უხარისხოდ შესრულებული მშენებლობა, რომელიც ლანჩხუთის ხელისუფლებისთვის "არაფერი ისეთი არაა"

gurianews.com

მთავარი თემა

უხარისხოდ შესრულებული მშენებლობა, რომელიც ლანჩხუთის ხელისუფლებისთვის "არაფერი ისეთი არაა"

2018 მარ 8 10:38:43

2015 წლის 2 ივნისს, ლანჩხუთის მუნიციპალიტეტის გამგეობამ, გრიგოლეთის საწვრთნელი ბაზის რეაბილიტაციაზე ტენდერი გამოაცხადა. შესყიდვის სავარაუდო ღირებულება 412 810 ლარი იყო.

ტენდერში ოთხმა კომპანიამ მიიღო მონაწილეობა და ყველაზე დაბალი ფასით _ 358 887 ლარი, შპს "გილმარი 2"-მა გაიმარჯვა.

ლანჩხუთის მუნიციპალიტეტის იმდროინდელმა გამგებელმა ზაზა ურუშაძემ კომპანიის ხელმძღვანელთან, გურამ კარტოზიასთან ხელშეკრულება 2015 წლის 22 ივნისს გააფორმა.

ხელშეკრულების თანახმად, ბაზის რეაბილიტაცია 2015 წლის 12 ოქტომბერს უნდა დასრულებულიყო, თუმცა, როგორც ირკვევა, მასში ცვლილება ორჯერ შეიტანეს, პროექტში კორექტირებაც მოხდა და საბოლოოდ, 7 დეკემბერს ჩაიბარეს.

თუმცა, მიღება-ჩაბარების დოკუმენტის გაფორმებიდან ოთხ თვეში იმდენი ხარვეზი გამოვლინდა, რომ ეს საკითხი სახელმწიფო აუდიტის დასკვნაშიც მოხვდა:

"ხელშეკრულების მიხედვით, სამუშაოების ზედამხედველი ვალდებულია, შესრულებული სამუშაოების მოცულობისა და ხარისხის შემოწმება განახორციელოს მშენებლობის ყველა ეტაპზე.

ამასთანავე, მიმწოდებელს ევალებოდა შესრულებული სამუშაოების ექსპერტიზის დადებითი დასკვნის წარმოდგენა.

ექსპერტიზის დასკვნით, დადასტურებულია სამუშაოთა მოცულობები,  ხოლო ხარისხი შესწავლილი არ არის.  შესაბამისად, ზედამხედველსა და ექსპერტიზას არ შეუმოწმებია შესრულებული სამუშაოების ხარისხი.

2017 წლის 28 ივნისს, აუდიტის ჯგუფმა, გამგეობის წარმომადგენლებთან ერთად, ობიექტის ადგილი დაათვალიერა, რის შედეგადაც გამოვლინდა, რომ შპს "გილმარი 2" ის" მიერ შესრულებული სამუშაოები უხარისხოა. კერძოდ, დაზიანებულია ფასადი, კედლები, იატაკი, ჭერი.

აღსანიშნავია, რომ ხელშეკრულების პირობების შესაბამისად, ობიექტის საგარანტიო ვადა შეადგენს სამუშაოს მიღებიდან მე-5 წელს, რომლის განმავლობაშიც მიმწოდებელი ვალდებულია საკუთარი ხარჯებით აღმოფხვრას ექსპლოატაციის პროცესში წარმოქმნილი ხარვეზები.

პასუხისმგებელი პირის განმარტებით, სამშენებლო სამუშაოები საბოლოო მიღება-ჩაბარებიდან ოთხ თვეში დაზიანდა. აუდიტის ჯგუფის მიერ საკითხით დაინტერესების შემდგომ, ხარვეზების გამოსწორების მიზნით, მუნიციპალიტეტმა ორჯერ

მიმართა მიმწოდებელს, რომელმაც სამუშაოები მხოლოდ ნაწილობრივ გამოასწორა.

მიუხედავად იმისა, რომ შემსრულებელს სრულად არ განუხორციელებია არსებული დაზიანებების აღმოფხვრა,  მუნიციპალიტეტის შესაბამის პასუხისმგებელ პირებს შემდგომი სამართლებრივი ღონისძიებები არ გაუტარებიათ, შენობის ექსპლოატაციის პროცესში წარმოქმნილი დაზიანებების გამოსწორების მიზნით.

შედეგად, მუნიციპალიტეტის მიერ გადახდილია 354.3 ათასი ლარი ისეთ სამუშაოებში, რომელიც დაზიანებულია და

საჭიროებს დამატებითი სამუშაოების შესრულებას", _ ვკითხულობთ დასკვნაში, რომელიც ამ დრომდე არ შესულა პროკურატურაში და პასუხი უხარისხოდ შესრულებული სამუშაოს გამო არავის უგია.

უფრო მეტიც, ლანჩხუთის მუნიციპალიტეტის ბიუჯეტიდან, მიმდინარე წლის დასაწყისში, ბაზაზე არსებული ხარვეზების გამოსასწორებლად 20 000 ლარი გამოყვეს:

_ ყველაფერი მშენებლის ბრალი არ არის. იქ დაზიანებულია ონკანები, უნიტაზები და სწორედ ასეთი ტიპის სამუშაოებისთვის გამოიყო 20 000 ლარი, _ ამბობს ლანჩხუთის მუნიციპალიტეტის მერი ალექსანდრე სარიშვილი.

მისივე თქმით, "გილმარი 2"-ის ხელმძღვანელობასთან კომუნიკაცია უკვე შედგა და ის ხარვეზებიც გამოსწორდება, რომლებიც კომპანიის ბრალია.

ლანჩხუთის მერს არ აქვს პასუხი კითხვაზე, რატომ არ მოხდა ამ ხნის განმავლობაში კომპანიის ხელმძღვანელობასთან დაკავშირება და რატომ არ ითხოვენ პასუხს უხარისხოდ შესრულებული სამუშაოს გამო:

_ ორჯერ გავაგზავნეთ წერილი კომპანიაში და უკან დაბრუნდა. როგორც ჩანს, მისამართი შეუცვალეს. თუმცა, რამდენიმე დღის წინ კომუნიკაცია შედგა, კომპანიის ხელმძღვანელობა იყო ჩამოსული და ყველა ხარვეზი გამოსწორდება, _ აღნიშნა ჩვენთან საუბრისას სარიშვილმა.

მისივე თქმით, ბიუჯეტიდან გამოყოფილი 20 000 ლარის ხარჯვა ბაზაზე მას შემდეგ დაიწყება, რაც ახალშექმნილი კომისია კონკრეტული პირების ბრალეულობას დაადგენს და გამოარკვევს, ვინ რა გააფუჭა ახალგარემონტებულ ბაზაზე.

_ პასუხს აგებს ყველა, ვინც დანაშაული ჩაიდინა, _ გვითხრა სარიშვილმა.

_ ბატონო ალეკო, როცა ბაზა გარემონტა და ჩაბარდა, საკრებულოს დეპუტატი იყავით და საფინანსო-საბიუჯეტო კომისიას ხელმძღვანელობდით, იმდროინდელი გამგეობის მუშაობის ზედამხედველობა თქვენი მოვალეობა იყო და არ გრძნობთ პასუხისმგებლობას?

_ მე, როგორც კი გავიგე ამის შესახებ, რეაგირება მოვახდინე. ყველა აგებს პასუხს. მერწმუნეთ, რეაგირების გარეშე ეს საკითხი არ დარჩება, _ ამბობს სარიშვილი, რომლის თანამშრომლებად ის პირები დღესაც მუშაობენ, რომლებიც მიღება-ჩაბარების დოკუმენტს ხელს აწერენ.

ლანჩხუთის მერი ირწმუნება, რომ ეს ხელისშემშლელი ფაქტორი არ იქნება, თუმცა, გაურკვეველი რჩება, რატომ არ იწვევს აკრედიტებულ ექსპერტებს ზიანის შესაფასებლად და რატომ არ უგზავნის საქმეს პროკურატურას.

აღსანიშნავია, "გილმარი 2"-ს წარმომადგენლები საკუთარ დანაშაულს უარყოფენ _ პირმა, რომელმაც კომპანიის ხელმძღვანელის, გურამ კარტოზიას ტელეფონის ნომერზე გვიპასუხა და მის ძმად _ ზაზად გაგვეცნო, აღნიშნა, რომ დაზიანებები მათი ბრალი არაა და ობიექტი იმ პირებმა გააფუჭეს, რომლებიც იქ ცხოვრობდნენ:

_ გურამი იყო ჩასული, ყველაფერზე შეუთანხმდა მერს და საკრებულოს. ჩვენი კომპანიის გასაკეთებელი არაფერია. იქ ვინც ცხოვრობდა, იმათ მოთხოვეთ პასუხი _ ყველაფერი დააზიანეს, გააფუჭეს. ადამიანები კი არა, ველურები იყვნენ და კიდევ ჩვენ გვთხოვთ პასუხს? არაფერი ჩვენი ბრალი არაა. სახურავიდან რომ წყალი ჩამოვიდა, არც ესაა ჩვენი ბრალი _ ხე დაეცა შენობას და იმიტომ გაფუჭდა. ბათქაშიც უყურადღებობის და მოუვლელობის გამო ჩამოვარდა. ჩვენ რა შუაში ვართ? საერთოდ, რა უფლება გაქვთ ჟურნალისტებს, ამაში რომ იხედებით?! ან რა უფლებით ნახულობთ ხელშეკრულებას?! ჩვენ ყველაფერზე მოვილაპარაკეთ საკრებულოს თავმჯდომარესთან. ისინი იყიდიან მასალებს და გურამი მხოლოდ და მხოლოდ ხათრის გამო გამოაგზავნის მუშას და გააკეთებს, _ გაღიზიანება არ დაუმალავს რესპონდენტს, რომელიც, როგორც აღვნიშნეთ, მშენებელი კომპანიის ხელმძღვანელის ძმად გაგვეცნო.

ლანჩხუთის მუნიციპალიტეტის საკრებულოს თავმჯდომარე ბესიკ ტაბიძე შეთანხმებას, რომლის შესახებაც კარტოზიამ გვითხრა, ადასტურებს:

_ მე ვიყავი ბაზაზე და ვერაფერი ისეთი ვერ ვნახე. საერთოდ, რა შუაშია ეს კომპანია? ძირითადად, ონკანები და უნიტაზებია გაფუჭებული, _ აღნიშნა ჩვენთან საუბრისას საკრებულოს თავმჯდომარემ.

_ ბატონო ბესიკ, სახურავიდან რომ წყალი ჩამოდის, ეს ფეხბურთელების ბრალია?

_ ეგ არაფერი ისეთი არაა.

_ სახელმწიფო აუდიტის დასკვნა წაკითხული გაქვთ? იცით, რა წერია იქ ბაზასთან დაკავშირებით?

_ კი, ვიცი, მაგრამ არაფერი ისეთი. მართლა ვერ ვხედავ ამ კომპანიის ბრალეულობას. პირიქით, მათ კეთილი ნება გამოიჩინეს და მუშახელით დაგვეხმარებიან, _ გვითხრა ტაბიძემ, რასაც არ ეთანხმება ოპოზიცია.

ლანჩხუთის მუნიციპალიტეტის საკრებულოს წევრის, კახა ასკურავას თქმით, ბაზაზე სამუშაოები თავის დროზე უხარისხოდ შესრულდა:

"მაშინ, როცა ბაზის შესარემონტებლად 20 000 ლარი გამოიყო ბიუჯეტიდან, კატეგორიული წინააღმდეგობა გავწიე და ხმაც არ მიმიცია. განცხადებაც გავაკეთე საკრებულოს სხდომაზე და იქვე მოვუწოდე სარიშვილს, რომ კომპანიისთვის მოეთხოვა ხელშეკრულებით ნაკისრი ვალდებულებების შესრულება.

თუ ეს კომპანია მის ვალდებულებებს არ ასრულებს, პროკურატურას უნდა მიმართონ. წინააღმდეგ შემთხვევაში, უკვე ახალი მერიის მხრიდან ამ თანხის ხარჯვა არამიზნობრივი ხარჯი გამოდის, რაზეც შემდგომში მოუწევთ პასუხისმგებლობის აღება. ისე, ისიც უნდა ითქვას, რომ შენობა იმდენად დაზიანებულია, რომ 20 000 ლარი არაფერში ეყოფა. კატასტროფული მდგომარეობაა, რადგან თავის დროზე სამუშაოები ძალიან უხარისხოდაა შესრულებული, მაგრამ პასუხის მომთხოვნი არავინაა. მოქმედი ძველისკენ იშვერს ხელს _ თითქოს მე ვიყავი მაშინ ადგილობრივ ხელისუფლებაში მაღალ თანამდებობაზე", _ გვითხრა ასკურავამ, რომლის თქმით, შენობაში არსებული მდგომარეობის ფეხბურთელებისთვის დაბრალება "თავის მართლების უსინდისო მეთოდია".

ასკურავას მსგავსად, პრობლემების ფეხბურთელებისთვის დაბრალებას არასწორად აფასებს საფეხბურთო ბაზის დარაჯი ამირან პატარია.

_ თუ უნდათ დააბრალონ ფეხბურთელებს, მაგრამ მათი ბრალი რაა _ უხარისხო ონკანები და "დუშები"? ორ თვეში ააშენეს ეს შენობა. სად გინახავთ ორ თვეში ნორმალურად დასრულებული სამუშაო?! 20 წელია აქ ვარ, ბევრი მთავრობა გამოვიცვალე და ბევრი რამ მინახავს. არც პროექტი ვარგა, არც აქ არსებულ რეალობაზეა მორგებული. ფანჯრებიც არ იღება და ნესტი ყველაფერს აფუჭებს.  გარე კედლები  რომ დაბზარულია, რატომაა ფეხბურთელის ბრალი. მივიდა და ფეხი ურტყა? სირცხვილია ამის თქმა. რა უნდათ ამ ფეხბურთელებთან?! ეს ხელოსნების ბრალია, მასალის ბრალია. ეტყობა, მიაკლდათ მასალა და არავინ მიაქცია ყურადღება, თორემ ასე მალე როგორ უნდა დაბზარულიყო კედლები? ან კიდევ, სახურავზე რომ "ტყეა" ამოსული, ეს ფეხბურთელის ბრალია? ყველას ვეჩხუბები ამის გამო. უხარისხოდ გაკეთებული, მოუვლელია ყველაფერი და არც არავინ კითხულობს ამბავს, _  ამბობს ჩვენთან საუბრისას ამირან პატარაია.

მისივე თქმით, მიუხედავად იმისა, რომ შენობაში ხარვეზები აშენებიდან რამდენიმე თვეში გამოვლინდა, მშენებელი კომპანიის წარმომადგენლები ამ დრომდე გრიგოლეთში არ ჩასულან:

_ ახლახან მოვიდნენ, მანამდე თვალიც არ მომიკრავს არავისთვის. დღიან-ღამიანად აქ ვარ. სახლიც მე არ მაქვს სხვა და კარი. აქვე, ეზოში ვცხოვრობ, აქაურობას ერთი წუთითაც ვერ ვტოვებ. ყველა ვიცი, ვინც აქ მოდის და მიდის, _ აღნიშნავს ბაზის დარაჯი, რომლის ინფორმაციით, წელიწადზე მეტია მისთვის ხელფასიც კი არ გადაუხდიათ:

_ შუქიც კი არ მაქვს. იმ ხუხულაში, სადაც ღამეს ვათევ, თვეებია სანთელი მინთია. ნისიად მომაქვს მაღაზიიდან იმ იმედით, რომ კუთვნილ ხელფასს როდესმე ავიღებ, _ გვითხრა პატარაიამ.

არადა, ლანჩხუთის მერიის პრესსამსახურის ინფორმაციით,  ბაზის ჩაბარების შემდეგ, მუნიციპალიტეტის ბიუჯეტიდან კომუნალურ გადასახადებზე 25 000 ლარამდე დაიხარჯა. ამ უხარისხო შენობის დაცვა და ადმინისტრირება კი ლანჩხუთელებს ორ წელიწადში 18 000 ლარზე მეტი დაუჯდა. თუმცა, როგორც ზემოთ აღვნიშნეთ, წელიწადზე მეტია დარაჯისთვის ხელფასიც არ მიუციათ.

აღსანიშნავია, რომ ამ ფაქტის შესახებ ინფორმაციას არ ფლობენ ინფრასტრუქტურის სამინისტროში _ მინისტრის მოადგილე, კახა გულედანი მიმდინარე მოვლენების საქმის კურსში "გურია ნიუსმა" ჩააყენა და როგორც გულედანმა აღნიშნა, საკითხს დეტალურად შეისწავლიან.


ნახვა: 400


 ახალი ამბები
  • ოზურგეთის საკრებულოს პასუხი "ნაციონალურ მოძრაობას" _ რა მისწერა მოშიმშილე დეპუტატებს დარჩიასოზურგეთის მუნიციპალიტეტის საკრებულო "ნაციონალური მოძრაობის" მოთხოვნის შესრულებას არ აპირებს და რიგგარეშე სხდომას არ ნიშნავს. ამის შესახებ დავით დარჩიას წერილშია აღნიშნული: "თქვენი 2018 წლის 18 ივნისის #251 წერილის პასუხად, რომლითაც მოთხოვნილია მიმდინარე წლის 21 ივნისს საკრებულოს რიგგარეშე სხდომის მოწვევა, ოზურგეთის მუნიციპალიტეტის საკრებულოს "ოზურგეთის მუნიციპალიტეტის საკრებულოს რეგლამენტის დამტკიცების შესახებ" 2017 წლის 27 ნოემბრის #1 დადგენილების თანდართული რეგლამენტის 51-ე მუხლის მე-3 პუნქტის თანახმად გაცნობებთ და განგიმარტავთ შემდეგს: 1. წერილში ჩამოთვლილი გყავთ საკრებულოს წევრ ბესიკ ქათამაძეზე "დანაშაულებრივ თავდასხმაში მონაწილე" პირები. ასევე, "თავდასხმის" ადგილზე მყოფი პირები, მათ შორის, ოზურგეთის მუნიციპალიტეტის საკრებულოს სამანდატო, საპროცედურო, იურიდიულ საკითხთა და ეთიკის კომისიის თავმჯდომარე, რომელზეც აპელირებთ, რომ "მისი სამსახურებრივი და პოლიტიკური პასუხისმგებლობიდან გამომდინარე, უნდა შეესწავლა მომხდარი ინციდენტი და განეხორციელებინა კანონით მათზე დაკისრებული ვალდებულება". თქვენთვის ცნობილია, რომ წერილში მოყვანილ ფაქტთან დაკავშირებით სამართალდამცავი ორგანოები ახორციელებენ საგამოძიებო მოქმედებებს, რისი დასრულების, შესაბამისი სამართლებრივი შეფასებებისა და საფუძვლების არსებობის შემთხვევაში კომისია იმოქმედებს ოზურგეთის მუნიციპალიტეტის საკრებულოს "ოზურგეთის მუნიციპალიტეტის საკრებულოს სამანდატო, საპროცედურო, იურიდიულ საკითხთა და ეთიკის კომისიის დებულების დამტკიცების შესახებ" 2017 წლის 14 დეკემბრის #12 დადგენილების თანდართული დებულების მე-2 მუხლის 1-ლი პუნქტის "ბ" ქვეპუნტით გასაზღვრული უფლებამოსილების ფარგლებში. 2. წერილში აღნიშნული გაქვთ, რომ "ისეთ პირობებში, როდესაც საკრებულოს თავმჯდომარის და ეთიკის კომისიის თავმჯდომარის მხრიდან ხორციელდება მომხდარი ფაქტის სრული იგნორირება, მოგმართავთ ფრაქცია "ერთიანი ნაციონალური მოძრაობის" სახელით და ვითხოვთ _ უმოკლეს ვადაში დაინიშნოს ოზურგეთის მუნიციპალიტეტის საკრებულოს სხდომა, შემდეგი დღის წესრიგით: 1. ოზურგეთის მუნიციპალიტეტის საკრებულოს საფინანსო-საბიუჯეტო კომისიის თავმჯდომარის გიორგი ჩაგანავასათვის უფლებამოსილების შეწყვეტა და ახალი თავმჯდომარის არჩევა; 2. ოზურგეთის მუნიციპალიტეტის საკრებულოს სამანდატო, საპროცედურო, იურიდიულ საკითხთა და ეთიკის კომისიის თავმჯდომარისათვის ეროდი გორდელაძისათვის უფლებამოსილების შეწყვეტა და ახლი თავმჯდომარის არჩევა; 3. ოზურგეთის მუნიციპალიტეტის საკრებულოს აგრარულ საკითხთა, ქონების მართვისა და ბუნებრივი რესურსების საკითხების კომისიის თავმჯდომარისათვის გოჩა კილაძისათვის უფლებამოსილების შეწყვეტა და ახალი თავმჯდომარის არჩევა." განვმარტავთ, რომ საქართველოს ორგანული კანონის "ადგილობრივი თვითმმართველობის კოდექსი"-ს 43-ე მუხლის 1-ლი ნაწილის შესაბამისად: "მუნიციპალიტეტის საკრებულოს წევრს უფლებამოსილება ვადამდე შეუწყდება, თუ: ა) უფლებამოსილება პირადი განცხადებით მოიხსნა; ბ) მის მიმართ კანონიერ ძალაში შევიდა საბოლოო ინსტანციის სასამართლოს გამამტყუნებელი განაჩენი ან გავიდა კანონიერ ძალაში შესული სასამართლოს გამამტყუნებელი განაჩენის ზემდგომი ინსტანციის სასამართლოში გასაჩივრების ვადა; გ) სასამართლომ უგზო-უკვლოდ დაკარგულად აღიარა, გარდაცვლილად გამოაცხადა ან მხარდაჭერის მიმღებად ცნო, თუ სასამართლოს გადაწყვეტილებით სხვა რამ არ არის განსაზღვრული; (20.03.2015. #3401 ამოქმედდეს 2015 წლის 1 აპრილიდან); დ) შეუწყდა საქართველოს მოქალაქეობა; ე) არასაპატიო მიზეზით ზედიზედ 6 თვის განმავლობაში არ მონაწილეობდა მუნიციპალიტეტის საკრებულოს მუშაობაში; ვ) დაიკავა ამ კანონის 42-ე მუხლით გათვალისწინებული მუნიციპალიტეტის საკრებულოს წევრის სტატუსთან შეუთავსებელი თანამდებობა; ზ) გარდაიცვალა." გაცნობებთ, რომ დღეის მდგომარეობით ოზურგეთის მუნიციპალიტეტის საკრებულოს აპარატში რეგისტრირებული არ არის რაიმე სახის დოკუმენტი, შესაბამისი წერილი ან/და მომართვა, რის შესაბამისადაც საკრებულოს სამანდატო, საპროცედურო, იურიდიულ საკითხთა და ეთიკის კომისია დაიწყებდა წერილში აღნიშნული პირებისათვის უფლებამოსილების შეწყვეტის პროცედურებს, ზემოაღნიშნული ჩამონათვალისაგან ერთ-ერთი სამართლებრივი საფუძვლით. 3. მიგვაჩნია, რომ მოთხოვნა პარალელურად არაკონსტიტუციურიცაა, ვინაიდან საქართველოს კონსტიტუციის მე-40 მუხლის პირველი პუნქტის მიხედვით "ადამიანი უდანაშაულოდ ითვლება, ვიდრე მისი დამნაშავეობა არ დამტკიცდება კანონით დადგენილი წესით და კანონიერ ძალაში შესული სასამართლოს გამამტყუნებელი განაჩენით." 4. აღსანიშნავია, რომ წერილის პირველ აბზაცში მოყვანილი თარიღი აცდენილია რეალობას. ამასთან, ბუნდოვანი და გაურკვეველია წერილის ბოლო აბზაცში მითითებული საკრებულოს რიგგარეშე სხდომის მოწვევის სამართლებრივი საფუძველი "(ოზურგეთის მუნიციპალიტეტის რეგლამენტის პირველი ნაწილის "დ" პუქნტი)." ყოველივე ზემოაღნიშნულიდან გამომდინარე, ნათელია, რომ წინამდებარე წერილი (წინადადება) არ შეიცავს რიგგარეშე სხდომის მოწვევის აუცილებლობის დასაბუთების სამართლებრივ საფუძვლებს."_ წერს დარჩია. შეგახსენებთ რომ "ნაციონალური მოძრაობა" რიგგარეშე სხდომის დანიშვნას ითხოვს და მეოთხე დღეა, ამის გამო საკრებულოს მისაღებში დეპუტატები ... ...
  • შესაძლოა, წულუკიანი ოპოზიციაში წავიდეს _ მინისტრის მინიშნება თუ მუქარაიუსტიციის მინისტრმა, თეა წულუკიანმა დროებითი მთავრობის დამტკიცებამდე ერთი დღით ადრე,  ჟურნალისტებთან ურთიერთსაწინააღმდეგო განცხადება გააკეთა. კერძოდ, მინისტრმა აღნიშნა, რომ იმ შემთხვევაში, თუ თანამდებობას დატოვებს ,,ქართული ოცნების“ მხარდამჭერად დარჩება, თუმცა, პარალელურად, მიანიშნებს, რომ პოსტის დატოვების შემთხვევაში, ქვეყანა მისი სახით ძლიერ ოპოზიციურ ძალას შეიძენს: ,,ნურავის ექნება ილუზია _ ვიქნები „ქართული ოცნების“ გუნდის მხარდამჭერი, ვიქნები შიგნით თუ ვიქნები გარეთ. ამიტომ, ოპონენტებისთვის ჩემი შიგნით თუ გარეთ ყოფნით არაფერი იცვლება, პირიქით, გარეთ უფრო თავისუფალი, მოქმედი პირი ვიქნები, უფრო ძლიერი, რადგან სტატუსი არ მექნება და კიდევ უფრო შემტევი, იმიტომ, რომ მე ვფიქრობ, ამ ქვეყანას უფრო სერიოზული და ძლიერი ოპოზიცია სჭირდება”,_თქვა წულუკიანმა. წულუკიანის სიტყვები პოლიტოლოგმა, სოსო ცინცაძემ ,,გურია ნიუსთან“ მუქარის შემცველ განცხადებად შეაფასა. მისი თქმით, იუსტიციის მინისტრის განცხადება ორაზროვანია და კითხვის ნიშნებს აჩენს. ამასთან, ცინცაძის განცხადებით, იუსტიციის მინისტრი, ერთ შემთხვევაში, შენიღბულად ემუქრებოდა გუნდის წევრებს, რომ ოპოზიციაში გადაინაცვლებს და ყველაფერს იტყვის, მეორე შემთხვევაში, კი აცხადებს, რომ ,,ქართული ოცნებისთვის“ მოკვდება. ,,იუსტიციის მინისტრმა თქვა, მე თუ მომხსნიან თანამდებობიდან, თავისუფალი ვიქნები და განცხადებებს ღიად გავაკეთებო, პარალელურად ამბობდა, რომ ხელისუფლების მომხრეა. როგორც ჩანს, რეალობის რელსებს არის აცდენილი. ერთი მხრივ, ამბობს, რასაც მინდა იმას ვიტყვიო და მეორე მხრივ, კი ,,ქართული ოცნების“ მომხრედ მოვკვდებიო. ერთი ხელით, შენიღბულად იმუქრებოდა, მეორეთი კი ამბობდა, ჩემნაირი ერთგული ,,ქართულ ოცნებაში“ არავინ გეყოლებათო“,_თქვა ცინცაძემ. განსხვავებულად ფიქრობს კონსტიტუციონალისტი და პოლიტიკის ექსპერტი ვახტანგ ძაბირაძე. ძაბირაძის თქმით, წულუკიანი ოპოზიციასთან დაკავშირებით საეჭვოდ საუბრობს, თუმცა, მისი თქმით, წულუკიანი მომავალში ,,ქართული ოცნების“ გულშემატკივრად დარჩება. ,,ყურს ნამდვილად ცუდად ხვდება  წულუკიანის განცხადება ოპოზიციასთან დაკავშირებით, მაგრამ, როცა ამბობს, რომ ამ ქვეყანას სჭირდება ძლიერი ოპოზიცია, არ ნიშნავს იმას, რომ ოპოზიციაში წასვლაზე ფიქრობს. მანამდე ამბობს ,,ქართულ ოცნებაში“ ვრჩებიო, ამიტომ აქ ლოგიკა არ არის“,_ გვითხრა ძაბირაძემ. ამ დრომდე, იუსტიციის მინისტრის გადადგომას სამოქალაქო სექტორისა და ოპოზიციის ნაწილი ითხოვს, რადგან, მათი თქმით, მართლმსაჯულების სისტემის ერთ-ერთი შემოქმედი თეა წულუკიანია. დატოვებს თუ არა იუსტიციის მინისტრი თანამდებობას და გადაინაცვლებს თუ არა ოპოზიციაში, ეს უახლოეს მომავალში გახდება ცნობილი, რაც, სავარაუდოდ, მინისტრთა კაბინეტის სავარძლის შენარჩუნებაზე იქნება ... ...
  • ,,წულუკიანი შენიღბულად იმუქრებოდა“_ პოლიტოლოგმა მინისტრის განცხადებაში მუქარა ამოიკითხაპოლიტიკის ექსპერტი, სოსო ცინცაძე ,,გურია ნიუსთან“ საუბრისას აცხადებს, რომ წულუკიანის მიერ თანამდებობის შესაძლო დატოვების შესახებ გაკეთებული განცხადება მუქარის შემცველი იყო. კერძოდ, ცინცაძე ამბობს, წულუკიანი, ერთი მხრივ, შენიღბულად ემუქრებოდა გუნდის წევრებს, მეორე მხრივ, კი აცხადებდა ,,ქართული ოცნებისთვის“ მოვკვდებიო. ,,იუსტიციის მინისტრმა თქვა, მე თუ მომხსნიან თანამდებობიდან თავისუფალი ვიქნები და განცხადებებს ღიად გავაკეთებო, პარალელურად ამბობდა, რომ ხელისუფლების მომხრეა. როგორც ჩანს, რეალობის რელსებს არის აცდენილი. ერთი მხრივ, ამბობს, რასაც მინდა იმას ვიტყვიო და მეორე მხრივ, კი ,,ქართული ოცნების“ მომხრედ მოვკვდებიო. ერთი ხელით შენიღბულად იმუქრებოდა, მეორეთი კი ამბობდა, ჩემნაირი ერთგული ,,ქართულ ოცნებაში“ არავინ გეყოლებათო. ჩემი აზრით, წულუკიანი არ დატოვებს თანამდებობას, იმიტომ კი არ დატოვებს, რომ ის იდეალური მინისტრია, არამედ იმიტომ, რომ მან არასამთავრობო ორგანიზაციების საშუალებით  პოზიციები განიმტკიცა. სამოქალაქო სექტორმა მოითხოვა შოთაძის  გადადგომა და გადააყენეს, წულუკიანის  გავლენის ქვეშ მოქცევა კი გამორიცხულია. პრაქტიკულად, შეიძლება ითქვას, რომ იუსტიციის მინისტრმა სასამართლო სისტემის რეფორმირებაში წაიტეხა ფეხი, რადგან ამ სასამართლო სისტემის  ტალღების შემდეგ  მივიღეთ ცუნამი მუდმივად დანიშნული მოსამართლეების სახით“,_ გვითხრა ... ...
  • ადგილები თბილისში, სადაც შხამიანი გველებიაცხოველთა მონიტორინგის სააგენტოს ინფორმაციით, 2018 წლის დასაწყისიდან 20 ივნისის ჩათვლით, თბილისში 244 ქვეწარმავალი დაიჭირეს. ამის შესახებ imedinews-ს სააგენტოში უთხრეს. სააგენტოს ცნობით, 2017 წელს უწყების თანამშრომლებმა თბილისის სხვადასხვა უბანში 438 ქვეწარმავალი დაიჭირეს. ამასთან, ქვეწარმავლების გამოჩენის პიკი მაისში, ივნისსა და ივლისშია. ცხოველთა მონიტორინგის სააგენტოს ჰერპეტოლოგ შოთა ზანდუკელის თქმით, შხამიანი გველები გვხვდება ძირითადად, ორთაჭალაში, კრწანისში, ფონიჭალაში, აფრიკისა და აეროპორტის ტერიტორიებზე. რაც შეეხება დედაქალაქში გიურზების მომრავლების შესახებ გავრცელებულ ინფორმაციას, ცხოველთა მონიტორიგნის სააგენტოში ამბობენ, რომ გიურზის დაჭერის წელს მხოლოდ 1 შემთხვევა იყო. ამავე თემაზე: ქვეწარმავალთა რაოდენობამ იმატა _ ცხოველთა მონიტორინგის სამსახურის რჩევები მოსახლეობას ტოქსიკოლოგის რჩევები მოსახლეობას _ რა უნდა იცოდეთ ქვეწარმავლების ... ...
  • "საბავშვო ბაღში ჩემი შვილი აითვალწუნეს" _ კონფლიქტი მშობელსა და აღმზრდელს შორის"გურია ნიუსს" ოზურგეთის მუნიციპალიტეტის ერთ-ერთი საბავშვო ბაღის აღსაზრდელის მშობელი აღელვებული ეწვია. _ ვცხოვრობ ოზურგეთში. ჩემი შვილი ლ. კ. ოთხი წლისაა. დამყავს ერთ-ერთ საბავშვო ბაღში, რომელიც ჩვენს ქუჩასთან ყველაზე ახლოა. ძალიან გვიჭირს ყველანაირად და სხვაგან ვერ გადავიყვან, თორემ იქ გაჩერება არ შეიძლება. დამეხმარეთ, ჩემი შვილი აითვალწუნეს ამ ბაღში _ ბოლო პერიოდში ბავშვი რატომღაც სულ ჩასველებულია. მიკვირს, რატომ ვერ შარდავს მასწავლებლის დახმარებით ან სულაც მარტო, როცა ამას სახლში კარგად ახერხებს და პრობლემური არანაირად არ არის. მის პედაგოგთან ამის გამო უკმაყოფილება მომივიდა. მ. თ. მიყვირის, მეჩხუბება და მეუბნება, რომ ჩემს შვილს შუაზე გაგლეჯს. მეც ვუთხარი, რომ თავს გაგიტეხავ,-მეთქი... მერე მითხრა, ჩემი შვილი გაგიტეხავს თავს, სადმე ქუჩაში არ შეხვდეო. მას დიდი ბიჭი ჰყავს. დამიბარა, ხვალ ბაღში არ მოიყვანო შენი შვილი, თორემ გავგლეჯო. მაინც მივიყვანე ამ დილით და გადაულაპარაკა მეორე მასწავლებელს, ეს თავის "მატორზე" ვერ არისო... ძალიან მიჭირს ისედაც. ნერვიული ავადმყოფი ვარ, ვმკურნალობდი. ახლა წამლის კი არა, საჭმლის ფული არ მაქვს. ასე შეიძლება სულ გავგიჟდე. თხოვენ ტუალეტის ქაღალდს, სველ ხელსახოცს. სად მაქვს ამდენი ფული, რომ მე მოვამარაგო?! ბაღში ტუალეტის ქაღალდი არ უნდა ჰქონდეთ? ბავშვი უკვე ყოველ დილით მიძალიანდება ბაღში წასვლისას, არ მიმყვება, ძალით მიმყავს. ტირის, ისიც განერვიულებულია, _ ტიროდა ქალბატონი. ქალბატონს, როგორც თავად მოგვიყვა, ორი მცირეწლოვანი შვილი ჰყავს და ორივე აღნიშნულ ბაღში დაჰყავს. თუმცა, მეორე შვილის მასწავლებელთან პრობლემა არ აქვს და ბავშვის მოვლა-პატრონობითაც, რასაც ბაღში უწევენ, კმაყოფილია. მან გვიამბო ისიც, რომ ბაღიდან მის მაზლს დაურეკეს, რომელიც პოლიციაში მუშაობს. ამ უკანასკნელმა კი, თურმე უთხრა, რომ ეს ქალი ნორმალური არ არის, არ ველაპარაკები და ნურაფერს დაუჯერებთ, ნურც აყვებითო, "ვერ არისო"... როგორც ქალბატონმა დ.-მ გვითხრა, შეხვდა საბავშვო ბაღის გამგეს, ოზურგეთის სკოლამდელი აღზრდის ცენტრის დირექტორს მაკა ჭყონიას და აღნიშნული პრობლემის შესახებ უამბო. _ ასევე, სამჯერ მივედი ოზურგეთის მუნიციპალიტეტის მერთან, კოტე შარაშენიძესთან, თუმცა, მითხრა, "მაცალე ერთიო", კარი გაიხურა და სადღაც წავიდა, _ თქვა აღელვებულმა მშობელმა. ჩვენს რესპონდენტს ფინანსური პრობლემები აქვს. ამასთანავე, როგორც თავად ამბობს, ნევრასთენიის გამო მკურნალობდა და ახლაც სჭირდება წამლები, რომელსაც უკვე უფულობის გამო ვერ ყიდულობს. "გურია ნიუსი" იმ საბავშვო ბაღს ეწვია, რომელზეც ქალბატონი მ. დ. საუბრობს. ადგილზე უკვე მისული დაგვხვდა ოზურგეთის სკოლამდელი აღზრდის ცენტრის დირექტორი, მაკა ჭყონია. მან გვითხრა, რომ უკვე საქმის კურსშია და დილიდანვე საბავშვო ბაღისკენ გაეშურა, რომ სასწავლო-სააღმზრდელო პროცესისთვის სამუშაო დღის დაწყებისთანავე ედევნებინა თვალი. _ ეს მშობელი ჩემთანაც იყო. მიამბო თავისი პრობლემის შესახებ. დილიდანვე აქ ვარ. თვალს ვადევნებ ბაღში მშობლების მიერ ბავშვების შემოყვანის პროცესს. გამოვიკითხე ყოველივე, გავესაუბრე მშობლებს. უკმაყოფილო არავინაა. მ. დ.-ს შვილიც თავის ჯგუფშია, ჩვეულებრივ, ნორმალური სამუშაო დღეა. სხვა მშობლებმა, ერთმა მაინც ხომ უნდა თქვან, თუ მსგავსი რამ ხდება? და კიდევ, მშობელს კიდევაც რომ შეეშალოს ან რაიმეთი უკმაყოფილო იყოს, ჩვენ ვალდებული ვართ, ყველანაირად დავეხმაროთ მას, გავითვალისწინოთ მისი თხოვნა, ვკითხოთ რაზე და რატომ აქვს პრეტენზია, _ გვითხრა მაკა ჭყონიამ და ბაღის გამგეს და მასწავლებელს გაესაუბრა. აღმზრდელი მასწავლებელი მ. თ. ამბობს, რომ მას მსგავსი, რაშიც აღსაზრდელის მშობელი დებს ბრალს, არაფერი უთქვამს: _ მსგავსი არაფერი მითქვამს. რატომღაც ამომიჩემა. დამირეკა და ისე მლანძღავდა, ბოლოს ტელეფონი გავუთიშე, სხვა გზა არ მქონდა. 12 წელია ამ საბავშვო ბაღში ვმუშაობ. ახლა 38 ბავშვი მყავს. ერთხელაც არ მქონია კონფლიქტური სიტუაცია. ეს ქალბატონი ძალზე ნერვიულია. რატომღაც ჰგონია, რომ მის ბავშვს ყურადღებას არ ვაქცევთ. ერთი ვინმე მაინც ხომ უნდა მყავდეს მსგავსი პრეტენზიით? როგორ შეიძლება, მასწავლებელმა 4 წლის ბავშვს ჯიბრში ჩავუდგე, საცვალში ისველებდეს და არ გამოვუცვალო? ეს წარმოუდგენელია! _ ატირდა პედაგოგი. საბავშვო ბაღის გამგე მ. ტ.-მ თქვა, რომ ამ კონფლიქტის შესახებ იცის: _ ეს მშობელი ჩემთანაც იყო. სახლშიც მომაკითხა. მივიღე და ვუთხარი, რომ მსგავსი რამ არ ხდება. ვთხოვე, დაწყნარებულიყო. რომ ჩვენთან მის შვილს არ ითვალწუნებენ. მაქსიმალურად იხარჯება ყველა პედაგოგი და მომავალშიც ასე იქნება. მ. დ.-ს 4 წლის შვილს კი, როგორც ყოველთვის, ახლაც მზრუნველობით და მაქსიმალური ყურადღებით მოეპყრობიან. "გურია ნიუსმა" საბავშვო ბაღის გასართობი თუ საძინებელი ოთახები დაათვალიერა, საბავშვო ბაღის გამგემ კი კიდევ ერთი დეტალის შესახებ გვიამბო: _ ჩვენ გვაქვს ჩანაწერთა წიგნი, ასევე, სპეციალური ფოსტა. ყველა მშობელს შეუძლია, ვინაობის მითითების გარეშეც ჩაწეროს შენიშვნები, გაგვიზიარონ თავიანთი ხედვები. შეგიძლიათ, ნახოთ, _ გვითხრა და ჟურნალი მოგვაწოდა. ქალბატონმა მაკა ჭყონიამ აღნიშნა, რომ მალე სკოლამდელ დაწესებულებებში ხანძარსაწინააღმდეგო დაგეგმარების პროცესი იწყება: _ ამ ბაღის აღსაზრდელთა მშობლებმა თავად შეადგინეს შენობის საევაკუაციო გეგმა, შექმნეს ნახაზი, საგულდაგულოდ იმუშავეს თითოეულ დეტალზე. აღნიშნული ნახაზი, პირობითად პროექტი, აქვეა გამოკრული, _ მიგვანიშნა მან კედელზე. როგორც მაკა ჭყონიამ, ისე საბავშვო ბაღის ხელმძღვანელებმა და აღმზრდელებმა თქვეს, რომ, შესაძლოა, მცირე კონფლიქტი იყო მშობელსა და პედაგოგს შორის, რომლის გაზვიადებას და გაღრმავებას არ დაუშვებენ და განსაკუთრებული ძალისხმევით იზრუნებენ უკმაყოფილო მშობლის და პატარა აღსაზრდელისთვის საუკეთესო გარემო პირობების ... ...

არქივი

ზაფრანი

იცით თუ არა რომ

დედამიწაზე მცხოვრები ცოცხალი ორგანიზმების 70%-ს...

მრავალწლიან ხეებს განსაკუთრებული ენერგეტიკა აქვთ

ჩვენი წინაპრები განსაკუთრებულ პატივს სცემდნენ...

ტელეფონი-ხელთათმანი

ამერიკელმა დიზაინერმა და მხატვარმა, ბრაიან...

გინესის წიგნში შეტანილი ქვეწარმავლები

ყველაზე დიდი ბაყაყი. აფრიკული ბაყაყი...

ყველაზე დიდი ყვავილი მსოფლიოში

მეცხრამეტე საუკუნის დასაწყისში, ბრიტანელმა მეცნიერმა...

დაავადება, რომელსაც "დორიან გრეის სინდრომი" ეწოდა

დორიან გრეის სინდრომი ოსკარ უაილდის...
კარმიდამო ჩემი

ალოეს სამკურნალო თვისებები

შესაძლოა, ალოეს დადებითი თვისებების შესახებ...

როგორ აღვიდგინოთ მხედველობა ნივრის დახმარებით

დროთა განმავლობაში, ადამიანის ჯანმრთელობის მდგომარეობა...

რატომ არ უნდა აადუღოთ წყალი ხელმეორედ

ფილმის ყურებაში ისე გაერთეთ, რომ...

"უთვალავ საქმეთაგან, სახარების გადაწერაა შვება"

ჩვენი სტატიის გმირი მრავალმხრივი ნიჭით...

როგორ ვებრძოლოთ პირუტყვის კანქვეშა ბორას

ზაფხულის პერიოდში განსაკუთრებით, მსხვილფეხა რქოსანი...

მეფუტკრის კალენდარი _ მაისი და ივნისი

მაისის შუა რიცხვებიდან დგება დიდი...

ქართული ზამბახი დედამიწის ზურგზე ერთადერთია

ქართული ზამბახის ყვავილის წარმტაცი სილამაზე,...

მოვამზადოთ ჭინჭრის წუნწუხი

გაზაფხულზე ჩვენს ბოსტნებში, უამრავ სამუშაოსთან...

კენკროვნების კერკი

სხვადასხვა კენკროვნების, ასევე, კურკოვანებისგანაც მოვამზადოთ...

როგორ ავიცილოთ თავიდან გრიპი და ვირუსები

საზოგადოებისთვის გრიპი და გავრცელებული ვირუსები...

მარტო კაცის დიდი მეურნეობის სავიზიტო ბარათი იხვისა და ბატის ფერმაა

ლანჩხუთის მუნიციპალიტეტის სოფელ სუფსის მკვიდრი...