"ტელეფონებში თავჩარგული ბავშვები მეცოდებიან, რომ ჩემფერი დეიდა არ ყავთ ქვედა აკეთში"

ფეისბუქსტატუსები

"ტელეფონებში თავჩარგული ბავშვები მეცოდებიან, რომ ჩემფერი დეიდა არ ყავთ ქვედა აკეთში"

11 ივლ. 2020, 14:55:45

ზურა შევარდნაძე ფეისბუქის საკუთარ გვერდზე მორიგ მოგონებას აქვეყნებს.

"ზაფხულის არდადეგებზე ერთხელ მაინც დეიდაჩემთან მაგზავნიდნენ.

დეიდა ღლონტებთან, დედამთილ მამათილთან და მაზლის ცოლშვილთან ერთ ოჯახად ცხოვრობდა აკეთში, როგორც მაშინდელ გურიაში იტყოდნენ ჯარ სულად ..
კოტე ბაბუას დიდი ყანები ქონდა კორიზაის ველზე და ზაფხულში დილიდან დაღამებამდე სულ იქ იყო. ჩვენ ასე ვიცოდით "ომში ნევრები აქვს გაფუჭებულიო", რომ დაბრუნდებოდა აღარ ვღრიანცელობდით, ვერიდებოდით.


დარეჯან ბებია დილაობით ბახჩიდან გადმოსული სულ კვიჭიჭა მსხლის ძირში იჯდა ჯერკოზე, ჭასთან. დაბალ ხმაზე მოსაუბრე, ფუმფულა, ძალიან თბილი და მოსიყვარულე იყო. დამჯდარი მთას გადავდგამო იტყოდა, სიარული უჭირდა, იჯდა და საქმობდა.

ქეთინო დეიდა კი არ დადიოდა, დარბოდა, ერთხელ ვკითხე, რეიზა დარბიხარ-მეთქი?

რომელიცხამ თვარ ირბინა, ისე ოჯახი არ იქნება, ნენაო, _ მიპასუხა.

ბიძაჩემი ნოქარი იყო და გაგურში სოფლის უნივერმაღი ებარა, რომ დაბრუნდებოდა ყავისფერი ქაღალდის "კულიოკებით" ყარაყუმი, "ლასტოჩკა" და კიბოს კისერი მოქoნდა ბევრი, დღეს მივიღე ახალიაო გვეტყოდა, შუკის თავში შევეგებებოდით და იქვე ავადენდით ბდღვირს.

კოტე ბაბუას ძმა, ტარასი, ყრუმუნჯი იყო და კოლმეურნეობის თაღრის ჭიშკარს დარაჯობდა, მეველეობდა ზაფხულობით, ოდაში, პირველ სართულზე ქონდა ოთახი, სული გველეოდა იმ ოთახში თამაშზე.

პირველად ამ ოჯახში ვნახე ორ დიდ კეც ჭადს ერთად რომ აცხობენ და 4 ქათამს ერთად კლავენ სადილისთვის. ფორჩხის კიტრს და გულა პამიდორს დიდი ემალის გობზე დაჭრიდნენ და 3 ფილ დანაყულ სუნელს, ნედლი ზაფრანას ყვავილს და ჭიქით ძმარს მოასხამდენ.

დიდი, გრძელი სუფრა იშლებოდა ყოველ საღამოს. სამი, ოთხი თეფშით ზედმეტს დადებდა დეიდაჩემი, ვინმე დეიძახებსო. ისე ყველაფერი კარგი აგიხდეთ, რავარც ვინმე უსათუოდ დეიძახებდა და შემოგვესწრებოდა..

მე ისე მმასპინძლობდენ, როგორც დიდ საპატიო, პატივსაცემ სტუმარს, მივლიდნენ, თავს მევლებოდენ და მანებივრებდნენ.

თუ ბიძაჩვენი დაღლილი არ მოვიდოდა, სათევზაოდ წაგვიყვანდა წყალზე, მაჩიას ნანაიას და მე.

ჩვენს სიხარულს საზღვარი არ ქონდა, ყიჟინით ვიკლებდით სოფელს და ყირაზე გადავდიოდით სიხარულით. სამაგიეროდ, ბადიდან ფესვების, ბალახების და ზოგჯერ თევზის გამორჩევა ჩვენი მოვალეობა იყო.

ოცდაათ წელზე მეტი გავიდა ამ ლაღი და ბედნიერი ბავშვობიდან. ახლა ნაგომარში, სუფსის გამბულა ბოგასთან, რომ გავივლი გული ამიფართქალდება და თუ შემთხვევით მდინარეში შარვალაკაპიწებულ მებადურს დავინახავ, ისე მინდება მანქანიდან გადახტომა და მის გვერდით ჩადგომა თავბრუ მესხმის, გული სიხარულით მევსება და თვალი კურცხლით.

ტელეფონებში თავჩარგულ ბავშვებს ვხედავ და მეცოდებიან, რომ ჩემფერი დეიდა არ ყავთ ქვედა აკეთში.

ამ ოჯახს ვუმადლი იმ სიყვარულის ერთ დიდ ნაწილს, გურიიდან რომ მერგო, რომელსაც მთელი ცხოვრებაა ვარიგებ, ვარიგებ, ვარიგებ და ჯერ არც არაფერი დააკლდა მგონია", _ წერს ზურა შევარდნაძე.




 ახალი ამბები
  • გიგა ბოკერია: “ამ ოლქში, სავარაუდოდ, მეორე ტური იქნება”"ევროპული საქართველოს", ფოთის, ხობისა და სენაკის მაჟორიტარობის კანდიდატმა, გიგა ბოკერიამ ბრიფინგი გამართა და განაცხადა, რომ სავარაუდოდ, ოლქში, მეორე ტური ჩატარდება . ბოკერიას თქმით, „ქართული ოცნების“ მაჟორიტარი დეპუტატობის კანდიდატის, ირაკლი ხახუბიას კონკურენტი, „ერთიანი ნაციონალური მოძრაობის“ კანდიდატი, მურთაზ ზოდელავა იქნება. ამასთან, ბოკერია საზოგადოებას მოუწოდებს, მეორე ტურში ხმა მისცენ ივანიშვილის წინააღმდეგ, მათი კონკურენტების, ამ შემთხვევაში კი, ზოდელავას სასარგებლოდ. მან ასევე აღნიშნა, რომ მეორე ტური იქნება იმ ოლქშიც, სადაც ის კენჭს იყრიდა. „ფოთში, „ქართულმა ოცნებამ“ ვერ მიიღო მანდატი ქართველი ხალხისგან ქვეყნის მართვაზე, ეს არის უკვე ფაქტი. ჩვენი საზოგადოების უმრავლესობამ, მიუხედავად ძალადობისა, მოსყიდვისა, დაშინებისა, რაც ვნახეთ მთელი ამ კამპანიის დროს და განსაკუთრებით დღეს, ზოგიერთ ოლქებში, სამარცხვინო, საგამგაშო ფორმით, მაინც ხმა მისცა ცვლილებებს ამ ქვეყანაში. ეს არის უკვე ფაქტი. სამწუხაროდ, მანდატების გადანაწილების საბოლოო შედეგი გადაწყდება მეორე ტურში, ესეც ფაქტია. ოლქში, სადაც ჩვენ ვიმყოფებით, ფოთში სენაკსა და ხობში, დიდი ალბათობით იქნება მეორე ტური და დიდი ალბათობით, „ოცნების“ კანდიდატი იქნება ჩემი კონკურენტი, ბატონ ზოდელავა. რა თქმა უნდა, „ევროპული საქართველო“ მოუწოდებს ჩვენს ამომრჩეველს, ხმა მისცეს ივანიშვილის კანდიდატის წინააღმდეგ ჩვენი კონკურენტის, „ნაციონალური მოძრაობის“ კანდიდატს ბატონ ზოდელავას სასარგებლოდ. ეს ვითარება კიდევ ერთხელ აჩვენებს, როგორი სწორი და საჭირო იყო ის გეგმა, რაც ქონდა „ევროპულ საქართველოს“ ერთიანი მაჟორიტარების შეჯერებაზე და როგორი უპასუხისმგებლობა იყო სააკაშვილის და მისი გარემოცვის მხრიდან ამ გეგმის ჩაშლა. ეს უკვე წარსულია. მეორე ტურები იქნება და ამ მეორე ტურებში ყველგან უნდა მივცეთ ხმა ივანიშვილის ხელისუფლების წარმომადგენლის წინააღმდეგ“, _ განაცხადა ... ...
  • თორნიკე ართქმელაძე: "არჩევნებმა ჩაიარა მასიური დარღვევებით"ლელოს მაჟორიტარი დეპუტატობის კანდიდატის წყალტუბო, სამტრედია, ვანი, ხონის ოლქში აცხადებს, რომ არჩევნებმა ჩაიარა დარღვევებით. "არჩევნებმა ჩაიარა მასობრივი დარღვევებით, მოსყიდვა და ადმინისტრაციული რესურსის უკანონო გამოყენება იყო ძალიან ბევრ ადგილას. შედეგებზე საუბარი ჯერ ადრეა. ჯერ ამის თქმა ძალიან რთულია, რადგანაც მხოლოდ რამდენიმე უბნის შედეგია მოსული", _ განაცხადა ,,გურია ნიუსთან" საუბრისას თორნიკე ართქმელაძემ. ... ...
  • "ყველა ზღვარს გადავიდნენ, თიანეთში მიდის მასობრივი გაყალბება" _ მეჭიაური"თიანეთში მიდის მასობრივი გაყალბება", _ ამის შესახებ ინფორმაციას სოციალურ ქსელში მცხეთის, დუშეთის, თიანეთისა და ყაზბეგის მაჟორიტარობის კანდიდატი, თამაზ მეჭიაური ავრცელებს. "თიანეთში მიდის მასობრივი გაყალბება! უბნებზე დიდი რაოდენობით აბათილებენ ჩემს ბიულეტენებს... ყველა ზღვარს გადავიდნენ!!! რას გვაწვალებთ, დადეთ პირდაპირ, პარლამენტის რომელიმე რადიატორთან, თქვენი კანდიდატი", _ წერს ... ...
  • გუთურშიც "ქართული ოცნება" ლიდერობსგუთურშიც "ქართული ოცნება" ლიდერობს. მმართველმა პარტიამ 380 ხმა მოიპოვა, მისმა დეპუტატობის კანდიდატმა ვასილ ჩიგოგიძემ კი _ 416. გუთურში "ნაციონალურმა მოძრაობამ" 46 ხმა მოიპოვა, პარტიის კანდიდატს მანუჩარ კვირკველიას კი  44-მა ამომრჩეველმა დაუჭირა ... ...
  • სამების საარჩევნო უბანზეც "ქართულმა ოცნებამ" გაიმარჯვასამების საარჩევნო უბანზე ხმა 261-მა ამომრჩეველმა მისცა. ვასილ ჩიგოგიძემ 148 ხმა მოიპოვა, მანუჩარ კვირკველიამ _ 54. რაც შეეხება პროპორციულ სიებს, "ოცნებამ"  132 ხმა მოიპოვა, ნაცმოძრაობამ _ 54. გაბათილდა _ 10 ... ...

არქივი

ტესტები

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ ყველაზე, ყველაზე...

იცი თუ არა გეოგრაფია

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...