უკურნებელი სენით დაავადებულის სოციალური შემწეობის გარეშე დარჩენილი ოჯახი

მთავარი თემა

უკურნებელი სენით დაავადებულის სოციალური შემწეობის გარეშე დარჩენილი ოჯახი

30 აპრ. 2020, 11:35:15

„ვარ ქვენობნის მცხოვრები. მყავს უკურნებელი სენით (პარკინსონით) დაავადებული მეუღლე, რომელსაც დამოუკიდებლად გადაადგილება და საკუთარი ხელით ჭამაც კი არ შეუძლია. ღატაკის სტატუსი გვქონდა. მესამე წელია, რაც სოციალური დახმარება მოგვიხსნეს. მას შემდეგ ვწვალობ _ ვის აღარ მივმართე, გურიის გუბერნატორი და ჩვენი დეპუტატი, ნინო წილოსანიც კი ჩავაყენე საქმის კურსში, მაგრამ უშედეგოდ. თავდაპირველად ოჯახის სარეიტინგო ქულა იყო 38000, გადამოწმების შემდეგ კი 85000-ზე ავიდა. რა ნახეს უკეთესი და გაუმჯობესებული ჩემს ოჯახში, არ ვიცი. ერთადერთი ავადმყოფი მეუღლის პენსია გვაქვს, რომელიც მისი წამლების შესაძენადაც კი არაა საკმარისი. მე და ჩემი შვილი უმუშევრები ვართ. თვიდან-თვემდე თავი ძლივს გაგვაქვს.

გთხოვთ, მოხვიდეთ, ნახოთ და შეაფასოთ, თუ იმ პირობებში ვცხოვრობ, რომ არ მეკუთვნის დახმარება, რატომ ვიღებდი წლების განმავლობაში, ან თუ მეკუთვნის, რატომ მომეხსნა?!

მოდით, გთხოვთ, მე მარტომ სამართალი ვერსად ვიპოვე, იქნებ თქვენი დახმარებით მივაღწიო შედეგს, რომელიც ასე მნიშვნელოვანია ჩემი ოჯახისთვის“, _ ეს წერილი „გურია ნიუსს“ რამდენიმე ხნის წინ, ჩოხატაურის მუნიციპალიტეტის სოფელ ქვენობნის მცხოვრებმა ნანული მიქელაძემ მისწერა.

ქალბატონი ნანულის თხოვნა „გურია ნიუსმა“ მაშინვე შეასრულა, თუმცა, ქალბატონი ნანული და მისი ვაჟი სახლში არ დაგვხვდნენ. ოჯახის უნარშეზღუდულ უფროსთან, ვახტანგ მიქელაძესთან კი გასაუბრება ვერ შევძელით.

ცოტა ხნის წინ „გურია ნიუსი“ ისევ იმყოფებოდა მიქელაძეებთან, სადაც მდგომარეობა იმაზე რთული აღმოჩნდა, ვიდრე ოჯახის დიასახლისი თავის წერილში გვიყვებოდა.

1952 წელს დაბადებულ ვახტანგ მიქელაძეს უნარშეზღუდულის პირველი ჯგუფის სტატუსი აქვს მინიჭებული. იგი 11 წელია, ურთულეს მდგომარეობაშია _ ვერ მეტყველებს, უჭირს გადაადგილება, სხეულის ოთხივე კიდური პარალიზებული აქვს და ვერ იმორჩილებს. აქვს თავის, კიდურების და მთელი სხეულის კანკალი, არ შეუძლია საკუთარი ხელით ჭამა, თავის მოვლა, _ ვკითხულობთ ექიმის მიერ გაცემული ჯანმრთელობის ცნობის მოკლე ანამნეზში.

„ჭამა კი არა, ჭიქით წყლის დალევაც არ შეუძლია, საწრუპავი მილით სვამს, ისიც სხვისი დახმარებით. საწოლის თავზე თოკი გვაქვს გამობმული, წამოჯდომა რომ მოუნდება, ეჭიდება ამ თოკს და ჩემი დახმარებით წამოჯდება საწოლზე“, _ გვეუბნება ნანული მიქელაძე და გვიყვება თავისი ყოველდღიური მძიმე ყოფის შესახებ. მის მიერ ნათქვამი ყოველი წინადადების შემდეგ, ძნელი დასაჯერებელი ხდება, რომ იმ მდგომარეობაში მყოფ ოჯახს, როგორშიც მიქელაძეები იმყოფებიან, სოციალური შემწეობა არ ეძლეოდეს, თუმცა, ფაქტია.

როგორც ნანული მიქელაძე გვიყვება, მას შემდეგ, რაც სოციალური დახმარება მოეხსნა, რამდენჯერმე დაწერა განცხადება აღდგენის თაობაზე, თუმცა, შედეგი არ გამოიღო და გაჩერდა.

_ სად არ ვიარე,ხან _ გამგებელთან, ხან _ გუბერნატორთან, დეპუტატთან, ვის არ გავაგებინე ჩვენი გასაჭირის შესახებ. რამდენჯერმე დავწერე განცხადება დახმარების აღდგენის თხოვნით, მაგრამ შედეგი არაფერმა გამოიღო. ბოლოს დავიღალე ტყვილა სიარულით და გავჩერდი, _ გვეუბნება ცრემლმორეული ქალბატონი.

ნანული მიქელაძე სოციალური დახმარების მოხსნას მის წლებისწინანდელ პოლიტიკურ არჩევანს უკავშირებს.

_ იმ დღიდან, რაც „ოცნება“ ხელისუფლებაში მოვიდა, არჩევნებში მას ვაძლევდი ხმას, იმიტომ კი არა, რომ მომწონდა ან არ მომწონდა _ სოციალურ დახმარებას ვიღებდი, თანხას მაძლევდნენ და  ჩემს მოვალეობად ჩავთვალე მათი მხარდაჭერა. მანამდე წლების განმავლობაში, „ნაციონალური მოძრაობის“ მხარდამჭერი ვიყავი. ალბათ, ამის გამო ეჭვი შეიტანეს, რომ მათ არ მივცემდი ხმას და მითხრეს, რომ შემოხაზავ, ჯვარი დაუსვიო. გავიკითხე მეზობლებში, მაინტერესებდა, ყველას ასე უთხრეს თუ მე ვიყავი გამონაკლისი _ არავისთვის უთქვამთ ჩემ გარდა. ძალიან რომ ავყვირდი, რას ჰქვია უნდობლობა გამომიცხადეთ-მეთქი, მითხრეს, ვისაც სოციალური დახმარება აქვს, ყველას ასე უთხრესო (?!) _ არ მენდნენ, აინტერესებდათ, მართლა მათ მივეცი ხმა თუ არა.

ქალბატონი ნანული ზუსტად ვერ ასახელებს, რომელი წლის არჩევნებს უკავშირდება მის მიერ მოყოლილი ისტორია. იმის დასახელებისგან კი, ვინ იყვნენ ის პიროვნებები, რომლებმაც საარჩევნო ბიულეტენის დანიშვნა მოსთხოვეს, თავი შეიკავა.

„არ მახსოვს ზუსტად რომელი არჩევნები იყო, 3 წლის წინ იყო, არჩევნების შემდეგ მოვიდა სოციალური აგენტი გადამოწმებაზე და მომიხსნეს დახმარება. რაღად მინდა იმის თქმა, ვინ მთხოვდა დამენიშნა ბიულეტენი, წარსული ამბავია, რაც იყო, მაგრამ სოციალურმა სამსახურმა რა ნახა ჩემს ოჯახში ისეთი, რომ ქულა 50000-ით გამეზარდა, ვერ ვხვდები“.

როგორც ქალბატონი ნანული გვიყვება, წვიმისას სახლში სახურავიდან წყალი ჩასდით.

„უბრალო წამოწვიმებაზეც კი ნიაღვარივით ჩამოედინება წყალი. ყველაფერი დაალპო, ჭერიც ჩამოვარდება მალე. ჩვენ კი ჭერის და იატაკის შეცვლის კი არა, იმის საშუალებაც არ გვაქვს, სახურავი ალაგ-ალაგ მაინც შევაკეთოთ. ჩემმა ბიჭმა ახლახან დაიწყო მუშაობა და ამ მდგომარეობამ ისიც შეაჩერა. მე კი სახლიდან ვერ გავდივარ, ჩემი მეუღლის მარტო დატოვება არ შეიძლება _ რამე რომ დაჭირდეს. ამიტომ სახლს ვერ ვშორდები, თორემ იქნებ რამე სამუშაო მეც მენახა და წამლის ფული მაინც არ მქონოდა სადარდებელი, სხვას თუ ვერაფერს გავაკეთებდი. ამ წუთას ჩვენი შემოსავალი მარტო ავადმყოფი მეუღლის პენსიაა“, _ გვეუბნება ქალბატონი ნანული, რომელსაც მეუღლეც ერთვება საუბარში, თუმცა, მისი ნათქვამის გაგება რომ ვერ შევძელით, წყინს, ჩუმდება და ცრემლი მოსდის.

„ასეთ დღეში ვართ მე და ეს, 3-4-ჯერ უნდა გამიმეოროს რამე რომ გამაგებინოს. თუ ვერ გავიგე, იბუტება და ბრაზდება, _ გვეუბნება ნანული მიქელაძე და საკარმიდამო ნაკვეთს გვაჩვენებს.

„ესაა სულ ჩემი ავლადიდება. აქაც ვერაფერი მოგვყავს, ყველაფერი დაჭაობებულია, თხილიც კი ვერ გავაშენეთ ზედ, იმდენად გამოუსადეგარი მიწაა. ვერაფერი მოგვყავს. საინტერესოა, რა აღწერა სოციალურმა აგენტმა, რა დაინახა ისეთი ჩვენს სახლში გაჭირვების გარდა, რომ ღატაკის სტატუსიდან ამხელა ქულით შეაფასეს ჩვენი მდგომარეობა.

როგორც ჩვენთან საუბრისას ოჯახის დიასახლისმა აღნიშნა, მუნიციპალიტეტის მერიასაც მიმართა დახმარების თხოვნით. იმის გასარკვევად, თუ  რა სახის დახმარება გასცა აღნიშნულ ოჯახზე ჩოხატაურის მუნიციპალიტეტის მერიამ, კითხვით მივმართეთ მერიის პრესსამსახურს, საიდანაც მიღებული ინფორმაციიდან ირკვევა, რომ მიქელაძეებს მერიის მხრიდან დახმარება 2-ჯერ გაეწიათ.

„ვახტანგ მიქელაძეს 2019 წელს განცხადება ჰქონდა შემოტანილი მედიკამენტებით დახმარების თაობაზე, რაც დაკმაყოფილებულია. მიქელაძეების ოჯახს მერია ცოტა ხნის წინ საკვები პროდუქტებით დაეხმარა. სხვა სახის დახმარების თხოვნით ოჯახს ჩვენთვის არ მოუმართავს“, _ გვეუბნებიან მუნიციპალიტეტის მერიის პრესსამსახურში.

„გურია ნიუსი“, ასევე, ესაუბრა მერის წარმომადგენელს სოფელ ქვენობანში დავით კვაჭანტირაძეს.

კვაჭანტირაძის თქმით, მიქელაძეების ოჯახი მართლაც უკიდურესად გაუსაძლის მდგომარეობაში იმყოფება და მისთვის წარმოუდგენელია, მიქელაძეების ოჯახი სოციალური შემწეობის მიმღები რატომ არ უნდა იყოს.

_ ვახტანგ მიქელაძის ოჯახის გასაჭირის შესახებ ყველასთვის კარგადაა ცნობილი. ჩვენი შესაძლებლობებიდან გამომდინარე, ვეხმარებით. დეპუტატის ბიუროც, პირადად ნინო წილოსანიც ჩავაყენეთ საქმის კურსში. მაგათთვის სოციალური დახმარების გაჩერება საშინელებაა. ვიცი მდგომარეობა, როგორცაა. ახლაც გადავეცით დახმარება.

კითხვაზე _ იცის თუ არა რას უკავშირებს მიქელაძეები სოციალური დახმარების შეწყვეტას? _ კვაჭანტირაძე გვპასუხობს, რომ აღნიშნულის შესახებ არაფერი იცის.

_ ბატონო დავით, ქალბატონი ნანული ამბობს, რომ ერთ-ერთი არჩევნებისას, მას მოსთხოვეს ბიულეტენის დანიშვნა, რომ დაეზუსტებინათ, ვის მისცემდა ხმას.

_ ნული კი არა, ნულს ქვემოთაა მაგ სიტყვებში სიმართლე. პირველად მესმის და გამორიცხულია. ნამდვილად არ ვიცი, ვის უჭერდა მხარს, ან ახლა ვის აძლევს ხმას. სამი-ოთხი წლის წინ კი არა, ეგ  ნაციონალების დროინდელი მოძველებული მეთოდია. ეს არ არის სიმართლე. გაჭირვებული, განაწყენებული ადამიანის ნათქვამია მხოლოდ! დამერწმუნეთ, მაგას არავინ იკადრებდა, ვახტანგ მიქელაძის ოჯახში მისულიყო და ბიულეტენის დანიშვნა ეთხოვა. კიდევ ერთხელ ვიმეორებ, ჩვენი შესაძლებლობის ფარგლებში, ყველაფერი გავაკეთეთ, რომ ოჯახი ისევ ყოფილიყო შემწეობის მიმღებთა სიაში, _ გვითხრა დავით კვაჭანტირაძემ.

რას შეეხება სოციალური მომსახურების სააგენტოს, უწყებაში გვეუბნებიან, რომ მიქელაძეების ოჯახის გადამოწმებიდან გასულია ერთ წელზე მეტი და ოჯახს კვლავ შეუძლია, მიმართოს განცხადებით სააგენტოს შესაბამის რაიონულ განყოფილებას, რის შემდეგაც შეივსება ახალი დეკლარაცია.

„მთავრობის  N126 დადგენილების შესაბამისად,  სოციალური მომსახურების სააგენტო  ოთხ წელიწადში ერთხელ ამოწმებს  მიმღებ ოჯახს. იმ ოჯახმა, ვინც ვერ მიიღო  სოციალური  შემწეობის მისაღებად საკმარისი ქულა, შეუძლია  განცხადებით  მიმართოს სააგენტოს შესაბამის სამსახურს ქულის  მინიჭებიდან  ერთი წლის შემდეგ და  მოითხოვოს გადამოწმება. ვადამდელი გადამოწმება  კი შესაძლებელია  იმ შემთხვევაში,  თუ  მოხდა ოჯახში რაიმე სახის ცვლილება  (იქნება ეს  მისამართი,  სტატუსი,  ოჯახში წევრთა  რაოდენობა,   ჯგუფის დადგენა,  ჯანმრთელობის  მდგომარეობის  გაუარესება-ფორმა  100, სოციალურ-ეკონიმიკური  მდგომარეობის შეცვლა...) შესაბამისი დოკუმენტის წარდგენის შემთხვევაში მოხდება  ქულების  ხელახალი გადამოწმება.

ზოგადად, ქულის მინიჭება ხდება  დეკლარაციაში მითითებული ინფორმაციის კანონმდებლობის შესაბამისად  დამუშავების შედეგად. 

რაც შეეხება  ვახტანგ მიქელაძის ოჯახს,  ეს ოჯახი გადამოწმდა 2019 წლის იანვარში და  მიენიჭა სარეიტინგო  82 000 ქულა.  ბოლო გადამოწმებიდან  გასულია  ერთ წელზე მეტი და  ოჯახს შეუძლია, გადამოწმებისთვის განცხადებით მიმართოს  სოციალური მომსახურების,  _ გვითხრეს სოციალური მომსახურების სააგენტოში.

მიქელაძეების ოჯახი სოციალურ დახმარებას კვლავ მიიღებს თუ არა, იმაზეა დამოკიდებული, თუ როგორ შეაფასებს სოციალური აგენტი მათ საცხოვრებელ მდგომარეობას.




 ახალი ამბები
  • სოფლის ცენტრში, ტუალეტში ბამბუკია ამოსული : „გაკეთებული საქმეების „მშვენება“ “ოზურგეთის მუნიციპალიტეტის სოფელ დვაბზუს მოსახლეობის უმთავრესი პრობლემა წყალსადენის მშენებლობაა, რომლის  პროექტირებაც  უკვე  დაწყებულია. აქაურები ითხოვენ  სოფლის ყველა უბანში გზის გაკეთებას, რომლის მოასფალტება შეუძლებელია თუ ჯერ წყლის გაყვანა არ მოხდა. „გურია ნიუსი“ სოფელს ეწვია. ჩვენ  გავეცანით  აქაურთა პრობლემებს. ადგილობრივები ამბობენ, რომ ბოლო წლებში ბევრი საქმე  გაკეთდა, განსაკუთრებით  კი  დვაბზუსა და გაღმა დვაბზუს შორის, მდინარე  მაღელაზე  ხიდის  აგებისთვის,  გამოთქვამენ კმაყოფილება, სომელიც მუნიციპალიტეტის მერიის მხარდაჭერით  აიგო.  მათივე თქმით, ძველი დროიდან მოყოლებული, ერთ დიდი პრობლემას წარმოადგენდა. სოფლის ცენტრში, საბავშვო  ბაღის შენობის  მიმდებარედ, სადაც ასევე სამედიცინო უბანია განთავსებული,   ტერიტორიის მოზრდილი ფართობია, რომლის უკანა კუთხე ეკალ-ბარდითაა დაფარული.  ხოლო იქვე მდგარ, ამჯერად უფუნქციოდ დარჩენილ ტუალეტში , ბამბუკის ხეებია ამოსული.   ბარდები და  და ჭინჭარია ასევე  ამოსული სამედიცინო უბნის კედლების გასწვრივ. ჩვენს კითხვაზე, თუ   რატომ არის  აქ ასეთი მდგომარეობა და შესაძლებელია თუ არა აქვე მომუშავეთა მიერ,  დასუფთავების დღის მოწყობა,  ადგილობრივებმა გვითხრეს, რომ   სოფელში გაკეტებული ბევრი კარგი სქმის „მშვენება“, ნამდვილად არ უნდა იყოს ცენტრში ასეთი ანტისანიტარიული  ადგილი. _მოვახერხებთ, დავალაგოთ და მოვაწესრიგოთ აქაურობა, - გვითხრეს მათ.   ჩვენის მხრივ, ვიტყვით, რომ აქაურობის იერ-სახეზე, დასუფთავებასა და მოვლაზე,  ხელისუფლების ადგილობრივ წარმომადგენლებს , დეპუტატს  თუ აქვე , სხვადასხვა სფეროში მომუშავეებს, ერთნაირად  უნდა შესტკიოდეთ   გული და საკუთარი ინიციატივით უნდა აწყობდნენ „დასუფთავების დღეებს“. _აქ მალე სკვერი უნდა გაკეთდეს. ზოგადად, კოორდინირებული მუშაობით, ადგილობრივ ხელისუფლებასთან და ჩვენს მოსახლეობასთან ერთად, ბევრი რამის გაკეთება შევძელით _ გვითხრა მუნიციპალიტეტის  მერის წარმომადგენელმა სოფელში, მამუკა გოგოუაძემ. დვაბზუს მცხოვრებთაგან, დღეისთვის სამ მცხოვრებს აღმოაჩნდა კორონა ვირუსი (ისინი ქობულეთის ფაბრიკის, „აჭარა ტექსტილის“ თანამშრომლები არიან)  და ყველა გადაყვანილია ბათუმში. „გურია  ნიუსი“ ვრცლად,  დვაბზუში  არსებული პრობლემების თუ   გაკეთებული საქმეების ირგვლივ, საგაზეთო სტატიაში ... ...
  • 2 დაღუპული და 2 დაშავებული_ ავარია ავტობანზეავტოსაგზაო შემთხვევას თბილისი-სენაკი ლესელიძის საავტომობილო მაგისტრალის გორის მონაკვეთზე ორი მამაკაცი ემსხვერპლა,  ორი კი მძიმე დაზიანებებით საავადმყოფოებში გადაიყვანეს. არსებული ინფორმაციით, ავტობანზე მოძრავი „ნისანის” მარკის ჯიპი ტრაილერს შეეჯახა. შემთხვევის გამო ავტობანის აღნიშნულ მონაკვეთზე დასავლეთ საქართველოდან თბილისის მიმართულებით მოძრავი ტრანსპორტის მოძრაობა ... ...
  • „თხილის ფასს არ ეხება ომი და წაბლისას აფარჩაკებს? “ : ოზურგეთული „გარჩევა“ ფასებზე დღეს, დილიდან, ოზურგეთში თხილის ფასის კიდევ ერთი ახალი  ფორმულაა ძალაში - ამჯერად ერთი კილოგრამი შვიდლარნახევარი ღირს,  სულერთია, „ბერძნულაა “ თუ „გულშიშველა“.  ოღონდ  ათი ცალი გატეხილი თხილიდან, რვა მაინც საღი უნდა იყოს _ ასეთია თხილის მიმღები  პუნქტების ოპერატორთა ლოგიკა. კითხვაზე, თუ  ერთ ცალ საღ გულში აპირებენ 80 თეთრის გადახდას, თან ზოგი ამბობს, რომ ათიდან, რვა რომ იყოს საღი, მაინც რვა ლარს გადავიხდითო, ეს რა ლოგიკაა? _ ვკითხეთ მათ. _ის ლოგიკაა, რომ მაგდენი საღი თხილი არცერთ ვარიანტში არ   გამოვა. ტყუილა იძახიან, _ თავ-თავის „ლოგიკას“  იშველიებენ ფასებზე და ერთმანეთზე   აღრენილი  თხილის მიმღები ოპერატორები. _არაფრით არ შეიძლება ათი ცალიდან ათივე საღი გამოვიდეს,    „ბერძნულა“   ნამეტურ. ამიტომ ნუ ამბობთ და ნუ წერთ რომ, ერთი კილოგრამი რვა ლარი  ღირს. მასეც რომ იყოს, მაინც არავინ გადაიხდის შვიდლარნახევარზე მეტს. რატომ,  იცით?   გარჩეული, მზა ნედლეული, ერთი კილოგრამი თხილი დღეს  ღირს 18 ლარი. ერთ კილოგრამ გარჩეულ თხილს 2,400 კგ გაუტეხავი თხილი სჭირდება. ახლა იანგარიშეთ, რამდენია? 19 ლარს აჭარბებს გარჩეული თხილის გულის ფასი, თუ გაუტეხავში 8 ლარს გადაიხდიან.  ვინმე წაგებაზე წავა? ამიტომ, ვინც იძახის, რომ ერთ  ცალში 80 თეთრს იხდის და შესაბამისად,  ერთ კილოგრამში 8 ლარს მიიღებთო, გატყუებთ, _ გვითხრეს თაყაიშვილის ქუჩაზე განლაგებულ ჯიხურებში. რაც შეეხება წაბლის ფასს, რომელიც  ერთი კვირაა, რაც ბაზარზე შემოვიდა, ერთ კილოგრამს 2 ლარად იბარებდნენ.  თუმცა,  დღეს  ერთი კილოგრამის  ფასი  ერთი ლარია. _თხილის  ფას კი მიფრინავს, ერთი ეს გვითხარით, წაბლი რომ ღირდა 2 ლარი, ახლა რატომ განახევრდა ფასი?  ეს საქმეა?  თან საკმაოდ კარგად  ასხია წელს,_   სვამდნენ კითხვებს წაბლით სავსე ჩანთებით მოსული სოფლის მცხოვრებლები. _ხომ გითხარით, აზერბაიჯანში გაჰქონდათ, ახლა ომიაო და ამიტომ შეჩერდა გატანა. აქით თურქეთიც ჩაკეტილია, ამიტომ დაეცა ფასი. თქვენზე უფრო გვინდა ჩვენ, მაღალი ფასი რომ ჰქონდეს _ განმარტებებს არ იშურებდნენ თხილის პუნქტებიდან. _ თხილის ფასს  არ ეხება ომი და  წაბლისას   აფარჩაკებს?  _ უპასუხოდ დარჩა იმ ქალბატონების კითხვა, რომლებაც  პირი იბრუნეს და ჩასაბარებლად წამოღებული წაბლი ისევ შინ ... ...
  • საქართველოს ბანკის მხარდაჭერით ახმეტაში უალკოჰოლო ლუდის მინი საწარმო აშენდასაქართველოს ბანკი ადგილობრივი ბიზნესების მხარდაჭერას განაგრძობს. სწორედ ამ მიზნით, ახმეტაში, კერძოდ სოფელ ომალოში, უალკოჰოლო ლუდის მინი საწარმო აშენდა. კომპანია დღიურად 100 ლიტრ ლუდს აწარმოებს და მის რეალიზაციას ძირითადად ადგილობრივ ბაზარზე  ახდენს.  სამომავლოდ საწარმო ხილის გადამუშავებას და ახალი ასორტიმენტის შეთავაზებას აპირებს მომხმარებლისთვის. ისეთის როგორიცაა, ვაშლის ლუდი, კუნელის ლუდი და ასე შემდეგ. ამ ეტაპზე განხორციელებული ინვესტიციის ჯამური მოცულობა 100 000 ლარია, აქედან შეღავათიანი აგრო კრედიტის ფარგლებში საქართველოს ბანკის თანამონაწილეობა 40 000 ლარს შეადგენს. კომპანია აქტიურ რეჟიმში აწარმოებს უალკოჰოლო ლუდს და პროდუქციას ყიდის თბილისში, რუსთავში, მარნეულში, თელავსა და გურჯაანში.  კომპანია გაყიდვების ზრდას და შესაბამისად, კიდევ უფრო მეტი ადამიანის დასაქმებას ელის. ამ ეტაპზე კომპანიაში 6 ადამიანია დასაქმებული. „საქართველოს ბანკი  ადგილობრივი ბიზნესის მხარდაჭერის მიზნით აქტიურად აგრძელებს  ახალი პროექტების წახალისებას. მოხარულები ვართ, რომ კიდევ ერთხელ მოგვეცა შესაძლებლობა შეგვეტანა წვლილი ადგილობრივი წარმოების, კერძოდ უალკოჰოლო ლუდის საწარმოს მშენებლობის განხორციელებაში. მიგვაჩნია, რომ მსგავსი პროექტები დაეხმარება რეგიონის ეკონომიკას და დადებით გავლენას მოახდენს ახალი სამუშაო ადგილების შექმნაზე. გვინდა წარმატებები ვუსურვოთ საწარმოს სამომავლო საქმიანობაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • სტოლტენბერგი: საქართველო ჩვენი ერთ-ერთი ყველაზე მნიშვნელოვანი პარტნიორია"მე ძალიან ვაფასებ იმ ძლიერ და მჭიდრო თანამშრომლობას, რომელიც საქართველოს ნატოსთან აკავშირებს, საქართველო  ჩვენი ერთ-ერთი ყველაზე მნიშვნელოვანი პარტნიორია", - ამის შესახებ ნატოს გენერალურმა მდივანმა, იენს სტოლტენბერგმა, ბრიუსელში, საქართველოს პრემიერ-მინისტრთან შეხვედრის შემდეგ, ერთობლივ პრესკონფერენციაზე განაცხადა. როგორც ნატოს გენერალურმა მდივანმა აღნიშნა, საქართველო უნდა ამაყობდეს იმ წვლილის გამო, რომელიც შეაქვს ნატოს უსაფრთხოებაში და ნატოს მისიების წარმატებაში. „ძალიან ვაფასებ იმ ძლიერ და მჭიდრო თანამშრომლობას, რომელიც საქართველოს ნატოსთან აკავშირებს. ჩემთვის დიდი სიამოვნებაა, რომ მივესალმები საქართველოს საგარეო საქმეთა სამინისტროს, ნატოს სათაო დაწესებულებაში. ეს იმას ადასტურებს, რომ პოლიტიკურად მნიშვნელოვანია ჩვენი პარტნიორობა თქვენთვის და ჩვენთვის. საქართველო  ჩვენი ერთ-ერთი ყველაზე მნიშვნელოვანი პარტნიორია. ჩვენ უსაფრთხოების სფეროში და ბევრი სხვა მიმართულებით ძალიან მჭიდროდ ვთანამშრომლობთ, მათ შორის, სწავლებებში, ავღანეთის მისიაში. ჩვენ ყველას შეგვიძლია ვიამაყოთ ერთად და თქვენც შეგიძლიათ ამაყობდეთ იმ წვლილის გამო, რომელიც შეგაქვთ ნატოს უსაფრთხოებაში და ნატოს მისიების წარმატებაში", - განაცხადა იენს ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls