიძლება. ჩამომპალია ჭერი _ მეზობელს თავში დაეცა ჩამოცვენილი ნამტვრევები. 3 მცირეწლოვანი შვილის დედა ვარ. ღმერთმა დაიფაროს და რომ დამენგრეს თავზე ეს ჩამომპალი ჭერი, ვინ გვიშველის?! ახლაც ღმერთი გვიფარავს", _ გვითხრა ქალბატონმა ანსტასიამ და საძინებელში შეგვიყვანა, სადაც 2 წლის პატარას დაზიანებულ ჭერქვეშ ეძინა.

ოზურგეთის მუნიციპალიტეტის მერის წარმომადგენელმა, ოთარ ადაძემ აღნიშნულ საცხოვრებელ კორპუსებთან დაკავშირებით გვითხრა, რომ არასწორია ინფორმაცია, თითქოს, არავინ მივიდა მათი პრობლემის გასაცნობად.

"იქ თავად მუნიციპალიტეტის მერი, კოტე შარაშენიძე იყო მისული. დაათვალიერა კიდეც, თუმცა, ერთ დღეში არ გადაიხურება. საკმაო სამუშაოა ჩასატარებელი. ვიცი, რომ მერიაში მეორე ეტაპისთვის ელოდებიან სახურავს და ხის მასალას და მალე დაიხურება ეს კორპუსები", _ დაგვაიმედა ადაძემ.




 ახალი ამბები
  • უნარების გამოცდის შედეგები გამოქვეყნდა _ ვინაა ყველაზე მაღალქულიანი ჩოხატაურშიგამოცდების ეროვნული ცენტრი აგრძელებს ეროვნული გამოცდების შედეგების გამოქვეყნებას. "გურია ნიუსი" იმ აბიტურიენტებს გაგაცნობთ, რომლებმაც ზოგადი უნარები ჩააბარეს და მარალი შეფასება დაიმსახურეს. ზოგად უნარებში მაქსიმალური 80 ქულიდან 70 ქულა მიიღო სამრევლო სკოლის მოსწავლე ნინი ცინცაბაძემ. მისივე კლასელებმა: ალექსანდრე წეროძემ _ 53, ქეთევან ჩხიკვაძემ _ 51, ნიკა ბედინეიშვილმა კი 46 ქულა მიიღეს. შუა ამაღლების სკოლის კურსდამთავრებულმა მანანა ანთიძემ ზოგად უნარებში 42 ქულა დაიმსახურა, 40 ქულით შეფასდა თავისივე კლასელის, დიმიტრი სიხარულიძის ნამუშევარი. პ.ს. შეგახსენებთ, რომ ეს არ არის აბიტურიენთა შედეგების სრული სია. აქ მხოლოდ იმ კურსდამთავრებულთა შედეგებია გამოქვეყნებული, რომლებიც "გურია ნიუსს" ... ...
  • მაშ ასე, მოემზადეთ _გაიცანით მაღალქულიანი აბიტურიენტები ჩოხატაურიდან!ეროვნულ გამოცდებში ისტორიის შედეგები რამდენიმე საათის წინ გამოცხადდა. "გურია ნიუსი" იმ აბიტურიენტებს გაგაცნობთ, რომლებმაც გამოცდაში მაღალი ქულები დაიმსახურეს: ჯერჯერობით, მოწოდებული ინფორმაციის მიხედვით, 57 ქულით ჩაისუბნის სკოლის კურსდამთავრებული რატი რამიშვილი ლიდერობს. დანარჩენი აბიტურიენტების ქულები ასეთია: პირველი საჯარო სკოლა: მარიამ ტიშჩენკო _ 55 ქულა; სალომე მახარაძე _ 50 ქულა; ერეკლე მამალაძე _ 50 ქულა. სამრევლო სკოლა: ცოტნე გოცაძე _ 55 ქულა; ნინი მგალობლიშვილი _ 55 ქულა; ალექსანდრე წეროძე _ 52 ქულა; ქეთი ჩხიკვაძე _ 51 ქულა;  ნიკა ბედინეიშვილი _ 50 ქულა.  შეგახსენებთ, რომ ეს არ არის აბიტურიენთა შედეგების სრული სია, აქ მხოლოდ იმ კურსდამთავრებულთა შედეგებია გამოქვეყნებული, რომლებიც "გურია ნიუსს" ... ...
  • საჯარო ინფორმაციის ხელმისაწვდომობა _ ჩოხატაურის მუნიციპალიტეტის საკრებულო დააჯილდოვდაჩოხატაურის მუნიციპალიტეტის საკრებულო 2019 წელს საჯარო ინფორმაციის ხელმისაწვდომობის უზრუნველყოფისათვის ინფორმაციის განვითარების ინსტიტუტმა (IDFI) დააჯილდოვა. მსაგვსი ჯილდო მუნიციპალიტეტის საკრებულოს 2018 წელსაც აქვს მიღებული. ინფორმაციის თავისუფლების განვითარების ინსტიტუტის (IDFI) მიერ 2019 წელს განხორცილდა საჯარო ინფორმაციის ხელმისაწვდომობის მდგომარეობის შეფასება, რომელიც მოიცავს საჯარო ინფორმაციის გაცემის ტენდენციების ანალიზს 2010-2019 წლებში და საჯარო დაწესებულებათა საჯარო ინფორმაციის ხელმისაწვდომობის რეიტინგებს.რეიტინგებში ჩოხატაურის მუნიციპალიტეტის საკრებულოს 100 % აქვს მინიჭებული. "აღნიშნული შედეგი მუნიციპალიტეტის საკრებულოს თანამშრომლების დაუღალავი შრომის შედეგია, რომლებიც მუდმივად ორიენტირებულნი არიან მოქალაქეთა საჭიროებებზე", _ ამბობს საკრებულოს თავმჯდომარე ზაალ ... ...
  • "ბაჩალიაშვილის საქმე" _ პოლიცია ZAG-ის თანამშრომლების სახლებს ჩხრეკსკომპანია ZAG-ის დირექტორის და ყველა თანამშრომლის სახლში საგამოძიებო მოქმედებები მიმდინარეობს. ჩხრეკა ყველგან ერთდროულად დაიწყო. კონრკეტულად რას ეძებენ კომპანიის თანამშრომლების ბინებში უცნობია, თუმცა დღევანდელ საგამოძიებო მოქმედებას ZAG-ის წარმომადგენლები ბაჩანა ლობჟანიძის ბრალდებებს უკავშირებენ. გრძელდება "ბაჩანას გამოძიება" ... ყველანაირი ინფორმაცია კომპანიას და კომპანიის თანამშრომლებს მიწოდებული აქვთ. ბაჩანას მითითებებით და ბაჩანას აზრებით ჩატარებული საგამოძიებო მოქმედებებით რისი მიღწევა უნდათ არ ვიცი. მაქვს კითხვა საგამოძბებო ორგანოებთან, ჩატარდა თუ არა თვითონ ბაჩანა ლობჟანიძის სახლში ჩხრეკა - ამბობს კომპანიის ადვოკატი, რომელიც სახლებში, ჩხრეკის საჭიროებას ვერ ხედავს. კომპანიის დირექტორის სახლში უკვე დასრულდა საგამოძიებო მოქმედებები. ბინიდან პოლიციამ ტექნიკა და კომპიუტერები ამოიღო. კომპანიის იურისტის, მამუკა ჭაბაშვილის ინფორმაციით, გამოძიებამ მათ 1 აგვისტოთი დათარიღებული ჩხრეკის ოქმი წარადგინა, რაც მასში ეჭვს იწვევს, რატომ დასჭირდა 1 კვირა გამოძიებას ჩხრეკის ჩასატარებლად, თუ ფიქრობდნენ, რომ ბინებში საქმისთვის მნიშვნელოვან ფაქტს იპოვიდნენ. პარალელურად კი გარდაცვლილი თამარ ბაჩალიაშვილის მშობლები დღეს ისევ შსს-ში დაიბარეს. ოჯახს გამოძიების მასალები უნდა გააცნონ. ოჯახის ადვოკატის ინფორმაციით, მათ თანხებისა და ტრანზაქციების ისტორიები აინტერესებთ.  წყარო: ... ...
  • ვის ეკუთვნის “პარვუს ჯგუფი”, რომელიც ოზურგეთში ინტერნეტის ინფრასტრუქტურას მოაწყობსსაქართველოს საყოველთაო ინტერნეტიზაციის საპილოტე პროექტი გურიიდან იწყება. პროექტი განხორციელდება ოზურგეთის მუნიციპალიტეტის ტერიტორიაზე, სადაც ფართოზოლოვანი ინტერნეტისთვის საჭირო ინფრასტრუქტურა მოეწყობა 49 სოფლისთვის. პროექტს კომპანია “პარვუს ჯგუფი” განახორციელებს, რომელთანაც საქართველოს მთავრობამ 10-მილიონიანი ხელშეკრულება უტენდეროდ გააფორმა.კომპანია “პარვუს ჯგუფი” 2019 წლის მარტშია შექმნილი და მისი დირექტორი და 50%-იანი წილის მფლობელი საქართველოს სახელმწიფო ელექტროსისტემის ყოფილი ხელმძღვანელი სულხან ზუმბურიძეა. ზუმბურიძემ სახელმწიფო კომპანია, რომელიც წლების განმავლობაში ზარალიანი სახელმწიფო უწყება იყო, 2018 წელს დატოვა. სახელმწიფო აუდიტის სამსახურის მიერ მომზადებული შესაბამისობის ანგარიშის მიხედვით, 2014-2017 წლებში კომპანიამ 76,708,726 ლარის ზარალი განიცადა, თუმცა “აღნიშნულ პერიოდში, მისი ადმინისტრაციული ხარჯები ხშირად არაგონივრული იყო”. კომპანიაში დარჩენილი 50%-იანი წილი ეკუთვნის მამუკა პაპუაშვილს, რომელიც ასევე წლების განმავლობაში მუშაობდა ამავე სახელმწიფო კომპანიაში, ტექნიკური დირექტორის თანამდებობაზე.კომპანიის ოფიციალურ ფეისბუკ გვერდზე ვკითხულობთ, რომ ,,პარვუს ჯგუფის“ მისიაა ხელი შეუწყოს საქართველოში ელექტროენერგეტიკული სექტორის განვითარებას; განახორციელოს განახლებადი ენერგიის წყაროებზე მომუშავე ჰიდრო, ქარის და მზის ელექტროსადგურების მშენებლობა. ასევე, გაწიოს ელექტროენერგეტიკის სექტორში საკონსულტაციო მომსახურება.რატომ შეარჩია ეკონომიკის სამინისტრომ საყოველთაო ინტერნეტიზაციის განხორციელებისთვის “პარვუს ჯგუფი”?ეკონომიკის სამინისტრო აღნიშნავს, რომ საყოველთაო ინტერნეტიზაციის სახელმწიფო პროგრამის ფარგლებში, ოზურგეთის სამიზნე გეოგრაფიულ არეალში ფართოზოლოვანი ინფრასტრუქტურის პროექტირება-მშენებლობის განსახორციელებლად „ოუფენ ნეტმა“ ბაზრის/ფასთა კვლევა მიმდინარე წლის 9 მარტიდან გამოაცხადა, რომლის საფუძველზეც საუკეთესო წინადადების მქონე კომპანია - შპს „პარვუს ჯგუფი“ შეირჩა. აქვე აღნიშნულია, რომ კომპანიას განხორციელებული აქვს არაერთი მასშტაბური სახელმწიფო და კერძო პროექტი.სანამ მთავრობა ამ გადაწყვეტილებას მიირებდა, 10-მილიონიანი ხელშეკრულების უტენდეროდ გაფორმებისთვის “ოუფენ ნეტმა” საქართველოს მთავრობასა და სახელმწიფო შესყიდვების სააგენტოს მიმართა. განაცხადში აღნიშნული იყო, რომ ძირითადი ინფრასტრუქტურის გაყვანა დეკემბრამდე უნდა დასრულებულიყო, რის გამოც შემსყიდველი უწყებებისგან ხელშეკრულების გაფორმების ნებართვას უტენდეროდ ითხოვდა.“წინასწარი დაგეგმვა შეუძლებელი იყო იქიდან გამომდინარე, რომ საქართველოს მთავრობის ზემოაღნიშნულ დადგენილების საფუძველზე, საპილოტე რეგიონი, შესაბამისი კომისიის მიერ განისაზღვრა 2020 წლის 9 მარტს, რის შემდეგაც ოუფენ ნეტმა დაუყოვნებლივ დაიწყო ბაზრის კვლევა პოტენციური მიმწოდებლებისა და პროექტირება-მშენებლობის ფასის დადგენის მიზნით (სულ გაეგზავნა 5 კომპანიას). აღნიშნულ ბაზრის კვლევაში მონაწილეობა არცერთ კომპანიას არ მიუღია. აქედან გამომდინარე ოუფენ ნეტმა გაზარდა მიმწოდებლების რაოდენობა (17 კომპანია) და 8 აპრილს გამოცხადდა ხელახალი ბაზრის კვლევა. COVID-19-თან დაკავშირებული პანდემიისა და ქვეყანაში შექმნილი საგანგებო მდგომარეობის გამო, მიმწოდებლების მოთხოვნის საფუძველზე საჭირო გახდა ბაზრის კვლევის ფარგლებში წინადადებების წარმოდგენისათვის განსაზღვრული ვადის (23.04.2020) გაგრძელება 06 მაისამდე. შედეგად გამოვლინდა 2 პოტენციური მიმწოდებელი. აღნიშნულ მიმწოდებლებს შორის საუკეთესო წინადადების გამოვლენის მიზნით, ოუფენ ნეტმა დამატებით ჩაატარა ბაზრის კვლევა, რომელიც დასრულდა 18 მაისს,”- ნათქვამი იყო სახელმწიფოს კუთვნილი ა(ა)იპ-ის “ოუფენ ნეტის” განცხადში.საყოველთაო ინტერნეტიზაციასაქართველოში ინტერნეტიზაციის პროექტზე საუბარი, ხუთ წელზე მეტია მიმდინარეობს, თუმცა მისი აქტიური განხორციელება მხოლოდ ახლა იწყება. პროექტისთვის მთავრობამ “ინოვაციებისა და ტექნოლოგიების სააგენტოს” ბაზაზე სპეციალური იურიდიული პირი - "Open Net-ი” 2015 წლის 21 ივლისს დააფუძნა.2020 წლის იანვარში მთავრობამ ფართოზოლოვანი ინტერნეტ ინფრასტრუქტურის განვითარების ახალი სტრატეგია დაამტკიცა. მის თანახმად, მთავრობა დააფინანსებს ინტერნეტ ინფრასტრუქტურის გაყვანას იქ, სადაც კერძო სექტორს ამის ინტერესი ნაკლებად აქვს.ეკონომიკის სამინისტროს გეგმით, 2025 წლისთვის შინამეურნეობების 100%-ს უნდა ჰქონდეს 100 მეგაბიტ წამის ინტერნეტთან წვდომა, ხოლო ბიზნესებს - 1 გიგაბიტ წამის სიჩქარის ინტერნეტთან. თავდაპირველად, ინტერნეტიზაციის პროექტის დამფინანსებლად ბიძინა ივანიშვილის საქველმოქმედო ფონდი “ქართუ” დასახელდა. ამის შესახებ განცხადება 2016 წელს მაშინდელმა პრემიერ-მინისტრმა გიორგი კვირიკაშვილმა მთავრობის სხდომაზე განაცხადა, რომ “ქართუ” ინტერნეტიზაციაში $100 მილიონ დოლარს დახარჯავდა. დღეს მთავრობა ამ პროექტის დაფინანსების ერთ-ერთ შესაძლო წყაროდ მსოფლიო ბანკს განიხილავს. ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ ყველაზე, ყველაზე...

იცი თუ არა გეოგრაფია

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...