"მინიმალური რატომ მიუსაჯეს" _ დეპუტატ წილოსანის კომენტარი "ბახალას" განაჩენზე და დაპირისპირება ფეისბუქში

ფეისბუქსტატუსები

"მინიმალური რატომ მიუსაჯეს" _ დეპუტატ წილოსანის კომენტარი "ბახალას" განაჩენზე და დაპირისპირება ფეისბუქში

24 იან. 2018, 16:43:08

საპარლამენტო უმრავლესობის დეპუტატი ნინო წილოსანი გიორგი გიორგანაშვილისთვის (ბახალა) 8-წლიანი სასჯელის შეფარდებას ეხმაურება და აღნიშნავს, რომ  მისთვის გასაკვირია, რატომ მიუსაჯეს მინიმალური სასჯელი:

„საინტერესო, საოცარი და გენიალური საზოგადოება ვართ და რაც მთავარია ყველაფერში პროფესიონალურად გათვითცნობიერებული.

თან გვიკვირს ნარკომანიის მიმართ რომანტიული განწყობები რატომ არის და ამდენი ნარკოდამოკიდებული რატომ ყავს ქვეყანას...

გავიგეთ ბახალა სახელი და უცბად აჭრიამულდა საზოგადოება, ოღონდ არც კი ვიცით რისთვის მიუსაჯეს 8 წელი... თუ 45 აბუ ( 400 გრამამდე) სუბოტექსი გამოსაზამთრებლად შეიძინა ან ის 843 აბი მძღოლს რომ გამოატანა დიდი მარაგების გასაკეთებლად სჭირდებოდა. მაგრამ არა, ეს შინაარსი ვის აინტერესებს ან კიდევ უარესი თუ დაინტერესდით და მაინც ესეთ ამბავში ხართ...

მე პირადად საწინააღმდეგო კითხვა გამიჩნდა _ წაყენებული მუხლიდან მინიმალური წელი რატომ მიუსაჯეს , მუხლი ხომ 8-20 წლამდე თავისუფლების აღკვეთას ითვალისწინებდა?!

P.S და კიდევ, შედარებები რომ მოყავთ სამი კაცის დამჭრელს, ერთი ადამიანის დამჭრელს იგივე როგორ მიესაჯაო, აი აქ ჩანს ზუსტად როგორი რომანტიული დამოკიდებულება გვაქვს ნარკოგამსაღებლების მიმართ და რომ ვერც კი ვაცნობიერებთ იმ სიმძიმეს რასაც ნარკოგამსაღებელი ქვია ...“ _ აღნიშნული მოსაზრება წილოსანმა ფეისბუქის საკუთარ გვერდზე გამოაქვეყნა, რასაც გამოხმაურებები მოჰყვა.

სოციალური ქსელის მომხარებელია Mariam Paichadze  ჩოხატაურისა და ლანჩხუთის გაერთიანებული ოლქის მაჟორიტარ დეპუტატს წერს, რომ რცხვენია, როცა მისნაირ „უსირცხვილო ადამიანს“ ინახავს მისი გადასახადებით.

„ქალბატონო მარიამ, იდენტიფიცირება რომ შეიძლებოდეს თქვენი გადასახადით სავარაუდოდ სხვა დეპუტატებს ინახავთ ალბათ. მე , თქვენგან განსხვავებული მოსაზრებების მქონე ამომრჩეველი მიჭერს მხარს“ - პასუხობს წილოსანი მარიამ პაიჭაძეს.

ამ კომენტარებს ფეისბუქის სხვა მომხმარებლებიც გამოეხმაურნენ:

Waldo V Findme მაგრა გცოდნია როგორ მუშაობს ბიუჯეტი და როგორ მოგდით ხელფასი, ქალბატონო დეპუტატო, აი!

Mariam Paichadze მე მგონი, ლოგიკასთან ვერ მეგობრობთ, ქალბატონო ნინო, თორემ არც ამ სტატუსს დაწერდით და მით უფრო ამ კომენტარს.

არა უშავს. ერთადერთი, რასაც თქვენ და თქვენი მმართველი პარტია წარმატებით ახერხებთ, საკუთარი თავისთვის საფლავის თხრაა, რაშიც დიდი სიამოვნებით დაგეხმარებით, ასე თუ გააგრძელებთ. დროებით.

ისე, მსგავს კომენტარს ნუღარ დაწერთ, მაინც, რჩევად. თუ აღნიშნული სტატუსი უსინდისობაა და არაადამიანობაა, ასეთი კომენტარი ტეხავს ბოლო-ბოლო.

Nino Tsilosani მოდით მარიამ იმათთვის დავწერ ვისაც არ "უტყდება" ნარკოტიკების თემაზე მწვავე გამონათქვამები დქ თქვენ თუ სუსტი გული გაქვთ იქნებ არ წაიკითხოთ, რა ვიცი მაინც ...

Keti Machavariani Nino Tsilosani ქალბატონო ნინო პარლამენტის დეპუტატს მეტი რომ მოეთხოვება ფაქტია. გასაგებია ჩვენ უბრალო მოკვდავებს არ გვჯერა სასამართლოს გადაწყვეტილების მიუკერძოებლობის, მაგრამ თქვენ , კანონმდებელს ,სასამართლოს გადაწყვეტილებაში ეჭვი შეგაქვთ. ბარიგას უწოდებთ ადამიანს , არღვევთ უდანაშაულობის პრეზუმფციას. გიორგი გიორგანაშვილი გასამართლდა როგორც მომხმარებელი. ეს ერთი ამასთან უნდა გითხრათ დადგება დრო როცა გამოაშკარავდება, რომ 2 პოლიციელი, რომელთა ჩვენებსაც ეყრდნობა სასამართლოს გადაწყვეტილება და რომელთა წინააღმდეგ აღძრულია საქმე, არის დამნაშავე და გიორგანაშვილი განთავისუფლდება. თქვენ კი გააგრძელებთ მშვიდად პარლამენტში მოღვაწეობას. სამწუხაროა

 Mariam Paichadze ისევ და ისევ ძალიან ზუსტად გამოიტანეთ ჩემი კომენტარიდან აზრი. გმადლობთ ჩემს გულზე ასეთი გულმოდგინედ ზრუნვისთვის.

Luka Asatiani არ ვედნობით მაგ 2 პოლიციელის მოწმეობას, იმ მარტივი მიზეზის გამო რომ არაერთხელ გაუწირიათ ადამიანები, თუნდაც ბირჟა მაფიის ამბავი გავიხსენოთ, სამარცხვინო გადაწყვეტილებაა, ეს არ არის სამართალი ეს არის კრიმინალი ჩემი აზრით. მინდა რომ თქვენნაირი ცნობიერების ხალხი მოცილდეს ქვეყნის მართველობას.

Nata Gonzalez ქალბატონო ნინო, ისე ხომ არ არის რომ ნარკომანებთან ერთად უინტელექტოების რომანტიზებასაც ვახდენთ და დეპუტატებად ვირჩევთ?

 ნიკა არევაძე 1. თუ ამ საქმის დეტალებში ოდნავ მაინც ერკვევით, გეცოდინებოდათ, რომ ძალიან ბევრი კითხვაა, ერთადერთი ნეიტრალური მოწმე უარყოფს ბრალდების ვერსიას. დარღვევებით ჩატარებულ პროცედურას ეყრდნობა ბრალდება.
2. განაჩენი რომ არსებობს შეძენა-შენახვაზე, ბრალდების მიერ მოთხოვნილი ბრალის შესაბამისად, და პროკურატურამ მხოლოდ საზოგადოების რეაქციის დასაბალანსებლად ჭორი გამოდო და ამას როგორც ფაქტს ისე ახსენებთ ეგ უკიდურესად მიკერძოებული, უდანაშაულობის პრეზუმფციის პირდაპირ დამრღვევი და ცილისმწამებლური განაცხადია.
3. ერთი თვის-თვენახევრის მარაგი ნარკოტიკული საშუალება უფრო დიდ პრობლემად რომ მიგაჩნიათ საზოგადოებისათვის (მაშინ როცა სასამართლო წერდა საზოგადოებისთვის საფრთხის არარსებობაზე), ვიდრე თაზუკას მიერ თითქმის სასიკვდილოდ დაჭრილი ადამიანები (მგონია რეფერირებას ამაზე აკეთებთ), ეგ კიდევ ცალკე დიდი პრობლემაა, კომპეტენტურობასთან ერთად, პიროვნული მახასიათებლების.
4. გეთანხმებით, რომ მართლაც "საინტერესო, საოცარი და გენიალური საზოგადოება" ვართ. სხვა შემთხვევაში, თქვენი მოსაზრებები არჩევნებამდე უნდა გათვალისწინებულიყო.
5. იმედი მაქვს, რომ ეს ქმედება - შეძენა-შენახვისთვის ბრალდებული პირის გამსაღებლად, ბარიგად შერაცხვის მცდელობა უბრალოდ თქვენი პირადი პოზიციაა და იმ მიზნებსვე არ ემსახურება, რასაც პროკურატურის ყვითელი ნიუსი ))

Natia Letodiani როგორი სირცხვილია ამ ქალის პარლამენტში ყოფნა! ჩემი გადასახადებიდან იღებ ხელფასს, ბახალაც გიხდის ასევე ხელფასს და კიდევ ბევრი ბახალასნაირი, რომელთაც ასე ერტი ხელისმოსმით უწოდებთ ნარკომანებს და სასტიკად დასჯისთვის გემეტებათ. აი სწორედ თქვენ რომ ენდობით, იმ პოლიციელების მიმართ არის ძიება დაწყებული და სტატუსის დაწერამდე და "აჭრიამულებამდე" იქნებ ორიოდე სტატია მაიმც წაგეკითხათ ამ თემაზე, ან თქვენი კოლეგა ზოიძესთვის გეკითხათ, დაგეხმარებოდათ! ამიტომ, ქალბატონო დეპუტატო, სანამ საზოგადოებას მიმართავთ და ბახალას და ბევრ მისნაირ უდანაშაულო ადამიანს გამსაღებლად და მომხმარებლად მოიხსენიებთ, კარგი იქნებოდა ოდნავ მეტი გაგვეგო ამ ამბავზე.და კიდევ, ზემოთ გირჩიეს და მეც გეტყვიტ, გრამების დამრგვალებაში და ზოგადად არითმეტიკაში,

Lasha Meskhi საკუთარი პარტიის სტეიტმენტს ასცდით ) ჯობდა ისევ „9 წელი“; „ნაცების დროს მიღებული კანონია და მათ მოკითხეთ“ და აშ.
ნუ რაც დაწერეთ ამას ალბათ ყველაფერი ჯობდა. ნარკომანია, რომ პრობლემაა ამაზე არავინ დავობს! და არავინ ეწევა „ნარკომანიის პროპაგანდას!“ აქ დასჯის პოლიტიკის, ზრუნვით ჩანაცვლებაზეა საუბარი. ხო ეს ყველაფერი კი იმ ფონზე, როცა პარტია, რომელსაც თქვენ წარმოადგენთ არის „ადამიანზე ორიენტირებული“ - სხვათაშორის :)
და კიდევ ერთი, როგორც პოლიტიკოსს ისე გირჩევთ, როცა ხედავთ რომ ათობით ათას ადამიანს სასჯელის ხანგრძლივობაზე და დაკავებულის ბრალეულობაზე აქვს პროტესტი თქვენ ცეცხლზე ნავთი ამ დროს არ უნდა დაასხათ და არ უნდა თქვათ, რომ - მეტი უნდა მიეცათო...

 საბა ბრაჭველი როგორც ჩანს, სტენფორდსა და ოქსფორდში არ ასწავლიან, რა განსხვავებაა ნარკოტიკების პირადი მოხმარების მიზნით შენახვასა (რაც ბრალდებასა და განაჩენში წერია) და გასაღებას შორის .

Luka Asatiani გულწრფელად მრცხვენია ამ ადამიანების, 8 წელი მისცეს ახალგაზრდა ბიჭს 2 პოლიციელის მოწმეობით, არანაირი ვიდეო ან აუდიო მასალა არ წარმოუდგენიათ და რა სამარცხვინო სტატუსს წერს ეს ქალი, მინდა რომ მოცილდნენ ქვეყნის მმართველობას ეს ადამიანები.

Mari Aniko Lortqifanidze შოკირებული ვარ საიდან ოცნებაში ამდნ ეძელა.. ამას გეუბნება უმრავლესობის წევრი და ამ ქვეყანაში რისი იმედი უდა ქგოდეს. ქვეყანა გადაჩეხილია ხალხო უბსკრულში.. გაოგნებული ვარ

 გამომდინარე იქიდან რომ, პოსტი საჯარო იყო ნინო წილოსანს ჩვენც საჯაროდ ვკითხეთ იცნობდა თუ არა გურიის სამხარეო პოლიციის მთავარი სამმართველოს უფროსის გიგა ჯაფარიძის ისტორიას.

უფრო კონკრეტულად კი დავინტერესდით იწვევდა თუ არა მის გაკვირვებას ის, რომ  "ბარიგობაზე" დაკავებული პოლიციის მაღალჩინოსანი ჯაფარიძე მხოლოდ 3 დღე იჯდა ციხეში და მოსამართლემ 10 000 ლარიანი გირაოთი და 6-წლიანი პირობითი მსჯავრით გარეთ გამოუშვა?

ასევე ვკითხეთ უკვირდა თუ არა, რომ ეს გადაწყვეტილება პროკურატურას არ გაუსაჩივრებია?  ვკითხეთ ისიც, იყო თუ არა ეს გამონაკლისია, რადგან არჩევნებში ხელისუფლებას მისი დახმარება სჭირდებოდა?

უფრო მეტი კონკრეტიკისთვის და იმისთვის, რომ პასუხად „არ ვიცი“ არ მიგვეღო ამ ყველაფერის დამადასტურებელი ლინკიც წარვუდგინეთ, რაზეც დეპუტატმა ასე გვიპასუხა:

„მაინც რომ არ ვიცი ამ ფაქტის შესახებ? და რომ გავიგე იგივეს ვამბობ _  დიდი ოდენობით ნარკოტიკული საშუალების შეძენა- შენახვა და გასაღება უნდა ისჯებოდეს“.

ამის შემდეგ დეპუტატს კიდევ ერთი შეკითხვა დავუსვით და დავინტერესდით, იცოდა თუ არა აღნიშნული ფაქტის შესახებ მაშინ, როცა გიგა ჯაფარიძე არჩევნებზე ეხმარებოდა.

ამ კითხვაზე ნინო წილოსანს პასუხი არ გაუცია და მხოლოდ ეს დაწერა:

რა საინტერესო მოძრაობაა ატეხილი ჩეს გვერდზე... არც ერთი რატომღაც არ ხართ ჩემს მეგობრებში. აააა გასაგებია, სავარაუდოდ შეხედულებებში გვაქვს სხვაობები..“.

ფეისბუქის მომხმარებლებს არც ეს კომენტარი დაუტოვებიათ უპასუხოდ:

 Natia Letodiani კი ქალბატონო დეპუტატო! თქვენთან "მეგობრობა" უკვე სასჯელია ჩვენთვის, ლბათ იმ საზოგადოებასაც არ ვეკუთვნით, ვისაც თქვენ მიმართავთ ამ სტატუსში, მაგრამ მაინც მოგაგენით და ყველგან მოგაგნებთ, სადაც უსამართლობის პიარს შეეცდებით!

Luka Asatiani ადამიანი გაწირეს მტკიცებულებების გარეშე, დღემდე ვერ გავიგე რატომ არ გადაიღეს დაჭერის ფაქტი ვიდეოთი ან აუდიო ჩანაწერით, სამარცხვინო ადამიანები არიან, ეს ადამიანები უნდა წავიდნენ მმართველობიდან.

Tamara Kochladze უკაცრავად და საზოგადოებას რო დაგვცინით ხომ არ დაგავიწყდათ რომ ამ "გათვითცნობიერებულმა" საზოგადოებამ აგირჩიათ პარლამენტის წევრად? თუმცა თუ არ გახსოვთ ეგეც გასაგებია თქვენი შესაძლებლობებიდან გამომდინარე. ეს საზოგადოება მართავს ამ ქვეყანას და არა თქვენ საიდანღაც ვიღაცის ნაცნობობით ჩამოხეტიალებული. როგორ გგონიათ 4 წელი უფრო მალე გავა თუ 8?




 ახალი ამბები
  • აფხაზეთში დაღუპულ მეომართა ხსოვნის ტურნირი''აფხაზეთის თასი 2020'' (R)მიმდინარე წლის 24 სექტემბერს, ვეტერანების საქმეთა სახელმწიფო სამსახურისა და საქართველოს ამპუტანტთა ფეხბურთის ასოციაციის ორგანიზებით, საქართველოს ფეხბურთის ფედერაციის, თავდაცვის სამინისტროსა და აფხაზეთის ა/რ მთავრობის მხარდაჭერით, თბილისში, სპორტულ-გამაჯანსაღებელ პარკ'' მზიურის''საფეხბურთო სტადიონ ''მასტერ კლას-არენაზე'' დაიწყო საქართველოს ტერიტორიული მთლიანობისათვის, აფხაზეთში დაღუპულ მეომართა ხსოვნისადმი მიძღვნილი ტურნირი ამპუტანტ ფეხბურთელთა შორის. აღნიშნულ ტურნირში მონაწილეობას საქართველოს ამპუტანტ ფეხბურთელთა 5 გუნდი მონაწილეობს: თბილისის ''თბილისი'', ზესტაფონის ''მარგვეთი'', ზუგდიდის ''ოდიში'', ბათუმის ''აჭარა'' და გორის ''დილა''. გუნდების შემადგენლობაში, ძირითადად, საქართველოს ტერიტორიული მთლიანობისათვის ბრძოლებსა და საერთაშორისო- სამშვიდობო მისიებში დაჭრილ-დასახიჩრებული ვეტერანები არიან. ტურნირის პირველი შეხვედრა გაიმართა თბილისის''თბილისსა'' და ზესტაფონის ''მარგვეთს'' შორის და იგი მასპინძელთა გამარჯვებით, 7:4 დასრულდა. ტურნირის ფინალური შეხვედრა გაიმართება 26 სექტემბერს, 12:00 საათზე. გამარჯვებულ გუნდს ვეტერანების საქმეთა სახელმწიფო სამსახურის მიერ დაწესებული გარდამავალი თასი გადაეცემა. აფხაზეთში დაღუპულ მეომართა ხსოვნისადმი მიღვნილი ტურნირი 2016 წელს დაარსდა და ყოველწლიურად ტარდება.    ... ...
  • "მეხანძრე მაშველს 10 სექტემბერს შეუსრულდა 55 წელი და 11 სექტემბერს უკვე უმუშევარი იყო" _ ჭიჭინაძე“პოლიციის ზემდეგ, ზაურ გოგიაშვილს 10 სექტემბერს შეუსრულდა 55 წელი  და 11 სექტემბერს უკვე უმუშევარი იყო. მიზეზი: როგორც მეხანძრე- მაშველი, ასაკის გამო ვეღარ აკმაყოფილებს პროფესიის მოთხოვნებს. ეს გასაგებია, მაგრამ ამ ადამიანებს, ვისაც  23-25 წელი აქვთ ნამსახურები მეხანძრე- მაშველად და პენსიამდე კიდევ 10 წელი რჩებათ, დღეს, ახალი სამსახურის დაწყების პერსპექტივის,  ელემენტალური საარსებო მინუმუმის გარეშე და  ბანკების ვალებით  აბსოლუტურად ბედის ანაბარა აღმოჩნდნენ დატოვებული. საქმე კი იმაშია, რომ 2008-2019 წლებში  სამაშველო და სახანძრო სამსახურები გადაცემული იყო ადგილობრივი თვითმმართველობს ორგანოების  დაქვემდებარებაში. 2019 წელს ისევ დაუბრუნდნენ შსს სტრუქტურა, რის გამოც 55 წლის ასაკის ადამიანებს პენსიაში უშვებენ, მაგრამ ძალოვნებისთვის კუთვნილი პენსიის გარეშე!  ანუ,  გამოდის, რომ სახელმწიფო მათ უბრალოდ პარავს საკუთარი ნამოღვაწარის  11 წელს, რადგან ამ ადამიანებს  ეს პერიოდი არ ეთვლებათ,  როგორც გასამხედროებული სამსახური  20 წლის სტაჟის პირობებში. ამ ყველაფერს კი, შესაბამის სტრუქტურებში უბრალოდ არ იმჩნევენ, ან შეგნებულად ხუჭავენ თვალს.“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე. თავად ზაურ გოგიაშვილის განცხადებით კი,  მის უკან ათეულობით ადამიანი დგას, რომელთაგან ზოგი ხმას ვერ იღებს, რადგან ეშინიათ, ზოგის ოჯახის წევრები კი, სხვადასხვა სახელმწიფო სამსახურებში მუშაობენ და მათაც ასევე ეშინიათ, რომ ისინიც უმუშევრები არ დარჩნენ. ამას გარდა, ზაურ გოგიაშვილის განცხადებით, სახანძრო მანქანების დიდი ნაწილი ტექნიკურად გაუმართავია და ხშირად უწევთ შეკეთება, სპეციალური ტანისამოსი ორ წელზე მეტია არ გამოუცვლიათ, საკვებად კი ყოვლედღიურ რაციონში შედის ორი კონსერვი, ჩაი და შაქარი და ეს ყველაფერი პურის გარეშე. ... ...
  • საქართველოს ბანკი ადგილობრივი წარმოების მხარდაჭერას განაგრძობსსაქართველოს ბანკი კვლავ განაგრძობს ადგილობრივი წარმოების მხარდაჭერას. ბანკის ფინანსური ჩართულობით ხის ნაკეთობების ბრენდი „თილისმა“ წარმოებას აფართოვებს. კომპანიამ საქმიანობა 2018 წელს დაიწყო და დღეს ბრენდის ნაკეთობების რეალიზაცია უკვე www.amazon.com-ზე ხორციელდება. წარმოებული პროდუქტის გამრავალფეროვნების მიზნით განხორციელებულმა ინვესტიციამ 58,000 დოლარი შეადგინა. წარმოების პროცესში 13 ადამიანია ჩართული. ბრენდი 5 სხვადასხვა სახეობის პროდუქციას აწარმოებს. ესაა ხელნაკეთი წიგნის დამჭერები. „თილისმა“ ამაზონის გარდა პროდუქციის ადგილობრივ ბაზარზე რეალიზაციასაც გეგმავს. „საქართველოს ბანკი ბიზნესების მხარდაჭერას განაგრძობს. მოხარული ვართ, რომ ჩვენი ჩართულობით ხის ნაკეთობების ბრენდ „თილისმა“ -ს მიეცა შესაძლებლობა, კიდევ უფრო გააფართოვოს წარმოება სხვადასხვა სახეობის ხის ნაკეთობების რეალიზაციით. საქართველოს ბანკი აქტიურად აგრძელებს ბიზნესების წახალისებას, რათა კიდევ უფრო განვითარდნენ ისინი და შეიტანონ საკუთარი წვლილი ქვეყნის ეკონომიკურ გაძლიერებაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • ჭრილობასთან უსათუთესი, თოფთან_ მეომარი _ საქართველოში პირველი ბაზიერი ქალბატონი იუბილარიაოზურგეთელი   ქალბატონი, კლარა  თავართქილაძე სულ მალე 80 წლის ხდება, 57 წელი კი მარტო სამედიცინო სფეროში მუშაობის სტაჟი აქვს. ოზურგეთის  სამედიცინო სასწავლებლის  დამთავრების  შემდეგ, გასული საუკუნის 50-იან წლებში, მუშაობა ოზურგეთის (მაშინდელი მახარაძის) რაიცენტრალურ საავადმყოფოში დაიწყო, ქირურგიულ განყოფილებაში,   შემდეგ  კი ბავშვთა ქირურგიული საავადმყოფოს საოპერაციო ბლოკში გადაინაცვლა და ასე გალია ,თითქმის , 60 წელი მედდად მუშაობაში. როგორც გვიამბობს, მუშაობდა რესპუბლიკაში ცნობილი  ექიმების გვერდით და არცერთი სიკვდილის ფაქტი    საოპერაციო მაგიდაზე  არ მომხდარა. _ ექვსი და-ძმა ვიყავით. მამა ომში დაიღუპა. ერთმანეთი გაზარდეს ჩემმა და-ძმებმა. მე , როგორც ნაბოლარას, დედაც და და-ძმებიც მანებივრებდნენ. ყველაზე დიდი  გატაცება  ჩემი ბაზიერობა იყო, რასაც  13 წლის ასაკიდან ისეთი ლტოლვით ავეკიდე, რომ დღესაც ჟრუანტელი მივლის. დამჭერ მტაცებელ ფრინველზე ნადირობა, გურიაში,  ნებისმიერ   პოპულარულ სპორტზე მეტი ჟინით გამოირჩეობდა.   ჩვენ უამრავი ახალგაზრდა დავიხსენით   ხეტიალისგან თუ ნარკოტიკისგან,  ბაზიერობის დაინტერესებით, _ გვიამბობს ქალბატონი და პირველ ნაბიჯებს იხსენებს, როგორ გაჰყვა 13 წლის ასაკში ძმებს დამჭერ მტაცებელი ფრინველზე სანადიროდ. .. შემდეგ გახდა მაშინდელი მახარაძის მონადირეთა საზოგადოების სექციის წევრი და როგორც ქალი ბაზიერი,   მთელი რესპუბლიკის მასშტაბით, ყურადღების ცენტრში მოექცა. _მე მედდად ვმუშაობდი,   თან ამ უდიდესი საქმის, ბაზიერობის ტრფიალი ვიყავი. როგორც ცნობილია,   ჩვენს ქვეყანაში ცხოვრების   ადათ-წესებთან შესისხლხორცებული იყო ბაზით ნადირობა. თუმცა ქალ ბაზიერს ნაკლებად ნახავდით, _ გვიამბობს კლარა თავართქილაძე და იხსენებს მაკვანეთის ტერიტორიაზე გორმაღალას ფერდობს, სადაც უმეტესად   ხდებოდა მიმინოს  დაჭერა. _ ეეე,  „ნაპერტყულებს“ ვიჭერდით  ჩვენ, ჩოხატაურელებს  და ლანჩხუთელებს რომ გამოექცეოდათ. ისინი აქეთ ნაკლებად გამოუშვებდნენ კარგ მიმინოს და  თუ გამოექცეოდათ, ჩვენც მუდამ იმის ცდაში ვიყავით, როგორმე საუკეთესო მიმინოს დაჭერა მოგვეხერხებინა. მაინც მოხდა ისე, რომ მე მყავდა თეთრზე თეთრი, დედოფალი მიმინო, რითაც 1972 წელს გავხდი საქართველოს ჩემპიონი, 100 ქულა მისცეს მსაჯებმა. მიმინოს   დასაჭერად   ძირითადად  ღაჟოს ვიყენებდით. მას ჯერ გალიაში ვათავსებდით,    თვალებზე ტყავს ვაწებებდით, რომ ცაში გაშვების დროს,   მიმინო ვერ დაენახა.  როცა  გორმაღალას სეზონს ვიწყებდით, აგვისტოს ბოლოს, აი, მაშინ, როცა გადაფრენისთვის ემზადებიან    ფრინველები, მონადირეები და მათთან ერთად  მეც ,  დილაადრიან მივდიოდით.   ვამაგრებდით მუქი ფერის ძაფისგან მოქსოვილ ბადეს, რომლის შუაგულში ღაჟოს   ვათავსებდით.  აი, როცა მიმინო გამოჩნდებოდა და შურდულივით   დაეშვებოდა ღაჟოს მიმართულებით, მონადირის მარიფათზე  და სისწრაფეზე  იყო დამოკიდებული, რა სწრაფად  დაიჭერდა ღაჟოზე დამცხრალ მიმინოს. შემდეგ , სახლში   წამოყვანილი მიმინოს  მოთვინიერების უმთავრესი პროცედურა  იწყებოდა თვალების ამოკემსვით, _ ამბის  თხრობას ისე განაგრძობს ქალბატონი კლარა, კარგ ორატორს შეშურდება.    ალბათ, ბაზიერთა სკოლა რომ არსებობდეს, უკეთეს ლექტორს  ვერც ინატრებდა კაცი. იხსენებს, რომ პირველივე შემთხვევაზე  დაჭერილი მწყრის ტვინს აჭმევდნენ მიმინოს, რომელიც მას ყველაზე  ძალიან მოსწონს.  ისე კი წელიწადში, რვათვიან მიმინოს 17 კილოგრამი ხორცი სჭირდებოდა. _ ქალი ბაზიერი, რაც მე ეს საქმე დავიწყე,  სამი წლის შემდეგ  გამოჩნდა ჩოხატაურიდან,   გიული ბერძენიშვილი.      მასთან ერთად,  1970 წელს თბილისში,   „ლოკომიტივის“ სტადიონზე, დამჭერ ფრინველთა  მეორე რესპუბლიკურ გამოფენა-შეჯიბრში მიიღეს მონაწილეობა.   აქ   გუნდური შეჯიბრი   იყო. 1971  წელს კი ჩოხატაურში გამართულ  დამჭერ ფრინველთა მესამე რესპუბლიკურ გამოფენაზე პირველი ადგილი მოვიპოვე. გუნდურში კი ჩოხატაურელებმა იმარჯვეს. მათ ბადალი ნაკლებად ჰყავთ ამ საქმეში. ძნელია,   გავიხსენო, ყველა გამოფენა თუ შეჯიბრი, რომელშიც ცხოვრების მანძილზე მივიღე  მონაწილეობა და მუდამ მაღალი  შედეგები მქონდა. გორმაღალაზე სიარულს ბოლო ათი წელია, თავი დავანებე, რადგან გულის ოპერაცია გავიკეთე და ახლა უფრო შორიდან ვადევნებ   თვალს ბაზიერთა  საქმიანობას, -სინანულით ამბობს ქალბატონი კლარა და ვერ იხსენებს სიგელების და მედლების რაოდენობას,   რითაც  საუკეთესო ბაზიერობისთვის დააჯილდოეს. თუმცა ის კარგად ახსოვს, რომ ხუთჯერ იყო საქართველოს  დამჭერ   ფრინველთა გამოფენა-შეჯიბრის   ჩემპიონი. კლარა თავართქილაძეს ოჯახი არ შეუქმნია. არც კითხვას გაურბის, თუ რატომ მოხდა ისე, რომ უმშვენიერესი გარეგნობის, განათლებული, სპორტსმენი  ქალბატონი  არ დაოჯახდა. _ ბედის საკითხიაო, რომ იტყვიან, არც მთლად მასეა. რატომღაც, იმდენად ბუნების შვილი ვიყავი, იმდენად კაცურ საქმეში გადართული, განსაკუთრებით ბაზიერობის მხრივ, ადვილად ვერც მელაპარაკებოდნენ ამ საკითხზე. არ ვიცი, რატომ ხდებოდა ასე... თოფს ისე ვისროდი, როგორც კაცი, იარაღთან მეომარი ვიყავი,  თუმცა მგრძნობიარე და  უსათუთესი ჭრილობასთან, არ აქვს მნიშვნელობა, ფრინველი იქნებოდა ეს თუ ადამიანი. აკი, გითხარით, ნახევარ საუკუნეზე მეტი,  ქირურგიულ განყოფილებაში ვიმუშავეთ და ადამიანის, ბავშვის სიკვდილის შემთხვევა არ გვქონია.  ან ის როგორ შეიძლებოდა, ჭრილობა დაჩირქებოდა ვინმეს? ყველაზე მწარედ და გაუნელებელი   ტკივილით  მახსოვს, გასული საუკუნის 80-იან წლებში იყო, თუ არ ვცდები, წვერმაღალასთან   მატარებლები შეეჯახნენ ერთმანეთს. სამგზავრო და  საწვავის  გადამზიდი. აი, მაშინ ვნახე საშინელება, ბევრი გარდაცვლილი, დამწვარი, რომლებსაც ვერ ვუშველეთ. დღესაც მტკივა, მიძნელდება იმ საშინელი სურათის გახსენება, _ ტირილს ვერ იკავებს ქალბატონი. კლარა თავართქილაძე მიიჩნევს, რომ უდიდესი იყო საქმე, რომელსაც საავადმყოფოში ემსახურებოდა -  ავადმყოფობას და სიკვდილს იმდენი ადამიანი გადაარჩინეს მან და მისმა კოლეგებმა, მისივე თქმით, სათვალავი არ აქვს.  ხოლო ბაზიერთა გუნდში ყოფნისას, უფრო მეტი ახალგაზრდა დაიხსნეს უსაქმურად ხეტიალისგან, რასაც, საბოლოოდ, ისინი ციხის კარებთან მიჰყავდა. ქალი მედიკოსი და ქალი ბაზიერი, რომელიც მალე 80 წლის გახდება, სამეზობლოში ახლაც ისე მზადაა  სხვადასხვა მედიკამენტებით სავსე,  საოჯახო თუ საველე აფთიაქით, როგორც ათეული წლების წინ იყო. _ ეს რომ არ გვყავდეს, რა ეშველება ფარნავაზ მეფის ქუჩის სამეზობლოს? ძველებურად მხნე, დაუზარელი,  ენით მოგარჩენს, სხვა რომ არაფერი. შეკრება-საღამოები ხომ მისი მოგონილია. აინტერესებს, რომელ ოჯახში რა უჭირთ, ვინმე ავად ხომ არ არის. 80 წლის ქალბატონს თანაკლასელები, რომლებიც  ცოცხლები არიან,  „სმენაზე ყავს დაყენებული“.   თვე არ გავა, რომ არ შეიკრიბონ ან ერთმანეთს არ შეეხმიანონ. მაგის იმედი ნუ მოგვიშალოს ღმერთმა. 25 წლის ახალგაზრდას გააკვირვებს თავისი ენერგიულობით და შემართებით.  რაღაც მიზიდულობა აქვს. სულ მასთან  მივდივართ.  რომ ვერ ვნახავთ, რაღაც გვაკლია იმ დღეს, - სამეზობლოს სახელით გვესაუბრება პედაგოგი, ნატო ნიკოლაიშვილი. ქალბატონი კლარა კი შენიშვნას აძლევს, რა ამბავია ამდენი ქება, ადამიანი იმიტომ მოდიხარ ქვეყნად, ადამიანი და საქმე გიყვარდეს, საქმეში  კი გული ჩადო და თუ ასე იზამ, სიცოცხლეს და კეთილ საქმეს დასასრული არ  ექნებაო. „გურია ნიუსი“ 80 წლის იუბილეს ულოცავს  კლარა თავართქილაძეს _ მედიკოსს, პირველ ბაზიერ  ქალბატონს და ქვეყნის  ხუთგზის ჩემპიონს ამ საქმეში.  ქალბატონს,  რომელმაც თავისი პროფესიებით,  შეუფასებელი ამაგი  დასდო ადამიანის  განკურნების  და  ახალგაზრდა თაობების  ქუჩის გავლენისგან და დანაშაულში ჩათრევისგან  დახსნის  ... ...
  • რომელ ქალაქებში და რომელი კლასის მოსწავლეები დაბრუნდებიან სკოლებშიმთავრობის ადმინისტრაციის უფროსმა, ნათია მეზვრიშვილმა საკოორდინაციო საბჭოს სხდომის შემდეგ გამართულ ბრიფინგზე განაცხადა, რომ 1-ლი ოქტომბრიდან თბილისში, ქუთაისში, რუსთავსა და ზუგდიდში 1-6 კლასების მოსწავლეები საკლასო ოთახებში დაბრუნდებიან. „ყველგან, სადაც დღეს სწავლა დისტანციურად მიმდინარეობს, გარდა აჭარის რეგიონისა, 1-ლი ოქტომბრიდან 1-6 კლასების მოსწავლეები საკლასო ოთახებში დაბრუნდებიან. ეს ეხება თბილისს, ქუთაისს, რუსთავსა და ზუგდიდს. რაც შეეხება ფოთს და გორს, 1-ლი ოქტომბრიდან საკლასო ოთახებში აბსოლუტურად ყველა მოსწავლე დაბრუნდება. გარდა ამისა, მშობლებს ექნებათ დისტანციური სწავლების მეთოდის არჩევის შესაძლებლობა. რაც შეეხება უმაღლეს სასწავლებლებს, ამ ეტაპზე იქ სწავლა დისტანციურად გაგრძელდება“, - განაცხადა ... ...

არქივი

ტესტები

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ ყველაზე, ყველაზე...

იცი თუ არა გეოგრაფია

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...